رواية حين تقع في الحب الجزء الرابع البارت الرابع والثلاثون 34بقلم ندى على حبيب في موسوعة القصص والروايات جميع الفصول كامله وحصريه
رواية حين تقع في الحب الجزء الرابع البارت الرابع والثلاثون 34 بقلم ندى على حبيب في موسوعة القصص والروايات جميع الفصول كامله وحصريه
رواية حين تقع في الحب الجزء الرابع البارت الرابع والثلاثون 34 بقلم ندى على حبيب في موسوعة القصص والروايات جميع الفصول كامله وحصريه
حين تقع في الحب 4
البارت الرابع والثلاثون
الكاتبه / ندي علي حبيب
نورهان بصت لفرحه اللي الدموع محبوسه في عيونها :ليه يا عمر رافض مصطفي الراجل كويس ومحترم ومش قليل
عمر راح قعد جنب فرحه وحط ايده علي كتفها :انا احوز بنتي راجل كان متجوز ليه بنتي ناقصها ايه واغربها في بلد لا نعرفها ولا تعرفنا ليه
فرحه بصت لابوها :بابا انا مش بعارض حضرتك بس انا موافقه بمصطفي انا مش هاممني ان كان متجوز قبل ولا لاء انا يهمني ان يراعي ربنا فيا يحبني ويحافظ ليا وبس
عمر ابتسم وباس دماغها : انا كنت عاوز اسمع منك الكلمتين دول يا فرحت عمري واول ما رأت عيني ربنا يكملك بعقلك يارب
نورهان وقفت وحطت ايدها في وسطها :ولازمتها ايه الدخله الشمال اللي دخلتها دي وقفت الدم في قلبنا قولت الواد عنده عيال ومخبي ولا حاجه
عمر بص ليها :والنبي يا فرحه هاتي من عقلك ذرة نديها لامك اعدي يا نورهان يا حبيبتي واستهدي بالله
نورهان بغيظ :في ايه يا راجل شايفني بشد في شعري ولا ايه
عمر :انتي دا انتي ست العاقلين والرزانه وكل حاجه حلوه
فرحه بصت لعمر :طيب يا بابا انا كلمت مصطفي في الجامعه وقالي انه عاوز معاد منك علشان يجي يعني ..... ويتقدم وكدا
عمر ببتسامه :بعد فرح نيرا بإذن الله مصطفي يجي واللي فيه الخير يقدمه ربنا
فرحه ببتسامه :بإذن الله بس تسمحلي يعني يا بابا ان اكلمه في الحدود والله ممكن
عمر بحنان :انا واثق في تربيتي يا فرحه كلميه هو حاليا في حدود خطيبك وكمل بتحذير بس كلام يا فرحه مفيش خروج مع بعض
فرحه ببتسامه :كلام بس متقلقش وقامت دخلت علي اوضتها
عمر بص علي نورهان اللي لويه شفتها وحطه ايدها في وسطها
عمر بضحك :يابنتي في ايه اتهدي مش كدا
نورهان برفع حاجب :بتضحك علي ايه يا سبعي ؟
عمر بضحك شديد :يا قلبي انتي عمله في نفسك كدا ليه فين رقتك وحلاوتك ايه العبايه دي يا حبيبي يعني الهدوم اللي في الدولاب اشتكو ليكي
نورهان بغيظ اشتالت حلة الكوسه :انت جي وقت طبيخ يا عمر اكيد مش هطبخلك بقميص نوم يا حبيبي
عمر :مش مقصدي خالص اضايقك يا نورهان مقصدي اعرفك انك بقيتي مهمله في نفسك وانا من حقي اشوف مراتي بأجمل ما عندها ولا اي
نورهان بصت لنفسها ورجعت بصت لعمر : عرفه ان مقصره معاك واووووي عرفه كمان ان مبقتش اهتم بشكلي ولا بلبسي ولا بقيت الست اللي تتمناها ولا اللي تليق بيك ياعمر
عمر بلوم :دا كلام يا نورهان الكلام اللي كنت مستنيه منك مش دا خالص كنت مستني منك تقوليلي يا حبيبي اسفه ووعد مني هكون اجمل ست تشوفها من دلوقتي انا مهما يمر بيا وقت وسنين هفضل احبك واشوفك بنتي مش مراتي خدي دي في بالك
نورهان حضنته بحب :حقك عليا يا حبيبي والله
...................................
