رواية انهيار البارت الرابع والخامس والسادس بقلمNaglaa_Esmail في موسوعة القصص والروايات جميع الفصول كامله وحصريه
رواية انهيار البارت الرابع والخامس والسادس بقلمNaglaa_Esmail في موسوعة القصص والروايات جميع الفصول كامله وحصريه
رواية انهيار البارت الرابع والخامس والسادس بقلمNaglaa_Esmail في موسوعة القصص والروايات جميع الفصول كامله وحصريه
الرابع
من وانا صغيره متعوده ان اي غلط يحصل حتى لو مليش ذنب فيه انا فاكره وانا عندي 11 سنه جالي انهيار عصبي بسبب ضرب بابا ليا
الدكتور طلب من ماما تسيبني ف المستشفى شهرين يمكن ابقا كويسه حالتي كانت بتسوء اكتر لدرجه ان الدكاتره فقدوا الأمل كانوا بيكتبولي ادويه كتير اوي لحد م خرجت من المستشفى ورجعت البيت كنت خايفه اوي من الرجوع
Flash back
محمد: هي فين الهانم اللي فضحانا ف كل حته وخلت سيرتنا تبقا على لسان الصحافه
رجعت بضهري ل ورا واستخبيت ورا ماما مكنتش عايزه اتضرب تاني انا لسه تعبانه
لقيته زق ماما وبدأ يسحبني من شعري لحد فوق لحد اوضتي ساحبني من شعري من غير م اعمل حاجه ورماني ع الارض فضل يضرب فيا ضرب مفيش انسان يستحمله وبعدها خرج وقفل عليا بالمفتاح وقرر يعاقبني قرر يعاقب طفله عندها 11 سنه بحبس ف اوضتها من غير اكل ولا شرب لمده اسبوع
End Flash back
فوقت وهو مخلص ضرب فيا وخرج مقدرتش اتحرك دموعي بتنزل اد اي انا بكره نور وبتمنى يموت كل حاجه حصلت ف حياتي بسببه
فضلت نايمه مكاني متحركتش لحد الصبح لقيت ماما جايه بتصحيني وبتعتذرلي
رؤى: عادي ي ماما انتي ملكيش ذنب هقوم البس علشان جامعتي
صابرين: طب بلاش تروحي النهارده ريحي جسمك
رؤى: هروح جامعتي ي ماما
قومت ودخلت خدت شاور طولت جوا اوي لدرجه ان ماما قلقت عليا
خرجت ولبست قررت اداري الكدمات بلبس طويل وواسع واللي ف وشي حطيت فاونديشن كتير لبست بنطلون اسود وتيشيرت اسود كمه طويل ولبست كوتش ابيض ونزلت ماما اول م شافتني حضنتني مش بتحب تكون ضعيفه قدامي بس عيطت وقالتلي ان قريب اوي حياتنا هتكون حلوه
سبتها وخرجت واتصلت ب ريما قالتلي انها سبقتني ركبت عربيتي ومشيت
في الجامعه
نور: رؤى انتي كويسه؟
عليت صوتي: انت مالك ميخصكش بيا ولا ب حياتي مين سمحلك تجيلي البيت؟
نور: جيت اطمن عليكي
عليت صوتي اكتر: انت مين انت علشان تتطمن عليا تتطمن عليا بتاع اي انت مجنون يبني؟ متحشرش نفسك ف حياتي تاني
نور: هنشوف ي رؤى
بصتله بقرف ومشيت هي مش ناقصاه هو كمان
دخلت المحاضره لقيت ريما قاعده مع بنتين واول م شافتني بصت ف الارض
بصراحه حسيت انها مبقتش عايزه تكلمني بس لي انا مأذتهاش
روحت علشان اقعد جمبها زي م اتعودنا اتكلمت بنت منهم: في واحده قاعده هنا ممكن تقعدي ورا
بصيت ل ريما والغريب انها منطقتش معترضتش حتى
رجعت قعد ورا لوحدي وقررت اعاتبها بعد المحاضره
بس اول م المحاضرات خلصت حستها وكأنها بتجري مش عايزه تكلمني
جريت وراها وقفتها: بتتهربي من لي؟
ريما: لو سمحتي ي رؤى انا مش عايزاكي تكلميني تاني
بصتلها بعلامات استفهام كتير اوي لدرجه اني مكنتش مصدقه ان دي ريما وان دا طبيعي انها تقوله
سألتها: لي؟ انا زعلتك؟
ريما: مش عايزه اكلمك هو غصب مش ناقصه هي
مشيت وسابتني فضلت واقفه مصدومه هي دي ريما بجد؟ صاحبه عمري فضلت اعيط مكنتش قادره اعمل اي حاجه غير اني اعيط
جريت ركبت عربيتي وانا بعيط وسايقه ومش عايزه ارد على موبايلي ولا اتكلم مع حد
ديما لما بزعل او اتعصب لازم ازود السرعه علشان اهدى فضلت ازود السرعه لحد م عديت ال 200 ولقيت نفسي ف الهوا ومش شايفه ولا سامعه حد.
