رواية العروسه الهاربه وانتقام الشيطان البارت الثاني وعشرون والثالث وعشرون 22_23بقلم سلمي محمود النجار في موسوعة القصص والروايات جميع الفصول كامله وحصريه
رواية العروسه الهاربه وانتقام الشيطان البارت الثاني وعشرون والثالث وعشرون 22_23بقلم سلمي محمود النجار في موسوعة القصص والروايات جميع الفصول كامله وحصريه
رواية العروسه الهاربه وانتقام الشيطان البارت الثاني وعشرون والثالث وعشرون 22_23بقلم سلمي محمود النجار في موسوعة القصص والروايات جميع الفصول كامله وحصريه
يُسر: انا مش عايزه انام هنا
أسد بهدوء تام هو ومتجاهلها كان هيدخل الحمام مسكته من ايده وهو بص لإيدها وبص في عينيها المحمرة من كُتر البُكا: انا بكلمك
أسد زاح ايدها بعيد وقال: اظن ان انتِ مراتي دلوقتي.
يُسر بغضب هي وبتقرب منه وبتشاور عليه: انا مش هنام في الأوضة دي دقيقة
أسد هو وبيقرب منها وملامحه كلها بتتحول لغضب: مش هكرر كلامي تاني
يُسر بدموع نفخت في وشه وقالت:انتَ اكبر شيـ. ـطان فعلا
أسد رد عليها بإبتسامة: شكرا.
طلعت برا الأوضة بغضب وهو بصلها وتجاهلها تمامًا خلع هدومه ودخل الحمام بتاعه.
شافت أم حسن قدامها ويُسر بصتلها وتجاهلتها جرت الكنبة اللي في الدور بتاع القصر لكن أم حسن وقفتها
يُسر بصتلها وقالت: عايزه إيه.
ام حسن فتحت ليها ايدها ويُسر بإستسلام حضنتها وقالت: انا معاكِ يا بنتي متخافيش محدش هيقدر يإذيكِ وأسد بيه اتجوزك غصب علشان ينتقم من اهلك والله يبنتي انتِ شيفاه قلبه أسود لكن....
يُسر بدموع ومقاطعه لكلام ام حسن : وشـ. ـيطان
ام حسن: لا والله يبنتي قلبه ابيض من جوه مستحيل يإذيكِ.
يُسر هزت راسها وشدت الكنبه: لا واضح قلبه ابيض قوي.
أم حسن: اساعدك.
يُسر : لا شكرا.
جرتها ودخلتها الاوضة وقفلت الباب حطتها بعيد عن السرير خالص طلع من الحمام وكان لابس بنطلون أسود وتي شيرت بحملات رفيعة وشعره نازل على وشه والفوطه عليه وبيمسح شعره لقيها واقفه قدامه وقالت: انت هتنام هنا.
وشاورت على الكنبة.
ضحك بسخرية وقال: اعلى ما في خيلك اركبية.
يُسر: لا هتنام على الكنبه.
أسد هو وبيقرب منها وهي بترجع لورا: القصر قصر مين
يُسر بخوف: قصرك انت.
أسد: والاوضة اوضة مين.
خبطت في الحيطة وقتها وقالت: اوضتك انت.
أسد: والسرير سرير مين
يُسر بلعت ريقها وهو انفاسه في انفاسها وقالت بخوف: انت.
أسد: يبقى تنامي على الكنبة ومسمعش صوت تاني مسموع.
يُسر بعدت عنه وزاحته وقال هو وباصص ليها بشماته: السرير واسع لو تحبي ت....
يُسر بمقاطعه: هتخمد على الكنبه.
بعد عنها وفتح دولابه طلع غطا ورماه في وشها مسكته بغضب وقالت: حـ. ـيوان.
أسد: سامعك.
ونام على السرير وطفا الانوار.
يُسر بغضب نفخت واتغطت هو وبتنفخ بعصبية
أسد ضحك ولأول مره يضحك وتبان اسنانه ونام وقال بصوت واطي: لا حول ولا قوة الا بالله.
.......................................
في صباح اليوم التالي في المستشفى
طلع كانوا كلهم متجمعين حولين جبل الخديوي وقال: جهزيلي عبايتي يا ليلى
ليلى: على فين يا جبل
جبل: على السرايا يعني على فين.
دخل أحمد وقتها وقال: عمي.
جبل: تعالي ادخل
باس على إيده وقال: الحمدلله على سلامتك يا عمي.
جبل: الله يسلمك، انت داري باللي عملته يُسر.
