رواية حالة نادرة البارت الاول والثاني والثالث بقلم شيماء مشحوت في موسوعة القصص والروايات جميع الفصول كامله وحصريه
رواية حالة نادرة البارت الاول والثاني والثالث بقلم شيماء مشحوت في موسوعة القصص والروايات جميع الفصول كامله وحصريه
رواية حالة نادرة البارت الاول والثاني والثالث بقلم شيماء مشحوت في موسوعة القصص والروايات جميع الفصول كامله وحصريه
#البارت_الأول
_يا خالتو قولي لمحمد يتجوزني علشان أنا مُحرجة أقوله.
=أنتِ هبلة يا بنتي! أقوله أي! حتى لو هو ابنِ بس.
مقدرش أفرضك على حد لأن زي ماهو ابنِ أنتِ بنتِ يا حور مش بس بنت أختِ.
_ طب مَ هو بيحبني وبيقولي أنا بحبك يا حور.
=فوقي يا حور، أنتِ عارفة كويس أنه لو بيحبك فَ زي أخته بس
_يا خالتو لي كده مُصّرة تجرحيني وأنتِ عارفة أني بحبه جدًا.
=يا بنتي والله مش عايزة أجرحكِ ولا حاجة، أنتِ عارفة من ساعة ما أمك ماتت وأنا يعتبركِ بنتِ التانية، وعايزالكِ أحسن حاجة في الدنيا، والواد محمد دَ مش ابني بس بقولك أهو ميستهالكيش، وبعدين أنتِ نسيتِ أني طلبت منه قبل كده لما أمك ماتت وكنت عايزاكِ تعيشِ معايا وطلبت مِنه يتجوزك علشان تقعدي براحتك وهو رفض وقتها وقرر يقعد قي شقة لوحده، لو كده كان وافق.
"سبحان الله بحمده سبحان الله العظيم"
=يا خالتو علشان وقتها كنت صغيرة إنما دلوقتِ أنا كبيرة.
_براحتك يا حور أنا فهمتكِ وأنتِ حرة بس خايفة من أنه يجرحك مش أكتر.
=متقلقيش يا خالتو أنا أصلا خارجة معاه وهقوله، وهتفرحي بينا قريب بإذن الله.
_أتمنىٰ يا بنتِ، ربنا يسعدكم ويجبر خاطركم ويفرحني بيكم.
=جريت حور عليها تسلميلي يا أمولة يا قمر أنتِ، سلام بقا علشان محمد بيرن عليا علشان خارجين.
_سلام يا أوزعة وبطلي لماضة.
"جريت حور علىٰ محمد ونزلتله تحت وكان مستنيها بالعربية"
_ازيك يا محمد، عامل أي
=أهلًا بالقمر، عاملة أي يا حور
حور بخجل:الحمد لله
_يارب دايمًا يا ستِ، يلا أنا محضر لليوم أي خطة قمر، بصي يا ستي هنروح الأول على النيل زي ما بتحبِ، وبعدها هاخدك ونروح نركب خيل، ونشتري لبس الجامعة دي أول سنة ليكِ ومش عايز أحد أحسن من القمر وبعدها نتغدا في مطعم البيتزا المفضل ليكِ، أي رأيكِ بقا؟
=صقفت بكل حمااس هاااااي يعيش أحلى حمو في الدنيا يعيش، شكرًا يا أحلى ابن خالة في الدنيا.
_أنتِ عارفة يا حور، أنتِ مش بس بنت خالتي، أنتِ بنتِ وأُختِ يا حور، وحقيقي عايزكِ سعيدة في حياتكِ.
"كانت مبسوطة في بداية كلامه اتوقعت أنه هيفرحها وممكن يبدأ هو بس للأسف خذلها"
=حور لنفسها حتى لو مش هستسلم هحارب علشان أحصل علىٰ حبي مش هستسلم بسهولة كده، وأنا واثقة أنه بيحبني ومش هيجرحني، أيوا يا حور أنتِ قوية.
قضوا مع بعض اليوم كله ببهجة وضحك وسعادة، وكالعادة أتصوروا مع بعض كتير جدًا، وراحوا أختاروا ملابس حور، وحور كانت سعيدة جدًا باليوم، وقررت أنها تعترفله في المطعم، راحوا المطعم وطلب لحور البيتزا ال بتبحبها ومش بتاكل غيرها وهم قاعدين قررت حور تفتح معاه الموضوع.
حور"بخجل" :بصراحة كده كنت عايزة أتكلم معاك في موضوع ومحرجة.
