رواية حين تقع في الحب الجزء الرابع البارت الرابع والاربعون 44بقلم ندى على حبيب
رواية حين تقع في الحب الجزء الرابع البارت الرابع والاربعون 44بقلم ندى على حبيب
حين تقع في الحب 4
البارت الرابع والاربعون
الكاتبه / ندي علي حبيب
في البلد الكل اللي في البيت بارك لنيرا وكريم ونزلو نيرا بصت علي ايدها وصوتت
كريم طلع من الحمام وفي ايده الفوطه بخضه :في اييه يا نيرا مالك يا حبيبتي بتصوتي لييه
نيرا بدموع :ضوفري المنكير اتمسح من عليه يا كريم
كريم رمي الفوطه بعصبيه : ضااافر ايه يا نيرا اللي الزفت اتمسح من عليه دا انتي رقعتي صوت لو بتولدي مش هتصوتي كدا
نيرا مسحت دموعها : كريم لو سمحت بطل تريقه انت عارف ايدي اليمين اللي المنكير اتمسح من عليها ومش بعرف احط بالشمال اعمل ايه دلوقتي
كريم مسك ايدها : يا روحي ما يتمسح اصلا ضوفرك طويله اووي وبتخربش قصيها وخليها رقيقه زيك كدا
نيرا بصت ليه برفع حاجب : اقص ايييه يا كريم انا بربيهم ودلوقتي اعد هنا علي ما اجيب علبة المنكير علشان تحطلي ودخلت علي الاوضه تجيب المنكير
كريم بستغراب : انا علي اخر الزمن احط منكير لمراتي ؟
نيرا شدت كريم علي الكنبه وقعدت قدامه وحط ايدها علي رجله : يلا يا حبيبي حطلي بص اسحبه مره وحده اوعي تعيد عليه
كريم مسك العلبه بستغراب : اشمعنا ؟!
نيرا : علشان مش عوزه يبقي خشن علي صوفري لما يكون ناعم بيكون احلي يلا حط بقا
كريم فتح العلبه وبدء يحط لنيرا : كدا صح ؟
نيرا : ايوا صح اعمل الجوانب بقا بس اوعي تدهن جلدي اعمل بس الضوفر
كريم بص ليها : لاء ما هو مش شحات وبيتأمر هقوم رامي العلبه ومش حاطت ليكي حاجه
نيرا بضحك : خلاص لو سمعت صوتي تاني ابقي اتكلم
كريم بغيظ : انا عريس يعني بيكون ليا اشغال تانيه مش اعد احط منكير
نيرا بغيظ : معلش بقا تعبينك معانا
...............
في شقه ناديه ام ندي
ناديه وعزه كانو قعدين قدام التلفزيون يبسمعو فيلم اجنبي المنبه رن بعلاج عزه
ناديه : عزه قومي هاتي كيس العلاج من علي البار علشان تخديه يلا
عزه بنوم : انا مش قادره اقوم
ناديه قامت وجابت العلاج والميه : يلا خدي العلاج وهاتي العلب الفاضيه علشان اخلي جدك يجيبهم
عزه اخدت العلاج :هاتي العلب هنزل اديها لحدي علشان يجيبهم
ناديه :دلوقتي بقيتي قادره يعني ؟ والله يا عزه لو نزلتي وعملتي مشاكل مع حد لنزل اجيبك من شعرك
عزه لبست الشبشب : لالا متخافيش مليش دعوه بحد واخدت العلب ونزلت علي تحت علطول ملقتش حد قاعد في الصاله خالص اظن جدي زمانه قال النهار طلع وماالو ادخل اصحيه ودخلت علي اوضته لقيته نايم فعلا راحت جنبه
عزه : جدي يا جدي اصحي يا جدع انت موت ولا ايه جدييييي
الجد قام واتحرك من علي السرير : في ايه يابنتي بتزعقي كدا ليه
