رواية حاسدات كامله بقلم محمد محمود في موسوعة القصص والروايات جميع الفصول كامله وحصريه رواية حاسدات كامله بقلم محمد محمود في موسوعة القصص والروايات جميع الفصول كامله وحصريه  |
رواية حاسدات كامله بقلم محمد محمود في موسوعة القصص والروايات جميع الفصول كامله وحصريه
صحيت لقيت نفسي نايمة وسط القبور !؟
والدنيا ليل وسامعه صوت الكلاب في كل مكان
معرفش انا جيت هنا ازاي..ونايمه على الأرض ؟؟
سامعه صوت حاجات غريبة وفي ناس بتصرخ ..سمعاهم بودني كويس في ناس بتتعذب تحت الارض
قومت من مكاني وبصيت حواليا لقيتني فعلا في المقابر ..ومافيش اضاءة .. غير نور ضعيف من القمر
طلعت اجري ..وانا سامعه حاجه بتجري ورايه ومش قادره ابص ورايا اشوف في ايه ؟
لحد ما طلعت عالطريق .. ومافيش ولا عربية معديه فضلت ماشيه عالطريق أملا في اني الاقي حد يوصلني
لقيت عربية واقفه بعيد ..جريت عليها واول ما وصلتلها طلعت عربيتي استغربت انا جيت هنا بعربيتي ؟؟
فتحت العربية كانت متسابه مفتوحه دورت على مفتاحي لحد مالقيته في العربية ورجعت على البيت
أمي وابويا أول ما دخلت خدوني بالحضن وقعدوا يعتذرولي ؟
بابا قالي اسف اني ما صدقتكيش لما قولتلي انك حاسه بحاجه مش طبيعيه بتحصلك ..أنا هجبلك الشيخ بكرة
أوعي تزعلي مني يابنتي انتي أغلى حاجه عندي وخدني في حضنه وكنت سامعه بكائه
أنا ريم عندي 28 سنة .. فرحي بعد بكرة ..
هتجوز ياسر أخيرا بعد حب 7 سنين من أيام الجامعة
علاقتنا هي العلاقة المثالية لاي اتنين بيحبوا بعض ..
واحده بتصبر على حبيبها لحد ما يجهز ويتقدملها
وواحد وفى بوعده وحافظ عليها لحد ما يجي يتقدم
اخر مرة اتقابلنا فيها من 3 أيام في عيد ميلادي اللي عملناه في كافيه
وكل صحباتي جم وطبعا ياسر وخدت هدايا كتير وكان فاضل 5 أيام تقريبا على فرحي
دي أحلى أيام حياتي فعليا .. بس مش عارفه رجعت من عيد ميلادي ..واتفرجت على الهدايا
ولما جيت انام سمعت صوت اللاب بيشتغل .. مع اني فاكره اني سايباه مفصول وتاني يوم لقيت صورتي بزي التخرج اللي متعلقه في غرفتي مقلوبه ومتعلقه على الحيطه
مابقتش فاهمه في أيه ؟ وبعدها اسمع صوت الموبايل بيطلع صوت وش زي ما يكون ارسال راديوا وحاجات غريبه ..
لحد اخر حاجه حصلت .. كنت سامعه صوت حد بيبكي وانا نايمه بليل فضلت خايفه لاني سامعه الصوت قريب مني
بس قومت بالراحه جدا من سريري ولقيت الصوت جاي من الدولاب
صوت بكاء بنت صغيرة جسمي كله قشعر .. مشيت بالراحه جدا وقومت قافله الدولاب بالمفتاح
وقربت ودني على الباب سمعت صوت بكاء واحده جوه ..
فضل عياطها يزيد لحد ما فجأة وانا حاطه ودني على باب الدولاب لقيتها بتصرخ ناحيه ودني
وبتحاول تكسر الباب انا اتخضيت وقلبي كان هيقف .. طلعت اجري على باب الاوضه
فتحت الباب وطلعت الصاله اهلي كانوا نايمين مارضتش أصحيهم واقلقهم معايه مع اني كنت خايفه جدا
لحد ما الصوت راح تماما .. رجعت الاوضه تاني وانا بمشي بالراحة ..
