رواية حالة نادرة البارت السابع والثامن بقلم شيماء مشحوت في موسوعة القصص والروايات جميع الفصول كامله وحصريه
رواية حالة نادرة البارت السابع والثامن بقلم شيماء مشحوت في موسوعة القصص والروايات جميع الفصول كامله وحصريه
رواية حالة نادرة البارت السابع والثامن بقلم شيماء مشحوت في موسوعة القصص والروايات جميع الفصول كامله وحصريه
#البارت_السابع
_هنتظر تفاعلكم ورأيكم في الأبيات لأنها جزء من قصيدة جديدة لو حلوة هنزلها.
مريم"بمقاطعة" : قصدها أنها كان أغمي عليها، واتأخرنا على ما فوقتها
صهيب"بخوف" : أي طب هي كويسة دلوقتِ، كويسة يا أنسة حور! تروحِ للدكتور!
حور"بصدمة من ال قالته ريم": هزت رأسها بس لألأ أنا كويسة مش محتاجة دكتور.
صهيب:تمام ادخلوا المرة دي سماح بس علشان تعبها إنما بعد كده لأ.
خلص اليوم، وعدت الأيام مابين حب عمر وريم وتفاهمهم، وصداقة حور ومريم وعلاقتهم ال بقيت قوية جدًا، ونسيان حور لمحمد نسبيًا، وجه يوم
عمر"بهدوء" : حور أنتِ طبعًا كبرتِ يا بنوتي، علشان كده جايلك عريس.
حور"بفزع" : لأ يا أبيه أرجوك، أنا مش عايزة أتجوز أنا لسه صغيرة، أرجوك يا أبيه أنا مش عايزة.
عمر: بصي يا حبيبتي أنتِ عارفة أنا بحبكِ قد أي، ومش هطلب منكِ تقابلي أي حد.
حور: بس يا أبيه، بشكلِ ده مين هيتقدملي حضرتك عارف أني بقالي سنة ماشية على نظام الدكتور ونزلت كيلو واحد بس وشكلي وحش جدًا، يعني صعب حد يبصلي.
عمر "بحنان" : بصي يا حبيبتي، ال بيبص للشكل دَ لايؤتمن إنما الجمال الحقيقي هو جمال الروح والقلب وفي دول مافيش أجمل منكِ.
حور: طب م ممكن يكون حد عايز يتسلىٰ.
عمر"بزعل" : وأنتِ فكراني هوافق أن أي حد أدخله يشوفكِ يا حور، أنتِ بنتِ يا حور مش بس أختِ، ها قلتِ أي.
حور: أسفة يا أبيه مش قصدي، ال حضرتك تشوفه.
عمر:متقلقيش يا حبيبتي مش هيحصل غير الخير إن شاء الله، وأنا هكلمه يجي الخميس علشان نكون جهزتِ لبسكِ وكده، وكأنه هيقول
يلا يا مسكين
كفاية دموع من العين
ده حتى الدموع بتجف
والألم نفسه يخف
خيط من الأوجاع
وغير الأوضاع
بدّل هدوم الحزن
لشوية من الأفراح
#شيماء_مشحوت
حور: تمام
خلص اليوم مع احتفال سليم وريم بحور، وخوف حور من الجاي.
تاني يوم في الجامعة عند حور ومريم.
مريم"بحماس" : واوووووو وعندنا فرح يا جدعان عايز كله يبقا تمام لولللللللللي، أخيرًا بقا هبقا أخت العروسة، يعني عروسة وقاعدة كده، قومي يا بت.
حور"بصدمة" أأقوم فين أنتً هبلة، احنا في الجامعة وبعدين فرح أي ال عندنا ده لسه هشوفه ومحدش عارف هيكون في قبول ولا لأ فاتهدي كده واقعدي لميتي علينا الجامعة، جه عليهم دكتور من الجامعة وهو صديق صُهيب.
مازن"بابتسامة" : أهلًا يا بشمهندسين، في حاجة ولا أي علشان الهيصة دِ.
مريم"بحماس" : أصل يا دكتور حور هت..
