رواية جواز مسيار البارت الثالث بقلم حنان حسن في موسوعة القصص والروايات جميع الفصول كامله وحصريه
رواية جواز مسيار البارت الثالث بقلم حنان حسن في موسوعة القصص والروايات جميع الفصول كامله وحصريه
رواية جواز مسيار البارت الثالث بقلم حنان حسن في موسوعة القصص والروايات جميع الفصول كامله وحصريه
جواز مسيار
الجزء الثالث
للكاتبة..حنان حسن
بعدما الجلد المترهل اتقطع..
ومكياج الست العجوزة اتمسح من علي وشي
كان لازم افكر في اي حيلة
اخرج بيها من الورطة الي انا فيها
عشان ...
امري ميتفحضحش ادام محمد
واتفادي حبل المشنقة
وعشان انا كنت حاسة
ان محمد طيب...
وهيصدق اي حاجة
فا اهتديت لفكرة معقولة
وهي ..اني اسرد قصة خيالية لمحمد..
واخوفة مني ...
وتخلية يطلق سراحي بدون ما يبلغ عني البوليس
فا اضطريت اني افهمة اني (ملبوسة)
ومصابة بمس من الجان
بسبب لعنة من جن عاشق
واللعنة دي انا بسببها ببقي الصبح شابة...
وبليل ببقي واحدة ست عجوزة
وبسرعة بدات في تنفيذ الفكرة
فا قلعت العباية السودة...
والطرحة ...
والباروكة البيضة
وخفيتهم في الغسالة
الي في الحمام
وفضلت بقميص نومي العاري
وبعدما فردت شعري الاسود الطويل
فتحت الترباس الي كنت قافلة بيه باب الحمام
وفضلت اصرخ ..اصرخ... اصرخ
بصوت رفيع مرعب
وبمجرد ما سمعت خبط محمد علي باب الحمام
عملت نفسي مغمي عليا
علي ارض الحمام
وفضل محمد يخبط
علي باب الحمام كتير...
ولما فقد الامل
في ان الست العجوزة تفتح الباب
فتح هو الباب من بره
وفي اللحظة دي
كنت انا مغمضة عنيا
لكن..كنت حاسة بحركة اقدام محمد جنبي
وفهمت انه
كان واقف بيحاول يستوعب الي هو شايفة
ولما لقيت ان لحظات الصمت طالت
فتحت عنيا
لقيتة فعلا
واقف متنح ...ومزهول... وعمال يتامل
شكل المزة العريانة
الي نايمة علي ارض الحمام بتاعة
وطبعا مكنش قادر يستوعب
المنظر الي هو شايفة
فا فتحت عيني ببطء
و عملت نفسي اتفاجئت بوجودة
و اتفزعت منه
وسالتة..
قلت...انت مين؟
وانا ايه الي جابني هنا؟
فا رد محمد بتعجب؟
وقالي..انا الي مين؟
ولا انتي الي مين؟
وفين الست العجوزة
الي كانت هنا؟
قلت...بتقول ست عجوزة؟
ايوه... ايوه... فهمت
فا رد محمد
وقالي..
فهمتي ايه؟
قلت...مش مهم فهمت ايه
المهم دلوقتي اني لازم امشي من هنا حالا
فا اتعجب محمد اكتر
وسالني تاني
وقالي..تمشي تروحي فين ؟
هو انتي مين اصلا؟
ودخلتي هنا ازاي؟
ما تردي عليا وتقولي اي حاجة؟
قلت..حاضر هقولك كل حاجة
بس اوعدني انك هتسيبني امشي بعدها
قال..قولي بسرعة..اتكلمي
قلت..انا صباح
قال..صباح مين؟
قلت....العروسة
قال..عروسة اية؟
قلت..اصبر بس عليا
ومتقاطعنيش لغاية ما
افهمك كل حكايتي من الاول
ورجعت اكمل سرد
قلت..
اصل انا بعيد عنك في يوم
رميت مية سخنة بتغلي
في الحمام
وللاسف نسيت اقول( دستور)
وهنا وقفني محمد في الهبد
الي بهبده
وسالني...
وقالي..
نسيتي تقولي ايه؟
قلت..
(دستور)
غصب عني نسيت اقول دستور
هعمل ايه يعني
المهم...
بعدما رميت المية المغلية في الحمام
بعدها حسيت اني اتكلبشت
في السرير
وجالي شلل رعاش في جسمي كلة
لمدة كام يوم
وايامها جابولي
عالم روحاني ...
وقالولة علي الي حصلي
فا قالهم..
