رواية ولو بعد حين البارت الاول والثاني والثالث بقلم خلود احمد في موسوعة القصص والروايات جميع الفصول كامله وحصريه
رواية ولو بعد حين البارت الاول والثاني والثالث بقلم خلود احمد في موسوعة القصص والروايات جميع الفصول كامله وحصريه
رواية ولو بعد حين البارت الاول والثاني والثالث بقلم خلود احمد في موسوعة القصص والروايات جميع الفصول كامله وحصريه
.. يعنى ايه هتعيش معانا؟ ماما انتى متخيله احنا ولدين ودى بنت غريبه عننا مينفعش اللى بيحصل ده
الام.. في ايه يا عمر دى عيله صغيره وبعدين ياعالم هتفوق ولا هتفضل كده حرام عليك يابني ابوك لاقاها وجابها هنا يمكن الخير اللي هنعمله ده يتردلك انت واخوك
عمر.. اهو اخويا ده بقي اللي خايف منه يوسف عمره ما هيوافق وبعدين البنت هنا من بليل وهو ميعرفش عشان كان نايم وصحى ع المدرسه على طول لما يرجع هيفضحنا
الام.. انا هتكلم معاه يلا بقي امشي خلينى اعمل الغدا قبل ما يرجع من المدرسه
عمر.. اجرى اجرى مانتى مبتحبش غيره بقي حتة العيل ده يعمل كده 😂
الام.. يارب صبرنى
.......................
خالد رجع من الشغل وكان جايب فاكهه دخلها المطبخ وغير هدومه وصلى الظهر وقعد يقرأ قرآن
الجرس رن الام سابت الطبيخ وراحت تفتح
يوسف.. مساء البصل يا ناس يا عسل
فايزه (الام)... هههه بصل وعسل مع بعض يلا يا شقى ادخل غير بسرعه وصلى لغاية ما اجهز السفره
يوسف.. بسرعه عشان جعااااان
عمر.. هتاكلنا يعم الوحش
يوسف.. ههه دمك خفيف
عمر ضر. به بالرجل.. امشي يلا
اتجمعوا على السفره....
خالد.. طليتى على البنت يا فايزه
فايزه.. ايوا يا بو عمر زي ما هى يا حبيبتي
يوسف بلع الاكل وهو بيبص لعمر بتساؤل
عمر.. ماما كلمى
يوسف.. فى ايه
فايزه.. بص ياحبيبي هحكيلك الموضوع امبارح بالليل ابوك كان راجع من الشغل ولقي بنت مرميه على شط النيل وهدومها غرقانه خالص وياحبيبة قلبى مخبوطه فى دماغها جامد المهم خدها على المستشفى دى روح يابني لازم نلحقها والدكتور عمل اللازم بس البت ضعيفه اوى ومش عارفه جالها غيبوبه ولا ايه خيطولها الجرح وقاله كلها يومين تلاته وهتصحى بس المحاليل دى تنتظم عليها وابوك معرفش يتصرف وجابها هنا وانا والله حبيتها اوى وانا معنديش بنات وقولت تعيش معانا وتبقي اختكم الصغيره لو كان ليها اهل يابني وعرفوا طريقها هنديهالهم عادي
يوسف.. اممم حلو الفيلم الهندي ده
خالد.. يوسف عيب كده كلم امك باحترام
يوسف.. آسف ياماما اعملوا اللى انتوا عايزينه اصل بيتنا وكمان مش هنعرف ناخد راحتنا فيه وجابين بنت منعرفهاش تعيشوها في وسط ولدين
خالد بصوت عالي.. انت بتتكلم وكأنك كبير وفاهم ده حيا الله 12 سنه اللى عندك انت لسه عيل يلا فاااهم واللى انا وامك نقوله هيمشي البيت ده مش بيتك لوحدك
فايزه.. خلاص يا خالد براحه عليه
خالد هبد المعلقه فى الطبق.. ماهو كل ده من دلعك ليه وقام من على الاكل
يوسف قام دخل اوضته
عمر.. مش قولتلك يا ماما
فايزه.. قوم ياعمر ذاكر قوووم بلا صبيان بلا هم
عمر.. اللاه هو انتوا والثانويه عليا دى مبقتش عيشه
فايزه ضحكت على كلامه وقامت تشيل الاطباق
........................
