رواية طفله امتلكت النمر البارت التاسع والعاشر الحادي عشر 9_10_11بقلم ملك شكري
رواية طفله امتلكت النمر البارت التاسع والعاشر الحادي عشر 9_10_11كامله
روايه/طفله امتلكت النمر
الفصل/التاسع
بقلمي✍🏻/ملك شكري
بعد شويه نزلوا اتغدوا وخرجوا عشان يجيبوا حاجات المدرسه ل حور
راحوا على المول ودخلوا محل الملابس واشتروا اليوني فورم بتاع المدرسه الي عباره عن جيبه كحلي عند الركبه او قبلها ب شويه صغيرين وتيشرت بينك وكولون لونه ابيض وشوز ابيض وتوك كتير وكراسات ونوت بوك واقلام عاديه وتلوين كتير
وبعد لف كتير روحوا للبيت
عدا يومين وجيه اول يوم مدرسه
صحي نمر بنشاط وفرحه وكأن هو الي هيروح المدرسه مش هي
صحى حور ببتسامه جميله: حوري حوري قومي وراكي مدرسه
قامت حور بنشاط: صباح الخير يانمر
نمر ببتسامه جذابه: اجمل صباح الخير بسمعها فحياتي
ابتسمتله حور
نمر: جميلتي دلوقتي تقوم تاخد شاور وتلبس على ما انا اعمل الرياضه بتاعتي اوكي
قامت حور خدت شاور ولبست لبس المدرسه الي كان جميل جدا فيها وكانت قمر بمعنى الكلمه عملت قطتين ف شعرها من قدام ب توكه فيونكه وسيبت باقي شعرها ورشت برفان ونزلت ونمر خد شاور ولبس بدله سودا وقميص اسود وساعته السيلفر الفخمه وبرفانه الساحر ونزل لقا حور قاعده مستنياه بصلها وهو مذبهل ومش عارف ينزل اصلا
نمر في سره: يارتني ما دخلتك مدرسه انتر ناشونال اي البس ده هيخليكي احلى يخربيتك
حور: يلا يانمر مش عايزين نتأخر
نمر: حاضر
فطروا وكانوا لسه هيخرجوا وقفته حور:استنى
نمر:اي في اي
حور:استنى ناخد صوره باليوني فورم ده
نمر بضحك:يلا
اتصوروا بأوضاع كتير مره وهما بيضحكوا ومره وهو نمر شايلها وهي بتطلع لسانها وبتعمل حركات طفوليه كتير
خدها نمر وخرجوا وخلوا السواق يوصلهم
وصلوا المدرسه
ونزل نمر من عربيته بهيبه كبيره جدا وراح ناحيه باب حور فتحه ونزلت منه ومسكت ايده ودخله وسط نظرات الناس كلها واولياء الامور ونظرات المدرسين بأعجاب ل نمر
دخلوا على اوضه المدير الي استقبلهم بحترام ورهبه
المدير حسن: اتفضل يانمر بيه اتفضلي ياحور
نمر: انا مش عايز حور تشكي من اي حاجه ف المدرسه هنا يا استاذ حسن سواء من المدرسين او من زمايلها او اي حاجه عشان مزعلش
حسن: طبعا تحت امرك يانمر بيه
نمر خد حور وطلع بيها للفصل اول ما نمر دخل وقف المدرس ف استقباله بحترام شديد: نمر بيه اهلا اهلا
نمر ابتسم بمجامله: اهلا
دي حور قريبتي اول يوم ليها هنا
المدرس جمال: نورت المدرسه كلها اتفضلي ياحبيبتي
دخلت حور وقعدت وهي بتبص ل نمر ببتسامه وتوتر
نمر بصلها بنظره عشان يطمنها وبص لقا ولد بيبصلها ببتسامه بريئه جدا
نمر بغيره من طفل: احم اء طب انا همشي انا بقا خلي بالك من نفسك ياحوري
مشي نمر وقدت حور يومها الدراسي
دخلت مدرسه ف اخر حصه وندهت على اسم حور
حور: انا
الميس: في حد تحت عايزك
حور بستغراب: مين انا الي هياخدني نمر
الميس: قال انه تبعك
حور ف نفسها: اكيد نمر بعت زين او السواق ياخدني
حور: اوكي
نزلت حور معاها
لحد ما وقفت وهي مبرقه بخوف وصدمه
_نضفتي يابت ياحور
حور بصدمه وخوف: ل لا لا
يتبعععع.......