وولعت النور قبل ما ادخلها وأتخضيت لما لقيت ...
يتبع ...
حاسِدات
حاسدات الجزء الثاني
وولعت النور قبل ما ادخلها وأتخضيت لما لقيت دولابي مفتوح ؟!!
والهدوم واقعه من الدولاب على الارض فضلت قاعده في الصاله للصبح خايفه انام في اوضتي ولما بابا صحي حكيتله قالي بطلي دلع مافيش حاجه ..وخشي نامي فرحك بعد بكره
الكلام نكد عليا اكتر من خوفي فدخلت انام .. وصحيت وكان حصل اللي حصل لما لقيت نفسي في القبور
قطع تفكيري صوت جرس الباب.. أمي قامت تفتح وقالتلي اكيد دا الشيخ رفعت
بابا بيقولي ان الراجل ده مبروك دخل وفضل يلف الشقة كلها ويرش ملح في كل حته
وبعدها قرب مني وفضل يقرأ عليا شوية حاجات حسيت بتنميل في جسمي كله
بعدها لقيت بنت صغيره واقفه عند باب اوضتي شايفاها ومش عارفه انطق ولا كلمه
فضلت باصه عليها وببص على اهلي وهما يبصوا على اوضتي ومستغربين وفهمت انهم مش شايفنها
جه الشيخ قام وفضل يسالني وانا مش عارفه انطق اي كلمه وقام رايح ناحيه اوضتي البنت جريت ودخلت الاوضه
بعدها دخل الاوضه ولقيتني بقوم وبدخل وراه لقيت البنت واقفه عند هدايا عيد ميلادي وفضلت باصه للهدايه
قام الشيخ فضل يفتح الهدايه كلها لحد ما لقيت البنت بتصرخ وانا بصرخ
لقيتها بتقول اطلع بره والا هقتلك .. بس بشفايفها وصوتي انا اللي بيتكلم على لسانها
الشيخ قالي مش طالع .. انتي مين .. قولتله انا اللي هقتلك لو ماطلعتش برة .. بعدها اهلي مسكوني كلهم وكتفوني
قام الشيخ فتح هديه لقاها علبه ميك أب فضى العلبه على الارض وقام كاسرها لقينا جواها قماشه فيها دم وعضمه وورقه مكتوب عليها اسمي .. قام ماسك الورقة دي وحطها في مياه وفضل يقرا عليها لحد ما البنت فضلت تصرخ
وانا جسمي فضل يوجعني حاسه ان روحي هتطلع لحد ما البنت اختفت حسيت ان حمل كبير اتشال من على كتافي
حسيت اني رجعت طبيعيه بس حاسه بوجع رهيب في كل جسمي
فضلوا يسندوني لحد ما نيموني عالسرير وانا مش عارفه مين اللي اداني الهديه دي
بعدها صحيت تاني يوم لقيت البيت كله فرحان ونزلت للكاوفير النهارده يوم فرحي
وفعلا اليوم عدى بشكل جميل وياسر كان مخضوض عليا اول ما جيت قالي كنتي فين بتصل عليكي
وشكلك تعبانه ليه قولتله مافيش وهحكيلك بعدين .. واخيرا الفرح خلص وروحنا عالفيلا انا وياسر
ولقيته جايبلي شكولاتات كتيره من اللي بحبها والبيت كله شموع .. بس ياسر كان شكله متغير ومش على طبيعته قولت اكيد من مجهود الفرح والتوتر
بعدها اتعشينا سوى ودخل ياخد شاور وانا مستنياه في الصاله بعدها ببص على اوضتي لقيت البنت واقفه وبتبصلي وهي بتبكي وماسكه سكينه كبيرة....
يتبع ...