اني اتلبست من الجن الاحمر
وحاول العالم الروحانى انه يطرد الجن الاحمر من عليا
واستخدم جن اشد منه
اسمة..
الجن الازرق
لكن واضح ان العالم الروحاني بوظ الدنيا اكتر
لاني بعدها..
العالم الروحاني
قالي..
انا الجن الازرق
اتغلب علي الجن الاحمر
وشفاكي من الشلل
لكن..للاسف الجن الازرق
وقع في عشقك
وطالب يتجوزك
وطبعا انا رفضت اتجوز من الجن الازرق
فا صحيت من النوم
لقيت نفسي
خفيت من الشلل
ورجعت اتحرك تاني
لكن...
اكتشفت اني بقيت
واحدة ست عجوزة
بيرجعلها شبابها بالنهار فقط
فا روحت للشيوخ
وكلهم اجمعوا اني مصابة بلعنة
ومن يومها وانا بنام باليل
وانا ست عجوزة
واقوم الصبح الاقيني بقيت شابة تاني
وهاكذا
وللاسف بقالي فترة
بعاني من المشكلة دي
والحكاية دي بتتكرر كل يوم
بعدما سمعني محمد للاخر
فضل يبصلي بتعجب
وفي الاخر
قالي...حكايتك صعبة اوي
يا صباح
ورجع سالني
وقالي.. مين تاني عارف حكايتك دي؟
فا رديت
وقلتلة..
الي عارف حكايتي......؟
عزة صحبتي ...
وصديقتي هي الوحيدة
الي عارفة قصتي
اصل مينفعش اقول لاي حد
علي مشكلتي
..ولو مش مصدقني روح اسال عزة
فا قاطعني محمد
وهو بيبصلي اوي
وقالي...
انتي جميلة اوي يا صباح
قلت...شكرا ده من زوقك بس
قال..امال فين اهلك؟
قلت..
انا وحيدة ماما وبابا
وهما الاتنين مسافرين بره
في شغل
فا رجع سالني تاني
وقالي...
وهو ينفع برضوا
والدك ووالدتك يسبوكي ويسافروا
فا تروحي انتي تتجوزي من وراهم
وجواز مسيار كمان؟
قلت..جواز ايه؟
انا مش متجوزة اصلا
فا رد محمد
وقالي..
امال كنتي بتعملي ايه
في الشقة
الي مكتب الجواز
اداني عنوانها ...ولقيتك فيها
في اللحظة دي
رسمت الدهشة والتعجب علي وشي
وقلتلة..
ايه حكاية مكتب الجواز ده كمان؟
انا معرفش انت بتتكلم عن ايه؟
انا عايشة في الشقة دي مع عزة
صحبتي
وبندفع ايجار الشقة
من الفلوس الي ماما وبابا بيبعتوها كل شهر من بره
فا رد محمد
وقالي...لكن انا لما جيتلك الشقة امبارح
لقيت باب الشقة مفتوح ..
ولما خبطت علي اوضتك
وسالتك عن اوضة العروسة
قولتيلي انك انتي العروسة؟
قلت..
ايوه ما انا لما ببقي ست عجوزة
ببقي مصابة بالزهيمر
ومش عارفة انا بقول ايه
ولو مش مصدفني يا عم روح اسال عزة
في اللحظة دي
فكر محمد شوية
وبعدها ..
بدء يكلم نفسة
ويقول...
انا ازاي وقعت في الخدعة دي
واضح ان الجماعة النصابين بتوع المكتب
ادوني عنوان وهمي...
وانا فهمت بالغلط انك انتي العروسة
يعني انا جيت عندك بالغلط
وانتي عشان كان عندك الزهيمر... قولتي انك انتي العروسة
ومن هنا حصل سؤ الفهم
قلت... ايوه بالظبط كده
هو فعلا سؤ فهم
وفي اللحظة دي
مد محمد ايده ليا
عشان يقومني من علي الارض
وهو بيتاسفلي
وبيقولي..
انا فعلا اسف
ومش عارف اعتذراك ازاي
علي البهدلة الي حصلتلك بسببي
قلت...
لو عايزني اسامحك بجد
يبقي تحتفظ بالسر
الي انا قولتهولك
ومحدش يعرف بموضوع الجن الازرق دة ابدا
لان انا كده ممكن اتاذي
فا هز محمد راسة
وقالي..عيب عليكي
بدون ما تقولي
سرك في البير..
واعتبريني معرفتش حاجة
فسالتة
وقلت...يعني انت هتسيبني امشي خلاص؟
قال..