روايه/طفله امتلكت النمر
الفصل/العاشر والحادي عشر
بقلمي✍🏻/ملك شكري
نمر بعيون كالدماء: يعني ايههه دورتوا ف المدرسه كلها وملقيتوهاش ده انا اقلبها دم
المدير برعب من منظره: و والله يا يانمر بيه قلبنا المدرسه كلها عليها وملقينهاش
نمر بنظره مميته:حور لو مرجعتش خلال ساعه ساعه واحده اعتبر نفسك ميت انت وكل الي ف المدرسه
حسن برعب مسك الفون الارضي وطلب ان كل المدرسين يجوا قدامه دلوقتي
وفعلا خلال ربع ساعه كانوا كل المدرسين ف مكتب المدير
حسن: الي شاف حور الجديده عندنا انهارده نزلت من الكلاس او ف الجاردن يقول
الميس الي كانت ف الفصل: انا حضرتك
نمر بصلها بتركيز ولهفه
فاطمه: ال الداده طلعت وقالت ان في راجل تحت وقال انه تبع حور وحور قالت ان ممكن يكون تبع نمر بيه ف نزلت ولما شافته فضلت بصاله كتير اوي وهو مسكها جامد ومشي بيها وانا حضرتك لما لقيتها ساكته افتكرت انه تبعها فعلا ومش خاطفها
نمر بعيون حمرا: هو ال ف بالي
قام من مكانه بسرعه وخرج على برا وعمل مكالماته واتصل ب زين قاله الي حصل
ونرجع فلاش باك من مده طويله شويه
نمر: حور انتي كنتي ساكنه فين
حور:
نمر: اه تمام
بااااك
نمر بغضب حارق: لو هو الي خدها يترحم على نفسه
ساق بأقصى سرعه عنده ل درجه انه كان هيعمل حادثه كذا مره ولكن بيتفاداها بصعوبه
وصل تحت بيت حور القديم المتهالك وكانوا رجالته وصلوا وراه بسرعه ومعاهم زين وكانوا عربيتين BMW وفيهم بودي جردات كتير ووراهم عربيه زين ونمر واخدهم قاصد التهديد
طلع نمر جمبه زين ووراهم البودي جاردات وكان شكلهم يخطف الانفاس
طلع نمر بأقصى سرعه واول ما ضرب الباب ب رجله وقع لانه قديم شويه
دخل لقا علي قاعد بيشرب سجاره وبيتفرج على التلفزيون وجمبه مها
علي بفزع: ف في ايه ياجدع انت ازاي تكسر الباب كده
دخل نمر ومسكوا من هدومه وقاله: حور فين
علي بسخريه: وانت مالك
نمر بضحكه وراها مصايب: انا هعرفك انا مالي
لكمه نمر ف مناخيره وقعه ف الارض
نمر: ها عرفت مالي صرخ ف وشه: فين حور بقولك
مها: في ايه ياخويا مالك داخل حامي علينا كده ليه وبعدين وانت مالك بمقصوفه الرقبه دي
نمر: احمدي ربنا اني مبمدش ايدي على واحده ست غير كده كنت دفنتك هنا
زين: اهدا يانمر هنلاقيها هتروح فين يعني وبعدين متنساش ان ده ابوها بردو
