رواية لنا عودة الفصل التاسع 9 الأخير بقلم اسماعيل موسي
رواية لنا عودة الفصل التاسع 9 الأخير بقلم اسماعيل موسي
#لنا_عوده
🖤... الأخيرة 💚
قعدت اميره منزوعة الحيله، جسمها كله عرق.، قدامها بنت لابسها عفريت بتبصلها بسخريه وتشتمها
اهل البنت قاعدين بره منتظرين، واثقين ان اميره هتطلع الجان إلى على بنتهم، ولا مره فشلت اميره ومهما طالت الجلسه اميره هتعمل حركه من حركاتها السحريه وتطلع العفريت بيضحكوا مع بعض ويهزرو بيقولو العفاريت بتهرب من قدامها زى الغنم
اميره سابت البنت ودخلت غرفه صغيره لها باب حديد بينفتح وينقفل من الداخل، اوضه جدرانها مدهونه بلأسود وجواها بخور وعضم واتر لبعض النسوه
طلبت من الجان الأحمر يظهر............. طلع من خلفها بشكله المرعب بيلهث من التعب ولسانه مدلدل قدامه
اميره بغضب، قوتك راحت فين يا ملعون؟
الجان الأحمر، كل ما بقرب من البنت دى قوتى بتختفى، داخلها مارد أقوى منى
اميره بتفكر فى سرها مفيش أقوى من الجان الأحمر غير شيطان علوى من نسل ابليس ودول بيخدمو السحره فى العاده
فى حيله اخيره اميره قالت لو كان ليك طلب قوله، انا ممكن اجيبلك فتاه تسلمك نفسها، طلعنى من الورطه دى، هسلمك نفسى
الجان مش بيرفضو رزيله، اخدها الجان الأحمر بعد ما انتهى منها
اميره قالت طلعنى من الورطه دى، الناس بدأت تشك، اعمل اى حاجه
الجان الأحمر بضحكه كلها سخريه حاضر!!
اميره خرجت من الغرفه وطلعت على البنت غمضت عينيها مستنيه الجان الأحمر الا كل ما اقترب من البنت لسعته نار
وعمال يصرخ فى عقل اميره مش قادر، مش قادر
اميره بثبات، ابرم معاه صفقه، انا مقابل البنت !! كانت عارفه ان النجاسه هتضعف قوة الجان إلى ساكن البنت، وبكده الجان الأحمر هيقدر يتغلب عليه
رجع الجان الأحمر لاميره وقال بيطلب التمن مقدمآ
فى نفس الغرفه السوداء ارتكبت اميره المعصيه مره أخرى
االنجاسه بتحل الطلسم وتفقده قوته
رحل الجان الذى كان يتلبس الفتاه
السواد ظهر تحت عين اميره وشها كرمش فى كل مره تفقد فيها انسانيتها جزء من روحها بيرحل
رحل اهل الفتاه معها ، بس عقل اميره ضايع، معاشرة الجان هتقضى علبها
اميره طلبت من الجان ان الأحمر انه يتبع المارد إلى كان ساكن البنت عايزه تعرف الساحر إلى أقوى منها
فكل مارد بعد فك العمل يلحق بسيده
الجان الأحمر طلع ورا المارد ورجع بعد شويه، قال فى جزيره وسط النهر يسكن الساحر
اميره قالت اوصفلى شكله؟
الجان الأحمر قال مشفتوش، لابس تميمه سليمانيه قديمه لو اقتربت منها لاحترقت
اميره مش متعوده على الهزيمه ولا مستعده تفقد مكاسبها
صرخت بغصب مين يقدر يقرب منه؟
الجان الأحمر، شيطان من نسل ابليس، او ابليس نفسه
اميره، اطلبه ازاى؟
الجان الأحمر علمها الطريقه وقال انه هيعرض الأمر على سيده
هيقوله تميمة سليمان الضائعه ظهرت
ودى حاجه ممكن تدمر كل حاجه وهو مش هيقف من غير ما يعمل حاجه، هيرسل أقوى امرائه او هيروح بنفسه يتخلص من الساحر ده
امرته اميره ان يذهب
وصرخ الجان الأحمر وهو يطير اعملى الطقوس الشيطانيه انا حفرتها فى عقلك
+١٨
فى غرفتها، بدأت اميره طقوس الشيطان، دم، حيض، عظام بشريه، لبن، عود فانسون
عاريه ترقص بشعر مسدل حول نار، على الحيطه رسمه كبيره للشيطان
بتحنى نفسها وتبوس الجدار
وبتزحف زى الدابه على الأرض
#$#&_
زهره قاعده فى امان الله قدام البيت سمعت صوت من بعيد بيرن فى عقلها
اسمحى لى ان اقترب ولا تحرقينى؟
زهره قعدت تتلفت حواليها وهى بتقول بسم الله الرحمن الرحيم، أعوذ بالله من الشيطان الرجيم
ودو الصوت مره أخرى داخل عقل زهره
ارجوكى يا سيدتى اسمحى لى ان اقترب منك، سأخبرك بما حدث وارحل !
