رواية ملكني حبها البارت الثالث بقلم بسمله صالح جميع الفصول كامله وحصريه في موسوعة القصص والروايات
رواية ملكني حبها البارت الثالث بقلم بسمله صالح جميع الفصول كامله وحصريه في موسوعة القصص والروايات
رواية ملكني حبها البارت الثالث بقلم بسمله صالح جميع الفصول كامله وحصريه في موسوعة القصص والروايات
#روايه_ملكنى_حبها_البارت_3
#بقلم_بسمله_صالح.
#لاحول_ولا_قوه_الا_بالله.
وفجاه صرخت بأعلى صوت وانفزع الكل و قربوا منها.
وقالوا بفزع وخوف: خير يا نور ما لك؟!!!!
نور بصراخ : انا مش شايفه حاجه شايفه سواد قدامي سواد وبس عيونيييي وحطت ايديها على عيونها وبتصرخ باعلى صوت.
وقرب جلال منها وحضنها.
وقال : ما تخافيش يا روح بابا الدكتور هيشوف مالك اهدي بس.
جلال بصوت عالي وغضب: يا دكتووور تعال شوف بنتي مالها انت واقف بتتفرج على ايه!!
بدا الدكتور يفحصها وظهر على وشه علامات الحزن وسكت شويه.
جلال وحاتم في صوت واحد :ما تجاوب يا دكتور انت ساكت ليه نور مالها؟؟
الدكتور بحزن واسف : الانسه نور فقدت بصرها.
نور بصراخ وهي بتحط ايديها على وشها و بتحرك راسها بنفي: لا عيوني لاااا يعني ايه انا اتعميت انا بقيت عاميه انا مش هاشوف ثاني لاااااااااا.
حضنها جلال وبيحاول يهديها: ما تخافيش يا نور اهدي يا حبيبتي هنعمل لك عمليه وهتبقي كويسه.
لكن نور مش سامعه لكل ده وشايفه سواد قدامها وبتصرخ.
وقرب الدكتور واداها ابره مهدئه وكل ده وبدر واقف على الباب ومتابع كل ده وعيونه مدمعه ومتأثر جدا على حاله نور وزعلان عليها يااااه فلمح البصر فقدت نور نور عينيها وزعل جدا عليها وانسحب بهدوء.
وجلال دموعه نزلت على حال بنته وسمر بتعيط وحاتم بيهديهم.
الدكتور : لو سمحتوا اخرجوا علشان الانسه نور تهدى احنا ادينا لها مهدئ علشان تهدى وتنام ولازم تقفوا جنبها وتحسسوها انكم في ظهرها،مش تعيطوا.
وخرج الدكتور وراح له جلال،وقعد على الكرسي أدام الدكتور وعيونه مدمعه.
وبيقول بدموع وحزن : اي الحل يا دكتور علشان نور ترجع تشوف.
الدكتور : متقلقش ي استاذ جلال المهم انكم تساندوها وفي حل هو أننا محتاجين حد يتبرع بقرنيه عينه وطبعا صعب جدا حد يتبرع بالقرانيه يعني عمليه زرع قرنيه وبعد لما نلاقي لازم نشوف القرنيه هتبقى مطابقه ولا لاء عن طريق فحوصات، ولما تجيبوا متبرع هنقدر نعملها العمليه.
جلال: وايه نسبه نجاح العمليه؟
الدكتور : مش هقدر احدد بس محتمل 70%.
خرج جلال وهو زعلان على بنته بيفكر ازاي هيقدر يجيب متبرع يتبرع بقرانيه عينيه لبنته نور.
وقعد في استراحه المستشفى لان النور اخذت المهدئ ونامت وقعد جنبه حاتم وسمر يطمنوه ويهدوه.
اما بدر فكان ماشي في الشارع زعلان على نور وبيقول يا فلمح البصر خسرت بصرها لسه صغيره تقريبا عمرها 20 سنه ربنا يصبرها يا رب ويشفيها.
وبعد مرور اسبوع وعائله نور جنبها وبتحاول تساندها وتدعمها ونور حزينه جدا و حالتها النفسيه اسوء ما يكون واهلها جمبها وبيحاولوا على قد ما يقدروا يخففوا بس عمر تخخفيفهم ما هيخفف عنها أو هيغير حقيقه إنها باقت كفيفه.