حور"بمقاطعة بعد ماداست على رجل مريم" : لأ يا دكتور بس مبسوطين أن الامتحانات اتأجلت.
مازن: بس الامتحانات متأجلتش ولا حاجة.
مريم"بعد مافهمت" :قصدها يعني أننا خلصنا مذاكرة ال ورانا ومستعدين كويس للامتحان.
مازن: واللهِ! طب كويس بالتوفيق إن شاء الله، عايزين حاجة.
حور ومريم: لأ شكرًا يا دكتور.
بعد ما ماشي
حور: أي يا زفتة راحة تقوليلوا أي هتفضحيني!
مريم: يا بنتِ والله أنا عايزة أمسك مايك وأقول عندنا فرح يجدعان ونفرح كلنا فاسكتِ علشان ماسكة لساني على تكة.
حور: ماشي يا أختِ أنا هسكت أهو بس كلمي أخوكِ، وعرفيه أنكِ هتكونِ معايا نشتري الفساتين ونجهز وطبعًا ماليش غيركِ أنتِ وريم وهتكونوا معايا أكيد.
مريم: أكيد طبعًا يا صاحبي.
راحت ريم فعلًا وكلمت صُهيب ووافق، وجهزوا فعلًا كل حاجة، وفي انتظار العريس، جيت حور بعد مالبست وجهزت وراحة تجهز الحلويات راحت وقعت منها في الأرض.
حور:الحقوني ريم مريم تعالوا بسرعة
دخلت مريم: أي حصل بس، يالهوي عملتِ أي
حور"على وشك البكاء" : وقعت من غير قصد اعمل أي قليلي بسرعة.
مريم"بهدوء" : بصي هما المفروض يجوا 7 والساعة 7 إلاربع يعني معانا ربع ساعة وعلى مايتفقوا أكون جبت وجيت، أنا هنزل بسرعة أهه علشان أخوكِ ومراته لازم يتقابلوا الناس، أنا همشي.
حور"بخوف" : لأ متسبنيش أنا هخاف أطلع لوحدي!
مريم: أهدي يا حور مش هتأخر! بعدين هنقدم للناس أي لو منزلتش!
نزلت مريم فعلا وحور قاعدة متوترة وأخيرًا جم وقاعدين برا بيتفقوا مع عمر، وشوية وهينادوا حور، هتخرج وهتتفاجىء بوجود....
______
عند مريم بتكون ماشية بسرعة علشان تلحق! بس بيقابلها شخص بيحاول يسرق شنطتها وبيشدها من إيديها وهي بتفضل مسكاها ف.......
هنوقف هنا انهاردة وبعتذر عن التأخير بس داخلة على امتحانات دعواتكم! هنتظر تفاعلكم كالعادة وكومنتاتكم ال بتفرحني وتوقعاتكم أي، ورأيكم في الأبيات لأنها جزء من قصيدة جديدة لسه كتباها ولو حلوة هنزلها كاملة.
يا ترى مين عريس حور؛ محمد ولا صهيب ولا مازن ولا كد تاني؟ أي ال حصل مع مريم؟ ممكن مريم تموت ولا حد هينقذها؟ مين ال هينقذها؟ أي هيحصل لو العريس كان محمد حور ممكن توافق؟ طب لو مش محمد هيكون أي رد فعل محمد؟ هيكون بيحبها فعلًا ولا هيكون جرح جديد؟
#يتبع.....
#البارت_ السابع_حالة_نادرة
#شيماء_مشحوت
#البارت_الثامن
بتخرج حور وتتفاجئ بوجود صُهيب ومامته وباباه، هي مصدومة جدا طب إزاي، هو حتى ميعرفهاش إزاي يعني جاي لها! وكمان مريم كانت معاها هنا إزاي معرفتهاش معقول مريم متعرفش! خرجت متوترة جدًا ومعاها عصير، سلمت على والده ووالدته وقعدت جمب عمر، وقالوا هيسيبوها معاه شوية، بصيت لعمر بتتوسل لي ميسيبهاش!، بس للأسف تجاهل نظرتها وخرج وسبها معاه، شايفهم قدامه بس مش قاعد معاهم.
