رواية ولو بعد حين البارت السابع والثامن والتاسع بقلم خلود احمد في موسوعة القصص والروايات جميع الفصول كامله وحصريه
رواية ولو بعد حين البارت السابع والثامن والتاسع بقلم خلود احمد في موسوعة القصص والروايات جميع الفصول كامله وحصريه
رواية ولو بعد حين البارت السابع والثامن والتاسع بقلم خلود احمد في موسوعة القصص والروايات جميع الفصول كامله وحصريه
بارت7 #ولو_بعد_حين
فايزه.. ايه رأيك ياخالد فى الكلام دا
خالد.. مش عارف يا فايزه الواحد محتار
عمر.. انا نازل مع اصحابى شويه
فايزه.. ماشي ياحبيبي
خالد.. ها يافايزه
فايزه.. انا بقول نروح وخلاص يابو عمر والله ماقصدى حاجه وانت عارف بس حق عيالك هناك يعني هيتجوزا في ايجار ويفضلوا زينا كده اخواتك كلهم ماشاء الله عيشتهم حلوه وعيالهم معاهم فاهم قصدي
خالد.. ربنا يقدرنى واعملهم الحلو كله
فايزه.. يارب ياحبيبي خلاص يومين كده وقوله انك موافق
خالد.. ربنا يسهل انا هقوم اريح شويه
..............
ممكن العب معاكي شويه
ملك.. آه ممكن تعالى
بصراحه انا شوفتك بتلونى وانا بحب كده ممكن الون واحده بس
ملك.. ماشي بس براحه علي الكراسات عشان متتقطعش لانى بحبهم اوى
ماشي متخافيش
المديرة دخلت.. ملك تعالى على مكتبى
ملك.. حاضر
ملك دخلت كان في راجل كبير شويه ومعاه ست باين انها طيبه اول ما ملك دخلت ابتسمت لها
المديرة.. فاكره اول يوم جيتى هنا يا ملك وفاكره كلامى
ملك.. ايوا
المديرة.. تمام الاستاذ سامح والمدام منى حابين يتبنوكى عشان تعيشى معاهم انا هسيبك معاهم تتعرفوا وهرجع بعد شويه
منى.. ازيك يا عسوله عامله ايه
ملك.. الحمدلله
سامح ساكت وقاعد يبصلها بضيق
منى.. اى رأيك تيجي تعيشي معانا في الفيلا بتاعتنا وكل يوم نتفسح ونجيب حاجات حلوه
ملك.. انا عايزه افضل هنا
منى.. ليه بس حد يطول ياخد حريته
ملك.. انتى عندك والاد
منى بحزن.. لا ياحبيبتي معنديش للاسف بس اوعدك انك هتكونى بنتى انا حبيتك اوى لما شوفت صورتك مع المديره
ملك سكتت
منى.. ها قولتى ايه
سامح.. خلصوا عندى اجتماع
منى.. خلاص ياملك انا هسيبك تفكرى وهاجى بكرا تاني
ملك.. ماشي
راحت مكانها تاني .. اييييه ده
والله اسفه الميه وقعت منى عليهم غصب عني آسفه اوى
ملك قعدت تعيط.. الكراسات باظت دول كنت بحبهم اوى
أنا اسفة مكنتش اقصد
ملك خدتهم وقعدت تنشف فيهم بس اتقعطوا منها ..
...................
بعد اسبوع كان خالد وفايزه وعمر نقلوا بيت جده
وملك راحت مع منى بيتها
ويوسف قرب ينزل
حياة كل واحد اتغيرت منهم اللى للاحسن ومنهم اللى للاسوء
عمر.. اتفق مع جده وابوه انه يخطب بنت خالته في الاجازة ويوسف هيكون موجود هو كمان
........
ملك حياتها اتغيرت عايشه عند ناس اغنيا منى كانت بتحبها جدا لانها مبتخلفش
سامح.. عايزين نغير اسمها ونسجلها بإسمنا بقي
منى.. ماشي يا حبيبي
سامح.. انا مكنتش حابب كده بس هعمل ايه ليكي يامنى
منى.. بس البنت هتسمع وبعدين انا مش بخلف ياسامح وعايزه احس اني ام
سامح.. ماشي يامنى براحتك بس اسمعى احنا لازم نربيها من اول وجديد دى تربية ملاجئ
منى.. بس شكلها هاديه
سامح.. ميغركيش انا عارف الاشكال دى كويس
منى.. برضو مفيش فايده فيك
سامح.. انا هروح السجل اخلص الورق اى رأيك نسميها ليال
منى.. ماشي اسم جميل اوى
سامح.. اتفقنا
......................
