رواية جارتى بتنيمني عن طريق اكل بتقدمهولى عشان جوزها يعتدى عليا اكتشفت ده بالصدفة لم مكلتش الكيكة الي جبتها هحكيلكم حكايتي كامله وحصريه في موسوعة القصص والروايات
جارتى بتنيمني عن طريق اكل بتقدمهولى عشان جوزها يعتدى عليا اكتشفت ده بالصدفة لم مكلتش الكيكة الي جبتها هحكيلكم حكايتي
انا عندى 33 سنه من اسكندريه اسمى سالى.. موظفه وشغلى يوميا من الساعه 8 للساعه 2 الضهر
طبعا متجوزه الحمد لله وعندى بنتين فيروز وساره .. جوزى 25 يوم بره البيت و 5 ايام معانا لأنه بيشتغل مهندس بترول ف شركه ف مصر . المهم بقالى فتره كده بحس بحاجات مريبه وغريبه بتحصللى انا والبنات ف نفس الوقت زى مثلا احنا التلاته يجيلنا صداع جامد ف نفس الوقت ويخلينا ننام نوم عميق جدا ماحسش بأى حاجه غير تانى يوم الصبح بلاقى البنات صاحيه جنبي وخايفه … قولت ده من الجو أكيد او كان فيه حاجه ف الجو والناس كلها كده .. خصوصا انى بقوم كويسه ونشيطه ف اليوم التالى … فضل الموضوع ده يتكرر كل اسبوع مره وساعات مرتين .. قلقت وخوفت بس حاولت ماتوترش وموضحش لجوزى لانه مش ناقص خوف وقلق علينا هو اساسا مش طايق شغله وعاوز يشوف شغل هنا قريب مننا يبقي معانا يوميا ..
جارتى بنوته عندها 22 سنه لسا متجوزه بقالهاش 8 شهور وعلى وش ولاده بحكيلها ايه اللى بيحصل لقيتها بتآمن على كلامى وبتقولى ان ده بيحصل معاها دايما واخرهم كان اول امبارح … نفس اليوم اللى حصلى فيه كده انا والبنات ,, فضلنا نضحك وخدنا الموضوع بهزار وضحك بل بالعكس اتطمنا ان ده حصلنا مع بعض اعتقادا مننا انه فعلا كان فيه ميكروب ف الجو او العماره واتلطشنا بيه …. عزمتنى على صينيه كيك بتبقي تحفه جداااا .. كل فتره تعملهالى وتديهانى ناكلها , بصراحه طعمها بيبقي يجنن , سالتها عن جوزها جاى النهارده ولا مش جاى قالتلى لا هيبات ف الشغل النهارده وهييجى بكره . وطلبت منى انى افضل سهرانه معاها لان بطنها بتوجعها بسبب الحمل ومامتها معرفتش تجيلها النهارده , قولتلها مش مشكله يا حبيبتى واهو البنات كده كده أجازه بكره من مدارسهم ,,, قضينا سهره حلوه وحاولت انسيها التعب والهزار معاها ومع البنات وعملنا كيك وشاى وفشار وتابعنا فيلم حلو … فجأه وبدون سابق انذار لقيتها بتصرخ صريخ رهيب وقوى وقالتلى إلحقينى هاتيلى برشام جوه ف الدولاب كاتباهولها الدكتوره لو حست بالتعب ده ,,, جريت ع الدولاب وانا خايفه ع البنت وبفتح الدولاب وفعلا لقيت البرشام اللى عاوزاه … بس اللى فاجأنى وخوفنى انى خدت بالى ان فيه برشام تانى محطوط تحت فوط درفة الدولاب والشك والخوف والرعب بدا ينط جوه قلبي .. مصيبه وحطت على دماغى …… ساعتها عملت اللى كان لازم أعمله وهو ….