الليل جه وكل واحد في اوضته عمر خلص مذاكره ونام ويوسف كان لسه صاحي قام يدخل الحمام وهو خارج لقي باب الاوضه اللي البنت فيها مفتوح
بص على الباب بغضب و...........
يتبع..
ياترى مين البنت وايه اللى هيحصل
لو البارت جاب تفاعل حلو هنزل واحد تاني وهعرف فيه الشخصيات 🤎
بارت 2 #ولو_بعد_حين
الليل جه وكل واحد في اوضته عمر خلص مذاكره ونام ويوسف كان لسه صاحي قام يدخل الحمام وهو خارج لقي باب الاوضه اللي البنت فيها مفتوح
بص على الباب بغضب ورايح يدخل لقي امه قاعده مديه ظهرها للباب وش البنت مكنش باين بس جسمها صغير
خرج تاني وراح اوضته عشان ينام
تاني يوم كان الجمعه اتجمعوا علي الفطار
خالد.. هتروحي عند اختك النهارده يا فايزه
فايزه.. ايوا فى حاجه ولا ايه
خالد.. لا اصل انا خارج عندي مشوار ومش هعرف اوصلك بالعربيه
فايزه.. ولا يهمك انا هروح بتاكسى وخلاص
عمر.. مش هنيجى معاكى يا ماما
فايزه.. لا اقعدوا ذاكروا انت في ثانويه عامه ومعدش حاجه على الامتحانات واخوك عنده امتحانات يوم الحد
عمر.. يوووه بقي امتى اخلص من السنه الزفت دي
يوسف.. احسن احسن
عمر.. اسكت انت كمان
خلصوا اكل وخالد نزل هو وفايزه
عمر.. ولا حازم كلمنى وفي حجز كوره هنزل واجى على طول كده كده امك مش جايه دلوقتي
يوسف.. وانا مالى مليش دعوة
عمر .. انت رخم ليه بقولك مش هتأخر
يوسف.. يعم وانا مالى ما تغور الله
عمر خد الكوتش بتاعه ونزل جرى
.........
يوسف قعد فى اوضته يذاكر عدى نص ساعه كان بيذاكر رياضه وقاعد يحل ومركز سمع صوت خبط وحاجه اتكسر. ت راح المطبخ ملقاش حاجه بص حواليه وبعدين افتكر البنت اللى موجوده راح فتح الاوضه
اتفاجئ لما لاقاها قاعده علي السرير بتعيط
البنت.. فين مامى
يوسف.. مامى مين؟
البنت.. انت مين
يوسف فى سره .. يادى النيله اعمل ايه انا دلوقتي
البنت.. بقولك فيين مامى وانت مين انا عايزة مامااا عااااااا
يوسف.. شششش فى ايه اسكتي
البنت كشت فى نفسها وضمت رجلها.. انا اثفه والله بس الكوبايه دى اتكثرت بالغلط
يوسف.. مش قصدي على الكوبايه احمم انتى اسمك ايه؟
البنت.. مش عارفه
يوسف.. طيب ماما او بابا اسمهم ايه
البنت.. مش عارفه كمان انا بث فاكره ماما اثمها مش عارفه هو انت مين
يوسف.. شكل الخبطه اثرت عليها .. انا اسمي يوسف
البنت.. ماشي يا يوثف انا جعانه
يوسف.. اى البت دي لسه صاحيه من غيبوبه وجعانه!!
