رواية طفله امتلكت النمر البارت الاول والثاني 1_2بقلم ملك شكري
رواية طفله امتلكت النمر البارت الاول والثاني 1_2
امتلكت النمر البارت الاول والثاني 1_2كامله وحصريه
روايه/ طفله امتلكت النمر
الفصل/الاول
بقلمي✍🏻/ملك شكري
اهههه سيبي شعري حرام عليكي
_اخرسي يابت مسمعش صوتك وتجيبي الي قولتلك عليه وانتي ساكته
حور: حرام عليكي انا لسه صغيره على الي بتعمليه فيا ده انا من صباحيه ربنا مقعدتش
_احمدي ربنا يختي امك ماتت وسابتك قاعده على قلبي وقرفاني انا والراجل
حور: الراجل ده ابويا بردو
_اتنيلي هو حد طايقك ولا عايزك يكش تغوري من وشنا ونخلص
نزلت حور تجيب الطلبات ودموعها سبقاها خلاص اتعودت على كده
اعرفكم ب حور(عندها10سنين كانت بتروح مدرسه قبل تلت سنين بظبط ووقفت بعد وفاه امها بسبب ابوها وبعد وفاه امها ب يومين دخل ابوها علي ب واحده تاني وهي مها مراته حور معرفتش تعترض ولا حتى تتكلم خوفاً من ابوها بريئه
بقلمي✍🏻 /ملك شكري
جدا وبتخاف من اقل حاجه عيونها زرقاء كاللون البحر بشرتها ناصعه البياض شعرها بني فاتح وفي خصلات من لون الدهب شعرها يوصل ل بعد عنقها)
علي والد حور(48 سنه راجل مش بيهمو غير نفسه ومضيع فلوسه ف السهر والشرب وبس مها ممشيه كلامها عليه وعمره ما اعتبر حور بنته ولو ل يوم ودايما معاملته معاها وحشه جدا من ضرب واهانه لو اعترضت على حاجه او حتى معترضتش)
راحت حور على السوبر ماركت تجيب طلبات مها وفضلت تحفظ فيها كويس عشان لو رجعت وفي حاجه ناقصه هتضربها بتشتري الحاجات ودموعها مش واقفه
خرجت من السوبر ماركت وهي دايخه ومش شايفه من دموعها لحد ما في عربيه جايه بسرعه عاليه وخبطت فيها جامد وقعت حور على الارض وبتنذف من كل جسمها ومكان راسها نازل دم
_ياغبي اي الي انت عملتو ده
السواق حسن: والله يابيه ماشوفتها هي اصلا مش مركزه
نمر: طب انزل شوفها
نزل حسن يشوف البنت الي وقعت دي لقاها طفله بتنذف
حسن جري ع العربيه:الحق يابيه دي بتنذف من راسها وايدها
نمر: الله يخربيتك
نزل نمر من العربيه وراح ناحيتها وبص عليها والناس وقفت تشوف الي بيحصل اي دهه ده النمر نمر المحمدي تجاهل نمر نظرات الناس ووطى ببرود شال حور وسط ذهول الناس وحطها ف العربيه وشاور للسواق يرجع مكانه
نمر: اطلع على المستشفى
طلع حسن بدون اي كلمه على المستشفى وبعد عشر دقايق كانو وصلو نزل نمر وهو شايل حور ودخل بيها المستشفى وخلال ثانيه كان كل الممرضين والدكاتره حواليه وخدو منه حور حطوها على الترولي ودخلو بيها اوضه العمليات
نمر فكر يمشي ويسيب البودي جارد وحسن هنا ويبقو يتصلو بيه بس قرر يستنى وخلاص
