رواية حين تقع في الحب الجزء الرابع البارت الخامس والاربعون 45 بقلم ندى على حبيب
رواية حين تقع في الحب الجزء الرابع البارت الخامس والاربعون 45 بقلم ندى على حبيب
حين تقع في الحب 4
البارت الخامس والاربعون
الكاتبه / ندي علي حبيب
مر علي ابطال روايتنا شهرين ونور دخلت في اوائل الشهر التاسع وفرح اسر وحبيبه اتأجل علشان اسر جابه مهمه كليره تبع شغله وكان لازم يروح وبعد اقناع حبيبه بالعافيه انحدد فرحها مع فرحه مصطفي وفرحه في يوم واحد
نيرا اللي نوعا ما اتأقلمت علي الحياه في البلد بس جواها مفتقده حياتها هي حياة نيرا البنت اللي عيشيه بحريه اللي بتنام وتقوم بمزاجها اكتشفت فجأة انها بقت مسؤله علي بيت وعيله وزوج وحست بضيق من كدا
ندي وعاصي اللي حياتهم حلوه مع بعض مزيج من حب ومرح وكا العاده حبهم بيكبر لبعض كل يوم عن اللي قبله
مصطفي وفرحه اللي حبهم زاااد لبعض جدا وغيرة مصطفي اللي بتخنق فرحه بس جواها مبسوطه منها ومصطفي اللي حس ان نصه اكتمل مع فرحه وانه فعلا حبها اللي بيحبه ليها عمره ما حبه لاي حد ولا حتي مراته
غسان ونور اللي حبهم ملوش حدود مع بعض غسان فرحان جدا انه مع نور في حملها لحظه بلحظه وحاسس انه حياته بتكمل ونور جنبه وانه عمره ما تخيل انها تبعد عنه الفكره في حد ذاتها بتوجعه ونور اللي ديما بتتوحم علي حجات غريبه وهرمونات الحمل اللي بتجيها وممكن تعيط علي اسباب تفهه جدا
قاسم ونسمه بقو وخدين بالهم من زهره اكتر من الاول وحياتهم بقت مع بعض عباره عن حب وفرح دايم
عمر ونورهان نورهان مغلبه عمر انها مهبوله بالاكل والطبخ ومش مهتمه بنفسها ودا مجنن عمر بس مش عارف يقولها ازاي وانه اكتر من مره قالها بس برضو مفيش نتيجه بس رغم كل دا بيحبها وميقدرش يبعد عنها
محمد ويمني محمد اللي مشغول 24 ساعه في 24 في شغله ومش فاضي ولا ساعه حتي ويوم اجازته بيعوض تعبه وبينام ويمني اللي مدفونه في تعليم سيف وانها تاخد باله منه وزهقت كلام مع محمد انه يهتم بيها بس سكتت لما ملقتش امل بش جواها مضايق
"يوم جديد علي ابطالنا مع طلوع الشمس الفلاحين في البلد كلهم من الساعه 6 صباحا قامو علشان اللي رايح ارضه واللي رايح يشوف شغله وطبعا الستات كلها قامت علشان يعملو فطار لعيلتهم ودا من عادات البلد الصحيان بدري "
نيرا قامت علي صوت زعيق في الشارع اتحركت في السرير بضيق شديد : فييي ايه ياررب انا عملت ايه في حياتي علشان اجي اعيش في مكان زي دا
كريم طلع من الحمام وكان لابس بنطلون جينز وتيشيرت سو تيشيرت ابيض وبيسرح شعره : صباااحو يا مزه
نيرا اتعدلت علي السرير و بصت ليه :صباح النور لابس كدا ورايح فين علي الصبح كدا ؟
كريم وهو بيعدل طاقيه التيشيرت : انا ياستي رايح اشوف العمال عملو ايه في العماره اللي المفروض صاحبها هيستلمها الاسبوع الجي
نيرا وهي بتعدل شعرها :طيب وانا هكمل نوم ولما تقرب تيجي ابقي رن عليا
كريم :لاء يا حبيبتي انتي كفايه عليكي نوم انتي هتقومي تنزلي دلوقتي تحت مع مرات عمي ناديه وفريده تجهزي معاهم الفطار والغدا وبعد الغدا اطلعي نامي براحتك
نيرا بتعب :يا كريم انا فعلا عوزه انام انا تعبانه ومش عرفه انام ولا من صوت الضفادع بليل ولا صوت الناس الصبح
كريم بص ليها :بكرا هتتعودي علي كل الحجات دي متحطيش انتي حاجه في دماغك بس انتي هنا دلوقتي زوجه يانيرا يعني عليكي وجبات ولازم اقومي بيها
نيرا : طب انا بقوم بكل واجباتي ايه اللي انا مقصره فيه يا كريم ؟
كريم : زي ما عليكي وجبات ليا عليكي وجبات لعيلتي يعني مسؤله انك تطبخي وتنضفي وتبقي ست بيت *واخد فونه ومفتاح* اظن ان كلامي واضح
نيرا بصت ليه : واضح يا كريم واضح
كريم قرب منها وباسها من خدها ونزل من الشقه علي تحت
نيرا ضمت رجلها لصدرها وحطت راسها بين ركبها بتعب : يارب انا زهقت ايه العيشه دي انا مش هقدر استحمل كل دا وقامت من علي السرير دخلت الحمام ورزعت الباب
.................................