البنت.. جعانه
يوسف.. ماشي خليكى هنا هلم الازاز ده عشان متتعوريش وبعدين اعملك اكل
البنت.. اوكى 😴
يوسف لم الازاز ودخل المطبخ .. اوكى ومامى دى جايه من مدينتى ولا ايه بس عمل لها سندوتش وراحلها
يوسف.. خدى
البنت فتحت السندوتش تشوف فيه ايه لقت جبنه رومى .. ايه ده انا مش بحبه
يوسف.. بت انتى بقولك ايه انا مش فاضيلك جعانه كلى مش جعانه وبتتدلعى متقرفيناش
البنت عملت كده 🥺🥺 وسكتت
صوت الباب اتفتح
عمر.. ولا يا يوسااااف
يوسف خرج من الاوضه.. ايه
عمر بصله وبص ع الباب.. انت كنت بتعمل اى جوا اوعى تكون قت. لت البت 😱
يوسف.. يعم بطل دراما وتعالى شوف البلوه دى
عمر دخل لاقاها قاعده على السرير وماسكه السندوتش
عمر.. صحت امتى دى
يوسف.. من شويه
البنت.. يوثف هو مين ده
عمر.. هههه يوثف 😂😂😂
يوسف.. دا عمر اخويا
البنت.. اوكى
عمر.. الحق دى بتقول اوكى
يوسف.. هه وبتقول مامى كمان
عمر.. انتى اسمك ايه
البنت.. مش عارفه
عمر.. اممم تعالى نسميكى احنا موافقه
البنت بمرح.. يث yes
عمر.. ياسمين ولا ساره
يوسف.. عندها حرف السين يا بنى
عمر.. يارا ولا يمنى
البنت.. تؤ وحشين
عمر فضل يقول اسامى كتير معجبهاش حاجه
يوسف .. تعالى نسميها........ وخلاص
يتبع
ياترى هيسموها ايه واى اللي هيحصل بعد كده 😂 شكرا على التفاعل يا حلوين 🥰
تمت الكتابه بواسطة Kholood Ahmed
تعريف الشخصيات اللى ظهرت فى البارت الاول
خالد عمران .. عنده 41 سنه من عيله كبيره جدا بس اختار انه يعيش لوحده وميشتغلش فى شركة ابوه لاسباب هنعرفها فى الاحداث الجايه
فايزه حافظ.. عندها 40 سنه شكلها جميل جداً واصغر من سنها لطيفه وبتحب عيالها قد الدنيا كلها قلبها طيب وبتحب الجميع كان نفسها تخلف بنت بس ربنا ما ارادش
عمر .. الابن الكبير لخالد وفايزه عنده 18 سنه فى ثانويه عامه دمه خفيف وبيحب يعاند في اخوه شعره ناعم وجسمه رياضى بيحب لعب الكوره حلمه يكون مهندس وبيحب بنت خالته هنعرفها بعدين
يوسف.. الابن الصغير ده الشقى بتاع العيله اللي محدش بيقدر عليه دمه خفيف برضو بس عصبى شويه وده طبع واخده من جده والد ابوه عنده 12 سنه شعره ناعم عيونه جميله جدا وعنده غمازه واحده حلمه انه يدرس فى امريكا
البنت اللى هنعرف اسمها المره الجايه .. عندها 7 سنين شعرها بنى ناعم وطويل بشرتها بيضه وعيونها زيتونى رموشها كثيفة جدا رغم صغر سنها بس اوزعه خالص واللى يشوفها ميقولش عندها 7 لمضه جدا وبتحب اللعب والهزار بس بتعيط بسرعه
بارت طويل جداً اهو اتمنى يعجبكم والتفاعل يزيد سلام 👋
بارت 3 #ولو_بعد_حين
عمر.. انتى اسمك ايه
البنت.. مش عارفه
عمر.. اممم تعالى نسميكى احنا موافقه
البنت بمرح.. يث yes
عمر.. ياسمين ولا ساره
يوسف.. عندها حرف السين يا بنى
عمر.. يارا ولا يمنى
البنت.. تؤ وحشين
عمر فضل يقول اسامى كتير معجبهاش حاجه
يوسف .. تعالى نسميها ملك وخلاص اسم سهل
البنت.. ياااااه حلووو
عمر.. 🤨والله مانا بقالى ساعه بقولك فى اسامى
يوسف.. خلاص يعم المهم لقينا اسم
ملك.. انا جعانه
يوسف.. اتصرف انت بقي عشان انا اتخنقت مليش خلق اناا ودخل اوضته
عمر.. عايزة تاكلى ايه يا ملوكه
ملك.. نودلز
عمر.. ماشي هنزل اجيب ليا انا وانتي ونعمله
ملك.. انت طيب مش شرير زى يوثف
عمر.. هههه لا يوثف طيب برضو بس اما يتعود عليكى
نزل جاب وعمله دخل طبق ليوسف وقعد على السفره ياكل مع ملك مامتهم رجعت وفتحت الباب
فايزه بفرح.. ايه دااا انتى صحيتي ياحبيبتي حمدالله علي السلامه وراحت حضنتها
ملك.. هو انتي مين
فايزه.. انا طنط فايزه بس قوليلي ماما
ملك.. مامى فين وفين بيتنا
فايزه.. بصى انتى توهتى منهم وهتقعدى عندنا ولما يلاقوكى هيجوا ونديكى ليهم متخافيش انا ماما ودول أخواتك ماشي
ملك بتاخد شوكه من الطبق وبتاكل.. اممم يوثف وحش عمر هو اخويا
فايزه ضحكت عليها وعمر حكالها كل اللى حصل
....... اليوم عدى وخالد رجع وقعد يتكلم مع ملك واتجمعوا علي العشا
يوسف.. انتي قاعده جمبي ليه
ملك.. عشان ده مكان الصغيرين وعمر كبير وماما كبيره هيقعدوا جمب بعض
يوسف بضيق.. ماما مين
ملك ببلاهه.. ماما فايزه دى وشاورت عليها
يوسف.. دى امى انا ملكيش دعوه بيها فاهمه
ملك نزلت من على الكرسي ودخلت اوضتها جرى
خالد.. كده ينفع
عمر.. مينفعش كده يا يوسف دى عيله صغيره
فايزه.. حرام عليك زعلتها
يوسف.. يوووه كلكم عليا
خالد.. عشان غلطان قوم يلا صالحها وخليها تيجي تاكل
يوسف.. يابابا بس...
