مجمع الروايات الكامله والحصريه فقط اضغط على اسم الروايه موجوده كامله في موسوعة القصص والروايات جميع الفصول مع البرنس محمد السبكي قصص وروايات كامله يسعدني تواجدكم معنا في المدونه

رواية كامله انتي طالق يا ملك  =تمام  "أخدت شنطة هدومي ونزلت م الشقه بل م العمارة كلها"  - مالك يا بنتي وفين جوزك مجاش معاكي ليه؟  =دخليني يا ماما وبعدها هنتكلم  - اكيد تعالي  = ممكن تنادي لبابا عشان عايزاه في موسوعة القصص والروايات جميع الفصول كامله وحصريه 

رواية كامله انتي طالق يا ملك  =تمام  "أخدت شنطة هدومي ونزلت م الشقه بل م العمارة كلها"  - مالك يا بنتي وفين جوزك مجاش معاكي ليه؟  =دخليني يا ماما وبعدها هنتكلم  - اكيد تعالي  = ممكن تنادي لبابا عشان عايزاه في موسوعة القصص والروايات جميع الفصول كامله وحصريه 

كامله

-انتي طالق يا ملك

=تمام

"أخدت شنطة هدومي ونزلت م الشقه بل م العمارة كلها"

- مالك يا بنتي وفين جوزك مجاش معاكي ليه؟

=دخليني يا ماما وبعدها هنتكلم

- اكيد تعالي

= ممكن تنادي لبابا عشان عيزاه

- شكلك ميطمنش يا بنتي، فيكي اي بس!

= اتطمني يا ماما انا قدامك أهو وبخير، بس بابا لازم يبقا موجود ويسمع الكلام اللي هقوله

- هدخل أصحيه

= تمام

" ماما دخلت اوضة بابا تصحيه وانا دخلت اوضتي حطيت الشنطه وغيرت لبسي بلبس البيت وخرجت قعدت في الصالون استنيت يخرجو"

- إذيك يا ملك

= بخير يا بابا وحضرتك

- الحمد لله يا بنتي، هو حصل حاجه بينك وبين جوزك!

= أيوا.....اتطلقنا.

- إيه....!

" ماما وبابا بقو يبصو لبعض بصدمه والحزن بان ع ملامحهم"

- اتطلقتو ازاي يعني وحصل اي! ماانتو كنتو كويسين مع بعض.

= دي رغبة مراد يا بابا وكان قرارو واتطلقنا.

- ازاي ده يعني! وانتي مش منعتيه ليه إنه يطلقك؟

= لإني انا كمان مبقتش عيزاه

- نعم!!

= ايوه زي ما حضرتك سمعت كده

- عايز أفهم اي سبب الطلاق!

= هو هيقولك أحسن لإنك ممكن متصدقنيش عن إذنك

" دخلت اوضتي وقفلت الباب وقعدت وراه كومت راسي بين ايدي والقوه اللي كنت رسماها ع ملامحي اتحولت لضعف وبقيت بعيط من غير صوت، مش عايزه حد يحس بضعفي.... انا ملك القويه ومش هسمح لحاجه تكسرني.

" انا ومراد اتجوزنا بقالنا سنه ونص وربنا مأذنش لينا نجيب ولاد وأكيد ربنا ليه حكمه في كده، مراد اتقدملي واتخطبنا ٤ شهور بس وفي الوقت ده حبيتو وهو كمان حبني واتجوزنا وسافرت معاه القاهره عشنا هناك بسبب شغلو"

-ألو... إذيك يا مراد

= الحمد لله يا عمي وحضرتك

- كويس تعال البيت عايز اتكلم معاك

= لا مش هينفع ممكن حضرتك تقابلني في كافيه.... الساعه ٥

- تمام

" انا مراد طليق ملك واسباب الطلاق هتعرفوها بعدين"

= جه وقت اني اقابل ابو ملك فلبست وركبت عربيتي ونزلت وصلت الكافيه لقيتو قاعد ومستنينِ سلمت عليه وبدأنا نتكلم

- في اي يابني وليه طلقت ملك!

