رواية انتقام عاشقه الفصل السادس 6بقلم سلمي تامر
رواية انتقام عاشقه البارت السادس 6
رواية انتقام عاشقه الجزء السادس 6
رواية انتقام عاشقه الحلقه السادسه
فارس شاف مراته وهي بتقع من على سلالم البيت بصدمه ورعب وصرخ بإسمها وجرى عليها يلحقها
_علياء
سند دماغها على رجليه
علياء بعدم وعي وألم
_ابني..ابني هيموت
آخر كلمات قالتها وهي بتفقد الوعي وبتنزف
___________________
بعد ساعتين في المستشفى
فارس واختها الوحيده كانوا واقفين قصاد أوضة العمليات بقلق وتوتر
وطلع الدكتور بعد فترة وملامحه كلها أسف
فارس بقلق
_ايه الاخبار يادكتور.. مراتي كويسه
_مرات حضرتك بخير بس..للأسف فقدنا الجنين
قعد عالكرسي بصدمه ودموعه نزلت
هو كان مستنيه بلهفة..كان بيشتغل الفترة اللي فاتت ليل نهار علشان يعرف يأمنله حياة كويسه ومستوى عالي يعيش فيه وفي الآخر خسره بالطريقه دي!
استغفر ربه وقام يغسل وشه ودخل تاني للأوضة اللي علياء انتقلت فيه و كانت لسه فاقدة الوعي وجنبها مريم اختها اخر فرد بقيلها من عيلتها
قعد عالكنبة اللي في آخر الاوضة وبصلها بأحاسيس كتير
حزين عليها وفي نفس الوقت مخنوق منها جدا بسبب استهتارها واندفاعها اللي خلوها تفقد ابنهم قبل ما يتولد
نفخ بعنف وحاول يطرد الافكار دي من دماغه واتكلم بهمس في سره
_اهدى يافارس...هي اكيد ملهاش ذنب في اللي حصل ده وابنك مكنش مقدر انه يعيش
بعد ساعه فاقت علياء وبصيت حواليها بعدم فهم وبعدها افتكرت كل حاجه ودموعها نزلت
_حمدلله على سلامتك ياعلياء
بصيت لأختها مريم واتكلم بتعب ودموع
_مات صح
مريم بزعل عليها
_حبيبتي استعوضي ربنا فيه هو مكنش مكتوبله انه ييجي على وش الدنيا...ان شاء الله ربنا يعوضكم انتِ وفارس
_هو فين فارس
سألت عليه بنبرة غامضه ومريم رديت بحزن
_قاعد بره..شكله مجروح جدا وحزين ربنا يعوضه يارب
هزيت دماغها بشرود
_خليه يدخل
طلعت مريم وناديت على فارس اللي دخل الاوضه بهدوء واتكلم بنبرة حاول تبان طبيعية
_عامله ايه دلوقت ياعلياء
تجاهلت سؤاله ووجهت كلامها لمريم
_سبينا لوحدنا يامريم شويه
_حاضر.. لو احتاجتي حاجه انا واقفه بره
طلعت مريم وسابت فارس وعلياء لوحدهم
_ممكن افهم فيه ايه بقا واللي وصلنا للحاله دي
سكتت شوية واتكلمت بنبرة قاسيه وجامده
_فيه اني مش عايزة اكمل معاك..انا كنت طول السنين دي عايشه معاك علشان فلوسك وبما انك خسرتها..طلقني
اتصدم فارس من كلامها واتكلم بعدم تصديق
_لأ انتِ اكيد بتهزري صح، ايه الكلام اللي بتقوليه ده من امتى وانتِ مادية
_الموضوع مش مستحمل هزار...انا بتكلم بجد وفعلا مبقتش قادرة اعيش معاك
بلعت ريقها بألم وحاولت تتكلم بقسوة لما افتكرت صوره وهو في حضن نور
_والحمدلله ان ابننا نزل لأني مكنتش حابه اني اخلف منك بعد ما فلست
هنا ملامحه كلها اتغيرت وبصلها بغصب و...
يتبع..
(انتقام عاشقه)
بارت ٦
تفتكروا فارس هيطلقها بعد الكلام ده
تكملة الروايه اضغط هناااااااا
تعليقات
إرسال تعليق