اعرفكم ب نمر(لقبه النمر الي ولا بيرحم ولا بيسامح ولا حتى بيضعف قصاد اي حد عنده25سنه متخرج من كليه هندسه بقالو تلت سنين وواخد الماجيستير وكان الاول على دفعته طول السنين الي فاتت كان بيدرس وبيدير الشركات مع والده ف نفس الوقت من وهو عمره17سنه كان بيدير الشركه مع والده ومن بعد ما اتخرج بقا هو الي بيدير الشركه لوحده اصله من الصعيد واهلو عايشين هناك وبيروح ليهم كل فتره يقعد معاهم ويرجع ل حياته وشغله عصبي جدا ومابيتهاونش وسيم جدا عيونه باللون العسلي الفاتح بشرته فاتحه دقنه بني خفيفه وشعره بني كثيف ولامع طويل وجسمه رياضي)
بعد ساعه ونص خرج الدكتور من اوضه العمليات ووقف قدام نمر بحترام: هي دماغها اتفتحت من اثار الوقعه وخيطناها وايدها اليمين اتكسرت وجبسناها ووشها الحمدلله مفيهوش جروح تمشي على العلاج وهتخف بسرعه ان شاء الله وكل يوم تطهر الجرح ال ف دماغها وتيجي بعد اسبوع او اسبوعين بالكتير نفكلها الخيط بعد ساعه هتفوق من البنج حمدالله على السلامه بعد اذنك
نمر: تمام
راح نمر الكافتيريه وقعد فيها شويه لحد ما عدا ساعه وطلع تاني الاوضه الي اتنقلت فيها
دخل نمر من غير ما يخبط لقا بنت اقل ما يقال عنها فاتنه بمعنى الكلمه جمالها غطى على وشها المرهق والكسر الي ف ايدها هي طفله بس مش باين انها طفله الي يشوفها يديها13سنه
نمر ببرود:احم حمدالله على سلامتك
حور ببرائه: الله يسلم حضرتك ياعمو
نمر برق بصدمه: عمو
حور خافت واتكلمت ودموعها نزلت: اء انا اسفه والله مقصدش خلاص مش هقولها تاني
نمر استغرب من خوفها الزايد: خلاص عادي في اي براحه اي لازمه الدموع يعني
لسه بيقرب يقعد على الكرسي الي جمب السرير هي انكمشت ف نفسها وهي خايفه
نمر بصدمه: اي يابنتي في اي هو انا هاكلك
حور: حضرتك مش هتضربني
نمر: لا طبعا مش هضربك
حور هديت وهو قعد على الكرسي الي جمبها: ممم اسمك اي بقا
حور: اسمي حور
نمر: ماشي ياحور عندك كام سنه
حور: 10
نمر:طيب حافظه رقم حد من اهلك عشان اتصل بيه يجي ياخدك اكيد قلقو عليكي من التأخير ده
حور ضحكت بألم وحزن
نمر استغرب: بتضحكي على اي
حور بحزن: اصل محدش قلق عليا ولا حتى هيعبرني لو مرجعتش البيت ل سنه قدام
نمر اتصدم: ازاي يعني
حور: هو حضرتك بتسأل ليه
نمر: عادي اعرف يمكن اساعدك
حور: ماما ماتت من تلت سنين وبابا اتجوز واحده تانيه ومن ساعه ما اتجوزها وهي بتضربني وانا الي بعمل كل شغل البيت وبنزل اجيب الطلبات ولما حضرتك خبطتني بالعربيه كنت بجيب الطلبات انتفضت من مكانها مره واحده: ال الحاجات الي جبتها هتضربني لو رجعت من غيرهم انا لازم ارجع بسرعه انا نسيت
نمر حاول يهديها:اهدي اهدي حاجات اي دلوقتي بس انا مش مصدق اصلا ان في اب يعمل كده ف بنته
حور ضحكت بوجع: هه بنته ده لو كان لقيني ف الشارع كان عاملني احسن من كده امي وهي عايشه كان كل يوم يضربها وهي الي كانت بتشتغل وبتديله الفلوس عشان يخرج بيها وهي الي كانت بتنام معايا عشان انا بخاف انام لوحدي او حتى ف الضلمه ومن ساعه ما ماتت مبقتش اعرف انام ولو حاولت انام بسيب النور وبستنى الصبح يطلع وينور المكان
نمر: مستحيل اصلا ان في حد كده