(الجزء_التاني )
جريت ع الدولاب وانا خايفه ع البنت وبفتح الدولاب وفعلا لقيت البرشام اللى عاوزاه … بس اللى فاجأنى وخوفنى انى خدت بالى ان فيه برشام تانى محطوط تحت فوط درفة الدولاب والشك والخوف والرعب بدا ينط جوه قلبي .. مصيبه وحطت على دماغى …… ساعتها عملت اللى كان لازم أعمله وهو إنى استنى لغاية ما اعرف البرشام ده لمين ,,, وعشان ايه ,, البرشام ده انا عارفاه وقريت عنه قبل كده , منوم وتركيزه عالى جدا ومش بياخده اى حد غير المرضي اللى بتجيلهم حالات صرع عشان يدخلو ف النوم على طول … مش عارفه تقريبا بيخلى الانسان ينام خلال 7 ثوانى مش اكتر …. عملت إنى ماشوفتش حاجه , وخدت البرشام بتاع البنت واديتهولها وكمان ربع ساعه بقت كويسه الحمد لله ,, بدأت افتح معاها الحوار من بعيد انها بتتعب او بتاخد منومات ؟ قلتلى وبشكل قاطع “لا طبعا ازاى هاخد منومات ومكيفات وانا حامل ده فيه خطر كده على الجنين ” انا بدا الشك يدخل قلبي معرفش ليه ؟؟؟ وليه حسيت ان الموضوع يخصنى ,,, خصوصا انى افتكرت حاجه انا خدت بالى منها بس قولت اكيد صدفه ,,,, حالة الاغماء اللى كانت بتحصللى ماكنتش بتحصل غير لما جوز البنت دى بيكون موجود معاها ,,, لانى فاكره انها بتبقي تعمل الكيك او اى حلو وتجيبهولى بفسها ,,, هو ده اللى كان قالقنى ,,, استنو ! الكيك ؟ معقول ؟ انا بكتب وايدى بتترعش اساسا .. معقول تكون البنت دى بتتفق مع جوزها عشان ينيمونى انا والعيال ويدخلو الشقه وياخدو اللى هما عاوزينه ؟ ده اول سيناريو جه ف بالى .. بس لا السيناريو ده مش منطقى ,, البنت قالتلى انها كمان بتجيلها حالة النوم دى وبتنام بشكل فورى .. طب وبعدين !! فيه سيناريو مرعب خطر على بالى وتقريبا خطر على بالكو كلكو دلوقتى ,,, معقول جوزها اللى بيعمل كل ده ؟ عشان يدخل شقتى من وراها ومن ورايا وغصب عنى ؟ طب …… طب بيدخل عشان ايه ؟ عشان يسرق او يمد ايده على فلوس ؟ ولا عشان ……. يا نهار اسود ومنيل ! الفكره نفسها مرعبه وايدى لا اراديا بدات تترعش ورجليا مش شايلانى من ع الارض … استاذنت من جارتى دى وخدت البنات ورجعت شقتى وانا دماغى بتودى وبتجيب ,, هعمل ايه وهتأكد إزاى وهتصرف إزاى ؟؟؟ دبرنى يارب …. فجأأأه جاتلى فكره وقولت لازم اعملها بكره بما ان جوزها جاى بكره ,,, وياقاتل يا مقتول مافيهاش كلام تانى ……
يتبع ……..
تفاعل
(الجزء_الثالث )
استاذنت من جارتى دى وخدت البنات ورجعت شقتى وانا دماغى بتودى وبتجيب ,, هعمل ايه وهتأكد إزاى وهتصرف إزاى ؟؟؟ دبرنى يارب …. فجأأأه جاتلى فكره وقولت لازم اعملها بكره بما ان جوزها جاى بكره ,,, وياقاتل يا مقتول مافيهاش كلام تانى …..