في الفيله عند اسر وحبيبه
بعد ما العمال فرشو العفش في كل مكان
حبيبه بصت لأسر ببتسامه وقلعت الجاكت بتاعها وربطته علي وسطها وكانت لبسه تحته هيكول :ايدك وهات المقشه من جنبك وخليني اكنس الحته
اسر ببتسامه وهو بيديها المقشه :مش عاوز اتعبك
حبيبه :يعني بتديني المقشه ومش عاوز تتعبني هات يا حبيبي خلص واخدت المقشه وفضلت تكنس واسر شغل اغنيه وفضلو يرقصو وينضفو في المكان
اسر :يا عبسلام لما نحب نولع بنولع ولما نحبوووو
حبيبه بقرف :بس اسكت ايه الاغاني دي يا حضرت الظابط وحشه اووي
اسر برفع حاجب :عبسلام وحش يا حبيبه
حبيبه :هو ايه اللي لما نحب نولع بنولع اسررر احنا لسه بنكنس يا قلبي في الاوضه عوزينها فتحت خير علينا يعني ولا هنولع ولا هنضرب احنا بكل احترم هنرتب للبيت وانت هات الشرشوبه والجردل وجليني امسح الارضي هز نفسك كدا اوماااال
اسر بص ليها بقرف :ايه كميات الكلام الزفت اللي سمعته دا يا حبيبه فين حبيبتي الرقيقه الخجوله ومشي منك لله يا عاصي انت ومراتك
حبيبه بضحك :بركااااتك يا ست ندي وقالت وهي بترقص ياعبسلام اتفضل رقصنا اتفضل شخلعنا
............................
في المول عند نور وغسان
غسان واقف عند الحسابات
الكاشير :2200 يا فندم
غسان طلع الفيزا بغيظ ودفع الفلوس واخد الاكياس وحطهم في العربيه وراح ركب جنب نور اللي ركبت بسرعه
غسان بغيظ :هنجيب لبن يا غسان ومش اكتر رانا العبيط اللي ماشي وراكي اصرف في طلبات البيت بس 2200 علشان الهانم ترتاح
نور :يا حبيبي هو انا اللي باكل منها لوحدي ما انت وحبيبه معايا ودول اساسي في كل بيت
غسان بغيظ :انا كان الاساسي عند امي الزيت والسكر الرز يا نوووور مش مكرونه ايطاليه ومكرونه مغربيه ومكرونه سوريه انا ماااالي بالبلاد انا علوز مكرونه وخلاص اي حاجه
نور : يا روحي علشان اغيرلك في الاكل تنوع يعني
غسان :مالها المكرونه المصريه ما الكيلو ب 30 جنيه وزي الفل وطعمها حلو
نور بغيظ :اعمل ايه دلوقتي يا غسان روح رجعهم بقا وحل عني دا انا من يوم ما اتجوزك مجبتش حاجه وعجبتك ودخلت دماغك يا اخي مش كدا
غسان شغل العربيه ومشي :ما هي مدخلتش دماغي علشان كلها حجات ملهاش ريحة الازمه كلها حجات فاضيه
نور بصت ليه وربعت ايدها بغيظ :تسلم يا محترم
غسان برفع حاجب :تعالي اصربيني لا والله تعالي خديلك قلم علي وشي كدا
نور بضحك :طيب انت متنرفز ليه دلوقتي
غسان بغضب :وكمان مش عرفه حبيبتي هو لما جيتي تجوزيني حد قالك ان وارث وانا مش واخد بالي يعني حد قالك دا غني لدرجة ملهاش حدود
نور بضحك :لاء محدش قالي
غسان بعصبيه :ولما هو محدش قالك بتعملي فيا كدا ليه في المصاريف منك لله
نور :يا حبيبي لازم اتعذي علشان لما اجي اولد
غسان :ما انتي لو جبتي كيس لحمة وسط المولد دا هقول ماشي جبتي بطايه ولا جوز فراخ ماشي انما كلها حجات مضره وملهاش ريحة الازمه
نور رجعت راسها علي الكرسي وسكتت :انا مش هحرف دمي معاك وهسكت
وغسان قضي طول الطريق عصبيه عليها بسبب
قلة حملها المسؤليه معاه في مصاريف البيت
اول ما وصل البيت كان عاصي نازل مع ندي من العربيه
عاصي بغضب :عليا النعمه لكهربك بس صبرك عليا
ندي بغيظ وهمس :راجل بخيل وجلده
غسان راح عنده :مالك انت كمان بتخانق ديان وشك ليه ؟
