رواية أحببت منتقبه الجزء الأول الفصل التاسع 9بقلم ياسر الأنصاري
رواية أحببت منتقبه الجزء الأول الفصل التاسع 9بقلم ياسر الأنصاري
((( أحببت منتقبة))) .. شكرا لدعمكم العسل دا ♥️
"الجزء الاول البارت التاسع" ..... وبارت طويل اهو 😂💙
مصطفي. يبني لسا بدري وبعدين باتو النهارده وبكرا يعدلها ربنا
صهيب. لا لا معلش دي ليلتي يا عمي سبني علي حريتي. يلا السلام عليكم.
خرجو هو ومحمود بس وقف قدام الزهراء وعمل نفسه بيربط جزمته وقالها. هانت خلاص يا قمر 💙
سابها واتحرك وهي عندها ميكس بين فرحه وكسوف ولخبطه.
ولسا بيفتح الباب
صفاء. يا صهيب يبني انتا نسيت حاجه مهمه اوووووووووووي
صهيب وقف. خير يا ست الكل نسيت ايه !
صفاء. الروئيه الشرعيه يا حبيبي ودا حقك
صهيب بابتسامه. وتفتكري ممكن أنسي حاجه زي دي
صفاء. امال مطلبتهاش ليه !
صهيب . علشان مش محتاجها
الزهراء باندهاش. مش محتاجها ؟
صهيب. افهموني يا جماعه. انا قصدي اني مش نظره فيها تخليني اغير راي ولا غيره انا حبيت الزهراء بدون ما اشوفها حبيت دينها واحترامها وكسوفها وكل ما فيها. وع العموم عشان متزعلوش ودا حقي فعلا.. بكرا أن شاء الله هشوفها قبل الخطوبه وع الأقل ف وجود امي عشان نعوضها ع السرعه دي ومتزعلش مننا.
صفاء بفرحه. ربنا يبارك فيك يبني انا مطمنه اوووووووووووي علي بنتي معاك كل لما بشوفك بتتكلم عن امك او اختك او محمود بيه بجد ببقي مبسوطه خالص
صهيب بابتسامه. ربنا يخليكي لينا يا ست الكل يلا السلام عليكم
خرج صهيب ومحمود وركبو العربيه.
محمود. اقسم بالله مجنون
صهيب بضحك. شوفت بقي مش لوحدك انتا واميره اهوو
محمود. مكنتش اتخيل انك معدي مراحل الجنان با الطريقه دي بس بصراحه الزهراء تستاهل اكتر من كدا الف مليون مبروك يا حبيبي وعقبالي بقي.
صهيب. الله يبارك فيك يا حبيبي. الزهراء تستاهل اكتر من كدا .وبعدين اصبر يا عم كلهم عشر ايام وتحصلني
محمود. ع خير باذن الله. المهم فكرت تقول ايه الكبيره بتاعتنا !
صهيب. سيبها عليا بس. بقولك ايه اهو مطعم كبير تعالي نشوفه
نزلو اتفقو مع صاحب المطعم وكلم عم مصطفي وقاله أنه اتفق ع حوالي 200_300 وجبه ومصطفي قالو كدا كتير وقفلو مع بعض
ركبو العربيه وروحو البيت
صهيب اول لما دخل شاف أمه. السلام عليكم عامله ايه يا امي
عائشه. وعليكم السلام ورحمه الله وبركاته. الحمدلله بخير طمني عليك انتا
صهيب . انا بخير الحمدلله متزعليش مني يا امي والله العظيم غصب عني أنا حسيت اني روحي بتتسحب مني
عائشه. ولا يهمك يا حبيبي مره ع قد نفسك انتا طول عمرك مرفعتش صوتك عليا ولا مره.
صهيب. بص لمحمود. وانتا كمان حقك عليا يا محمود انتا وهدير بسبب اخر مكالمه وانا رايح الشرقيه.
محمود. ولا يهمك يا حبيبي المهم يلا بقي ادخل في الموضوع انا هموت وأشوف رد فعلها ايه.
صهيب. حاضر. بس فين البت هدير.
عائشه. فوق ف اوضتها
صهيب فضل ينادي لحد لما نزلتله وحضنته
صهيب. القمر بتاعي عامل ايه
هدير. انا كويسه يا حبيبي
صهيب. طيب الحمدلله أقعدي بقي عشان عاوز اقول كلمتين لامك وتكونو كلكم موجودين
عائشه. خير يبني قلقتني
صهيب حكالها كل حاجه من اول يوم في الدراسه لحد من ساعتين فاتو
عائشه. بكرا !