حور: يلا نصيب
نمر: انا اصلا مستغرب ان طفله زيك وبتتكلم كده
حور بغضب طفولي: انا مش طفله انا كبيره
نمر ابتسم غصب عنه: ممم ماشي ياست الكبيره
حور بحزن: وبعدين انا عشت ال يخليني اتكلم اكتر من كده
نمر: والله عندك حق
حور: انا لازم اروح عشان لو اتأخرت اكتر من كده هتضربني ولا انا كده كده هضرب عشان مجبتش الطلبات يلا اتعودنا
نمر بعد تفكير اتكلم ببرود: لا ما انتي مش هترجعي البيت ده تاني
حور: نعم امال هعيش ف الشارع
نمر: لا هتعيشي معايا
حور: ايه
نمر: اي
حور: حضرتك مركز ف كلامك
نمر باللامبالاه: اه مركز وبعدين النمر مبيقولش حاجه غير لما يبقا عارف هو بيقول اي
حور لوت شفايفها: نمر هو انا روحت الغابه ولا اي
نمر: لا ياظريفه ده اسمي
حور: اوه مكنتش اعرف
نمر: واديكي عرفتي
طلع فونه ورن على شخص: عايزك تروحي اقرب فرع مول هنا وتجيب شويه اطقم خروج مقاس من 10سنين ل11سنه وبيجامات من نفس المقاس وشوزات بص ل رجلها بتفكير: مم 31وتوك وبرفانات شكل حاجات حلوه ماشي يادينا ووصليهم على البيت
قفل الفون وبص ل حور الي مذبهله بمعنى الكلمه
نمر: في اي
حور: انت عرفت مقاسي منين
نمر: سنك عشر سنين ف الهدوم مابين سنك وسنه اكبر عشان يظبط عليكي ومقاس الشوزات دي بقا من عندي
حور: انا فعلا بلبس31
نمر بغرور: عيب عليكي
حور: اي الثقه دي وبعدين انا مش عايزه اصلا هدوم
نمر: اسكتي
حور سكتت واتلهت ف كلامها مع نمر ونسيت ان مفعول البنج راح وابتدت تحس ب الوجع القوي والصداع الي ف راسها
مره واحده اتكلمت بوجع: اهه يادماغي
نمر: في اي
حور:دماغي بتوجعني اويي
نمر عرف سبب الوجع عشان مفعول البنج راح
نمر اتصل ب حسن الي مستنيه برا: عايزك تجيب الادويه الي الدكتور كتبها
حسن: جبتها ياباشا بس مردتش ادخل ل حضرتك
نمر: طيب ادخل هاتها
دخل حسن اداله الادويه وخرج بهدوء
نمر ناولها المايه وخلاها تاخد المسكن الي الدكتور كتبه ليها وخدته
نمر: يلا عشان نروح
حور: طب وبابا ومها هقولهم اي
نمر: ملهومش حاجه عندي الي ليه حاجه يجي بنفسه ياخدها
حور بخوف: يعني انا هرجعلهم تاني
نمر: ليه بتقولي كده
حور ببرائه: عشان انت بتقوب الي ليه حاجه يجي ياخدها يعني هيجو ياخدوني
نمر ابتسم على برائتها: متخافيش مش قصدي المعنى ده وبعدين خلاص محدش يقدر ياخدك تاني
حور ابتسمت وقامت عشان تمشي مع نمر
حسن بص ل نمر بستفهام: احم هنتحرك يانمر بيه
نمر بجديه: اه
زاد اندهاش حسن لما لقا نمر مسك ايد حور وخرجو ل برا المستشفى
ركبو العربيه ووارهم عربيات البودي جاردات
حور بخضه: مين الناس الي قد الحيطه دول
نمر: دول البودي جاردات بتاعتي
حور: ماعلينا
اتحركو ف اتجاهم ل قصر النمر
بعد وقت كانو وصلو للقصر دخل نمر وحور للقصر
نمر بجديه: سميه دينا جابت الشنط
سميه بحترام: ايوا يانمر بيه جابتهم وحطتهم ف جناح حضرتك وانا بروقو
نمر: تمام