= هي محكتش لحضرتك

- لا طلبت إني أسمع منك، في اي!

= بص يا عمي انا هكون صريح مع حضرتك انا طلقت ملك لأسبابي أنا..... الشركة عرضت عليا عرض أسافر ٤ سنين ولوحدي وممنوع أنزل فيهم أجازات ودي فرصة حلوه جدا ليا ولشغلي وإني بتطور في شغلي في وقت قليل وأنا من أكفأ الموظفين وأئمنهم في الشركه فالمدير حب يكافئني بالسفريه دي وهترقا وهبقا مدير لأكبر شركات في دبي وأخدت كورسات في كل اللغات واستعديت فعلا ومضيت العقد فعلا وخلاص السفر الاسبوع الجاي وكل ده محكتش لملك غير لما التزكره جت واتأكدت اني خلاص هسافر فكان لازم أعرفها.

- يعني انت طلقتها لمجرد انك هيبقا ليك كيان وإسم في المستقبل!

= لا الموضوع مش زي ما حضرتك فاهم، الحكايه لما قولتلها حصل

Flash back

-ملك تعالى نتكلم

= طب غير هدومك ع ماأجهز السفره ونتغدا وبعدها نتكلم

- لا الموضوع اللي عايزك فيه مهم جدا وميتأجلش

= قلقتني يا مراد في اي!

- بصراحه كده انا مسافر الاسبوع الجاي

= مسافر والاسبوع الجاي! أكيد بتهزر، بقولك اقعد بقا اتغدا وبطل هزارك الرخم ده

- انا مبهزرش انا فعلا مسافر

= ومسافر فين إن شاء الله!

- دبي

= نعم!!! ومش هسافر معاك بقا ولا اي!

- للأسف مينفعش

= يبقا هتبعتلي وهسافر بعدك صح؟

- لا يا ملك انا مضيت ع عقد هفضل هناك ٤ سنين وممنوع حد يكون معايا فانتي يا حبيبتي هتفضلي هنا عند أبوكي لحد ما أرجع ووقتها هنسافر مع بعض.

= ٤ سنين!  ....انت أكيد بتهزر يا حبيبي صح؟ لو بتهزر عرفني عشان بدأت اتدايق

- عليت صوتي.....مبهزرش افهمي بقا

= وأنا يا مراد! ده أنا مراتك مفكرتش فيا ولا في علاقتنا خالص! ازاي ٤ سنين يعني!

- يا حبيبتي اهدي دي فرصه لينا ممتازه

= ليك مش لينا

- وأنا وانتي ايه مش واحد!

= لا بعد اللي حصل منك ده مش واحد، بعد ما خلاص مضيت ع العقد ومسافر جاي تقولي ماكنت بقا سافرت وخلاص

- والمعني!

= يا أنا يا السفر

- بس ده شغلي

= شوف شغل غيره عادي.

- مقدرش دي فرصه مستنيها من سنين وما صدقت إنهم اختاروني أنا

= يعني بتختار شغلك عني!

- انتي اللي شيفاها كده من وجهة نظرك

= ياسيدي طلعني غلطانه واختارني

- أنا أسف مقدرش أتنازل عن الشغل ده.

= يا الشغل يا أنا يا مراد!

- قولت مقدرش أتنازل

= مفيش غير حل واحد

- وأنا موافق بيه

= بصدمه.....ايه!!!!!

-انتي طالق

Back

- معقول تبيع مراتك عشان فلوس! تصدق انك فعلا متستهلهاش هي خسارة فيك وكويس اني سمعت منك لاني مكنتش هصدقها، عمري ما توقعتك بالحقاره دي.

= لو سمحت يا عمي انا عملت كده لاني لقيت مصلحتي ولو ع ملك انا مستعد اتجوزها تاني وتستناني الاربع سنين دول.

