رواية حالة نادرة البارت الرابع والخامس والسادس بقلم شيماء مشحوت في موسوعة القصص والروايات جميع الفصول كامله وحصريه
رواية حالة نادرة البارت الرابع والخامس والسادس بقلم شيماء مشحوت في موسوعة القصص والروايات جميع الفصول كامله وحصريه
رواية حالة نادرة البارت الرابع والخامس والسادس بقلم شيماء مشحوت في موسوعة القصص والروايات جميع الفصول كامله وحصريه
#البارت_الرابع
_شكرًا للتفاعل وحقيقي بشكر أي حد صاحب كومنت لطيف.
حور "بهدوء" :يا خالتو أنا قررت أني هبعد، لأن زي ما إنتِ قلتِ ال بيحب بيحافظ وبيصون مش بيجرح ويذل، ولأني للأسف حبيته بجد فأنا مضطرة أبعد وأسافر عند عمر وريم، كفاية إهانة لنفسي ولكرامتي لحد هنا؛ هحول كليتي هناك وخصوصا أني حبه الفترة دِ أقضيها مع أخويا محتاجة أكون في مكان أتصان وأتحب فيه مش حبه أكون حِمل تقيل علىٰ حد أو أني أكون شيء مفروض يا خالتو "بصيت على محمد" :ممكن يا أبيه تحجزلي علشان أسافر لعمر وعرفه يقابلني في المطار لو سمحت.
محمد "بهدوء" :تمام يا حور مافيش مشكلة، بيت خالتك مفتوح ليكِ في أي وقت.
حور"بدموع ف عنيها على وشك النزول" :تمام يا أبيه، شكرًا لحضرتك وأسفة أني أجبرت حضرتك علىٰ وجودي في حياتك، وأسفة أني شيلتك حِمل تقيل رغم أنك مش مجبر عليه، شكرًا على كل حاجة قدمتها ليا ووقوفك جانبي، بصيت ليه بعيونها بتترجاه يتمسك بيها ولو شوية بس لأ سكت بصيت له وكأني بقوله
هتبعد ازاي وتسبني
ازاي يا حبيبي ههون
وأنت ال كنت ساندني
والحياة بعدك م تكون
محمد:مافيش حاجة يا حور أنتِ زي أختِ برضو
حور"من جواها" :كفاية بقا كفاية كل شوية أختِ وبنتِ يا أخي أفهم بقا أنا ولا أختك ولا بنتك بس سكتت وهزت رأسها وكملت أكل، هو استأذن ومشي، بصيت ليها أمل بعتاب ولوم
أمل "بدموع" :كده يا بنتِ، كده يا حور، هنت عليكِ تفكري وتخططي من غير ماتعرفيني، وأنا ال قلت هتعوضيني عن غياب أمك وريم، حتى أنتِ هتسبني لوحدي يا حور
حور حضنتها بدموع:أسفة يا خالتو أنتِ عارفة أنا بحبك قد أي، وعارفة أن لولا الحصل مكنتش أفكر أبعد عنكِ أبدًا بس محتاجة أبعد علشان أعرف أقرر وأشوف نفسي ومستقبلي، لأني لو فضلت قدامه صعب أنساه وهو حقيقي مش بيحبني فحرام أجبره عليا وأظلمه معايا، فمتزعليش مني أنتِ مش بس خالتي أنتِ أمي وأختِ وصاحبتِ وكل حاجة ليا.
أمل :فهماكِ يا نور عيني فهماكِ يا بنتي ربنا يعوضك خير، هو الخسران مش أنتِ، أنتِ تستحقي كل السعادة والخير ال في الدنيا.
حور"بابتسامة من وسط الدموع" :خلاص بقا يا قمر أنتِ هتخلي عني تورم من العياط والأجانب يخافوا مني.
أمل "بابتسامة" :هو في حد يخاف من القمر يا بنت يا بكاشة أنتِ.
_____________________________----
في مكان تاني بعيد عن المكان المعتاد
ريم :يلا يا سليم يا حبيبي، أنا كده شرحتها يلا بقا إعرب دِ.
سليم:حاضر يا مامي، بصي"بعد تفكير" هتبقا مبتدأ مجرور بالضمة، أي رأيك يا مامي شوفتيني أنا جامد إزاي! بيبص لقاها بتبصله بصدمة بتحاول تستوعب ال قاله
ريم "بعدم استيعاب" :نعم يا روحي قلت اي، عيد تاني كده!
سليم "بفخر" : أي يا مامي للدرجة دِ مبهورة بشطارتي، علشان تعرفِ بس ابنك مش أي حد، اسمعِ بقا علشان مش هكررهاا تاني مبتدأ مجرور بالضمة.
ريم:طبعًا دَ أنا مبهورة انبهار، لأ ثواني دَ أنت عايز جايزة كبيرة، عارف أنت عايز أي!
