رواية جواز مسيار البارت الرابع بقلم حنان حسن في موسوعة القصص والروايات جميع الفصول كامله وحصريه
رواية جواز مسيار البارت الرابع بقلم حنان حسن في موسوعة القصص والروايات جميع الفصول كامله وحصريه
رواية جواز مسيار البارت الرابع بقلم حنان حسن في موسوعة القصص والروايات جميع الفصول كامله وحصريه
جواز مسيار
الجزء الرابع
للكاتبة..حنان حسن
بعدما اتصدمت بالمعلومات الي عرفتها ...عن( محمد)
الشاب الوسيم.. الامور... الشيك
الي المفروض انه مات محروق
في بيتة من سنة
مع انه لسة كان موصلني
من كام ساعة
رجعت للبيت مع سواق العربية الاجرة..
وانا سرحانة ...ومزهولة..
و دماغي تكاد تنفجر
من الحيرة... والتفكير
وفي اثناء ما كنت سرحانة
قطع شرودي
صوت رنين الموبيل بتاع السواق
وسمعت السواق بيرد
وفهمت من المكالمة
ان المتصل صديق للسواق
وعنده مشكلة مع اهل خطيبتة
وبيفكر يلغي الجواز ويسيب عروستة
والغريبة ...
اني لقيت السواق
بيشجعة انه يسيبها ويفشكل الخطوبة
وبعد ما السواق قفل الموبيل
سمعتة بيكلم نفسة
وبيقول
احسن خليها تعنس
فسالتة
قلت...هي مين دي؟
فا رد السواق
وقالي..خطيبة صاحبي
اصل صاحبي راح يخطب واحدة كان
بيحبها من زمان
لكن...
لما قعد مع ابوها
لقي طلباتة شبة تعجيزية
قلت...يعني ايه ؟
قال..
يعني مثلا ...
اهلها عايزين دهب.. وشبكة.. وقايمة
بالشيئ الفولاني
ده غير القاعة... والكوافير والفستان... والخ... الخ
وكل ده
بارقام فلكية بقينا نسمعها..
واديكي شايفة جرام الذهب بقي بكام اليومين دول؟
وصاحبي يا ولداه
زيه زي كتير من الشباب
بيقبض ٣...او٤ الالاف جنية
بيدفع منهم مواصلات...
واكل... وشرب... وعلاج
وجمعية
بيحاول يجمد منها قرشين يتجوز بيهم
يعني الي جاي علي اد الي رايح
وفي عز ما هو بيفكر يجيب ثمن الشبكة منين
لقي ابوها بيشترط عليه
يجيب اوضة اطفال ..
فوق اوضة النوم والانترية
طيب لزمتها ايه اوضة الاطفال دلوقتي يا عم الحاج؟
يقولة...
عشان بنت عم العروسة
جايبة اوضة اطفال
ومينفعش بنتي تبقي اقل من بنت عمها
وغيره وغيره
من الطلبات الي ملهاش لازمة
عشان كده طلبت منه يسيبها تعنس احسن
وسالني السواق
وقالي..بزمتك يا استاذة
الشباب هيعملوا ايه وهيجيبوا منين
في ظروف الغلي دي؟
ويتجوزوا ازاي؟
قلت ...
ايوه فعلا
تكاليف الجواز بقت مبالغ فيها اوي
فا رد السواق بيأس
وقالي..
يلا..
خليهم يصعبوا الحلال
ويسهلوا ال..زنا ...والحرام
قلت..ليه بتقول كده؟
قال...ايوه...
مهو لما يصعبوها علي الشباب
نسبة العنوسة هتزيد ...
وحالات التحرش... والاغتصاب...
والجواز العرفي المضروب برضوا هيزيدوا
فيها ايه يعني لما تبقي الطلبات في المعقول ؟
ولما هسلها النهاردة علي جوز بنتي
بكرة غيري هيسهلها علي ابني
بعدما سمعت كلام السواق
وفهمت وجهة نظرة
سكت خالص
وبدات افكر في فريال
ومشروعها المربح
ولقيتني بقول لنفسي
انا دلوقتي فهمت
لية فريال فاتحة مكتب جواز ؟
ومركزة علي جواز المسيار بالذات؟
لانها عارفة ان معظم الشباب مفلس
وكل شاب نفسه يتجوز
لكن ايدية مش طايلة
ولما فريال تيسر جواز مجاني
الف مين هيجي
ويدفع عمولة بالالالفات
كل يوم لفريال
عشان يتجوز بدون تكاليف
وهي تنصب وتاخد العمولة وتهرب
فعلا صدق السواق
المبالغة في تكاليف الجواز
مش بس سهلت الحرام
لا ..دي كمان
خلت كتير من الشباب يقعوا ضحية للنصب
من فريال ...وغيرها
وفي اللحظة دي
حسيت اني كنت شريكة مع فريال
في استغلال ظروف كتير من الشباب الغلابة
وبدات اسال نفسي
واقول..
