رواية نور وحمزه الفصل الثاني 2بقلم حبيبة الوسيمي
رواية نور وحمزه الجزء الثاني 2بقلم حبيبة الوسيمي
رواية نور وحمزه الحلقه الثانيه 2بقلم حبيبة الوسيمي
رواية نور وحمزه الفصل الثاني 2بقلم حبيبة الوسيمي
الجزء التاني
بقلم حبيبة الوسيمي
فجاه حسيت بهوا سخن جنبي و الأوضه بقت تزيد سخونه كنت خايفه الف اشوف في ايي بس لفيت ببطئ...
لقيت مستر حمزه !!!
نور بصدمه :مستر حمزه !؟..بتعمل ايي هنا و ايي جو الاشباح دا
حمزه : انا معاكي هنا علشان احميكي و بالنسبه ل انك عاوزه تفهمي انا ازاي جيت هنا ف احب اقولك اني من قبيله من الجن المسلم و نص بشري علشان كدا قدرت اني اكون قدامك مستر حمزه اللي في الشغل معاكي
نور : مش فاهمه بردك انت عاوز ايي ؟!
حمزه : طول عمرك غبيه يا نور
نور بعصبية: انا غبيه يا عفريت ب اربع عيون
حمزه حط ايده علي وشه
حمزه : انا عندي اتنين بس
نور : يا سخيف قولي ياض انت دخلت من البلكونه ولا اتفقت انت و امي عليا و هتتجوزني بالعافيه
حمزه : يارب صبرني ..نور انا عاوزاك
نور : عاوزني فين
حمزه : عاوز اتجوزك انا مش عاوزك تقولي ردك دلوقتي لان انتي لسه مفكرتيش انتي فكري براحتك و قوليلي قرارك
نور : و هو انت عاوزني اصدق اللي بتقوله
حمزه : لانو حقيقه وانا مش هكدب عليكي يعني انا عارف انك مش قادره تستوعبي دلوقتي
نور بصدمه : يعني انت كنت معايا طول الوقت
حمزه : ايوه
نور : يخربيتك انت كنت معايا في الحمام انهارده ؟!
حمزه : مش للدرجه يا متخلفه دا اكيد من الهوا
نور : طب انت عاوز اي بردك
فجاه امي دخلت وانا بتكلم لفيت ليها
ماما : بتكلمي نفسك بردك يابنتي حرام عليكي اللي بتعمليه دا
لفيت تاني مكان ما كان واقف حمزه بس ملقتهوش
الرعب دخل جويا حقيقي ازاي دا يحصل بجد
ماما بصوت عالي : يا بنتي ردي عليا
نور : نعم يا ماما معلش سرحت شويه في حاجه
ماما : لا حول ولا قوه الا بالله ربنا يهديكي يابنتي اخرجي يلا ابوكي جه علشان تتعشي معانا
نور : لا اتعشوا انتم
ماما بزعيق : يابنتي بقا انتي بقيتي زيي العصايه انا هنادي ابوكي و هو يتصرف معاكي بقا
خرجت و انا قعدت و لسه في صدمتي ازاي دا يحصل اصلا انا لازم اكلم حازم
بابا حط ايده علي شعري بحنان :مالك يا حبيبتي ايي بتفكري في اي
نور بحب حضنته : مفيش يا بابا بس ضغط شغل
بابا : ربنا معاكي يحبيبه بابا قومي يلا اتعشي معايا و متقوليش لا
نور باستسلام : حاضر
خرجت معاه و قعدت بس تفكيري كله في اللي حصل واني لازم اكلم حمزه عملت نفسي باكل قدامهم و بعدها قومت دخلت الاوضه و قولتلهم.محدش يدخل لاني ورايا شغل
اول ما دخلت مسكت الفون و كلمت حمزه دماغي هتنفجر من التفكير حقيقي
رد عليا علطول : الو
نور : ايوه يا حمزه انا عاوزه اعرف تفسير اللي حصل ليا دا اييي؟!