صُهيب"بإحراج" : أهلًا يا أنسة حور، عاملة أي.
حور"بإحراج" : احم الحمد لله
صُهيب: أنا كنت جاي أتقدم ليكِ، عندكِ أي سؤال!
حور"بتوتر" : احم أنا أسفة بس لي حضرتك اختارتني أنا! يعني أنا مش احم مش حلوة يعني! تقريبًا مافيش ميزة فيا يعني!
صُهيب"بصراحة": أنا شايف أنكِ غلطانة مكنتش حابب أأقول دَ دلوقتِ بس مضطر أنا شايف أنكِ جميلة جدًا جدًا، جميلة بروحك وبقلبك حتى شكلك جميل جدًا، أنا مش عارف أنتِ شايفة نفسك إزاي علشان تقولِ كده، بس بصراحة أنا هكون أسعد إنسان في الكون لو قبلتِ تكونِ شريكة عمري الجاي أنا مش عايز غير وجودكِ في حياتي وبس، فأتمنى توافقِ تديني السعادة دِ.
جميل جدًا أنتِ
بطيبة قلب صافي
ملوش مثيل ولازي
وبسمة صافية جميلة
يا ملكة لعمري الجاي
#شيماء_مشحوت
حور "الله! في حب كدَ معقول أنا حلوة أوي كده!" كل ده في نفسها هي متكلمتش! نفسها تقوله:
قبلكَ كنت جسد عايش
بقربك حييت الروح
كنت في عتمة كورد
على الأرض مطروح
صُهيب: بصراحة وأكتر كمان.
حور: طب طالما حضرتك شايفني كده! لي مكلمتنيش قبل كده!
صُهيب :بصراحة حبيت تكونِ الجانب الحلو في حياتي ونقائكِ دَ حبيت أحافظ عليه وأول ما أجي او اكلمك يكون في الحلال علشان لو حصل نصيب إن شاء الله ربنا يبارك في حياتنا ويباركلي فيكِ، حبيت أجيلك وأول كلامنا يكون قدام الكون كله علشان أنتِ متستاهليش غير كل الخير، حتى نظرتي ليكِ كنت بحاسب نفسي عليها علشان مبصلكيش، أنتِ جوهرة غالية أوي فتسمحيلي أن الجوهرة دِ تشاركني حياتي!
هنبني بيت أحلام
أساسه حب وأمان
ونعيش سوا في سلام
وننسى كل ال كان
في دنيا أساسها حب
وعوض عن ال كان
في عالم اساسه اتنين
تعبوا ليلاقوا الأمان
# شيـماء_مشحوت
دخل عمر وأهله عليهم وسأل حور عن رأيها ال هزت رأسها موافقة بخجل وجريت على أوضتها بين فرحة صهيب وعمر وريم وأهله وبعدين سأل صُهيب: بشمنهندس عمر لو سمحت هي فين مريم مش باينة يعني!
عمر"بحرج" : مش عارف واللهِ كانت مع حور ثواني هسألها، دخل عليها عمر لقاها قلقانة وماسكة الفون.
عمر: حور فين مريم
حور"بقلق" : مش عارفة والله يا أبيهِ أصل ال حصل وحكت ليه
عمر : طب كنتم قلتم كنت هتصرف أنا.
طلع عمر وعرف ال موجودين ال قلقوا جدًا وصهيب وعمر كانوا نازلين يشوفوها وخصوصا الساعة بقيت 9 بليل! ، حور بتتصل فحد رد عليها قبل ماينزلوا :ألو يا مريم!
شخص: البشمهندسة مريم في المستشفى ياريت لو تيجوا بسرعة وعرفِ أهلها.
حور"بدموع وخوف" : أي! مستشفى ليه! طب طب هي كو
أخد صهيب الفون من حور بسرعة :الو! مريم فين! هي كويسة!
مازن : متقلقش يا صُهيب حاجة بسيطة متقلقش بس تعالى مستشفى......