صهيب بضحك. اه بكرا يا قمر
هدير. صهيب انتا بتتكلم بجد
صهيب . اه والله بجد. ويلا بقي الي معاه حاجه يلحق يجهزها عشان هنتحرك من هنا الصبح
عائشه. طب والتجهيزات يا حبيبي
صهيب. كله خلص يا أمي بس دا ميمنعش أننا نتقل عليكي انتي والبت القمر دي وتكونو معاها في الكوافير وتجهيزاتها هي.
عائشه بابتسامه. والله العظيم مجنون. بس مفيش اجمل من جنونك دا.
وقامت حضنته وبتباركله وهدير كمان
عائشه. متنساش تدعي أعمامك وخلاتك وعماتك واخوالك وأولادهم
صهيب . حاضر يا امي هتحرك انا ومحمود الصبح بدري ادعيهم وبعدين نتحرك ع الشرقيه
صهيب سابهم لانه فصل من قلة النوم وطلع نام مصحيش
غير وأمه بتقوله الساعه 8
صهيب قام بسرعه. صباح الخير يا امي
عائشه. صباح الفل يا حبيبي . ع فكره في حد كلمني لا يمكن تتخيل هو مين
صهيب. مين يا أمي ؟
عائشه بضحكه. حبيبت القلب الزهراء يا عمري
صهيب. اتنفض من مكانه. بجد طب ازاي جابت رقمك منين وقالتلك ايه وقولتيلها ايه ؟
عائشه بتريقه. والله انا هجاوبك ع الي اعرفه والباقي اسالها هي بقي
صهيب. بترديهالي يا عائشه. قولي بقي بالله عليكي
عائشه. ماشي صعبت عليا خلاص . جابت الرقم من ابوها الي كلم محمود واخد الرقم منه. قالتلي ايه بقي قالتلي كتييررر اوووووووووووي واضح انها هتبقي بنتي التانيه
صهيب بابتسامه. تسلميلي يا ست الكل
عائشه. يلا قوم ادعي حبايبك عشان نتحرك
وبا الفعل صهيب قام ولبس واتحرك يدعي أهله من أبوه وأمه. والكل ع قد ما فرحان بس مستغرب من الاستعجال
صهيب خلص دعوه وروح البيت كان الكل جاهز كلم مصطفي
صهيب. السلام عليكم. كيف حالك يا عم مصطفي
مصطفي. وعليكم السلام ورحمه الله وبركاته. صحي النوم يا دكتور فينك كل دا
صهيب. في البيت اهو هنتحرك حالا.
مصطفي. طيب يلا يبني احنا مستنيكم وهات كل حاجتك لليله النهارده انتا مش هتروح تاني
صهيب. حاضر يا عمي احنا مسافه الطريق.
وقفل المكالمه واتحركو كلهم للشرقيه وكانت الطريق كلها عباره عن فرحه وضحك وهزار وهدير وامها بيغلسو علي محمود وصهيب
هدير. كدا بقي واحد مجنون اميره. وواحد مجنون الزهراء ويا عيني ع الحلو لما تبهدله الايام(( وبتضحك))
صهيب بضحك. اقسم بالله يا دكتوره البها*يم انتي لو ما تلميتي لتعرفي شغلك
محمود. مبقاش غيرك انتي يا شبر ونص تتكلمي معانا اتوكسي(( وبيضحك ))
عائشه بابتسامه. مش هتقدري عليهم يا بنتي خليكي ساكته احسن
وصلو الشرقيه والكل في ترحابهم اتفاجاو بحد ميعرفهوش صهيب ولا محمود بيسلم ع صهيب ويحضنه
مصطفي بضحكه. عرفته يبقي مين يا صهيب
صهيب. لا والله يا عمي بحاول بس مش عارف
مصطفي. متتعبش نفسك دا يبقي ابني صابر اخو الزهراء كلمته من امبارح ولسا واصل
صهيب بفرحه . اه حمدالله علي السلامه يا غالي معلش بقي متاخدش ع خاطرك بس مكنتش اعرفك والله
صابر. ولا يهمك يا دكتور
دخلت الستات جواه مع بعض وعائشه مفيش ع لسانها غير كلمه واحده وبس.
عاوزه اشوف مين القمر الي خطفت قلب ابني صهيب
الزهراء. طلعت مره واحده وقالتها. ازيك يا طنط
عائشه شافت بنت جميله جدا جدا هاديه والإبتسامة ع وشها
عائشه باستغراب. ما شاء الله اللهم مبارك اوعي تكوني انتي الزهراء !