أحمد بحزن مصطنع قام وقال: شافت نصيبها مع واحد تاني وانا نسيتني خلاص.
جبل: انساها يا ولدي زي ما نحنا نسيناها.
أحمد بصلهم وكانت نظرات في عيونهم غريبة وقال: هي اتجوزت النقيب أسد العشماوي.
جبل هز براسه وتجاهل كلامه وقال: هاتي العباية يا ليلى
ليلى بخوف هي وبتبص في عيون أحمد: حاضر حاضر
أحمد: عن اذنكم انا
طلع وقال بخبث هو وماشي جمب امه وابوه: الموضوع ده فيه انَّ وأسد العشماوي مش غريب عليكم يا عائلة الخديوي.
_انت مش هتطلع معانا يا ولدي
أحمد: روحوا انتوا وانا رايح مكتبي.
ابوه: بس يبني الناس لسه بتتكلم علينا في الرايحه والجاية.
أحمد: يتكلموا انا مالي
كان ماشي وحط السماعه في ودنه ورن على الشخص المجهول: ها يباشا
أحمد: متنفذش دلوقتي خالص اعرفلي كل حاجه عن النقيب أسد العشماوي كل حاجه بالتفصيل افتح ملفات قديمة جديدة كله.
_امرك يابيه.
أحمد قفل ولمح فاطمه ماشية وعينيها جات في عينيه: الحمدلله على سلامتك يا أحمد.
أحمد: الله يسلمك يا فاطمه، اخبار يُسر يا فاطمه
فاطمه بإرتباك: معرفش عنها حاجه
أحمد: فاطمه؟!
فاطمه: تمام، تمام والله معرف انها اتجوزت غير زيي زيك والله انا كنت واقفه في صفك ومكنتش معاها لحد اللحظة دي معرفش حتى ساكنه فين.
أحمد: اممم طيب.
مشي أحمد وهي بصتله بخوف وطلعت تاكسي هو دخل في الشارع وطلع منه تاني وقال بصوت عالي: تاكسي، اطلع ورا التاكسي ده.
هز براسه السواق وطلع.
كان ماشي ورا فاطمه وهي بتبص للتيلفون بتاع يُسر وبصت لـ صورتها ودمعتها نزلت وقالت: وحشتيني والله.
وصلت عند القصر ونزلت كانت بصاله بزهول ودخلت وقالت للحارس: السلام عليكم ورحمة الله وبركاته عايزه اشوف أسد العشماوي
_اقوله مين حضرتك
فاطمة: فاطمة صاحبة مراته.
#يُتبع
#رواية_العروسة_الهاربة_وإنتقام_الشيطان
#الفصل_الثاني_عَشر.
_السلام عليكم ورحمة الله وبركاته عايزه اشوف أسد العشماوي
_اقوله مين حضرتك
فاطمة: فاطمة صاحبة مراته
_اتفضلي هنا لو سمحتي
أحمد هز راسه وعرف المكان وقال للتاكسي: اطلع يسطا
نور بصتلها هو وطالعه من البيت وقالت: مين انتِ
فاطمه: انا صاحبة يُسر عايزه اشوفها ممكن
نور: اهلا وسهلا تعالي اتفضلي جوه
وشاورت للحارس يمشي
دخلت معاها
أسد كان صاحي فوق ولبس بدلته ولبس جزمته وما زالت يُسر نايمة راح عند الستاير وشدهم كرمشت عينيها من الشمس وفاقت بصتله وقامت لسه هتتكلم سمعت دق على الباب
أسد هو وقاعد على السرير بيلبس جزمته التانية: مين
نور: انا يا أسد يُسر فين صحبتها فاطمه تحت عايزه تشوفها.
أسد: خمس دقايق واهي نازلة
يُسر بفرحه قامت وجريت على الباب: فاطمه
أسد وقف قصادها وهي بعدت عنه ومسك مقبض الباب على ايدها
يُسر: اوعى هنزل
أسد: بالمنظر ده
يُسر: وماله منظري.
أسد: مش شايفه شعرك ولا نفسك في المراية غيري هدومك وانزلي.
يُسر بغضب: مش معايا هدوم والفستان ده غالي عليا اوي وعاجبني فاهم لانه شبه قلبك اسود في اسود، فاهم ده نسخه من قلبك وبس.