عاصي بغضب :مفيش يا غالي ابنك بيفلس مش اكتر
غسان سلم عليه :الحال من بعضه بس انت مسيطر شويه انت بتفلس لكن انا خلاص الحمدالله فلست وانتهي الامر
نور بغيظ :رجاله بخيله ان كان الاب ولا ابنه فيها ايه لما تدلعو حريمكم يعني
غسان وعاصي في صوت واحد :وفيها ايه لما تشيلو المسؤليه شويه
ندي ونور بصو لبعض وضحكو :احنا طلمة اووي لدرجة دي وطلعو علي فوق لقو الباب مقفول
غسان بستغراب :الاه اومال امي وابويا فين ؟
عاصي بغمزه :البيت فاضي والدنيا هاديه ليكون منير عملها وغرغر بالوليه
نور بضحك :اتلم يلااا
عاصي مسك ايد ندي بتوعد :احنا هنطلع احنا علشان في حساب هيتصفي وطلعو علي شقتهم
غسان :الو ابا انتو فين ؟
منير :ايوا يا غسان احنا عند عمتك انتصار بنشوفها وجاين اهو انتو رجعتو
غسان :ايوا احنا رجعنا هتيجو امتي
منير :احنا خلاص قيمين وجاين اهو اطلع انت ومراتك واحنا لما نيجي هنعرفك
غسان :خلاص ماشي واقف تعالي هنتطلع هما باين هيتأخرو
نور بستغراب :هما فين اصلا
غسان :عند عمتي انتصار اطلعي انتي علي ما اجيب الاكياس واجي علشان خارج
نور بصت ليه :خارج رايح فين بقا ؟
غسان وهو نازل :اطلعي بس علي ما اجي نبقا نشوف
نور :ما اشوف وطلعت علي الشقه فتحت ودخلت ملقتش حبيبه لا حول ولا قوة الا بالله الناس دي بتروح فين ورنت علي حبيبه
حبيبه :الو ايوا يا ماما من غير ما تتكلمي عرفه اننا دخلين علي المغرب بس والله بنشتغل في البيت انا واسر ومهدودين هنخلص ونيجي علطول
نور :ربنا معاكو بس لو ابوكي اتصل بيكي اوعي تقوليلو انك مع اسر في البيت قوليلو خرجين بيذاكر ليا
حبيبه ببتسامه :حاضر وقفلت ونور قعدت علي الكنبه بتعب
نور :لما نشوف الباشا اللي عاوز يخرج دا كمان ايه حكايته
...................
في شقة عاصي
ندي كانت وقفه قدام المرايه بتسرح شعرها والتعب باين عليها وعلي شكلها بس كالعاده بتبين لحظة انها كويسه وانها مش حسه بتعب
عاصي دخل الاوضة بعد ما خلص الفون الخاص بشغل بص عليها :ندي ؟
ندي بصت ليه بنتباه :نعم يا عاصي
عاصي بص ليها :مالك يا حبيبي وشك اصفر كدا ليه وهبطانه ليه ؟
ندي بلامباله :فكك شويه لما ارتاح هبقي كويسه بس انا بردانه انت مشغل التكييف او فاتح شبابيك
عاصي بص ليها :لاء مفيش حاجه مفتوحه وقرب منها واشتالها ونام علي السرير ونيمها جنبه وايده محوطاها وبتتحرك عليها علشان تدفيها
عاصي بحنان :دلوقتي لسه بردانه ؟
ندي :جدا انا بردانه اووي
عاصي حط رجله علي رجلها لاقاها متلجه :انتي مش لابسه شراب ليه يا ندي وقام فتح الدرج وجاب شراب ولبسه ليها واخدها في حضنه وايدها بينفخ فيها انها تدفي
ندي وهي حطه راسها علي صدره :ربنا يخليك ليا يا عاصي
عاصي ببتسامه وهو بيضمها اكتر :ويخليكي ليا يا قلب العاصي
ندي بصت ليه :عاصي هو فعلا انا حبيبة العاصي ؟
عاصي بحب :انتي قلب وروح وعقل العاصي وكل حياته كمان
ندي ببتسامه :هو لو انا موت هتزعل عليا ؟
عاصي بص ليها :امممم هزعل شويه
ندي بصت ليه بغيظ :شوف الراجل دا بدل ما تقول بعيد الشر عنك يا حبيبتي رجاله نكره جميل صحيح وانت اولهم
عاصي بضحك :بنكشك يا ندوش علشان اسمع صوتك
ندي :طيب هسأل تاني لو موت يا عاصي هتزعل عليا ؟
