رواية سلاسل ام غراب البارت الثامن بقلم حنان حسن
رواية سلاسل ام غراب البارت الثامن بقلم حنان حسن
سلاسل ام غراب
الجزء الثامن
للكاتبة..حنان حسن
بعدما وصلت عند الكرسي المتحرك
الخاص بالست ثريا
لفيت الكرسي با اتجاهي
وفي اللحظة دي
شوفت وجه الست ثريا
اقصد....
الي كنت فاكراها الست ثريا
لاني اتفاجئت
ان الي قاعد علي الكرسي
هو (كريم بية)
فا استغربت ...واتلخبطت
وقالتلة....ايه ده؟
هو في ايه ؟
فا ابتسم
وسالني
وقالي..مالك يا قلبي
اتخضيتي كده لية؟
فا استغربت من كلمة قلبي
وقلت لنفسي
ايه قلبي دي؟
وقبل ما افوق من دهشتي
لقيتة بيسالني
وبيقولي..
ايه؟ مفيش وحشتني ؟
فا اتوترت
وحاولت اغير الكلام
وقلت...
هو انا مش كنت سايبة حضرتك بره من دقايق؟
في اللحظة دي
ابستملي بحنية
وقالي...
متركزيش في التفاصيل دي
المهم دلوقتي اني معاكي
فا بصتلة بتعجب
ولقيتني مش فاهمة حاجة
فا فضلت افكر بيني وبين نفسي
وقلت..
مش هو ده كريم بية
الي كان ...
جاد...و نكد..وعامل رعب للجميع
من خمس دقايق بس؟
امال اية الي جرالة
ومالة بقي نحنوح ورومانسي فجاءة كده؟
واستغربت اكتر ...
لما شوفت كريم بية...
قاعد في الكرسي المتحرك
بتاع امة ؟
فسالتة..
وقلت..هي فين الست ثريا؟
قال...خفيتها
قلت يعني ايه خفيتها؟
قال..
يعني ...
استعملت قدراتي وخلتها تختفي
عشان نبقي لوحدنا
في اللحظة دي
فضلت ابحلق في الشخص الي ادامي شوية
و في الاخر
سالتة..
وقلت...انت حضن؟
صح؟
فا ضحك اوي وهز دماغة
وقالي..معقول ؟
قلبك حس بيا بسرعة كده؟
ايوه فعلا...انا حضن
بعدما سمعت اعترافة
حاولت اهدي واركز
عشان اجمع الاحداث
الي حصلت ببعض
وبعدما فكرت شوية
قلت...اااااه
ان دلوقتي فهمت
يبقي كريم هو نفسة..
العفريت حضن
وعمل التمثيلية الي فاتت دي كلها
عشان يستدرجني للفيلا هنا ويحكم سيطرتة عليا
واكيد طبعا مجهزلي مصيبة
جديدة
ولا قتيل جديد
عشان...يجبرني اني انزل معاه تحت الارض
وفي اللخظة دي
جن جنوني واتعصبت عليه
وقلتلة..
علي فكرة...
انا كنت حاسة
من اول ما شوفتك هنا في الفيلا
انك انت حضن
لان الكدب... والخداع... والحوارات
مش جديدة عليك
لكن نفسي افهم
انت هتستفيد ايه لما تصعب عليا عيشتي؟
قولي هتستفيد ايه؟
فا قرب مني حضن
واقسملي
وقالي..
وحياة عفاف عندي انا مظلوم
وعمري ما حاولت ادايقك... ولا اصعب حياتك عليكي
بالعكس
دا وجودي جنبك كان حماية ليكي
وانتي بنفسك شوفتي اني كنت بحميكي وبنقذك
قلت...امال مين الي جابني هنا؟
قال..كريم
قلت..كريم مين؟
قال..كريم صاحب الفيلا
قلت..انت هتجنني؟
مهو انت وصاحب الفيلا شخص واحد؟
فا رد حضن
وقالي..لا
احنا اتنين
قلت ..رجعنا للحوارت تاني؟
فا حاول حضن يوضحلي
وقالي ...