دخلت الحمام غسلت وشها بجمود وكانت بتقول بهستريا: متبكيش متبكيش اهدييييي اهدي، لو دخلتي في نوبة البكا مش هتخرجي اهدييي
غمضت عينيها لـ ثواني وخدت نفس عميق وفتحت عينيها وابتسمت سرحت شعرها عملته كحكة عالية ونازل منها خصلات بُنية مع بشرتها الخمرية وعيونها الزرقة اللي لونها بهت من كتر البكا طلعت من الحمام مشافتهوش نزلت لـ تحت جريت على فاطمه اللي في الصالون وحضنتها: فاطمه
كان ملاحظها أسد هو وبيفطر ومرام ابتسمت وبصتلها وقالت: اه روحي اه.
امه كانت بصالها بغضب وقالت: شكلها بنت جبل الخديوي اتعودت على القصر وبرطعت فيه
فاطمه مسكت ايدها ويُسر اخدت نفس عميق وقالت: تعالي نطلع الجنينة يا فاطمه.
طلعت يُسر من قدامهم هي وفاطمه
مرام بغضب: امي
يُمنى: ايه مش قصرنا ده انا قولت حاجه غلط.
أسد كان بياكل ومتجاهلهُم وعلي باصصلهم وبياكل وقال: سيبي البت في حالها يا امي كفاية.
يُمنى: عضيتها انا يعني لا إله إلاّ الله.
برا القصر في الحديقة
فاطمه: امسكِ تيلفونك اهو بالعافية جبته من السرايا وإلا كانوا هيمسكوني ويحققوا معايا
يُسر: طيب ازاي جيتي هنا
فاطمه: سألت على القصر واخدت عنوانه وجيت ماشاء الله يبنتي جوزك مشهور قوي.
يُسر: بلا شهره بلا نيلة، انا مجبورة على الجوازه دي
فاطمه: ازاي
يُسر: يعني عايزه اهرب من هنا يا فاطمه
فاطمه: متهزريش يا يُسر.
يُسر: مش بهزر والله عايزه اهرب عيزاكِ تساعديني يا فاطمه وتعرفي ايه اللي بين عائلة العشماوي وعائلتي وتار ايه اللي بينهم وانبي.
أسد جه في اللحظة دي وحط ايده على كتف يُسر وابتسم: منوره يا فاطمه
يُسر بخوف بلعت ريقها وبصتله وهو كان باصص لـ يُسر
فاطمه: بنورك يا اسد بيه، بعد اذنك امشي انا.
يُسر قامت وحضنتها وقالت: متنسيش اللي قولتلك عليه يا فاطمه لو بتحبيني اعملي كل حاجه وهربيني من هنا
فاطمه: يلا سلام يا يُسر
أسد: استني يا فاطمه سعدي وصل فاطمه لغاية البيت
فاطمه: لا انا همشي تاكسي
أسد: مينفعش اخت مراتي تمشي تاكسي مش صح يا يُسر
وحط ايدها على كتفها وشدها لـ حضنه
يُسر هزت راسها
مشيت فاطمه وأيان كان في عربيته باصصلهم
يُسر بدموع زاحته وقالت: انت متربتش فعلا
جت تدخل مسك ايدها وسحبها لعنده بقيت قريبة اوي من عنده وقالت: انت اكبر اناني فاهم اكبر اناني وشيطان شفته في حياتي بكرهك ومهما كان اللي عملوه اهلي فيكم حلال فاهم تستاهلوا
أسد افتكر موت ابوه وايده اتشنجت واتعصب وخنقها وخبط راسها في الشجرة
يُسر كانت بتضرب على ايده وبتتخنق كانت هتقطع النفس وهو بيقول:اخرسيييييي
جري أيان ومسكه من قفاه وزاحه وضربه بالبوكس وصرخ: مين اداك الحق انك تتهجم على بنات الناس يا أسد العشماوي مييييين
هزت كلماته من في القصر وطلعت تجري يُمنى ونور وعلي ومرام وام حسن وشافوا يُسر واقعه في الارض بتكح
أسد رد ليه البوكس وصرخ: ملكش الحق في مراتي
أيان بهستريا ضحك وحط إيده على فمه اللي نزف وجاب دم: عقد امبارح اللي كان مزيف واتحرق!
بعد عنه ومسك ايد يُسر وقال: يُسر يلا هنمشي من هنا هرجعك للسرايا تاني وهفهم جبل الخديوي يُسر يلا ومحدش هيإذيكِ يلا اوعدك يلا.
أسد اتعصب وجز على اسنانه لما شافه ماسك ايدها وصرخ هو وماسكه من ياقته و.......
#يُتبع
#رواية_العروسة_الهاربة_وإنتقام_الشيطان
#الفصل_الثالـث_عَشر.
#بقلم "سلمى محمود النجار".
تعليقات
إرسال تعليق