رواية طفله امتلكت النمر البارت الثاني عشر والثالث عشر 12_13بقلم ملك شكري
رواية طفله امتلكت النمر البارت الثاني عشر والثالث عشر 12_13كامله وحصريه
روايه/طفله امتلكت النمر
الفصل/الثاني عشر
بقلمي✍🏻/ملك شكري
وبعد وقت وصلوا للقصر نزلت حور بدون اي كلمه ودخلت للقصر وطلعت لأوضتها على طول
نمر وهو لسه ف العربيه
اتكلم بحزن ودمعه نزلت من عينه:وانا بعشقك ياحور ولكن ده الي لازم يحصل انتي لسه صغيره وتستاهلي حد احسن مني انا بواجهه قدام اي حاجه الا قدامك مش هقدر اواجهك ياحور كان لازم ده يحصل اه هاجي على نفسي بس انتي فتره وهتنسي وهتعيشي حياتك
عند حور طلعت اوضتها قفلتها بالمفتاح وانهارت من البكاء: انا عارفه انه مش بيحبني وعمره ما هيحبني عمره
اتصلت على نور
ردت نور: الو
حور: الو
نور: مالك ياحور صوتك عامل كده ليه انا لسه سيباكي كويسه
حور بنهيار: مبيحبنيش يانور مبيحبنيش وهيخطب يانور هيخطب وكمان هيخطب بسمه هو قصده يكسرني ويذلني
نور بصدمه: ا اهدي بس ياحور اكيد انتي فاهمه غلط
حور: بقولك هو الي قالي قولتلوا اني بحبوا وهو قالي انه بيحب بسمه واني عيله بالنسباله وزعقلي يانور زعقلي
عند نمر تحت اتصل ب زين وحكاله الي حصل
زين: عشان حيوان
نمر: ما تحترم نفسك يالا
زين: ايوا يانمر لما تضيع حب عمرك كلوا عشان احساس تبقا حيوان لما تبقا الكلمه الي مستنيها تقولهالك من زمان يوم ما تقولها بالشكل ده تبقا حيوان
نمر بدموع زي الاطفال: انا بحبها اوي يازين اوي والله بس انا عملت كده عشانها والله مش عشاني
زين: وهتعمل اي
نمر: هعمل الي قولتوا يانمر ومش هرجع ف كلامي
زين: انت بتقول اي
نمر: الي سمعتوا بابا وماما واسيل وعز وعمي هنا ف القاهره هروح اطلب بسمه منه
قفل نمر مع زين واتصل بعمه وقاله انه عايز يخطب بسمه وكانت الفرحه مش سيعاه وبسمه مكانتش مصدقه
راح نمر ل قصر كريم والده وطلب ايد بسمه تحت صدمه الجميع
بعد ما قاموا قال كريم بحزم: عايزك ف مكتبي يانمر
قام نمر ورا باباه
كريم: اي الي بتعملوا ده ما كلنا عارفين انك بتحب حور ليه بتعمل كده
نمر باللامبالاه مصطنعه: ومين قالك اني بحبها حور اختي وانا الي مربيها وبس لكن بسمه شوفتها من ناحيه تانيه وقررت اخطبها
كريم بحزن على ابنه: ماشي يانمر انا هسيب الايام هي الي تعذبك
عند حور مسحت دموعها بقوه: مش انا الي ابين ضعفي لحد حتى لو الحد ده هو مالك قلبي وعشقي الاول والاخير انا هبان قدامه قويه وهتقبل الوضع ده
بعد اسبوع كان فاضل يومين على الخطوبه
كانت حور لابسه ونازله
نمر: رايحه فين
حور ببتسامه وراها الكثير من الحزن: نازله اقابل نور عشان اشتري الفستان عشان خطوبتك كملت بمرح: مش انا اخت العريس لازم ابقا قمر
نمر ف نفسه: انتي قمر من غير حاجه ياحوري
نمر: تمام
خرجت حور واول ما خرجت اختفت ابتسامتها وراحت المول قابلت نور الي اول ما شافتها حضنتها وانفجرت ف العياط
نور: اهدي ياحور لازم تبقي قويه ومتبينيش ضعفك حور الي اعرفها مش كده ابدا
حور: مش قادره يانور مش قادره حب عمري بيضيع من ايدايا
نور: صدقيني مش هيضيع والله بس لازم تبقي قويه واول حاجه نعملها اننا نجنن نمر
حور: ازاي
نور: بصي ياستي اول حاجه الفستان لازم يبقا حاجه خرافه من الاخر ملهاش حل
وفعلا راحو محل فساتين مشهور جدا
شافت فستان عند الركبه بظبط باللون الاحمر كت عريض وكان فيه لمعه وهيلز كعب طويل رفيع سيلفر وتاج بسيط سيلفر وسلسله فضه مكتوب عليها حور وفيها فصوص شبهه الالماث
نور: ميه ف الميه نمر هيتجنن ده انا بنت واكرشيت عليكي لما قستيه يخربيت حلاوتك نمر لو شافك كده قدام النااس هيولع فيا وفيكي