اقعدي بس وانا هفهمك
قلت..اتفضل اسرح بيا تاني
قال..
وحياة عفاف ما هكدب في اي كلمة
هقولهالك دلوقتي
فا قلتلة..
طيب اتفضل وضحلي
فشرح لي فعلا
وقال..
انا..لما اتجسدت في صورة انسان
اخترت اتجسد في صورة الشاب كريم
لانة
وسيم..وغني ..وشيك
وكل النساء بيحبوا كده
وانا طبعا كنت عايز اعجبك
عشان تحبيني
ولغاية وقت قريب
انا كنت بستعير صورة كريم فقط
لكن..
لما لقيت ان في خطر عليكي..
وانتي في بيت ام غراب
فكرت اني ابعدك من هناك
وااخدك لائمن مكان
وساعتها
قررت اني اجيبك هنا..
وخصوصا..
لما عرفت ان كريم محتاج جليسة لامة...
واديكي جيتي
وبقيتي في امان
بس...هي دي كل الحكاية
فا قلت..يا سسسسلام
والمفروض بقي اني اصدق
انكم اتنين؟..... مش واحد؟
انت فا كرني هبلة ولا......
وقبل ما اكمل في تكذيبي لحضن
توقفت عن الكلام ..
لما بصيت من الشباك
ولمحت كريم فعلا
في الجنينة
وفي اللخظة دي
اتاكدت فعلا
انهم اتنين نسخة من بعض
واحد بني ادم...
والتاني عفريت
فا سندت علي الكرسي
وانا بقول..يلهووووي
ده بجد؟
فا رد عليا حضن
وقالي..صدقتيني بقي؟
قلت..طيب سؤال بقي معلش
قال ..اسالي
قلت..ممكن اعرف انت عايز مني ايه دلوقتي؟
رد حضن
وقالي..
انا بحبك... وهفضل وراكي
لغاية ...
ما تقتلي القتيل الثالث بالمية الي انا اديتهالك
وساعتها..
هقدر اتجوزك.... واخدك معايا تحت الارض
قلت..
وانا قولتلك..
الي انت بتقولة ده مستحيل يحصل
لا هينفع اقتل حد تاني
ولا هينفع اتجوزك اصلا
ولا هروح معاك في اي حتة مهما حصل
وارجوك بقي فارقني وحل عني
انا حياتي متعقدة لوحدها
فا بصلي حضن بحزن
وقالي..
برضوا مش هياس
وهفضل منتظر ...
اليوم الي هتقتلي فية القتيل الثالث
واثناء ما كان حضن بيكلمتي
فجاءة
سمعت خبط علي باب الغرفة
فا اختفي حضن من ادامي
وبسرعة روحت فتحت الباب
وكان الطباخ هو الي بيخبط
فا اخدت منه صينية الاكل
وسالتة
وقلتلة...
هي الست ثريا فين؟
فا بصلي الطباخ بتعجب
وقالي..سلامة نظرك
ما الست قاعدة علي الكرسي المتحرك ادامك اهية
فا بصيت علي الكرسي
ولقبتها فعلا
قاعدة ع الكرسي
فا اتكسفت من الطباخ
وقلت..
اه تمام ..
يظهر اني منيمتش كويس
عشان كده تلاقيني مش مركزة .....شكرا
فا قالي العفو ومشي
المهم..
بعدما اخدت منه الصنية
دخلتها
وتركت الباب مفتوح
لغاية ما احط صينية الاكل علي التربيزة
وبعدها ابقي اقفل الباب
لكن...
في اثناء ما كنت بخط الصينية
لفت نظري..
برواز فية صورة لكريم بية
كان محطوط علي قطعة الديكور الي في الاوضة
فا مديت ايدي
وقلت...لنفسي
هو ده كريم بية( الاصلي)
مش حضن التقليد
ومسكت البرواز وفضلت متنحة لصورة كريم بية
وقلت..بصوت عالي
يخربيت حلاوتك
يلهوي علي وسامتة...
وطعامتة يا ناس
(اصلي... اصلي) يعني
وفي اثناء ما كنت بتأمل في الصورة
وبقول عليه.. اصلي مش تقليد
سمعت صوت راجل
بيسالني
وبيقولي..