حمزه : حصل ايي
نور : حمزه متجننيش بقا انت كنت موجود من شويه في الاوضه عندي
حمزه: وانا هعمل ايي عندك يعني مثلا
نور بعصبيه : ازااي ازاااي يعني انت بتعمل كدا لييي
حمزه بقلق : اهدي يا نور طب اهدي يا حبيبتي في اي طب انا مش فاهم
نور : غور في داهيه يا حمزه و قفلت في وشه خرجت ناديت بابا قولتلوا عاوزه اتكلم معاه شويه و دخلت انا و هو البلكونه
بابا : مالك يا حبيبتي ايي اللي مزعلك
نور بعياط : يا بابا في حاجات حصلت انهارده انا مش فاهمه ايي اللي حصل دا مش فاهمه و تعبت من التفكير
بابا بحنان : طب اهدي كدا و احكيلي براحه
حكيت ليه كل اللي حصل
بابا : انتي بتفكري في حمزه يا نور ؟!
نور بتوتر : لا...اها
بابا : بصراحه يا حبيبتي انتي معجبه بحمزه صح ؟
نور بكسوف : عادي يا بابا هو شخص كويس و...
بابا : بصي اللي انتي بتقولي عليه دا ممكن يكون من هلاوس من التفكير فيه يا حبيبتي انتي بطلي بس انك تتكلمي مع نفسك بعدين مش انا صاحبك تيجي تتكلمي معايا انا بدل ما تكلمي نفسك
نور : حاضر و حضنته ..انا بحبك اوي اوي يا بابا ربنا يخليك ليا و تفضل جنبي علطول علطول
بابا : وانا بموت فيكي يا روح بابا ..يلا قومي كملي شغلك علشان تلحقي تنامي
قومت كملت شغل و نمت
....
الصبح صحيت لبست دريس موڤ و شوز ابيض و باك صغيره لونها ابيض بردك
روحت الشركه و دخلت المكتب بتاعي علي غير العاده ساكته و مش بتكلم مع حد
بعد شويه لاقيت تقي دخلت علطول من غير ما تخبط بهيمه داخله
تقي : شكرا يست و بعدين مش هتبطلي تفكري بصوت عالي 😂
نور : لا مش هبطل ..عاوزه ايي يحجه
تقي : جيت اشوفك اصلك دخلتي من غير ما ترخمي عليا يعني ولا كلمتي حد حتي كله برا بيقول مالك انهارده
نور : حصل حاجه امبارح ...و حكيت ليها كله اها يا جماعه انا رغايه و بحكي ل ايي حد بس دي تقي بيستي يعني مش ايي حد
تقي : اسمعي كلام باباكي اكيد دي هلاوس متحطيش في دماغك
نور : حاضر
دخل عبد الرحمن
عبدالرحمن: عامله ايي ينور
نور : الحمدلله يا بودا انت اخبارك ايي
عبدالرحمن: الحمدلله مالك انهارده كدا
نور : مفيش صاحيه متضايقه شويه
عبدالرحمن: سلامتك و حط ايده علي دماغه و اتكلم بسرعه ..صح نسيت مستر حمزه عاوزك
نور : تمام هروح اهو
خرجت معاه و هو راح مكتبه وانا دخلت لي مستر حمزه
حمزه : فين الملف اللي اديته ليكي امبارح
نور : مش انت قولت اخلصه بعد يومين ؟!
حمزه : يخلص انهارده و تسلميه يا استاذه نور
نور : انت بتكلمني كدا لي
بص ليا بعد ما كان باصص في اللاب توب
حمزه : علشان اسلوبك الزفت معايا امبارح
نور : اسفه يا مستر حمزه سوء تفاهم ..هخلص الملف و اجيبه لحضرتك بعد اذنك
جيت اخرج لقيت صوته وقفني و اتصدمت لما قال
حمزه : فكرتي في الموضوع اللي قولتلك عليه
لفيت و اتمنيت ميكونش اللي في دماغي صح
نور : قولتلي علي ايي؟
حمزه قام و قرب مني بإبتسامه : تتجوزيني
نور : يعني اللي حصل امبارح مش تهيؤات
حمزه: ايوه
نور : امال قولت ليا امبارح انك مش عارف لي و ازاي انت من الاشباح و واقف معايا ؟!