محمد"بحنان" :لي يا حبيبتي تتحرجي مني، أنا أخوكِ وباباكِ وصديقكِ ومتعودين أنكِ مش هتخبِ حاجة عني، قوليلي مالك بقا يا حبيبتي.
حور:بصراحة يا محمد، أنا مش عايزة أكون أختك أو بنتك، بس حبه أكون حبيبتك وزوجتك، أنا بحبك أوي يا محمد، حقيقي من يوم م وعيت علىٰ الدنيا وأنتِ سندي وحبيبي وأخويا وكل حاجة ليا، حتىٰ يوم م خالتو طالبت تتجوزني وأنت رفضت مزعلتش، عارف لي؟ علشان كنت عارفة أنك كنت شايفني صغيرة بس دلوقتِ أنا كبرت أهو.
محمد"بصدمة" :أنتِ أي الهبل ال بتقوليه دَ، أنتِ مجنونة، شايفني مجنون علشان أأقبل بواحدة زيك؟ ناسية أنكِ............
يا ترى أي العيوب ال شايفها محمد في حور؟ اي رد فعل كور على كلامه دَ؟ يا ترى أمل والدة محمد هتتصرف إزاي لما تشوف تصرف ابنها؟ طب لي محمد جرح حور كده ؟ طب ممكن حاجة تجبرهم يكملوا مع بعض ولا كده خلاص؟ محمد هو عوض حور ولا هيكون عذابها؟ بأكد على حاجة أنا مش تقليدية يعني إن شاء الله تلاقوا حاجة جديدة.
#يتبع.....
#البارت_الأول_حالة_نادرة
-هنتظر تفاعل حلو شبهكم
#البارت_الثاني
محمد"بصدمة" :أنتِ أي الهبل ال بتقوليه دَ، أنتِ مجنونة، شايفني مجنون علشان أأقبل بواحدة زيك؟ ناسية أني سبق ورفضتك، يعني إزاي أقبل بواحدة وزنها قدي أربعة مرات وكمان لابسة نظارة وأوزعة، فاضل حاجة تاني، يعني أنا محمد العامري في الأخر اتجوز واحدة زيك، دَ أنا لو اتجوزت كنت جبت قدك فرق بينا ١٠ سنين وأنا فاكر إنك لسه صغيرة وقطة مغمضة، مكنتش أعرف إنكِ وصلتِ لكده.
حور"بانهيار" :إزاي بتقول كده، إزاي شايفني وحشة كده، أنا ذنبي اي في كل ده، مش كنت كل شوية تقول أنتِ قمري يا حور، أنتِ حبيبتي يا حور، راح فين كل كلامك ده، مش أنتَ بتقول إنك بتحبني "وهي بتفتكر كل حاجة عملها معاها" إزاي بتقول كده، مش أنت ال كنت بتيجي على راحتك وشغلك علشان أكون مبسوطة؟ مش أنت ال كان بيقولي أنتِ أميرتي يا حور؟ مش أنت ال كان بيسهر بيا مع خالتو وأنا تعبانة! مش أنت ال دايمًا بتقف معايا! مش أنت اد قولتيلي مش عايز أشوف دموعك يا حور دموعكِ نار على قلبي، إزاي دلوقتي بتقول كده، ازاي فهمني، كانت بتعيط وبتفتكر حاجة كتبتها لي
عارف حبيتك ليه
شوفت امان اتمنيته
شوفت خوف وقلق
وحب جواك استحليته
لو خيروني بين الدنيا
مش هختار غيرك
ولو بعدت عني ثانية
همشي على خطى سيرك
لو زعلتني في يوم
هجري لقلبك واشتكي
لو بعدت عني وغيبت
بذكرياتنا هكتفي
_#شيماء_مشحوت
محمد:اخرسي يا حور اخرسي أنتِ لسه صغيرة مش فاهمة حاجة، مش فاهمة أنتِ بتحبيني كأخ بس، حب احتياج يا حور، مش حب.
حور: لأ أنت ال فاهم غلط، وأنا مش صغيرة أنا كبيرة كفاية علشان اعرف أقرر وأعرف أنا عايزة أي.
محمد"بهدوء" :أنا هنسىٰ كل الكلام ال اتقال ده وركزي في مذاكرتك ومستقبلك وبس.