حاسدات الجزء الثالث والاخير
قلبي اتخطف وما بقتش عارفه اعمل ايه ومش عارفه اتحرك .. ياسر بعدها طلع وقام باصصلي وقالي جبتي الشيخ ليه ؟
قولتله شيخ ايه ؟ انت عرفت منين ؟ بعدها البنت دخلت غرفتنا .. قالي انا اللي كنت عاملك العمل عشان اعرف انتي بتحبيني بجد ولا طمعانه فيا .. قولتله ياسر انت بتقول ايه ؟ طمعانا فيك ازاي ؟ قالي انا حاسس انك مش بتحبيني وانك متمسكه بيا عشان فلوسي وعيلتي .. والغرض من العمل ده انك تقولي كل اللي جواكي لما اقابلك من غير كذب
بس انتي ماقابلتنيش والراجل اللي عامل العمل قالي انه اتفك .. فجينا نعمل عمل تاني قالي الجنية اللي كانت بتنفذ اتفكت عن طوعه بسبب الشيخ بتاعك .. انا دلوقتي شايفها زي مانتي شايفاها دلوقتي
والعمل دا الغرض منه انها تقتل اللي بيكذب فينا .. قولتله ياسر انت اكيد مجنون انا مش هشارك في العبط ده
قالي هتلعبي معايه .. هسالك سؤال وتسأليني سؤال والكذاب هيموت مهما كان السؤال
وقالي عشان تعرفي اني بحبك وقام قاعد جنبي عالكنبه ..قالي انتي اللي هتسالي الاول يلا ..وقالي خلي بالك لو فضلتي ساكته اكتر من عشر ثواني ما ردتيش على السؤال يعتبر كذب فهتموتي فردي بالصراحه بسرعه يلا اسئلي
مقدرتش امسك نفسي وفضلت اعيط .. بعدها بصيتله وسالته انت شاكك فيا بسبب أمك صح ؟
لقيت البنت ظهرت وسطنا وماسكه السكينه عند قلب ياسر وبتبرقله ياسر عرق وبصلي وقام ضاحك وقالي صح
راحت البنت مرجعه السكينه قالي دوري .. قالي انتي اتجوزتيني عشان فلوسي صح ؟؟
البنت بصتلي وقربت مني السكينه قولتله مش صح مش صح ياغبي
قامت مرجعاها ياسر اتخض وحس انه فعلا ظلمني .. وقالي دورك
قولتله انت عارف اللعبه دي المفروض تخلص بعد كام سؤال صح ؟
لقيته عرق وبدأت عينه تدمع قالي لا
قالي طيب عندك فكره ..بصيتله وقولتله أيوه عندي
قالي هيا ايه .. قولتله بتحبني لدرجه انك تموت عشاني
البنت قربت منه السكينه وهوا اتوتر جدا .. قالي لا
قالي انتي بتحبيني ؟ قولتله لا
بعدها قولتله هتوحشني ... قالي انا مش هخسر واموت اي سؤال هجاوبه بصراحه وانقذ نفسي
قولتله أنا عارفه اسم حبيبتك القديمة انت قولتلهولي قبل كده صح ؟
ياسر عرق لانه بينسى هوا حكالي ايه .. فضل يفكر هوا قالهولي قبل كده ولا لا بعدها ضحك وقالي يابنت الكلب
ساعتها عدت 10 ثواني وقامت البنت مدخله السكينه في قلبه وراح مرمي على الارض والبنت اختفت
فضلت اعيط كتير .. واشتم فيه بعدها قومت ساحباه لحد العربيه ورميته في الشنطه وروحت المقابر
وقومت رامياه بعد ما قعدت احفر بصفيحه مرميه وانا بفكر انه دا كله كان مفكرني بتاعه مصلحتي وبيخوني لانه مش بيثق في حد وشكاك وأي حد يقوله اي كلمه يصدقه ويمشي وراه ..عيطت عليه كتير وكنت خلصت الحفره رميته في الحفرة وردمت عليه
بعدها قعدت مكان ما دفنته ونمت على الارض من التعب وسط القبور
تمت
تعليقات
إرسال تعليق