حمزه : علشان انا نص بشري يعني اقدر ابقي معاكم و هناك كمان
نور : هناك فين
حمزه : في المملكه بتاعتنا
نور : مملكه ايي
حمزه : هحكيلك كله بس لما توافقي
نور : وانا ايي اللي يخليني اوافق و اصدقك
حمزه: لانك بتحبني وانا بحبك يا نور
نور بتوتر : مين قال كدا
حمزه شاور علي قلبي : قلبك قالي
نور : انا هخرج و هاجي لحضرتك لما ربنا يهديك
لفيت علشان امشي بس مسك ايدي : نور استني بالله عليكي فكري انا بحبك بجد والله
نور : حاضر
خرجت و قعدت افكر ازاي هو موجود معانا انا لازم افهم كله بس كنت فرحانه اوي انو بيحبني بعيدا ان انو عصبي و عبيط بس بحبه
حمزه بصدمه : انا عبيط ؟!
نور : ايي دا ...و بصيت ليه حاولت اداري علي مصيبتي انت ازاي يا استاذ تدخل من غير ما تخبط
حمزه : اخبط ايي دي شركتي بعدين خدي هنا انتي بتقولي عليا عبيط ماشي يا نور انا هعلمك الادب
نور :ولا تقدر يا حبيبي
حمزه : انا حبيبك
نور بصتله بقرف و مردتش
و هو خرج و سابني و هو بيضحك يخربيت ضحكته القمر دي
قعدت اكمل شغل بعدين اديت الملف لي تقي تسلمه و مشيت علشان بابا كلمني و قالي اروح ضروري استغربت ازاي مستر حمزه متصلش زعق اني مشيت
دخلت البيت و انا بغني كالعاده
: لو جاي في رجوع ارجع تاني انا قاعده في وحده و خنقاني اينعم امك مش طيقاني
: مين دي اللي مش طيقاكي
الصوت دا مش غريب عليا رفعت وشي بعد ما قلعت الشوز لقيت حمزه قدامي صوتت
نور : اعااااااااا يا باباااا
بابا خرج بسرعه بقلق : في ايي يا نور بتصوتي لي
حمزه بضحك : معرفش يا عمي انا بكلمها لقيتها بتصوت كدا
بابا بحرج : معلش يابني هي من الخضه بس اتفضل انت جوه وانا هاجي و راك
كل دا وانا واقفه و هما بيتكلموا ولا كأني هوا
نور : الكائن دا بيعمل ايي هنا
بابا : طالب ايدك
نور بصدمه: طالبب ايييي نعااااام
بابا حط ايده علي بوقي : ششش يخربيتك اسكتي ...مش دا حمزه اللي معجبه بيه بتصوتي لي دلوقتي
نور: رجعت في كلامي انا
بابا : انتي عبيطه ..يلا ادخلي معاايا
نور : يا بابا
بابا : نورر ...يلا
دخلت معاه وانا مغلوبه علي امري ناس مفتريه كانهم لاقيني قدام مسجد ولا حاجه
حمزه : ينفع اقول لي نور حاجه بس يا عمي
بابا : اكيد يا حبيبي انا هقعد قدامكم هنا
نور بهمس : انت يحج انت متخرجش يا بابا
حمزه : في اي هو انا هاكلك
نور :هو انت سمعت
حمزه: دا الجيران سمعت صوتك يابنتي
نور : انت ايي اللي جابك هنا
حمزه : حبيبتي انتي عبيطه ولا عندك خال اهبل مش باباكي قالك اني عاوز اتجوزك
نور : بلاش اقولك مين الاهبل تزعل بعدين تتجوز مين ياض دا انت مش بتطقني في اصلا
حمزه : اصلا ..مين قال كدا هو علشان بعاملك جامد في الشركه يبقي بكرهك
نور : معرفش بقا
حمزه : صدقيني يا نور والله بحبك اعمل ايي طب علشان تصدقي
نور : انت بتقول ايي عاوزني اعيش مع واحد شبح ؟!!
