رواية ولو بعد حين البارت العاشر و الحادي عشر والثاني عشر10_11_12بقلم خلود احمد في موسوعة القصص والروايات جميع الفصول كامله وحصريه
رواية ولو بعد حين البارت العاشر و الحادي عشر والثاني عشر10_11_12بقلم خلود احمد في موسوعة القصص والروايات جميع الفصول كامله وحصريه
رواية ولو بعد حين البارت العاشر و الحادي عشر والثاني عشر10_11_12بقلم خلود احمد في موسوعة القصص والروايات جميع الفصول كامله وحصريه
بارت 10 #ولو_بعد_حين
ليال.. ااااه ابعد عني بقولك ابعدددد حرام عليك
سامح.. هتتجوزيه غصب عن اهلك يإما مو. تك على ايدى
ليال.. اموت ولا اتجوزه مش عايزاااه بقولك
سامح خرج وقفل الباب عليها بالمفتاح
منى طلعت جرى.. في ايه يا سامح افتح للبنت انت بتعمل ايه
سامح.. متتدخليش انتى عشان متصرفش معاكى تصرف وحش
ليال بتخبط جامد علي الباب.. إفتحى يا ماااما افتحيلى عشان خاطري
منى.. ياقلب ماما متخافيش
ليال نزلت علي الارض وقعدت تعيط وتخبط علي الباب براحه معدش عندها قوه من كتر الضر. ب
................ عدى 3 ايام وهى محبوسه لسه
عمران اتصل بسامح.. العروسه قالت ايه
سامح.. نقول مبروك عروستنا موافقه طبعاً يا عمران باشا
عمران.. الف الف مبروك ان شاءلله هنكون عندكم بكرا بنقرأ الفاتحه
سامح.. تشرفوا وتنوروا
منى.. ليه يا سامح كده البنت مش موافقه
سامح.. الكلمه اللي بقولها تمشي متتدخليش عشان ده شغل
منى.. شغل؟! يعني انت هتجوزها بالغصب عشان شغل
سامح.. ايوا واحمدى ربنا انى وصلتها للتعليم والشكل والمستوى ده وهى في الاخر مش بنتى
منى.. من امتى وانت بتفكر كده يا سامح احنا من يوم ما جبناها واحنا اعتبرناها بنتنا
سامح.. بنتك انتى خدى المفتاح خرجيها النااس جايه بكرا ولو عملت حاجه كده ولا كده محدش هيندم غيرها فهميها كويس
منى.. تعالى ياقلب ماما تعالى
ليال حضنتها.. ماما
منى.. النااس جايه بكرا يقرأو الفاتحه يا قلبي معلش ياحبيبتي هنعمل ايه انا حاولت كتير مع بابا وهو مصلب دماغه والولد حلو وصغير في السن وعيلته كويسه فين المانع
ليال.. مش حاباه ومش مرتاحه
منى.. يمكن ده الخير ليكي
ليال قعدت علي السرير بضعف.. يعني مفيش حل
منى.. مش عارفه ربنا يسهل الامور يارب انا خارجه اعملك حاجه تاكليها
ليال.. مش جايلى نفس يا ماما انا هنام
امها خرجت وهى مسكت التليفون وكانت متردده جدا بس اتصلت
حسام.. الو.. الوووو
ليال مسحت دموعها.. الو يا حسام
حسام.. ليال عامله ايه
ليال.. مش كويسه يا حسام بابا حدد معاد قراءة الفاتحه
حسام.. اممم
ليال.. حسام تعالى نهرب قالته وهى بتعيط
حسام.. ايه انتى بتقولي ايه مش هينفع طبعا انا لسه صغير مقدرش اصرف عليكي واتحمل مسؤولية واهلى مش هينفع اسيبهم
ليال.. هنتصرف سوا يا حسام انا مش عايزة اتجوزه عشان خاطري بالله عليك يا حسام
حسام.. مش هينفع يا ليال آسف
ليال بيأس.. كنت عارفه انك مش هتعمل كده انت طلعت مش راجل للاسف انا بلعن نفسي مليون مره انى عرفت حد زيكك حد زبا. له واستغلالى
حسام كان ساكت وهى قفلت الفون ومسحت رقمه وقعدت تعيط بحرقه كل ما تفكر فى الكلام اللى سامح قاله
.. ........... تاني يوم
عمران وخالد وفايزه ويوسف راحو بيت ليال
عمران عرف منى وسامح عليهم وقعدوا يتكلموا
خالد.. طب نقرا الفاتحه بقي
سامح.. يلا بسم الله ......