حور جوا نامت من كتر العياط ولما سمعت صوت نمر صحيت بالهفه وندهت عليه بصريخ ومعرفتش تفتح الباب لانه مقفول عليها بالمفتاح
نمر اول ماسمع صوتها جري على الاوضه وحاول يفتحها واخر مازهق قال: ابعدي عن الباب ياحور
بعدت حور عن الباب وضربه نمر برجله وقعه في الارض
نمر اول ما شاف حور خدها ف حضنه بكل قوته
حور ببكاء: ا انا ل لما ش شوفت بابا ات اتصدمت ومعرفتش انده ع على حد وهو مسكني جامد وجبني هنا
نمر مسك وشها بين ايديه ولكن بعد بفزع لما صرخت
نمر بالهفه: مالك يعمري
حور: وشي بيوجعني
بص ناحيه خدها لقا صوابع معلمه عليه ودراعها عليه علمات ضرب
نمر بعيون حمرا كالدماء: هو الي عمل كده صح
حور هزت راسها ببرائه وعيون تتلئلئ بها الدموع
نمر مسك راسها ودفنها ف حضنه واتنهد بغموض
خرجوا من الاوضه كان زين واقف مع الحراس مستني نمر
زين بملل مضحك: خلصت ياعم الحنين اي متعودتش مش بعيد بكره يقولولك اتخطفت وهنلاقيها بعدها ب ساعه اتعود بقا
ضحكت حور: عندك حق والله
نمر: طب اظبط ياخفيف
اداله نظره فهمها كويس جدا وهز راسه بالموافقه
خرج نمر وهو شايل حور وزين شاور للرجاله ياخدوا علي ويسيبوا مها لانها ف الاول وف الاخر واحده ست
علي: سيبني بقولك دي بنتي واخدها ورايح على فين بنتي وبربيها سيبها بقولك
نمر وهو نازل على السلم: بنتك وبتربيها اه طب عايز بنتك تيجي تاخدها من عندي بس منصحكش كمل ببرود: اوفف نسيت هتاخدها ازاي مش لما تلاقي حد يدعيلك تخرج من عندي سليم
علي بخوف: ي يعني ا اي
زين: انت لسه هترغي
نزلوا على تحت وركبوه ف عربيه البودي جاردات وهو بيصرخ
نمر ببرود ل زين: يا اخي ده صريخه ميوزك بالنسبالي سيبه يصرخ سيبه
ضحك زين عليه: هتفضل طول عمرك كده ياصحبي
نمر: الي يقرب من حاجه تخص نمر الصاوي يبقا حفر قبره بأيده
اتحرك نمر متجهه للقصر وكل ده وحور ساكته
نمر: حوري ساكته ليه
حور باللامبالاه: اتكلم اقول اي
نمر: مم قوليلي عملتي اي واي الي حصل كان حلو اليوم ف المدرسه ولا لأ احكيلي متفضليش ساكته كده
حور حكتله الي حصل كله من ساعه ما سابها ف المدرسه لحد دلوقتي
وصلوا للقصر
نمر: حور مش عايزك تعملي اي حاجه غير لما تقوليلي ومتروحيش مع اي حد ف اي حتى غير لما اعرف وانتي راحه المدرسه انا هوصلك وهسيب قدام المدرسه اتنين بودي جارد وهاجي اخدك بردو
حور: ايهه كل ده
نمر: حوور اسمعي الكلام
حور: يوووه حاضر
يتبععع.....