عاصي حضنها :بعيد الشر عنك يا قلبي انشالله اللي يكرهك يارب
ندي ببتسامه :ربنا يخليك يا حبيبي قوم بقا اعملنا دور شاي يدفينا الواحد من كتر البرد حاسس انه في الشتي والله
عاصي برفع حاجب :دا بجد اومال احنا في ايه في الربيع وانا مش واخد بالي وبعدين ايه قوم اعملنا دور شاي هو مين الراجل يا قلبي
ندي ببتسامه :انت يا روحي الراجل ؟
عاصي :حلو يبقي مين اللي يقوم يعمل دور الشاي ؟
ندي ببتسامه :انت برضو وكملت بكذب ولا هتقومني وانا عيانه وبموت يعني دا انا ضهري بيشخشخ من شغل البيت الطبيخ والتنضيق قطمو ضهري والعيال وانت عارف عيالك مش بتبطل طلبات
عاصي :عارف يا حبيبتي التسع عيال اللي احنا مخلفينهم مش عارف امتي مبهدلينك يلا منهم لله بقا
ندي بغضب :متدعيش علي عيالي يا عاصي يرضيك حد يدعي علي عيالك يعني دول لسه صغيرين حتي
عاصي بعدم فهم واستغراب :هما مين اللي صغيرين ؟
ندي ببرائه :عيالي يا عاصي اللي مش بيبطلو طلبات حجات
عاصي بضحك :هتهبل بالله العظيم هتهبل يعني انا لو فضلت متجوزك سنه كمان همشي اكلم الناس في الشارع
ندي بتزق فيه :بالله عليك قوم اعملي شاي هموت واشرب شاي ومش قادره اقوم اعمل
عاصي قام ولبس الشبشب :عدي الجمايل بس
ندي :عدااااهم بالوحدة يسترك يا عاصي يا جوزي اما ماتروح واما تيجي يرزقك يا عاصي يا جوزي ويقويني عليك يااااااارب
عاصي بضحك :الدعوات دي من القلب
ندي :من القلب والمعده والطحال والمبد كمان وعدلت نفسها مكان عاصي واتغطت حلو اييه البرد اللي في مصر دا ياربي دا انا كنت بكون لسه مصيفه لما كنت في البلد بسسس انا محسوده دي عين العقربه اميره ولا اسماء الله اعلم بقا لما اشوفهم ابقي افعص عينهم علشان العين تتشال وخلاص
........................
عند محمد
محمد دخل البيت كان اذان المغرب اذن لقي سيف نايم علي الكنبه في الصاله بيتفرج علي الفون
محمد حط المفتاح بتاع علي البار وبص لسيف : سيف يابني انا بشوف ان الاطفال بتكون ملهوفه علي ابوها لما يجي من الشغل انت غيرهم ليه يحبيبي
سيف بص ليه :ازيك ورجع بص للفون بتركيز تاني
محمد :كتر خيرك يا بني والله احلي حاجه في علاقتنا ان انا عارف ان لما تكبر هترميني في دار مسنين او ممكن تستخسر النصاريف فا تحت اي بير سلم وترميني واسكت
سيف بعدم تركيز :حاضر لما اكبر بس الاول
محمد :امك فييين يلاااا
سيف وقف الفديو بغيظ :اسكت بقا الناس بتيجي هبطانه من شغلها وانت جي تزعق امي جوا بطبق الهدوم
محمد مشي بغضب من قدامه :ياااارب لو عملت ذنب في حد بلاش تخلي سيف اللي يطلعه ودخل الاوضة لقي يمني وقفه قدام الدولاب بترتب الهدوم فيه
محمد :بتعملي ايه يا يمني انت كمان في دولابي
يمني بصت ليه :حمدالله بسلامتك يا حبيبي الدرلاب بتاعك مليان هدوم بشوف الهدوم اللي هتنفع تتلبس احطها واللي مش بتلبسهم نتبرع بيهم لحد يستنفع منهم وانا كمان عندي شوية هدوم هوديهم الجمعيه
محمد : خير ما عملتي يا حبيبتي وسيف برضو لو عنده حاجه طلعيها
يمني :سيف اي هدوم بتصغر عليه بعينها علشان لو ربنا اكرمنا ببيبي تاني خساره هدومه جديده
محمد قلع الجاكت :انتي ادري في القصص دي المهم انا جعاان هناكل ايه النهارده