مشيت معاه حور بدموع وكل شوية تبصله بعتاب وكأنها بتقوله ازاي هونت عليك في يوم
وانا من بُعدك باتوّجع
يمكن لأني عشقت بجد
وبكل ذكرى عيوني تدمّع
#شيماء_مشحوت
، وهو يقابل كل نظراتها دي ببرود، وصلها وهو راح على شقته، خالتها أول ما شافتها فهمت ال حصل، جريت عليها حور وحضنتها.
حور:طلع مش بيحبني يا خالتو، شايفني وحشة أووي، شايفني أأقل من أني أكون معاه! شايفني أخت بس، وصغيرة ومش ناضجة، لي يا خالتو، لي يعمل كده فيا، ااااه يا خالتو جرحني أووي جرحني أوي ياريته كان موتني ومكنش قال ليا كده، أنا بكرهه يا خالتو بكرهه يارتني م حبيته، يارتني أأقدر أنساه وأبعد، يارب أموت يارب.
أمل"والدة محمد وخالت حور" :اهدي يا بنتِ علشان خاطري، واضح أنه مش بس ميستهالكيش وهو كمان عايز يتربى من أول وجديد، علشان خاطري يا بنتي اهدي وأنا هعملك ال أنتِ عايزاه.
حور:عايزاه يا خالتو، مش عايزة حاجة من الدنيا غيره، ااااه يا قلبي اااااه
" أغمىٰ عليها حور خالتها حاولت تفوقها بس للأسف مافقيتش اتصلت بمحمد وجه بسرعة علشان ياخدها المستشفى"
بعد نص ساعة خرجت الدكتور، جريت عليها أمل
أمل "بدموع" :طمنيني يا دكتورة، بنتِ عاملة أي، أرجوكِ قوليلي هي كويسة؟
الدكتور:متقلقيش هي بس حصلها انهيار عصبي نتيجة صدمة، وهي كويسة دلوقتِ وتقدروا تدخلوا ليها، جريت أمل عليها وأخدتها في حضنها وواقف محمد حاسس بالذنب، حاسس أنه السبب بس هيعمل اي يعني.
أمل:أنتِ كويسة يا حبيبتي، حاسة بحاجة؟
حور:متقلقيش يا خالتو أنا كويسة أهو والله، أسفة أني تعبتكِ معايا.
أمل :متقوليش كده يا روحي أنا لو أطول أديكِ عمري كله وأشوفكِ بس سعيدة كنت عملت كده من غير تردد.
شوية وسندت حور على أمل وراحت معاه البيت وهي متجاهلة محمد خالص ولو جت عينيها في عينه بالغلط بتبص لي بعتاب وهو بحنان، دخلتها أمل وسبتها ترتاح في سريرها، وخرجت لمحمد.
محمد: هي عاملة دلوقتِ يا ماما
أمل "بحزن" :لي كده يا بني، لي تجرحها كده
محمد:أسف يا أمي بس كان لازم أعمل كده علشان تفوق وتهتم لمستقبلها، ومينفعش أديها أمل على الفاضي هي أختي وبس
أمل:علشان خاطري يابني وافق عليها! هي بتحبك وهتصونك، واحنا ال مربينها
محمد: يا أمي لو سمحتِ مش هقدر بجد
أمل:خلاص تنسى أن ليك أم
محمد:حاضر يا أمي ال أنتِ عايزاه بس عندي شرط ولازم هي توافق بيه
"كانت حور وقتها واقفة ورا الباب وسامعة كل حاجة وبتبكي وعلى قد ما اتوجعت بسبب كلامه عنها وأنه مُجبر، بس هي موافقة على أي حاجة المهم يكون معاها هي هتوافق"
حور"بأمل" :نعم أنا هنا ومُوافقة على أي حاجة.
أمل "بنفاذ صبر" :اخلص شرط أي
محمد:شرطي أن حور...........
عايزة رأيكم في البارت؟ورأيكم في بيوت الشعر ال ضيفتها من تأليفي عااايزة رأيكم في الموضوع ده وهل أكمل فيه أو لأ؟
تفتكروا أي شروط محمد علشان يقبل بحور؟ حور هتقبل ولا لأ؟ هل ممكن يكونوا ثنائي فيما بعد أو لأ؟ محمد فعلًا هو البطل ولا في غيره؟ رأيكم أي الحب يستاهل أننا نضحي بأي حاجة في حياتنا أو لأ؟ هل حور ممكن تتبدل حياتها أو هتفضل عايشة في حب محمد؟ هل هي أصلا بتحب محمد أو لأ؟ عايزة تفاعل حلو شبهكم، مش عايزة بس تم عايزة رأي
#يتبع.....