يتبع...
#_انهيار
ل #Naglaa_Esmail
الخامس
كنت سامعه دوشه حواليا كتير اوي ناس صوتها عالي واللي بيستغفر واللي بيقول لا اله الا الله حسيت اني خلاص مبقتش موجوده حد فيهم قال:اطلبوا الاسعاف بسرعه
الاسعاف جت مكنتش قادره اتكلم بس بحاول اني اقول اسمي علشان يعرفوني ويكلموا ماما بسرعه تيجي بس صوتي مش بيطلع وفجأه نمت
وصلنا المستشفى وكله بيجري الدكاتره والممرضات كله بيجري على أوضة العمليات وبيقولوا في حاله طوارئ
دخلنا اوضه العمليات
اول مره مبقاش خايفه من الموت كدا بعد م خسرت أقرب حد ليا وبعد اللي بابا عمله فيا اكيد لازم احب الموت ومخافش منه
الدكاتره كلهم حواليا وبيحاولوا ينقذوني وانا حالتي بتسوء حالتي بتسوء واحد من الدكاتره: شغلوا جهاز الصدمات بسرعه
روحي كانت عايزه تسيبني وتمشي انا مش متمسكه بالحياه لحد م سمعت...
ماما بتعيط وبتنده ب اسمي
صابرين: ارجعي ي رؤى انا مليش غيرك
رديت: مش هينفع ي ماما كله بيكسرني انا مبقتش عايزه اعيش
صابرين: هعوضك هعوضك بس ارجعي متسبنيش لوحدي
رديت: وصاحبتي اللي باعتني ي ماما وبابا اللي بيضربني كل شويه مبقتش قادره
صابرين: انا معاكي بس ارجعي
لقيت نبضي رجع تاني
الدكاتره كلهم ابتسموا وفرحوا ان نبضي رجع تاني وطلعوا طمنوا ماما وبابا
العمليه خلصت اه كان في تشوهات كتير ف جسمي بس انا لسه عايشه روحت العنايه وماما طلبت منهم تدخل تشوفني
ماما دخلت ومسكت ايدي وفضلت تعيط فضلت تتأسفلي على حاجات هي ملهاش ذنب فيها
لحد م فوقت
كنت لسه تعبانه ف الدكتور قال اني محتاجه افضل ف المستشفى تحت الملاحظه بس..... بس بابا رفض بابا رفض افضل ف المستشفى وقال انه هيوفرلي العنايه كامله ف البيت
لبسوني وخلاص هنخرج لقينا الصحافه مسكت ف ايد ماما جامد وانا قاعده ع الكرسي بتمنى اموت قبل م اوصل البيت خايفه من اللي ممكن بابا يعمله بس لقيته ابتسملي واحد من الصحافه: سمعنا ان بنت حضرتك اتعرضت ل حادث امبارح الكلام دا صحيح
رد بابا: ايوا صح الكلام اي كمان الحوادث بقت حرام ولا اي
صحفي مختلف: اي سبب الحادث هل هي بتعاني من أمراض نفسيه
بابا بصلي وبعدين رد: حادث طبيعي لان الطريق كان بيتصلح ودا عيب الشركه وهنرفع قضيه
صحفي مختلف: ه...
