رواية تزوجت قطتي البارت الثالث والرابع بقلم هويدا زغلول في موسوعة القصص والروايات جميع الفصول كامله وحصريه رواية تزوجت قطتي الفصل الثالث والرابع بقلم هويدا زغلول في موسوعة القصص والروايات جميع الفصول كامله وحصريه  |
رواية تزوجت قطتي البارت الثالث والرابع بقلم هويدا زغلول في موسوعة القصص والروايات جميع الفصول كامله وحصريه
اتجوزت قطتي
الحلقه الثالثه
بقلم هويدا زغلول
وفي الوقت ده انا انصدمت وقولت
ريهام
اي ده هو انت عرفت اسمي منين ل سمحت
وبكل هدوء رد عليا وقالي
وليد
من البواب سالت مين ساكن في الشقه دي
قالي علي اسم حضرتك
ريهام
ماشي شكرا ليك وانا بعد كده هخلي بالي
من قطتي بعد اذنك وبعدها قفلت الباب وشويه
ونزلت للبواب
البواب
خير يا ست ريهام عايزه حاجه من برا اجبها
ليكي
ريهام
انت ازاي يا راجل انت اي حد يقولك عايز
يعرف اسمي اي تروح تقولوا ما ناقص
كمان تقولوا حكايتي اي راجل مجنون صحيح
وسبته وطلعت
البواب
مالها دي حد جه جنبها ولا انا اصلا قولت
لحد علي اسمها وبعدها طلعت واخد
القطه في الأوضه اللي أنا فيها ونمت وبعدها
سمعت صوت القطه عامله تذوم وصحيت
لقيت القطه قاعده ،،،،، ايوه القطه كانت قاعده
وعامله تبص ليا بس حجمها كان كبير
اوي وفضلت اصوت لحد ما سمعت الجرس
بيرن والباب بيخبط فتحت
وليد
أنا آسف ان جيت ليكي في وقت زي ده
بس هو انتي كويسه اصل سمعت صوت
صويت
ريهام
القطه أبوه انا شوفت القطه قاعده وكانت
عامله تبص ليا القطه دي مش طبيعه فيها
حاجه غريبه
وليد
بس بس بلاش تقولي كلامك ده لحد علشان
لو حد سمعه هيقول عليكي مجنونه اسكتي
ريهام
أنا مش مجنونه تعالي شوف بنفسك ، وطبعا
مش عارفه انا ازاي عملت كده ودخلت راجل
اوضه نومي بس الغريبه اكتر أن مش لقيت
القطه
وليد
هي فين القطه بس مافيش. حاجه في الأوضه
اصلا
ريهام
معقول تكون نطت عندك شباك الاوضه مفتوح
ممكن تكون عملت كده
وليد
اهدي بس واشربي مياه وارجعي نامي تاني
وانا لو لقيتها عندي هبقي ارجعها ليكي تاني
ريهام
لا لا انا مش عايزها ارجوك لو لقيتها خليها
تمشي احسن أنا اسفه بس انا لازم انام
دلوقتي
وليد اه تمام وبعدها مشي وانا فضلت
قاعده لحد ما الفجر إذن وبعدين نمت
وتاني يوم صحيت علي جرس الباب وفتحت
شيماء
يابنتي حرام عليكي انا خوفت يكون حصلك حاجه
عامله اتصل بيكي من بليل وانتي مش بتردي
خالص
ريهام
أنا نمت الصبح تعالي لما اقولك حصل ليا
اي وبعد ما خلصت كل حاجه لقيتها بتقولي
شيماء
وشكله ايه بقى جارك العزيز ده اكيد شكله حلو اوي صح
ريهام
والله انت انسانه فاضيه بقى انا بقول لك ايه وانت بتقولي لي ايه انا مالي ومال شكله
شيماء
خلاص خلاص بالراحه بلاش طريقه كلامك دي اسمعي كلامي انا من اول ما كنتش مرتاحه للقطه دي خالص احسن لك يا بنتي ما تدخليهاش شقتك ثاني
ريهام
ما هو ده اللي هيحصل طبعا انا يمكن اخلي القطه دي تبات عندي في شقه ثاني بقول لك ايه انا هعمل غداء وانتي لازم تقعدي تتغدي معايا
شيماء
مش هينفع والله انت عارفه ان ماما مش بتاكل من غيري
ريهام
والله انا مش عامله الاكل علشان سواد عيونك انا بصراحه ربنا عايزه اعزم وليد على وقفته معي ومش هينفع اخليه يجي يتغدى هنا لوحده لازم تكوني انتي موجوده
شيماء
شكلنا هنبارك ونهني قريب ومبروك عليكي
عريسك الخفه
ريهام