صهيب: مازن! طب خلي بالك منها أنا جاي فورًا.
طبعًا الكل راحوا وهم قلقانين عليها جدًا، وصلوا لقوا مازن قدام غرفتها
صهيب"بقلق" :مالها أي حصل معاها.
مازن : أنا كنت جاي زي ماكنا متفقين لقيتها في الشارع واحد بيحاول ياخد شنطتها رجعت علشان الحقها بس للأسف فضلت ماسكة فيها ووقعت اتجرحت من الأرض في ايديها ورجليها مكان الواقعة وداخت شوية فجبتها على هنا والدكتور فولو مركبلها محلول علشان الدوخة وعملها بعض الاسعافات الأولية.
دخلوا كلهم على مريم ال كان باين عليها تعب بسيط اطمنوا عليها كلهم وحكتلهم ال حصل بس حور كانت واقفة بعيد بتبصلها وتعيط يعني هي كانت السبب في أن صاحبتها تتعب كده! يعني صاحبة عمرها كانت هتموت بسببها! بصيت عليها وهي في عنيها مية أسف وأسف
وكأنها بتقول
أنا أسفة ياريت أنا وتكونِ بخير
يا أخت غالية مافيش منها اتنين
#شيماء_مشحوت
بصيت عليها مريم، هي عارفة حور بتفكر في أي، فحسوا بيهم وسابوا مريم بعد ما اطمنوا عليها وخرجوا، مريم: حور مش عايزة تيجي تطمني عليّ!
حور: بصيت ليها بدموع وجريت عليها حضنتها وهي بتقول أنا أسفة أوي أرجوكِ سامحيني، واللهِ لو عرف مكنتش خليتك نزلتِ، أنا أسفة بجد.
مريم: هش خلاص يا روحي والله أنا كويسة أهو، احم بس مقولتليش أي رأيك في العريس بغمزة.
حور: أنتِ كنتِ عارفة ومقولتليش ماشي يا مريم لما تخفي بس هوريكِ.
مريم: المهم يعني عملتوا أي نبل الشربات ونعلي الجواب ولا لسه.
حور"بخجل" : الحمد لله أنا وافقت.
مريم : اللهِ وهتبقي مرات أخويا يا حور وأخيرًا وقامت تتنطط وأنا عمتو الحرباية
دخل صُهيب عليهم لقى مريم بتتنطط وحور بتتفرج عليها.
صُهيب"بضحك" : يخربيتك يا مجنونة هو أنتِ مش كنتِ لسه بتموتي! بقيتِ زي القرد دلوقتِ، اتهدي كده واقعدي.
خلص اليوم وشكرت مريم وعائلتها مازن على وقوفه معاها وأهل صهيب عزموا حور وأخوها وعائلته ال رحبوا جدا، خصوصا بعد ما حور وافقت، وكانت حور بتتصل بأمل خالتها، فردت عليها بنت
البنت: ألو! مين معايا
حور"باستغراب" : أنتِ ال مين! مش دَ رقم خالتو أمل!
البنت :ااه طب ثواني هنديها لحضرتك، ماما! ماما أمل! في بنت عايزة تكلم حضرتك.
حور"باستغراب إزاي البنت دِ بتناديها بماما"
امل :ألو مين
حور: أنا يا خالتو، مين البنت ال ردت عليّ دِ؟
أمل "بهدوء" : دِ بتكون...............
رأيكم في البارت والأحداث، وتوقعاتكم للِ جاي
يا ترىٰ مين البنت دِ؟ لي بتقول لأمل يا ماما؟ وإزاي ريم وعمر وحور مايعرفوش عنها حاجة؟ بيربطها حاجة بمحمد ولا لأ؟ ولو اه في أي هي؟ إزاي صهيب هيعامل حور؟ ممكن مازن ومريم يجتمعوا ولا لأ؟
#يتبع.... اللي عاوز تكملة الروايه يعمل انضمام من هناااااا
تكملة الروايه اضغط هناااااااا
#البارت_الثامن_حالة_نادرة
#شيماء_مشحوت
تعليقات
إرسال تعليق