______________________&&&&____________________
روايه/طفله امتلكت النمر
الفصل/الحادي عشر
نمر بضحك: يابنتي مش هتبطلي الصوره بتاعه كل مره دي
حور بمرح: تؤ تؤ
نمر بصلها بهيام واتصوروا كذا صوره مع بعض كذا صوره وطبعا مسلمتش من حركات حور المجنونه
نمر بضحك: يلا هتتأخري من اول يوم
حور: يلا
ركبوا العربيه ووراهم عربيات البودي جارد ووصلوا للمدرسه دلوقتي حور بقت ف تالته ثانوي ولكن ف نظر النمر طفلته ف هو مش بيحبها هو بيعشقها من وهي10سنين
وصلوا المدرسه ودخلت حور جمب نمر وكانت قمه ف الجمال كانت كل الانظار عليهم البنات بتبص ل نمر بهيام والولاد كل نظرهم متعلق ب حور
نمر كان غيران جدا على حور من نظرات الشباب ليها ولو كان يطول يدخلها جوا كان هيعمل كده
لقا ولد بيقرب منها وبيمد ايده عشان يسلم عليها وفضل مادد ايده: هاي انا حسام وانتي
نمر بصله بنظرات ناريه
وحور بصت بتوتر ل نمر
حسام بوقاحه: اي يبنتي انتي مش بتتكلمي ولا اي
ومد خد ايدها تسلم على ايده
حور اتصدمت من بجاحته
نمر اتجنن من حركته وفك ايده من ايد حور وسلم هو عليه ولكن بطريقته فضل ضاغط على ايده وكان صوت عضمه بيطرقع تحت ايد نمر الي بيبصله ببرود وقرب وقال جمب ودنه: دي حاجه بسيطه عشان الي يفكر يقرب بس من ناحيتها ويستظرف ياظريف ولولا انك لسه عيل كنت دفنتك مكانك وهعد ل تلاته لو لقيتك لسه ف وشي اقرا على نفسك الفاتحه
جري حسام بذعر من نمر وبيصرخ من ايده الي اتكسرت
كمل نمر طريقه ل مكتب المدير باللامبالاه وكأن محصلش حاجه
وطبعا عرف نفسه للمدير ووصى على حور كويس جدا
ووصل حور للكلاس ومشي
دخلت حور الكلاس بكسوف من نظرات الطلاب عليها وكان في عيون بتبصلها بتوعد وهو حسام الي كان ف نفس الكلاس معاها
مكانش فيه مكان فاضي غير جمب بنت باين عليها الطيبه والبرائه
نور: هاي اسمك اي
حور ببسمه جميله: اسمي حور وانتي
نور ببتسامه: انا نور
حور: اتشرفت بيكي
قعدت حور جمب نور واول ما المدرس دخل كانت حور مركزه مع الدرس كويس وبتكتب وراه الملاحظات المهمه
سأل المدرس سؤال من الحصه وكان من الأسأله الصعبه قوم بنت كانت بتتكلم وقال: قومي يانهى حلي السؤال ده
نهى: ها نعم يامستر
المدرس: نعم الله عليكي بقولك حلي السؤال ده
نهى فضلت واقفه متنحه للسؤال ومش فاهمه
المدرس: طبعا مش هتعرفي تحليه ما انتي لو مركزه ومش بتتكلمي مع سلمى كنتي عرفتي تحليه
قوم ولد وبردو معرفش يحلوا وقوم بنت تانيه وبردو معرفتش
زعق المدرس: هو انا بشرح ل نفسي اما كلوا معرفش يحل امال جايين هنا ليه عشان نقابل صحابنا ونتكلم وبس
حور رفعت ايدها: انا هحلها يامستر