ايوه طبعا
وهوصلك بالعربية بتاعتي
لغاية باب بيتك كمان
فا انتهزت الفرصة دي
وقمت بسرعة
عشان استعد لمغادرة المكان
الي كنت محبوسة فيه ليلة كاملة
ولقيتة بيقولي..
تعالي بقي خدي اي فستان البسية من فوق
عشان اوصلك
وكنت فعلا هطلع معاه للدور التاني من المنزل
لكن....قبل ما اخرج من الحمام
سمعت صوت ماتور عربية داخل للجنينة
وفهمت طبعا
ان الي يتشك اشرف هو الي
جه بره
فا طلبت من محمد
انه يتعامل معايا ادام اشرف
علي اساس اني مازلت الست العجوزة
وانا هتصرف واغطي وجهي
باي شيئ
لغاية ما اخرج من هنا
وفعلا وافق محمد
وسابني وخرج لاشرف
وفضلت انا في الحمام
وبعدما لبست العباية
اخدت جزء من الطرحة السودة وعملتة نقاب
اخفيت بيه وجهي
والجزء الباقي من الطرحة
اخفيت بيه راسي كلها
م الاخر
مكنش ظاهر مني غير جزء
من عنيا فقط
المهم
بعدما جهزت
خرجت من الحمام
وفرحت جدا لما لقيت باب الاوضة مفتوح
فا خرجت منها بسرعة
وطلعت ع الجنينة
وفضلت اتلفت يمين وشمال
عشان اشوف محمد
راح فين
وفي الاخر
شوفت محمد واقف مع اشرف خلف شجرة
وكانوا بيتكلموا مع بعض
بصوت عالي...
وكانهم بيتخانقوا
وفي اللحظة دي
خوفت لا اشرف
ياثر علي محمد ....ويخلية يرجع في كلامة
ويفضل محتجزني
فا اتسللت بالراحة من خلف الشجر
وقربت منهم عشان اعرف هما بيقولوا ايه
وبمجرد ما اقتربت
سمعت اشرف بيسخر من محمد
وبيقولة
هي مين دي الي ست كبيرة وغلبانة؟
دا انت الي غلبان يا محمد
انا متاكد اننا لو دورنا وراها..
هنلاقيها هي صاحبة المكتب
وهي زعيمة العصابة كمان
فا رد محمد مدافعا
وقال..برضوا انا مصمم اننا نطلق سراحها
ونسيبها تروح لحال سبيلها
في اللحظة دي
رد اشرف بنبرة تحدي
وقالة...
طيب انا هثبتلك انك غلطان
وشاور اشرف علي السيارة بتاعتة
وقال...
شايف البنت الي قاعدة في العربية بتاعتي دي؟
فا هز محمد راسة
وقالة...اه
مالها؟
رد اشرف
وقالة...
انا اتصلت بمكتب الزواج من رقم غريب
وطلبت منهم عروسة
فا رشحولي (عزة) الي قدامك
في العربية دي
وادوني نفس العنوان
في نفس الشقة الي احنا جيبنا منها الست العجوزة
فا رد محمد
وقالة...اكيد نصبوا عليك انت
كمان
واكيد انت استعملت معاها القوة زي عادتك
لغاية ما جيبتها هنا
وفي الاخر هتطلع بت غلبانة
هي كمان
فا رد اشرف
وقالة...
عموما...
انا جيبتها معايا هنا عشان اوصل للناس للنصابين بطريقتي
اما بالنسبة للست العجوزة
فا اعمل الي يريحك ومشيها
بس انا هثبتلك في الاخر
انك كنت غلطان
فا رد محمد بغضب
وقالة...
بلاش تهور يا اشرف
وروح مشي عزة الي انت
جايبها دي كمان
انا مش عايز مصايب في بيتي
ومش هحذرك تاني
عايز علي ما اوصل الست العجوزة وارجع ..
تكون انت مشيت البت دي
من هنا
في اللحظة دي
انا فضلت واقفة متنحة
بعدما سمعت اسم عزة
وسالت نفسي
وقلت...عزة؟
عزة ازاي؟
هي مش عزة ماتت؟
وانا بنفسي شوفت فريال
وهي بتدفنها في المنور؟
دنا بنفسي الي رشيت المية علي قبرها بعد الدفنة
يبقي ازاي عزة لسة عايشة؟
وقاعدة في عربية اشرف؟
و بسرعة قربت من عربية اشرف
عشان... اتحقق وا بص جوه العربية
علي عزة
لكن...