حرام عليك يا بنتي هو انت مش بتعرفي تتكلمي كلمتين جد ولا ايه
شيماء
خالص خالص أنا هقعد علشان عايزه
اشوف الولد ده بقولك اي صحيح
كنتي دائما بتقولي انك مش بتحبي اسم
وليد بس مقولتيش مش بتحبي ليه
ريهام
من غير ما ادخل في تفاصيل ده كان اسم
الولد اللي كان شغال مع بابا الله يرحمه
وبعدها دخلت المطبخ وخلصت الاكل
وروحت شقه وليد وفضلت اخبط وبعدها رجعت
البيت
شيماء
اي مجاش معاكي ليه اكيد قالك لا
ريهام
لا لا مش موجود شكله في الشغل ولا اي
بس انا مش سمعته نازل
شيماء
عادي ممكن يكون نزل قبل ما أنا اجي
واصحيكي وبعدها قالت ياه الوقت
اتاخر اوي ولازم امشي
ريهام
ما تخليكي معايا بصراحه كده انا خايفه من الشقه دي
شيماء دي كلامك ده يا بنتي خليكي عادي
بقي والحمد لله أن القطه مش جت
ليكي الشقه تاني
ريهام
اه صحيح غريبه هي كانت بتمشي بس بترجع
تاني المره دي مجتش
شيماء
أنا حاسه انها مش قطه خالص عالعموم مش
عايزه اسيبك خايفه أنا هامشي
ريهام
طيب خدي بالك من نفسك وفعلا مشيت
وبعدها دخلت الحمام وشويه سمعت صوت
جاي من المطبخ ودخلت المطبخ وكانت الصدمه
لما شوفت القطه موجوده وعامله تاكل
لحمه نيه ،،،،،،، لحمه غرقانه في الدم
وفضلت اصوت جامد ومش قادره اتحرك
من مكاني المره دي لقيت واحد واقف
ورايا ببص لقيته وليد
وليد
بطلي صويت
ريهام
اي ده انت دخلت هنا ازاي ، وبعدها قالي
اتجوزت قطتي
الحلقه الرابعه
بقلم هويدا زغلول
وليد
أنا لقيت باب الشقه مفتوح وبعدين سمعتك
بتصوتي قولت لازم ادخل واشوف فيه اي
ريهام
القطه بوص بتاكل اي ، وفي الوقت ده القطه
اختفت ومعرفش راحت فين
وليد
هي فين القطه أنا مش شايف اي حاجه
ريهام
لا بقي أنا مش هتجنن أنا شوفت القطه
هنا دلوقتي وقبل ما اخلص كلامي النور
قطع
وليد
اهدي ومش عايز صويت
ريهام
ارجوك اوعي تسبني دلوقتي أنا بخاف
من الظلمه اوي ومش عايزه اقعد لوحدي
وليد أنا معاكي ، وفي الوقت ده انا ايدي
جت علي ايد وليد وكان جسمه سخن اوي
ريهام
اي ده هو انت كويس جسمك سخن اوي
اوعي تكون تعبان
وليد
لا انا جسمي بيكون كده في الصيف
ولما ميكنش فيه مروحه
ريهام
أنا هبيع الشقه دي خالص أنا مش هقدر
اعيش فيها
وليد
نصيبك هتشوفي مكان ما تروحي يا ريهام
المهم انك تعرفي نصيبك ده عايز منك اي
بالظبط
ريهام
مش فاهمه كلامك وضحك كلامك معلش
أنا مش فاهمه منك حاجه
وليد
مافيش حاجه بتحصل لينا صدفه كل حاجه
تحصل لينا علشان عايزه تأكد لينا حاجه
وفي الوقت ده النور جه
ريهام
كويس النور جه أنا هعمل حاجه اشربها اعملك
حاجه تشربها معايا
وليد
ماشي وبعدها خرج قعد في الصاله وفي الوقت
ده لقيت خالتي داخل عليا المطبخ
ريهام
بسم الله الرحمن الرحيم هو فيه اي
انتي دخلتي هنا ازاي يا خالتي
خالتي
باب الشقه ك
مفتوح يا من عين خالتك مالك شكلك
عامل ليه كده
ريهام
مافيش هو وليد قاعد في الصاله ولا اي
واول لما خالتي سمعت الاسم ده اتعصبت
وقالت
خالتي
مين وليد وليد مين واي اللي جابه
في الصاله عندك
ريهام
ده جارنا اسكتي يا خالتي القطه شكلها
كده مش طبيعه كل شويه يحصل
حاجه غريبه معايا
خالتي
اسمعي وليد ده ملكيش دعوه بيه
انتي سامعه ولا لا واياك يدخل شقتك
تاني وانا لازم اروح بيت ابوكي بسرعه
ريهام
ما تقولي يا خالتي البيت فيه اي
وانتي ليه مصممه انك تروحي الشقه
دي
خالتي
مش مسموح اتكلم في حاجه بس يابنتي
