رواية اوقعتنى فى جنانها البارت الرابع والخامس بقلم هاجر العفيفى في موسوعة القصص والروايات جميع الفصول كامله وحصريه رواية اوقعتنى فى جنانها الفصل الرابع والخامس بقلم هاجر العفيفى في موسوعة القصص والروايات جميع الفصول كامله وحصريه  |
رواية اوقعتنى فى جنانها البارت الرابع والخامس بقلم هاجر العفيفى في موسوعة القصص والروايات جميع الفصول كامله وحصريه
شكرا على التفاعل يابنات❤️ البارت الرابع
كارما بصراخ : عمررر الحقناااااااى انا اتخطفت
عمر بإنزعاج : صوتك ياكارما صوتك ياماما
كارما بصدمه : انت هنا ازاى انت ال خطفتنى !!!!!
عمر بضحك : حاجه زي كده
كارما بصدمه اكبر : بتخطفنى ليه عملتلك ايه انت مش لسه معترف بحبك امبارح يابنى لحقت تنسى
عمر كان مذهول من كلامها وانفجر فى الضحك اكتر
كارما بغيظ : مش هنقضيها ضحك عايزه اعرف خطفتني ليه
عمر قرب منها وقال : هو فى حد يخطف مراته برضوا ياحبيبتى ماتركزى كده
كارما بتحذير : ينفع تتكلم من مكانك ومتقربش
عمر قرب باستفزاز وقال : ولو قربت هتعملى ايه
كارما ضحكت وقالتله : هصوت وألم عليك الناس وانت عارف صوتى
عمر ببرود : اعملى ال تعمليه مش هيهزنى
كارما صرخت بغيظ وقالت : عمررر انت بتعمل كده ليه
عمر بحنان وابتسامه : والله بعمل كده عشانك
كارما بغباء : بتخطفنى وتقولى عشانك تيجي ازاى وبعدين انت ازاى تخلى حد يلمسنى كده ويدخلني العربيه
عمر : لو كان حد عمل كده كنت قت"لته بس طبعا العربيه كان فيها ستات مش رجاله ياروحي
كارما : اصل اتخدرت بسرعه ومكنتش مركزه
عمر : لاء ابقى ركزى المره الجايه
كارما : هو أنا هتخطف تانى
عمر بغمزه : هنشوف الموضوع ده بعدين
كارما بصتله وقالت : مشحترم والله
عمر ضحك والباب انفتح ودخلت مايا بنت خال كارما
كارما بصدمه : مايا !!!! بتعملى ايه هنا عمر خطفك انتي كمان
مايا بدموع جريت على كارما وحضنتها وكارما كانت مصدومه
مايا بدموع : وحشتيني اووى ياكارما
كارما رفعت ايدها وضمتها بس كانت برضوا على نفس صدمتها
عمر غمزلها وخرج من الأوضه وسابهم مع بعض
مايا بعدت عنها شويه وقالت : عارفه انك مصدومه والله بس انا روحت لعمر وقولتله أن امي ناويه تأذيكي وكمان كانت عايزاني اتجوز عمر عشان فلوسه انا بحبك ياكارما وانتي اختى الكبيره وياما وقفتى جمبى ومستحيل ابيعك كده فى لحظه عشان كده عمر اتفق معايا أن هيبعدك عن الڤيلا وكمان هيجيبك هنا وانا هكون معاكي فتره لحد لما نعمل خطه صغيره نخلى ماما تفوق قبل ماتدمر كل حاجه سامحيني ياكارما
قالت اخر كلامها وهي بتعيط
كارما بحب وابتسامه : تصدقي يامايا انتي الوحيده ال عمرى ماشكيت لحظه انك تكر"هيني انتي اختي الصغيره يابت قبل ما تكوني بنت خالى وانا مبسوطه أنك بقيتي قريبه مني وانا مش زعلانه
حضنتها بحب ومايا فرحت جدا
🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹استغفرووا
عمر كان بيتكلم فى التلفون : بقولك فض الشراكه مع وليد فى اسرع وقت
مروان : انت مش عارف الخساره ال هتكون علينا بفض الشراكه
عمر ببرود : ميهمنيش اي حاجه المهم هو ياخد نتيجة طمعه وكمان عايز اسمه فى السوق يتلغى خالص
مروان : تمام ياعمر ال تشوفه
عمر : ومتنساش تعدى عليا فى شقتى القديمه عايزك
مروان : تمام سلام
عمر قفل معاه واتنهد بعمق وقال : كل حاجه هتتغير عشانك ياكارما عشانك انتى وبس
🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹صلوا على شفيعكم