اقسملكو بالله انى ف اليوم ده معرفت طعم النوم وكل اللى ف بييجى ف خيالالت مُرعبه .. وعقلى بيودى وبيجيب . معقول اللى ف بالى ده صح ؟ معقول ان فيه حد ممكن يعمل كده ؟ …. فضلت صاحيه لتانى يوم حتى اتأخرت ف صحيان البنات عشان أفطرهم .. كده كده اليوم ده أجازه ومافيش مدارس ولا حضانات … فضلت تقريبا متتبعه الشقه اللى قصادنا وكنت راصده كل رجل او كل حد طالع نازل ع السلالم عشان اشوف جوزها ده جاى امتى ولا هييجى امتى ؟ وفعلا لقيته وصل ع الساعه 6 المغرب تقريبا … فضلت أبص من العين السحريه عليه وهو طالع … عمل حاجه غريبه اوى … وهو بيفتح باب شقته لقيته بص ناحية شقتى وفضل مطول كده ف بصته …
اقسم بالله اترعبت . الواد اصغر منى انا ب 4 سنين .. هو عنده 29 سنه ؟ طب وبعدين . البصه دى معناها ايه ؟ ماكنش ف ايدى حاجه غير انى احاول انكش مراته باى حوارات او اى كلام حتى من بعيد لبعيد . انا قلبي مش متطمن ومش هستريح غير لما أعرف فيه ايه وايه الحكايه …. بعد 3 ساعات كده قُرب الساعه 9 ونص لقيت مراته بتتصل بيا وبتقولى نمتى انتى والعيال ولا لسا ؟ قولتلها لا صاحيين . كنت بكلم جوزى ولسا قافل .. ليه خير ؟ قالتلى اصل لقيت جوزى جايب كيسين من بتوع الكيك ده وعملت صينيتين واحده لينا وواحده ليكى انتى والعيال … افتحى خدى الصينيه بتاعتك …. انا فعلا اتأكدت دلوقتى ان فيه حاجه غلط بتحصل ,,,, قولتلها ماشي انا فتحت باب الشقه تعالى …. أخدت منها الصينيه فعلا وشكرتها وقولتلها تسلم ايديكى …. وطبعا خدتها ورميتها مكلتش منها زى كل مره لنا ولا العيال ….. وبعدين كنت بدأت اسقط من قلة النوم وانى بقالى 48 ساعه صاحيه ومنمتش وبدات اتعب ,, قومت على الساعه 2 بالليل كده اعملى كوباية قهوه كبيره تفوقنى وتصحصحنى … شربتها بس بعد نص ساعه دماغى بردو تقلت .. وفجأأأأأأه حسيت ان باب الشقه بيتلغوش وبيتخربش وحد تقريبا بيحاول يدخل .. جوزى ده مش ميعاده ولسا مكلماه بالليل وقالى انه هينام ,,,, واللى جه ف دماغى توقعته …. هو بعينه .. جوز البت جارتى دى بيحاول يدخل ,,,
لا ده هو كمان معاه مفتاح الشقه .. طب منين ؟ هتجنن !!! عملت نفسي نايمه لغاية ما اشوف ايه اخرت الحوار ده وبيدخل يعمل ايه …. لقيته عارف مكان اوضة نومى .. وبيدخل يتسحب .. وكمان حاساه بيتسحب وهو متطمن يعنى مش قلقان انى اصحى او حد م العيال يصحى او حاجه …كل ده وانا كاتمه نفسي حسيت بيه بيقلع هدومه . وبدأ يحسس على رجلى وعلى جسمى وبيشد الهدوم من عليا بشويش ,,,, اتنفضت من مكانى وقومت وصرخت ف وشه ولسا بحاول اصوت واهلل لقيته كتم نفسي بسرعه وقالى اللى عمرى ما كنت اتخيل انى اسمعه . ساعتها حسيت بصدمة عمرى . وخوف رهيييييييييييييب تملكنى خلانى اسكت واهدى واسمعه هو بيقول ايه … كل ده لما قالى إنه ……
(الجزء_الرابع )
اتنفضت من مكانى وقومت وصرخت ف وشه ولسا بحاول اصوت واهلل لقيته كتم نفسي بسرعه وقالى اللى عمرى ما كنت اتخيل انى اسمعه . ساعتها حسيت بصدمة عمرى . وخوف رهيييييييييييييب تملكنى خلانى اسكت واهدى واسمعه هو بيقول ايه … كل ده لما قالى إنه دى مش أول مره يعملها ويدخل عليا . بل وإنه كمان كان بيمارس ……..