سميه بصت ل حور بستغراب واندهاش البيت ده عمر ما حد دخل فيه غير صاحب نمر زين واهله الي بيجو كل فين وفين
طلع نمر وف ايده حور على الجناح وكل ده حور ساكته تماماً
دخلو الجناح واتكلم نمر: اي السكوت ده
اتكلمت حور باللامبالاه: اتكلم اقول اي
نمر: مم مثلا تقولي مثلا اي رأيك ف البيت تسألي اي حاجه ده انا من ساعه ما قابلتك مبطلتيش كلام
حور بتفكير: مم تقدر تقول لسه بصدق الي انا فيه يمكن بحلم وهصحى على كوبايه مايه سقعه انما اي تحسسني اني روحت الغردقه وانا لسه ف بيتي او مثلا حاسه ان هاجي ف اي لحظه واصحى من الحلم ده على كابوس صعب
نمر اضايق من غير سبب يمكن بسبب كلامها او تحطيم نفسيتها بالشكل ده هو متربي وسط عيله بتحبه وبيحبهم وسط اب وام واخوات لكن هي اتربت من غير ام واب قاسي ومرات اب متعرفش يعني اي انسانيه
نمر: انسي اي حاجه حصلت انسي امبارح وابدأي من انهارده
حور: هيييح يلا هحاول
نمر: ادخلي خدي شاور على ما الخدم يجهزو الاكل
حور وقفت ف وشه: مسمهومش خدم على فكره
نمر: امال اي ياست الفيلسوفه
حور بعقلانيه: اسمهم عاملين او مساعدين مش معنى انهم بيخدموك يبقو خدامين دول بيشتغلو زيهم زيك بظبط بس الفرق انك بتشتغل شغلانه اعلى ف القيمه منهم شويه بس ده شغل وده شغل
نمر مفكرش ف حاجه زي دي قبل كده خالص:خلاص تمام يلا بقا ادخلي خدي شاور
دخلت حور طلعت بيجامه من الخامه الستان اطفالي اوي وعليها ميكي ماوس
دخلت خدت شاور ولبست البيجامه بصعوبه بسبب دراعها المكسور
خرجت لقت نمر مستنيها اتكلم ببرود: خلصتي
حور: اه
نمر: يلا عشان ننزل نتغدا
نزلت حور معاه بصمت
قعدو على السفره هو قعد على رأس السفره وهي على الكرسي الي جمبه كانت بتحاول بقدر الامكان تمسك الشوكه لان الايد اليمين هي الي مكسوره ومش بتعرف تتعامل غير بيها
نمر لاحظ ده مسك الشوكه من ايدها وابتدا يأكلها
حور: شكرا انا بعرف اكل لوحدي
نمر: مش هتعرفي ايدك مكسوره هتاكلي ازاي
حور سكتت وكلت بصمت كلت لقمتين بظبط ووقفت
نمر: كملي اكل
حور: شبعت
نمر بحده: مينفعش الدكتور قال عندك انيميا ولازم تاكلي وبعد الاكل هتشربي كوبايه اللبن
حور عينها دمعت: لا لبن لا ونبي
نمر: مش وقت دلع هتشربيه يعني هتشربيه
حور دمعتها نزلت خلصو اكل وجت كوبايه اللبن بصتلو برجاء: والله لما بشرب اللبن مش بقدر بلاش
نمر بجديه: بردو هتشربيه
مسك كوبايه اللبن وشربهلها وهي شربتها وقامت تجري على الحمام
خرجت بعد وقت وشها احمر بتعب وارهاق
نمر بتمثيل للامبالاه: في اي
حور: بحاول من بدري افهمك اني عندي حساسيه من اللبن او الجبن البيضا لما بشرب لبن او باكل جبنه وشي بيحمر وبرجع وبقعد كده فتره لحد ما اروق
نمر: احم مكنتش اعرف
حور: واديك عرفت
نمر: انا رايح الشركه افضلي هنا لحد ما اجي
حور بخوف: ل لا
نمر بستغراب: لا اي
حور بدموع: مش بعرف اقعد او انام لوحدي بخاف
نمر بنبره حاده: حور بلاش دلع
حور عيطت بخوف: حا حاضر