اميره مش شايفه حاجه عماله تبص بخوف وفجأه سمعت صوت صديقتها ماغه إلى هى عارفاه فى عقلها
اسمحيله يازهره يقرب منك!
الجان حكى لزهره إلى حصل معاه من وقت ما هى قالت الطلسم إلى قصدت بيه اميره
رحل الجان وسمعت زهره صوت ماغه مره تانيه
انتى عرفتى دلوقتى تملكى ايه، انت وحدك تقدرى تخلصى الناس من شر اميره، منحتك طلاسم وتعاويذ وتمائم الجان والسحره استخدميها
زهره مسكت دماغها حاسها هتنفجر مش عارفه تعمل ايه!
صوت ماغه وهو راحل، فكى سحر محمود، معاكى تممية من أثر النبى سليمان مفيش شر هيقدر يصيبك
زهره ما نسيتش إلى عمله محمود معاها، قلبى لسه بيغلى منه، حفظته وصانته وطلعها بفضيحه
قالت زهره طلسم من إلى حافظاه طلسم فك قوى وبعد دقيقه واحده سمعت صوت جان فى عقلها
سيدتى كى يفك العمل لازم نعرف أين تم دسه واخفائه، احد أعوانى يخبرنى انك تعرفين أين القى العمل
يقول انك لمستيه بنفسك وانت على وشك الموت
وافتكرت اميره ليلة ما حاول اخوها يقتلها، ضربها بالرصاص ووقعت فى الميه
وقالت للجان عن مكان العمل
محمود كان نايم، فتح عنيه على سعال جامد، بعد كده تقيء دم اسود ريحته معفنه
محمود كان مستغرب المكان إلى نايم فيه كأنه غريب اول مره يشوفه
طلع محمود من غرفته لقى اميره قاعده مهمومه فى الحوش
فقدت نصف وزنها لكنه مازال يشتهيها
قعد جنبها ولزق جسمه فيها وقعد يبص فيها
اميره بغضب انت بتبص كده ليه؟
عشان انتى عجبانى
اميره قرأت طلسم كان فى الماضى بيخلى محمود يركع قدامها
محمود لسه بيبص عليها اميره لسه بتفكر قعدت ساكته
انتى كنتى قريبه جدا منى يا اميره
اميره سمعت اسمها مجرد وركبها ميت عفريت، محمود كان بيقلها ياسيدتى ويسمع منها كلام فى قمة الزل والأهانه
وقفت اميره فى مكانها حطت ايدها على وسطها، انت نسيت انك ملكى وانك بتنفذ كل طلب أامرك بيه
انت كلبى المدلل ووحطت يدها على كتف محمود
محمود شال ايدها بعصبيه، انا مش عبد ليكى يامره ومش متذكر انك طلبتى منى حاجه
بسخط قالت اميره خليتك تطلق مراتك إلى سترتك ، تفضحها وبتخدمنى زى كلب وهتفصل كده، انت مش راجل اصلا، ومقدرتش تدخل على مراتك
محمود اول مره يسمع الكلام ده، انا مقدرتش ادخل على مراتى يا كلبه
جر اميره من شعرها، كتف حركتها، وسد بقها مقدرتش تحضر الجان الأحمر
انا هعرفك انا راجل ولا لا يا كلبه
رماها على السرير وخدم زهره ينقلون لها الاخبار لحظه بلحظه
رقد فوقها
زهره فكت سحر عوض إلى كان شغال فى الحقل زى البهيمه
عوض رجع على البيت لقى مراته فى حضن اخوه
فى ايده فاس ضرب بيها محمود
محمود أتحرك الضربه مجتش فيه، لف من ورا عوض وخنقه لحد ما مات
اميره قاعده من غير حركه وهى شايفه جوزها بيموت
محمود بعد ما قتله بنفس طريقة الدجال هرب على الحقول
بعد ما اميره قدرت ترجع لحالتها استعدت الجان الأحمر وامرته ينقل جثة عوض الحقل
عايزاه يموت هناك
عبد الفتاح إلى كان بيملك حقل جوار ارض عوض لقيه ميت هناك
الناس اتجمعت ونقله جثته للبيت