عزه ببرائه : مفيش بقالي كتير بصحي فيك فكرتك يعني بعيد الشر عليك السر الالهي طلع
الجد :نازله ليه دلوقتي يا عزه عوزه ايه
عزه : العلاج دا خلص ولازم يجي ضروري خد هاته
الجد اهد العلب : ماشي سبيهم جنبي وانا الصبح هروح اجيبهم كلمتو ندي اختك
عزه : ايوا كويسه ماما كل يوم بتكلمها متقلقش
الجد : ربنا يسعدها يارب
عزه طلعت من الاوضه وراحت علي اوضة اميره لقيتها صاحيه بتلعب بالفون :هاااي عقربه بتعملي ايه
اميره بغيظ :ياااربي عوزه ايه يابت انتي ايه اللي منزلك دلوقتي
عزه : نازله اشوفك بتعملي ايه وحشاني
اميره برفع حاجب : ودا من امتي انشالله ؟
عزه : ما تقولي لنفسك ياختي انا نازله ايه اللي حشرك ليكون هنزل اشوف الخلقه القمر بتاعتك
اميره : اطلعي يابت من الاوضه اطلعي علي بيتكم
عزه : ما انا طلعه بس العقربه التانيه فين مصطفي لو شافكم هياكلكم علقه
اميره : ليه انشالله ؟
عزه بضحك : علشان انت ملكوش لازمة غير الضرب يا عقرب يا كبير يا حلو انت وطلعت جري علي شقتهم وهي بتضحك
........................
في شقة عاصي
عاصي قاعد بيشتغل علي الاب توب بتركيز وندي في الاوضه بتحط ماسك علي وشها
ندي و مشغله السماعه وبتغني معاها : استني يا شمس بقا استني مش عوزه حبيبي يروح مني متجيش وحياتك دلوقتي اصل انا لسه مخدتش وقتي عوزه اسهر مره علي طريقتي واتهني لحد الصبح معاااااه
عاصي بغضب : يا ندددددي وطي الزفت دا شويه
ندي بصوت عالي : ااااه يا محلي اليل ويااااااا حبيبي
عاصي حط الاب جنبه وقام ليها وقف يبص عليها وهي بترقص علي الاغنيه ومش سمعااه اصلا والماسك علي وشها
عاصي بغضب راح قفل السماعه : ما هو انا مش عارف اشتغل متجوز بنت اختي وبعلمها التعامل لسه في حااااجه اسمها سماااعه اذن حطيها في ودنك واسمعي براحتك انما ايييه الفرح اللي انتي عملاه دااا
ندي بصت لعاصي : هووو في ايييه يا استاذ عاصي مش خير لاء والله مش خير ولا طايق كلمة ليا ولا حاجه بعملها ؟ بقولك ايييه ولاااا انا اصلا غلطاانه ان اتجوزت طلقني وحل عني ووو
عاصي ربع ايده وبص ليها : سكتي لييه كملي وبعدين ؟
ندي رجعت شعرها لورا وبصت ليه : ولا حاجه يا روحي بهزر معاك تعالي هقولك علي حاجه هتعجبك والله ومسكت ايده
عاصي : خير يارب ؟
ندي : بص انا اللي باقيه ليك صدقني انت تعد هنا وانا اروق عليك مسكات بقا واستشوار ولو عاوز حمام مغربي متاح برضو الشغل مش باقي ليك انا اللي هفضل معاك اسمع مني اسمع
عاصي بغضب : ابعدي يا ندي انا فاضي للقصص دي انتي كمان
ندي قعدته بالقوه وقالت برجاء :لو بتحبني خليك علشان خاطري
عاصي قعد بقله صبر : انجزي يا ندي عوزه تعملي ايه
ندي جابت المسكات والحجات وفضلت تحط ليه وبصت ليه : عاصي انت حلو اووي