خلصوا وقعدوا يهزروا شويه
فايزه.. امال فين عروستنا
منى .. بتجيب العصير وجايه هقوم اناديلها
منى.. ليال مخرجتيش ليه عيب كده اهل الولد برا
ليال.. يا ماما مش عايزة اخرج
منى.. مش هينفع ياحبيبتي عشان خاطري بلاش احراج يلا جيبى العصير وتعالى
ليال.. اووف جايه
منى ابتسمت.. جايه حالا
ليال خدت الصينيه كانت لابسه فستان اسود باكمام شفافه وحاطه ميكب خفيف داخله باصه قدامها واول ما دخلت عندهم رفعت عينها لتنصدم صدمة عمرها اعصابها سابت والصينيه وقعت على الارض وكل حاجه اتكسرت سرحت دقيقه وكل ده بيتردد قدامها .. ملك حبيبتي الاكل جهز.. تعالى يا ملك شوفي الهدوم اللى جبتهالك.. ملك شطوره وهتعمل الواجب .. ملك ملك ملك دمعه نزلت من عينها
كلهم اتفزعوا وقاموا يوسف مسك ايدها.. انتى كويسه
سحبت ايدها بسرعه .. هااا اءء انا كويسه كويسه
منى ولا يهمك ياقلبى حصل خير هنادى عبير تنظف تعالى سلمى على الجماعه
ليال راحت بتوتر سلمت على عمران وخالد وعلى فايزه وقعدت وهى في عالم تاني اصلا
يوسف كان كل شويه يبصلها
قعدوا يتكلموا وبعدين عمران قالهم.. نستأذن بقي يا جماعه
سامح.. شرفتونا
سلمو على بعض ومشيوا ليال دخلت اوضتها جرى وقفلت الباب ...
قعدت بصدمه على السرير.. ازاااى ازااااى معرفتهوش يمكن عشان شكله اتغير بس هما كمان مش عارفينى نسيونى!!!! ولا عشان شكلي اتغير مسكت راسها جامد . انا هتجنننن هتجوز اخويا !!!!!! يوسف اخويااا ازاى ازاى نسيونى وهو نسااانى انا بكرهه بكرههههه بكرهك يا يوسف طب طب ازاى ده جده وبقي غنى وانا كنت عندهم مكنش كده انا طلعت متخلفه وزعلانه عشانهم كل السنين دى هو السبب في كل اللى حصلى انا مش مسمحاه هو اللى مشي وسابنى وخلانى مشيت روحت الملجأ وعيشت اسوء ايامى هو السبب ان دول يتبنونى والاقي سامح بيضر. بنى دايما وبيعاملنى وحش انا مش مسحمااااك يا يوسف مش مسحمااااك وفضلت تكسر في كل حاجه قدامها
منى.. افتحي يا ليال يابنتي اهدى هتأذى نفسك ليااال افتحي عشان خاطري
ليال.. مش عاااايزه اشوف حد انا بكررررهكممم كلكممم
فضلت كده لغايه ما نامت
..................... عدى اسبوع على هذا الحال
يوسف.. انا رايح عند ليال يا جدو هنجيب الفستان وكده
عمران.. ماشي يا عريس
كانو اتفقوا على ميعاد الفرح وكتب الكتاب بعد اسبوعين
سامح.. قومي يابت انتي البسي يوسف جاى ياخدك تجيبوا الفستان
ليال.. انا ليا اسم
سامح.. مش عايز امد ايدي عليكي علشان هو جاى بس لما ترجعى حسابك معايا
ليال قامت لبست ونزلت