الراجل مات وهو بيجرى على رزق عياله
اميره حددت مكان محمود عن طريق الجان الأحمر، قابلته وقالت المشكله انحلت، اخوك مات فى الغيط لكن لازم تحضر الجنازه عشان كلام الناس
وحضر جنازة جوز الشيخه كل اهل القريه والقرى المجاوره لها
طلبت اميره من محمود ان يتجوزها عشان كلام الناس
محمود قال انا مش هتجوزك
انتى فى نظرى عاهره، اخدتك مره واقدر اخدك زى ما انا عايز
اميره صرخت شتمته
الجان الأحمر مش قادر يربط محمود، محمود محمى بطلسم شديد
فى اليوم ده محمود كسر عضمها ضرب
جرها على الأرض وبهدلها
اميره شايفه الدايره بتضيق عليها ولازم تتخلص من محمود
قالت للجان الأحمر لو مش قادر تربطه، اقتله
الجان الأحمر قال مستحيل دا طلسم طاهر ومتحلوش غير نجاسه
اميره قالت محمود نجس اخدنى مرتين غصب
الجان الأحمر لازم يحصل وقت النجاسه نفسها
اميره قالت سيب الموضوع دا عليه!!
امرأة عبد المعبود حملت مره أخرى، عوض ربنا كبير ولا يتأخر إلا لحكمه
المرأه سعيده، الحمد لله يارب لك الحمد والشكر
كانت بتدعى ربنا ليل ونهار انها تحمل مره تانيه وربنا كريم
اميره ولع فى صدرها النار، وحدها امرأة عبد المعبود تحدتها هى الوحيده إلى كانت عارفه سرها
ورغم ان حملها سقط مبطلتش تقول ان اميره أمراه شريره
كتير جدا اميره عملت على اذيت الست دى بالشوك والاعمال
لكن دلوقتى مش قادره
كل ما الجان الأحمر تبعته فى مهمه يرجع يقول مش قادر وابليس ما تدخلش لحد الأن
وانكشف حجاب القريه أمام زهره
كل ما اميره عملت عمل زهره تفكه
زهره قالت ولوالدتها انا راجعه القريه
الست بحزن هتسبينا خلاص؟
قالت زهره لازم ارجع عشان اكشف برأتى، عشان ابص فى وش امى مره تانيه وقلها عرفتى تربى وانا لسه بكر
عشان ابص فى وش ابويا واقوله بنتك اشرف من الشرف
واقول لاخويا إلى جرجرنى وضربنى بالنار انه المفروض كان الكتف إلى اتسند عليه
اسماعيل موسى
عبرت زهره النهر فى فلوكة اخوها عرفه والذى اقسم على مرافقتها
لكن زهره ثبتته بطلسم ابيض وذهبت للقريه بمفردها
وصلت اول ما النور طلع، الفلاحين سايقين المواشى على المراعي
والستات بتنضف قدام البيوت
اميره فى غرفتها بتراود محمود المثار اصلا الجان الأحمر منتظر لحظة النجاسه إلى يتفك فيها الطلسم الطاهر عشان يقتل محمود
زهره ماشيه فى الطريق بتذكر الله، ان الله سيبطله
السحر ضعيف أمام قدرة الله
الخبر وصل لأهل القريه زهره رجعت
ماغه همست فى ودن زهره الان يا زهره الان
أطلقت زهره طلاسمها، الجان الأحمر تقيد بسلاسل من نار
محمود جوزها فى حضن اميره صوره مجسمه لا تتحرك
الزمن وقف عليهم فى لحظة النجاسه وتم تقيدهم بلا حركه
الخبر وصل لبيت زهره، اخوها بيصرخ انا قتلتها
امها بتندب الفضيحه رجعت تانى
الوحيده إلى استقبلت زهره مرآة عبد المعبود، خدتها بالاحضان
كنت واثقه انك بريئه
زهره حطت ايدها على بطن صديقتها مبروك على الحمل
مقدرتش انقذ ابنك الأول، لكنك الان محميه
خارج المنزل تجمع بعض الناس، كانو بيسألو زهره رجعت ليه! ؟
