رواية أحببت قاصرا البارت 1_2_3_4

رواية أحببت قاصرا البارت 1_2_3_4_5بقلم شيماء الديب

ورجعتلكم بعد غياااااااب 😎 ورواية جديده 💪

#أحببت_قاصراً 🫶 والبارت الاول ونقول بسم الله 🤲

في احد احياء القاهره وامام احدي العمارات

تلعبت بنت في الثاني عشر من عمرها واسمها ملك ذات

العيون الزرقاءوالشعر الاصفر ذو الملمس الناعم

ومعها ابنة عمها سمر في نفس المرحله العمريه ولكنها ليست

بنفس الملامح الاجنبيه الفائقه التي تبدو عليها ملك🥰

وفجأه يقطع صفو لعبهم صوت رجولي حااد ومليئ بالغضب العارم (( سيف ابن عم ملك واخو سمر) )

سيف // ملك ياملك تعالي هنا هو انا كم مره نبهت عليكي وقولتلك متلعبيش مع حد ولا تطلعي من باب العماره 😡

ملك بصوت طفولي ناعم وعيون ممتلئه بالخوف // هو انا عملت ايه بس ياابيه سيف 🥹

سيف بغضب // هو انا كلامي مش بيتسمع ليه اتفضلي اطلعي علي شقتكم دلوقتي حالا 😡😡

سمر بغيره شديده // علي فكره انا اللي اختك. مش هيي 😒

سيف بغضب // اتهببي وادخلي انتي كمان انا مش ناقصك 😡

جريت سمر بسرعه وبغضب راحت خبطت ملك في سكتها وبغضب // ماتوسعي يازفته من سكتي هو ايه القرف ده وطلعت جررري علي شقتهم

ملك بزعل طفولي وبخطوات ثابته وهيي بتمتم بكلمات غير مفهومه وعيونها ممتليئه بالدموع ومش منتبهه قدامه وفجأه اتصدمت في جدها ((خالد السيوفي) ) ورفعت عيونها لقيت جدها قدامها

خالد بصوت مداعب // مين اللي مزعل قمر عيلتنا 🤔

ملك بعيون ممتليئه بالدموع // ابيه سيف ياجدو كل مايشوفني بلعب مع حد او بكلم حد في الشارع يزعقلي معرفش ليه بيكرهني كده 😥

خالد // معلشي ياحبيبة جدك هو بس بيخاف عليكي مش بيكرهك هو بيعتبرك زي اخته

ملك بعفويه //اذا كان ياجدو سمر اخوته مش بيزعقلها وبيسبها تلعب عادي 😥

خالد بضحكه غير مفهومه 😀 // والله يابنتي مانا فاهم حاجه بس اهدي وبطلي عياط وانا هتكلم معاه وهملصلك ودانه 🤌

ملك بضحكه خفيفه حضنت جدها // ربنا يخليك ليا ياجدو وميحرمنيش منك يااحلي جدو في العالم 🤗

🧿🖋️البارت التاني ونقوووول بسم الله 🤗

#أحببت_قاصراً

وفي عز ماكانت ملك مرتاحه من كلام جدها وهو بيراضيها وبتضحك

فجأه دخل عليهم سيف وعلي وجهه اثار الغضب

واول ماشافته ملك جريت علي شقتهم بسرعه وهي مرعوبه منه 🏃‍♀️

خالد // واد ياسيف تعالى هنا😒

سيف بتكشيره // نعم ياجدي☹️

خالد // مالك مكشر كده ليه ياواد ومعدي عليا وكأنك مش شايفني

سيف // انا اسف ياجدي مقصدش طبعا

خالد // طب مالك مزعل ملك ليه وعلي طول منكد عليها وحاططها فوق راسك وزاعق

سيف بصوت رجولي حاد // هي اللي مش بتسمع الكلام ياجدي ولو فضلت كده وديني لاكسر راسها

