رواية ولو بعد حين البارت الرابع والخامس والسادس بقلم خلود احمد في موسوعة القصص والروايات جميع الفصول كامله وحصريه
رواية ولو بعد حين البارت الرابع والخامس والسادس بقلم خلود احمد في موسوعة القصص والروايات جميع الفصول كامله وحصريه
رواية ولو بعد حين البارت الرابع والخامس والسادس بقلم خلود احمد في موسوعة القصص والروايات جميع الفصول كامله وحصريه
بارت4 #ولو_بعد_حين
يوسف بص جمبه ملقهاش خرج بسرعه لاقاها بتجرى وفي عربيه جايه من الطريق بسرعه
يوسف.. مللللللك اقفى يا مللللللك بسررعه
ملك بصت وراها ويدوب العربيه وقفت قدامها بالظبط
يوسف.. حصلك حاجه انتى كويسه
السواق.. انت يابني سايبها تجرى كده فى الشارع افرض جت تحت العربيه دلوقتى
يوسف.. اسف ياعمو جريت من غير ما اشوفها
السواق .. حصل خير
يوسف شالها وبعد عن الطريق .. كده يا ملك كنتي هتتعورى
ملك.. كنت عايزة غزل بنات 🥺
يوسف.. ما تقولي وانا اجيبلك يلا تعالى ناخد الحلويات وهروح اجبلك
ملك.. نزلنى
يوسف.. لأ هفضل شايلك لغاية البيت اسكتى بقي
ملك.. ماشي
راح جابلها وروحوا البيت كلت ونامت
..................... تاني يوم
يوسف راح المدرسه وعمر في الدروس
فايزه كانت بتحضر الاكل وملك قاعده علي الرخامه
ملك.. ماما يوثف بقي طيب وانا بقيت بحبه
فايزه.. هو طيب بس بيحب يعاند
ملك.. آه ولما يرجع هقوله ثانكيو
فايزه.. ههه ماشي يا ام ثانكيو
خالد رجع من الشغل .. ملوكه تعالى شوفى جبتلك ايه
ملك طلعت جرى.. جبتلى ايه
خالد.. تعالى يا فايزه شوفي
ملك.. اللله الهدوم دى حلوه اوى يا بابى شكرا وراحت باسته من خده
فايزه.. تتهنى بيهم ياقلبي
ملك.. انا بحبكم اوى فين هدوم يوثف وعمر
خالد.. انا لسه جايب لهم قريب
ملك ماشي واخدت هدومها بفرحه ودخلت الاوضه
فايزه.. تعيش وتجيب يابو عمر
خالد.. وجبتلك دى
فتحت العلبه لقت سلسله
فايزه.. ليه بس كده مانت خيرك مكفي يا حبيبي
خالد باس راسها.. مش هجيب لاعز منك يا فيفي
فايزه.. هههه دا وقت دلع برضو ادخل غير بسرعه يلا عشان الغدا
خالد .. حاضر
عمر ويوسف رجعوا واتغدوا كلهم وقضوا اليوم عادي
عمر نام ويوسف كان في اوضته لقي الباب بيخبط
ملك.. يوثف شوف ولفت بالفستان اللى لابسه
يوسف.. جميل
ملك.. لسه فيه كمان
راحت لبست كل الهدوم وورتهاله
يوسف .. كلهم حلوين يا ملك تتهنى بيهم
ملك راحت عنده ووقفت على صوابعها تعالى كده
يوسف وطى راسه لها راحت باسته من خده
ملك.. ثانكيوو عشان امبارح
يوسف رفع وشه وابتسم .. اهم حاجه اتبسطى
ملك.. جداااا يلا تصبح علي خير
يوسف.. وانتى من اهله
............................