عمر كان نازل رايح الجامعه خبط في حد وهو على السلم
مروه.. ااه حاسب
عمر.. انا آسف يا مروه بس مستعجل
مروه بنت عمه اصغر منه بسنتين
مروه ابتسمت.. عادى ولا يهمك
عمر.. تمام ونتى راحه فين
مروه.. رايحه الكليه
عمر.. حلو تعالى هوصلك
مروه.. لا مش عايزة اعطلك انا لسه هجهز شنطتى
عمر.. تمام
................
عمر تليفونه رن وهو ماشي
يوسف.. حبيبي يا عريس ايوا يعم ما صدقت روحت عند جدى وهوب اتفقتوا علي الخطوبه
عمر.. ايوا استغليت الفرصه هههه
يوسف.. ربنا يفرحك يا اخويا اه صحيح انا لسه مكلمهم في البيت هنزل الجمعه
عمر.. تيجي بالسلامه وحشتني اووي والله
يوسف.. وانتوا كلكم وحشتونى
عمر.. يلا انا داخل المحاضره سلام
يوسف.. سلام
...................
ملك .. لا مش عايزه الاسم دا انا بحب اسمي
منى.. ليه يا حبيبتي ده اسم جميل
ملك.. مش جميل
سامح بصوت عالى.. بطلى شغل العيال ده واسمعى الكلام واللى نقوله يمشي سامعه
ملك خافت منه وسكتت
منى.. متزعليش هو عصبى شويه
ملك هزت راسها وسكتت
................
الايام عدت ويوسف نزل والعيله كلها اتجمعت اخيرا عملوا خطوبه صغيره العيله كلها حضرتها وقضوا ايام حلوه
ليال «ملك» اتأقلمت علي الوضع سامح معاملته وحشه معاها بس هى بتحب منى قررت تستحمل بدل ما ترجع الملجأ تاني راحت المدرسه وصاحبت بنت هناك والايام عدت
علية خالد بدأو ينسوا ملك وعاشوا حياتهم عادي
..............
بعد سنتين عمر وبنت خالته سابوا بعض طلعت مش بتحبه هى كمان للاسف 💔 هو تفسيته كانت متدمره على الاخر كان في اخر سنه في الجامعه
قاعد في الحديقه
مروه.. احمم عملتلك قهوه
عمر.. شكرا يا مروه
مروه.. العفو ها ذاكرت ولا لا
عمر.. مش عارف
مروه.. مالك يا صاحبي احكيلي
عمر ضحك.. سيبنى في حالى يا زميلى
مروه قامت.. تمام انا اسفه
عمر تلقائي مسك ايدها.. لا انا بهزر بكمل الاغنيه وكده
مروه اتوترت لما مسك ايدها وهو لاحظ .. احم انا اسف
مروه.. عادي
عمر.. مش عارف يا مروه يعني تايه ومتلغبط ياترى كل المده دى بدى في مشاعر وحب واهتمام وهى طلعت مش مهتمه وموافقه عشان علاقة ماما وخالتى بس!!
مروه.. ربنا يعوضك خير بس متخسرش نفسك ومستقبلك وحلمك عشانها هى مكمله حياتها وخلاص انت بقي قافل على احزانك ليه
عمر.. مش عارف اتخطى او يمكن دلوقتي مش عارف
مروه.. بس ينفع تحاول صح؟
عمر ابتسم.. صح شكرا يا مروه الواحد كان مفتقد قيمة الاخت والله بس ربنا عوضنى
مروه.. ربنا يقدرنى على فعل الخير 😎
عمر.. بس بس اى هتتكبرى علينا
مروه.. ههه لا يعم وعلى ايه انا قايمه انام تصبح على خير
عمر.. وانتى من اهله
مروه طلعت اوضتها مبتسمه.. يارب بقي انا صبرت كتير عوضنى وازرع حبى في قلبه ونامت
...................... الايام عدت بسرعه جدا عمر بقي قريب من مروه وبقي فى مشاعر من ناحيته ليها بعد فتره كبيره كان خلص كليه واشتغل في شركة جده كمان
يوسف لساله سنه ويخلص تعليم وينزل مصر واخيرا
عمر.. مروه لو فاضيه تعالى تقعد في الجنينه شويه
مروه.. تمام اعمل حاجه نشربها!