نمر بصلها بنظره مش مفهومه وخرج على برا عشان يروح الشركه
اول ما نمر خرج عيطت حور بهستيريه وخوف وفضلت تبص حواليها وافتكرت ان في هنا خدم دخلت المطبخ بسرعه يمكن تطمن لما تلاقيهم بس للأسف كان كل الخدم مشيو حتى الداده طلعت على جناح نمر بسرعه وبخوف وكأن في حد بيجري وراها دخلت وقفلت الباب ونامت على السرير وهي حاضنه المخده وبتعيط بخوف: يارب يارب انا بخاف اوي يارب
الليل ليل ونمر لسه مجاش وحور مغمضه عينها جامد وسايبه انوار الجناح كلها بس دموعها على خدها وبتشهق من اثار العياط
عند نمر كان بيشتغل وناسي تماماً انه سايب حور ف القصر لان مش متعود ان حد يقعد معاه وهو بطبعو بيتسحل وسط الشغل وبينسى نفسه
دخل عليه زين صاحبه: اي ياعم انت لسه مروحتش ده انا مش قادر
نمر: كان فاضلي شويه ملفات بقفلهم وهمشي مره واحده افتكر حور ودموعها وخوفها: يالهوي حور
زين بستغراب: حور مين يانجم انت شكلك هيست من كتر الشغل
نمر: هفهمك بعدين يازين انا ماشي
مشي نمر بسرعه وبصله زين بستغراب: الواد اتجنن
عند نمر ركب عربيته وساقها بسرعه لحد ما وصل القصر دخل ل جوا بسرعه مسمعش اي صوت مجرد هدوووء بس فضل ينده بأسم حور: حور حور انتي فين
طلع بسرعه على الجناح وفتح الباب بسرعه لقاها منكمشه ف نفسها وعرقانه وبتعيط وهي مغمضه وبتهلوس: لاا ونبيي متضربنيش ابعدوو عنيي ونبيي سيبوني ماااماا انتي فيننن ابعد عنيي باباا متضربنيش مش هعمل كده تاني ونبي
نمر بخضه: حوررر
يتبعععععععع........
ياترا يانمر هتتغير ولا لأ بدل البرود الي انت فيه ده🙂
تفتكرو حور قصدها اي بالي بتقولو ده وهل في حاجه ناقصه محكتهاش ل نمر كل ده هنعرفو البارت الجاي يارب تكون عجبتكم باااااي💕
روايه/طفله امتلكت النمر
الفصل/الثاني
نمر بخضه: حووور
حور بهلوسه ومش حاسه اصلا بالي حواليها: ابعدوو عنييي يامامااا
نمر راح ناحيتها بخضه: ح حور حور انتي كويسه حور
رن على زين يجي ويجيب الدكتور معاه وفعلا جيه زين بسرعه بالدكتور وطلع عند نمر الي ماسك ايد حور وبيحاول يهديها لان حرارتها ارتفعت جامد
زين: في اي يانمر
نمر: مش وقتك
كشف الدكتور عليها وقال: هي اتعرضت ل نوبه عصبيه سيبالها اثر لحد دلوقتي وافتكرتها انهارده والخوف الزايد بيسبب الموضوع ده ادتلها حقنه خافضه للحراره وهتفوق دلوقتي ان شاء الله
مشي الدكتور وزين وقف مع نمر: ممكن تفهمني بقا
نمر حكالو كل حاجه من اول ما شاف حور لحد دلوقتي
زين: يحبيبتي هو في ناس كده
نمر: الي حصل بقا
زين: طب انا هروح انام وهبقا اتصل بيك الصبح
نمر: ماشي
مشي زين ونمر راح قعد جمب حور
حور فاقت بفزع: ا انا فين
نمر بحنان: اهدي اهدي متخافيش
حور هديت بس عيطت جامد: اء انا كنت خايفه اوي انا شوفت كابوس ارجوك متسبنيش لوحدي تاني
نمر طبطب على راسها: انا اسف حقك عليا مكانش المفروض اسيبك لوحدك انتي فضلتي تقولي ابعدو عني مين دول ياحور