- مش عايز اسمع صوتك وورقتها توصلها ع البيت، وصدقني الوجع اللي سببتو لبنتي هتدوقه

= تمام

" انا يمكن حبيت ملك بس انا بحب شغلي جدا والاهم الشهره والفلوس، وخصوصا اني هسافر دبي واحتمال أأسس شركات ووقتها مش هكون محتاج ملك"

- حضرتك كنت فين يا بابا كل ده؟

= كنت بعرف الحقيقة يا بنتي

- رديت بكسره....وعرفتها!

= ايوه... انا مش عايزك تزعلي وصدقيني ربنا هيراضيكي ويطبطب ع قلبك

- إن شاء الله يا بابا

= هدخل أغير لبسي وانام

- لا انا مستناك نتغدا مع بعض

= مليش نفس يا بنتي

- تمام وانا كمان مش هاكل

= عارف دماغك الناشفه دي، هغير واجي

- بفرحه.... ماشي

أم ملك- حصل اي عشان يتطلقو!

ابو ملك- لسه جاي من عند مراد واللي حصل أنه........

ام ملك- بقا كل ده يحصل منه وانا اللي اعتبرتو في مقام ملك بالظبط

= خلاص بقا اللي حصل حصل والبنت مش لازم نضغط عليها في حاجه عشان نفسيتها وورقة طلاقها هتوصلها قريب

- تمام

" خلصت الاكل وبدأت ارصو ع السفره ونديت لبابا وماما واحمد اخويا جه م الدروس قعدنا ناكل وكنت بحاول اداري وجعي اللي مالي قلبي بس مقدرتش، كنت شارده وماسكه المعلقه ومحستش غير بإيد بتلمس ع شعري وصوابع بتمسح دموعي اللي بدأت تنزل ع خدي تخفف وجعي.....ده بابا قام اخدني في حضنو وطبطب عليا وطمني بوجوده وتقريبا كنت محتاج الحضن ده أخرج كل الوجع اللي جوايا فيه"

" كان قلبي بيوجعني ع شكل ملك بنتي وعارف أد اي هي حبت مراد وكانت متعلقه بيه، كنت بملس ع شعرها لحد ما حسيت بتقل جسمها فبصيت ليها لقيتها نامت، سندتها انا وأمها ودخلناها اوضتها وخرجنا"

-صباح الخير يا بابا ، صباح الخير يا ماما

= صباح النور يا حبيبتي اي رايحه فين كده

- مخنوقه ومحتاجة اتمشا شويه

= هتروحي فين

- مكاني المفضل

= النيل تاني

- وتالت وعاشر يا ماما بحبو

= خلي بالك من نفسك

- عيوني

" عدا شهر ونص ع طلاقي وورقة طلاقي وصلتني وبقيت مطلقه رسمي، بقا مكاني المعتاد النيل بروحه تقرييا كل اسبوع بحس بكمية راحه مش طبيعيه وأنا واقفه قدام البحر وبتفرج ع الميه، وأنا باكل حمص الشام من هناك"

- عايزه حمص الشام يا عمو

= تفضلي يا بنتي

- بكام

= ب ١٠ بس

- وادي خمسة كمان عشان هستعير الكرسي شويه

= لا ده انتي تستعيري النضاره كمان!

- بصيت ع المكان اللي جه منه الصوت ولقيتو شاب  لابس نضاره وشد كرسي وقعد

= ممكن اقعد!

- ما انت قعدت، والمفروض تستأذن من عمه ده مش مني، لان المكان ليه والكرسي كمان ليه!

= ما انا استأذنت ووافق باقي موافقتك انتي.

-بصيت لعمو فهز دماغو بأه ففهمت انه وافق، مليش الحق بقا ارفض تفضل اقعد

= شكرا

- ابتسمت وبدأت آكل حمص الشام وأنا مركزه عيني ع الميه والناس اللي راكبين مراكب في البحر

= تحبي تنزلي تركبي

- بصيتلو ببرود ومشيت

" أنا مبحبش الاختلاط ومبحبش أكون خارجه في مكان أنا بحبو وحد يكون معايا فيه، والإنسان ده شكلو مستفز فمشيت وصلت البيت

- السلام عليكم يا أهل البيت

= وعليكم السلام

- هو في حد هنا ولا اي!