عمر.. اعملى شربات
مروه.. هااا
عمر.. هااا اا بهزر بهزر متعمليش حاجه مش جايلى مزاج
مروه خرجت معاه.. احكى يا سيدي
عمر.. مش عارف ابدا منين
مروه.. المشكله في الشغل ولا في ايه
عمر.. فيكي
مروه.. نعم؟ انت مالك النهارده كده
عمر.. مش عارف والله بس.. ءء اممم بصراحه
مروه قلبها دق بسرعه وقامت .. انا كنت حاطه حاجه في الفرن
عمر مسك ايدها .. المره دي مش هسيب ايدك واقولك آسف
مروه.. ياعمر ابعد
عمر.. مفيش حاجه في الفرن انا عارف انك بتهربى منى
مروه.. ههرب ليه بس اوعى بقي
عمر.. امال وشك احمر وقلبك بيدق بسرعه ليه
مروه اتوترت على الاخر .. مفيش سيب ايدى بقي وبدأت تشد ايدها
عمر ضحك عليها .. على فكره وانا كمان
مروه.. انت كمان ايه؟
عمر شدها ليه بقت قريبه جداً منه همس في ودنها.. بحبك
مروه اتصدمت زقته بسرعه قبل ما حد يشوفهم كده وطلعت تجرى
عمر.. مجنونه 😂😂 بس بحبك برضو
عمران كان واقف في الشباك وشافهم
يتبع
يا ترى هيحصل ايه البارت الجاي هيبقي جامد اتفاعلوا بقي
بارت8 #ولو_بعد_حين
عمر ضحك عليها .. على فكره وانا كمان
مروه.. انت كمان ايه؟
عمر شدها ليه بقت قريبه جداً منه همس في ودنها.. بحبك
مروه اتصدمت زقته بسرعه قبل ما حد يشوفهم كده وطلعت تجرى
عمر.. مجنونه 😂😂 بس بحبك برضو
عمران كان واقف في الشباك وشافهم وضحك فتح الشباك.. بسسس
عمر بص لفوق.. جدو😳😳😳
عمران.. تعالى
عمر.. يانهار مش معدى وقعتك بيضه ياعمر
خبط على الباب
عمران.. ادخل
عمر.. جدو انااا والله ماتفهم غلط كنت هحكيلك
عمران.. انا مبسوط عشان قدرت تنسي الماضي واكيد مش هتلاقي احسن من بنت عمك واهى تفضل معانا متخرجش برا العيله
عمر.. يعني حضرتك موافق
عمران.. الرأى رأى العروسه وابوها مش هيعترض انا عارف ابراهيم
عمر باس ايده.. متشكر اوى يا جدى ممكن طلب اخير
عمران.. اطلب يسيدى
عمر.. نعمل فرح على طول بلاش خطوبه والكلام ده يعني كلها كام شهر ويوسف ينزل نعمل الفرح
عمران .. قولتلك الرأى رأيها
عمر ابتسم.. تمام تصبح على خير يا احلى جدو
عمران.. وانت من اهله يا قلب جدو 😂
...................
مروه كانت في اوضتها .. اووف انا متوتره ليه دلوقتي ماهو اعترفلى اهو اهدى يا مروه اهديي لقت رساله مبعوتلها
«على فكره انت هربتى منى بس جدك شافنا»
مروه خافت .. ايييه بتتكلم بجد
عمر «والله العظيم شافنا»
مروه.. يانهار اسمر ياعمر
عمر «اسمر يا مروه»
مروه.. هو ده وقت ايفهات انت اللي شديتنى مليش دعوه
عمر «انا قولتله ياجدى مفيش حاجه بينا بس مصدقنيش وقالى لازم تصلح غلطتك وتتجوزها فى اقرب وقت»
مروه.. نعم؟ غلطة ايه هو في ايه
عمر «مروه من الآخر انا بحبك وطلبتك من جدى قولتى ايه؟»
مروه ابتسمت بخجل وفضلت باصه للرساله
عمر..«ردى عليا يا مروه انا مش حمل وجع قلب والله»
مروه.. سلامة قلبك
عمر «بحبك 🥺»
مروه بعتت الايموجي ده 🫶
عمر «يعني ايه؟»
مروه.. خلاص بقا ياعمر لازم تحرجنى
عمر «يعني موافقه»
مروه.. ربنا يقدم اللى فيه الخير سلام
عمر.. سلام ياقلبي ♥
مروه ابتسمت ونامت
.....................