بيمارس معايا الموضوع ده وانا نايمه . بدات ضربات قلبي تزيد من كتر الخوف والرعب وكنت خلاص بدات اهدده وأقوله انى هوديك ف ستين داهيه وهخلى جوزى يحبسك ومش بعيد يقتلك … لقيته ضحك ضحكه مستفزه اوى بكل غرور وهو بيقولى خافى انتى على نفسك ان جوزك يعرف لانى كنت كل مره بدخل عليك فيها بصور فيديو وكنت بعمل مونتاج بحيث مايوضحش انك كنتى نايمه ,, وبدا يتغزل فيا وف جسمى وجمالى وانه من ساعة ما شافنى حبنى وفضل يقولى انا عملت كل ده عشان بحبك انتى ومش قادر على بعادك … قولتله انت شيطان واللى عملته ده استحاله يكون بنى ادم اللى بيعمله انت خسيس وواطى واستغلالي .. كل ده انا بكلمه بإنهيار تاااااام عينيا كله رجا ليه انه يخلصنى من الموضوع ده زى ماهو دبسنى ,,,,
لقيته بيتمادى ف كلامه وقالى ان الموضوع ده بيعمله معايا تقريبا كل اسبوع مره وسالته عن الطريقه اللى كان بيعملها وازاى بيخلينى أنام النوم ده من غير ما احس . قالى انه كان بيخلى مراته تعمل اى حاجه عشان تبعتهالى انا والبنات وكان بيحط فيها البرشام اللى انا كنت شوفته ده اللى تركيزه عالى … وقالى هى طبعا ماتعرفش الكلام ده .. كان بيبقي من وراها … قولتله وجوزى ؟ مفكرتش فيه ايه ممكن يحصله لو عرف حاجه زى دى .. قالى انتى عاقله ومش هتقوليله وهتخافى يفهم غلط خصوصا لو طلعت الفيديوهات وبعتهاله ممكن يقتلك انتى قبل ما يفكر يعمل فيا حاجه …..ساعتها حسيت انى فعلا فعلا بتعامل مع شيطان مجرد من كل معانى الانسانيه . ديب سعران وصعب التعامل معاه . واى تعامل معاه هيضرنى انا ويضر عيالى وجوزى قبل ما افكر اضره هو … بس كان لازم اقرر انى اواجه من عدمه ؟ ……
حلفت 100 يمين ان حقى لازم يرجع وانى لازم اقلب الكافه على دماغه ودماغ اللى خلفوه … بس كان فيه معادله صغيره .. انى مش عاوزه أذى مراته لانها فعلا فعلا مأذتنيش بل بالعكس كانت بتحبنى ومعتبرانى اختها الكبيره وكمان حامل يعنى مالهاش ذنب لا هى ولا ابنها اللى ف بطنها …. وبالفعل قررت أواجه واخد حقى واشغل كيد النسا اللى ربنا ذكره ف القرآن انه عظيم …..دقايق بسيطه جدا قاعده بسمع هو بيقول ايه …. وبفكر هعمل ايه ؟ وفعلا لقيت الحل ولقيت اللى هيريحنى ويشفى غليلي ويرجعلى حقى اللى الكلب ده سلبنى منه … بس ف عز كل ده .. لقيت باب شقتى بيخبط . وصوت جوزى من بره بيقولى ” سالى ! انتى قافله الباب من جوه ليه افتحى ”
(الجزء_الخامس )( قبل الاخير )
دقايق بسيطه جدا قاعده بسمع هو بيقول ايه …. وبفكر هعمل ايه ؟ وفعلا لقيت الحل ولقيت اللى هيريحنى ويشفى غليلي ويرجعلى حقى اللى الكلب ده سلبنى منه … بس ف عز كل ده .. لقيت باب شقتى بيخبط . وصوت جوزى من بره بيقولى ” سالى ! انتى قافله الباب من جوه ليه افتحى ” …. مش عارفه ليه انا كنت قويه ساعتها وعملت حاجه عكس اللى المفروض اعملها … عملت انى خايفه من جوزى وغنه لازم يهرب بأى وسيله وقولتله على فكرة شباك المطبخ هو عالى شويه بس هو جسمه رفيع هيطلع عليه وينط لبره ..