= أه ده واحد صاحب أبوكي معاه جوه

- هدخل اوضتي انا

= ماشي

- عدا اسبوع ونزلت اتمشا ع النيل

= مش معقول الصدف دي!

- بصيتلو بتركيز نفس الشاب اللي شوفته م اسبوع....انت!

= مالك..... اسمي مالك.

- ميهمنيش اعرفك و

= ده يعني انا اللي هموت وأعرفك مثلا! بس قوليلي ده اي القمر ده!

- شُك....ايه! لا بقا ده انت قليل الادب وبتعاكس.

= تؤ بوصفك

- انت......انت مشمحترم

= ههههههه اهدي يبنتي خدودك بقت شبه الطمطمايه ليه كده!

- انا ماشيه

= قبل ما تمشي تعرفي مالك النجار!

- وقفت دقيقة أفكر.....انت تبقا...

= ايوه انا

- معقول بعد كل السنين دي القدر كتبلنا نرجع نتقابل

= شوفتي بقا، تسمحيلي اعزمك ع قهوه

- موافقه

" ركبت جمب مالك في عربيته وبدأ يسوق"

= في كافيه هنا بيعمل قهوه فرنسي جنان

- بابتسامه موافقه

" دخلنا الكافيه وطلبنا قهوه ومالك بدأ يسألني ع احوالي فنسيت كل الوجع وفضلت ع الثبات اللي انا رسماه وقولت بضحكه انا كويسه احكيلي عنك!

- بعد ما خلصنا الجامعة وبسبب حصولي ع الأربع سنين إمتياز بقيت معيد بس مش في مصر، فسافرت وبدأت احضر الدكتوراه وبقيت دكتور في الجامعه ومكنتش ناوي أنزل بس حصل ظروف ونزلت ونقلت شغلي هنا.

=ظروف اي دي اللي اتخليك تتنازل عن مستقبلك عشانها

- بتوتر.....هتعرفي في الوقت المناسب، اشربي القهوة يلا عشان أوصلك البيت

= تمام

" خرجنا م الكافيه وقبل ما أركب العربية سمعت حد بينادي عليا"

- ملك

= بصيت لقيتو بابا!

- مين ده وبتعملي اي معاه

= انا مالك يا عمي وزميل ملك من أيام الجامعة و

- قدامي يا ملك يلا

" كنت لسه هركب العربية جمب مالك وسمعت صوت بابا بينادي ليا وقتها خوفت يتصرف بتهور ويفتكر في حاجه بيني انا ومالك بس ارتحت لما طلب مني نروح ع البيت، اهو نتخانق في البيت احسن م الشارع!

- تقدري تقوليلي مين مالك ده وكنتي معاه فين!

= والله يا بابا ده زميلي وتقابلنا صدفه لانه بقاله سنين مسافر وعزمني ع قهوه وكان هيوصلني البيت ده بس اللي حصل وكنت ناويه اني مخرجش معاه تاني

- ياريت متتقررش تاني والا هيبقا ليا تصرف تاني معاكي

= حاضر

" استأذنت من بابا ودخلت اوضتي بقيت شايفه نظرة شك في عيونه، معرفش ازعل ع اللي بيحصل ولا ع نفسي! افتكرت كم الوجع اللي مريت بيه وأد اي مراد كان واخد جزء كبير من قلبي......كنت بحس بالأمان في وجوده كنت أستناه لما يرجع م الشغل وأترمي في حضنه وأنا بقوله وحشتني، كنت مجرد ما ألمح طيفو وهو داخل عليا البيت أحط ايدي ع قلبي وانا متطمنه ومستأنسه بيه، برغم كل الوجع اللي اتوجعته منه برغم حبي الكبير ليه! او كان لانه خلاص اختفا م قلبي زي ما اختفا م حياتي!