حمزه : انا زيكم بس انا مولود كدا بس انا حياتي كلها هنا انا عمري ما هفكر اني اكون سبب في اذيتك
نور : طب هفكر
حمزه: لا تفكري ايي بقا انا هنادي عمي
نور : يعم انت خد
لقيته نادي بابا بسرعه و اتفقوا علي الخطوبه وانا كنت ساكته و فرحانه اوي حقيقي
احساس لطيف اوي كان جويا هو بيحبني زيي ما بحبه و عيونه واضح فيها الحب
في الخطوبه كنا قاعدين انا و هو بعد ما لبسنا الخواتم
حمزه: عارفه لو شوفتك بتتكلمي مع عبدالرحمن تاني مش هيحصلك كويس
نور : ليي يعني دا بودي كبير يعني
حمزه : انتي عبيطه يابت انتي بودي ايي
نور : متزعقش طب
حمزه: مش بزعق انا لو زعقت هتزعلي
نور بزعل : و هو انت هتزعق ليا يعني
حمزه بضحك : يخربيت الهرمونات انتي عاوزه تتخانقي و خلاص ..بعدين بصراحه كدا انا عاوزه اكلمك في موضوع
نور : ايي
حمزه : انا هكلم عمي و اقوله أننا نعجل في موضوع الجواز
نور : احنا لسه بنتعرف علي بعض
حمزه: نتعرف ايي انتي بقالك خمس سنين شغاله معايا و عارفه كل حاجه عني
نور : ما انا مش جاهزه يا حمزه
حمزه : لي يا حبيبتي
نور : خايفه انا مش هقدر اني اكون قد المسؤوليه دلوقتي
حمزه: يا حبيبي متقلقيش انا معاكي المهم انتي موافقه
نور بكسوف : اللي يشوفه بابا
حمزه: ابغي ابوسك دلوقتي بس ابوكي ممكن يقتلني
قام من جنبي و قالي رايح لي بابا يقوله بصيت عليه و هو واقف مع بابا و بيتكلموا بعدين بابا بص ليا وانا ابتسمت هز دماغه و لف كلم حمزه بعدها حمزه سابه و جه جنبي
حمزه : وافق و ان شاء الله شهر بالكتير و تكوني معايا
______________________
عدي شهر و كنا بنجهز كل حاجه بسرعه وكل يوم بننزل علشان نختار حاجات الشقه و ايام كانت متعبه بس حلوه
اتجوزنا انا و حمزه و كان هو بيروح الشغل وانا قررت من نفسي اني مروحش الشغل و هو قالي وقت ما تحبي تروحي الشركه مفتوحه ليكي طول الوقت متجوزه قمرايه يا ناس
جه يوم كنت واقفه بحضر الاكل و بكوي القميص ليه علشان رايح اجتماع و نسيت المكوي علي القميص و اتحرق
اتعصب و زعق جامد
حمزه بعصبيه و صوت عالي اوي :نووور
نور : نعم يا حمزه بتزعق لي
حمزه و هو ماسك القميص و حدفني بيه : تقدري تقوليلي ايييي دااا انتي بقيتي مهمله كدا لي دي عيشه بقت تقرف انا مستحمل نكدك و هبلك بالعافيه حرام عليكي بقا انا تعبت منك
كل دا قاله وانا واقفه ببص ليه و ساكته قلبي كان بيتكسر مع كل كلمه بيقولها
دخل لبس قميص غيره و نزل و رزع الباب وراه
قعدت بألم علي الكرسي لما حسيت بوجع بطني تاني من اول ما صحيت وانا حاسه بالوجع دا و هو مخدش باله نهائي بقاله فتره بيعاملني بجفاف و مش بيطمن عليا او يخليني احكي ليه زيي كل يوم كلامه انهارده كسر قلبي من جوه اوي انا مستهتره عارفه بس انا بحاول اني اتغير علشانه هو لي يقولي كدا انا بقيت قرف و نكد !
قعدت اعيط من وجع قلبي و بطني بعدها الوجع زاد اتصلت بيه كتير مكنش بيرد عليا بعدها اتصلت ب بابا
نور :الو يا بابا الحقني بسرعه انا تعبانه اوي
بابا بقلق : مالك في ايي ينور انا جاي طب انتي فين
نور : البيت
سيبت التليفون و بعد شويه بابا جه قومت فتحت ليه و اول ما شوفته وقعت بين ايده ......
تكملة الروايه اضغط هناااااااا
تعليقات
إرسال تعليق