رواية العروسه الهاربه وانتقام الشيطان البارت الرابع عشر والخامس عشر 14_15بقلم سلمي محمود النجار في موسوعة القصص والروايات جميع الفصول كامله وحصريه
رواية العروسه الهاربه وانتقام الشيطان البارت الرابع عشر والخامس عشر 14_15بقلم سلمي محمود النجار في موسوعة القصص والروايات جميع الفصول كامله وحصريه
رواية العروسه الهاربه وانتقام الشيطان البارت الرابع عشر والخامس عشر 14_15بقلم سلمي محمود النجار في موسوعة القصص والروايات جميع الفصول كامله وحصريه
#الفَصل_الرابع_عشر
بعد عنه ومسك ايد يُسر وقال: يُسر يلا هنمشي من هنا هرجعك للسرايا تاني وهفهم جبل الخديوي يُسر يلا ومحدش هيإذيكِ يلا اوعدك يلا.
أسد اتعصب وجز على اسنانه لما شافه ماسك ايدها وصرخ هو وماسكه من ياقته: متخلنيش اخسرك افهممممم
أيان هو وبيزيحه: وانا مستعد اخسرك افهممممم ياخي انت اتغيرت انت بقيت شيطااااان.
يُسر دخلت وسطيهم وصرخت هي وبتزيح أسد: اسكتوووووا بسسسسسس انا مراته يا أيان مراته على سُنه الله ورسوله عقد امبارح كان نسخه تاني من العقد الاصلي
وقعت في الأرض عند رجلين أيان وبكيت بضعف: خلاني مضيت غصب عني على اوراق زواجي، خلاني اتجوزته غصب عني علشان ينتقم مني ومن عائلتي وياخد بتاره مني وانا والله ما اعرف حتى تار إيه يا أيان امشي من هنا امشي.
بصله أيان وقوم يُسر من على الارض وأسد واقف بثبات حاطط ايده في جيبه
أيان بدموع ودمعته نزلت وصرخ من كل قلبه: يلعن صُحبتنا ياخي
أسد بغضب: اطلع برا
أيان وقف قدامه وبص في عينيه: طالع بس رجعتي هتوجعك يا ابن العشماوي.
طلع أيان وطلع عربيته ومشى
يُسر قامت ومسحت دموعها بقفا ايدها
يُمنى بدموع وقفت قدامها ومسكت ايد يُسر وصرخت: بسببك فرقتي اتنين كانوا اخوات بسببك دمرتي عائلتنا يا بنت القااااتل
جت تضربها بالقلم
يُسر مسكت إيدها وضغطت عليها وقالتلها هي وبترفع راسها: أنا محترماكِ لأنك زي أمي إنما توصل انك تضربيني ولا في خيالك تقدري تعمليها، اكرهيني زي مإنتِ عايزه مش فارق معايا لكن تمدي إيدك عليا مسمحلكيش ابدًا.
وبصت لأسد وصرخت: مش فارق معايا حبكم ولا كرهكم ليا.
وزاحت ايدها ويمنى اتألمت بغضب ودخلت يُسر القصر وطلعت اوضة أسد ورزعت الباب بغضب وقعدت على السرير كانت بتهز في راسها انها متبكيش وبتقول: اووووف اووووف..... متبكيش اشربي دموعك احبسيهم كفايه متبكيش لو بكيتي هيفرحوا شششش
مسحت دموعها ورفعت راسها لفوق مقدرتش تتمالك نفسها وفضلت تبكي بقهر.
طلعت مرام تجري لفوق ودخلت الأوضة من غير ما تخبط بصتلها يُسر وجريت عليها مرام وحضنتها يُسر كانت بتبكي في حضنها وكانت مرام بتبوس على راسها وبتبكي معاها دخلت نور وقالت بدموع: بتبكوا من غيري نوبة النكد دي بتاعتي أنا.
يُسر ضحكت رغم بكاؤها وحضنتهم وهما التلاته كانوا بيبكوا سوُا.
.....................
أيان كان سايق عربيته بغضب ومسرع وبيضرب على الدريكسون راح عند مكان جميل وهادي جزيرة بتاعته هو وأسد اول ما بيكون حزين بيروح ليها نزل بغضب وصرخ بقوة هو وقريب من التلة وكان تحته اشجار وبيوت وكان شايف العالم كله، مسح دمعته اللي نزلت وقعد على العربية وكان بيفكر هيعمل إيه
أسد نزل من عربيته وقال: كنت متوقع انك هنا
أيان بغضب نزل من عربيته وقال: عايزني اقتلك
أسد: هتقدر تعملها
اعملها يلا
وطلع مسدسه وشد الاجزاء وحطه على راسه: اعملها يلا
أيان رمى المسدس وقال: امشي من هنا
أسد هو وبيهزه: بتدافع عنها ليه... يُسر تهمك اييييه اتحديتني علشانها لييييييه ردددد
أيان بصراخ هو ومدمع: لإنييييييييي بحبهااااااا
أسد اتصدم وسابه وقال والكلمات خرجت منه بالعافيه: ايييييييييه؟!!!!!