فتح لها باب العربيه وركبت
يوسف.. عامله ايه
ليال مش قادره تتخطى الذكريات بتاعتها معاه وهما صغيرين نفسها تحضنه وتقولى وحشتيني بس هى للاسف كرهته.. كويسه
يوسف.. ردك بارد
ليال.. هبقي اسخنهولك
يوسف.. هه دمك خفيف
ليال.. ممكن متتكلمش معايا خالص طول الطريق
يوسف هز راسه وشغل اغنيه
نزلوا عند اتليه الفساتين فضلت تقيس وهو يقول وحش اخر واحد عجبه جداً كانت شكل الاميره فيه
فضل يلف حواليه وبيبصلها بإعجاب.. نايس
قلبت عينها بملل.. اوكى
خلصوا وخرجوا
يوسف.. تيجي نتغدى
ليال.. مش عايزة وروحنى بقي عشان اتخنقت
يوسف.. منى؟
ليال.. ايوا
يوسف.. احمم ليه بس انا عملت ايه
ليال.. من ما تعمل مش طايقه اشوفك ولو تعرف تلغى الجوازه دى اكون شاكره جداً ليك
يوسف.. ندى لبعض فرصه طيب
ليال دمعت من الخنقه.. انت مبتفهمش قولتلك لا مش طايقاك ولا عايزه حاجه تربطنى بيك اووف بقي اتخنقت
يوسف زعل من كلامها وراح ركب بصمت ومتكلمش معاها طول الطريق كان واقف في الاشاره في عيل ماشي بغزل بنات
يوسف سرح شويه وافتكر ملك لما كانت بتجرى ورا الراجل في الشارع ابتسم
ليال بصت لقته بيبتسم وهو بيبص من الشباك
ليال.. شكلك اتجننت بتضحك مع نفسك
يوسف.. لا افتكرت موقف لحظه وجاى نزل من العربيه وجاب من الولد
يوسف.. خدى
ليال.. شكرا وبدأت تاكل منه وهو بيبصلها وبيضحك
ليال.. في ايه
يوسف ضحكته اختفت.. اختى كانت بتحبه
ليال سكتت وبصت قدامها .. احمم وهى فين اختك
يوسف.. ما علينا المهم عجبك ودور العربيه وساق وصلها البيت ومشي
........ عدى أسبوعين وجه ميعاد الفرح ليال بتعيط على طول وعيلة يوسف متحمسين جداً جداً
عمر.. خلصي يا مروه كل ده بتلبسي كلهم تحت مستنين
مروه.. يلا خلصت اهو خرجت وهى بتعدل شعرها
عمر.. ماشاء الله ايه الجمال ده
مروه.. حبيبى انت اللي عيونك حلوين
عمر باس راسها وخرجوا
.........
منى ليه الدموع دى بس
ليال.. مفيش يا ماما
بتاع الميكب.. كده هنحط ميكب تاني ولا ايه يلا العريس على وصول
ليال مسحت دموعها والبنت بدأت تظبطلها الميكياج
عيلة يوسف وصلوا ومعاهم المأذون
سامح نزل ومعاه ليال كلهم لما شافوها انبهروا كانت جميله جدا وهاديه يوسف مسك ايدها ومشي
يوسف.. اي القمر ده
ليال مردتش عليه
راحوا قعدوا والمأذون بدا بكتب الكتاب وهى كانت سرحانه
مضت على الورق وكانت بتبتسم ابتسامه مزيفه
المأذون.. بارك الله لكما وبارك عليكما وجمع بينكما في خير
كلهم باركولهم وفايزه كانت بتزغرط وبعدين ركبوا عربايتهم وراحوا القاعه
يتبع ....