طيب وبعدين؟
انا هفضل مشاركة معاها
في النصب الي هي بتعملة ده؟
طيب بس هعمل ايه ؟
وهسيبها واروح فين؟
المهم...
فضلت شاردة بذهني و سرحانة
لغابة ما وصلني السواق لبيت فريال..
وهناك نزلت من العربية
ودخلت الشقة ....
وانا بحاول اكدب عنيا ...
وعقلي بدء يرفض انه يصدق
اي حاجة من الي حصلت
.وفضلت افكر في كل الي حصل تاني
واقول...
يعني ازاي عزة عايشة...بالرغم من ان جثتها اتدفنت؟
وازاي محمد صاحب البيت مات من سنة
وهو لسة موصلني وجايبلي ورد؟
وازاي البيت اتحرق؟ وامتي؟
دنا كنت هناك امبارح ولسة راجعة منه النهاردة؟
معقولة يكون الي حصلي ده كلة تهيؤات؟
ولقيتني استحسنت الفكرة
وقلت
ايوه...هي تهيؤات ...
او ممكن يكون ....حلم
ورجعت بصيت لباقة الورود
الي انا اخدتها من محمد
وقلت.
.لا ..
.مش تهيؤات
بدليل ان باقة الورد حقيقة ملموسة اهية
وفضلت اخد وادي مع نفسي
لغاية ما سمعت صوت رنين الموبيل
فا بصيت علي رقم المتصل
لقيته بدون رقم
فا رديت
وقلت... الوووو
فا سمعت صوت مخنوق بيرد عليا
وبيقولي...مش هسيبك يا صباح
فا رديت بغضب
وقلت..
مين معايا؟
فا ردت صاحبة الصوت
وقالت..
انا عزة
قلت...عزة مين؟
فا ردت تاني
وقالتلي...
عزة الي وثقت فيكي و انتي
( قتلتيها)....
لكن انا مش هسيبك...
وهدمر حياتك
ووعد مني
نهايتك هتبقي
علي ايدي
قلت...استني بس فهميني ؟
انتي عزة مين؟
وقتل ايه الي بتتكلمي عنة؟
وبدل ما اسمع اجابة عن اسألتي
لقيتها قفلت الموبيل في وشي
فا قلقت من المكالمة الغريبة دي
وبسرعة حاولت اتصل بعزة
علي رقمها... الي انا اعرفة
عشان اشوف دي عزة بجد؟
ولا واحدة بتشتغلني...
ولا بتعمل فيا مقلب؟
لكن...
لقيت رقم عزة ما زال مقفول
فا قلت اتصل علي فريال
عشان اقولها علي الي حصل مع عزة
بس برضوا...
لقيت موبيل فريال كان مقفول برضوا
فا ارتبكت ومبقتش عارفة
اعمل ايه
واثنا ما كنت بحاول اتصل علي فريال تاني
سمعت صوت حركة في اوضة عزة المقفولة
فا شكيت اني اكون بيتهيالي
او.... سمعت غلط..
وقلت... اكيد برضوا بيتهيالي
وممكن يكون مصدر الصوت جاي من جهة تانية
لكن...
شوية وسمعت صوت ضحكة ..(واحدة ست)
جاية من اوضة عزة برضوا
فا اترعبت ..وقمت وقفت بسرعة ...
وانا بقول...
لا بقي
. اكيد في حد في الاوضة
واقتربت من اوضة عزة بحذر
عشان اشوف ان كان في حد فيها ؟......ولا لا؟
وكان لازم عشان اعرف
مين الي في الاوضة
اني اتجراء و افتح الباب
وفعلا...قاومت حالة الهلع
الي انا كنت فيها
وفتحت الباب بسرعة
وبعدما الباب اتفتح
فضلت ابص في الاوضة كلها
هنا وهناك
والغريبة ان مكنش في اي حد في الاوضة
فا لقيت نفسي برجع لورا
وانا مرعوبة
وفي اثناء رجوعي
اتفاجئت بان النور قطع فجاءة
وده طبعا زود من حالة الهلع
الي انا فيها
فالقيتني طلعت اجري ناحية باب الشقة
وانا بحاول اهرب باي طريقة من الرعب ده
لكن للاسف...