كارما بتنهيده : معرفش ايه سبب ال هما بيعملوه فيا ده كله
مايا ابتسمت بحزن : الفلوس ياكارما للأسف الفلوس بتخلى الناس ينسوا كل حاجه ينسوا دينهم وينسوا كل حاجه بسبب الطمع
كارما : ليه يامايا اختارتي تساعديني
مايا وجع : أهلى ظلموني اووى ياكارما من وانا صغيره دايما فى مقارنه مع غيري وكل شويه امي تقولى انتي عمرك ماهتكوني زي دي ودي انتي اخرك البيت والمطبخ وكمان مش هتفلحي فيهم هدمت كل طموحي وكمان لما نجحت فى الثانويه كسروا خاطرى ومنعوني أن أكمل واخيرا عايزني اتجوز عمر عشان يعملوا عداوه بيني وبينك ويكسروا اخر امل ليا فى الحياه
كارما حزنت عليها اوى حضنتها وقالت : حقك على قلبى انا وصدقيني هساعدك انا وعمر انك تكملى حياتك صح لحد لما يجي ابن الحلال ال يقدرك ويسعدك
مايا بابتسامه : ربنا يخليكي ليا ياكارما
كارما : ويخليكي ليا ياقلبي
🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹أذكروا الله
وليد بغضب : شايفه اخر عمايلك عمر الجارحي فض الشراكه ال بينا وانا خلاص هعلن افلاسى
سعاد عصبيه : انت سايب بنتك ال ......" ال هربت وماسك فى الشراكه
وليد بسخريه : بنتك مهربتش بنتك اتخطفت ياهانم عمر خطفها وبيساومنى لو مرجعتش فلوس كارما ال انا اخدتها زمان بتاعت ابوها وامها هيأذى مايا
سعاد بصدمه : اتخطفت
وليد بحده : شوفتى خططك الفاشله وصلت بينا لفين شوفتى مش عايز اعرف انك عملتى حاجه تانى سبيني ارجع ال ضيعتيه
قال كلامه ودخل الأوضه بغضب
سعاد بغضب: ماشى ياكارما انتي وجودك بقا أذى ليا وجودك هيضيع كل حاجه المو"ت هو الحل الوحيد ليكي
🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹استغفرووا
عمر دخل الأوضه نام على السرير وفرد ضهره
كارما : رايح فين
عمر : هنام
كارما : هنا
عمر بغيظ : ايوه ياكارما هنا انتي ناسيه أن مايا معانا فى مكان واحد ده حتي عيبه فى حقي لما انام فى اوضه تانيه
كارما بابتسامه : خلاص خليك صعبت عليا
عمر بغيظ : الحمد لله أن قلبك لسه شغال افتكرت مشاعرك بقت ناشفه
كارما بتوتر : هو الصراحه كده كنت عايزه اقولك حاجه
عمر مسك أيدها وقال باطمئنان : مش عايز التوتر ده وانتي بتكلميني ياكارما لو خوفتى من العالم كله أنا لاء
كارما رفعت عيونها ليه وقالت : يعني اقول ومش هتكسفنى بكلامك
عمر بعدم فهم : انا مش فاهم فى ايه بس لاء طبعا مش هكسفك
كارما فركت أيدها بتوتر وقالت : انا أنا
عمر بضحك : مالك ياكارما
كارما استجمعت قوتها وقالت : انا بحبك ياعمر
عمر اتصدم من كلامها
يتبع
شكرا على التفاعل يابنات❤️ البارت الخامس
كارما استجمعت قوتها وقالت : انا بحبك ياعمر
عمر اتصدم من كلامها
كارما خبت وشها بإيدها من الكسوف وبصتله بطرف عينها تشوف رد فعله
عمر ضحك بصدمه وقال : ده بجد
كارما هزت راسها وهي مازالت مداريه وشها
عمر بفرحه : أبو الهول نطق ياجدعان
كارما ضربته فى كتفه بغيظ وقالت : ايه أبو الهول دي حسن ألفاظك ياكابتن
عمر : رجعنا للدبش تانى فى واحده تقول لجوزها ياكابتن اش حال لسه معترفه بحبك من نص دقيقه
كارما قامت وقالت بتوتر : انا ر رايحه اشوف مايا و
قاطعها عمر وهو بيشدها وقال : اقعدى هنا مايا ايه دلوقتي انا ماصدقت انك نطقتى
كارما بخجل : عمر قولتلك متكسفنيش بقا
عمر بابتسامه : بجد ياكارما بتحبينى