بارت١١ #ولو_بعد_حين
مضت على الورق وكانت بتبتسم ابتسامه مزيفه
المأذون.. بارك الله لكما وبارك عليكما وجمع بينكما في خير
كلهم باركولهم وفايزه كانت بتزغرط وبعدين ركبوا عربايتهم وراحوا القاعه
كلهم كانو مبسوطين
اميره طلعت سلمت عليها.. افردى وشك عشان محدش يلاحظ باين عليكي اوى
ليال.. مش قادره انا لحظه وهعيط
يوسف.. مالك في حاجه
ليال.. اتخنقت مش قادره
يوسف نادى لعمر.. يلا ياعمر
عمر.. مستعجل علي ايه
يوسف.. يا رخم ده وقت هزار ليال تعبانه يلا
عمر.. تمام تمام
بعد ربع ساعه كانوا بيسلموا علي اهل ليال ومشيوا علي بيت يوسف
كل واحد راح اوضته ويوسف وليال دخلو الاوضه
اول ما دخلت لقت صوره كبيره على الحيطه كانت صورة يوسف الاوضه كانت منظمه وفيها بلكونه كبيره بتطل على حديقه البيت اللى فيها حمام سباحه
ليال دخلت الحمام وقفلت الباب راحت وقفت قدام المرايا وبصت لنفسها كانت بتتنفس ببطئ وبتدمع كل ما تفتكر الماضي شالت الطرحه من على راسها ورمتها على الارض كانت بتحاول تفتح سوستة الفستان مش عارفه قامت قاعده في الارض وفضلت تعيط فضلت وقت كبير جوا
يوسف كان برا غير هدومه ببنطلون اسود وتيشرت مسك الفون وقعد استغرب لما اتأخرت كتير جوا
يوسف.. مالها دي اتأخرت ليه قام يخبط عليها مش بترد
يوسف.. ليال انتى كويسه؟ ليااال ردى فضل يخبط ويحرك في الاوكره
يوسف بعد عن الباب وحط ايده على دقنه.. راحت فين دي سمع صوت عياطها على راح عند الباب بسرعه.. ليال انتي كويسه افتحي طيب متخافيش
فتحت الباب
يوسف دخل عندها.. انتي بتعيطي ليه في حاجه
ليال.. مش عارفه افتح السوسته
يوسف مسح على وشه.. يارب صبرنى انتى هبله يعنى دى مستاهله عياط لفي هعملها
ليال.. لا مش عايزاك تيجي ناحيتى او تشوف جسمي
يوسف.. مش هبص عليكي هغمض عيني واخرج
ليال بصتله وخلاص
يوسف.. صدقينى
لفت ضهرها وهو غمض عينيه وعملهاله بعد محاولات كتيره وخرج
هى غيرت وخرجت اخدت مخده والغطا وراحت نامت على الكنبه هو مرضاش يكلمها ونام على السرير من السكات
في نص الليل صحى كان الغطا واقع على الارض راح غطاها وقعد على الكرسي اللى جمبها بيتأمل ملامحها
يوسف.. فيكي شبه كبير من ملك ولا انا بقيت اشوف كل الناس شكلها شعرها كان جاى على وشها فضل يلعب في خصلات شعرها ويبتسم هى حست بإيده فتحت عينها وقامت بسرعه
ليال.. في ايه
يوسف.. مفيش حاجه مالك اهدى
ليال.. اووف انا خوفت
يوسف.. هو انا بخوف 😏
ليال.. الساعه كام دلوقتي
يوسف.. 4 الفجر وراكى حاجه ولا ايه
ليال.. دمك خفيف وحطت ايدها علي رقبتها اااه
يوسف قام اخد الفوطه بتاعته.. السرير فاضي اهو قومي نامى عليه
ليال.. مش عايزة منك حاجه وكملت نوم على الكنبه
هو اخد دش وقعد يلعب رياضه شويه
الساعه جت 10 الصبح
يوسف.. ليال انتى يابنتي اى النوم ده كله
ليال.. اممم
يوسف.. قوومى بقي
ليال قامت اخدت هدوم ودخلت الحمام غيرت وخرجت
ليال.. ها هنعمل ايه
يوسف.. هننزل نفطر يلا
نزلوا فطروا وقعدوا شويه معاهم وطلعوا تاني
ليال قعدت علي التليفون كانت بتكلم اميره رسايل وبتضحك
يوسف.. بتضحكي علي خير وبتكلمى مين
ليال.. وانت مالك
يوسف.. بجد والله
ليال.. اه والله ملكش دعوه بأى حاجه تخصنى
يوسف اتضايق من اسلوبها خرج وقفل الباب جامد
نزل خد العربيه وراح عند الشله بتاعته
مى.. جووو اى ياحبيبي جاى تاني يوم فرحك ليه هى مزعلاك
يوسف.. محدش يقدر يزعلنى بس انتي عرفانى بزهق بسرعه
مى حطت ايدها علي خده.. عارفه ياحبيبي والله ظلموك بالجوازه دى
يوسف.. هنعمل ايه
مى.. مش عارفه نشوف الشباب كده
.........................