هو ايه ده الي اصلي؟
فا التفت للخلف بسرعة
عشان اتفاجئ بان
يا كريم ....يا .. حضن
حد فيهم هو الي بيكلمني
فا حبيت اعرف هو مين فيهم
فسالتة..
وقلت..حضن؟
فا رد وهو بيبصلي بتعجب
وقالي...
في ايه يا بت انتي ؟
انتي كل ما تشوفي وشي
تطلبي مني حضن؟
ومن شوية...
كنتي ماسكة صورتي...
وعمالة تتغزلي فيها...
انتي ايه حكايتك بالظبط؟
مالك؟ بتفركي لية؟
في اللخظة دي
فهمت انا الي واقف ادام يبقي (كريم بية)
ويظهر انه دخل عليا فجاءة
لما نسيت الباب مفتوح
وبسرعة حاولت اصلح الي انا نيلتة
فا قلت ....لا
انت فهمت اية؟
واايه تفركي دي ؟
وحاولت
اصلح سؤ الفهم الي حصل
فا رديت بسرعة
وقلت..
لحظة من فضلك
انت فهمتني غلط
انا لما كنت بقول حضن
فا انا...مكنتش بكلم حضرتك
انا كنت بردد كلمة في اغنية
جت علي بالي
وبالنسبة بقي للصورة..
الي حضرتك فاكر اني كنت بتغزل فيها
فا انا كنت بقصد الايطار بتاع الصورة.... (البرواز)
اصل انا بيعحبني الروايز الاصلية اوي
فا بصلي كريم بيه
وبعدما فكر شوية
لقيتة غير الموضوع
وقالي...ما علينا
الطباخ جاب وجبة العشاء لامي
قلت...ايوه..لسة جايبها حالا
فا نبة عليا وكأنة بيحذرني
وقالي..
خلي بالك...
الصوت العالي والاسلوب الغريب
الي شوفتة من شوية ده
ممنوع هنا
ولو اتكرر تاني ..
هيبقي حسابك عسير
قلت..حاضر..وبعتذر عن الي حصل مني
فا سكت شوية
ورجع ياكد عليا تاني
وقالي..
طبعا انتي مش محتاجة اني الفت نظرك
ان رعاية امي هي مهمتك الاساسية هنا
يعني مش عايز اي تقصير
قلت..حاضر
فا بص علي امة شوية
وبعدها....
انحني وباس ايديها..
و سابها خرج من الاوضة
وبعدما بقيت انا والست ثريا لوحدنا
قربت منها
وحاولت اكلمها بللغة الاشارة
واعرفها بنفسي
وقلت..انا الجليسة الجديدة
و مبسوطة اني هبقي في خدمة حضرتك
ممكن بقي حضرتك تستعدي عشان الاكل؟
وبعدما خلصت كلامي معاها
فضلت الست ثريا بصالي وبعدها
بصت علي صينية الاكل ورحعت بصتلي تاني
فا عرفت انها فهمت كلامي
وفعلا..اكلتها ..ونيمتها
وبعدها..
روحت علي اوضتي
عشان اغير هدومي و انام
لكن...ملقتش حاجة البسها
فا قلعت الغيار الي عليا..
وغسلتة
عشان ينشف علي ما ...
انام... واصحي
وكنت معتمدة اني هلبس العباية الكئيبة الي في الدولاب
لكن...
بعدما غسلت الغيار الوحيد الي معايا
دورت علي العباية ملقتهاش
وعرفت ان ادارة اخدتها
فا فضلت زي منا
وبقيت محتاسة بفستاني المبلول
ومبقتش عارفة هنشرة فين وازاي؟
فا اتسللت و خرجت للبلكونة
وحاولت ارمي الفستان علي جزع الشجرة
لكن...وانا بنشرة وقع مني
واستقر علي غصن في وسط الشجرة
فا مسكت في الاغصان وحاولت اتسلق الشجرة واجيبة
لكن...