كارما قالت بتوتر ممزوج بخجل : ا ايوه الصراحه انت اكتر حد حسسنى بالأمان بعد أهلى الله يرحمهم وكمان حبك ليا حببنى فيك بسهوله يمكن فى الاول كنت مغرور ومتكبر لكن أنت من جواك قلبك كبير وطيب
عمر كان طاير من الفرحه بسبب كلامها وقال : انتي مش عارفه كلامك ده عمل فيا ايه دلوقتي والله بغض النظر عن مغرور ومتكبر بس انتي كلامك خطفني خطف كده
كارما : ممكن أسألك سؤال
عمر بغمزه : انت تسأل براحتك ياجميل
كارما بكسوف : انت بتحبنى بجد ياعمر ولا دى شفقه منك
عمر مسك إيدها وحضنهم بكفوفه وقال : ياعبيطه انتي شفقة ايه بس بقولك انا بحبك والله
كارما : ط طيب ازاى وامتي
عمر : امممم كنتي فى يوم جيتى لخالك الشركه عشان تجيبيله ورق نسيه شوفتك من بعيد وحاولت اغض بصرى عنك بأي طريقه بس المره دي كنتي دايما فى بالى قولت عشان معملش ذنب قررت اطلبك من خالك وهددته عشان يوافق لأن عارف طمعه
كارما فرحت وعيونها دمعت من الفرحه لانها كانت فاكره عمر متجوزها تخليص حق
عمر ضمها بحنان لما شاف دموعها وقال : مش عايز اشوف دموعك دي ابدا طول مانا عايش ياكارميلا ماشى
كارما بابتسامه : حلو اسم كارميلا منك اووى
عمر بغمزه : عندى من ده كتير
كارما بعدت عنه وقالت بتوتر : هروح اشوف م مايا واطمن عليها
عمر برفعة حاجب : مايا نايمه
كارما فتحت باب الاوضه وخرجت وهي بتقول : هشوفها برضوا
عمر ضحك عليها وعلى أفعالها بشده : أهربى اهربى هتروحي فين يعني
🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹استغفرووا
سعاد : مش يمكن وجود بنتك هناك يبقا لمصلحه مثلا توقع عمر فى حبها كده كده هو مبيحبش كارما
وليد بغضب : انتي مجنونه صح مالك بالظبط دي بنتك ال مخطوفه
سعاد بلوية فم : يعني هنخسر كل حاجه كده
وليد بعصبيه : بقولك ايه انا مش عايز اسمع صوتك لحد لما اشوف حل للمصايب ال انتي سبب فيها انا خسرت كل حاجه بسببك
سعاد : خسرتها بسبب بنت اختك انا مالى
وليد : يوووه احنا عارفين كويس أن عمر لو حط فى دماغه حاجه هينفذها وكده مش قدامي حل غير أن اتنازل عن كل حاجه عشان بنتي ترجع
سعاد بحقد : مش قولتلك بنت ناهد عايزه تلم كل حاجه فى الاخر
وليد بصلها بنفاذ صبر وسابها وخرج
سعاد قامت وقفت وقالت بإصرار : انا عرفت هعمل ايه
🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹صلوا على شفيعكم
مايا بنوم : فى حاجه ياكارما
كارما بتوتر : ها لاء جايه اطمن عليكي بس وهنام معاكي
مايا بعدم فهم : تنامى معايا طب وعمر
كارما : ها عمر اصل اصل تصبحي على خير يامايا
قالت كلامها وخرجت من الأوضه
مايا باستغراب : هى مالها دى
ورجعت نامت تانى
كارما كانت واقفه فى الصاله بحيره ومش عارفه تعمل ايه هى مش عارفه تواجهه عمر بعد ماعترفت ليه بحبها
راحت على الكنبه ونامت عليها بضيق وقالت : كان لازم اعمل فيها سوما العاشق النهارده كان زماني نايمه فى السرير مرتاحه يلا بقا
قالت كلامها وبعدين نامت بعمق
عمر خرج من الأوضه وشافها نايمه كده وعرف انها اتكسفت تدخل الاوضه بعد ال قالته ضحك عليها وقرب منها وشالها وقال : تعالى يا أخرة صبرى
ودخل نيمها على السرير وهى كانت نايمه بعمق ومحستش بيه نام جنبها وحضنها
🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹أذكروا الله
تانى يوم
كارما فتحت عيونها ببطئ ولما فتحت اكتر لقت نفسها على السرير وعمر جنبها وحضنها شهقت بخضه وغضب
كارما بعصبيه : عمررررر
عمر قام مخضوض : فى ايه يابنتي ايه ال حصل انتى كويسه !!!!!