حور بخوف: ه ها مفيش
نمر بحنان طبطب عليها: متخافيش ياحور انتي بقيتي معايا وف امان محدش هيقدر يجي جمبك احكيلي
ريحت حور على كتفه وعيطت: ب بابا ك كان ب بيجيب صحابو ي يسهرو عندنا ف ف البيت وكان بيخليني اعملهم القهوه واخرجلهم الحاجات برا وكانو بيرخمو عليا ف كنت بخرج اقعد ف الشارع لحد ما يمشو
نمر بعصبيه: ولاد ال..... انسي انسي ياحور كل ده من دلوقتي انا بس الي ف حياتك
حور هزت راسها ببرائه
ابتسم نمر على حركتها وقال: دلوقتي بقا انا جعان يلا ننزل ناكل
حور: انا مش عايزه اكل
نمر بحنان: لا حوري هتاكل عشان اخدها معايا الشركه بكره
حور نطت بسعاده: اوكي يلا بينا
ابتسم نمر ومسك ايدها ونزلو على تحت
نمر حط ايده ف وسطه: دلوقتي مفيش حد يعملنا الاكل وانا مش بعرف اطبخ ها نعمل اي صح نطلب دليڤري
حور: اوكي يلا بينا
طلب نمر دليڤري
وخرجو يقعدو ف الجنينه برا وهما بيضحكو ويهزرو بعد شويه الاكل وصل واكلها نمر وفضلو يرغو كتير لحد ما الفجر اذن
قامت حور سألها نمر: رايحه فين
حور: هروح اتوضى لحد ما اذان الفجر يخلص
نمر: انتي بتصلي
حور: طبعا من وانا ست سنين متعوده اصلي
نمر: براڤو عليكي بجد
فكر شويه وقال: تعالي اصلي بيكي
حور: اوكي انا هطلع اتوضى
طلعت حور اتوضت وبعدها نمر اتوضى وصلو الفجر
حور بنعاس: انا عايزه انام
نمر: يلا
نامت حور على السرير وفضل نمر صاحي يطبطب عليها لحد ما نامت بعد كده نزل جمبها وراح ف النوم هو كمان
تاني يوم الصبح صحي نمر الساعه 9 خد شاور ولبس بدله سودا وقميص اسود وساعته السيلفر الفخمه ورش برفانه وراح ناحيه حور وصحاها بهدوء: حور
حور بنوم: ههمم
نمر: يلا قومي عشان تروحي معايا الشركه
قامت حور خدت شاور ولبست هيكول ابيض وجيبه جلد سودا وكولون شبك اسود وهاڤ بوت اسود وسيبت شعرها
حور: انا جاهزه
نمر: قمر ياناس
خدها نمر من ايدها ونزلو على تحت لقو الفطار جاهز فطرو وخرجو على برا عشان يروحو على الشركه
حور بخضه: اي الناس الكبيره اوي دي
نمر ضحك عليها: دول البودي جاردات بتاعتي
حور: دول بياكلو خشب عشان يبقو كده اكيد
نمر حاول يمسك ضحكته بصعوبه وركبو العربيه واتجهو للشركه
____________________________
عند علي ومها
مها بوسوسا: فين بنتك ياعلي بقالها يوم ونص غايبه عن البيت
علي: يلا اهي تريحنا
مها بخبث: دي بنتك ياراجل
علي: احنا هنكدب على بعض ولا اي يامها ما احنا طبخينها سوا
____________________________
وصل نمر وحور للشركه دخلو بهيبه وهو نمر ماشي وجمبه حور كانو كل الموظفين بيبصولهم بستغراب وبيقولو مين العيله دي
تجاهل نمر نظرتهم وطلع على
بقلمي✍🏻/ملك شكري
المكتب واتكلم بحده وجديه مع السكرتيره دينا: ملفات الصفقه الجديده تبقا عندي كمان خمس دقايق ومعاهم قهوتي وعصير فراوله
دينا بستغراب من حور حاولت تداريه: حاضر يامستر نمر
دخل نمر مكتبو ومعاه حور