#البارت_الثاني_حالة_نادرة
#شيماء_مشحوت
#البارت_الثالث
_التفاعل مش أحسن حاجة بس بشكر أي حد اهتم أنه يقرأ ويشجعني.
محمد:شرطي هو أنا حور تتغير، تبطل أكل وتعمل دايت، وتقلع النظارة، ولما تكون بنت بتناسبني وقتها بس هقبل.
أمل :بس أنت عارف أن حور مش هتقدر تعمل دَ، أنت عارف أنها حاولت تخس كتير وفشلت؛ لأن لما تقلل أكل بتدوخ وتقع، مش بتقدر تعمل مةهود كبير بسبب الضغط ال عندها، أنت كده بتموتها بالبطئ.
محمد "ببرود" :هو دَ ال عندي
أمل"بعصبية" :بس.....
حور"بمقاطعة" :خلاص يا خالتو أنا موافقة علىٰ شروطه.
محمد"بهدوء" :تمام، يلا اقلعي النظارة دِ، وقومي هتيلي أشرب.
حور"قلعت النظارة ودموعها بتجري على خدودها" :راحة تجيب مايه بس هي مش شايفة، وهي ماشية اتكعبلت في التربيزة ووقعت جت خالتها تجري عليها وقفتها وقالتلها:متقلقيش يا خالتو أنا بخير وهقوم أهو، قامت فضلت تحسس لحد ماوصلت للثلاجة خرجت الازازة، راحت تجيب الكوبيات مش شايفة راحت وقعت الكوباية حاولت تجيب برضو داست على المكسورة تجاهلت ألم رجليها جبتها وعانت لحد ماوصلت، أخدها منها بقرف أي ساعة علشان كوباية ميه! اتفضلي شوفي جرحك وعالجيه، أخدت نضارتها ولبستها وراحة تعالج رجليها، ودموعها بتنزل بقهر، بس هي سبق وشافت جنته، هتحاول تستحمل ناره شوية وهي متأكده أنه هيرجع زي ماكان لأنه بيحبها، بس إزاي ال بيحب مش بيجرح وبيخاف على حبيبه، مبيقدرش يشوف دموعه، طب هو ازاي كده! مش مهم المهم أنه معايا، كل دَ جواها أشخاص متناقضة وهي الوحيدة ال بتعاني منهم، فكتب:
صعبة الحياة وقاسية
ووجع القلب دمار
من قسوة وجفا وألم
وأنا من التفكير بنهار
_خِلص اليوم وجه اليوم الثاني، قاعدين بيأكلوا، محمد"بتحذير" :حور كفاية أكل! كُلنا تقللي أكل مش تأكلي أضعاف مبتاكلي
أمل:بس يابني هي لسه ماكلتش، مش هتستحمل دَ.
حور"بدموع على وشك النزول" :لأ يا خالتو مافيش حاجة أنا أصلًا شبعت وكنت هقوم.
محمد"بهدوء" :ماما أنا هنزل الشغل وبعدها، رايح حفلة خطوبة أخت صاحبي وهتأخر انهاردة.
أمل:طب خُد حور معاك تغير جو، بدل ماهي حزينة كده.
محمد:لأ طبعًا هاخدها إزاي بنمنظرها دَ!
أمل: طب وأي الجديد م كل مرة بتاخدها معاك اشمعنا المرة دِ؟
محمد:الأول كنت باخذها على أنها أختِ مش خطيبتِ، أختِ مجبر عليها اي أن كان شكلها، إنما خطيبتِ مش هقدر تمام! أنا ماشي.
كل دَ وحور سامعة الكلام، كل مرة جرحها بيزيد، مكنتش تعرف أنها وحشة كده، مكنتش تعرف أنها عبء مُجبر عليه، جت تمشي أمل شافتها واقفة ودموعها نازلة، أنا أسفة يا بنتِ والله مكنتش عايزة كده بس مش بإيدي حاجة أعملها وسبق وقولتلك هو ميستاهلش ضفرك بس أنتِ مُصّرة عليه، حور "بتحاول ترسم ابتسامتها:متقلقيش يا خالتو أنا بخير أهو ومبسوطة وكأن عنيها بتقول:
بننهار من جوانا
وبنرسم البسمة
حتى الألم والجرح
لا تقبل القسمة
قسمة وجع وخداع
ولا دموع العين
قسمة حب باع
ولا حسرة الخدين
#شيماء_مشحوت
أخدتها خالتها في حُضنها:عيطي يا حور، عيطي طلعي ال جواكِ يا بنتِ
حور"خلاص مبقيتش قادرة تتحمل كل الوجع دَ لوحدها":شايفة يا خالتو بيوجع قلبي إزاي، طب أنا هونت عليه كده ازاي، أي ذنبي بس؟ ذنبي أني حبيته بجد! أنا كنت فاكرة أني قوية وهقدر أستحمل أي حاجة منه بس المهم أكون معاه، بس دَ حتى دلوقتِ أنا بقيت بعيدة أكتر بكتير، ومبقيتش قادرة يا خالتو، بقا بيوحشني أووي، وحشني محمد بتاع زمان ال كان بيحبني وبيخاف عليا، ال كان يموت ولايشوف دموعي، ال كان ليا أب وأخ وصديق يا خالتو، أنا مبقيتش عارفاه ولاشيفاه، للدرجة دِ أنا وحشة مكسوف يعرف صحابه على أني خطيبته، للدرجة دِ وحشة أنه مش عايز يعرفهم عليا.