حددوا معاد الفرح وكان لسه اسبوع ويوسف ينزل والبيت كله مشغول بتجهيزات الفرح والكل مبسوط
..............
ليال.. ماما انا نازله مع اميره
منى.. خلى بالك من نفسك ومتتاخريش قبل ما سامح يجي
ليال.. حاضر ياقلبي
ليال نزلت اتسحبت ولفت عند السور الخلفي للفيلا
حسام.. ليال
ليال.. ششش وطى صوتك يلا بسرعه
حسام خدها وروحوا كافيه
ليال.. كل مره اكدب علي ماما واقولها خارجه مع اميره
حسام.. هنعمل ايه ياحبيبتي بس اصبرى عليا سنتين كمان وهاجى اتقدم
ليال.. بقالك سنه بتقولى كده
حسام.. احنا في اولى جامعه متخيله الوضع اكيد اهلى مش هيوافقوا دلوقتي وبعدين انتى من عيله غنيه
ليال.. اووف زهقت من الوضع ده
حسام.. تشربى ايه
ليال.. مانجا
فضلوا يتكلموا شويه وشربوا العصير
ليال.. انا لازم امشي قبل ما بابا يرجع سلام
حسام.. سلام ياحبي
رجعت البيت بسرعه فتحت الباب براحه ودخلت طلعت على اوضتها جرى غيرت وقعدت على السرير
الباب خبط وسامح دخل
ليال.. خير يابابا في حاجه
سامح.. كنتى فين؟
ليال.. ك ككنت مع اميره
سامح.. بس انا كلمت اميره وقالت انك مش معاها
ليال.. هااا ازاى بس اكيد بتهزر
سامح.. لا ده انتي اللي بتهزري شكل الضر. ب وحشك ونزل فوقها بالاقلام وهى فضلت تصو. ت.. يابابا كفايه كفايه والله اسفه والله
منى دخلت جرى حاشته .. خلاص ياسامح حرام عليك
سامح.. عشان تبقي تتأخر برا البيت تاني خرجوا هما الاتنين وهى فضلت تعيط لغاية ما نامت
.......... الاسبوع عدى ويوسف نزل كانوا عاملين فرح كبير في قاعه واليوم عدى بفرحه وسعاده على كل العيله
عمر.. واخيرا بقيتى حلالى باس راسها وحضنها
مروه.. بتحبنى من امتى يا عمر
عمر.. مش عارف هو الحب ليه مواعيد مره واحده حسيت اني مش هعرف اكمل حياتى غير وانتى فيها
مروه.. ربنا يديمك ليا وميحرمنيش منگ ابداا
عمر.. ولامنك ياروحي
..........................