وفعلا عمل كده .. كل ده ماخدش دقيقه بعد ما خليته يلم كل حاجه وهدومه … وأوحيتله ان الكلام لسا مخلصش وانى بدات اهتم بيه بل وأُعجبت بيه كمان رغم ان اللى عمله فيا كان صعب … كان لازم أعمل كده ولازم اقف على حيلى لأنى لو اتصرفت تصرف غبى دلوقتى حقى هيروح .. وجوزى من النوع العصبي وممكن فعلا يقتلنى والصراحه محدش هيقدر يلومه وهو معاه حق . اللحظه دى الراجل مهما كان قوى وثابت الا انه ممكن يتصرف تصرف غير عادته ….
روحت فتحت الباب لجوزى وقالى ” اتأخرتى ليه وكنتى قافله ليه ؟ قولتله ده العادى بتاعى لما بتكون انت بره البيت او مش جاى بقفل وبتربس عليا انا والبنات .. قالى تمام كويس طمنتينى .. انا بعد ما قفلت معاكى جانى تليفون من المدير وقالى انزل اجازه انت وعبد النبى وحسن خدولكو يومين تلاته اجازه . قولت اعملهالك مفاجأأه وأنزل . قولتله تمام . احسن بردو انت كنت واحشنى بغباء … خدت من حضنه ومن ريحته آمان ليا حسيت ان الدنيا آمان دلوقتى وهو جنبي .. وده كان أول يوم اعرف انام فيه من يومين فاتو وكل الرعب والخوف اللى انا شوفته … بس سبحان الله . جسمى بس اللى كان نايم 24 قيراط . لكن عقلى لا .. عقلى رافض يصدق اللى حصلًى … عدوا اليومين دول وكانو على قد ماهما كانو يومين حلوين مع جوزى والأمان اللى كنت عايشه فيه .
على قد ماهما كانو طولو أوى لانى مستعجله على حقى .. وبينى وبينكو اليومين دول فادونى ف حاجه مختلفه … هى ان الكلب ده اللى عمل فيا كده حس بالامان وانى ماقولتش لجوزى حاجه … ده اللى طمنه من ناحيتى وحس ان اخيرا انا هعمل معاه اللى هو عاوزه برضايا وبموافقتى ومالوش داعى حركات المنوم والكلام ده … اليوم اللى جوزى مشي فيه وسافر . قفلت على نفسي بيتى واستنيت البنى ادم ده هو اللى يبدا يفتح معايا سكه عشان اديله الامان اكتر او يحس انى مرقداله حاجه او بفكر اعمل فيه حاجه … فعلا ! على الساعه 11 ونص كده لقيته بيرن على تليفونى . طبعا ماكنتش مسجله رقمه ولا اعرف اصلا ان و اللى بيتصل وانا من عادتى مابردش على اى ارقام غريبه .. بس شئ الهى الهمنى انى ارد على الرقم ده عشان شكيت مجرد شك ان هو ممكن يكون هو البنى ادم ده …
وفعلا رديت وطلع هو … كلمته وإديتله الأمان أكتر وقولتله ان كمان ربع ساعه البنات هتنام . وتعالى كمان ساعه كده عشان انا بدات افكر فيك بطريقه غريبه وانك خطفتنى من حياتى وحبيت كده معاك وقولتله يجيب كل الفيديوهات معاه وهو جاى علشان مالهاش لازمه بما انى انا اللى طالباه وعاوزاه ف حياتى .. طبعا بما انه زي رجاله كتيره مريله على روحها فضل يحلفلى انه هيبنيلى قصور تحت رجلى وهيجيبلى هدايا وهيعملى كل حاجه اتمناها .. كل ده وانا من جوايا بغلى . عاوزاه يدخل بيتى . عاوزاه يدخل المصيده …. الساعه دقت الواحده صباحا وفعلا لقيته بيفتح باب الشقه اللى لغاية دلوقتى معرفش هو معاه نسخه من المفتاح إزاى . ودخل لقانى محضراله أكله معتبره .. حمام محشي ومكرونه بشاميل وشوربه جمبرى وقولتله تعالى ناكل الاول عشان انا عاوزه اقضي معاك اليوم صح …..