اثناء ماكنت بجري في الضلمة..
اتكعبلت ووقعت علي الارض
وفي اللحظة دي ..
سمعت صوت عزة
المخنوق..
بيقرب من وداني اكتر
ايوه هو صوت عزة
وهو نفس الصوت
الي سمعتة في الموبيل
من شوية
وسمعتها بتقولي..
.جه وقت الحساب
فا فضلت اصرخ...اصرخ من الرعب الي حسيت بيه
وحاولت استغيث باي حد
لغاية ما سمعت صوت تاني
قوي... ومخيف
رج اركان الشقة
بس المرة دي الصوت كان لراجل
والصوت كان جاي من وسط الظلام الحالك
وسمعتة بيحذر
وبيقول...
متتعديش الحدود
وابعدي عنها
بدل ما احرقك
وفعلا ...
الصوت النسائي اختفي تماما
بعد التهديد الي صدر من
صاحب الصوت الرجالي
ومش بس كده
لا...ده النور رجع كمان
والغريبة اكتر
ان بعد ما النور رجع
بصيت حواليا
وبرضوا ملقتش اي حد موجود في المكان
فا فضلت انهج بشدة...
وكنت حاسة
ان ضربات قلبي كانت سريعة لدرجة رهيبة
و ريقي نشف فجاءة
فا وقفت امسح في عرقي
من الخضة
وكنت محتاحة اشرب حبة مية
فا روحت علي المطبخ
عشان اجيب المية
وفي المطبخ...
اتصدمت بمفاجئة
اشد... وافظع
مفاجئة...
مكنتش ع البال ولا ع الخاطر
والمفاجئة هي...
اني شوفت( محمد) ادامي
في المطبخ
فا صرخت ...وفضلت اترعش
وانا بحاول استوعب الي شايفاة عنيا
وبقيت اسال نفسي
واقول...
مش هو ده محمد الي...
جابلي الورد؟
وقالولي انه مات محروق؟
ايوه هو...
بس ازاي دخل هنا؟
وحاولت احسبها بالعقل والمنطق
ورجعتت اقول لنفسي
طيب ما يمكن الي ادامي ده
واحد فيه شبة من محمد صاحب البيت الي مات؟
و بيستغل تطابق الشبة
الي بينة وبين محمد
عشان يعمل نصباية او اي جريمة؟
ايوه ...ايوه
انا فهمت...اكيد ده شخص نصاب...
وبيحاول يستغلني في جريمة ناوي يعملها
وكل الي بيحصل ده
شغل عليا
عشان اصدق قصة العفاريت؟
والكلام الفارغ ده
بس علي مين؟
هو فاكرني بصدق الخزعبلات دي؟
ده ما عفريت الا بني ادم
بس انا برضوا
لازم اعرف هو عايز ايه مني بالظبط
وفي اللحظة دي
قررت اعمل ان حوار العفاريت دخل عليا
لغاية ما افهم الي في دماغة
فا استجمعت اعصابي وهدوئي تاني
ووقفت ابصلة
وهو قاعد ومرحرح في المطبخ
ولاحظت انه من بجاحتة
كان...
بيجهز اكل كمان
فا فضلت ابص بعيني وادقق النظر
في ملامحة كويس
بدون ما اوجه لة اي كلمة
وفي اللحظة دي
لقيت محمد بيبتسملي بهدوء
وبيقولي...
عارف انك واقعة من الجوع
خلاص انا بقطع في اخر خيارة في السلطة
لكن...المكرونة والبانية خلصوا
خلاص
وجاهزين ع الغرف
روحي بسرعة هاتي الاطباق
يا صبوحة
متقفيش زي خيبتها كدة
انجزي يا بت الاكل هيبرد
في اللحظة دي
اتعصبت عليه
وسالتة...
قلت...اكل ايه؟ واطباق ايه؟
انت مين ؟
ودخلت هنا ازاي اصلا؟
فا رد محمد
وقالي...
بزمتك ده منطق؟
يعني عايزاني اقعد احكي معاكي
ونسيب البانية يبرد؟
في اللحظة دي
خرجت عن هدوئي
وصرخت فيه
وقلتلة
...
