اسكريبت جاري وجوار قلبي القديم البارت الاول بقلم مي جمعة في موسوعة القصص والروايات اسكريبت جاري وجوار قلبي القديم البارت الاول بقلم مي جمعة في موسوعة القصص والروايات  |
اسكريبت جاري وجوار قلبي القديم البارت الاول بقلم مي جمعة في موسوعة القصص والروايات
' انتي طالق
وقفت وقتها والدنيا كلها حسيتها بتدور فيا محستش غير وانا واقفة برة الشقة وشنطة هدومي معاية هه شكلك كان مستعجل ف ساعدني ف لم هدومي خرجت من العمارة وانا حاسة بكم ذل واهانة كبير
انا حور عندي ٢٤ سنة اهلي متوفين مليش غير اخويا الي طلعت بيه من الدنيا خريجة تربية بس مشتغلتش قبل كدة عشان معاذ الي اول حاجة طلبها اني اقعد بعد التخرج وانا من هبل.. ي قعدت وافتكرته عايز راحتي طلع اكتر واحد مش عايز اي نجاح ف حياتي
وصلت بيت اهلي واول مافتحلي اخويا اترميت ف حضنه
_ايه دا مالك ياحور ياحبيبتي وايه الشنطة دي في ايه
_مش قادرة اتكلم يامحمد عايزة ارتاح بس
_طب ادخلي ياحبيبتي ارتاحي ولما تصحي نتكلم
دخلت اوضتي كانت وحشاني اوي لان معاذ مكنش بيرضى يخليني اجي هنا كتير ومحمد الي كان دايما بيزورني قعدت على سريري وانا بسترجع كل ذكرياتي معاه من اول ماكتشفنا الي كان سبب ف كل الي حصل
فلاش باك
_ها يادكتورة طمنينا احنا بقالنا سنة متجوزين ومفيش اي حمل حصل
_احم للاسف مدام حور عندها مشكلة ومش بتخلف بس مش عايزين نفقد الامل ربنا كبير ممكن يرزقكم بطفل بس هنستمر على العلاج دا
_تمم شكرا يادكتورة
خدني من ايدي ونزلنا وانا كنت ساكتة تمام مش قادرة اقول اي شئ
ومن يومها وهو معاملته معاية اتغيرت مبقاش معاذ الي اتجوزته الي كان بيخاف ربنا فيا بقى يتلككلي على اي حاجة ويتعصب عليا فيها لدرجة انه بقى يقولهالي ف وشي انه مستحملني برغم اني مبخلفش لحد ماجه اليوم الي رجع فيه من عند مامته الي بتكرهني جدا عشان الخلفة ومن غير الخلفة اصلا مش حباني وبدأت الخناقة الي كنت بحاول فيها امتص غضبه على اد ماقدر بس هو كان حاسم امره وانتهت بطلاقنا
باااك
نمت من تعب التفكير وفضلت على حالي رافضة الكلام مش عارفة اقول ايه اقول اني هونت عليه وكرامتي اتجرحت ولا اقول ايه كنت بس بقوم اصلي فروضي وارجع انام تاني ومحمد كل شوية بيحاول يخرجني من الي انا فيه وانا كنت بحاول ابان قادمه كويسه لانه لما عرف بطلاقي وسببه كان عايز يروح يتخانق مع معاذ
هو مش معترض على امر ربنا وبيقولي انا اشيلك جوا عيوني بس كان نفسه ان الامور تتحل بطريقة احسن من كدة يطلقني بس بأحترام مش يهيني الاول ويجرح كرامتي
وعدا شهر ونص وانا مازلت على حالتي لحد ما فيوم قومت عشان اصلي كالعادة ولما خلصت وقفت قدام مرايتي
بصيت على شكلي والسواد الي مالي تحت عيني انا من امتى كنت كدة طول عمري برضى بنصيبي وقدر ربنا ليا خرجت برا اوضتي وانا مقررة اني مش هفضل كدة دا نصيبي واكيد الي كاتبه ربنا ليا خير
_ايه دا واخيرا حنيتي عليا وخرجتي برا
_ايون خرجت عندك مانع ياعم محمد
_مانع ايه بس هو انا اطول ياقمر ايه بقى عاملة ايه دلوقتي واي سر الابتسامة الحلوة دي
_مفيش بس اصلي قولت هفضل لامتى عاملة كدة دا مينفعش ربنا عز وجل امرنا ان الزعل على الحاجة تلت ايام بس وانا زودتها اوي يااخي