الايام بقت بتعدى وملك بقت قريبه منهم جدا وكلهم بيحبوها وقدمت فى المدرسه وامتحانات عمر قربت تخلص ويوسف نجح
............. فى المكان التاني
خديجه.. خلاص ياعماد بنتى مش هترجع تانى
عماد.. يا حبيبتى احنا عملنا كل اللى قدرنا عليه ولسه بندور
خديجه.. بتدورا على ايه عدى اربع شهور خلاااص بنتى ضاعت يا ناااس زمانها نستنى اصلا
ابراهيم اخو عماد الكبير .. استعوضوا ربنا بقي
خديجه.. دى بنتى الوحيدة يعنى ترضي حد من عيالك يحصله كده انتوا حرام عليكم كلكم انتوا قلبكم اييه حجر
وسابتهم ومشيت
عماد.. متزعلش يا ابراهيم غصب عنها ام وانت عارف
ابراهيم.. عارف والله ربنا يصبر قلبها ويردهالكم بالسلامة
يلا يا حازم هنتأخر علي الشركه
حازم ابن ابراهيم الكبير 21سنه وعنده اخت كمان 16سنه
................. يوم نتيجه الثانويه بتاع عمر
يوسف كان برا مع صحابه وخالد في الشغل عمر كان قاعد متوتر وخايف جدا
ملك.. عمر تعالى العب معايا
عمر.. مش وقته يا ملك
ملك.. يوووه قوم بقي هزعل منك
عمر.. يا ملك اسكتى بقي اوووف
ملك.. عشان خاطري عشان خاطري
عمر اتنرفز.. مش قولتلك اسكتى خلاص اتهدى واقعدى في مكان بقي انا مش طايق حد دلوقتي
ملك دخلت اوضتها وقعدت تعيط جامد
يوسف رجع من برا .. امال عمر فين
فايزه.. مش عارفه انا كنت بجيب خضار لسه طالعه
يوسف خد تفاحه من اللى موجوده.. مغسوله
فايزه .. ايوا ياحبيبي
خرج من المطبخ وراح اوضتة ملك .. اي ده مالك في ايه
ملك خبت وشها في المخده
يوسف.. في ايه بتعيطى ليه يا ملوكه
ملك.. مفيش
يوسف .. قومى بس كلمينى كده كل الدموع دى ومفيش حاجه
ملك حضنته .. انا زعلانه من عمر عشان بقاله كام يوم بيزعقلى كل شويه ومش بيعاملنى حلو
يوسف حس بشعور غريب لما حضنته يمكن فرحان .. احمم متزعليش منه هو بس متوتر عشان نتيجته
ملك.. بعدت عن حضنه يعني يوم نتيجه بتاعتك هتعمل معايا كده
يوسف.. هههه يااه حد عاش ليومها لسه سنتين وادخل الثانوى اصلا
ملك.. وانا هدخل امتى عشان ازعق لعمر يوم نتيجتى
يوسف.. لسه بدرى اوى يا ملوكتي
ملك.. انت اول مره تقول ملوكتى يا يوثف
يوسف.. اممم دلع جديد بدل ملوكه مش عجبك ولا ايه
ملك.. حلو اوى
يوسف .. على فكره عندى ليكى مفاجأة
ملك.. بجددد يلا عاوزاها دلوقتي
يوسف.. هديهالك بليل بعد ما نشوف نتيجة عمر
ملك.. ماشي
يوسف.. هروح اشوفه بقي
ملك.. هات التفاحه دي
يوسف قرصها في خدها.. هو انتى كل ماتشوفينى ماسك حاجه تاخديها امسكى يختى وخرج راح لعمر
.....
يوسف.. فى ايه
عمر.. مفيش حاجه انت عايز ايه
يوسف.. مزعل ملك ليه
عمر.. وايه يعني لو زعلتها هى اهم عندك منى
يوسف.. انت بتقول ايه ياعمر انت اتجننت
عمر.. انا مش طايق نفسي ابعد عني الساعه دى
يوسف بصوت عالي.. هو ايه مش طايق نفسك هي البت مالها تتعصب عليها بتاع ايه يعني وسايبها تعيط جوا
عمر.. انت قاعد تدافع عنها ليه الله يرحم لما كنت بتشتمها ومش طايقها
يوسف.. ايه لازمته الكلام ده دلوقتي
فايزه دخلت.. انتوا بتتخانقوا على ايه كده وصوتوكوا عالى
يوسف.. ابنك مزعل ملك ومزعقلها
عمر.. يووووه ملك ملك ملك مفيش غير ست ملك انت في ايه بينك وبينها
صدمههه يوسف اتصدم .. ايييه!!! دى عيله انت للدرجادى مخك تعبان
فايزه.. عمر عيب الكلام دا ملك اختكم
يوسف.. قوليله والنبى شكله اتجنن
فايزه.. وانت كمان اسكت انت عارف انه متوتر من النتيجة
عمر .. انا سايبلكم البيت كله ونازل
فايزه.. عمررر رايح فين عمرر كده يا يوسف!