خالد بعصبيه// عيب عليك لما تكون زي الشحط كده وعامل راسك براس عيله صغيره

سيف بنرفزه غير مفهومه // اهو ده اللي عندي بقا بلاذن ياجدي

وطلع جري علي فوق فتح باب شقتهم وهبده وراه

خالد بزهول واستغراب من اسلوب سيف لانه اول مره يكون سيف بالحاله دي // والله يابن ابني شكلك بتحب المفعوصه دي 🤔 ربنا يستر ودخل خالد اوضته يرتاح

سيف دخل شقتهم وهو متعصب جدا طلعت امه من المطبخ علي صوت هبدة باب الشقه وحاجات بتتكسر

هاله(ام سيف) // خير اللهم اجعله خير في ايه مالك سيف يابني متنرفز ليه

سمر دخلت عليهم وقطعت الكلام علي امها // انا عارفه ياماما مالو سيف اصل …………

قطع كلامها سيف بعصبيه // بت غوري من وشي عشان لو قومتلك هقوم اكسرلك راسك

سمر سمعت كلام سيف اترعبت وجريت علي اوضتها

هاله // في ايه ياسيف ماتنطق يابني

سيف بهدوء // مفيش حاجه ياامي انا زهقان شويه ومن فضلك سبيني لوحدي دلوقتي

هاله بحزن وعلي وشها مليون علامة تعجب من حالة ابنها // اسيبك لوحدك ازاي بس يابني قوم ياحبيبي غير هدومك وتعالى عشان نتغدو سوا ابوك زمانه راجع من الشغل

سيف // مليش نفس دلوقتي لما اجوع هبقي اكل

هاله بزعل // ماشي ياسيف هسيبك براحتك لما اشوف اخرتها معاك

خرجت هاله من اوضة سيف والفضول هياكل قلبها راحت علي المطبخ لقت سمر بتاكل

هاله // هو انتي علي طول همك علي بطنك موراكيش غير الطفح

سمر // جعانه ياماما الله بقي

هاله شدتها من شعرها // قوليلي يابت اخوكي ماله

سمر // وانا مالي ياختي انت متعرفيش ابنك دا ممكن يفرمني ويعمل مني بطاطس محمره لو فتحت بوئي بنص كلمه

هاله // لا متخافيش يام لسانين احكيلي وانا مش قوله اني عارفه حاجه بس انطقي يابت قلبي هيقف ربنا ياخدكو

سمر بصوت واطي // اصل ابنك شغله بيغير علي البت ملك🤫

هاله بااستغراب // ملك مين يابت😡

سمر // بنت عمي احمد ياماما هو احنا عندنا مليون ملك☹️

هاله بنرفزه // بلاش عبط يابت واتكلمي كلام افهمه😱

سمر // وربنا ياماما زي مابحكيلك كده وكل مايشوفها معايا في الشارع يزعقلها ويدخلها البيت غصب عنها😏

هاله // نهار ابوه اسود دي مفعوصه هو اخوكي اتجنن ولا ايه 🤨

سيف غير هدومه وقعد علي سريره يفتكر اللي حصل وعصبيته ونرفزته اللي من غير سبب وبيكلم نفسه ///

في ايه ياعم سيف انت هتخيب ولا ايه وهتعمل زي ماجدك قال وتعمل راسك براس عيله صغيره

ومش عارف ليه بحس باحساس غريب كل ماشوفها بس دي عيله ياسيف عيله انت فاهم

اهدا ياسيف وفكر صح وبلاش تخيب انت فاضلك شهرين تخلص الجامعه وتروح جيشك بلاش تخلي كل العيله تكرهك من تصرفاتك

رايكم نكمل ولا لا🥹

واقتراحكم هل فعلا سيف هيعقل ويبعد عن ملك المفعوصه ولا لا

ونقول بسم الله 🤲

🧿🖊️ والبارت الثالث 👏

#أحببت_قاصراً 🫶

بعدها بلحظات رجع أسعد من الشغل (( ابو سيف) )