سليم "بفرحة" : أي يا مامي هتجيبلي أي؟
ريم :بص يا روح مامي احنا نجيبلك بوكس كبير ونحطك فيه وناخدك في نص الشارع ونعلقك وأي حد مضايق يجي يطلع غيظه فيك، بقا يا معفن بعد ٣ ساعات شرح تقول على الفعل مبتدأ، وهو المبتدأ مجرور من امتىٰ هاا امتىٰ اتجر يا هبل فهمني لا والكبيرة بقا بالفتحة هتشلني حرام عليك ٣ كلمات ملهمش علاقة ببعض اجري يالا من قدامي وأنا ال عملتك بني ادم ودخلناك مدرسة خاصة غور يالا غور وجريت وراه بالشبشب كعادة أي أم أصيلة، خرج عمر "أخو حور وزوج ريم" لقاهم بيجروا ورا بعض،
جري عليه سليم"بخوف" :الحقني يا بابي مامي هتموتني واسخبىٰ وراه بخوف! عمر بيحاول يمسكها ويهديها، ريم "بغضب" :سبني يا عمر سبني، يعني فاشل وقلنا ماشي ندخله مدرسة خاصة ونجيبله مدرسين برايفت، نفس المستوىٰ الزفت وقُلنا صغير وهذاكرله مش مشكلة تعب ٣ ساعات يوميًا وفي الأخر يقول على الفعل مبتدأ الفاش"ل ابن الفاشلة روح يا فا" شل شوف مازن صاحبك، اتعلم منه شوية بدل ما قربت تجبلي السكر، يلا امشي من قدامي قبل ما أنكد عليك.
جري عمر على أوضته بعد ما هرب منها فرد عمر: هو أنتِ بعد كل دَ منكديش عليه! هو دَ ال احنا متفقين عليه يا ريم!
ريم "بغضب وعصبية" : اسكت يا عمر، م أنت مش قاعد معانا طول النهار، ولا شايف ولادك بيعملوا فيا أي، يعني بجد تعبت وكل همك أني خالفت ال متفقين عليه! أنت مش شايف مستواه! احنا شبه بنرمي فلوسنا في الأرض! طب لي ده مش حرام! محدش بيقدر تعبي لي! هو أنت جايبني خدامة ليكِ ولولادك!
عمر "بهدوء" : يا روحي أنتِ مش خدامة ولا حاجة أنتِ حبيبتي وست البنات، أنتِ تاج على رأسي يا حبيتي، أنتِ حلمي ال حلمته سنين، معلش يا حبيبتي اهدي حقك عليا، أنا عارف أنتِ بتتعبي معانا قد اي، وأنكِ مش مقصرة في حقي أو حق بيتك وولادك يا روحي، أنا ال مقصر وباجي عليكِ بروح شغلي وسايب الحِمل كله عليكِ حقك عليا، وبعدين بقا اتفضلي الحاجة البسيطة دي مني "كانت وردة وشوكولاتة"
ريم "بفرحة" :الله يا عمر! شكرًا أوي أوي بجد، حقيقي شكرًا أنك في حياتي، شكرًا أنك بتقدر تحتويني في أكتر وقت بكون مخنوقة فيه، وشكرًا أنك بتقدر تعبي.
"لو كل زوج أو زوجة قدر يحتوي زوجته في وقت غضبها أنه يستحملها ويحاول يمتصه، أو حتىٰ يقول مجرد كلمة يحسسها أنه فعلًا مقدر تعبها، أو أنه يفتكرها ولو بحاجة صغيرًة تقدير لكل التعب ال بتعاني منه يوميًا؛ كُنا هنتجنب مشاكل كتير جدًا بتحصل بين الزوجين، لأن كل واحد مستني التاني يراعيه ويحتويه في الوقت نفسه، هو رجع تعبان تحاول توفرله جو هادي، متشتكيش علشان يقدر يرتاح وهو كذلك، مش كل واحد مستني نفس الشيء من التاني "
عمر: تعالي هنا بقا علشان في بينا حساب
ريم" بهزار":أي يا حاج أنت تحولت ولا أي يا باشا لأ بص أنت تعرفنا ال ضايقك واحنا نلعب بيه كرة دلوقتِ.
عمر: طيب يا ياستِ لو أنتِ ال ضايقتني هيبقا نفس الحل بقا ولا أي
ريم:لأ ياعم لو أنا هاتلي بيتزا وشوكلاته وأنا مش هعمل كده تاني
عمر "بضحك" :طبعًا مفجوعة هانم همها على بطنها، بصي يستي دلوقت احنا اتفقنا أن سليم نتعامل مع براحة حصل!
ريم :حصل
عمر: مش قلنا منقعدش نقارن بينه وبين زميله، علشان ميقصرش علىٰ نفسيته لأن دَ هيخلي قلبه يتملي حقد تجاه زميله وهيخليه شخص غير سوي حقود مش بيحب الخير لغيره، واحنا مش عايزين ده مش بدل ما نخليه شاطر ومحترم وقلبه طيب ونقي هنعالجه بسبب عُقد بسبب المقارنة دِ اتفقنا احنا عايزينه ولد سوي نفسيًا مش معقد، اتفقنا يا حبيبي!
ريم: حاضر يا عمر هحاول بس بيعصبني والله.
عمر :أنا عارف والله بس حاولي علشان خاطري.