عمر دخل الاوضه لقاها ضلمه وفي شمعه منوره على التسريحة راح عندها لقي ورقه مكتوبه هالو دادى
عمر استغرب.. مروه!
مروه فتحت النور وراحت عنده
عمر.. ده ايه؟
مروه.. تفتكر؟
عمر ضحك.. بجددد
مروه ادتله اختبار الحمل.. آه والله بجد
عمر حضنها ولف بيها.. احلى حاجه حصلت النهارده ياحبيبتي ربنا يحفظكم ليا يارب
مروه.. ويحفظك لينا يا احلى بابا
باس راسها وايدها.. انا مبسوط اوى يلا غيري هدومك بسرعه نروح نطمن عليه ونتغدى برا
مروه.. بس
عمر.. يلاااا مش عاوز اعذار
مروه ضحكت.. امرك يا عموور
عمر.. قلبه 😉
.................... الليل جه وعمر ومروه لسه برا
ليال زهقت قامت تلون في الكراريس بتاعتها بعد شويه سمعت صوت العربيه بتاعته قامت خبت الكراريس في الدولاب
يوسف دخل خد هدومه عشان يغير من غير ما يكلمها حتى
تليفونه رن وهو في الحمام كان متسجل ميوش وجمبه قلب احمر
ليال.. اممم بقي كده
سابت الفون وقعدت
هو خرج كان بينشف شعره
ليال كانت حاطه رجل على رجل.. في واحده رنت عليك
يوسف مسك الفون يشوف مين وحطه مكانه تاني.. وانتى مالك ومال خصوصياتى
ليال.. خصوصيات ايه هو رن وانا شوفت مين
يوسف.. ملكيش حق انك تشوفي مين
ليال وقفت.. لا والله انت بتتلكك بقي
يوسف قرب منها شويه.. وانت زعلانه كده ليه يعني غيرانه مثلا؟
ليال.. هغير من ايه انت مجنون انت بتردهالى يعني
يوسف.. هو انا من حقي اعرف انتى بتكلمي مين وبتضحكى ومبسوطه كده عشان انا الراجل مش انتى
ليال.. لا مش من حقك برضو ولا انت هتعمل فيها جوزي اوى انا وانت عارفين انا وافقت عليك ليه
يوسف اتخنق.. والله محدش قالك توافقي كنتى قولى لابوكى لأ
ليال بصوت عالي.. وانت كنت تعرف انا مريت بإيه عشان ابقي مجبوره اتجوزك انت معندكش دم يعني ولا ايه مش قولتلك انا مش عايزاك يوم ما خرجنا سوا مرفضتش انت ونهيت الجوازه دى ليه من الاول
يوسف كان شارب ومش مركز في كلامها اوى..
يوسف.. اسكتى بقي
ليال قربت منه وخبطت على صدره بعصبيه.. لا مش هسكت ولا انت لما تبقي غلطان تقولي اسكتى بقي
يوسف قرب منها وبا. سها
هى بعدت عنه بسرعه وضر. بته بالقلم حطت ايدها علي بوقها من الصدمه
يتبع....