_هههه حسيت بردك كدة بعدين تزعلي على اي بس على سي معاذ دا انا اصلا من الاول محبتوش الواد دا
_ههه بس خلاص سيبنا من سيرته راح لحاله قولي بقى فطرت ولا اعملك فطار
_والله مش هرفض اكل من ايدين القمر
_ههه من عنيا ياسيدي
عملت فطار وقعدنا وانا بحاول بكل جهدي اضحك من تاني وانسى كل شئ
_مودي ياقمر انت
_امم مودي يبقى عايزة حاجة خير ياستي
_كنت عايزة انزل اشتغل
_ليه ياحبيبتي محتاجة حاجة انا مقصر معاكي ف حاجة
_ابدا والله بس انا زهقانة وعايزة املي وقتي واعتمد على نفسي
_امم ماشي ياحور انزلي ياحبيبتي بس يكون شغل كويس وميتعبكيش والا مفيش متفقين من اولها اهو
_متفقين يامودي
_يابنتي ارحمي امي من دا اسم بقى مهندس محترم زي يتقله يامودي
_هههه مش انا قولت يبقى في
نزلت دورت واشتغلت مدرسة للاطفال بدرسهم وبحفظهم قرأن ودي حاجة مفرحاني اوي لان بعشق الاطفال واهو يعوضوني عن حرماني من اني اكون ام وعدا اربع شهور كمان واقدر اقول اني تقريبا اتعافيت من الي فات وعرفت بالصدفة ان معاذ اتجوز وبيعاملها وحش برغم انها حامل حقيقي حمدت ربنا انه نجدني منه ربنا عمره مايعمل حاجة تزعل عباده ابدا اكيد كل حاجة خير ليهم
وف يوم كنت ف ف الحضانة كالعادة دخلت عليا بنوتة بحبها جدا وبحب ادرسلها
_ايه ياخديجة ياحبيبتي عايزة حاجة
_كنت عايزة منك حضن كبير يامس حور قبل ماروح
ياخبر دنا من عنيا احلى حضن لاحلى خديجة تعالي اوصلك لقدام الحضانة ياستي انا كدة كدة مروحة وهستنى معاكي لحد مامامتك او باباكي يجو يخدوكي
_هييي يلا بينا يامس
خرجنا سوا وفضلنا فترة واقفين وخديجة بدأت تخاف وانا قلقت واضايقت ازاي يسيبوا بنتهم كدة كل دا تأخير
واخيرا شرف وحن على البنت
_معلش ياخديجة اسف والله اتأخرت
_ايه دا حضرتك كل دا تأخير البنت خافت حضرتك عارف احنا بنقفل الساعة كام بقالنا نص ساعة مستنين حضرتك
كان بيرد عليا وهو عينه ف الارض
_اسف والله حضرتك العربية عطلت بيا ف الطريق ومامتها تعبانة مكانتش قادرة تيجي اسف ان خليت حضرتك تستني معاها
_ولايهم حضرتك انا الي اسفة اني اتعصبت وبعدين عادي خديجة دي حبيبتي استنى معاها عادي
_شكرا لحضرتك يلا ياخديجة نروح
_يلا يابابا
خدها وروحو وانا مشيت ف طريقي لحد البيت روحت وكلت مع محمد وقعدنا وبعدها نمت وتاني يوم صحيت عشان اعمل نفس الروتين المحبب لقلبي وهي اني اروح للاطفال
_صباح الخير ياحلوين
_صباح النور
عدا اليوم وانا مروحة لقيت حد بينده عليا
_مس حور مس حور
_ايه ياخديجة ياحبيبتي
_كنت عايزة اديكي
ادتني شوكلاتة من النوع الي بحبه وباستني ف خدي ومشيت وانا استغربت ازاي عرفته بس كبرت دماغي ومشيت
وعدت ايام كتير وبابا خديجة كل يوم يجي ياخدها ويسلمو عليا ويمشوا لدرجة اني توقعت ان مامتها بعد الشر حصلها حاجة اصلها مش بتيجي خالص
رجعت من شغلي وقعدت ف اوضتي شوية لقيت محمد بيخبط عليا
_ادخل يامودي انا صاحية
_يادي ام مودي دي حسبي الله علعموم ياستي كنت جاي اقولك ان جايلك عريس وقبل اي اعتراض شوفيه وصلي استخارة لو مرتاحة نكمل متوقفيش حياتك عشان تجربة حصلت وربنا هيختارلك الخير بأذنه
_طب هو عارف اني مبخلفش