طبعا عشان مايخافش من الاكل .. قعدت وكلت معاه وبدأت انا بالاكل ف الاول عشان يمد ايده وياكل … مايعرفش ان حطيت ف الاكل كله منوم ما عدا الحمامه اللى انا هاكلها … وشويه شوربه جمبرى بردو عملتهم لوحدهم وشربت منهم قدامه وكأنها انى جايباها من نفس الحله … وبالفعل بدا ياكل وباطمئنان … ربع ساعه لقيته بدا يدوخ ويمشي مطوح وقالى ” انتى حاطالى حاجه ف الاكل ؟ انتى ناويه تعملى ايه ؟ وهوب مره واحده لقيته نام زى القتيل ….. وبدأت اخد حقى وحق شرفى وحق عيالى وحق جوزى بايديا وبالفعل بدات أعمل …….
#بنت_اسمها_سالى
#الجزء_السادس_والأخير )
ربع ساعه لقيته بدا يدوخ ويمشي مطوح وقالى ” انتى حاطالى حاجه ف الاكل ؟ انتى ناويه تعملى ايه ؟ وهوب مره واحده لقيته نام زى القتيل …..
وبدأت اخد حقى وحق شرفى وحق عيالى وحق جوزى بايديا وبالفعل بدات أعمل اللى يرضى ضميرى … كتفته ف شباك السرير وجبت مقص وسكينه من المطبخ بعد ما فرشت تحتيه سثفره من بتاع الاكل لانى مش عاوز اى دليل على الكلام ده .. ماكنتش شايفه انا بعمل ايه غير انى باخد حقى وحق سمعتى . وجالى قلب منين اقطع كفوف ايديه الاتنين ورجليه بردو الاتنين . قطعت لسانه بالمقص وخزقتله عينيه الاتنين وسيبتله ودانه عشان يقدر يسمعنى لما يفوق ويعيش طول عمره متحسر .. اللى زى ده مش لازم يموت . الموت راحه له . هسيبه كده عشان يعيش طول عمره مدبوح … وانا بفتش ف جيوبه وقميصه بدور على الفيديوهات اللى كان مصورهالى . مالقيتش حاجه غير تليفونه . قولت يارب تكون الفيديوهات على تليفونه والحمد لله التليفون ماكنش عليه بصمه او باسورد .