عزة كانت مشغولة بالموبيل الي في ايدها
وكنت هنادي عليها عشان
اعرف منها
ليه عملت عليا تمثيلية الانتحار؟
ولية ساعدت فريال انها تمسك عليا ذلة جديدة؟
لكن...قبل ما انادي
سمعت صوت محمد ورايا
وهو بيقولي...
في حاجة يا صباح؟
في اللحظة دي
خوفت اقول لمحمد
ان دي عزة صحبتي
الي كنت بحكيلة عليها من شوية
لا يستشهد بيها
وتكدب روايتي الي نسجتهالة من خيالي
فا رديت علية بتوتر
وقلت..
لا مفيش حاجة
دنا كنت بشبة علي البنت
الي قاعدة في العربية
فا ابتسم محمد
وقالي
طيب تعالي معايا
عشان اوصلك لبيتك
وفعلا ركبت معاه
وفي طريق العودة
بدات اخد بالي من الطريق
عشان اعرف انا كنت فين بالظبط؟
واثناء ما كنت قاعدة جنب محمد في العربية
كنت ملاحظة
انة مركز معايا اوي
اكتر مهو مركز في السواقة
وبالرغم من كده
كان مكتفي بالنظرات فقط
ومكنش بيتكلم معايا
لكن..
بصراحة...عمل لفتة لطيفة في الطريق
وهي..
انه بعدما خرجنا من البيت
وطلعنا علي اول الطريق
راح علي محل ورد
ونادي محمد علي بياع الورود
واشتري ليا باقة جميلة من الورد
عمري ما شوفت في جمالها
وعرفت اننا في المعادي
لما البياع مد ايده لمحمد بالورد
وقالة..
اجمل باقة ورد
مش هتلاقي زيها في المعادي كلها يا محمد بية
فسالت محمد
قلت...انت من مشاهير المعادي بقي ؟
فا ابتسم محمد وهو بيديني باقة الورد
وقالي..
اتفضلي؟
فا اخدت منه الورد
وقلت...ده ليا انا؟
قال...ايوه
قلت...
شكرا بجد
وفضلت ابص للورد
وانا فرحانة اوي
اصل دي كانت اول مرة حد يشتري ليا ورد
وبصراحة اللفتة دي فرحتني جدا
وحسيت اد ايه
محمد انسان طيب
واحساسة رقيق
فا ساالتة السؤال الي كان محيرني
وقلتلة
ممكن سؤال
فا ابتسم
وقالي... اسالي
قلت...انا الي فهمتة من كلامك
انك كنت رايح مكتب الزواج عشان
تتجوز جواز مسيار
صح ؟
فا رد
وقال..ايوه صح
قلت...ممكن اعرف لية واحد غني زيك
يدور علي زوجة تصرف عليه؟
فا ابتسم محمد
وقالي...انتي مش فاهمة
قلت..فهمني؟
قال...
جواز المسيار
مش بس مبيلزمش الراجل بالانفاق... والسكن
لا...
ده كمان مبيلزموش بانة يقضي كل وقتة مع زوجتة
وبصراحة انا راجل متجوز...
ومراتي ست مريضة
مرض ميئوس منه
ومينفعش اقرب منها
وعشان مجرحش شعور زوجتي المريضة
فا مكنش ينفع انها تعرف اني هتجوز
فا قلت اتجوز جواز مسيار
عشان افضل مع زوجتي المريضة
وكل ما الاقي نفسي فاضي
ابقي اروح لزوجتي الجديدة
فا هزيت راسي
بعدما فهمت
وقلتلة...تمام كده فهمت
ومن هنا بدات تتفتح بينا مواضيع
طول الطريق نتكلم فيها
لغاية ما وصلني محمد لغاية بيت فراولة
وقبل ما محمد يسيبني
بصلي اوي
وقالي... جملة غريبة
وهي...
من النهاردة ..متخافيش من اي حاجة
لاني (ديما هكون جنبك)
وبرغم من اني مفهمتش قصدة
الا اني
هزيت راسي
واكتفيت بابتسامة
اودعة بيها وخلاص
المهم..
بعدما مشي محمد بالعربية
قررت ادخل اواجه فروالة ...
وافهمها.. اني عرفت
ان عزة عايشة
فا دخلت تاني لشقة فراولة
الي في اول دور
بعدما جيبت المفتاح من تحت الدواسة
وبعدها...