فشلت... والغصن الي كنت ماسكة فيه
اخدني ووقع في ارض الجنينة
وللاسف لقيت نفسي واقعة في الارض
والفستان متعلق في نصف الشجرة
يعني مش هقدر اجيبة
والي زاد من المبلة طين
هو ان الجنايني سمع صوت الارتطام
وجه يشوف في ايه؟
فا حاولت استخبي
لا البواب يشوفني وانا عريانة كده
فا جريت بسرعة ...
ودخلت في اول اوضة
لقيتها مفتوحة ادامي في الدور الارضي
لكن..لحظي السيئ
اني اصطدمت بشخص
ولما اتحققت من الشخص ده
اتفاجئت انه...( كريم بية)
ولقيتة بيبصلي
وهو مندهش من دخولي عليه عريانة كده
ولما بصيت حواليا
لقيت نفسي في غرفة الجيم
الخاصة بية
ولما شوفتة بيبحلق فيا كده
قلت..ااااه
اهو دلوقتي هيفتكر اني جاية اغتصبة
ياريتة كان فضل فاهم اني بفرك فقط
المهم طبعا
فضلت اعتذر
واقسملة..اني جيت هنا مضطرة.. و مكنتش
اعرف ان ده الجيم بتاعة
بس الغريبة...
ان كريم بية
رد عليا بهدوء
وكلمني بدون ما يتعصب
وقالي.. اية الجمال ده؟
فا شكيت من السهوكة دي
لا يكون الي ادامي حضن
بس خوفت اسالة...
و انطق اسم حضن
لان لو طلع انه كريم بية
فا هياتكد اني واحدة مش مظبوطة
ولما لقيتة بيسالني
وبيقولي..
ايه الي مخرجك من اوضتك كده
اخدتة من ايدة
وشاورتلة علي الشجرة
وسردتلة قصة الفستان
وقلتلة..هي ده الي حصل
يعني لا كنت بفرك...
ولا جاية اتحرش بيك والله
فا ضحك كريم بية لاول مرة
وقالي..
طيب تعالي قربي يا فقرية
وقربني مني وهو بيحط علي كتفي
البشكير الكبير بتاعة
وبمجرد ما قربت منه
استنشقت ريحةالعطر بتاعة
روحت في دنيا تانية
وفضلت واقفة ابص لعنية العسلية
لغاية ما سمعتة
بيقولي..
يلا روحي علي اوضتك
وانا هخلي البواب يجيبلك الفستان
وكنت همشي
لكن...
سمعتة بينادي عليا تاني
وبيقولي..عفاف
قلت..نعم
قال..
لما الفستان ينشف
ابقي روحي اشتريلك كام فستان
عشان الموقف ده ميتكررش تاني
ومتخافيش... انا الي هحاسب
فا رديت
وقلت ...شكرا
فا ابتسم
وقالي..
روحي بسرعة علي اوضتك قبل ما تاخدي برد
وفعلا رجعت علي اوضتي..
وانا تقريبا برقص من الفرحة
لكن...
فرحتي مطولتش كتير
لاني شوفت ادامي حضن
الي كان باين انه زعلان اوي
فسالتة..
وقلت..خير؟
فا رد بغضب
وقالي..
ايه الي انا شوفتة ده؟
قلت..شوفت ايه؟
قال.. شوفت اعجاب متبادل بينك انتي وكريم
قلت..وحتي لو ده حقيقي
فا انت مالك؟
انت ملكش حقوق عليا
فا بصلي حضن بحزن
وقالي...
طيب اسمعي بقي
بنتك معايا..
وتحت سيطرتي
وعشان ارجعهالك
لازم تقتلي القتيل الثالث
قلت...لا مش هقتل
قال...لا هتقتلي..
وهتقتلي الشخص
الي ...هحدده انا
وخرج حضن زجاجة
فيها المية اياها
وقالي...
المية دي تحطيها ل.........
ومش هتتخيلوا حضن عايزني
اقتل مين........؟
اللي عاوز البارت الجديد يعمل انضمام من هناااااا
الرواية كامله من👈 (سلاسل ام غراب)
تكملة الروايه اضغط هناااااااا
تعليقات
إرسال تعليق