أيان نزلت دمعته وقال: عشقتها، وصلك جوابي.
طلع عربيته أيان ومشى
أسد كان فيه صِراعات في دماغه وقلبه بيدق بعنف مستمر وقال بصدمه وكلمات متقطعه : بـ.. يحـ.. ـبها؟
........................
في المساء يُسر مكانتش راضية تغير الفستان الاسود وكانت قاعده هي ونور ومرام عند الإسطبل وباصه للأحصنه.
نور كانت بتتاوب وقالت: اسيبكم أنا رايحة أنام تصبحوا على خير.
يُسر هزت راسها ومرام كانت جمبها وقالت: ممكن تحكيلي أسد بيكرهني كده ليه إيه العداوة اللي بينه وبين عائلتي وليه امه قالت يا بنت القاتل.
مرام بخوف: عايزه تسمعي فعلًا.
يُسر هزت راسها وقالت مرام: حد من عائلتك قتل عمي سيف العشماوي وبالأخص الكل شاكك أنه ابوكِ
يُسر بصدمه: ازاي؟!
مرام: من 20 سنه كانت فيه شراكة بين اعمامك وعمي سيف والد أسد وقتها عمي سيف في الشركة لقيوه مقتول والكاميرات صورت واحد لابس قناع مُهرج وبصمات السكينة ادلت انه البصمات مطابقة لأبوكِ اتحبس مده وخرج وبعدها القضية اتقفلت وبقيت العداوة بين عائلة الخديوي والعشماوي مستمرة وأسد مُصر يلاقي اللي قتل ابوه علشان ياخد بتاره يأما ابوكِ يإما حد من اعمامك وعيلتك يا يُسر.
يُسر بدموع: وانا والله معرفش حاجه يا مرام صدقيني والله العظيم انا أول مرة اسمع منك صدقيني.
#يُتبع
#رواية_العروسة_الهاربة_وإنتقام_الشيطان.
#بقلم "سلمى محمود النجار."
#الفصل_الخامس_عَشر.
مرام هزت راسها وقالت: لأنك كنتِ صغيره يا يُسر، لعله خير ان شاء الله هدخل انا والله علي هيعمل مني بطاطس.
يُسر هزت راسها ودخلت مرام فضلت قاعده يُسر مكانها والحصان بيدبدب برجله
العم سعدي جه يأكله وقالت: هات منك يا عم سعدي
سعدي: خدي يا بنتي
دخلت ليه وكانت بتأكله وتلمس على شعره وقالت: هو اسمه ايه
سعدي بإبتسامة: ده حصان أسد بيه اسمه Black
هزت راسها وقالت بهدوء: كله أسود حتى حصانه مقتبس من قلبه اللي شامل السواد كُله.
سعدي: والله يا بنتي لما تتعايشي معاه هتعرفي طيبة قلب أسد بيه
هزت راسها يُسر وقالت: ممكن اطلع عليه.
سعدي: بس مش هتخافي
يُسر: لا أنا متعوده عندينا في السرايا الحصانه بتاعتي وانا مشتاقه ليها خلي الشوق يزول مع Black فضلا
هز راسه العم حسن وقال: تعالي
طلعت يُسر عليه وقالت بإبتسامة: وريني مهارتك يا بطل.
كانت فرحانه هو وبيجري بيها وهي سايقاه وبتقول: اسرع يا بلااااك.
ولفت بيه القصر كله
وكان بيجري ويتنطط وهي فرحانه وبتضحك وبتقول: اجمل Black يلاااا يبطل
كانت بتلمس عليه وفرحانه وقتها دخل أسد بعربيته القصر وشافها هي وراكبه عليه وبتجري بيه وشعرها بيتطاير مع الهوا وفرحانه هي وبتكلم الحصان ورفع بيها
أسد شافها لما رفع بيها وقال: بلااااااك
الحصان وقف لما سمع صوته وعمل صوت صهيل جامد هي ضحكتها اختفت لما لقيته جاي عليها بعصبيه وقال: انزلي.
يُسر بغضب: ليه
أسد بفقدان صبر: انزلي يا يُسر
يُسر بغضب: نازله اهو يعني مكنش لازم انك تصرخ و.....