قاطعه بابا: بعد اذنكوا البنت تعبانه
الحراس شالوهم من قدامنا وركبنا علشان نروح وكنت بتمنى اموت قبل م اوصل
وصلنا البيت ودخلنا لقيت ماما ماسكه ايدي هي كمان خايفه من اللي ممكن يحصل
بدأ بابا يتكلم:انا قولت كام مره مش بحب الصحافه تعرف حاجه عننا؟
اتكلمت بصوت مهزوز: انا انا اسفه
بابا: اسفه على اي فضحتينا وعرتينا قدام الناس الخبر هيتنشر وكل الناس هتتكلم عن بنت محمد الألفي انت فضحتينا ف كل حته يعني اي السرعه معديه ال 200 كنتي عايزه تنتحري؟
رديت: بابا انا انا
بابا: انتي اي؟؟؟ غلطتي مع مين علشان تبقي عايزه تنتحري غلطتي مع مين انطقي
رديت بصدمه: اي اللي بتقوله دا ي بابا انا عمري م حد لمسني حتى
بابا: ااااه والمفروض أصدق الكلام اللي بتقوليه دا صح اول م السااعه تيجي 2 انا هتأكد انا دلعتك كتير اوي
بصتله وانا بعيط: انت عمرك ف حياتك م دلعتني عمرك
ماما جت تدخل سكتها
وقرب مني وجابني من شعري وقعني من على الكرسي
رؤى: بابا انا انا لسه تعبانه بالله كفايه ضرب
بابا: انا هوريكي ازاي تغلطي وتحطي راسي ف الطين
رديت: والله م حد لمسني والله
فضل يضرب فيا وانا مش حاسه بجسمي لحد م مبقتش شايفه اي حاجه..
يتبع...
#_انهيار
ل #
السادس
مكنتش حاسه بنفسي ولا ب الدنيا مش شايفه اي حاجه بس سامعه صوت ماما بتعيط
صابرين: حرام عليك حرام عليك البت هتموت هتموت بسببك سيبها سيبها
رد بابا بعصبيه وهو مش شايف: اتصلي ب دكتور يجي هنا وع الله ع الله تقولي ان انا اللي ضربتها والا هكون قاتلها
بعد نص الساعه الدكتور جيه
بعد شويه كشوفات وتركيزه على أماكن الكدمات بصلنا بصه غريبه وبعدين اتنهد
الدكتور:بعد اذنكوا بنت حضرتك محتاجه تتحجز ف المستشفى
رد بابا وهو بيصطنع كعادته: انا قادر اوفرلها الحمايه ف بيتنا قولي بس المطلوب
الدكتور قال كل حاجه انا محتاجاها وبصلي بصه اخيره انا وماما وهو ماشي وفجأه
وقع ف الارض الدكتور واعتذر
الدكتور: اسف بس رجلي اتلوت
عن اذنكم
بصتله وانا عايزه افهم اي وقعه كدا معقول صعبت عليه؟ من الصدمه وقع؟ طب اشمعنا مش بصعب على بابا لي بيعمل فيا كدا
عدا اسبوع وانا بحاول افوق من اللي انا فيه
محدش جيه زارني رغم ان الاخبار كلها بتتكلم عني صاحبتي او اللي كانت صاحبتي شافت الاخبار ومهانش عليها تبصلي من الشباك رغم انها ساكنه ف الفيلا اللي جمبي
فضلت اعيط بس ساعتها اتأكدت ان مفيش حاجه اسمها أصحاب
قررت اروح جامعتي قومت لبست وكالعاده بداري كل حاجه بالمكياج وبلبس بكم
خدت مفتاح العربيه الجديده..