مفيش تفاعل مشجعنى اكمل 😢💔
بارت12 #ولو_بعد_حين
ليال قربت منه وخبطت على صدره بعصبيه.. لا مش هسكت ولا انت لما تبقي غلطان تقولي اسكتى بقي
يوسف قرب منها وبا. سها
هى بعدت عنه بسرعه وضر. بته بالقلم حطت ايدها علي بوقها من الصدمه ورجعت لورا
يوسف بصلها ومتكلمش خرج وقفل الباب وهى طلعت البلكونة قعدت تعيط
هو نزل تحت كان البيت كله نايم طلع الحديقه قعد سرحان هى شافته من البلكونة وقامت دخلت غيرت هدومها
ليال.. اكيد مش هيطلع بعد اللى عمله ده انا هنام على السرير
نامت وخدت راحتها وهو طلع فتح الباب ودخل لاقاها نايمه ابتسم وراح نام علي الكنبه
.......... الصبح طلع وهى نزلت قبله
فايزه.. فين يوسف
ليال.. نايم لسه مرضيتش اقلقه
عمران.. ماشي يا حبيبتي اقعدي يلا افطرى بالهنا
ليال.. الله يهنيك ياجدو امال عمر ومروه فين
خديجه.. منزلوش تقريبا كانو برا ورجعوا متأخر
ليال .. آه تمام
خلصوا فطار وقعدوا يشربوا الشاى
خديجه.. انا رايحه عند اختى وهرجع بليل مش عايزين حاجة يا حلوين
فايزه... هههه لا ياحلوه بس متتأخريش عشان عمر بيقول عايزنا كلنا بليل
خديجه.. مش هتأخر يلا باى
خالد وعماد وابراهيم كانوا في الشركه وعمران في اوضته
فايزه.. تعالى نقعد في الجنينه معدش غيرنا في البيت الواحد مل ههه
ليال.. فعلاً عندك حق أنا هعمل حاجه نشربها وهحصلك
فايزه.. سعاد هتعمل متتعبيش نفسك
ليال.. عادي مفيش تعب
فايزه.. ماشي ياحبيبتي
............
ليال.. صباح النور يا سعوده
سعاده.. صباح الورد ياهانم
ليال.. هانم ايه بس انا بقولك يا سعوده وبتاع اسمى ليال عادي
سعاد.. حاضر اساعدك في حاجه
ليال.. لا روحي انتي ارتاحى شويه مفيش حد في البيت اصلا غير انا وماما هعمل حاجه نشربها وهخرج على طول
سعاد.. بس
ليال.. مش بس ولا حاجه يلا ارتاحى
سعاد.. ربنا يكرمك يارب وخرجت
ليال طلعت تلج ولبن وهتعمل ايس كوفي كانت مندمجه وبتقلب النسكافيه
يوسف دخل كان واخد دش ومش منشف شعره لابس بنطلون رصاصي وتيشرت ابيض وحاطط الفوطه حوالين رقبته
ليال اتخضت لما دخل بس مبصتش ليه
يوسف.. سعاد فين تعملى قهوه عشان مصدع
ليال.. راحت ترتاح شويه اعمل لنفسك
يوسف.. مبعرفش
ليال 😏😏
يوسف.. في ايه
ليال.. مفيش
يوسف.. طب اعمليلى انتى وعطس مره واحده
ليال.. هو يعنى مفيش استشوار فوق مثلا نازل كده
يوسف.. انا مصدع خلقه استشوار ايه هتعملي القهوه ولا لأ
ليال.. ماشى هعمل بس اتكلم حلو
يوسف.. ليه هتضربينى تانى
ليال اتوترت لما افتكرت امبارح.. انت.... احمم فين القهوه ااه هناك اهى وراحت تاخدها من الرف كان هو ساند على الرخام والرف وراه
هى كانت راحه تجيبها مدت ايدها وقربت شويه فكانت قريبه منه هو بصلها لما كانت قريبه وهى كمان بصلته
يوسف بصوت هادي.. عيونك حلوه زى القهوه
ليال خدت القهوه وبعدت مردتش عليه
يوسف كان بينشف شعره وعطس تاني
ليال.. ماما برا اقعد معاها
يوسف.. تمام
.............