عاصي بغمزه : مش وقت غزل فيا علشان انا هلكان وحياة امك
ندي بضحك : خلاص مش هعمل حاجه وجابت مقشر الشفايف وبتحط علي شفايفه
عاصي بغضب : دا اييييه يا ندي بتحطيلي روج
ندي : لا والله دا مقشر لشفايف استني بس اسبت مش كل شويه تتحرك
عاصي : طيب البتاع اللي علي وشي دا جبس كدا ليه
ندي حسست علي الماسك وبدأت تقشر : اوعاااا علي الجمال دا انت بتجيب نتيجة عني ياااض
عاصي :في وحده بتقول لجوزها يااض والنبي
ندي شالت المسكات والمقشر وبقا شكله حلو اووي بعدت وبصت عليه : يلهوووي علي حلاوتك يا عاصي شكلك جميل اوي استني استني ابوسك وراحت عنده وباستها من خده الشمال واليمين ودقنه
عاصي بضحك : بوستي كل حاجه والبوسه المهمه مقربتيش ليها
ندي بخجل : علشان انت سافل
عاصي بغمز شدها عليه : عاصي ابوس انا سافل سافل وباسها بقوه وحب
ندي بعدت عنه بخجل :عاصي يا جوزي انت قليل الادب ومش محترم ومش متربي ونسوانجي كمان
عاصي بضحك : يعني انا من بوسه بقيت كللل دوول
ندي : اااه كنت هنسي خليك مكانك لما اقيس الهدوم اللي كنت عوزه اوريهم ليك
عاصي : ماشي قاعد مكاني اهو
ندي لبست سو تيشيرت ابيض وبنطلون ابيض وجاكت بامب اسود وهاڤ بوت اسود وطلعت لعاصي : هااااا ايه رأيك ؟
عاصي بص ليها وهو بيشرب السيجاره : هو مش دا السو تيشيرت بتاعي برضو ولا انا متهيألي
ندي وجعت شعرها لورا بفخر : هو بعينه يا حبيبي بس عادي انا وانت واحد
عاصي : اممم طيب تمام هتلبسي دا فين بقا ؟
ندي بصت ليه : لما نخرج سوا
عاصي بصت ليها وفضل ساكت : ايواا يعني انتي هتمشي معايا بالبنطلون دا لفيلي كدا يا حبي
ندي لفت : في ايه في الطقم يا عاصي ما هو حلو اهو
عاصي نفخ مفس سيجارته في الهوا : ايواا ما هو جميل وتحفه ورهيب بس ليا بس انما هتلبسيه وهتخرجي معايا مرفوض يا حبيبي
ندي حطت ايدها في وسطها : ليه انشالله
عاصي : انتي عرفه انا عندي الجريمه اللي بجد هو انك مش عرفه انا مش هلبسه ليكي ليه يعني انتي شيفاني معلق اريل علي دماغي يا ندي وانا مش واخد بالي
ندي بدلع وهي بتحاوط رقابته : يا روحي والله الطقم تحفه بس اسلك بس
عاصي : خدي بالك يا ندوش انا مفيش حاجه بتغريني في الست علشان تبطلي حركاتك دي بس انا ايوا بموت فيكي وبضعف قدامك لكن الضعف لما يجي في الغلط يبقي ملوش لازمة يا قلبي وانشالله تفضلي من هنا لسنه الجايا تترجيني البسك الطقم دا هقولك لاء المهم انا رايح اخلص شغلي وقام طلع برا
ندي بصت لنفسها في المرايا : ايوا القطم محدد جسمي مينفعش وراحت لبست البجامه بتاعتها وطلعت لعاصي اللي كان منسجم في الشغل قعدت جنبه وحطت راسها علي كتفه عاصي شدها واخدها في حضنه وفضل يشتغل وهي تلعب بفونه وتتفرج علي صوره
.......................