المدرس: اطلعي حليها على البورد
طلعت حور وكتبت الناتج: الناتج هيبقا3577
محمد: جبتي الناتج ازاي لو تعرفي تشرحي
حور بذكاء وثقه: لو عملنا 8جزر1على ال5 في1 هيطلع الناتج3577
محمد بأنبهار: براڤو عليكي بجد اسمك اي
حور ببتسامه: انا اسمي حور
وبعد ما الحصه خلصت نزلوا للبريك ونور كانت ماشيه ورا حور زي ضلها
حور: يبنتي انتي ماشيه كده ليه
نور بطيبه:احنا بقينا صحاب والصحاب مش بيسيبوا بعض ف انا معاكي
ابتسمت حور على طيبه نور
لقت شله بنات جايه عليهم وكانت من ضمنهم نهى وسلمى
نهى بحقد: قومي من هنا
حور ببرود: بتقولي اي مسمعتش
نهى: مسمعتيش اسمعك بقولك قومي من هنا
حور ببرود اتعلمته من نمر:مم قومي من هنا ولو قولتلك مش هقوم
سلمى: هنقومك بالعافيه
نور بخوف: خ خلاص ياحور يلا نقوم
حور مردتش على نور وقالتلهم: احب اشوف
نهى حاولت تضرب حور ولكن حور بحركه سريعه كانت مسكت دراع نهى ولفته ورا ضهرها
*فلاش باك*
من 7سنين كان نمر ابتدا يعلم حور حركات قتاليه ودفاع عن النفس لحد ما كبرت وعلمها ازاي تمسك السلاح وتضرب بوكس
*باك*
نهى بألم: سيبي ايدي ياحيوانه
حور: هعديهالك اصل الواحد وهو بيتوجع مبيعرفش هو بيقول اي
زقت نهى وقعتها ف الارض وقعدت تكمل اكلها وكأن محصلش اي حاجه
نهى بحقد: اصبري عليا مبقاش انا نهى العزيزي لو مربتكيش
حور بضحكه ساخره: ربي نفسك الأول وابقي قولي ل مامي ياشاطره تاخد بالها من تربيتك بعد كده وتفهمك ان مش تيجي تتهجمي على اي حد وهو قاعد ف حاله ده شغل لوكل اوي ميلقش بيكي كمل بسخريه: يانهى العزيزي
مشيت نهى وهي هتنفجر من غيظها
عند نور كانت منبهره من قوه حور وشجاعتها
نور: انتي ازاي كده
حور بضحك: كده ازاي
نور: قويه اوي ومش بتخافي وواثقه من نفسك وفوق كل ده جميله جدا
ضحكت حور: تعرفي يانور انا كنت زيك كده من 7سنين بظبط
نور: اي ده يعني كان عندك 11سنه
حور: اه
نور: طب وايه الي حصل خلاكي كده
حور: هحكيلك وهثق فيكي بما انك صحبتي
حكتلها حور قصه حياتها بالكامل
نور: لالالالا انا مش مصدقه ده ولا المسلسلات التركي
حور بضحك: على رأيك
نور: طب ونمر
حور برتباك: م ماله
نور: حبيتيه
حور بتوتر: ها انا لا لا ده نمر اخويا الكبير الي رباني
نور بذكاء: متكدبيش عليا ياحور انتي بتحبيه
حور: وعرفتي منين بقا
نور: من عيونك الي بتطلع قلوب وانتي بتتكلمي عنه من لغه كلامك لما تجيبي سيرته من ابتسامتك الي وصلت ل ودنك لما تقولي اسمه كل ده يأكدلي انك بتعشقيه كمان مش بتحبيه بس
حور بحزن: مش عارفه يانور والله هو حتى مش موضحلي هو بيحبني ولا لأ
نور: ازاي يعني معاملته معاكي وحشه تقصدي؟!