اسمع يا جدع انت
انا اعصابي تعبانة لوحدها
والدنيا خربانة معايا خلقة
يعني مش ناقصاك انت كمان
فا تعالي دوغري كده
وقولي...
انت مين؟
وعايز مني ايه؟
فا بصلي محمد بشفقة
وقالي ..
حاضر...
المرة دي هعترفلك بحقيقتي
بصراحة بقي...
انا .. ( زعيم الجن الازرق)
بعد ما سمعت ردة المستفز
لقيتني برد...
با الرد الوحيد
المناسب لاستعباطة
وقلت...
وحياة خالتك؟
وفي اللحظة دي
بصلي ...محمد وهو بيهز اكتافة
وقالي...
هي دي الحقيقة
وعموما..
لو مش عايزة تصدقي؟ براحتك
فا رديت عليه باستهزاء
وقلتلة...
يا بني ...ما عفريت الا بني ادم
جن ازرق ايه الي بتتكلم عنة؟
فا رد محمد
وقالي....
اصبري بس يا صبوحة
وانا هحكيلك حكايتي
وساعتها
هتفهمي انا مين وعايز منك ايه؟
قلت.. طيب انجز في الكلام وحياة ابوك
عشان انا معنديش صبر
فا قالي...
حاضر
وبدء محمد في السرد
وقالي..
الي قدامك ده
كأن قائد عشيرة الجن الازرق
والكل بيعملة حساب
وفي يوم..
قالولي ان فيه واحدة من الانس
اتصابت باذي
من الجن الاحمر
بسبب....
انها كانت
بترمي المية المغلية
في قاعدة الحمام
بدون ما تقول ( دستور)
فا اتعرضت للاذي من الجن الاحمر
وطلبوا مني اعالجها...
وازيح عنها علتها
بس انا اول ما شوفتها حبيتها...ووقعت في غرامها
م الاخر ..
صابني العشق
فا طلبت اتجوزها ...
ولما موافقتش علي الجواز...
صبيت عليها لعنتي...
وحكمت بان شبابها يروح باليل..
ويرجع لها بالنهار...
وبصراحة بقي..
البنت الي انا عشقتها
هي انتي يا صباح
في اللحظة دي
رديت
وقلتلة...يا محنووو
يعني انت جاي دلوقتي تقنعني انك جن عاشق؟
قال...ايوه
قلت ....
يبني الرواية الفكسانة دي
انا لسة مالفاها النهاردة الصبح
يعني ملحقتش انساها
فا اية...؟؟؟
في دماغك رواية تانية تشتغلني بيها ولا ايه؟
فا رد محمد بحزن
وقالي...صدقيني يا صباح انا مش بكدب عليكي
انا زعيم الجن الازرق فعلا
وجاي عشان اتجوزك
قلت..تمام
انا هسلم معاك انك انت زعيم الجن الازرق
انا بقي مفروض اعمل ايه دلوقتي؟
انزل معاك تحت الارض عشان نحتفل بجوازنا؟
ولا هنقضي شهر العسل مع بعض في قاعدة الحمام؟
فا رد محمد وهو متحمس لكلامي
وقالي...
يخربيت فراستك
ازاي فهمتي الي في دماغي ؟
بصراحة ...
ملقتش تعليق ارد بيه
وبدل ما اصبر اكتر من كده ويجرالي حاجة
صرخت في وشة بعصبية وغضب
وشوحت بايدي ناحية باب الشقة
وقلتلة...
اتكل علي الله يا عم انت من هنا
وخد البانية والمكرونة بتوعك معاك
قبل ما يبردوا ..
وحذار اشوف وشك هنا تاني
فا فكر محمد شوية
وبعدين
قالي...
عندي فكرة؟...
تثبت صدق كلامي
اديني بس فرصة...
وانا هديلك الدليل
علي كل كلمة بقولها...
عشان اكدلك اني فعلا مخلوق من الجن
قلت...هات دليل؟
قال...
الموبيل بتاعك بيرن دلوقتي
فا ضحكت وقلتلة
موبيلي بيرن؟
لا والله؟
ده ايه الاعجاز ده؟
دا بمعجزاتك دي
ممكن تكتشف لوحدك
ان الموبيل بتاعي
فيه منبة... ونغمة رنين؟
خلاص تمام..
انا كده صدقت انك عفريت فعلا
اتكل علي الله بقي وغور من هنا
فا قاطعني محمد
وقالي...