- قومي يا ملك عشان تتغدي

= لا يا ماما انا هنام

- في اي يا بنتي بتعيطي ليه؟

= بصيتلها بوجع....ع حياتي اللي بتمشي عكس ما انا أتمنيت، ع حبي اللي خسرتو واتبعت مقابل حبة فلوس، ع قلبي اللي بينزف وع كل حاجه كان نفسي تبقا حلوه بس الحياة ادتني عكسها والفرح اللي اتمنيتو أخدت بدالو كم أحزان ووجع لقلبي!

- اهدي وكله هيتحل وصدقيني ربنا بيعوض، وعوض ربنا حلو اوي، وحياتك اللي انتي بتقولي كلها احزان هييجي يوم وهتضحكي من قلبك وهيكون قريب انتي ربنا بيحبك" إن الله إذا أحب عبدا ابتلاه" وربنا ابتلاكي عشان يشوف صبرك وأد اي انتي متيقنه وراميه حمولك عليه .

= ونعم بالله يا أمي انا محتاجه أني ابقا كويسه بس!

- هتبقي كويسه يا حبيبت أمك قومي صلي واستغفري وادعي بيقين وبعدها هتلاقي نفسك ارتحتي وهتنامي.

= تمام

" قومت اتوضيت وبدأت أصلي ودعيت ربنا كتير اني المحنه دي تعدي وأرجع لحياتي الطبيعية تاني، وبعدها نمت بس احساس بالراحه اتسلل جوايا وكإن ربنا بيقولي طول ما انتي مؤمنه المحنه هتعدي بسهوله"

- صباح الخير يا ملك

= صباح النور يا ماما، فين أحمد وبابا

- احمد بيزاكر هو ومروان صاحبو عشان الامتحانات قربت اهو

= ربنا يوفقه وبابا!

- معرفش جالو فون ونزل وحتا مقليش

= تمام انا هعمل قهوه اعملك معايا

- لا هنزل انا اجيب طلبات وشويه وهرجع

" قومت أعمل قهوة وأنا قلبي لسه واجعني ومش قادرة اتأقلم ع الوضع اللي انا عيشاه، هو مراد مبقاش ليه وجود بس يمكن انا حزينه ع اللي وصلتله واني مطلعش ليا أهمية وحبنا كان مجرد وهم.....وهم كبير، كنت مفكراه قصه حب حلوه بس للأسف طلع العكس... فوقت من شرودي ع صوت الجرس فلبست السدال وفتحت

= بابا! حضرتك مش معاك المفتاح!

- معايا بس في ضيف معايا ولازم يستأذن

= طيب ناديلو وانا هدخل اعمل الشاي

- استني يا ملك

= مالك...! انت بتعمل ايه هنا

- هنتكلم ع السلم يعني تفضل يبني

= هدخل انا اعمل الشاي

- مش عايز شاي، انا عايز اتكلم معاكي في وجود والدك

= بصيتلو باستغراب....هو ليه عايز يتكلم معايا! بصيت لبابا فطلب اقعد فقعدت....تكلم سمعاك

- أنا يا عمي طالب ايد ملك بنتك

= نعم!!!

- ايوه عايز اتجوزك

= مستحيل ده يحصل انت سامع وتفضل من غير مطرود

- ملك انا مقدر انتي ليه بتعملي اي وفاهم

= منتاش فاهم حاجه خالص تفضل بره

- عن إذنكو

=ليه يا ملك كسرتيه بالشكل ده

- وحضرتك كنت متوقع اني اعمل ايه أرحب بيه واقوله انني موافقه ويلا نتجوز لا يا بابا ده لا يمكن أبدا

= بس انا مقولتش توافقي وانا مكنتش عارف انه هيتكلم معاكي في الموضوع ده والا مكنتش جبتو معايا البيت

- هو حضرتك اتقابلتو ازاي

= لقيتو واقف تحت البيت، وقال انه محتاج يتكلم معايا انا وانتي في موضوع يخصك فعزمت عليه يطلع ونتكلم هنا فوافق واللي حصل بعدها بقا انتي عرفاه

- تمام عن إذنك

" اترميت ع سريري وحضنت المخده بقيت بعيط من غير صوت، حاسه اني قلبي مدبوح ولو خرجت صوت هموت أسرع! انفاسي بدأت تقل حسيت اني الأكسجين خلص من جسمي مبقتش قادره أتنفس قومت وحاولت أخرج بره الاوضه بس قبل ما افتح الباب وقعت"

= ها يا دكتور بنتي مالها

- دي حالة نفسية وهي اللي مأثره عليها بالشكل ده ومحتاجة لأماكن جديده وتخرج من جو الاكتئاب اللي عايشه فيه.