" في منزل عائله الالفي "
الكل متجمع علي السفره في بيت نڤين بيفطرو في البعض بضحك والاخر في صمت
غسان :مين اللي عمل البتنجان دا ؟
نور بصت ليه : انا اللي عملته اشمعنا فيه حاجه ؟
غسان ببتسامه :لاء بالعكس حلو اووي علشان انتي اللي عملاه بس يا حبيبتي
قاسم بضحك :انت بتطبل ليها ولا ايه ياعم غسان
غسان بضحك : لاء بلحق نفسي قبل ما يتنكد عليا لبعد ما تولد ب 40 يوم يا غالي
نور بغيظ :قصدك ايه انت وهو ما البتنجان زي الفل اهو ماله يعني *وبتاكل حته سكتت وبصت ليهم * هو حادق شويه
عاصي :شويه يعني مش متأكده انه بيحرق الزور صح ؟
نور بصت ليهم : يعني انا ساكته من ساعتها ومش راضيه اتكلم يا استاذ عاصي مراتك هي اللي حدقته علشان هي اللي حطه الملح
عاصي بص لندي :دا تحفه دا انا عمري ما دوقت بتنجان بالحلاوه ولا بالجمال دا دا كفايه ان ايدك بس مسكت المعلقه وحطيتي الملح
اسر بضحك :انت بتلحق نفسك انت كمان ؟
عاصي :اسكت يابا دول عليهم بوز اطول من برج خليفه
ندي قرصته من رجله بغيظ :تقصد ايه يا عاصي بيه علي الاقل انا بعمل حاجه شغلي في البيت مش زيك اصحي كل يوم البس واجهز نفسي علشان اروح الشغل اقلع واكمل نوم تاني
عاصي بغمزه : وانا بقلع وبكمل نوم بس يا ندوشي ؟
ندي بغضب :لاء يا سافل يا قليل الادب بتعمل ووو
عاصي بضحك :بس بس بس انتي هتقولي ايييه اهدي مش كدا
ندي بصدمه استوعبت انها بتفطر مع العيله والاكل قاعد ميت من الضحك عليهم قالت بهمس :عاصي يااارب الاوض تنشق وتبلعني يارب
عاصي حط ايده علي كتفها بضحك : عليا النعمه اللي هيضحك علي مراتي لهطلع ميتينه قولي اللي انتي عوزاه يا روحي
محمد وهو بيكح: خلاص يا جماعه احنا نقوم نروح شغلنا علشان احنا لو قعدنا اكتر من كدا مش متحركين النهارده
يمني بغيظ : ما هو دا اللي انت شاطر فيه تروح الشغل وايجي من الشغل تنام
محمد بص ليمني بنظره هي فهمتها وسكتت
محمد بغضب :هتقومو يا رجاله ولا امشي انا
غسان : ما تهدي يا عم في ايه هو الشغل هيطير اصبر لما نخلص كوباية الشاي
يمني من غير ما تبص ليه : ابقي هات لبن وانت جي بليل علشان سيف بقالو اسبوع مشربش لبن
محمد بص ليها ببرود :طيب في اي حاجه تانيه اجيبها وانا جي ؟
يمني :شكرا
قاسم حس بحاجه بينهم حب انه ينهي الحوار لان متأكد انه لو قعد شويه كمان هتحصل خناقه : انا بقول يلا علشان اتأخرنا
غسان بص لقاسم ومحمد وقام :يلا اي حاجه عوزينها وانا جي اجيبها ؟
نور بصت ليه :لاء يا حبيبي ترجع بسلامه
غسان مشي ومعاه قاسم ومحمد نزلو علي الشغل وبعدها عاصي قام راح علي شغله وعمر معاه
نور :الصبايا بتوع البيت عليهم انهم يرتبو البيت من تنضيف وكله واحنا علينا الطبيخ
يمني بضيق : نور انا هروح البيت مش جاي ليا مزاج اعمل اي حاجه خالص
نسمه مسكت ايدها :هو ايه اللي مليش مزاج خدي يا بت اعدي هنا في ايه مالك انتي متخانقه مع جوزك صح ؟
يمني بدموع :مش متخانقه مع حد يا نسمه انا فعلا مش طايقه نفسي سبيني اروح علشان مش عوزه اعيط