قعد على مكتبه وحور قعدت على المكتب: انت بتتكلم كده ليه
نمر: بتكلم ازاي يعني
حور: يعني بتتكلم بجديه ل درجه اني خوفت منك برا ليه بتتكلم معاهم كده
نمر: عشان لازم اتكلم معاهم كده والا هيسوقو فيها
حور: يعني اي يسوقو فيها
ضحك نمر: يعني هياخدو عليا بزياده
دخلت دينا بالعصير والقهوه واوراق الصفقه وبتبص ل حور بتعجب
نمر رجع ل جديته: حطيهم عندك واتفضلي
حطتهم دينا وخرجت برا وهي بتقول ف نفسها: مين البت دي دي الي جابلها الهدوم امبارح ياترا تقربلو اي
اما ف مكتب نمر ف كان بيراجع اوراق الصفقه قبل الاجتماع وحور قاعده قصاده بملل
نمر بصلها وابتسم: زهقتي صح
حور: اه
نمر: حقك عليا عندي اجتماع هخلصو وهاخدك ونروح
حور: اوكي
دخل زين بدون خبط كالعاده
نمر: يابني ادم نفسي ف مره تخبط قبل ما تدخل
زين بضحك: عادتي ولا هشتريها
بص ل حور ببتسامه وقال: اهلا عامله اي
حور بستغراب بصتله
نمر: ده زين ياحور صحبي واخويا
حور: اه اهلا
زين ضحك: اي الغرور ده يابنتي
حور: معرفكش ههزر معاك ليه
زين ضحك: اي يابنتي الاسلوب ده حاسسها شويه وبالي ف رجلها و ف وشي
ضحك نمر: جدعه ياحوري متسكتيش لحد وبالذات الواد ده
زين برق: حوري وواد
نمر: بس ياض ويلا اسبقني ع اوضه الاجتماعات
ضحك زين وخرج على برا
نمر بص ل حور: خدي فوني اقعدي العبي بيه شويه لحد ما اخلص الاجتماع وهاجي على طول
حور بطفوله: حاضر بس متتأخرش
نمر ابتسم بحنان: من عنيا
مشي نمر وحور فضلت قاعده بالفون لحد ما غلبها النوم
بعد ساعه خلص نمر الاجتماع وطلع بسرعه على المكتب يطمن على حور دخل لقا هدوء ف المكتب بص ناحيه الكنبه الي ف المكتب لقاها نايمه راسها على الكنبه ورجلها واقعه ف الارض والفون واقع جمبها نمر ابتسم على منظرها وخد فونو ومفتاح عربيته وشالها بين ايديه ونزل على تحت عشان يروح
وطبعا كل الموظفين باصين وكأنهم شايفين رجل فضاء براسين مش النمر مبرقين وباصين له ونمر تجاهلهم وخرج على برا ركب العربيه ورا وحسن السواق بيسوق
نمر: اقفل الشبابيك دي البنت هتبرد
قفل حسن الشبابيك وحاول نمر يخلع جاكيت بدلته بصعوبه لانها نايمه على كتفه خلع الجاكيت وغطاها بيه لحد ما وصلو للبيت ونزل نمر دخل على البيت حطها على السرير وخد شاور وغير هدومه ونزل على تحت لقا الباب بيخبط ودخل زين
نمر: يبني مش انا سايبك ف الشركه عايزز ايه
زين: شكرا على واجب الضيافه يابرنس
نمر: برنس يابيئه
زين: بس حور دي عسوله اوي ودمها خفيف
نمر: اه ما انا عارف
فضل زين قاعد مع نمر
عند حور فوق صحيت لقت باب
بقلمي✍🏻/ملك شكري
الجناح مقفول والنور مقفول
صحيت مفزوعه وعيطت وهي بتنده على نمر وفتحت باب الجناح ونزلت على تحت وهي بتعيط
نمر قام وقف لقاها نازله بتعيط شالها ف حضنه: حوور ماالك في ايه
زين بطريقه تضحك: وربنا شكلهم بدلوك وجابولنا نمر طيب
يتبعععع.........
تكملة الروايه اضغط هناااااااا
تعليقات
إرسال تعليق