كارما بغضب : مين جابنى هنا انطق عملت فيا ايه
عمر مسح على وشه وهو على وشك البكاء منها وقال : يعنى قومتيني مخضوض وقطعتيلى الخلف عشان الهبل ده اكيد انا عملت ذنب فى حياتى اكيد
كارما بصتلة بغيظ وقالت : متغيرش الموضوع وقول مين جابنى هنا
عمر بص حواليه : مفيش حد هنا غير انا وانتي ومايا واكيد مش مايا
كارما بغيظ : عمر هو حد قالك انك قليل الادب قبل كده
عمر ببرود : ايوه انتي قولتيلي امبارح
كارما صرخت بغيظ : باااااارد
عمر باسها من خدها وقام من على السرير وهو بيقول باستفزاز : شكرا ياروحي
قال كلامه ودخل الحمام
كارما اتكسفت وقالت بخجل : ايه الواد القمر ده
عمر خرج رأسه من الحمام وقال بمشاكسه : عيب لما تقولى على جوزك واد
كارما حدفته بالمخده وهو قفل الباب وهو بيضحك
بعد شويه
كانت كارما بتفطر هي ومايا وعمر
عمر : انا نازل ورايا كام مشوار كده خلى بالك من نفسكم
كارما : هتتأخر
عمر بابتسامه : لاء متخافيش صحيح يامايا انا قدمتلك فى الجامعه خلاص يعني مع اول الدراسه هتنزلى
مايا بفرحه وابتسامه وعيونها فى الارض عشان غض البصر : شكرا ليك بجد مش عارفه اقولك ايه
كارما ابتسمت على حنية عمر وعمر ودعهم ونزل
كارما بابتسامه : مبارك يامايا
مايا بحب وابتسامه : الله يبارك فيكي ياكارما
🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹استغفرووا
فى المساء
كارما ومايا كانوا بيتفرجوا على التلفزيون وفجأه تلفون كارما رن
كارما بابتسامه : ده عمر
فتحت التلفون وقالت بابتسامه : السلام عليكم
الشخص : وعليكم السلام ورحمة الله وبركاته حضرتك زوجة صاحب التلفون ده
كارما بخضه : ايوه انا حضرتك مين وفين عمر
الشخص بأسف : هو اتضر"ب عليه نا"ر والاسعاف اخدته وحالته خطره
كارما التلفون وقع منها بصدمه ودموعها نزلت بدون توقف وقالت بصراخ : عمررررر
يتبعيتبع ؛ انضم لجروب التليجرام ( هينزل فيه الرواية كاملة ) اضغط هنا
مجمع الروايات الكامله والحصريه اضغط هنا
تابعى صفحتنا على الفيسبوك عشان تبقى اول واحدة تقرأ البارت اول ما ينزل
صفحتنا على الفيسبوك اضغط هنا
تكملة الروايه اضغط هناااااااا
خلاص قربت تخلص عايزه تفاعل بقا ياحلوين ♥️
ومتنسوش ذكر الله ❤️
#أوقعتنى_فى_جنانها
بقلمى #هاجر_العفيفى
دمتم في حفظ الرحمن 💚
تعليقات
إرسال تعليق