وجهزت هاله الاكل وندهت علي سمر وعلي ساجد اخوها

التوأم واتجمعو علي الاكل الا سيف كان نايم في اوضته

أسعد باستغراب // اومال سيف لسه بره ولا ايه

هاله // لا ياابوسيف هو رجع من بدري بس قال انه مصدع شويه وهينام ولما يصحي هياكل

أسعد // امم طب تمام

وعدي اسبوع علي دا الحال وسيف بيحاول يبعد عن اي تجمعات عائليه وعن اي مكان ملك موجوده فيه

عشان محدش يلاحظ ملامح وشي اللي بتتغير تلقائيا لما بيشوف ملك وحد من العيله يحس بيه

قرر سيف يخرج من اوضته ويروح الجامعه ويقابل اصحابه عشان ينسي الهبل اللي في دماغه ويفوق لنفسه

في الجامعه 🤌

يوسف بفرحه // ابوالسيووووف حبيبي عاش من شافك ياشق. اي ياجدع كنت فين غطسان كده

سيف // اديك شوفتني ياعم جو اتهد بقي

يوسف بضحكه // ونبي شكلك ياصاحبي لقيتلك حته طريه وغطسان معاها الاسبوع ده كله

سيف بابتسامه خفيفه // هو انت دايما تفكيرك شمال يابني كده

يوسف // اه بنسبه لتفكيري الشمال افتكرت اصل البت منه بقالها فتره وجعالي دماغي من السؤال عليك ياعم

سيف // ياعم فكك منها انت عارف اني مبطيقهاش ياجو

بص بقولك ايه مفيش خروجه حلوه انهارده احسن اخوك قرفان ونفسيته تعبانه وعاوز اغير جو

يوسف بضحك // مادا نفسيتك تعبانه تبقي بتحب ياصاحبي

سيف بصوت واطي // والله شكلي كده

يوسف // بتقول ايه علي صوتك ياجدع

سيف // لا ولا حاجه متركزش معايا ياجو

يوسف // خلاص ياحبيب اخوك هندخل للواد تامر. نحضر المحاضره معاه ونطلع بعدها نخربها

سيف // اشطا ياصاحبي يلا بينا

واول مادخلو علي المدرج وتامر شافهم وبصوت عالي // ابو السيووف وصل ياجدعان وجري عليه وحضنه ورحب بيه

منه انتبهت للكلام وبتلف شافت سيف داخل المدرج راحت جري عليه وبلهفه نادت عليه قدام الكل

منه // سيف ياسيف

سيف بقرف // خير يامنه في حاجه

منه باحراج //لا ابدا بس كنت عاوزه اتطمن عليك بقالي كتير مشوفتكش

سيف بزهق // وخلاص اتطمنتي

منه بخنقه بانت علي ملامحها وصوتها // ليه كده ياسيف كل ماحاول اقرب منك تكسر بخاطري

يوسف حس بالموقف بقي درامي وحب يغير الجو لان سيف طريقته جارحه اوي مع منه

يوسف // متزعليش من طريقته يامنه بس سيف عنده صداع جامد وميقصدش يزعلك

منه بزعل // ااه طب الف سلامه عليه بعد اذنكو

تامر بعصبيه // مالك ياعم سيف شايف نفسك علي البت ليه

يوسف // ليه ياجدع تحرجها كده هي غلطت في ايه دي بتطمن عليك

سيف بعصبيه // انا مش عاوز حد يتطمن عليا ولا اقولكم انا هريحكم مني ووالله مانا حاضر المحاضره سلام

يوسف حاول كتير يهديه ويمسكه بس للاسف بدون فايده

وسابهم ومشي

تامر بغيظ وبيبص ليوسف // دا مالو ده شايف نفسه علينا ليه

ونقول بسم الله 🤲

🧿🖊️ البارت الرابع 🫶

#أحببت_قاصراً

وبعد ماسيف اتخانق مع يوسف وتامر بسبب منه قرر يرجع علي البيت

ركب عربيته وطول الطريق بيتكلم مع نفسه وبيعاتبها

سيف// بصراحه انت زودتها اوي ياسيف ومكنش ينفع تتكلم معاهم بالطريقه الزباله دي

دا انت ياجدع معملتش حساب حتي لصاحب عمرك يوسف دا اقرب صاحب ليك

وفي وسط زحام افكار سيف وشعوره بالندم وفجأه ظهر حد قدامه واقع علي الارض وشعرها مغطي وشها وبتعيط

فاق سيف من شروده ونزل بسرعه من عربيته ولف يشوف مين دي ولسه بيقول في ايه مالك انتي كويسه ??