عدى شهر مفيش احداث مهمه يوسف مقضيها خروجات وهزار برا ويرجع متأخر عمر في شغله ومروه ماليه حياتها حب وسعاده حازم اخو مروه سافر تاني بعد فرحها مستقر مع مراته وعياله برا
الساعه كانت داخله علي 2 بليل ويوسف راجع
خالد.. هتفضل كده كتير
يوسف.. بابا ايه اللي مصحيك لغاية دلوقتي
خالد.. مستنى اشوف نهايتك ايه حالك مش عاجبنى من ساعة ما رجعت من السفر هو انا كنت مسفرك تتعلم ولا عشان تبوظ
يوسف.. لازمته ايه الكلام ده بس
خالد.. محدش عاجبه وضعك ولاانا ولا جدك ولاحتى امك انت كنت بتتعلم كل ده عشان تنزل تتسرمح وترجع كل يوم وش الفجر مش بتشتغل في الشركه ليه
يوسف.. يابابا انا لسه نازل ادينى سنه على الاقل ارتاح فيها انا كل ده متغرب بعيد عنكم والدراسه والضغط ماصدقت انزل عشان افك عن نفسي شويه
خالد.. حاضر براحتك خالص
يوسف.. متزعلش منى
خالد.. انا خايف عليك بس مش اكتر تصبح على خير ياحبيبي
يوسف باس راسه.. وانت من اهله
............. عدى 3 شهور على نفس الوضع
يوسف كان فى مشوار وعدى على محل هدايا كان حابب يجيب هديه لواحده صاحبته نزل من العربيه ودخل
اميره.. خلصي احنا واقفين من زمان
ليال.. استنى شويه بختار
اميره.. انا خارجه ارد على التليفون
يوسف واقف يبص على الحاجات اللى موجوده لفت نظره نظارة شمس بناتى راح يحط ايده عليها ليال مسكتها
شال نظارة الشمس من على عينه وبصلها هى كمان بصتله عيونهم اتقابلت
يوسف.. النظاره دى عجبتني بعد اذنك هاخدها
ليال.. لا دى بتاعتى
يوسف.. نعم؟
ليال.. بتاعتي اختارتها قبلك وبعدين دى بناتى
يوسف.. كنت هاخدها لصاحبتى بس مش مشكله ممكن تورينى الساعه دى لو سمحت
العامل.. الانسه برضو اخدتها
يوسف.. اممم اوكي افتكر ملك لما كانت بتقوله عايزه نظاره وساعه زى الممثله اللى ماما بتشوفها
لفت نظره رسومات ملونه محطوطه في برواز سرح شويه وافتكر ملك وحبها للحاجات دي
يوسف.. هو في هنا كراريس تلوين
العامل ضحك.. لا للاسف مش موجود
يوسف.. وايه اللى بيضحك؟
العامل.. مش قصدي يفندم بس ده محل هدايا كبار يعنى دى بتلاقيها فى مكتبات وكده
يوسف هز راسه.. تمام تمام جهزلى بوكس هدايا كويس على ذوقك لبنت عيد ميلاها النهارده
العامل.. حاضر
يوسف فضل يتجول المكان ويتفرج على الحاجات اللي فيه
ليال لبست النظارة والساعه .. حلوين يا اميره
اميرة.. جمال بس يلا لان ماما اتصلت عليا
ليال.. طيب يلا هحاسب واجى ادتله الفلوس وخرجت بسرعه
العامل .. ايه ده نسيت تليفونها
يوسف.. مين؟
العامل.. الانسه اللي كانت هنا
يوسف سكت شويه وابتسم.. انا هديهولها مش هى مشيت من الطريق ده
العامل.. ايوا طيب والهديه بتاعتك
يوسف.. جهزها لما اجي خرج بسرعه ركب العربيه
اميره.. هو في ايه العربيه دي ماشيه ورانا ليه
ليال.. مش عارفه طيب امشي بسرعه
هو سرع العربيه
ليال.. لا بقي كده كتير وقفت مكانها وهو فتح الشباك
ليال.. انت!!
يوسف.. مفيش حاجه وقعت منك
ليال.. بلاش شغل العيال اللي في اولى ابتدائي ده
يوسف رفع حواجبه في حركة استغراب
اميره.. يلا يابنتى ده شكله فاضي
ليال.. فعلاً
مشي وراهم تاني .. تليفون مين فيكم ده
ليال.. انت.. ده داا تليفونى
يوسف مد ايده من الشباك وهى راحه تاخده شده تاني .. ايه المقابل
ليال.. مقابل ايه هات التليفون لو سمحت
يوسف.. عايز النظاره والساعه اللى اخدتيهم من المحل
ليال.. لا طبعا دى حاجتى
يوسف.. يبقي التليفون هيفضل معايا
ليال.. ازاى يعنى هو بمزاجك
يوسف بص في ساعته.. خلصى ورايا ميعاد
اميره بصوت هادي.. ليال صورك على الفون اخلصى اديهمله
ليال نفخت بضيق وادتله الشنطه اللي هما فيها
يوسف ادالها الفون ولبس نظارته .. حقهم في الجراب ابقي اشتري غيرهم ورفع الازاز ومشي
ليال.. يا ابن ال طلعلى منين ده اووووف
اميره.. اهدى يابنتي حصل خير المهم خدتى تليفونك وبعدين ماهو جدع اهو ساب حق الحاجه
ليال.. جدع!!
اميره.. كبرى دماغك يلا بقي اتأخرنا
ليال.. بسرعه بابا هينفخنى
..................