_اه ياستي عارف بس هو عنده بنت تقريباً لاني لسة مسألتش عليه كويس بس هو قالي هيجي هو وبنته واخته لان اهله متوفين اهو ياستي جاتلك بنت ربنا بيعوضك فيها لو كانلك نصيب معاه اعتبريها بنتك
_دا اكيد طبعا وانا معنديش اي مشكلة اني اربيها مدام مامتها متوفية هعتبرها بنتي واكتر كمان يمكن ربنا حرمني من الخلفة عشان اراعيها من كل قلبي
_ربنا يكملك بعقلك ياحبيبتي انا اتفقت معاه يجي بكرة بعد صلاة العشا
_تمام هكون جاهزة ان شاء الله
نمت بعد تفكير وانا حاسة ان عوض ربنا جايلي ف الشخص دا وبنته وصحيت تاني يوم خدت اجازة من المدرسة عشان اروق الشقة واعملهم حاجة اضيفهم بيها ومعرفش ازاي عدا الوقت بسرعة كدة ولقيتني بجهز عشان هما وصلوا برة
_اي ياحور ياحبيبتي خلصتي الناس برة مستنينك
_اه انا جاهزة اهو بس حاسة اني متوترة معرفش ليه
_طبيعي ياعروسة ياقمر انتي يلا بينا وعادي حدا اهدي كدا وخير بأذن الله
مسكت العصير الي عمال يتهز من رعشة ايدي وانا بدعي مرمهوش ف وش العريس من التوتر
_السلام عليكم ورحمة الله وبركاته
ردو عليا السلام وانا قدمت العصير وقعدت لازقة ف محمد
وبعد تعارف والكلام بتاع طلب الايد دا وانا بشبه على صوت العريس بس من توتري مش عارفه اركز سمعته فين
_طب ياجماعة احنا هنسبكم لوحدكم شويه تتعرفو وخلو _خديجة معاكم اهي نص محرم معلش
_هههه تعالي جنبي ياخديجة
هما عمالين يتكلموا وانا بدعي الي ف بالي ميبقاش صح دا نفس الصوت وكمان خديجة لما خرج محمد واخت العريس وعمه الي جه معاه فضلت معاهم لوحدي قولت عادي يمكن سابو البنت عشان ناخد انا وهي على بعض
_طب ياانسة حور تحبي تبدأي انتي ولا انا
رفعت راسي وطلع شكي ف محله
_ايه دا هو حضرتك العريس
_اه ياستي انا العريس وبعدين انا اسمي احمد ودي طبعا خديجة القمر انتي عارفاها
_احم طيب حضرتك بتصلي
_الحمدلله كله ف الجامع
_طب حضرتك حافظ القرأن
_كله بفضل الله يعني متقلقيش لو حصل نصيب انا الي هحفظ اطفالنا ان شاء الله
_احم حضرتك ليه اتقدمتلي برغم ظروفي
_ظروف ايه مانتي كويسة قدامي اهو وحتى لو اي حاجة كفاية المودة والرحمة بينا
قلبي وقع وخوفت ليكون محمد كدب عليا ومقالوش اني مش بخلف
_حضرتك عارف اني ممكن بنسبة كبيرة مخلفش
_اه عارف وراضي بيكي زي مانتي والخلفة دي بأيد ربنا مش بكلام عباده ابدا ربك رب المعجزات وحتى لو محصلش اكيد خير وانا راضي
فرحت جدا واحترمته اكتر وقولت اهو عادي عنده حور هعتبرها بنتي وتعوضنا احنا الاتنين عن الخلفة بس مازلت حاسة اني اعرفه معرفش فين بس عادي يمكن لان بقالي فترة كبيرة بشوفه
_طيب اشمعنى انا
_دي افضل اجاوب عليها بعد كتب الكتاب احسن
_امم طيب انا هصلي استخارة وارد على حضرتك ءشي
اتمنى تكون بالموافقة وانا مستنيكي براحتك
_وافقي يامس حور عشان خاطري دا خالو هيفرح اوي وانا كمان عشان هتعيشي معانا
لفتلها بخضة
_نعم خالو مين هي خديجة مش بنتك
#جاري وجوار قلبي القديم
يتبع انضم لجروب التليجرام ( هينزل فيه الرواية كاملة ) اضغط هنا
مجمع الروايات الكامله والحصريه اضغط هنا
تابعى صفحتنا على الفيسبوك عشان تبقى اول واحدة تقرأ البارت اول ما ينزل
صفحتنا على الفيسبوك اضغط هنا
تعليقات
إرسال تعليق