حطت رجلها على السرج اتفك وصرخت: اااااااه
مسكها أسد ووقعت في حضنه وكانت مكلبشه في رقبته ومغمضة عينيها مشي في القصر هو وشايلها وقال: طول مانتِ متعرفيش ركوب الخيل بتحشري مناخيرك الكبيرة دي ليه
يُسر بزعيق: انا معايا حصان فاهم وبعدين انت مالك، وعدين مناخيري صغيرة فاااهم.
أسد وقف بيها في نص القصر برا وقال: مالي ايه بلاك حصاني ومحدش بيركب عليه غيري فاهمه
يُسر: نزلني طيب
أسد: رجلك من الوقعه نزفت تاني
يُسر بصت لـ رجلها وقالت: اوف يااااه اوف
ودمعتها نزلت
أسد: هو أنا شايل طفلة بتعيط على اقل حاجه، بمجرد ان ابوها مجبلهاش شوكولاته.
يُسر هي وبتضرب على كتفه: نزلني يا أسد.
أسد:....................
يُسر: بقول نزلني
أسد: سعدي
سعدي: نعم يا بيه
أسد هو وباصص في عينيها وقال: هات الملابس اللي في العربية واديهم لـِ أم حسن ترصهُم في الدولاب بتاعي فوق
يُسر بصتله بغضب وقالت: نزلني
أسد: رماها على الأرض مره واحده ووقعت على النجيلة وقال ومشي
يُسر بغضب: اااااه، متخلف.
وقومها العم سعدي وقالت: هو ده ابو قلب ابيض يا عم سعدي واضح قوي
سابته وطلعت لـ فوق على السلم ورا أسد ودخلت الاوضة وقالت: انت ازاي تتجرأ ترميني كده انت اتجننت صح؟!
أسد خلع قميصه وبان جسمه صرخت هي وبتداري عيونها: اااايه ده البس قميصك
أسد هو وبيبصلها وبيخلع جزمته والشراب وقال: مجنونه
واخد فوطه ودخل الحمام طلعت أم حسن ودقت على الباب وفتحت يُسر
ام حسن: يا ست هانم بعد اذنك عايزه ارص دول في الدولاب
يُسر: هاتي يا ام حسن منك
ام حسن: لا يبنتي
يُسر: روحي نامي انا هرصهم والله هاتي.
اخدتهم منها وقفلت الباب بتفتح الشُنط لقيت بيجامات اغلبيتهم شُرت وكت وبنطلونات وفساتين طويلة وفيهم أسود كتير وقالت هي وبتحطهم في الدولاب: ده الشيطان طلع ذوقه حلو اهو.
حطتهُم كلهم في الدولاب وطلع هو ولافف الفوطه حولين خصره وقالت: اوووف اتدارت وحطت راسها في الدولاب وقالت: البس حاجه
أسد قرب منها ووقف جمبها وهي كانت قصاده بالظبط وفتحت عينيها قرب اكتر وبقي محاوطها نزل شويه وكان وشه قريب من وشها وهي بصت لـ شفايفه وبلعت ريقها بالعافيه اخد غيار ورفع حاجبه ودخل اوضة التغيير وتجاهلها
يُسر في نفسها: اهدي خدي نفس محصلش حاطه اهدييي
وصلت رسالة وقتها لـ أسد من أيان، طلع أسد هو ولابس غياره وهي كانت واقفه وقالت: شكرا على الملابس.
هز راسه ليها واخد تيلفونه
يُسر في نفسها: مغرور، متكبر، عنيد بكرهه اه يا ربي بكرهه.
قرأ الرسالة وكان مكتوب فيها
(عجبك الفُستان الأسود اللي عليها لحد اللحظة دي يُسر مغيرتهوش عُمر ما كان اختياري وحش افهمها... عشقتها)
أسد داس على التيلفون بتاعه وصرخ بقوة: يُسرررررررررررررر
اتخضت وطلعت من الحمام تاني: ايه في ايه؟
أسد: اخلعي الفستان
يُسر بصدمه: افندم
أسد بعصبية: جابهولك أيان صح ولبستيه
وكمل صراخ هو وبيضرب الابجورا على الارض وصرخ بحنجرته كلها: قولتي ان الفستان ده غالي عليا اوي انطقيييييي.
يُسر بغضب ردت عليه ومسكت قزازه البرفان ضربتها على الارض وصرخت في وشه وعروق رقبتها بانت: واي فيها يعني غيران ليه مكنش معايا لبس وقتها مالك انت فيها ايه.
أسد بصوت جهوري هزها بقوة وقال بغضب: فيها إني بحبك يا بت جبل.
#يُتبع اللي عاوز تكملة الروايه يعمل انضمام من هناااااا علشان يوصلكم اشعار بالنشر
تكملة الروايه اضغط هناااااااا
#رواية_العروسة_الهاربة_وإنتقام_الشيطان.
#بقلم "سلمى محمود النجار."
تعليقات
إرسال تعليق