مجمع الروايات الكامله والحصريه فقط اضغط على اسم الروايه موجوده كامله في موسوعة القصص والروايات جميع الفصول مع البرنس محمد السبكي قصص وروايات كامله يسعدني تواجدكم معنا في المدونه

اسكريبت غادر حياتي الفصل الرابع 4 الأخير بقلم سولييه نصار

اسكريبت غادر حياتي الفصل الرابع 4الأخير بقلم سولييه نصار

الجزء الرابع♥️شكرا علي تفاعلكم السكر ♥️بقلم سولييه نصار♥️

-اتفضلي وقولي ...

قالها حسام بهدوء فقعدت بتعب علي الكرسي وبدأت اتكلم واقوله كل حاجة ...حقيقي معرفش ليه قولتله اللي مقدرتش أقوله لعيلتي...بس انا بطريقة ما وثقت فيه وبدأت اتكلم واحكيله عن قصتي أنا وعمار وازاي حبينا بعض ووعدني أنه هيتقدملي وفعلا أخد رقم عمي وعيشني في احلام كتير ...رسملي حياة فضلت احلم بيها كل يوم ....طلعني السما بس فجأة جابني علي الأرض وك*سر قلبي بطريقة صعبة لما اكتشفت أنه اتقدم لبنت عمي ملك وكان واخدني تسلية وعشان طبعا  ملك وأني  مكنتش حاكية لحد علي قصتنا اضطريت اسكت  وانا بشوف احلامي معاه بتحققها ملك ...بس عمري ما كر*هت ملك بالعكس كنت زعلانة أنها مخد*وعة في واحد زي كده ....

قولتله كمان علي رغبة عمار أننا نرجع وهيسيب ملك ...قولتله قد ايه هو و*اطي وحقي*ر وبيلعب عليها ...

من الاخر قولتله كل حاجة وانا بعيط والمفاجأة كانت اني ارتاحت اوووي لما حكيت كأني كنت مستنية افضي اللي في قلبي ....

اتنهدت وبدأت امسح دموعي وبصيت لحسام وانا متوقعة أن أكون قليت من نظره بس بالعكس كان بيبصلي بهدوء وقال:

-وانتي هتسيبيه يخد*ع بنت عمك.. اللي انتي معتبراها اختك !  انتي هترتاحي بالشكل ده ...

دموعي بدأت تنزل تاني فقال :

-ليان أنا مش قصدي ازعلك والله ولا اخليكي تحسي بالذ*نب ...بس انا مش عايز انك تخضعي للابتزا*ز ده ...بالعكس انتي في موقف اقوي لما تقوليلهم علي حقار*ته وأنه بيلعب بيكي انتي وبنت عمك ...شوفي يا ليان نصيحتي ليكي واتمني انك تنفذيها  تروحي فورا وتقولي لعيلتك ...بنت عمك هي اللي هتتد*مر لو استمرت في الجوازة دي ...

-وتفتكر لو قولتلها مش هتزعل ؟!

قولتها بحزن فقال هو بسرعة:

-هتزعل طبعا محدش قال العكس ...بس أنها تزعل دلوقتي شوية وبعدين تفوق احسن ما تندم طول حياتها لأنها اتجوزته فاهماني ...

بصيت له وانا بفكر أن كلامه صح اوووي ...مفروض مكونش جب*انة واتكلم ...أنا لازم اقول لعمي وملك ومرات عمي الحقيقة ...لازم يعرفوا حقيقة البني ادم ده ..

هزيت راسي وانا بقول:

-عندك.حق هقولهم النهاردة ...

بعدين قومت عشان امشي ووقفت شوية وقولت:

-بالنسبة لعرضك لو لسه متاح فأنا بطلب فرصة اطول للتفكير ...

ابتسم براحة وقال:

-اكيد ...وقت أطول أهون من الرفض ...بالتوفيق ...

........

بالليل .....

كان عمار جه ودي كانت فرصتي المناسبة اني احكي كل حاجة قدام العيلة ...مكانش هاممني اي حاجة ...كلام حسام شجعني ...أنا غل*طت لما ارتبطت بشخص زيه ...بس مش هسيب بنت عمي تقع مع شخص زيه ويد*مر حياتها ....

طلعت الصالة وهما قاعدين وقولت :

-عمار مش لازم يتجوز ملك ...

كلهم اتصدموا بس عمار ارتبك واتوتر...توتره الواضح كان باسطني اوووي ...

عمي اتكلم وقال:

-ايه اللي انتي بتقوليه ده يا ليان فيه ايه ؟!

اتنهدت وقولت :

-عمار مش كويس لملك ...عمار أحق*ر انسان أنا شوفته في حياتي ....وانا هقولكم علي الحقيقة كلها. دلوقتي !!!

يتبع

الجزء الاخير♥️

-ليان ...

قالها عمار بعصبية فرديت أنا:

-لازم الكل يعرف قد ايه انت حق*ير ...أنا مش هخاف منك ...ملك انضف من أنها تتورط مع حد زيك ...وبعدين بصيت لعمي وقولت:

-الاستاذ يا عمي اوه*مني بالحب وقالي أنه هيجي يتقدملي منك عشان اتصدم أنه اتقدم لملك ولما كلمته قال إني مجرد تسلية ورغم كده انسحبت بهدوء ورفضت اتعامل معاه ....