نور :ما انتي عيطي وانتهي الحوار اعدي بقا واحكي في ايه ؟
يمني قعدت بدموع :يا نور كل يوم يجي بليل الساعه 10 بكون خلصت مذاكره مع سيف وعوزه اعد معاه الاقيه دخل اخد شور ودخل نام اجي اتكلم معاه انا هلكان ومش عاوز صوت ويجي يوم الجمعه بقول هيعد معايا يفضل نايم لحد العصر ويجي ينزل مع الرجاله القهوه وانا ولا معتبرني حاجه في حياته ولا عاوزني اسأل انت بتعمل ايه وبتروح فين انا زهقت
نورهان :وانتي مش بتتكلمي معاه ليه مش بتقوليلو انا محتاجه اهتمامك يا محمد ليه؟
يمني بتمسح دموعها : قولت بدل المره عشره قولت انا عوزه جوزي يكون معايا ويفهم انا عوزه جوزي يتكلم معايا دي الناس مش يعاملني كأني ام لابنه ومش زوجه ليه
نور بحيره :مبقتش عرفه اقولك ايه طيب اقول لغسان يتكلم معاه ؟
يمني :ويقولي بتنقلي اسرارنا الشخصيه برا البيت ؟
نسمه :يبقي النهارده تنيمي سيف وتعدي اجباري معاه تتكلمي معاه وبحركاتك وكلامك هيلين واكيد بعده عنك دا ليه سبب
نورهان :انا مع نسمه في كلامها لما يجي تتكلمي معاه ودلوقتي قومو نخلص شغل البيت وبعدين نعد نتكلم يلااا
وفعلا كل وحده قامت تشوف شغلها اللي بتغسل المواعين واللي بتقشر البصل واللي بتطبخ والبنات برا بيرتبو البيت
حبيبه دخلت اوضة اسر تنضفها دموعها نزلت شهرين واسر بعيد عنها مش بيتكلم معاها غير 5 دقتيق والشبكة بتفصل وحشها ومش عرفه تتكلم مع مين وفرحه اللي مسكه المكنسه ووقفه في نص الصاله بتكلم مصطفي شات ومبتسمه وندي اللي بتنضف السفره
زهره :استاذه فرحه يا تسيبي المكنسه علشان نكنس يا تسيبي الفون وتكنسي
فرحه بلخبطه :استني هبوسه بس واكلمك ؟
ندي وزهره بصو ليها بصدمه
ندي :تبوسي مين يا بت ؟
فرحه بصدمه :ابوس ؟ انا قولت ابوس محصلش ؟
ندي برفع حاجب :طب خلصي يا فرحه وبعدين بوسي واحضني يماااا
فرحه قفلت الفون وحطيته في جيب البجامه بتاعتها وشغلت المكنسه تكنس :منك لله يا مصطفي يا قليل الادب
ندي :حبيبه.... حبيبه انتي يابت
حبيبه من اوضة اسر :نعم يا ندوش
ندي :شغلي لينا حاجه فريحي كدا عوزين نكنس ونضف بضمير يا ابت
فرحه بسرعه :هشغل ليكم انا استنو وشغلت اغنية * ملكة جمال الناس *
ندي بلوية بوز :انتي انسانه عيشه قصة حب ممحونه احنا ناس خلاص بقت مسؤله عن زوج وحياه غيري الاغنيه
فرحه :مش مغيره الاغنيه حلوه وعجباني اللي عايز يسمع يسمع واللي مش عايز ميسمعش
ندي :احترمي نفسك يا زهره احسن ما اجيبك من شعرك
فرحه :انا لسه سكتالك يا حبيبه ومش عوزه اقل ادبي عليكي احتراما ان ممكن تكوني حامل وتسقطي ؟
ندي لفرحه :لاء والنبييييي حونينه يا بت غيري الاغنيه يا فرحه
فرحه :اشغلك اييه مبحبش اغاني البلطجه اللي انتي بتحبيها دي
ندي :زهره انتي وحبيبه رحبو بالعقربه الرابعه بعد اميره ونورا واسماء مصطفي غيرهاااا يا بنااات
فرحه :خطيبشي ميجيش علي لسانك يا بتاعة عاصي
ندي وهي بتصقف علي ايدها :استني يماااا ومالو عاااصي يا بتاعت مصطفي
فرحه :انا مش متكلمه معاكي علشان الصمت اغة العظماء !