يوسف.. هيطلع تاني دلوقتي سيبيه يمكن يرتاح
بعد ساعتين
عمر خبط علي الباب جامد فايزه طلعت جرى ويوسف خرج من اوضته وملك كمان اتصدموا لما شافوه بيعيط
عمر...
يتبع.....
مفيش تفاعل ليه وصلوها الف حتى 🥺
بارت 5 #ولو_بعد_حين
عمر خبط علي الباب جامد فايزه طلعت جرى ويوسف خرج من اوضته وملك كمان اتصدموا لما شافوه بيعيط
يوسف.. فى ايه عمررر مالك
فايزه.. يارب استر
ملك.. هو في ايه يا يوثف
عمر بصوت متقطع.. انااا جبت 98 فى الميه
فايزه.. يا رووووحى لولولولولولوى ألف مبروك ياحبيبي الف مبروك وحضنته جامد ودمعت ويوسف حضنه جامد .. مبروك يابشمهدس يا قلب اخوك والله وعملوها الرجاله
ملك واقفه بعيد وبتبصلهم
عمر راح عندها وشالها.. مفيش مبروك يا ملوكه
ملك.. مبروك
عمره باسها من خدها.. الله يبارك فيكى ياحبيبتي متزعليش منى انا اسف
ملك ضحكت .. مش زعلانه
فايزه.. انا هتصل بابوك اقوله هيفرح اوى
يوسف.. ايوا يا ماما بسرعه بسرعه
احتفلوا باليوم وعدى بسعاده
عمر.. احمم ماما
فايزه.. نعم ياحبيبي
عمر.. اممم كنت .. ءء كنت بقول يعني اتصلي على خالتو كده
فايزه ابتسمت.. جابت 97ونص ريح قلبك
عمر ضحك .. ماشي ياست الكل يقمر انتى
فايزه.. ربنا يفرحك يابني
عدت الايام والشهور والسنين😂 عمر بقي في سنه تانيه هندسه ولسه برضو بيحب بنت خالته يوسف خلص الاعداديه وقدم على منحه عشان ياخد الثانوى والكليه في امريكا بعد محايله 3 شهور عشان امه وابوه يوافقوا وملك بقت جزء لا يتجزء من حياتهم بقت في تالته ابتدائي
فايزه بدموع.. انا مش قادره اتخيل انك هتمشي وتسيبنا يا يوسف
يوسف.. يا ماما هو انا صغير
فايزه.. ايوا صغير انت يعني مش هينفع تدرس هنا والنبى عشان خاطري
يوسف.. بس ده حلمى من الطفوله
خالد.. انا لو عليا مش عايزك تمشي وتسيبنا بس انت نفسك في حاجه وانا واجبى احققهالك يابنى
ملك قافله على نفسها وقاعده تعيط
عمر دمع .. هعاند في مين انا دلوقتي مش مصدق انى هصحى مش هلاقيك في البيت يا يوسف وحضنه جامد شويه كتار
يوسف مسح دموعه.. خلاص بقي مبحبش الوداع ده وبعدين كلها كام شهر وانزل اجازه وهقرفكم كل سنه شهر اجازه
فايزه.. بس يا ولد قرف ايه
يوسف.. محدش يزعل ملك وخلوا بالكم منها هى قافله على نفسها من الصبح مش عايزه تشوفني وانا ماشي بس انا بوستها وهى نايمه
عمر.. متقلقش عليها دى اختى
يوسف.. اختنا
عمر.. هههه متركزش يعم يلا عشان منتأخرش علي الطياره
يوسف باس ايد امه.. لا اله الا الله
فايزه.. محمد رسول الله يا حبيبي ربنا يجعلك في كل خطوه سلامه يا بنى يااارب
............