خالد.. قوم
يوسف نفخ بضيق وقام
خبط علي الباب...
ملك.. ادخل
يوسف دخل لاقها قاعده تعيط
يوسف.. يلا تعالي كملي اكل
ملك.. مش عايزة
يوسف اتنهد وراح قعد جمبها علي السرير .. متزعليش يا ملك بس لسه متعودتش وانا بحب ماما اوى عشان كده اتضايقت
ملك.. مانا كمان بحبها
يوسف.. يشيخه لحقتى تحبيها في يوم
ملك.. آه وبحب عمر وبابا خالد
يوسف.. امم معنى كده انك مش بتحبيني
ملك.. لا عشان بتزعلنى على طول
يوسف.. هحاول اعاملك كويس
ملك مردتش عليه
يوسف.. قومي يلا انا جعان
ملك.. تؤ
يوسف .. طيييب تعالي بقي وشالها على كتفه وقعد يزغزغ فيها وخرج كانت بتضحك بصوت عالي وبتقول خلاث يا يوثف خلااث
فايزه وعمر ضحكوا عليهم
عمر.. ايوا كدا
فايزه.. ربنا يسعدكم دايما يا حبايبى
ملك.. يوثف
يوسف.. ها
ملك مسكت راسه وشوشته .. انا لثه زعلانه وعاوزه حلويات
يوسف.. والله 🤨
ملك.. 🥺🥺
يوسف.. يارب صبرنى مامااا بعد العشا هاخد ملك اشتريلها حلويات
فايزه.. ماشي ياحبيبي بس متتأخروش تحت وخلى بالك منها
يوسف.. حاضر
........... فى مكان تاني اشبه بالقصر
الجد.. اختفت يعني يا عماد معقول مش لاقيين جث. تها حتى ازاااى
عماد.. يا بابا انا قلبى بيتقطع كل يوم انا وامها متزودهاش عليا بقي كفايه ارجوك
خديجه.. ااااه ياقلب ماما انا السبب انا السبببب يا ريتنى ما سيبتك في العربيه لوحدك
عماد طبطب عليها.. خلاص يا حبيبتي اهدى
خديجه.. ياترى هى عايشه ولا لا يا عماد ياترى هشوفها تاني ولا لا دور تاني اعمل حاجه يابابا ارجوك
الجد.. يابنتى احنا في القاهره مدينه كبيره جدا يعني لو كانت تايهه ممكن منلاقيهاش ولو كانت مخطوفه برضو الشرطه شايفه شغلها هنعمل ايه بس ربنا قادر يرجعها
خديجه بقهر.. ياااارب يارب رجعلى بنتى ياااارب
عماد بحزن.. آمين آمين
......................
ملك كانت ماسكه ايد يوسف بطفوله وقاعده تحرك فيها لورا وقدام
يوسف.. اهدى بقي يا بنتى
ملك .. فين السوبر ماركت احنا مشينا كتير
يوسف .. هناك اهو
يوسف واقف بيختار الشوكلت وملك سمعت صوت زماره برا بصت على الصوت لقته بتاع غزل البنات طلعت برا
كان واقف على ناصية الشارع هى خرجت جرى
يوسف بص جمبه ملقهاش خرج بسرعه لاقاها بتجرى وفي عربيه جايه من الطريق بسرعه و........
يتبع
تكملة الروايه اضغط هناااااااا
تعليقات
إرسال تعليق