"سبحان الله بحمده سبحان الله العظيم 🌴"
"هنا بنواجه مشكلة جديدة ممكن الأهل للأسف بيفكروا لما يقارنوا ولادهم بزمايلهم أن دَ هيكون حلو ليهم ويشجعهم ينجحوا ويتفوقوا بس للأسف ده له نتايج عكسية تمامًا يعني بدل ما الطفل يكون همه ازاي ينجح هيكون همه ازاي يقلل من قيمة زمايله علشان أهله ميقارنوش بينه وبينهم، كده بندمر نفسيته وبنربي شخصية حقودة مدمرة نفسيًا، فناخد بالنا من كده، ممكن نشجع الطفل بحاجة بيبحبها، نحرمه من شيء بيحبه لحد ما يخلص ال وراه، نعامله براحة وحنية، منخوفوش نهتم بنفسيته، بدل ما نقارن بينه وبين حد ممكن نقارن بينه انهاردة وبينه امبارح "
كانوا قاعدين بياكلوا سليم وريم وعمر فقال عمر:أنا ليا ليكم مفاجأة، حور هتيجي تعيش معانا، اي رأيكم في المفاجأة دِ
ريم وسليم في صوت :هاااااااي
ريم" بحماس":هتيجي امتى؟
عمر:بكرة إن شاء الله هروح اقابلها
عدي اليوم بسلام، جه يوم سفر حور، سافرت حور كان مليان بدموع حور وأمل وهدوء محمد، سافرت حور ولقيت عمر مستنيها في المطار أول ما شافته جريت عليه وهو جري عليهت وأخدها في حضنه وهم بيعيطوا
حور"بدموع" : أبيه وحشتني أوي اوي بجد، كنت محتاجالك أوي يا أبيه، كده تسبني خمس سنين ومتسألش عني، لي يا أبيه سبتني لوحدي، كنت محتاجة وجودك أوي جمبي.
عمر:حقك عليا يا روحي، والله كنت عايزكِ معايا بس أنتِ وخالتو ال اصريتوا، بس معاكِ حق مكنش لازم أسيبك، يلا ريم وسليم هيموتوا ويشوفكِ وأنا كمان عايزة أشوفهم يلا بسرعة نروح
وصلوا فعلًا، وكان ترحيب حار من ريم وسليم لحور وال كانت مبسوطة جدا وبتحاول تكون بخير معاهم، بس ريم كانت فاهمة وحسه أن حور متغيرة وأنها مش هتيجي ليهم بسهولة كده، قضوا اليوم مع بعض في هزار، بالليل حور وريم قاعدين مع بعض
ريم:مالك يا حور أنا متأكدة أن في حاجة حصلت، أي ال حصل
حكيت حور لريم كل حاجة
ريم"بحزن" :أنا مش عارفة هو لي وازاي عمل كده، حتى أنا وعمر كنا فاكرين أننكم هتكونوا من نصيب بعض.
حور:أنا خلاص هشيله من دماغي، وهنساه هتألم شوية بس هتأقلم، وكأن عيونها بتقول
انهاردة هخلف وعدي
وهبدأ وحدي من جديد
رغم ألم قلبي ووجعه
هبدل قلبي بالحديد
#شيماء_مشحوت
حور: بصي يا ريم أنا عايزة أتغير عايزة أأقدر أقلع النظارة دي، وعايزة أخس مش علشانه، علشانِ أنا، عايزة أحافظ على حياتي وصحتي
ريم:اتفقنا يا حور من بكرة هنروح لدكتور التخسيس
راحوا حور وريم للدكتور ال طلب تحاليل
ريم:ها خير يا دكتور هنبدأ إزاي وهياخد وقت أد أي؟
الدكتور"بأسف" : بصراحة............
الدكتور هيقول أي لحور؟ هتقدر تنفذ ال هيقولوا أو لأ؟ حور فعلا هتقدر تنسى الحب ده ولا هتحن تاني؟ أي المشاكل ال هتقابل ريم وعمر؟ ازاي هيحلوها؟ ممكن تتحل أصلا ولا هتوصل للطلاق؟ محمد هيقدر يعيش من غير حور؟ حبه أخوي فعلا ولا؟ ازاي خور هتعيش حياتها الجديدة؟أي المشاكل ال هتواجهها؟ ممكن تلاقي حد يدعمها؟ ده هنشوفه بعدين
هنتظر رأيكم كالعادة، بشكر ال بيهتم يقول رأيه بيفرق وحقيقي لولاهم كنت وقفتها، بشكر لكل حد بيتناقش معايا في الأحداث، عايزة رأيكم في المواضيع ال اتكلمت عنها انهاردة وعايزة أعرف وجهة نظركم فيها، بشكر كل كومنت حلو بيتكتب حقيقي بقراهم كلهم وبرد على معظمهم، ممكن محدش ينشرها على مواقع خاصة بيه من دون علمي فضلا.
#يتبع...
#البارت_الرابع_حالة_نادرة
#شيماء_مشحوت
_هنتظر تفاعلكم وتوقعاتكم للأحداث + أكتر الكومنتات ال بتعحبني باخدها اسكرين وهنزلها على صفحتي كذكرى منكم، ياريت محدش ينزلها على موقع خاص بيه من دون أذني.