اه نسيت اقول ان بابا جابلي عربيه جديده علشان الناس متتكلمش عنه ويقولوا بنته مش معاها عربيه
العربيه كانت جديده وحلوه اوي وكانت أحدث موديل نزل كنت تقريبا اول واحده اجيب العربيه دي ركبتها وطبعا لابسه اسود
لبست بنطلون اسود مقطع من الركبه وتيشيرت اسود بكم قصير وكوتش ابيض
ركبت عربيتي ووصلت الجامعه
كل الانظار كانت عليا وعلى عربيتي وهدومي الجديدة مكنتش مستغربه
لقيت نور جاي عليا: افتحي موبايلك كدا
بصتله بقرف وجيت امشي شدني من ايدي
سحبت ايدي بسرعه: انت مجنون ولا اي اوعى تفكر تلمسني تاني
نور بصوت عالي: افتحي موبايلك ي هانم انا مش جاي اضايقك انا بس جيت اقولك انك تستاهلي تكوني لوحدك
سابني ومشي معرفش لي عايزني افتح موبايلي
فتحت موبايلي ولقيت باعت فوق الالف رساله؟؟؟ معقول هو بس اللي سأل عليا من يوم الحادثه؟ مش كفايه اللي اتسبب فيه
قفلت موبايلي تاني ودخلت الجامعه
شوفت ريما واقفه بتضحك مع اصحابها واول م شافتني ودت وشها بعيد
قررت معيطش دي حتى مسألتنيش انا بقيت كويسه ولا لا
مشيت ودخلت حضرت المحاضرات
وجيه وقت الاستراحه روحت الكافيه وطلبت قهوه
قعدت سرحت كتير ف كل حاجه
فجأه لقيت فهد قدامي
بصتله وسكتت
فهد: عامله اي
رؤى:__________
فهد: انتي كويسه
رؤى:__________
فهد: انا عارف انك اكيد زعلانه علشان مسألتش عليكي الفتره اللي فاتت بس بجد
قاطعته: اولا احنا مفيش بينا كلام علشان ازعل انك سألت او مسألتش
ثانيا مين سمحلك تيجي تقعد معايا على ترابيزه واحده والكافيه مليان أماكن فاضيه
فهد: انا انا كنت فاكر
قاطعته تاني: مش عايزه اعرف كنت فاكر اي انا يهمني انك تقوم تمشي لاني عايزه اشرب قهوتي واكمل المحاضرات
قام فهد وهو متضايق
بس دا حقي دا واحد مسألش عليا رغم انه شاف جاي دلوقتي يسأل؟ اعمل بسؤاله اي اللي مكانش معايا وقت شدتي يغور بعدين
شربت القهوه وقومت اكمل المحاضرات كنت ماشيه بسرعه ف خبطت ف ريما
مبصتلهاش بس مشيت
اليوم خلص والمحاضرات خلصت
جيت اركب عربيتي لقيت ريما واقفه بتتصور قدامها وشافتني بصت بقرف
روحت عديت من جمبها كانت فكراني هتصور واتعايق زيها بس اتصدمت لما لقتني بفتح الباب وقعدت وبدأت ادور العربيه
فضلت بصالي مشيت وسبتها وقعدت افكر ازاي مكنتش شايفه وشها دا
طلعت ماديه ومقرفه كويس انها بانت على حقيقتها
وصلت البيت لقيت ماما جت حضنتني
فضلت شويه بعدين قالتلي: ياللا اطلعي غيري هدومك
رديت: لي في ضيوف؟
ماما: اه ابوكي عازم اصحابه ف الشغل ف انا وانتي هنخرج نتعشى برا واهو نغير جو بصيت ل ماما وانا مبسوطه اوي وطلعت علشان اغير زي م ماما قالت
دخلت اوضتي ولسه بفتح النور
اتصدمت....
يتبع.علشان يصلكم تكملة الروايه عمل انضمام من هناااااا
تكملة الروايه اضغط هناااااااا
#_انهيار
ل #Naglaa_Esmail
تعليقات
إرسال تعليق