دخلت الاستديو ودورت على اى صور او اى فيديوهات . وفعلا لقيت الفيديوهات بتاعتى الحمد لله … بدات امسح كل فيديو لوحده لغاية ما ظهر فيديو قدامى كان الصاعقه …. الكلب ده كان بيصور حد من غير ما يعرف وكانو بيتفقوا على حاجه .. تخيلو ؟ تخيلو انه كان بيصور جوزي وهو بيتفق معاه على اللى عاوز يعمله فيا ويقوله عاوز تحبك الموضوع عشان انا المفروض ههجم عليها واقتلها واكسب ورثها .. و” القاتل بحق يرث ” وهيبقالى حق ف الورث كله . حاجه ف منتهى القذاره والوضاعه … بس اللى اتأكدت منه ان الكلب اللى انا قطعته ده خان جوزى وبدا يشتغل لحسابه وعاش ف القصه وبدا يغتصبنى كل ما يحب وطبعا الطريقه سهله ومعروفه …
وجوزى اكيد كان راجع ف الليله اياها كان عشان الموضوع ده بس انا اتصرفت … الغريب ف الموضوع يا حضرت القاضي انى كنت قويه جدا ومسكت تليفونى واتصلت على جوزى قولتله الحقنى البت فيروز سخنه مولعه وشكلها هتروح منى .. وانا عامله نفسي خايفه ومرعوبه . وانزل حالا البت هتموت وباب الشقه مقفول مش عارفه افتحه .. إلحقنى بنتك بتموووووووت ….
ف غضون ساعتين لقيته جاى وداخل بهمجيه ومسروع وجرى على أوض البنات اللى انا صحيتهم ووديتهم لأختى اللى ساكنه ورايا بشارعين واتحججت ان الشقه فيها فيران والبنات مرعوبه … وأختى اساسا جوزها مسافر …. بعد ما دخل على اوض البنات مالقاهمش انا خرجتله من الاوضه اللى فيها الكلب اللى انا مقطعاه لقيته بيتوسل ليا انى اقوله البنت مالها وجرالها ايه .. قولتله الحمد لله اهدى اهدى خد العصير ده اشربه . شربه كله مره واحده .. وف غضون اقل من دقيقه كان رايح ف عز النوم .. عملت فيه نفس اللى عملته بالظبط قبل كده .
وربطتهم جنب بعض بس جوزى انا أخدت منه حاجه غاليه عليه جدا اعتقد انه خلاص مش هيقدر يخلف تانى … قعدت قصادهم وحطيت رجل على رجل وانا حاسه ان نارى بتبرد .. مسكت التليفون واتصلت على الشرطه واستنيتهم لما وصلوا ووريتهم كل حاجه .. ماكنتش قادره احكى حاجه للشرطه او النيابه . كنت مذهوله او كنت مستغربه اللى حصل … وهل انا كده قاتله او ماعنديش قلب ؟ حد يرد عليا يا فندم انا كده غلطانه ولا لا ؟ اسيب حقى ؟ طب حقى كان عند مين ؟ حد يرد عليا … انا مش عاوزه غير براءه من عند ربنا لانى شايفه انى كنت برد وبدافع عن شرفى وشرف بناتى وعرضهم
صدقنى يا سياده القاضي انا راضيه باللى حضراتكو هتحكموا بيه .. طبعا كل الفيديوهات والكلام اللى انا حكيته مثبوت عند حضرتك بالدليل … ومستنيه حكمكوا !
القاضي : ” وَلَكُمْ فِي الْقِصَاصِ حَيَاةٌ يَا أُولِي الْأَلْبَابِ لَعَلَّكُمْ تَتَّقُونَ ” حكمت المحكمه حضوريا وبالإجماع على السيده / سالى رافت منصور بما يلى ( ………….)
……..
نهاية القصه !!
ماذا ستحكم عليها اذا كنت مكان هذا منتظر ارائكم
بالتعليقات في الأسفل تفاعلو معي
يتبع ؛ انضم لجروب التليجرام ( هينزل فيه الرواية كاملة ) اضغط هنا
مجمع الروايات الكامله والحصريه اضغط هنا
تابعى صفحتنا على الفيسبوك عشان تبقى اول واحدة تقرأ البارت اول ما ينزل
صفحتنا على الفيسبوك اضغط هنا
تم
ردحذفنم
ردحذف