يمني :بابا اتصل بيا وقال اننا معزومين النهارده عندهم ماهر اخويا ومراته ايجو من السعوديه امبارح وعملين عزومة وكدا
محمد وهو بياخد هدوم من الدولاب :ابوكي اتصل بيكي روحي انتي وسيف انما انا مش جاي هاكل عند امي نڤين
يمني بستغراب : مش جاي ليه وهتاكل عند ماما نڤين ليه طب ما تيجي معايا بابا عازمني وعزمك
محمد بص ليها :مين الراجل فيا يا يمني ؟ انا يبقي من الذوق والاحترام ابوكي يرن عليا انا ويعرفني انا وغير كدا احنا المغرب هننزل المنصوره نوصل بعد العشي نرتاح ونعد فيها لساعه 10 هناكل امتي ونرجع امتي يعني الموضوع مفضوض ادخلي جهزي الموجود في البيت واعتزري واخد هدومه ودخل الحمام
يمني بتفكير :هو عنده حق يعني هنروح امتي ونيجي امتي والطريق واحنا في البرد يعني مينفعش ودخلت تجهز الاكل في المطبخ
سيف راح ليها :ماما الشاحن فين الفون فصل هاتي خليني احطه واتفرج
يمني وهي بتقطع السلطه :الفون انت وخده 100٪ خلصت الشاحن اللي فيه كامل يبقي خلاص هات الفون كفايه عليك كدا
سيف بغضب :لسه فيلم الانمي مخلصش والنبي يا ماما قوليلي الشاحن فين
يمني :عليه الصلاة والسلام كفايه كدا عينك يا بابا ارحم نفسك
سيف رمي الفون علي الارض :مش عاوز فونك اصل بيهنج هاخد فون بابا وجري علي الاوضة
يمني :تربية زباله وعيل رزل وقليل الادب والله لاخلي المس تسلخك يا كداب بيتاع الحورات انت
سيف :انتو عيله لازم تمشي بالحورات عيله مش سالكه
يمني بصويت :انا طفل يلاااا دا انت راجل عنده 90 سنه
سيف :ربنا يخليلي نفسي يارب يختي
...........................
في شقة قاسم
قاسم دخل الشقه لقي نسمه قاعده بتاكل فيشار قدام التلفزيون راح عليها وباسها من خدها :مساء الخيررررر
نسمه ببتسامه :مساء النور يا حبيبي احضرلك العدا زمانك جعان
قاسم :انا فعلا جعان بس جعان نوم هلكااان اووي
نسمه :خلاص يا روحي ادخل نام شويه ولما تصحي تبقي تاكل
قاسم :ما دا اللي هعمله بس فين زهره بقيت باجي البيت تكون نايمه يا قفله الاوضه عليها وقعدة ولما انزل بتكون لسه نايمه هي فين
نسمه :الامتحانات بتاعتها خلاص فاضل ليها يومين وهلكة نفسها في المذاكره علشان عوزه تجيب ترتيب
قاسم وقف وخبط علي باب قوضتها ودخل :دكتورة قلبي تسمحيلي ادخل
زهره كانت قعده علي السرير وحوليها الكتب بتذاكر :اكيد يا بابا اتفضل
قاسم دخل واعد جنبها :مشاءالله ربنا يباركلي فيكي يا قلب ابوكي واشوفك اسعد واحلي دكتوره في الدنيا
زهره :يارب يا بابا يارب
قاسم :عارف انك بتذاكر علشان عوزه ترتيب بس تسيبي وقت تعدي معانا فيه مش تختفي عننا كدا يابت بتوحشينا
زهره :ماهو نهار الشتي قصير وانا بقوم يادوبك افطر واعد اذاكر وبليل اريح ساعه وارجع اكمل مذاكره مش بلاقي وقت فاضي عندي اعد مع حد
قاسم :ربنا يقويكي يا حبيبة بابا بس قومي يلا علشان تكلي وبعديها ارجعي ذاكري تاني
زهره :ايوا انا جعانه هاجي اكل معاك
قاسم مسك ايدها وطلع :دا شرف ليا ولسفره يا غاليه نسوووووم الغدا وحياة ابوكي
نسمه بضحك :الاه مش كنت هتنام
قاسم وهو حاطت ايده علي كتفها :دا قبل ما وردة حياتي تيجي وتقولي هاكل معاك
نسمه :طب اعد يا غالي انت ووردة حياتك علي ما اسخن الاكل ودخلت علي المطبخ
وقاسم وزهره فضلو يتكلمو ويضحكو
.............................