#البارت_الخامس
الدكتور"بأسف" : معذرة فمعدل الحرق لديها سيكون بطيئًا جدًا، وسوف نحتاج أن نسير في هذا المشوار خطوة بخطوة لأنها ستتألم من قلة الطعام، الطريق سيكون طويلًا والنتائج لن تكون الأفضل في أول الأمر ولكن يجب أن يكون لديكم الصبر، كما يجب أن نأخذ حذرنا من ممارسة التمارين الرياضية وذلك لزيادة ضربات القلب ولأن القلب أيضًا سيكون عائق إذا أردنا أن نقوم بعملية جراحية يمكن ألا يتحمل القلب لذلك الأفضل هو اتباع نظام طعام مناسب لحالتها واتباع تمارين رياضية قليلة، الطريق ليس بهين ولكن بالإصرار والثقة يمكن أن تحدث المعجزات بالتوفيق.
ريم: تمام، شكرًا يا دكتور.
"الدكتور هنا عربي يعني فاهم لهجتها"
حور اضايقت شوية، بس قالت عادي مش مشكلة مش هيأس.
لسه الأمل جوايا
والحلم تملي قدامي
هوصل بكرة واتباهى
وهكون أميرة أيامي
الحلم لو مستحيل
بإيديا هحققه
لو كان يوم بعيد
هجري والحقه
كل ما اضعف هفتكر
ناس قالت مستحيل
همشي وهوصل واقولهم
شكرًا على أجرة التوصيل
#شيماء_مشحوت
عدت الأيام وأخيرًا جه وقت أول يوم جامعة وكل دَ بتمشي على نظام الدكتور، لبست حور لبسها بس للأسف فقدت الثقة في نفسها بسبب كلام محمد ليها، هي ااه كانت بتسمع انتقاد كبير وجسمها مش الوحش أوفر بس مكنش حد بيفرق معاها إنما بعد كلام محمد بقيت فاقدة الثقة في نفسها خالص وكارهة نفسها
حور: ريم أنا كده حلوة!
ريم: قمر يا حور والله أي الجمال ده.
حور: بالله متكدبيش أنا خايفة أوي وحسه اني وحشة جدًا وهيتريقوا عليا.
ريم"بهدوء": بصي يا حبيبتي أنا هقولك على حاجة واحدة بس أنتِ لو شوفتِ نفسكِ وحشة فطبيعي الناس تشوفكِ وحشة يا حور هيشوفكِ حلوة ازاي إذا كنتِ أنتِ شايفة نفسك وحشة، ولو شوفتِ نفسكِ حلوة الكل هيشوفكِ كده لو أنتِ أي فهماني يا حور، حبِ نفسك علشان الكل يحبك، خليكِ واثقة في نفسك وفي جمالك لو مش جمال شكلك فجمال قلبكِ وروحكِ، ممكن تقابلي انتقادات كتير، بس متخليش حد يحس بضعفكِ أو يقلل ثقة من نفسك، لأنكِ لو عملتِ كده فهيستغلوا دَ ضدكِ، اتفقنا يا حور!
حور"هي بتحضنها" :اتفقنا يا ريم، شكرًا لوقوفكِ جنبي بجد.
ريم:بطلي هبل أنا أختكِ يا عبيطة، ويلا ولا هتتأخري من أولها بقا.
حور: لأ يلا سلام أنا بقا، سلام يا سليم
سليم: سلام يا عمتو
مشيت حور وراحت الجامعة، راحت شايفة حاجات كتير غريبة عنها؛ لبس مختلف تمامًا عن لبسها، ناس مختلفة، حسه أنها في عالم غريب ماشية تايهة مش عارفة تعمل أي أو تروح فين، وهي ماشية بتتلفت حوليها حسه أن الناس كلها بتبصلها وبيتكلموا عليها رغم أن محدش واخد باله منها أصلا كل واحد في حاله، خبطت في شخص رجعت وبصتله بدموع: أنا أنا أس. فة والله لحضرتك مكنش قصدي والله، وبسرعة افتكرت أنها في بلد تاني I'm very sorry
الشخص : اهدي بس اهدي محصلش حاجة وأنا مصري أصلًا مش من هنا وأنتِ باين عليكِ مصرية برضو مش كده! ، مالك خايفة كده لي! أنتِ فرقة أولىٰ.
حور"بخوف" : ااه أنا مصر بس مش عارفة حاجة هنا وخايفة أوي.
الشخص: طب خلاص اهدي بصي هعرفك على بنت معاكِ هنا وفرقة أولى برضو بس استني خمس دقايق.
حور"بخوف" :تمام
راح صُهيب اتكلم في الفون
صُهيب:أيوا يا مريم، خمس دقايق وتجيلي عند البوابة الرئيسية، لا مافيش حاجة متقلقيش بس بسرعة، رجع صُهيب وقالها: ثواني وهي جاية أهي، أنا معيد هنا، ومتقلقيش الكلية هنا كويسة جدًا وهتحبيها إن شاء الله، بس اهدي واتعاملي عادي مافيش حاجة تخوف.
حور"بهدوء" :إن شاء الله شكرًا لحضرتك.
جت مريم وعرفها على حور وأنها فرقة أولى زيها وبتخاف جدًا، وقالها تفهمها كل حاجة، وسابهم ومشي.