اصبري شوية واسمعيني
الموبيل في شنطتك وانا لسة مشوفتش المتصل
بس من قبل ما اشوفة
انا عارف ان الي بيتصل بيكي هي
فريال (فراولة)
ولما تردي عليها
هتقولك انها هتوقف الشغل اليومين دول
عشان هي وجوزها عندهم كورونا
في اللخظة دي
جريت بسرعة ع الشنطة وفتحتها..
وخرجت الموبيل الي كان مازال بيرن
ولما بصيت ع المتصل
لقيتها فعلا فريال
فا فتخت بسرعة ورديت عليها
وقلت...
ايوه يا ست فريال
فا ردت عليا بغضب
وسالتني
وقالتلي..
الموبيل بتاعك مقفول ليه من امبارح يا هبابة انتي؟
قلت...معلش فصل شحن
ومكنتش واخده بالي
قالتلي
انا بتصل بيكي دلوقتي عشان اقولك
اني انا وجوزي عندنا كورونا..
وجوزي حالتة سيئة لدرجة انه محجوز في المستشفي دلوقتي
فا مش هنقدر نفتح المكتب
علي الاقل لمدة اسبوع
لغاية ما نستعيد صحتنا
بس طبعا مش هاوصيكي...
وفضلت فريال تملي عليا
الوصايا العشر
الي مسمعتش منهم ولا كلمة
لاني في اللحظة دي
مكنتش مركزة مع باقي كلامها
وكنت مركزة بس في امر محمد الي هيجنن امي
مهو لازم افهم..
ازاي محمد قدر يمنع عني اذي عزة
الي كانت هتخلص عليا من شوية؟
وازاي دخل البيت؟
وامتي ؟
وازاي محمد عرف ان الي بتتصل فريال
من قبل ما اطلع الموبيل من الشنطة
وازاي كمان عرف مضمون المكالمة ؟
الاسالة دي كلها
خلتني اربط تاني
بين محمد الي عملي البانية... والمكرونة دلوقتي
ومحمد الي مات محروق من سنة
لا استنوا لحظة معلش
يعني مفروض اني انا اقتنع
ان محمد الي مات محروق
من سنة
جاي دلوقتي وبيعملي مكرونة... وبانية....
وبيجبلي ورد؟
ينهار مش فايت
دا يظهر اننا هنقضي شهر العسل في قاعدة الحمام بجد
المهم...
رجعت تاني اشك ان محمد مخلوق من الجن فعلا
فا احترمت نفسي وبدات اتكلم معاه بادب
وحاولت اخلية يحكم العقل
عشان يقتنع
ان مينفعش نتجوز ولا حتي تنشئ بينا اي علاقة
فا قلتلة
بص يا اخ محمد
عشان يبقي الجواز ناجح
لازم يكون فيه تكافئ بين الزوجين
وانا مخلوقة من طين
وانت مخلوق من نار
يعني مفيش اي تكافئ
فا لو عايز تتجوز
روح اتجوز مخلوقة من جنسك جنية زيك يعني
لان انا منفعكش
فا بصلي محمد
وقالي...خلاص فات اوان
الكلام ده
انا شوفتك في احلامي
وطالما شوفتك في احلامي...
مقدرش ارتبط بحد تاني
يعني مهما قولتي ايه
مش هقتنع
قلت....ايوه بس....
وقبل ما اكمل كلامي
قاطعني محمد واخدني من ايدي
وقالي...
بقولك ايه
انا عندي اقتراح
قلت..اقتراح ايه
قال..
بما انك هترتاحي من فريال والشغل اسبوع
ايه رايك تاخدي اجازة الاسبوع ده
ونعيش فيه مع بعض
عشان (نقيم العلاقة)
في اللحظة دي
قلبت ع الوش التاني
ورديت علية بغضب
وقلتلة..علاقة مين يا ابو علاقة؟
انا لا عايزة اعمل علاقة ...
ولا حتي عايزة اتجوز
فا رد محمد
وقالي...يا بنتي افهميني
احنا هناجل الكلام في موضوع الحواز لغاية ما نعرف بعض
كل واحد فينا يشوف العيشة مع التاني
هتبقي عاملة ازاي؟
با اختصار
هنشوف الانس والجن
لو ارتبطوا
هيرتاحوا مع بعض في بيت واحد ولا لا؟
وقبل ما محمد يكمل اقتراحة الغريب ده
وقفتة في الكلام
وقلنلة..