خرجت من المستشفى ولبست نظاره وكانت بتعيط وهما مسكين ايديها، وبيسندوها ويطلعوها وقعدوا معاها يحاولوا يهزروا معها وينسوها لكنها مش مركزه معهم مركزها في السواد اللي قدامها والدموع نازله من عنيها وفشلوا ان هم يضحكوها في لمح البصر نور اللي كانت بتملا البيت بضحكتها بقت بتملى البيت بدموعها والكل حزين عليها.
نور بحزن: لو سمحتم ممكن تطلعوا وتسيبوني في الاوضه لوحدي محتاجه اكون لوحدي بس قبل ما تنزل يا حاتم وقفني جنب الشباك.
حاتم: حاضر يا نور.
وقفها حاتم ومسكها من ايديها ووقفها جنب الشباك وخرجوا كلهم وسابوها وقفت جنب الشباك وركنت راسها والدموع نازله من عنيها وبتفتكر لما كانت تركن راسها على الشباك وتبص على حديقه الفيلا وتسنتشق الهواء ، وتتفرج على الطيور والفراشات الي فوق الازهار والمنظر الي كان بيريح أعصابها.
واستنشقت الهواء بتحاول تهدى وتتأقلم على الوضع دا.
وفي وسط شرودها فجأه الباب انفتح وكان......
وفي الشركه كان بدر قاعد مع المهندس احمد وبيتدرب وبقى افضل بكتير من الاول.
احمد: بجد ي ماشاء الله عليك في 10 يوم قدرت تفهم الشغل وتقريبا هتشتغل،انا شايف فيك انك شخص عايز توصل شخص عايز ينجح في حياته كل معلومه بقولها بتحط كل تركيزك فيها علشان تفهم.
بدر: طبعا أنا بحب الشغل جدا العمل عباده،والي عايز ينجح لازم يتعب مفيش نجاح بيجي بالساهل لو كان النجاح سهل كان اكيد كل ناس باقت ناجحه،النجاح ملك لمن يدفع الثمن.
احمد: فعلا معاك حق لو فضلت على الوضع دا قريبا هتمسك معانا المشروع الجديد ولو اثبت جدارتك هتترقى ويلا اجدعن وربنا يوفقك يا بشمهندس.
في مكتب حاتم : يا سمر يا حبيبتي انا عارف انك شاطره جدا بإداره الشغل وتقدري تعوضي غياب نور ،بس المشكل مش في انك تشتغلى بالشركه خالص المشكل ان اختى محتاجه حد جنبها وانتي تعتبري من سنها وبتفهموا بعض محتاجه حد يفضل معاها وانتوا بتحبوا بعض جدا ،فمينفعش تسبيها لوحدها.
سمر وهي بتحاول تهدى: ومين قال إني هسيبها نور اختى وانت عارف كدا،انا هشوف اي بنوته من عمرها تتفرغلها وتسليها وتخرجها من حزنها ،وتهتم بيها وتديها ادويتها،واختك كل لما حد يدخلها تقول سبوني لوحدي ،ومش عايزه مساعده من حد بتسند على الحيط وعايزه تساعد نفسها بنفسها نور عنيده والي بتحطه في دماغها بتنفذه.
لما اسندها تقولي سبيني انا مش عاجزه ،انا اقدر اساعد نفسي ،مش معنى اني فقدت نور عيني اني ضعيفه أو هحتاج مساعده حد ،وشكرا على مساندكم ليا ،انا خلاص بدأت اتعود،وياحبيبي لازم تعوض غيابها بالشغل وفي مشروع نور مسكاه وعارفه كل حاجه عنه ودرسته ولازم تعرفني وتمضى عليه ولازم تقنع بابا جلال ونور اني امسك مكانها علشان الشركه متقعش انت وبابا تعبتوا علشان توصلوها لكدا.
حاتم : خلاص يا سمر انا موافق بس لازم نحاول نقنعهم.
سمر : ماشي ي حبيبي ربنا يخليك باي.
حاتم : باي.
حاتم في نفسه : تؤ وبعدين هقنع بابا ازاي ولو قلنا لنور هتحس بي عجزها جدا وهتزعل لان نور بتحب الشغل جدا ومسكت مشاريع كتير وكسبت ،ودلوقتي مش هتقدر تشتغل، ربنا يصبرها ويشفيها لازم الاقى حل علشان نور تفهم المشروع لسمر وتتخلى عن شغلها ومخليهاش تزعل ،اعمل اي؟؟!!!
انفتح الباب وكان سامر خطيب نور ،ودخل وهو باين على وشه ملامح الحزن.