عند نيرا وقفت قدام البيت وسلمت علي الكل علشان تمشي
الجد :نورتينا يا بنتي كلها كام يوم متيجي ودا يبقي بيتك انشالله
نيرا ببتسامه :منور بيك يا جدو وركبت جنب كريم وكريم شغل العربيه ومشي
كريم :عوزه نجيب حاجه من الطريق
نيرا :لاء انا اكلت كتير اووي بس ليه الاكل عندكم كله سمنه بلدي كدا يا كريم
كريم :مش كله كله بس تقدري تقولي ان الاكل من غير سمنه عندنا ملوش طعم فبيدخلو السمنه في الاكل
نيرا :اممم بس الاكل طعمه حلو صراحه يعني
كريم :بتعرفي تطبخي ولا زي باقي البنات ؟
نيرا بضحك :زي باقي البنات يا باشا
كريم بضحك :نظرتي مبتخبش برضو بكرا تتعلمي
نيرا :ماما غلبت فياااا ومفيش فايده تقدر تقول كدا عويله وضربت ايد علي ايد
كريم :اوعي تقولي يعني انتي زي ندي بنت عمي كدا
نيرا :امر شويه ندي بتعرف تعمل شوية حجات انا مش بعرفها
كريم :انا بقا بعرف اطبخ
نيرا :حلو نقسم انت طبيخ وانا الباقي
كريم بص ليها :سبيها علي الله بقا
.................................
في شقة غسان
غسان واقف قدام المرايه بيسرح شعره ونور وقفه وراه
نور :يا غسااان بقا انت عاوز تخرج تروح فين خليك قاعد معايا
غسان :يا حبيبتي ما انا من امبارح معاكي والشغل مروحتش سبيني بقا خليني انزل اتهوي شويه
نور :ما انت كنت معايا بتتهوي عاوز تتهوي تاني ليه
غسان :التهويه انواااع يا نور والخروج معاكي نهب بس يا حبيبتي مش تهويه
نور بتضيق عين :يعني ايييه بقا الكلام دا يعني الخروج معايا وحش ولا انت عاوز تخرج لوحدك علشان تعاكس البنات
غسان وهو بيلبس الجزمه :بنات مين اللي اعلكسهم يا نور وانا عندي بنات انا بروح اعد علي القهوه نشرب حجر شيشه وكوباية شاي ونتملم شويه انا والرجاله واجي علي الساعه 9
نور بغيظ :رووووح بس اياك لو جيت لقيتني نايمه تصحيني
غسان باس خدها بقوه :حاضر يا حبيبتي ولقي محمد برن الووووو خلاص نازل يلاااا ونزل
نور بغيظ :ياااربي اعمل ايه في الراجل دا
.......................
في الفيلا عند اسر وحبيبه
حبيبه فرشت السجاده في الاوضة واسر بخ فيها معطر جو والاوضة بقت منظرها رهيب
حبيبه ببتسامه :مش مصدقه خلصنا
اسر :يبقي اللي ناقص نرتب هدومنا في الدولاب وبس
حبيبه :قريب انشالله المهم يلاا تعالي نروح بابا زمانه ماسك ماما بهدله دلوقتي
اسر :يلا ادخلي غسلي وشك علشان نروح حبيبه دخلت علي الحمام واسر قعد علي السرير بتعب لقي رساله جايه ليه فتحها
الرساله : 50 الف جنيه والا صور اختك هتكون ترند في مصر يا هضبه
اسر بصدمه :.......
( انتظرو القادم )
اللي عاوز تكملة الروايه يعمل انضمام من هناااااا
تكملة الروايه اضغط هناااااااا
تعليقات
إرسال تعليق