= والحل!

- يعني مثلا شوفه هي بتحبو اي واعملوه، او لو بتحب مكان معين وبترتاح ليه تقعد فيه فتره لحد ما ترجع طبيعيه وحالتها النفسية تهدأ

= تمام شكرا لحضرتك

- العفو

- حمدالله على سلامتك يا بنتي

= الله يسلمك ي ماما هو حصل اي

- ضغطك وطي بس وبقيتي كويسه دلوقتي؟

= هزيت دماغي بتعب.... الحمد لله

" عدا يومين وأنا حالتي زي ما هي لا بخرج من اوضتي ولا بكلم حد، تقريبا الأكل قطعتو عايشه بلا هدف....سمعت حد بيخبط ع باب اوضتي فتوقعت إنه بابا

- تفضل

" لقيت ماما وبابا داخلين ومبتسمين فرديت الابتسامه وانا بقولهم يا مراحب

= انتي كويسه!

- اكتفيت بهز دماغي

= عايز اطلب منك حاجه بس مش تكسفيني

- ده إنت تؤمر

= اكتر مكان بتحبيه النيل وطول عمرك كنتي تتمني يكون بيتك ع النيل وانا هحققلك الحلم ده لأيام بس

- بفرحه....بجد يا بابا!

= طبعا يا روح بابا

" قومت حضنت بابا وماما وقالو إنهم إتأجرو شقه ع النيل لمدة شهر ومن بكره هنعيش فيها، فرحت اوي بالخبر ده كون إني أقعد بليل وأتفرج ع النيل وسط صوت الميه والنجوم في السماء فده شئ مبهج ومريح، من صغري وأنا بحب النيل وكنت ديما بتمنا يكون بيتي هناك بس اهو هعيش هناك ولو فتره وده قادر يخليني ابقا فرحانه م قلبي"

- وصلنا البيت ودي اوضتك اخترتها ليكِ لانها فيها بلكونه وهتشوفي منها البحر

= تعرف اني بحبك

- هههههه يا بكاشه

= يا بابا بقا

" دخلت الاوضه وأنا ببص ع كل ركن فيها بابتسامه ، فتحت البلكونه وتلقائي الفرحه اترسمت ع قلبي قبل وشي والله....منظر البحر من بعيد حلو جدا حتا الناس وهي راكبه في السفن وأد اي الفرحه مرسومه ع وشهم حقيقي شكلهم مبهج ومفرح كان المغرب قرب يأذن فغيرت لبسي واستأذنت من بابا ونزلت"

- حمص الشام يا عمو

= حاضر اي ده انتي إذيك

- الحمد لله يا عمو، ها ممكن اقعد

= اكيد يا بنتي والمرادي الحساب عليا

- تسلم والله

" قعدت واكلت حمص الشام والمره دي تختلف عن كل مرة لاني كنت باجي كل أسبوع دلوقتي هاجي كل يوم، فضلت ابص ع السفن وهي بدأت تتحرك في البحر وسامعه صوت الموسيقي والأطفال بترقص وقلبي بيرقص معاهم"

- هتفضلي تتفرجي كتير مش ناويه بقا تنزلي وتركبي!

= بتعمل ايه هنا يا مالك، انا طلبت منك تخرج من حياتي

- بس انا مش عايز اخرج انا مرتاح كده وهبقا مرتاح اكتر لو وافقتي ع طلبي

= مستحيل ده يحصل انت سامع وابعد عني بقا، وياريت لو شوفتني في مكان متكلمنيش

- بطلي بقا أنانيتك دي انتي اي مبتحسيش! معقول معندكيش قلب ومش حاسه بيا، طب إديني فرصه أثبتلك إني بحبك و

= بتحبني! ههههه تصدق انك ضحكتني، حب اي ده اللي في يومين انت عارف انت بتقول ايه!