يوسف رجع المحل تاني خد الهديه وراح عيد ميلاد صاحبته كانت مصريه معاه في امريكا قضوا اليوم اغانى وشرب ومسخره😂😂 ورجع متأخر زى كل يوم
عمران كان واقف في الشباك زى كل يوم ومش عاجبه وضع يوسف
تاني يوم كان في اجتماع مهم في الشركه
عمر وعماد وابراهيم وخالد كانوا موجودين وعمران كمان
خلصوا الاجتماع مع الطرف التاني واتفقوا كان الطرف التانى سامح ابو ليال
عمران.. كلامك عجبنى اوى يا سامح كده نقول الصفقه تمت
سامح.. ده شئ يشرفنى طبعاً انى اتعامل مع شركة عظيمه زى دى
عمران.. تمام خليك شويه هنتكلم في حاجه برا الشغل والباقي يتفضل
كلهم خرجوا كل واحد على مكتبه
سامح.. اتفضل انا سامعك
عمران.. سمعت ان عندك بنت
سامح.. ايوا قصدك علي ليال بصراحه هى بنتى الوحيدة معنديش غيرها
عمران.. ربنا يباركلك فيها دى اول مره اتعامل معاك بس اتطمنتلك وكنت بقول نقرب المسافات واخدها لحفيدى يوسف مخلص تعليم في امريكا ولسه نازل من خمس شهور ونصيبه في الشركه هنا معانا برضو
سامح.. ماشاءالله دا شرف ليا انى اناسبكم يا عمران باشا بس الرأى رأى البنت
عمران.. ايوا طبعا شوفها كده واحنا جاهزين في اى وقت ونكتب كتاب علي طول فتره الخطوبه دى بقت حاجه قديمه
سامح.. هوصل الرد لحضرتك فى اقرب وقت
عمران.. ربنا يقدم اللى فيه الخير
سامح.. عن اذنك
عمران.. اتفضل
.................................
فايزه.. هو قالى كده
يوسف.. يعني ايه قالك كده وانا رأيي فين مش متجوز انا دلوقتي انا بحب واحده صحبتي
فايزه.. ومقولتش ليه طيب عرف جدك يمكن يخطبهالك
يوسف.. هى مش جاهزه دلوقتي واهلها ميعرفوش
فايزه.. ايه لعب العيال ده يا يوسف انت بتتهرب صح انا قولتلك اللى عندي اتصرف معاه بقي انت من وقت ما نزلت واسلوبك مش عاجبنى ولا عاجب حد خالص
يوسف اتخنق وخد مفتاح عربيته ونزل
.........................
منى .. بس ياستى هو ده كل الموضوع واخيرا هشوفك عروسه انا مش مصدقه نفسى
ليال.. ياماما انا لسه صغيره وبتعلم لسه بدري اوى اقنعى بابا والنبي انى مش موافقه
سامح فتح الباب بقوه .. مش موافقه دى عند امك انتى فاهمه يابت انتى انا اتفقت مع الناس وحددوا ميعاد مش على اخر الزمن حتة عيله تحرجنى معاهم
منى.. اهدى عليها يا سامح براحه
سامح.. متتدخليش انتى اللى دلعتيها كده
ليال.. بس انا مش موافقه ومحدش يقدر يجبرنى
لقت قلم نازل على وشها ضر. خت جامد ااااه ماما الحقيني والنبى يا ماما
منى.. يا سامح خلاص بالله عليك سيبها عشان خاطري
سامح بعد عنها.. اتصرفي معاه عشان ما امو. تهاش في ايدي واللى اقوله يتسمع والمره الجايه محدش هيحوشك من ايدي فااااهمه
ليال هزت راسها بسرعه .. فاهمه ف فااهمه
منى حضنتها وفضلت تهدى فيها لغاية ما نامت
...........
تاني يوم
ليال.. انا جايلى عريس ياحسام وبابا وافق اتصرف
حسام.. اعمل ايه يعني
ليال بصدمه.. ايه؟؟
يتبع
بارت طويل اهو يا حلوين ♥
بارت9 #ولو_بعد_حين
ليال.. انا جايلى عريس ياحسام وبابا وافق اتصرف
حسام.. اعمل ايه يعني
ليال بصدمه.. ايه؟؟
حسام.. يعني انتي بتقولى بابا وافق انا هعمل ايه هقوله لا والنبى يا عمى متوافقش
ليال.. حسام انت بتقول ايه انت مش بتحبني يحسام
حسام.. بحبك بس مش بإيدي حاجه دلوقتي مقدرش اتكلم مع باباكي حاولى انتى معاه
ليال.. باين اوى انك بتحبني على العموم اللى بينا انتهى انت طلعت بتتسلى بيا
حسام.. ليال اسمعي بس انا
قفلت في وشه الخط وقعدت تعيط بحرقه اتصلت علي اميره تجيلها
.............