فايزه.. افتحى يا ملوكه بقي يا حبيبتي
ملك.. لا انا عايزه يوسف (نطقها اتظبط😂)
فايزه.. يا حبيبتي يوسف مشي عشان يتعلم وهيرجع قريب
ملك.. خلاص لما يرجع هفتح
فايزه.. لما يرجع اى بس وبعدين كده هتتعب من كتر العياط ومكلتش من الصبح
عمر وخالد رجعوا
فايزه.. هاا ركب الطياره
خالد.. ايوه واول ما يوصل هيرن علينا
فايزه.. يوصل بالسلامه يارب
خالد.. يارب
فايزه.. شوف ملك يا بنى مخرجتش لسه
عمر فضل يحاول لغاية ما فتحت وخلاها تاكل بالعافية
بعد كام ساعة يوسف رن عليهم وطمنهم انه وصل
عمر.. خلاص يا حبيبي روح ارتاح شويه
يوسف.. فين ملك اديهالى
ملك خدت الفون
يوسف.. عامله ايه يا ملك وحشتيني اوى
ملك.. انا زعلانه منك
يوسف.. هرجع قريب وهجيبلك هديه وانا جاى نفسك في ايه
ملك.. عايزه كراسة تلوين زى اللى جبتها يوم نتيجة عمر ولما اكبر هتجيبلى ساعه ونظاره زى اللى الممثلة كانت لابساها في المسلسل اللي ماما بتشوفه
يوسف.. هههه بس كده عيونى خلصى بس الكراسات اللي جبتهالك كلها الاول لغاية ما ارجع
ملك .. اتفقنا
يوسف.. سلام يا ملوكتى
ملك.. سلام
........................... عدى 4 شهور كل يوم ملك منتظره يوسف ومعدش بيكلمها عشان مشغول فى مذاكرته
عمر كان عنده امتحانات ومش طايق نفسه من الضغط اللى عليه
ملك.. عمر تعالى لون معايا زى ما يوسف كان بيعمل
عمر.. انا بذاكر عشان عندي امتحان مش وقته ياملك
ملك بتذمر.. يوووه كل مره تقولي كده انا زهقت
عمر.. اووف ايه شغل العيال ده
ملك سابته ودخلت اوضتها
فضلت تفكر طول الليل وجمعت كل الكراريس اللي يوسف جابهالها فى شنطه ونامت
تانى يوم الصبح خالد فى شغله وعمر فى كليته وفايزه كانت فى المطبخ
ملك خدت الشنطه ونزلت وقفلت الباب وراها....
يتبع
يا ترى ملك راحه فين وهيحصل ايه...
بارت 6 #ولو_بعد_حين
فضلت تفكر طول الليل وجمعت كل الكراريس اللي يوسف جابهالها فى شنطه ونامت
تانى يوم الصبح خالد فى شغله وعمر فى كليته وفايزه كانت فى المطبخ
ملك خدت الشنطه ونزلت وقفلت الباب وراها....