ندي :وانتي مالك ومال العظماء يا فرحه مش فهمين ؟
زهره حبيبه :اوعااااااااا وشك يا ندوووش يا جامده
ندي :غيري الاغنية احسن ما اغير اعدادات حياتك انجزي
فرحه بغيظ جابت اغنية* لو جي في رجوعي انساني *
ندي :غيري مبحبهاش
فرحه بغضب :نجيب ليكي ايه بقاااا مفيش اغنية في مصر عجبتك
ندي بقرف :اخرسي هجيب انا وجابت اغنيه * شوبراااا *
ندي :شوبرااااال وبنات شوبرااا يلا نضفو بضمير بقاااا
فرحه بغيظ :هي دي الاغاني الجميله الحلوه ؟
ندي بتخبطها في كتفها بكتفها :حااااسب ياعم اممم حاسب يا اخويا حاسب يا ابويا حاااااسب يا شقييييييق ما انا برضو من السيده واعرف كل الافئده مش عجبك يا ماما متسمعيش
وفضلو يرتبو في البيت وهما بيرقصو ويسقفو بمرح
...............................
في البلد
الساعه بقت 12 الضهر ونيرا لسه نازله لقت اميره واسماء ونورا قعدين في المندره بتاعت البيت وناديه وفريده بيطبخو ولكن في ست كبيره في السن قعدة جنب الجد
نيرا نزلت :السلام عليكم ازيك يا جدو
الجد :تعالي يا نيرا ازيك يابنتي تعالي سلمي علي جدتك وفاء الخير والبركة تبقي جدت كريم ام امه
نيرا راحت عندها وباست ايدها :ازيك يا جده اخبارك صحة حضرتك ايه
الجده وفاء :دي مرات كريم يا حبيب
الجد :ايوا مرات كريم يا حجه وفاء
الجده :وانتي ايه اللي منزلك متأخر كدا يا نيرا مش من الاصول ان الست تنزل مع جوزها وهو رايح شغله
نيرا :انا كنت هنزل معاه بس هو رفض
الجدة :طيب مش هتورينا طبيخك ولا ايه يا عروسه ؟
نيرا بصدمه :اطبخ ! اطبخ ايه ؟
الجدة :اللي اعرفه في ميت طريف ان العروسه هي اللي بتطبخ لاهل العريس ولا ايه يا حبيب
الجد :انا عارف بس هي ليه البنيه صغيره ولسه بتتعلم
الجده : صغيره مكانتس تتجوز وتشتال مسؤلية راجل ودا اللي اتعلمناه واللي نعرفه والاصول اصول
نيرا :حاضر يا جدتي هعمل اللي حضرتك تقولي عليه عوزاني اطبخ عيوني هطبخ لحضرتك اللي انتي عوزاه وراحت علي المطبخ تحت نظرات الشماته في عيون العقارب
نيرا بغيظ في نفسها :ودي جتلي منين هي كمااان كنت ناقصه والنبييي دي اكيد هتبيتني تحت مفيش نوم
( انتظرو القادم )
"لم يُعد يعنيني صوت الرسائل،
لأنني أثق، أنها ليست من شخصي المُفضل." 🖤
تكملة الروايه اضغط هناااااااا
اللي عاوز تكملة الروايه يعمل انضمام👈 من هناااااا
الرواية كامله👈( حين تقع في الحب)
اضغط على اسم الروايه 🖕🖕🖕🖕
تعليقات
إرسال تعليق