وفجأه وفي وسط بكاء شديد من الالم وبترفع الشعر من علي وشها وبتبص لفوق وكانت الصدمه

سيف بصدمه // ملك ايه اللي جابك هنا واللي حصلك انطقي

ملك بعياط جامد وخوف من سيف بدات تتهته بالكلام // ابيه سيف انا انا اصل ………

سيف بعصبيه وخوف في نفس اللحظه // هو انتي لسه هتهتهي وراح شايلها ومدخلها العربيه ولف ركب بسررعه

وطلع علي المستشفي وطول الطريق هي عماله تتوجع وهو قلبه بيتعصر من جوه عليها مسك ايديها عشان يهديها شويه

وحاسس برعشتها وخوفها منه اكتر من احساسها بالالم

ومن جواه وبينو وبين نفسه بيقولها اتطمني انا جمبك طول مافيا نفس هحميكي يابنت قلبي

سيف بسرعه رهيبه وصل علي المستشفي ونزل شال ملك بين ايديه كانها طفلته الصغيره

دخل بسرعه المستشفي وبصوت رجولي حااد مليئ بالخوف // دكتور بسرعه لو سمحتم

اول ماسمعت صراخه الممرضه جت مسرعه عليها // خير يااستاذ مالها بنتك

سيف بعصبيه// بنتي ايه خلصي شوفيلي دكتور بسرعه

الممرضه // طب براحه يااستاذ اتفضل ادخل الاوضه اللي هناك دي ونيمها علي السرير وحالا الدكتور هيكون عندك

سيف لسه بينيم ملك علي السرير راحت مسكت في هدومه بخوف // انا خايفه اووي ياابيه سيف 🥹

سيف بيبص في عيونها وبكل حب // متخافيش ياحبيبتي انا جمبك وهيطلع الموضوع بسيط اتطمني

فجاه الدكتور وصل وقطع علي سيف كلامه اللي احساس بالحب تجاه ملك ونبرت صوته اللي اتغيرت معاها فجأه بعد

ماكان كل شويه يتعصب عليها وكان شخص حاد وعصبي لشخص هادئ وحنون

الدكتور // اهدي ياقمر كده ان شاءالله هتكون بسيطه قوليلي بس الوجع فين

ملك بصمت وخوف شاورت علي ركبتها وبدأ الدكتور يرفع البنطلون لملك عشان يشوف رجليها

سيف بحده // هو انت هتعمل ايه 😡

الدكتور // اكيد هرفع البطلون عشان اكشف يااستاذ 🤔

سيف // لا عنك انت انا هرفعه 😏

الدكتور باستغراب رجع لورا ووسع لسيف وبدا سيف يرفع

البنطلون وهي من كتر الوجع مش مستحمله وبدات تتوجع ومسكت ايد سيف

ملك // ااااه براحه ونبي ياابيه سيف 😥

سيف // متخافيش ياعيون سيف اهو براحه

الدكتور واقف ومتابع ومن جواه نفسه يزق سيف ويقوله هتفقع مرارتي 😂

خلص سيف مهمته وكشف الدكتور علي ملك وطلب اشاعه

سيف بخضه // ليه يادكتور هي رجليها ماله

الدكتور // للاسف عندها كسر ولازم تتجبس بس لازم نعمل اشاعه الاول 😱

رايكم يهمني 🥹

ونقول بسم الله 🤲

🧿🖊️ والبارت الخامس 🫶

#أحببت_قاصراً 🫶💪

سيف راح للدكتور مكتبه عشان يعرف نتيجة الاشاعه

الدكتور // امممم اللي كنت متاكد منه لقيته

سيف بقلق // خير يادكتور طمني الاشاعه فيها ايه

الدكتور // للاسف يااستاذ سيف النت اتعرضت لوقعه جامده والكسر اللي ف رجلها كبير ولازم نركبلها شرايح ومسامير وتتجبس حالا