عمران.. هنروح للناس بكرا يا يوسف جهز نفسك
يوسف.. جدى انا بصراحه مش حابب اتجوز دلوقتي
عمران.. امال امتى
يوسف.. يعني سنه او اتنين كده
عمران.. طيب هنشوف البنت عجبتك اهلا وسهلا معجبتكش خلاص
يوسف.. وليه نروح بقي طالما مش هتعجبنى
عمران.. انا اتفقت مع ابوها مينفعش
يوسف.. ماشي يا جدو ان شاءلله
...................
اميره.. اهدى عشان خاطري متعمليش في نفسك كده
ليال.. طلع بيتسلى بيا وبابا ضربنى وجايلى عريس مش عايزاه وتقولى اهدى
اميره.. ايوا بصي هو طلع زبا. له وميستاهلكيش وبابا يستى تلاقيه متضايق عشان ادى كلمه للناس بالنسبة للعريس بقي لما تقعدوا سوا تحاولى بأسلوب كويس كده تقوليله انك مش موافقه
ليال هديت شويه.. حاضر ربنا يستر
اميره.. ايوا كده اهدي القمر ده ميزعلش
ليال.. ربنا يخليكي ليا وميحرمنيش منك ابداا
اميره.. يارب ياقلبي انا هروح بقي علشان الوقت اتاخر اوى
................. تاني يوم
عمران.. يلا يا يوسف اتاخرنا
يوسف نزل كان لابس طقم اسود وساعه واخر شياكه
فايزه.. ربنا يحفظك قمر ياقلب ماما
عمر.. ايوا يعم عريس ومحدش قده
مروه.. سيبه ليغير رأيه جدو واخده بالعافيه
خالد.. ههه سيبوه بقي يجماعه
يوسف.. والله بس اما ارجع كلكم بتتسلوا عليا.. حاااضر يا جدو وطلع جرى
.................
منى.. اهدى ياروحي لما ننادى عليكي هتطلعى القهوه بس وتقعدى معاه شويه ارتاحى ماشي مش مرتاحه خلاص
ليال.. حاضر يا ماما
منى.. انا خارجه عشان استقبلهم
سامح ومنى استقبلوهم فى صالون الفيلا وقعدوا شويه يتكلموا واتعرفوا علي يوسف
سامح.. نادى علي ليال يا منى
منى.. حاضر
ليال دخلت بالقهوه وباصه في الارض حطيتها علي التربيزه وسلمت علي الجد وراحت عند يوسف ومدت ايدها وبتبصله
يوسف مد ايده بابتسامة جانبية ونظره غريبه
ليال اتصدمت لما لقته .. انت؟
سامح.. تعالى اقعدي يا حبيبتي
راحت قعدت وهى مستغربه لسه وبتبصله وهو مبتسم
عمران.. ما نسيب الشباب يتعرفوا ونشرب القهوة في الصاله
سامح.. طبعا طبعا اتفضل
خرجوا برا كلهم
ليال.. انت بتعمل ايه هنا؟
يوسف.. انتى شايفه ايه
ليال.. بطل استفزاز وابتسامتك دى
يوسف.. امم تمام نتعرف بقي
ليال.. ليه
يوسف.. هو ايه اللي ليه انا جاى اتقدم
ليال.. عرفتنى منين انت
يوسف.. جدى عارف والدك من الشركه تقريبا وبالنسبه ليوم محل الهدايا فكان صدفه مش اكتر حابه تعرفي حاجه تاني
ليال.. لا
يوسف.. طب ايه
ليال.. مفيش
يوسف.. هو من بدايتها نكد ما تتكلمي معايا زى ما بكلمك
ليال.. بصراحه كده انا مش حابه ارتبط دلوقتي وقابلتك علشان بابا
يوسف.. بس اسمك حلو
ليال.. انا بكلمك في ايه وانت بتقول ايه
يوسف.. مين مختاره بقي بابا ولا ماما
ليال.. لااا دا انت مستفز بجد
يوسف وقف هو كمان.. بعاملك نفس طريقتك
ليال.. انا طريقتى مش كده
يوسف مشي ناحيتها شويه واقف قريب منها .. ركزى بس في كلامك وانتى هتعرفي
ليال بتحدى.. انا عارفه انا بقول ايه وانت مرفوض اتمنى متقابلش معاك تاني ولا حتى صدفه
يوسف ابتسم تاني.. اتمنى يااا ليال
ليال خرجت برا وهو وراها
عمران.. ها يا ولاد
يوسف بصلها.. ان شاءلله كل خير يا جدو
عمران.. ان شاءلله خلاص يا سامح نستأذن بقي وهستنى ردك
سامح.. إن شاءلله ربنا يقدم اللى فيه الخير
سلموا عليهم ومشيوا
.........................