مريم "بمرح" :أهلًا بالقمر أنا يستِ مريم وبيتقالي يا روما، ومن انهاردة ورايح أنا صديقك الصدوق، اشطاا يا باشا.
حور"بابتسامة بسيطة ": أنا حور، معاكِ بإذن الله.
مريم: مالك يا بت هادية كده، فكِ كده، بصي احنا عندنا أول محاضرة دكتورها رخم فدي مش هنحضرها، والمحاضرة التانية دكتورها مش بنفهم منها فإيه بقا برضو مش هنحضرها، طبعًا بعدها سكشن وأخويا ال بيديها فلازم نحضره علشان منسقطش ولا أي رأيك!
"سبحان الله بحمده سبحان الله العظيم"
حور"بضحك عليها" : طب الحمد لله في حاجة نحضرها.
"اتعرفوا على بعض وكأنهم يعرفوا بعض من زمان، وفي أخر اليوم"
مريم: سلام أنا بقا علشان هتلاقي ابنِ مغلب ماما ومجننها.
حور"باستغراب" :ابنك!
مريم:ااه سلام بكرة هفهمك كل حاجة، سلام يا قمر ولما تروحي طمنيني.
حور:تمام مع السلامة.
مشيت حور وروحت بيت أخوها وكانت مبسوطة جدًا، هي ااه سمعت ناس بيتكلموا عليها ومتعرفتش على حد غير مريم، بس هي حبت مريم جدًا ومش فارق معاها كلام حد، هي شايفة نفسها جميلة وخلاص.
دخلت حور بيت ريم ولقيتها مضايقة ومنهارة في العياط وقافلة على نفسها، ولقيت عمر واقف على الباب عمال يعتذرلها وهي مش راضية تسمعه ومش بتفتحله، فلما عمر شافها قالها : حور لو سمحتِ حاولي تهديها وأنا هنزل علشان تفتح وابقي طمنيني عنها.
حور "بقلق" :أي بس ال حصل يا أبيه، هي كانت كويسة قبل ما أنزل، أي ال حصل لده كله.
عمر: لما اجي هحكيلك بس دلوقتِ لازم انزل، وحاولي تكلميها.
نزل عمر فعلًا، وساب حور، راحت حور تخبط على ريم
ريم "بغضب وعصبية وانهيار" : سبني يا عمر وابعد عن دلوقتِ، مش هفتح، مش هفتح سبني وامشي.
حور"بقلق" :اهدي يا ريم أرجوكِ أنا حور بالله افتحِ الباب وطمنيني أنا قلقانة عليكِ أوي، أرجوكِ افتحِ، علشان خاطري يا ريم.
فتحت ريم الباب وجريت حضنت حور وقعدت تعيط في حضنها، وتصرخ جامد
حور" بدموع" :مالك يا حبيبتي أي ال حصل فيكِ أي فهميني.
ريم"بانهيار" : أنا عايزة أبعد عن عمر يا حور، أنا مبقيتش بحبه، مش عايزاه، خليه يطلقني يا حور ويسيبني في حالي، قوليله، عايزاه يبعد، بكرهه يا حور، لي يعمل فيا كده لي، لي يكسرني أوي كدَ، هو عارف أني بحبه لي يعمل فيا كده، أرجوكِ يا حور فهميني، فهميني بالله، أنا تعبانة أوووي، تعبانة مش قادرة خلاص.
"استغفر الله العظيم الذي لا إله إلا هو الحي القيوم وأتوب"
حور"بعياط من عياط ريم" :اهدي بس وفهميني هو عمل أي!
ريم "بعياط وانهيار" : أأقولك أي بس أقولك أن أخوكِ............
"يا ترى عمر عمل أي؟ هل هيسيب ريم فعلا ولا فيه أمل للرجوع؟ عمر راح فين وساب ريم رغم معرفته بانهيارها؟ أي هي قصة مريم؟ محمد ممكن يسأل على حور ولا كده خلاص؟ فعلًا هيبقا متمسك بيها ولا نسيها وعاش حياته؟ أي دور صُهيب معانا؟ حور هتلتزم بكلام الدكتور فعلا ولا أي؟
عارفة أن البارت صغير، بس كتبته بصعوبة لأن عندي امتحان بكرة دعواتكم، عايزة رأيكم في الاحداث، اي توقعاتكم للجاي، عايزة تفاعل حلو شبهكم.
#يتبع......
#البارت_الخامس_حالة_نادرة
#شيماء_مشحوت
عايزة آراء مش بس تم
#البارت_السادس
ريم "بعياط وانهيار" : أقولكِ أي بس، أقولكِ أن أخوكِ بعد السنين دِ كلها خاني! أقولكِ أنه نسي حب سنين وخان ثقتِ، إزاي يعمل كده فيا يا حور، أنا قصرت معاه في أي علشان يكسرني كده، ولا مرة قصرت معاه أو مع ولاده، ومش كده وبس لأ دَ كمان مع صاحبة عمري يا حور، مع البنت ال دخلتها بيتي، هما ال عملوا فيا كده، يعني دلوقتِ خسرت حب عمري وصاحبة طفولتي! للدرجة دِ أنا وحشة علشان أستاهل دَ، ياريتهم اقتلوني يا حور، ياريتهم اقتلوني ولا يدوقوني الوجع دَ، الموت أهون عندي مليون مرة.