نور بعضب: انا قولت سبوني لوحدي ليه مصريين تضايقوني ارجوكم سبوني!!
سامر بصوت حزين : ن نور.
امتلئت عينها بالدموع وقالت: سامر.
قرب سامر ومسك ايديها وقعدها على السرير وقعد جنبها.
نور بدموع : س سامر لو مش عايز تكمل معايا لي...
وقطعها لما حط أيده على شفايفها.
وقال : انت مستوعبه انتي بتقولي اي يا نور عايزاني اسيبك اتخلى عنك بالبساطة دي انا بحبك احنا بقالنا سنه مخطوبين وخلاص كلها 100يوم وهنتجوز يعني اتمسكت فيكي اكتر من سنه فضلنا سنتين نحب بعض وعلشان عملتي حادثه هتخلى عنك ،الي بيحب حد مبيتخلاش عنه وقت الشده ويبقى معاه في الفرح وصدقيني هكون جمبك وهفضل جمبك انا بحبك على أي وضع ،فقدانك لبصرك عمره ما هيأثر على حبنا وعلاقتنا.
نور بدموع : متتعبش نفسك انت في الاول هتحس أنه سهل تبقى مع واحده عاميه ،بس بعد كدا هتزهق منى ،لاني مش هنفعك بحاجه، وهتعبك معايا،سبني مش عايزه احس اني عبء على حد أو أن حد بيشفق عليا صدقني انا راضيه بقضاء ربنا لعله خير لي الحمدلله ، انت يمكن مش عايز تسبني علشان احساسك بالذنب انك تتخلى عني وتبقى شخص ندل ساب حبيبته لمجرد أنها فقدت بصرها ،بس انا عمري ما هعتبرها كدا كل واحد بيختار الافضل لي.
سامر: لو متعبتش علشان الي بحبها من كل قلبي هتعب لمين بس.
نور فرحت من كلامه جدا ،بس انجرحت وحست انها ضعيفه ادامه اللحظه دي.
سامر : مفيش حاجه هتتغير وفرحنا هيبقى في معاده.
نور وهي بتمسح دموعها : شفقه وعطف يا سامر استمرارك معايا هيكون من باب الشفقه والعطف.
سامر بحزن : اوعي تقولي الله يسامحك يانور انا بحبك وهفضل احبك بعد اذنك.
وخرج وقفل الباب وهو حزين.
نور بدموع : اكيد في يوم من الايام هيزهق من الحب دا ،لاني مش هقدر اعمل كل حاجه انا بحبه من كل قلبي، وبموت فيه وعقبال لما ارتبطبتنا تعبنا علشان بابا يوافق واتمسكنا ببعض ، وبعده عني مش هيبقى سهل وفتره وهتعود اه هزعل وهتعب كتير، بس الحياه ما هي إلا تعود،وسامر شخص جميل وطيب ويستاهل واحده افضل منى.
ومن الأفضل أننا ننفصل صعب عليا ابعد عنه لكن مش اصعب من اني احس اني حد متمسك بيا من باب الشقه والعطف مش عايزه احس بالعجز الكل دلوقت بيحاول يخفف عني ويهتم بيا بس طبعا دا تحصيل حاصل وعمره ما هيغير حقيقه اني بقيت وحيده وكفيفه ولازم اعتمد على نفسي ومطلبش مساعده حد.
ومسحت دموعها بكف ايديها......
استوب ولحد هنا خلص البارت دا ياترى سامر هيفضل متمسك بنور ،واي مصير علاقتهم ، وهل نور هتسيب شغلها وتسلمه لسمر، ومين الي بعت الرساله المزيفه لنور ،واي مصير نور؟؟؟
تفاعلتكم وتوقعاتكم ورأيكم دعما لي استمر✨♥️
الاحداث الجايه دما*ااااار.
بعتذر لو بتأخر بالنشر اعذروني بذاكر دعواتكم ليا بالنجاح يا اجمل متابعين شكرا على كل حد قال كلمه حلوه واتفاعل بحبكم في الله🌹🙏.
تكملة الروايه اضغط هناااااااا
يتبع.......يتبع ؛ انضم لجروب التليجرام ( هينزل فيه الرواية كاملة ) اضغط هنا
مجمع الروايات الكامله والحصريه اضغط هنا
تابعى صفحتنا على الفيسبوك عشان تبقى اول واحدة تقرأ البارت اول ما ينزل
صفحتنا على الفيسبوك اضغط هنا
بقلمي بسمله صالح.
تعليقات
إرسال تعليق