الزهراء بزعل. ايه منفعش يا طنط
عائشه. متنفعيش ايه امال مين الي ينفع بس تعالي ف حضني يا حبيبتي وفضلو يتكلمو كتير
صابر. يا دكتور ف ناس برا بيقولو أنهم من طرفك عاوزين يعرفو المكان الي هيعملو فيه الليله
صهيب . هما وصلو. يلا بينا يا عم مصطفي.
محمود. مش لو قاعه كانت تبقي احسن
مصطفي. عاداتنا كدا يبني. والدكتور عجبته الفكره وهتعجبك انتا كمان أن شاء الله
صهيب خرج هو ومحمود ومصطفي وصابر وبيتكلم مع الناس.
بص يا غالي عاوزينها في المكان دا الي قال عليه عم مصطفي بص بقي انا عاوز الليله مقسومه نصين الاول بتاع للرجاله ودا مش هيحتاج شغل كتير. والنص التاني للستات ودا بقي مش عاوز جزء ابره يبان منه المكان كله يتقفل معاده الباب بتاع الدخول ودا هيكون واقف عليه محرم.
صابر بابتسامه . وانا موجود
صهيب. تسلم يا حبيبي ونتعبلك يوم فرحك أن شاء الله
الراجل. يعني حضرتك تقصد فرح اسلامي!
بصهيب. با الضبط كدا
الراجل. طيب سبلنا الليله خالص واوعدك انك هتدعيلنا ..بس ال دي جي اسلامي بردو
صهيب بدون تردد. اه طبعا اسلامي
الراجل. تمام يا دوك
دخلو جواه وكان قاعد محمود ومصطفي وصهيب وصابر مصطفي. يا ام الزهراء. هاتي الزهراء وتعالو كلكم هنا
صفاء. حاضر يا اخويا.
خرجو كلهم بما فيهم هدير وعائشه
مصطفي بابتسامه . طبعا حقك تشوف خطيبتك يا صهيب
صهيب بابتسامه. طبعا يا عم مصطفي
محمود. طب استأذن انا هولع سيجاره بره واعمل مكالمه وراجع.
ابتسم صهيب ومصطفي. لانهم عرفوا أنه فهم وابن اصول
اول لما خرج محمود. الزهراء رفعت النقاب ويا لها من رفعة نقاب
صهيب مكانش قادر يرفع عينه بس افتكر أنها مره واحده وبس ولو مشفهاش دلوقتي مش هيشوفها غير بعد كتب الكتاب.
صهيب رفع عينه وتاه في جمالها وعيونها وابتسامتها
والزهراء في قمة كسوفها
صهيب بابتسامه . تبارك الرحمن . اللهم مبارك
مصطفي ضحك. طب كفايه كدا.
صهيب. صمتتتتتتتت
مصطفي. يا دكتور صهيب
صهيب صمت تاااااام ومش رافع عينه منها ومش قادر يرفعها ومش سامع حد اصلا
هدير بصوت عالي. انتا يا روميو عمك مصطفى بيكلمك بقاله ساعه
صهيب. هااااا
مصطفي بضحكه. هااا ايه بس يبني بقولك كفايه كدا ؟
صهيب بزعل . اه اه كفايه عندك حق
عائشه. ما شاء الله علي عروستنا قمر طبيعي تخيل يا صهيب أنها موافقتش تحط نقطه ميكب واحده
صهيب باستغراب. يعني هي كدا مش حاطه ميكب ؟
الزهراء ردت بنفسها. لا طبعا بطبيعتي احلي وانا هحط ميكب لراجل اجنبي بنسبالي ليه !
صهيب بابتسامه. عندك حق ودي اكتر حاجه عجبتني فيكي دينك يا الزهراء.
صهيب. عم مصطفي هطلب منك طلب رخم شويه بس بالله عليك اسمعني وافهم وجهه نظري
مصطفي. قول يا دكتور
صهيب. بصراحه كدا كلام الزهراء صح وحتي بعد الخطوبه انا بنسبالها أجنبي وحدود الخطوبه تجبرني اني الكلام ف حدود وخير الكلام ما قل ودل وكمان ممنوع تكون معايا في مجرد قعده لاني دي خلوه وبصراحه انا عارف نفسي كويس قصاد الزهراء مش هقدر ع دا
مصطفي. عندك حق ف كل دا بس عاوز تقول ايه
صهيب اخد نفس عميق . عاوز اكتب الكتاب النهارده
الكل في حاله استغراب واندهاش من كلمه صهيب
تكملة الروايه اضغط هناااااااا
الرواية كامله من👈( رواية أحببت منتقبه)
اضغط على اسم الرواية ☝️☝️☝️
تعليقات
إرسال تعليق