وبعض منهم بيطعن فى شرفها
زهره بصت لمراة عبد المعبود وقالت حان الوقت يا صديقتى الان ستنكشف الحقيقه
وخرجو من البيت ايدهم فى ايد بعض واميره تذكر الله وتردد يارب أظهر الحق وابطل السحر
زهره شافت اخوها بين الناس شورتله قالت، انتى خرجتنى من هنا بفضيحه ودلوقتى هتعرف انى بريئه
القريه كلها مشيت ورا زهره ناحيت بيت اميره ودخلو الحوش
لقيو اميره ومحمود قاعدين فى الحوش بيتغدو
الناس بصت لبعضها مش فاهمين حاجه و بدأت تتكلم تانى، الشك رجع من تانى
محمود وزهره مش مقيدين
وحدها زهره ثبتت وعلى وشها ابتسامه
اميره صرخت، العاهره رجعت تانى انتم ازاى سمحتم ليها ترجع
وانت وشاورت على اخوها، انت لم تقتل اختك، لم تغسل عارك
دبرت خطه لهروبها
زهره طلبت من الناس يتركو المنزل، قالت مش عايزه حد يتأذى
لكن الناس عايزه تشوف بعنيها
جوا نفوسهم شك ومرض
لقد حررتك انت من عبوديتك يا محمود بعد أن كانت تعاملك زى الكلب، قتلت اخوك وقتلت الدجال ودلوقتى واقف فى صفها مره تانيه؟
محمود صرخ انتى كدابه
زهره قالت الحمد لله البينه على من ادعى
وأطلقت طلسم طويل بعده ظهر دخان وظهر الجان الأحمر مقيد بسلاسل من نار وهو يصرخ مش هتقدرى تخرجينى من هنا ان فى حماية سيدى
الناس اتفزعت، خافت، هربت
اميره انا مش هطردك، انا هحرقك ونفخت من فمها اشتعلت النار فى
الجان الأحمر وتحول لرماد
زهره انا عارفه مين حرركم بعد أن قمت بتقيدكم، مش شيطان عادى، لكن ابن ابليس نفسه
محمود جسمه عمال يرتعش، اميره مس قادره تتكلم
جدران البيت اتهزت وغطاه الدخان، هبت عاصفه الخلق هربت وبعضهم وقع فى المصرف
زهره قالت عليك لعنة الله فى كل زمان ومكان
الأشياء تطير من حولها، تصطدم بالناس وزهره ثابته لا تتحرك، من كان الله معه لن يضره شيء
أطلقت زهره طلسم قيد قدمى الشيطان
الشيطان جسمه تضخم بقى أطول من البيت وظهر وشه القبيح
لكن الطلاسم لم تقتله
هنا اخترق شعاع من تميمة سليمان جسد الشيطان وحوله لرماد
رحل الشر من منزل اميره، زهره اخضعت محمود واميره لطلسم الأعتراف وسمع الناس منهم كل جرائمهم
قالت زهره سنسلمهم للشرطه
قال اهل القريه عندما سمحنا لاخيك ان يقتلك لم نخبر الشرطه
محمود زانى وقتل نفسين أحدهم أخيه
واميره لم يسلم من شرها ولا شخص وتستحق الحرق
اقتادو محمود واميره نحو شاطيء النيل حيث حكم عليهم بالموت
قال الناس احنا الشرطه وانطلق الرصاص غربل جسد اميره ومحمود
ماغه العفريته واقفه من بعيد بتراقبهم بوجه قاتم وتنظر نحو غيمه سوداء غطت الربع الشمالى من القريه تزحف بكثافه وثقل
رفضت زهره ان تعيش فى بيتها، رحلت مره أخرى للمنزل فى وسط الجزيره وهناك اقامت مع والدتها الجديده واخيها
هناك حيث كان عرشه كان ابليس يصرخ بغضب ويطلب أقوى رجاله
انتهت بحمد الله
إلى اللقاء مع قصة مجهول الهويه بالغد ان شاء الله
الرواية كامله من👈 (رواية ولنا عودة)
اضغط على اسم الروايه ☝️☝️☝️
تعليقات
إرسال تعليق