حور"بدموع" : طب ازاي! أبيه مستحيل يعمل كده! أنتِ مش عارفة هو بيحبك أد أي! أكيد في حاجة غلط.
ريم: أخوكِ عمل يا حور؛ لما أدخل عليه والاقيه ماسك الفون وأول مل يشوفني يقفل رغم أنه بيكلم صحابه طول عمره قدامي عادي حسيت أن في حاجة غلط، بس لأ يا بت يا ريم عمر مستحيل يعمل كده، متفكريش في كده، تصدقي أني كنت بحس بالذنب كل م أأفكر فيه غلط!، وبعدها تجيلي رسالة وأنا بوصل سليم المدرسة، تعالي شوفي حب عمرك ال ماشية تتنطي علينا بيه في كافيه......، برضو كذبت دَ بس مقدرتش يا حور، خوفت، فقلت بدل ما أموت من شكي فيه هروح علشان أرتاح وفي الأخر لما أروح ألاقيهم قاعدين مع بعض وبيهزروا ويضحكوا ونسيوا أن في واحدة ممكن يتكسر قلبها لو شافتهم كده! نسيوني يا حور، ودوقوني من كاس عذاب يا حور، طب أنا أستاهل كدَ!
ادي الطريق وادي نهايته
بعيط باليل على حبيب خاين
اشتريته بالدنيا باعني بترابها
وفي الأخر بقا عذابي باين
#شيماء_مشحوت
حور"بدموع أخدتها في حضنها وكانت بتطبطب عليها" : لا يا حبيبتي أنتِ متستاهليش كده، هما ال غلطانين مش أنتِ بس اهدي بس علشان خاطري وعلشان سليم بيعيط وقلقان عليكِ! بس حاولي تسمعيه علشان خاطري مينفعش الحب ال بينكم ينتهي بسهولة كده!
ريم : مش هقدر أنا أصلا مش طايقة أشوف وشه، سبيني يا حور لو سمحتِ محتاجة أنام شوية.
حور: بس.
ريم: متقلقيش أنا كويسة بس محتاجة أفصل شوية بس وارتاح.
__________________________________________
نروح عند عمر ال كان رايح لِ سرين"صديقة ريم" : أنتِ إزاي تعملِ كده، لي تبعتلها وتعرفيها أننا هنا، لي تسببِ في جرحها بالشكل دَ؟
سرين : على الأساس أنك مجرحتهاش يعني! أنت بتنكر أي يا عمر، طب على الأقل أنا مجرد صاحبة ليها عادي هتلاقي غيري مية واحدة، أما أنت بقا فجوزها وحبيبها يعني جرحها منك أنت مش مني أنا
عمر "بعصبية" : لي عملتِ كده لي؟ حرام عليكِ دمرتِ حياتي وحياة ولادي، أنتِ السبب لي تدمري كل حاجة كده، وأنتِ عارفة أنِ مافيش بيني وبينك حاجة.
سرين"بعصبية أكتر" : كان لازم أحسسها بالوجع زي كل مرة حسستني فيها بوجع وهي بتحكي عنك، كان لازم تتقهر زي ما قهرتني وهي ناجحة في كل حاجة؛ أهل كويسين وأخ بيحبها، كانت شاطرة في دراستها ودايمًا متفوقة، لقيت شغل من بيتها زي ما طلبت منها وده لي علشان حضرتك بتغير عليها، كان لازم أحرق قلبها مش كل حاجة ليها هي، حتى لما اختارتك اختارت صح أم أنا اتجوزت شخص مش بحبه ولي لأنه مناسب واطلقت، لي لازم أحزن لوحدي لازم تنول جزء.
عمر "باستحقار" : أنتِ للأسف إنسانة مريضة دمرتِ صاحبة عمرك وبيتي بسبب حقدك، وأنا مش هسيب ريم وهحل مشاكلنا، مش هخسر حبِ وبيتِ بسبب واحدة زيك.
سبها عمر ومشي وهي فضلت تصرخ وتبكِ، وهو راح لبيته، لقى حور قاعدة بتأكل سامر"ابن ريم وعمر عنده سنتين" وسليم، أول مادخل
عمر: فين ريم يا حور، هي كويسة؟
حور: للأسف كسرتها أوي يا أبيه، ريم اتكسرت أوي.
عمر:مش وقت الكلام ده دلوقتِ، هي فين
حور: في أوضتها قالت عايزة تفصل شوية وترتاح
عمر ساب حور ودخل الأوضة لقاها قافلة النور ووشها في المخدة وبتعيط، قعد جنبها وهو حاسس بالذنب، جه يمسك أيديها شدتها منه.
ريم"بدموع وعصبية" :مالكش دعوة بيا يا عمر وأخرج برة وسبني، روحلها يا عمر، روح للِ كنت معاها، هان عليك حبنا! كان سهل عليكِ وأنت بتخوني وأنا واثقة فيك! هان عليك تدمر بيتنا ال بنيناه في سنين كسرته في لحظة! يااه يا عمر للدرجة دِ سهل تبعني، محستش بالذنب وأنت بتكلمها وأنا جنبك، نسيت حبنا! نسيت أحلامنا ال بنيناها سوا! اطلع برا يا عمر وابعد عنِ، أنا عايزة أنزل مصر.