اقتراحك مرفوض طبعا
اسبوع اية الي عايز تقضية معايا في شقة واحدة؟
هو اي كلام اهبل وخلاص؟
انت اكيد
عايز تبرشت عليا
فا بصلي بتعجب
وسالني
وقالي...ترجمي ؟
يعني ايه تبرشت دي؟
قلت...تبرشت جاية من البراشوت
يعني تنزل فجاءة زي البراشوت
و ترشق في اي مصلحة
م الاخر
انت عايز تعيش علي حسابي لمدة اسبوع (سفلقة يعني)
اوممكن تكون حد متحرش
وفي دماغك افكار قذرة
عشان كدة بتطلب تعيش معايا اسبوع
فا رد محمد
وقالي
افكار مين يا ام افكار؟
اولا..... لو علي الاستضافة والمصاريف
فا انا الي هبقي مسؤال عنك في الاسبوع ده
وهوفرلك كل حاجة انتي عايزاها
اما بقي بالنسبة للافكار القذرة
فا انا اصلا مينفعش اجي جنبك ولا المسك
قلت...لية متوضي ؟
فا رد محمد
وقالي...
لا.... بس في عشيرتنا
ممنوع اني المس واحدة انسيةمن البني ادمين
بدون جواز
لان ده متحرم عليا
وممكن لو خالفت الااومر
اتحرق ....واموت
يعني شيلي الافكار القذرة الي في دماغك دي خالص
بعدما سمعت كلامة
سالتة
قلت..
طيب و بعد الاسبوع ما يخلص؟
قال... اوعدك بعدها
انك لو قولتي مش عايزة اكمل معاك
ورفضتي الجواز متي
هسيبك واختفي من حياتك
في اللحظة دي
لقيتني فكرت بيني وبين نفسي
وقلت...
يظهر اني لازم اوافق ...
و اجرب اني اعيش مع الجن العاشق اسبوع
طالما دي الطريقة الوحيدة الي هتخلصني منه
واثناء ما كنت بقلبها في دماغي
سمعتة بيسالني
وبيقولي...
ها قولتي ايه؟
فا هزيت راسي
وقلت...
طالما مش هتقرب ناحيتي
ولا تلمسني ..
والقاعدة هتبقي علي حسابك
يبقي... (موافقة)
وبمجرد ما وافقت
شوفت ابتسامة عريضة اترسمت علي وشة الجميل
وكان واضح انة فرحان اوي
بموافقتي
فسالتة
وقلتلة...
انت طلعتلي منين؟
وليه فرحان اوي كده بوجودك معايا؟
فا رجع يتنحلي تاني
وفضل يبصلي تاني بدون ما يتكلم
وفي اللخظة دي
شوفت في عنية كلام مقالهوش لسانة
فا غيرت الموضوع
وقلتلة..
انا بقول اننا ناكل المكرونة
و البانية قبل ما يبردوا
وفعلا..اتغدينا ....وشربنا الشاي
وبعد شوية
سالني محمد
ان كنت عايزة اخرج معاه؟
واقترح اننا...
نروح الملاهي
لكن انا رفضت
وقلتلة.... اني عايزة انام
فا دخل محمد ينام في اوضتة
وبعد شوية...
سمعت صوت اغنية
لكاظم الساهر
كلماتها بتقول...
اخاف ان تمطر الدنيا ولستي معي
فا رجعت استغرب تاني
من حكاية سي محمد
الي مبقتش فاهمة هو يطلع ايه بالظبط؟
ورجعت اسال نفسي تاني
واقول..
هو في عفريت بيسمع كاظم؟
وياكل بانية ومكرونة ؟
ويبقي عايز يروح الملاهي؟
لا انا كدة بدات اتوغوش
وفضلت افكر بيني وبين نفسي
هما العفاريت ينفع ياكلوا اصلا؟
لا انا لازم اتاكد ان كان عفريت فعلا ولا لا
وبسرعة فكرت
في كلامة
لما قالي...
انه لوقرب من واحدة انسية
من البني ادمين هيتحرق
وكان الحل الوحيد اني اقرب منه ...والمسة
عشان اشوف ان كان عفريت وهيتحرق ولا.......؟
وفعلا مكدبتش خبر
روخت و دخلت علية الاوضة و......؟
لو عايز باقي احداث الرواية اعملوا انضمام من هنااااااااااااا
تكملة الروايه اضغط هناااااااا
تعليقات
إرسال تعليق