أمل"بحزن على بنتها" :بصي يا بنتِ أنا بقولك نصيحة كابنتِ مش كأمه؛ هو دلوقتِ بيقلل منكِ وبيهينكِ وكمان بيجرحك جامد، ودَ معناه أنه مش بيحبك كحبيبة يا حور، ولو كان بيعاملك الأول حلو علشان كان معتبركِ أخت لي يا حور، أنتِ عارفة من وقت ما ريم وعمر أخوكِ اتجوزوا وسافروا ومامتكِ سابتك أمانة معايا بعد ما اتوفت وأنا رفضت عمر ياخدكِ لأنكِ بنتِ ووصية مامتك كان لازم تتنفذ كنت بلاحظ أنكِ متعلقة بيه بس كنت بقول كأخ كبير واقف معاكِ مكنتش أعرف أنه كحبيب أبدًا، مكنتش هسمح بدَ، بس دلوقتِ هقولك كلمتين ال بيحب يا بنتِ عمره ما يهين، مش هيقدر يشوف دموعكِ مش هيقدر يجرحكِ، كان من مجرد اتجرحتِ امبارح كان جري عليكِ علشان يطمن، مكنش هيطلب منكِ تقللي أكل علشان تعجبيه رغم أنه عارف أن دَ ممكن يأذيكِ بس هو حتىٰ مهتمش! محرج ياخدك معاه الحفلة، طب بعدين في فرحكم هتكونِ معاه ازاي، طب ماشي هو عايزك تتغيري طب لو بعد ما اتغيرتِ دلوقتِ جه بكرة بعد جوازكم اتغير شكلك أو تخنتِ تاني هيبعد صح! أصل يا حبيبتي لو سطحي بيبص للشكل على الرغم أن الشكل دَ زايل بكرة هتعجزي وقتها هيبعد بقا، فكري براحتكِ يا حور وأنا معاكِ في أي قرار، وخُدي بالك أن ال بيحب يا حور بيحب الروح والقلب مش الشكل، مش هيهتهم بالِ مِحتاجه على قد مايهتم بسعادتكِ يا حبيبتي، بكرة على الفطار هستنىٰ رأيكِ إذا كنتِ هتقبلي يذلك ويجرحكِ بالشكل دَ وانا وقتها مش هتدخل، ولا هتبعدي وتقسي على نفسك وتنسي حبه في سبيل كرامتكِ وتستني ال يحب جمال روحكِ يا حور مش بس جمال شكلك.
عدى اليوم وحور قاعدة تفكر هتعمل أي، طب محمد راح حفلته ورجع نام في شقته ال تحت شقة مامته وحور، وكانوا قاعدين كلهم بيفطروا وقتها
قالت أمل: يلا يا حور عرفينا قرارك؟
حور"بهدوء" : يا خالتو أنا قررت..........
"أي هو قرار حور؟ هتقبل تكمل في الذل دَ؟ طب لو أه محمد هيجرحها ازاي تاني؟ لو لأ هتقدر تكمل؟ ازاي هتتغلب على حبها لي؟ ازاي هيكون أول يوم في جامعة حور؟ ازاي عايشين عمر وريم؟ ممكن يفكروا يرجعوا؟ ال هيحصل بعد كده، كل ده جاي بعدين.
مش عايز بس تم، عايزة رأي في بيوت الشعر، ورأيكم في الرواية ككل.
#يتبع.....
تكملة الروايه اضغط هناااااااا
#البارت_الثالث_حالة_نادرة
#شيماء_مشحوت
تعليقات
إرسال تعليق