عمر"بهدوء" : أنا أسف بس والله مش زي ما أنتِ فاكرة.
ريم: اسكت ياعمر، مش كنت قاعد معاها! مش كنت بتكلمها من ورايا، يبقى متتكلمش، واحجزلي ارجع مصر
عمر: بصي أنا عارف اني غلطان، ومستعد أتحمل أي غضب منك بس بلاش تقولي تسيبني وترجعي، أنا عارف أني غلطان بس أنتِ كمان غلطانة يا ريم.
ريم: أنا! لي شوفتني بكلم حد غيرك!
عمر"بمقاطعة" : اهدي لو سمحتِ وبلاش تقولي كلام غلط من عصبيتك، اما بقا غلطانة فغلطانة جدا كمان، مش أنتِ ال كنتِ تحكي عن صحبتكِ دي قدامي بالساعات! مش أنتِ ال كنتِ تقعدي توصفي وتحكي عنها! عارف يا عمر سرين قمر أوي، عارف يا عمر عايزة أروح اشتري مع سرين علشان لابسها شيك وحلو! عارف يا عمر سرين عملت، سرين سرين سرين كل كلامنا عنها لما اسكتك وأقولك متكلميش عن صحبتك قدامي، هنقضي حياتنا كلها عنها! تكملي برضو، وللأسف نفس الشيء كنتِ بتعمليه معاها، كنتِ بتحكيلها عنِ كل حاجة، بتتصرفِ برضو بتلقائيتك يا ريم، من كلامك عنِ قدامها حبتني وعايزة تكسرك وهي بتفرق بينا، وهي من فترة كنت بقولك متثقيش في حد زيادة عن اللازم بس لأ، لما كنت بكلمها علشان خاطر تساعدني في عمل حفلة ذكرى زواجنا وهي للأسف استغلت دَ علشان تبعدنا عن بعض، وعلشان تصدقِ اتفضلِ الفون أهو يا ريم والشات ال بينا متحذفش زي ماهو.
كل ده وطبعًا ريم بتعيط، يعني بعد كل ال دَ الغلط ناتج منها هي! ال قاله فعلًا كله صح، إزاي ما أخدتش بالها! إزاي ملاحظيتش أنه بعد ماكانت تتكلم عنه كانت سرين تسألها عليه وإزاي بيحبها وإزاي بيعاملها وهي كانت مبسوطة وهي بتحكي عنه قدمها، إزاي هي بالسذاجة دِ وفعلا شافت الفون وكان الشات كله عن حفلة وهدايا! يعني هي ظلمته وكانت هتدمر حياتها بإيديها!
ريم "بأسف" : أنا أسفة يا عمر، فعلًا معاك حق في كل كلمة، أنا غلطانة أرجوك سامحني.
عمر"بهدوء" : خلاص يا ريم حصل خير يمكن دَ حصل علشان يكون درس ليا وليكِ؛ ليكِ علشان مش أي حد تثقِ فيه ولازم يبقى في حدود في الكلام، وليا علشان طلبت منها مساعدة مكنش لازم اعمل كده، المهم أننا مع بعض دلوقتِ ومخسرناش نفسنا وحياتنا ال كنا هندمرها.
ريم:شكرًا يا حبيبي ربنا يديمك ليا، ووعد أنِ مش هآمن لحد مهما كان مين، ولا هحكِ لحد عننا ولا عن حياتنا.
عمر: شكرًا ليكِ أنتِ أنكِ في حياتي.
عدى اليوم بهدوء عليهم جه الليل وكانت أمل عايزة تكلم حور وفعلًا كلمتهم وحكيت لأمل أد أي هي سعيدة هنا وأنها اتعرفت على مريم، جه محمد كلمها وكان بيتكلم على أساس أنها ريم للدرجة دِ مسألش عليها ومش همه يعرف أخبارها محمد: ازيك يا ريم عاملة أي وحشاااني جدًا.
حور"بزعل وحزن" : أهلًا يا أبيه أنا حور مش ريم.
محمد"بهدوء" : ازيك يا حور عاملة أي
حور:الحمد لله حاضرتك عايز حاجة"من جواها مستنياه مستنية يقول أنها وحشته محتاجلها أي حاجة"
محمد: لأ يا حور شكرًا مع السلامة وقفل معاها، فابتسمت بدموع وكأنها هتقول
استنتك تقولي ارجعي
أنا أسف متسيبنيش
لقيتك عادي بتبصلي
أنتِ أصلا متهمنيش
#شيماء_مشحوت
خلص اليوم بسلام بين اتفاق عمر وريم ومعرفة أخطائهم، وحور ال بتحاول تنسى محمد.
اليوم الثاني في الجامعة عند حور، بعد ماتفقت مع مريم أنها تقابلها واتقابلوا فعلًا وكانوا قاعدين في الكافتيريا.
