رواية صديق العمر البارت الثالث 3بقلم احمد محمود
رواية صديق العمر البارت الثالث 3بقلم احمد محمود
3
اهملت شغلي والمطعم الي كان حلم حياتي بدا يخسر ويتدهور لحد مقفلته وبقيت عايش وحيد وخسرت كل حاجه
وقتها فكرت في هشام صاحبي وقولت هو اكلمه يساعدني ويقف جنبي .. كلمته كتير مكانش بيرد عليا .. قولت معلش اكيد مشغول. ربنا يعينه
قررت اسافر له البلد الي عايش فيها هو وايه.. ولما وصلت قدام القصر بتاعه الحرس منعوني ادخل .. قولت لهم صدقوني انا صاحبه .. واحد منهم دخل غاب شويه جوه القصر ولقيته راجع ومعاه ظرف اداه لي وقفل الباب في وشي ... واول مفتحت الظرف اتصدمت
لقيت مبلغ كبير جدا جدا في الظرف
زعلت بيني وبين نفسي .. هو ده تقدير الصداقه الي كانت بينا ؟.. الشفقه ؟
خبطت علي الباب تاني طلع لي نفس الحارس.. قولت له انت متاكد انك قولت له اسمي صح؟ ده انا صاحب العيش والعهد...رد عليا وهو بيزعق .. ايوه قولت له يلا اتكل علي الله متعطلناش وخلينا نشوف شغلنا... وقفل البوابه في وشي تاني.. لقيت نفسي رميت الفلوس علي الارض ومشيت وانا حزين
باقي قصه احمد
مشيت وقت طويل جدا والالم الي جوايا كان اكبر من اي وجع...
قعدت علي النيل وانا بفكر في الي حصل لي وسرحت..
فوقت علي صوت حد ببيقول لي مالك يابني ؟... بصيت لقيته راجل كبير قعد جنبي .. حكيت له علي كل الي حصل لي من يوم متعرفت علي هشام واتعاهدنا انا وهو
لحد اللحظه دي .. لقيته بيقول لي متزعلش يابني محدش عارف ظروفه ايه.. انت باين عليك ابن حلال
تعالي اشتغل معايا في المصنع بتاعي
وفعلا وافقت لاني مبقاش عندي دخل .. واشتغلت معاه في المصنع تلات شهور لحد متعلمت الشغل
وفي يوم لقيته بيديني شنطه فتحتها لقيتها مليانه فلوس.. استغربت .. ايه دول؟
قال لي دي فلوس علشان تفتح المطعم بتاعك تاني وتحقق حلمك ..قولت له ازاي تديني مبلغ كبير زي ده من غير ضمان؟ قال لي انا اختبرتك وراقبتك كتير االفتره الي فاتت وانا دلوقتي بعتبرك زي ابني الي مخلفتوش.. هو انت مين الي كان ليه الفضل تفتح مطعمك اول مره؟ قولت له والدي الله يرحمه.. قال لي. يعني هو انا لازم اموت علشان انت تحقق حلمك؟.. يلا يابني ابدا في الشغل واسعي ورا حلمك واول متقف علي رجليك من تاني رجع لي فلوسي ..
استغربت .. هو لسه في ناس بالطيبه دي؟ ولا حبي واخلاصي لهشام اترد لي من طريق تاني؟..
وفعلا بدات شغل وجددت المطعم وشغلته من تاني وبقيت اشتغل ليل نهار لحد مبقيت احسن من الاول وارباحي زادت وجمعت فلوس الراجل الطيب وروحت اردها له زي الاتفاق لكن اتفاجئت انه رفض ياخدهم مني وقال لي انت ابني الي مخلفتوش..وياريت كان عندي ابن في اخلاقك
فعلا الدنيا لسه بخير وفي ناس بتعمل الخير ومش مستنيه رد او مقابل
وفاتت شهور والمطعم بيكبر ويتشهر والارباح بتزيد وبدات احقق تاني خطوه في حلمي وفتحت فرعين للمطعم في اماكن مختلفه..
وفي يوم وانا قاعد في المطعم لقيت ست كبيره جت لي وقالت لي انا محتاجه شغل يابني لو تقدر تشغلني معاك اي حاجه يبقي كتر خيرك..تكسب فيا ثواب .. وانا ممكن اشتغل اي حاجه
استغربت لان لبسها وطريقه كلامها مش باين عليها انها فقيره وفي نفس الوقت كانت نظراتها ليا غريبه.. بس انا متعودتش اقفل بابي في وش حد
اخدتها تعيش معايا في بيتي تطبخ وترتب البيت وبعد فترة اكتشفت انها ..
يتبع
اللي عاوز البارت الجديد يعمل انضمام من هناااااا علشان يوصلكم اشعار بالنشر فورا
الرواية كامله من👈 (رواية صديق العمر)
اضغط على اسم الرواية ☝️☝️☝️☝️
تكملة الروايه اضغط هناااااااا
تعليقات
إرسال تعليق