= يومين! انتي مش فاهمه حاجه إديني فرصه أشرحلك

- مش عايزه أسمع حاجه

= مسكت ايدها وشديتها ورايا المره دي بالذات لازم تسمعيني

- انت مجنون سيب ايدي وإلا هصوت وهلم عليك الناس

= طيب إديني خمس دقائق

-.......

= عشان خاطري واوعدك بعدها هعمل اللي تطلبيه مني

- ماشي

= طيب اركبي العربية نروح في اي مكان عام نقعد نتكلم

" ركبت جمبو وانا مقرره إني هسمعو وبعدها همشي وهطلب منه يختفي من حياتي!

- معاك خمس دقايق اتكلم

= انا بحبك وعايز اتجوزك والله هسعدك وعمرك ما هتندمي إنك اخترتيني

- لا، وبالنسبة لانك....لانك بتحبني!

= أنا فعلا بحبك ومش من يومين زي ما انتي مفكره انا بحبك بقالي ٧ سنين

- ايه....!

= اه يا ملك من سبع سنين وانتي محاوطه قلبي، اول يوم في الترم الثاني واحنا في سنه تالته، وقتها جيتي وطلبتي مني محاضرات فاتتك من يومها وقلبي مدقش غير ليكي، منعت نفسي احبك بس مقدرتش حافظت عليكي وقولت هفضل بعيد لحد ما أكون نفسي وبعدها اتقدملك وفعلا اتعينت معيد في الجامعه بس كان حلمي أكبر وقدرت أحققو واخدت الدكتوراه بس انتي مكنتيش موجوده دورت عليكي كتير ملقتكيش بس بفضل الله لقيتك من فتره

- في حاجه مهمه انت متعرفهاش وهي إني....

= انك مطلقه يا ملك....عارف.

- عارف ازاي!

= من سنتين بالظبط نزلت مصر وسألت عليكي صحابنا القدام وقتها عرفت انك اتكتب كتابك ع حد غيري وقتها اتكسرت وقررت أسافر ومرجعش مصر تاني، رفضت فكرة الجواز ومحيتها من حياتي لحد ما عرفت قريب إنك اتطلقتي مترددتش لحظه ونزلت مصر وعرفت عنوان بيتك وكنت براقبك ديما لحد ما نويت أظهر قدامك كنت بتمنا إنك تعرفيني لوحدك بس ده محصلش، وانا جيت واعترفتلك اني مالك النجار واليوم بعترفلك قدام كل الناس إني بحبك يا ملك وعمري ما حبيت ولا هحب حد غيرك.....قولولها ياعالم توافق.

" مالك علا صوته واحنا في الكافيه وبقت كل الأنظار علينا وقتها بصيت لعيونه حسيت فيها بالحب اللي طول عمري أتمناه مفوقتش غير وأنا بقوله موافقه، سمعت تسقيف وابتسامه من كل اللي حوالينا ومالك بقا يدمع وهو بيضحك، معقول انا استاهل اتحب كل الحب ده.... معقول!

- بابا مالك معايا وعايز حضرتك في موضوع

= اتكلم يبني

- انا طالب ايد ملك وقبل ما حضرتك تعترض انا أخدت رأيها وهي موافقه

" سمعت صوت زعاريد ماما وعدا الشهر كنت كل يوم انزل اقعد ع النيل ومالك معايا وبقينا نركب المركب، وبعدها رجعنا بيتنا وطلب نتجوز ونكتب الكتاب وانا وافقت"

- هننزل نجيب الشبكه والفستان امتا!