حور: ها يا بنتِ أي حكاية ابنك دَ، وأصلًا شكلك كبير على أنكِ تكونِ أولى
مريم"بحزن" :حاضر يا ستِ هحكيلكِ؛ بصي بقا أنا كنت شاطرة جدًا في دراستي ومش شاطرة في حاجة غيرها وكنت بحبها بجد، بس للأسف اتعرفت على بنتين معايا في درس تانية ثانوي، للأسف كانوا بيتكلموا ولاد وكده فكانوا يقعدوا يتكلموا عنِ أني قفل ومينفعش كده ولازم تحبي وتتحبي وبتاع ولما أرفض يضحكوا عليا ولما أقول هستنى نصيبي وبتاع يستهزئوا بيا ويقولوا أنتِ عايشة فين يا بنتِ دلوقتِ مين هيجي يتجوزكِ كده فكرك حد هيجيلك وهو مش عارفكِ! للأسف كنت ساذجة لما صدقتوهم وارتبط بأخو صاحبة فيهم ودَ أثر على مستقبلي الدراسي ونجحت في تانية بتقدير كويس بس مش زي عادتي الأولى وكده ولما جيت أعيط ال مرتبطة بيه ده هداني وأي يعني دراسة كده كده هتجوزكِ وضحك عليا بكلامه بس مكنتش مدركة يعني لقيت حد بيهتم بيا وبقيت زي أصحابي يعني ده كل تفكيري وقتها، جيت في تالتة ثانوي هو كانت كليته قليلة فكان بيكلمني كتير جدًا مكنتش بلحق أذاكر، ولما اكلمه عن الدراسة يقولي كده كده هتكونِ في بيتي وده كان لأنه خايف أهلي يرفضوه لو جبت كلية عالية، وأنا بغبائي نفذت كلامه بس مجبتش كلية بس لأ السنة كلها ضاعت عنيت كتير وقتها زي حصل كده بس هو هون عليّ وللأسف أقنعني أني مكملش ومشيت وراه وقلت ش هكمل ولأن أبيه صهيب كان الأقرب ليا وكان مسافر وقتها فمكنش حد يعرف عني حاجة وجه اتقدم وبابا كان رافضه وأنا كنت مصممة عليه حتى لما أبيه صهيب كلمني علشان أكمل وأني لسه صغيرة على المسئولية وبتاع محدش قدر عليا ومزعلونيش واتجوزته بس بعد أول شهر للأسف لقيته إنسان تاني تمامًا بيعاملني بقسوة جدًا وبيقلل مني إني كلمته قبل الجواز رغم أنه عارف أني مكلمتش غيره، ومإنه بيقولي
وكأنه بيقولي مهو أخرة الحب الأذيه
في البداية بسمة حب وشوية وشات
بس في نهايتها تظهري الغبيه
و بيكون الوقت عدى وفات
، أهله بقوا كل يوم عندنا ومامته وأخته ال هي صاحبتي ال نجحت ودخلت الكلية الاتنين كل شوية يذلوني وأني قليلة على ابنهم وبقيت ليهم أقل ما يقال خدامة ليهم ولو جيت رديت لما يشتموني يجي يضربني فضلت مستحملة سنة لأني كنت عرفت أني حامل ولما حسيت أني ابنِ ممكن يموت بسببهم رجعت لبابا وخلاه طلقني، وعيشت مع بابا وصُهيب وقع جنبي وخلاني أعيد ثانوية عامة ونجحت وجيت معاه هنا أنا وماما وبابا بس يستِ، دي كل حكايتي، وبقيت أقرر
دَ لما قالوا خداع
قلت أنتم بتكرهوا لي الخير
ولما قالوا دَ خاين
قولت دَ حبيبي غير
يخسارة قلبي ال حبك
وال اتكوى كتير بُحبك
يخسارة دموع عني
ال نزلوا على يوم بعدك
#شيماء_مشحوت
حور"بحزن" :يااه استحملتِ كل دَ.
مريم "بمرح: أمال يا بنتِ ده احنا جامدين جدًا، يختاااي اتأخرنا على سكشن صهيب أجري معايا ده هيفرمنا، أنتِ متعرفيش بيكره التأخير أي.
صُهيب "بعصبية" : أي التأخير ده يا بشمهندسين!
حور"بأسف" :أسفين يا دكتور بس أصل كنا بنتكلم...
مريم"بمقاطعة" :قصدها أنها كانت.........
صُهيب"بصدمة" :.....
نكمل المرة الجاية إن شاء الله، أسفة على التأخير وبشكر كل حد دعالي، ومنتظرة رأيكم في البارت هو طويل أهو، وتوقعاتكم للجاي، ومش عايزة بس تم عايزة رأي حتى لو نقد.
يا ترى أي ال قالته مريم لصُهيب، هيسامحهم أو هيكون في عقاب؟ أي العقاب؟ محمد ممكن يحب حد غير حور؟ مريم أي هيحصل في حياتها بعد كده؟ مين هو ال هيكون نصيب حور؟ حياة ريم وعمر هتفضل مستقرة ولا لأ؟ أي هيحصل معاهم في الجامعة؟ تفتكروا مين هيكون مع حور محمد ولا حد تاني؟
يتبع....تكملة الروايه اضغط هناااااااا
#البارت_السادس_حالة_نادرة
#شيماء_مشحوت
تعليقات
إرسال تعليق