وخدت نور فستان هي كمان لانها هتروح الخطوبه مع حور كان فستان ازرق عند الركبه وهيلز سيلفر
جيه يوم الخطوبه وكانت حور شعور متلغبط مابين مكسوره وحزينه جدا ومابين متحمسه ل رده فعل نمر وبسمه لما تشوف شكلها
جتلها نور وطلعوا على فوق ولبست حور وكانت ايه من الجمال حوريه من الجنه بمعنى اصح كان جمالها فوق الوصف لا يستطيع احد تحمله ف هي لمت جزء بسيط جدا من شعرها الخصلتين الي ف الامام وحطت التاج ولمسات ميكب زي اليب ستيك الاحمر الهادي والبلاشر الهادي الخفيف وايلاينر رفيع
نور بنبهار وصدمه: انا مش مصدقه انتي حقيقه بجد
حور بضحك: لا بلاستيك
نور: والله فعلا انتي حاجه فوق الوصف اي ده بجد ده انا اكرشيت عليكي
ضحكت حور ولبست نور وكانت حلوه جدا
رنت حور على الداده وعرفت منها ان نمر راح يجيب بسمه وقال ل الداده ان زين جايلهم ف الطريق عشان يوصلهم
حور: كويس انه مش موجود
نزلت حور واول ما الداده شافتها اتصدمت: بسم الله ماشاء الله ايه الجمال ده
حور: تسلميلي ياداده
وصل زين وخرجتلوا حور ونور
زين بنبهار: اي ده ده بجد
ضحكت حور: ايههه في ايه
زين: وربنا نمر ده مبيفهمش حد يسيب دي ويروح ل عود القصب المعفن ده
ضحكت حور بصوت عالي وحمحمت نور: الاخ صريح اوي
بص زين عليها وانبهر زياده: وربنا عيني بتطلع قلوب ليكوا بس مين القمر
نور بخجل: انا نور صاحبه حور
زين: انا بقول الجمال ده ميطلعش غير من حور
حور: طب يلا نتحرك عشان كده مش هنوصل اصلا
اتحركوا على القاعه واول ما وصلوا دخلت حور بثقه وهي رافعه راسها وماشيه بخطوات انيقه جدا ووراها نور الي مبتسمه بحماس وزين الي فاهم ان حور مخبيه كتير ورا الابتسامه دي
نمر لا ارداي حتى قبل ما يلمح حور حس بنبضات قلبه بص مكانها تلقائي وياريته ما بص لان اتسحر من منظرها وفضل باصص وهو مش مصدق ان كتله الجمال دي حقيقه بجد
بسمه وهي بتنده عليه وهو مردش بصت مكان ماهو سرحان لقت الحوريه بفستانها الاحمر
بسمه شهقت من جمالها وبصت ل نمر بحقد وغيظ
قربت حور عليهم بثقه وخطوات ثابته مدت ايدها ل نمر تباركله: الف الف مبروك بجد فرحنالكوا اوي عقبال الفرح واشوف منكوا كتاكيت صغيرين كده العب معاهم
سلمت على بسمه وبتبصلها بتحدي: الف مبروك يابوسي وعقبال الفرحه الكبيره
نمر بغيره: احم مش قصير شويه الفستان ده ياحور
حور قبل ما ترد ردت بسمه: وانت بتسأل ليه يانمر
ردت حور ببرود قتل نمر: مش اخته ولازم يدايق لما تبقا لابسه قصير بس لا مش قصير هو كده يلا مش عايزه اشغلكوا ياعرسان انا جمبك هنا لو احتجت حاجه قولي يا يا اخويا
مشيت حور وراحت جمب نور الي افتخرت بيها جدا: شاطره بجد ياحور علمتيه الادب بجد
حور: ولسه
جت فقره ان كل ثنائي يرقصوا سولوا مع بعض
زين راح ناحيه نور ومد ايده ليها زي الامير: تسمحيلي بالرقصه دي
نور مدت ايدها ف ايده بخجل
عز اخو نمر راح ناحيه حور ومد ايده ليها ببتسامه: اميرتي تسمحلي بالرقصه دي
حور حطت ايدها ف ايده بضحكه: طبعا تشرفني
وابتدوا يرقصوا مع بعض جمب نمر وبسمه نمر كان بيبصلهم والغيره باينه ف عينه وعينه بتطلع شرار وبيبص لاخوه بتوعد
عز وكان قاصد يعمل كده وكأنه بيقوله لازم تندم هي حبتك واعترفتلك وانت هربت وانا هخليك ترجعلها بس بطريقتي
كانت حور بترقص سولوا وكانت بتبص ل نمر باللامبالاه مصطنعه
ولكن بصت ناحيه باب القاعه لقت شخص واقف بمسدس متوجهه على قلب نمر
حور على اخر لحظه زقت نمر: حاااسب يانننمرررر
ولكن للأسف كانت الطلقه دخلت فقلب حور الي وقعت بين احضان نمر الي بيبصلها بذعر ومش مصدق الي بيحصل وصرخ مره واحده: حووووووووور
يتبعع....