نزلت الشارع فضلت ماشيه في الشارع ومش عارفه تروح فين
العصر اذن وعمر وخالد رجعوا البيت
فايزه.. مش عارفه والله كنت في المطبخ ودخلت اوضتها ملقتهاش انا هتجنن يا خالد رجعلى بنتى
خالد.. اهدى بس هننزل انا وعمر ندور عليها يارب نلاقيها
عمر.. متقلقيش يا ماما
نزلوا يدوروا عليها
هى فضلت تمشي لغاية ما وصلت عند موقف عربيات
سواق التاكسي.. انتى مستنيه حد يا بنتى بقالك نص ساعه واقفه كده
ملك.. لا انا مش عارفه اروح فين
السواق.. ازاى بس فين بيتك طيب
ملك.. معنديش بيت
السواق بص عليها لقي لبسها كويس وشكلها منظم يعني مش باين انها عايشه في الشارع
ملك.. ممكن تودينى مكان اعيش فيه
السواق.. انا والله ما عارف اقولك ايه يابنتي لو كنت حالى يسمحلى كنت خدتك تعيشي مع عيالى بس انا عندى اربع عيال والتاكسي مش بتاعى والحال مش مظبط بس هوديكى بيت ايتام وامرى لله
ملك مكنتش فاهمه.. ماشي شكرا
السواق وداها ومشي
الحارس.. تعالى ادخلى جوا ودخلها للمديره
المديره.. اسمك ايه
ملك.. اسمي ملك
المديره.. وفين اهلك يا ملك
ملك.. مش عارفه انا كنت عامله حادثه وفي ناس خدونى عندهم بس انا مشيت عشان مش حابه اعيش هناك
المديره.. ماشي يا ملك اهم حاجه هنا الاحترام والالتزام بكل الاوامر وفي اوقات كتيره ناس بتيجي عشان تتبنى اطفال من هنا يعني ده مش مكان دايم ليكى واول ما تتمى ال 18 سنه بتمشي من هنا
ملك هزت راسها بموافقه
المديره خدتها ودتها اوضه مع شوية بنات
...............
خالد.. بقالنا 4 ساعات بندور معقول اختفت
عمر.. كده يا ملك كل ده عشان عليت صوتي عليكى
خالد.. ليه يا عمر لييييه مانت عارف انها بتزعل
عمر.. والله غصب عنى كان ضغط الامتحانات وبعدين مانا دايما معاها كده وعادى هى اكيد زعلت من يوسف ومشت
خالد.. اعمل فيكم ايه انتوا الاتنين حسبي الله ونعم الوكيل
عمر.. يا بابا كفايه بالله عليك انا حاسس بالذنب اصلا
فضلوا يدورا عليها لغاية ما الليل جه مفيش فايده وروحوا
...........
فايزه.. مفيش حل ازاى يارب انا مش عارفه اقعد حاسه ان في حاجه ناقصه هى صحيح مش من لحمى ودمى بس قلبى اتعلق بيها اوى.
عمر دخل اوضتها وفضل يفتكرها بيبيص على الكومودينو لقي ورقه
عمر.. ماما سابت دى جوا
فايزه.. فيها ايه اقرأها بسرعه
عمر كان بيحاول يقرا خطها والكلمات الغلط اللي مكتوبه
عمر بيقطع في الكلام.. انااا ماشيه يا ماما ويا بابا هروح مكان تاني عشااان يوسف مشي هو كماان وعمر بيروح الكليهه ومش بشووفه كتير ومفيش حد بيلعب ويلوننن معااياا انا حبيتكم اوووى ولما اكبر هاجى اشوفكم تاني ومش زعلانة من عمر عشان امبارح بحبكم اوى سلااام
فايزه دمعت.. يا حبيبة قلبي يارب رجعهالى تانى يارب
عمر طبق الورقه وحطها فى جيبه
خالد.. ربنا يحفظها اى كان المكان اللى راحته
فايزه.. ياارب
.....................
الايام عدت وملك كل يوم تعيط عشان اخواتها عمر ويوسف اللى اتعلقت بيهم جدا
عمر كان قاعد في يوم ويوسف رن عليه
يوسف.. واحشناااااي
عمر.. انت اكتر يا بنى ايه شهر بحاله انا قولت نسيتنى
يوسف.. الامتحانات ياعمر خلصت وخلصتنى معاها ياااه تعب والله تعببب
عمر.. ربنا معاك ياحبيبي اى الدنيا عندك
يوسف.. فللل هنا شوية مزز يلا 😂
عمر.. اااه قول كده هما دول بقي اللي لاهينك هتنزل امتى يلا
يوسف.. نازل اخر الشهر المهم كل اللي عندك عاملين ايه
عمر.. كويسين
يوسف.. مالك في ايه ماما كويسه؟
عمر.. ايوا والله كويسه
يوسف.. امال في ايه ملك مزعلاك هههههه
عمر بحزن.. ياريتها كانت هنا وزعلتنى
يوسف.. هاا!؟!! قصدك ايه
عمر.. ملك مشيت من هنا بعد ما سافرت بشويه
يوسف.. انتتت بتقول ايه ليييه
عمر حكاله كل اللي حصل
يوسف بحزن.. دا انا اشتريت لها الكراريس وكنت فرحان انى نازل عشان وحشني اللعب معاها ليه كده يا ملك ليييه طيب معرفتوش حاجه عنها خالص
عمر.. لا
يوسف.. ماشي ياعمر سلملي على ماما وبابا سلام
......................