روحت ادور علي فروالة
او اي حد تبع المكتب
لكن...ملقتش اي حد في الشقة
فا جيبت الموبيل بتاعي وشحنتة
واتصلت برقم عزة
فا لقيت الرقم مقفول
فا فضلت افكر
في الخدعة الي عملوها فيا فريال و عزة
واتغظت من نفسي
لاني عرفت اد ايه انا كنت غبية
وقلت لنفسي
اكيد فريال خدعتني
ودفنت عروسة ولا مانيكان
في الاوضة الي تحت الارض
وانا بغبائي افتكرتها عزة الي ادفنت
وبسرعة روحت علي المنور
وبصيت علي مكان المقبرة
والغريبة
اني لقيت المقبرة زي ما هي والتراب متساوي عليها
فا مسكت الجاروف
وبدات اشيل في التراب عشان اتاكدت من ظنوني
لكن ...
في اثناء ما كنت بحفر
كنت بشم ريحة قذرة
وكل ما كنت بحفر
الريحة كانت بتزيد...
فا شكيت ان تكون في جثة مدفونة فعلا
فا قاومت خوفي ...وهلعي وقرفي
واستجمعت كل قوتي ..
وفتحت الباب الحديدي
الي بيوصل للغرفة في الاسفل
واول ما شوفت الكيس المشمع الي فريال لفت عزة جواه
مكانة تحت الارض
اتاكدت ان في جثة موجودة فعلا
وبالرغم من اني كنت مرعوبة
لكن...
قلت اقطع الشك باليقين
لربما تكون الجثة لشخص
تاني غير عزة
ورفعت فعلا طرف الكيس من علي وجه الجثة
وفي اللخظة دي
اتفزعت
لما لقيتها جثة عزة فعلا
فا اترعبت
وفضلت اتنفض..
وخرجت اجري من المكان
لكن ...
بعدما هديت شوية
كان لازم ارجع التراب تاني مكانة
وارجع كل حاجة مكانها
وفضلت ارجع التراب فعلا
وانا كل تفكيري في عزة
وبصراحة...
كنت هتجنن
ازاي عزة ماتت فعلا؟
وازاي اشوفها في عربية اشرف؟
وبعدين دا انا سامعة اشرف بنفسي
وهو بيقول
انها عزة وهو جايبها من البيت هنا
لا انا كده عقلي هنج
من التفكير بجد
وفي اللخظة دي
قررت ارجع تاني
للبيت الي كنت فيه مع محمد واشرف
عشان اشوف مين عزة
الي شوفتها هناك؟
و كانت بتعمل ايه في البيت هنا؟
وبسرعة اخدت فلوس
كنت شايلاها
وروحت اتصلت ب اوبر
وطلعت علي المعادي
وفضلت ماشية بالعربية
لغاية ما وصلت لمحل الورد
وساعتها اتاكدت
ان ده الطريق الي بيودي علي البيت
فا شاورت للسواق
علي الطريق
الي فيه البيت بتاع محمد واشرف
وفعلا وصلني لغاية البيت
لكن...بمجرد ما وصلت عند البيت
شوفت حاحة غريبة
وهي...
ان البيت كانت جدرانة
كلها ...محروقة و متفحمة
وكان البيت اتعرض للحريق قبل كده
فا خرجت من العربية
وروحت عند البوابة بتاعة البيت
وفضلت انادي
يا محمد.... يا اشرف
لكن...
محدش رد
ولا كان في اثر لاي حد اصلا
دي حتي البوابة كانت مليانة بالتراب
فا فضلت ابص يمين وشمال
عشان اشوف حد اسالة عن
محمد واشرف
لكن ملقنش حد في المكان
فا ركبت العربية تاني
وطلبت من السواق
انه يمشي بينا شوية بالعربية
لغاية ما نلاقي حد نسالة عن محمد
واثناء ما كانت العربية راجعة فضلت ادور بعيني
لغاية ما لمحت حارس
من حراس العمارات المجاورة
فسالتة عن محمد واشرف
الي كانوا في البيت ده امبارح
فا بصلي الراجل بدهشة
وقالي...
انتي بتقولي انك كتتي في البيت ده امبارح ؟
ومع محمد صاحب البيت كمان ؟
قلت ايوه ...
محمد واشرف صاحبة
فا رد الحارث
وقالي...هو صاحب فعلا اسمة محمد
بس محمد صاحب البيت ده
مات محروق في البيت
من سنة تقريبا
محمد صاحب البيت مات محروق في البيت
مع انه لسة جايبلي ورد من شوية
وانا شوفت عزة في نفس البيت
مع ان جثة عزة عند فريال
والبيت اتحرق باصحابة
من سنة
يا سنة سوخة يا ولاد
حد فهم حاجة.........؟
تكملة الروايه اضغط هناااااااا
لو عايز باقي احداث الرواية اعملوا انضمام من هنااااااااااااا
تعليقات
إرسال تعليق