عمر.. واخيرا وصلتوا اي يعم 😉😉
يوسف.. احمم مش وحشه
عمران.. دى قمر ماشاء الله يابنى ولا انت اللى مش بيعجبك حد
فايزه.. هو اللى مش بيحب يعترف تلاقيها عجبته طالما بيقول كده 😂
خالد.. نقول مبروك
يوسف.. اما نشوف ردها ايه
مروه.. اكيد هتوافق حد يرفض الشياكه دى دا انت مز المزز
يوسف.. طب حاسبى بس على الكلام عمر مش هيعديهالك
مروه مسكت ايد عمر.. ده حبيبي وفاهمنى كويس
عمر.. اكيد يا عمري وباس ايدها
خديجه.. ربنا يديم محبتكم
عمر.. يارب يا مرات عمي
عماد.. الواحد مبسوط بيكم والله انتوا عيالى اللى مخلفتهمش
يوسف .. اكيد يا عمو عماد ربنا يباركلنا في عمرك
خالد.. دا احنا مش ناقصنا غير حازم ومراته ونبقي اجمل عيله
عمران.. ان شاءلله ينزل علي فرح يوسف هااا فرحك اللى يشوفك امبارح وانت بتقول مش عايز اتجوز ميشوفكش وانت بتبتسم للبنت 😂😂
كلهم ضحكوا ويوسف بص في الأرض بيتكسف اوى الولد 😉😂😂
....................
سامح.. قولتى ايه نحدد الفرح امتى
ليال.. يابابا انا وافقت اقابلهم عشان خاطرك بالله عليك كفايه بقي انا مش موافقه
سامح.. ليه ان شاءلله في ايه يابت انتي انطقي انتى عملتى ايه غلط
ليال بصدمه.. ايييه! بابا انت بتقول ايه
سامح بصوت شر.. انتى يابت فكرانى عبيط انتى تربية ملاجئ يعنى ممكن تعملي حاجه كده ولا كده واحمدى ربنا انى هجوزك ناس زى دى لو عرفوا حقيقتك محدش هيرضي بيكي خالص اوعى شويه الفلوس اللى عيشتك فيهم ينسوكى انتى اصلك ايه ما انتى اكيد زى امك يا ترى جايباكى ازاى عشان ترميكى فى ملجأ
الكلام كله نازل عليها زى التلج قلبها اتقط. ع ميت حته من كلامه
سامح.. ساكته ليه ما تنطقي ياااابت
ليال بصوت عالى.. انطق اقول ايه انت اسوء واحد اشوفه فى الدنيا ربنا بيحب مراتك انها مخلفتش منك عيالك كان ذنبهم ايه يطلعوا يلاقوا ابوهم كده انت تفكيرك مريض بجد انا بك. رهككككك
سامح.. يابنت الك. لب يا قليلة التربيه ازاى تقوليلى كده مطمرش فيكى التربيه دى يا *** وضر. بها جامد وشدلها شعرها
ليال.. ااااه ابعد عني بقولك ابعدددد حرام عليك
سامح.. هتتجوزيه غصب عن اهلك يإما مو. تك على ايدى
ليال.. اموت ولا اتجوزه مش عايزاااه بقولك
يتبع... تكملة الروايه اضغط هناااااااا
الاحداث الجايه حلوه ياريت التفاعل يزيد ♥
تعليقات
إرسال تعليق