الجد عمران .. انا تعبت يا ابراهيم ابنى وحشني يعني كلكم حواليا وهو متلطم في بيوت الناس شغل وايجار ومصاريف وهو حقه كله هنا انا ندمت ومعدش في العمر بقيه
ابراهيم.. متقولش كدا يا بابا ربنا يطول في عمرك
عماد.. احنا حاولنا كتير معاه وروحناله كذا مره وانت شايف يا بابا
عمران.. انا هروحله بنفسي خلى منعم يجهز العربيه
ابراهيم.. احنا هنيجى معاك
عمران ابتسم.. يلا
.............
الباب خبط
فايزه.. افتح ياعمر انا بعمل الاكل
عمر فتح الباب.. جدو!!
عمران.. معقول لسه فاكرنى
عمر باس ايده طبعاً يا جدو اتفضل ازيك ياعمو ابراهيم .. ازيك يا عمو عماد اتفضلوا ادخلوا
دخلوا قعدوا في الصالون
عمر عارفهم لانه مشي من هناك وهو عنده 10 سنين ويوسف كان 4 سنين
عمر.. بابا جدو برا واعمامى معاه
خالد.. ياااه دى اخر زارنا فيها كانت من اربع سنين خير يارب
عمر.. مش عارف
فايزه خرجت سلمت عليهم وعملت قهوه وخالد قعد معاهم هو وعمر
ابراهيم.. ماشاء الله ياعمر بقيت راجل ملو هدومك اخى مره شوفتك كنت في اعدادي وانت عندنا في عزا سعاد الله يرحمها «سعاد مرات ابراهيم»
عمر.. ربنا يرحمها ويغفرلها ياعمى حازم ومروه عاملين ايه
ابراهيم.. الحمدلله يا بنى حازم مسافر بقاله 3 سنين ومعاه كارما وزين عقبالك
عمر.. ماشاءالله وانت يا عمو عماد اخبارك ايه وطنط خديجه
عماد.. الحمدلله ماشي الحال يا حبيبي ناقصنا وجودكم بس
عمر بص لخالد وسكت
عمران.. قولت ايه يا خالد قولتي ايه يا فايزه انا نفسي نتجمع تاني قبل ما اموت يا بنى احفادى عايزهم كلهم حواليا
فايزه.. ربنا يبارك في عمرك يا بابا بس الكلمه لخالد طبعاً
خالد.. انا مرتاح كده يا بابا وكمان انا مقطعتش الود بينكم وبشوف اخواتى وبزورك دايما
عمران.. دايما؟ كل كام سنه مره واحفادى مشوفتهمش غير لما بقوا رجاله حتى يوسف سفرته من غير ما اسلم عليه
ابراهيم.. احمم نهاية الموضوع اللى كانت السبب خلاص ماتت يا فايزه واحنا عارفين اللى فيها خلاص نلم شملنا بقي ولا ايه يا عمر
عمر عشان ينهى الموضوع.. ان شاءلله هنفكر في الموضوع ونرد عليكم
عمران.. طيب بالاذن بقي اتمنى زيارتى ليكم يكون ليها تقدير وتفكروا في كلامى
فايزه.. اكيد يا بابا زيارتك على راسنا
عمران.. ربنا يحفظك يابنتي والله كلك ذوق
مشيوا وفايزه وخالد قعدوا يتكلموا
يتبع
ياترى هيقرروا ايه والاحداث الجايه هتكون ايه
تكملة الروايه اضغط هناااااااا
تعليقات
إرسال تعليق