يوسف.. صباح العسل ياعسل
فايزه.. صباح النور يا حبيبي اى نازل بشعرك مبلول ليه
يوسف.. مصدع شويه وكسلت انشفه
فايزه.. اقوم اعملك قهوه
يوسف.. ليال بتعمل
فايزه ابتسمت.. انا والله مش مصدقه انك اتجوزت وبقيت راجل كبير وعاقل كده من كام يوم كنت عيل
يوسف ضحك.. ده مدح وتريقه عليا
فايزه.. الاتنين هههه لسه بفتكر ايام ماكنت ترجع من المدرسه تقول بأعلى صوت انا جعاااان
يوسف.. هههه كانت ايام بقي
فايزه ضحكت هى كمان
يوسف.. ماما
فايزه.. نعم ياحبيبي
يوسف.. ما تلعبيلى في شعري زى زمان
فايزه مدت رجلها.. هو انا فكرتك بزمان
يوسف حط راسه على رجلها.. ايوه
ليال طلعت حطت القهوه
فايزه.. ياعينى ياعينى ريحة القهوة جنان
ليال.. عملتلك قهوه سخنه عشان قولت ممكن متحبيش البارده
فايزه.. ايوا فعلاً تسلم ايدك ياحبيبتي
يوسف قام قعد كانت ليال جمبه
اخد القهوة شربها.. حلوه اوى
ليال ابتسمت.. الف هنا
خلصوا وفضلوا قاعدين شويه ودخلوا
اليوم عدى واتغدوا سوا واتجمعوا كلهم بليل
..................
يوسف كان قاعد جمب ليال على الكنبه وحاطط ايده وراها وعمر قاعد جمب مروه وعمران على الكرسي وخالد وعماد جمبهم خديجه وفايزه وابراهيم
عمر.. بما اني جمعتكم كلكم كده فحبيت اقولكم خبر حلو
مروه ابتسمت وهو مسك ايدها
عمر.. ان شاء الله هينورنا حد جديد في العيله مروه حامل
كلهم فرحوا جدا وباركوا لها وابراهيم حضنها وبارك لها
ليال.. مبروك ياقلبي
مروه.. الله يبارك فيكي يارب
عمر.. واخيرا يا يوسف هتبقي عم ههههه
يوسف.. يا مسهل ده انا هربيه الواد ده بس يجى
عمر.. عقبالك ياحبيبي
يوسف حط ايده على خده.. آه عقبالى
ليال غصب عنها ضحكت
يوسف بصلها.. اضحكي اضحكي
عمران.. انتوا الاتنين بتتوشوشوا في ايه كده
عمر.. مفيش ياجدو انا بقوله عقبالك
عمران.. ايوا قريب ان شاءلله تحصل اخوك كده عايزه اشوف احفادى كلهم حواليا
يوسف ضم ليال ليه بإيده كده وابتسملها.. ان شاءلله قريب يا جدو
ليال ابتسمت بتصنع وبعدت تاني عنه
فايزه.. انتى عارفه ياليال لما بشوفك بفتكر ملك كان فيها شبه منك وكانت رقيقه شكلك كده
ليال اتوترت.. م ملك مين
خالد.. بنتنا بس مش اخت يوسف وعمر يعني كانت صدفه ولقيتها مره وانا جاى من الشغل وعاشت معانا فتره كبيره وبعدين سابت البيت ومشيت
خديجه.. شعور صعب اوى والله انا مجربه
عمر.. ربنا ميعودهاش على حد فينا ابدا حقيقي ملك سابت جوانا اثر كبير اوى
ليال افتكرت حاجات كتيره من الماضى وكانت هتدمع
يوسف كان سرحان لما جابوا سيرة ملك
ليال كانت هتعيط بس حاولت تتحكم في نفسها
ليال بصت في تليفونها.. عن اذنكم ماما بترن وطلعت اوضتها ومكنش حد بيرن بس كانت عايزه تقوم
دخلت وقفلت الباب وراها وفضلت تعيط شويه
محفظة يوسف كانت على الترابيزه هى والفون كانت قايمه تدخل الحمام وخبطت في الترابيزه الحاجه وقعت والمحفظه انفتحت
ليال.. اووف الحاجه وقعت منها شالت الفلوس والكروت وهى بتحطها لقت ورقه متطبقه فيها
بتفتح الورقه انصدمت
يتبع....اللي عاوز تكملة الروايه يعمل انضمام من هناااااا
الرواية كامله من هنا (ولو بعد حين)
تكملة الروايه اضغط هناااااااا
تعليقات
إرسال تعليق