رواية بيت العيله البارت الخامس الأخير بقلم محمد محمود في موسوعة القصص والروايات جميع الفصول كامله وحصريه
رواية بيت العيله الجزء الخامس الأخير بقلم محمد محمود في موسوعة القصص والروايات جميع الفصول كامله وحصريه
 |
رواية بيت العيله البارت الخامس الأخير بقلم محمد محمود في موسوعة القصص والروايات جميع الفصول كامله وحصريه
بيت العيلة الجزء الخامس والاخير
بس المره دي قومت بسرعه طلعت على الصاله ونورت النور وجريت على اوضه بابا وماما وصحيتهم صحيو زي ما حملت وقالولي في ايه قولتلهم ياسمين فيها حاجه مش طبيعية .. ساعتها خالاتي برضه صحيوا .. وقالولي مالها دخلت على ياسمين الاوضه.. لقيتها بتزعق وبتقولي اطلعوا بره مالكوش دعوه بيا انا كويسه .. هنا البيت كله كان مخضوض من صوتها العالي المبالغ فيه.. وماما لما جت تطبطب عليها وتسالها مالك زقتها جامد فوقعت على الارض .. وبعدها ياسمين فضلت تعيط وقامت نايمه على السرير ولقيناها بتتوجع لوحدها وبتوشوش نفسها بكلام مش مفهوم.. كنت حاسه ان الاحلام والتخيلات دي اكيد عشان في روح او جن فالمكان ..والمكان مسكون بجن عشان كده كنت بحلم بكوابيس او ممكن ياسمين اللي تكون خلتني اشوف الكوابيس دي عشان تعرفني انها ملبوسه واساعدها.
ساعتها خالتي اتصلت بشيخ وقالتلي انها كانت كل ما تفكر تكلم حد ياسمين تقولها انا كويسه بلاش تجيبي شيخ انا مش ملبوسه بس ماماتها والكل اتاكدوا دلوقتي .. فضلنا مستنين شيخ الجامع اللي جمبنا راجل من الحته ونعرفه وصل بعد نص ساعه هو ومعاه شاب صغير واحنا بنراقب ياسمين عشان ما تعملش حاجه في نفسها .. واول ماشاف ياسمين فضلت تصرخ وترمي عليه اي حاجه قريبه منها كانت صعبانه عليا جدا ومش قادره اساعدهم لاني كنت مرعوبه .. لحد ما خالاتي مسكوها بعد ماعورتهم بسبب انها عماله ترفص في كل حته وتخربش وتعض اي حد
حاسه انها اتحولت كائن تاني .. فجأة لقيتها بتقول سيبوني بصوت تخين غير صوتها .. انا اتوترت جدا ساعتها وهي بتتكلم بصوت مش صوتها .. اكيد دا صوت الجني .. الشيخ فضل يقراء عليها وبعد شويه قالنا العمل معمول في البيت هنا ساعتها افتكرت الاوضه قولتلهم عليها فالشيخ قال للشاب اللي معاه اطلع فوق ساعتها طلع ومعاه بابا وخالي وخالتي لقيتهم نازلين بالحاجات اللي المفروض شوفتها في الحلم وقام لاممها في وطلع منها الورق بس اللي مرسوم ومكتوب فيه حاجات ورماه في مية بملح وبعدها قعد يرش على ياسمين م الميه دي وهي تصرخ لحد ما هديت خالص ونامت
ساعتها الشيخ قال لخالتي مامه ياسمين ابقي اقري عليها قران كل يوم هي هتبقى كويسه بس الظاهر ان الفتره الاخيره هي اللي عملت عمل لنفسها وهي بتحاول تعمل عمل لحد تاني .. خد كل الحاجات اللي ليها علاقه بالموضوع ده من الاوضه اللي فوق ومشي وبابا اداله فلوس بس هو رفض ياخد حاجه
انا مش عارفه ليه ياسمين ممكن تعمل حاجه زي كده وليه تلعب بالسحر من اساسه .. دا اكتر حاجه اللي لو حد جربها لازم هتوقعه في مشكله اكبر من اللي كنت فاكر ان السحر هيحلهالك .. فضلنا قاعدين كتير لحد ما روحنا نمنا والصبح قررت امشي وارجع بيتنا لاني بجد بعد كل اللي حصل مش هقضي ليله تاني في البيت ده ..
بس وانا بسلم على خالاتي وماشيه ببص على البيت من بعيد لقيت الاوضه اللي فوق اللي كنت فيها امبارح زجاج الشباك بتاعها مكسور زي ما اتكسر معايه امبارح في الحلم طب لو حلم اتكسر ازاي ؟ ولا هو مكسور من الاول مابقتش فاهمة بس اللي فاهماه ومتاكده منه حاجتين اني ما العبش في السحر واني ماجيش البيت ده تاني.
تمت
يتبع ...انضم لجروب التليجرام ( هينزل فيه الرواية كاملة )اضغط هنا
مجمع الروايات الكامله والحصريه اضغط هناااااااا
تابعى صفحتنا على الفيسبوك عشان تبقى اول واحدة تقرأ البارت اول ما ينزل
صفحتنا على الفيسبوك اضغط هناااااااا
الرواية كامله اضغط هناااااااا
تعليقات
إرسال تعليق