حور بنفي: ابدا والله ده بيجبلي الحاجه من قبل ما اطلبها بيعرف انا بفكر ف اي معظم وقته معايا مش محسسني اني وحيده وكل ما يسافر لاهله ياخدني معاه واهله بيحبوني كأني بنتهم ولو حد قرب مني مش بعيد يقتله وعلى طول بيساعدني والوحيد فعلا الي بثق فيه وهو كمان بيثق فيا جدا وعلى طول بيقولي انتي مميزه بالنسبالي واني غير اي حد عنده
نور: امال اي يابنتي كل ده ومش مبينلك ده ناقص يدخل البيت ف مره ومعاه المأذون
حور بغباء: تفتكري بس لا لا ياستي اكيد لا هو مش هيحب عيله يعني
نور وجتلها اعراض الجلطه: يابنتي الله يرضى عليكي متشلنيش انتي بتقولي بيتمنالك الرضا ترضي وبيثق فيكي واهله بيحبوكي وبيقول انك مميزه وغير اي حد عايزه اي اكتر من كده
حور: بس مش كفايه يامنه الكلمتين دول مش كفايه انا كده هبقا عامل زي الي نجا من حفره بصعوبه ويوم ما يجي يمسك ف حبل عشان يطلعه من الزنقه دي يطلع الحبل اصلا مقطوع
نور بقتناع: على رأيك
فكرت ف فكره: طب ما تتأكدي بنفسك
حور:ازاي يعني
نور: بصراحه ياحور انتوا مش ف روايه بقا ولازم الاحداث بين البطل والبطله تطول عشان الفصول تكتر وتلاقي مشاهدين هو هيكبر وانتي هتكبري وهيبقا مفيش حد اعترف بمشاعره للتاني واجهيه على طول وهو اكيد هيعترفلك ساعتها يمكن يكون كان متردد يقولك بمشاعره عشان متحرجيهوش هو اكيد بالنسباله شايف ان فرق السن بينكوا كبير بس بالعكس دول 15سنه ومش هتوقفوا حياتكوا كلها عشان فرق السن يعني انا بابا وماما الفرق بينهم16سنه وعادي
اقتنعت حور بكلام نور وكملت يومها الدراسي وف اخر اليوم جيه نمر خرجتلوا حور ومعاها نور
حور ببتسامه ساحره: دي نور يانمر صحبتي اتعرفت عليها انهارده
نمر ببتسامه: اهلا وسهلا
نمر: يلا ونوصل صحبتك ف طريقنا
نور: لا شكرا انا بابا هيجي ياخدني
ودعت حور نور وخدت رقمها وركبت العربيه
وهما ف الطريق كانت حور بتفرك ف ايدها بتوتر ومش عارفه تبدأ منين
نمر ولانه فاهم كل حركاتها: قولي ياحور عايزه تقولي اي
حور اتكلمت مره واحده: بصراحه يانمر انا ب بحبك
فرمل نمر العربيه مره واحده وخبطت حور بضهرها ف الكرسي بتاع العربيه
نمر من جواه هيطير من الفرحه ونفسه يصرخ بحبه ليها لكن للأسف مينفعش
نمر ببرود عكس الي جواه: انتي بتقولي اي ياحور
حور ابتسمت بخجل: ايوا بحبك بحبك من زمان يانمر
نمر كان سيبكي من شده الفرحه واخفى هذا بصعوبه: مينفعش ياحور مينفعش
حور بصدمه: يعني اي مينفعش
نمر ببرود ظاهري: حور انتي زي اختي انتي زي اسيل ياحور انا ربيتك على انك بنتي وصحبتي واختي لكن اكتر من كده مفيش وانا اصلا الي كنت عايزه افاتحك ف موضوع اني هخطب
حور بصدمه ودموع متحجره بعيونها: انت بتقول اي ازاي يعني اي يانمر هتخطب
نمر ببرود مضطر يقول كده هي لسه صغيره وفاكر ان ده سن مراهقه وانها بتقول كده ل مجرد اهتمامه بيها وكمان عشان مصلحتها خايف يفرح دلوقتي وهي لسه صغيره وتلاقي حد ف نظرها احسن منه وتحبه لان بالنسباله ف السن ده البنات بتاخد بالاهتمام
نمر بدموع مخفيه: بسمه رجعت من السفر بقالها فتره وهي بتحبني من زمان وانا بحبها وهنتخطب واقفلي الكلام لحد كده ياحور انا هعتبر كل الي قولتيه ده متقالش سمعاني
حور بدموع: بس
نمر بزعيق خلاها تتنفض: حوووور الي قولتوا يتنفذ
يتبععع.....
مش محتاجه اتكلم عن الي نمر عملوا ياكسفتك ياحور🥲 ياترا اي الي هيحصل والي بيقولوا نمر ده حقيقي وهيضيع حياته وحياه حور ل مجرد احساس ولا حور هتقدر تنسيه الاحساس ده هنعرف مع بعض ف الفصول الجايه بااي
تكملة الروايه اضغط هناااااااا
تعليقات
إرسال تعليق