= ملهاش لازمه الحاجات دي يا مالك وفر فلوسها للشقه

- حبيبة مالك هتبقا أجمل عروسه في الدنيا، والشقه جاهزه ومستنيه أميرتي تدخلها تنورها بس

= بإحراج....كتير عليا ده والله

- ده انتي اللي كتير ع أي حد في الدنيا

" نزلنا جبنا الفستان والشبكه وعدا شهر ع خطوبتنا وأقدر اقول اني ماما كان عندها حق وربنا بيعوض وعوضي كله هو مالك، حبه وخوفه عليا أثبتولي اني عمري ما تحبيت من راجل غيرو، قدر يخطف قلبي ويوقعه في حبو وحقيقي هو يستاهل كل الحب اللي في الدنيا دي والله.... هو كبير اوي في حياة اي حد وقدر يحول كل الضلمه اللي جوايا لنور وفرحه، بقيت بعد الأيام اللي هتعدي وييجي اليوم اللي هيبقا فيه جوزي وحضنو حلالي"

-المأذون خلص كتب الكتاب هتفضلي عندك ولا اي

= عايزه اعمل حاجه بس مكسوفه

- من جوزك!

= قربت عليه وحضنته، بحبك يا قرة عيني

- قولتي ايه

= همست في ودنه بحبك

- ده انا اللي بعشقك والله

" عدا سنه ع جوازنا ومالك كل يوم بيثبتلي انه الزوج الصح وده اللي طول عمري اتمناه من ربنا والحب بيننا كبر وعمرو ماعايرني بزواجي الاول بالعكس ديما يقولي انني الوحيدة اللي قدرت اخطف قلبو واني كتير عليه وهو مش عارف بكلامو ده خلاني عشقتو واتمنيت اني مراد مكنش يدخل حياتي اصلا بس القدر بقا.

- ملك

" كنت ماشيه في الشارع وسمعت صوت مراد فبصيت لقيتو هو

= مراد بتعمل ايه هنا!

- عايزك تسامحيني

= ع اي

- ع كل اللي عملتو فيكي

= انا أحب أشكرك لاني حصلت ع نصيبي الحلو كله في جوزي وده بفضلك شكرا، بس مش مفروض كنت دلوقتي تبقا في دبي!

- نزلت من شهرين اتعرفت ع وحده هناك واتجوزنا وضحكت عليا وسرقت كل فلوسي وقتها حالتي الصحيه اتدهورت وطردوني م الشركة وقتها افتكرت كلمة ابوكي وهو بيقولي هتدوق نفس الوجع اللي دوقته لبنتي

= سيبتو ومشيت وانا حزينه ع حالته رغم انه يستاهل اكتر من كده بس اللهم لا شماته

- جيتي يا حبيبتي

= اها

- مالك زعلانه ليه!

=مالك هو انا لو مبخلفش هتسيبني!

- شكلك اتجنيتي يا ملك ، وانا هعوز ولاد ليه وانتي موجوده.... يقلب مالك انتي بنتو ومراتو وكل حاجه حلوه في حياتي وانا اصلا مش عايز م الدنيا دي كلها غيرك، وحتا لو مبنخلفش فدي حاجه بإيد ربنا ملناش نعترض عليها

= انت ازاي حلو كده ، والله انا جوزي قمر وبحبك يا أحلا بابي في الكون

- ايه!

= انا لسه جايه من عند الدكتورة وحامل في الشهر التالت

- الف مبروك يا ملكة قلبي وهتبقي مامي جميله اوي

" شالني ولف بيا ومن فرحتو نبه عليا معملش اي حاجه في البيت وخد أجازه من شغلو وفضل معايا ديما"

- مالك اصحا شكلي بولد اعاااااا

= اهدي يا حبيبتي هنروح المستشفي يلا

" شيلتها وروحنا المستشفى والدكتور دخلها العمليات وبعد ساعتين سمعنا صوت بيبي"

- مبروك يا أستاذ مرات حضرتك جابت ولد

= هنسمي ابننا ايه

- حمزه

- بحبك يا أم ابني

= بحبك يا قرة عيني

"  العوض حلو، ربنا بيمتحنا وبيحطنا في محنه بس ربنا بيعوض وعوض ربنا حلو اوي وعوضه كبير بس دايما ترمي همومك وتتوكل علي الله"

عشان كامله محدش هيعلق شجعوني وهنزل قصه جديده👇

👇