بصيت لملك اللي دموعها نزلت وقولت وانا قلبي بيو*جعني:

-بس للاسف اتضح أنه أحق*ر انسان علي الأرض لما بدأ يتقرب مني تاني...كان دايما يبعتلي رسايل وانا مبردش ...بيطلب فيها أننا نرجع.   

اديت الموبايل لعمي وقولت:

-اقرا الرسايل بنفسك يا عمي ...

مسك عمي التليفون وقرا الرسايل وانا كانت عيني علي ملك اللي بتعيط ...كان نفسي اروح واخدها في حضني ....

بعد ما خلص عمي بصيتله  وقولت:

-انا مش هنفي غل*طي أنا غل*طت لما ارتبطت بيه وغلطت لما خبيت أنه واحد لا يؤتمن بس مقدرتش اشوف ملك بتتخد*ع واسكت ...أنا مستعدة لاي عقا*ب منك يا عمي ...

-جيبي الشبكة يا ام ملك ...

ملك قعدت علي الكرسي وبدأت تعيط جامد ...روحت بسرعة ليها وحضنتها  ....

جابت مرات عمي الشبكة عمي مسكها ورماها في وش عمار ...بعدين مسكه من قميصه وقال:

-عارف لولا أني راجل بخاف من ربنا كنت اخدت الشبكة وحس*رتك عليها يا ح*يوان ....خد شبكتك وغو*ر غو*ر يالا ...

بعدين مسكه هو وشبكته وجره ...كان باين علي عمار الغضب بس مقدرش يعمل حاجة ...عمي فتح الباب وطر*ده .....

.......

بعد ساعة ...

دخلت الاوضة لقيت ملك نايمة علي السرير ودموعها بتنزل قربت منها وبعدين قولت:

-انتي مش هتسامحيني علي اللي عملته صح ....

قامت ومسحت دموعها وقالت:

-وانتي عملتي ايه ؟!انتي انقذتيني منه ...أنا بشكر ربنا علي وجودك ...معرفش لو كنت اتجوزته كان ايه اللي هيحصل ....

قربت منها وقعدت جمبها وقولت:

-افتكرت أنه فعلا بيحبك وقولت خلاص يمكن يكون مناسب ليكي خصوصا اني شوفت الحب في عينيكي لكن لما بدأ يتقرب مني عرفت أنه مش كويس بيلعب علينا احنا الاتنين ...واخيرا النهاردة بقا عندي شجاعة واتكلمت ...

بصيت لي بحيرة وقالت:

-واتشجعتي ازاي عشان تحكي بالشكل ده ...

اتنهدت وقررت احكيلها كل حاجة ...

بعد ما خلصت لقيت ملك بتبتسم وبتقول:

-اها قولتيلي حسام ...امتي ناوي يتقدم ...

ابتسمت بتوتر وقولت:

-يا بنتي أنا مدتلهوش الرد اصلا ...يعني لسه بفكر ...

ضحكت هي بخ*بث وقالت ؛

-بتفكري برضه ؟!والله انتي نصا*بة ...

وبعدين بدأنا نضحك جامد ....

.......

عرفت بعدين أن عمار ساب الشغل وسافر وطبعا عملتله بلوك من كل وسائل التواصل وغيرت رقمي ...

.....

مر اسبوعين علي الموضوع ده.وكنت اخدت قراري خلاص ....

دخلت علي مكتب حسام وانا مبتسمة بإشراق وقولتله :

-فاضي يوم الخميس بالليل ...

بصلي بحيرة وقال:

-ايوة ليه..

ضحكت وقولت:

-اصل أنا اخدتلك معاد من عمي عشان تتقدم ...

وبعدين طلعت برا وانا بضحك وحاسة قلبي بينبض بسرعة ...

....

وفعلا جه الخميس وهو اتقدم ليا واتفقنا أن الخطوبة بعد اسبوعين .. .

.......

في قاعة الخطوبة .....

كنا قاعدين جمب بعض عشان نلبس الخواتم...كان قلبي بيدق بطريقة عنيفة ...كنت مبسوطة اوووي مش مصدقة أن من كان اسبوع بس كنت حاسة ان الدنيا س*ودا في وشي وان دلوقتي ده كله اتغير ...

لبسني الخاتم في أيدي وقال وهو مبتسم:

-انا بهديكي قلبي حافظي عليه ♥️

ابتسمت بشغف وقولت:

-وانا ههديك حياتي كلها مش قلبي بس♥️

ربنا بيعوض بيمنع عننا الش*ر عشان يدينا الخير كله ...مظنش كنت هكون سعيدة كده مع عمار ....عمار راح والحمدلله وجالي اللي افضل منه مليون مرة واللي بتعاهد دايما اني هكون ونعم الشريكة ليه ....

بصيت علي ملك لقيتها بتتكلم مع اخو حسام ومنسجمة...ابتسمت بحب وانا بفكر أن ممكن ملك كمان يكون عوضها قريب ...

تمت 

اكتب ف بحث جوجل موسوعة_القصص_والروايات 

الرواية كامله اضغط هناااااااا