في شقة نسمه
نسمه قاعده في حضن قاسم
نسمه : قاسم انت متغير ليه يعني بقيت تضحك علي اقل حاجه هو ربنا يفرحك ديما بس ايه السبب
قاسم ببتسامه : مرتاح جوايا مرتاح يا نسوم انا شوفت كابوس لو كان حقيقه كانت حياتي هتكون مدمره ومنتهيه
نسمه : استغفر الله العلي العظيم ايه الكابوس دا احكيلي
قاسم شدد من حضنها : لاء مش حابب اتكلم كلميني انتي شويه عن البيت
نسمه : مفيش حاجه في البيت مختلفه يعني كل حاجه عاديه زهره خلصت امتحانات ومستنيه النتيجه وانشالله هندخلها ثانوي وزي ما انت شايفها كدا يا قعده معايا يا مع البنات تحت يا في اوضتها بس كدا وانا بخير طول ما انت جنبي
قاسم باس دماغها : ياروح قلبي انا جنبك طول حياتي المهم يا نسوم انا عوزك تخدي بالك من كل كبيره وصغيره في حياتنا تخدي بالك من زهره انا في الشغل طول الايام ومش عارف ايه اللي بيحصل يا زهره انتي هنا هتكوني الام والاب في غيابي يا قلبي
نسمه : انا مش عرفه ليه بتقولي الكلام دا بس صدقني انا بكون ليها ولاسر الام والاب في غيابك والله وربنا يخليك ويحميك لينا يارب
قاسم : امين يارب يا حبيبي ويخليكي ليا يا روحي
..........................
في شقة غسان ونور
نور بعياط : يا غسان انت مبقتش تعد معايا اصلا شغلك واخد كل وقتك وانا بكون عرزاك جنبي ومش بلاقيك
غسان بمواساه : ايوا عارف والله اني واطي ومقصر في حقك حصل وقال في نفسه انا عارف انها ليله طين في ام الهرمونات عاارف
نور بعياط : وكل حاجه ريحتها وحشه وطعمها وحش قرفانه من كل الاكل حتي النوم مبقاش حلو
غسان حضنها : ليه يا روحي طيب قوليلي عوزه تكلي ايه وانا هجيبه ليكي والله العظيم يا حبيبي
نور ضحكت : فاكر فيلم الباشا تلميذ لما كان بيقول بسيوني بسيوني
غسان مسح وشه : ايوا فاكر يا روحي
نور بضحك : كان بيقولها بطريقه حلوه اووي بسيوني بسيوني
غسان بضحك : حازم حازم
نور : غسان انت بتجاربني في الكلام وخلاص والله اعيط تاني
غسان : فيييي اييه بقااا انا ساااكت بقالي 7 شهور يا نور انا لو عااارف ان دا كان هيحصلي بالله مكنت لمستك ولا قربت منك ولا حتي اتجوزتك
نور : ااااه ندماااان انك اتجوزتني يا غسااان
غسان مسح وشه بغضب وابتسم وحضنها : لاء يا قلبي انزم اندم ايه يا عمري دا انا كسبتك من الحياه يا نور والله
نور حضنته : دفيني بقااا علشان الجو متلج النهارده
غسان شالها وحطها علي السرير وحضنها وفرش البطانيه عليهم : نامي يا قلبي نامي
نور شمت ريحة برفانه في الهدوم :غسان ريحتك جميله اووي
غسان ببتسامه ضمنها اكتر : نامي يا قلبي نامي
........................
في غرفة حبيبه
حبيبه بتكلم اسر فون : يا اسر والله هفهمك الفرح دا بيكون يوم في العمر يعني لازم نفرح
اسر : السهره برضو هتفرحي هنعمل مكان لوجاله ومكان للحريم
حبيبه : بس انا مش عوزه كدا يا اسر انا عوزه اكون معاك ارقص معاك انت مش مع الستات
اسر : ما انا هاجي وهرقص معاكي وبعدين السهره هتبقي جامده هجيب احمد عامر والغمراوي وهتبقي خراب
حبيبه بحزن : مش عوزه احمد عامر ولا الغمراوي بس انت برحتك اللي انت عاوز تعمله اعمله
اسر : بصي علشان مش عاوز ازعلك احنا نتكلم بكرا في التصيل ونشوف هنعمل ايه لان هلكان وعاوز انام
حبيبه : طيب تصبح علي خير
اسر : وانتي من اهله يا حبيبتي وقفل
حبيبه بضيق : هو بيعاملني كدا ليه ايه البرود اللي هو فيه دااا ودموعها نزلت
تكملة الروايه اضغط هناااااااا
تعليقات
إرسال تعليق