تفتكروا دي هتبقا نهايه قصتنا قصه حور ونمر وحور هتبقا بالنسبه ل نمر ذكره يحكيها لاولاده ف المستقبل وهتبقا بالنسباله مجرد صور هنعرف ده ف البارت الي جاي باي
روايه/طفله امتلكت النمر
الفصل/الثالث عشر
بقلمي✍🏻/ملك شكري
نمر بصراخ ودموع: حووووور اجري وراه يازين متسبهوووش
طلع زين يجري ورا الي ضرب بالنار لكن للأسف ملحقهوش
وزع زين رجالته ف كل مكان وحاوط المكان كله بالحراس
عند نمر بقا يعيط زي الاطفال وهو بيلمس خد حور وكلهم ملمومين حواليه: ياحور ونبي قومي عشان خاطر نمر عشان خاطر نمرك الي بيحبك اه انا بحبك ياحور بحبك اوي قومي وحياتك عندي وهعملك كل الي نفسك فيه
عز بحزن:يلا نلحق نوديها المستشفى يانمر
شالها نمر وطلع يجري على برا ووراه العيله كلها والمعازيم كلهم مشيوا
وصلوا للمستشفى ف عشر دقايق بظبط
نمر بصراخ وجنون ف نص المستشفى: حد يجي ينقذهااا مش هيكفيني روحكوا كلكوا لو راحت مني
جيه دكتور بسرعه حطها على الترولي ومعاه الممرضين ودخلوا على اوضه العمليات
عدا ساعه واتنين وتلاته ومفيش اي خبر
نمر رايح جاي بجنون:انا السبب انا السبب انا الي عرضتها للخطر
فضل يخبط على دماغه: انا السبب هتموت بسببي انا السبب انا السبب
عز وهو بيحضنه: ا اهدا يانمر اهدا هتبقا كويسه والله اهدا
نمر بعياط اترمى ف حضن اخوه: مش هقدر اعيش من غيرها ياعز مش هقدر والله
قعد نمر ف الارض وسند براسه على الحيطه ودموعه نازله وهو مش سامع اصواتهم غير صدى صوت كل الي سمعوا صوت حور بس وهي بتضحك
ف اوضه العمليات كانوا بيعملوا انعاش للقلب لانه وقف
خرجت ممرضه من اوضه العمليات تبلغهم الوضع
الممرضه: القلب وقف وبنحاول ننعشوا ادعولها
نمر سمع الكلمه دي ومتكلمش فضل باصص ل باب العمليات ودموعه نازله ومره واحده صرخ بأسم حور: حووووووور
ف اوضه العمليات كانوا بيجهزوا الكهربا عشان ينعشوا القلب
وحور ف عالم تاني بتفتكر ذكريات من الماضي طشاش وصدى صوت
(انتي كل مره بتاخدي الصوره دي هههه)
(يلا يانمر هنتأخر)
(انتي مميزه بالنسبالي ياحور)
(انتي غير اي حد)
(هههه مش هتعرف تمسكني يانمر)
(انتي طفله النمر)
(انا بحبك يانمر)
(انا قولت كلمه واحده ياحور خلاص)
(انت كسرتني يانمر وجرحت قلبي)
شافت حور زي حلم وهو نمر بيبكي وماسك فيها: متسبنيش ياحور انا بحبك
حور كانت لابسه ابيض ف ابيض: مينفعش يانمر الي بينا خلص
نمر بدموع: لا ياحور لو بتحبيني
حور: انا بحبك اكتر من نفسي بس انت جرحتني
نمر: ارجعي ارجعي ياحور واوعدك اننا هنتجوز ونوصل لكل الي نفسنا فيه
حور: للأسف يانمر فات الاوان انا خلاص هروح ل مكان احسن من هنا بكتير
نمر بدموع: لا لا ياحور
حور وهي تترك يده: سلام يانمر خلي بالك من نفسك هتوحشني
وخلص الحلم على سفاره ايقاف جهاز النبض
الدكتور بحزن: غطوا وشها
برا نمر حس بنغزه ف قلبه وقلبه اتقبض
الدكتور: اخرجي بلغيهم
خرجت الممرضه تبلغهم ب بوفاه حور
اول ما الممرضه خرجت وقف نمر بسرعه قدامها
الممرضه بحزن: البقاء لله
نمر بجنون: ا انتي بتقولي ايه ها انتي بتقولي اي ح حور لا حور لاا
طلع نمر سلاحه وحطوا ف وشها
صرخوا كلهم بألم: حوور
يتبعع.......
تكملة الروايه اضغط هناااااااا
تعليقات
إرسال تعليق