سيف بزعل // طب يادكتور الشرايح دي مش هتأثر عليها بعد كده

الدكتور // باذن الله لا احنا هنجبسها لمدة 15 يوم وبعدها نعمل اشاعه ونشوف الكلام ايه بس ان شاء الله خير اتطمن

سيف // تمام يادكتور اللي حضرتك شايفه صح اعمله

قطع حديثهم اتصال علي تليفون سيف

سيف// طب معايا مكالمه يادكتور هخلص وارجع لحضرتك

الدكتور هز راسه بالموافقه

سيف// الو ازيك ياجدي مال صوتك

خالد بخضه // ملك ياسيف يابني من ساعة ماطلعت راحت الدرس مرجعتش لحد دلوقتي

ومسبناش مكان غير ودورنا فيه

سيف // متقلقش ياجدي عليها هي بخير

خالد وزاد قلقه وعصبيته // يابني بقولك بنت عمك مرجعتش البيت من العصر وتقولي متقلقش

سيف // اهدي ياجدي ملك معايا وهي بخير

خالد بخضه // معاك ; معاك فين ماتنطق يابني وريح قلب جدك

سيف // اصل ياجدي: ::: بصراحه كده انا بملك في المستشفي

خالد بصدمه وصوت عالي في حضور العيله كلها // بتقول مستشفي ليييه ياسيف بنت عمك مالها يابني

مني (ام ملك) بصدمه // مالك بنتي مالها يابابا

خالد شاور لمرات ابنه عشان تهدا ويعرف يكمل المكالمه مع سيف

خالد // ماشي ياسيف مسافة السكه وهنكونوا عندك كلنا يابني

مني // خير يابابا ونبي طمني مالها بنتي قلبي قايد نار عليها

خالد بزعل شديد // والله يابنتي ماعارف اقول اقول ايه بس سيف بيقول وهو راجع من الجامعه لقاها واقعه ع الارض وبتصرخ اخدها وطلع علي المستشفي

مني // مستشفي ; مالها بنتي فيها ايه

احمد (ابو ملك) بعصبيه // ماتهدي بس ياام ملك دلوقتي نروح ونفهم

خالد // يلا ياولاد نروح المستشفي وطلعو كلهم ورا كبير العيله وكل واحد ركب عربيته

وصلو المستشفي ومني ماصدقت وصلت وطلعت تجري لجوه وهي بتعيط وبتصرخ // ملك بنتي فيييين ; ياملك ياملك

شافها سيف جري عليها واخدها في حضنه // اهدي يامرات عمي اهدي ملك هتبقي كويسه والله بس هي في العمليات دلوقتي

مني ببكاء هيستيري // عملية ايه ياسيف ; بنت عمك مالها ياسيف

سيف بدموع محبوسه // للاسف رجليها اتكسرت ولا تركب شرايح ومسامير وتتجبس

مني // ياحبيبتي يابنتي ; ياريتني انا وانتي لا يابنتي

خالد // خلاص يامني يابنتي اهدي باذن الله البت هتبقي كويسه متفضليش تندبي بقي

هاله // ماخلاص يامني اهدي قالولك هتبقي كويسه اهو 😏

سيف مركز في طريقة امه عشان عارف انها مش بتحب مرات عمه وبيبص جامد لامه وساكت ولما انتبهت هاله علي ابنها راحت عليه

هاله // مالك حزين كده ليه ده مجرد كسر ياحبيب امك 😏

سيف بنظره كلها غضب وبيضغط علي اسنانه بص لامه ومشي بعيد عنها

يتبع

تكملة الروايه اضغط هناااااااا

موسوعة القصص والروايات

القائمة الرئيسية

الصفحات

رواية أحببت قاصرا البارت 1_2_3_4_5بقلم شيماء الديب

أخر المواضيع من قسم : روايات حصرية

تعليقات

إرسال تعليق