انتي مش هتكوني كويسه لو انا مش روحت
لازم اصلح الغلط
ريهام
البيت ده مش هيتفتح تاني يا خالتي أنتي
سماعه ولا لا وبعدين بقي أنا عايزه انام
خالتي
قصدك اي انتي بتمشيني من البيت ماشي
يا بت اختي بس افتكري أن جيت ليكي
وانتي عملتي اي
ريهام
تمام يا خالتي وبعدها خالتي مشيت وانا اتكسفت اخبط علي وليد وعدا كام يوم
والقطه مكنتش بتظهر ليا وكنت كل يوم
بشوف وليد وانا ارتحت ليه اوي وبقيت
عالطول بكلمه لحد ما فيه يوم لقيته جاي
يقولي
وليد
أنا ناوي اعمل المستحيل. عايز اتجوزك
يا ريهام وياريت توافقي
ريهام
مش فاهمه كلامك يعني اي هتعمل المستحيل
وليد
بصراحه كده انا جاي من الصعيد علشان عليا
ثار وبصراحه كده انا اخد عهد أن مش هتجوز
بس بصراحه حسيت براحه من نحيتك وعايز
اكمل حياتي معاكي رايك اي
ريهام
مش عارفه انا حاسه برضه براحه من نحيتك بس
احنا منعرفش حاجه عن بعض
وليد
اكيد هنعرف كل حاجه بس لما نتجوز وياريت
يكون في اسرع وقت
ريهام
ازاي يعني أنا مش هلحق اعزم حد يا وليد
ولازم اهلي يكونوا موجودين
وليد
أنا قولت ليكي أن عليا ثار ومش هينفع
اعمل فرح ولا اعمل حاجه وانتي لو موافقه علي
ظروفي هكون فرحان
ريهام
ماشي موافقه يا وليد ، وطبعا انا مش عارفه
ازاي وافقت علي كده وجه في يوم جايب
مع الماذون والفترة اللي الماذون قاعد
فيها حصلي حاجه غريبه اوي أنا مكنتش
سامعه اي حاجه بتتقال بس شايفه أنهم
قاعدين وبيكتبوا الكتاب وبعدها مشي
وليد
الف مبروك يا حبيبتي متعرفيش الكل هيفرح
ازاي علي اللي حصل ده
ريهام
الكل مين وبعدين كان فيه حاجه غريبه اوي حصلت أنا مكنتش سامعه اي حاجه من اللي اتقالت معرفش ليه
وليد
الفتره الجايه مش عايزك تركزي في اي
حاجه علشان عايزك تكوني مبسوطه
يلا بينا ندخل أوضتنا وانا اول لما دخلت
نمت نوم فظيع وصحيت علي صوت الباب
شيماء
اي ده يا بنتي كل ده نوم فينك يا ريهام
بقالك فتره مش بتيجي الشغل ليه
ريهام
اصل اصل انا بصراحه مس هقدر أخبي عليكي
أنا اتجوزت بس جوزي عندو شويه مساكي
شيماء
انتي بتقولي اي ازاي ده حصل وامتي هو فيه
اي يا ريهام
ريهام
أنا مش عارفه والله اللي حصل ده حصل
ازاي اصلا
شيماء
وهو فين العريس علي كده علشان نبارك
ليه
ريهام
معرفش والله انا صحيت مش لقيته في
الشقه خالص ممكن يكون
في شقته معقول
شيماء
نعم ياختي انتي بتسالني أنا فين جوزك ياختي
ريهام
اي طريقه كلامك دي معرفش قولتك
شيماء
بصراحه انا مش مرتاحه انتي الفتره دي فيكي
حاجه غريبه وكمان ازاي من بوم وليله كده
تتجوزي ومن غير ما حد يعرف
ريهام
تعالي لما نروح نخبط عليه كده ونشوفه
هناك ولا اي وروحنا فضلنا نخبط وبعدها
طلع البواب
البواب
فيه اي يا ست ريهام وافقه هنا ليه
ريهام
عايزه وليد هو فين جوا ولا شوفته نزل
انهارده
البواب
وليد مين يا ست هانم الشقه دي فاضيه
ما انتي عارفه
ريهام
انت بتقول اي يا راجل يا مجنون أنت. وليد
جارنا الجديد وليد جوزي ايوه والله يا شيماء
أنا اتجوزت
شيماء
طيب اهدي بس وهنفهم كل حاجه بس
اللي عارفا دلوقتي انك لازم تمشي من هنا
وبعدين نشوف هنعمل اي
ريهام
امشي اروح فين بقولك والله اتجوزت طيب
تعالي أنا معايا رقمه تعالي نتصل بيه
وبعدها دخلت شقتي واتصلت بالرقم
والصدمه لما سمعت
هذا الرقم غير موجود بالخدمه
تكملة الروايه اضغط هناااااااا
تعليقات
إرسال تعليق