رواية أنثى من نار البارت 19_20بقلم مرفت السيد
رواية أنثى من نار البارت 19_20بقلم مرفت السيد
#انثى_من_نار
♡19&
لسة داخلين البيت اتفاجئو بالتوأم اولاد خال عدي بيخبطو
عدي فتحلهم وقالهم: خير في حاجه ولا إيه
حسن: اه كنا عاوزينك بموضوع كدة
حسين: وملناش علاقة بعمتي خالص
عدي: موضوع مهم يعني اصل احنا مش فايقين بجد
حسن: في إيه وشك متغير كدة في حاجة معاك
عدي: جدي محجوز في المستشفى واحنا على اعصابنا
حسين: الف سلامة عليه زعلتني دة راجل يعرف ربنا ومحترم
حسن بص لاخوه بنظرة معناها الظروف متسمحش وقال لعدي: طب انت محتاج حاجه ياعدي احنا كدة ميصحش نتكلم في اي مواضيع دلوقتي
عدي: ربنا يخليكم دعواتكم
حسين وهو يغادر مع اخوه: هانبقى نيجي نتطمن على الحاج عبد التواب
ودعهما عدي ودخل غرفة نورا ونور شقيقاته ليطمئن عليهما
نورا صحيت اول ماحست بيه وقالنله:طمني على جدو
عدي قبل راسها وقالها:بخير والحمد لله لحقته حلا وهايبقى احسن باذن الله ياللا نامي
واغلق باب غرفة البنات
كانت عبير بتتكلم عالفون مع حد اول ماسمعت صوت عدي قالت بهمس: عدي وصل سلام دلوقتي هابقى اطمنك عالواتس
دخل عدي غرفته وجد عبير بانتظاره اول مالمحته جريت حضنته صدها ببرود وقالها: عبير اول مانخلص من الظروف دي ليا تصرف تاني معاكي ولحد. مادة يحصل ملكيش دعوة بيا
عبيروهي تحاول تقبيله: حبيبي انا اسفة باغير عليك
تركها وذهب للنوم فنامت وهي تلعن حلا في سىرها وبعد قليل وصلتها رسالة على الواتس من رقم مجهول نصها: عملتي إيه
ردت: رفضني وشكله هايطلقني
_حاولي تاني إضعفيه بكل الطرق
حاضر هحاول
_نفذي كلامي لازم تعملي الي قولتلك عليه قبل ماعبد التواب يخف وعدي يطردك
حاضر
وقفلت هاتفها ونهضت وهي تتظاهر بالتعب وقالت: عدي انا تعبانة صدري ونفسي
وظلت تبكي وتتظاهر بصعوبة التنفس نهض عدي مذعورا: مالك في إيه
: صدري مش قادره اتنفس تعبانة
طب اخدك للدكتور
: لا هاتلي البخاخة من الشنطة
جري وناولها بخاخة لضيق الشعب الهوائية
اخدتها وطلبت منه تشرب فساعدها تشرب
نامت على صدره قالها: إيه حاسة بايه وايه الي حصلك
قالت بوهن: لما بازعل بيحصلي كدة وانت زعلك. عندي بالدنيا كلها
قالها بابتسامة : طب نامي ياعبير وارتاحي
حضنته و تشبثت به وهي تقول: متزعلش مني بحبك انا مليش غيرك
وبدأت تقبله مستغلة خوفه عليها وهو مستسلم فهو بالنهاية رجل حتى حدث ماحدث وسارت خطتها على اكمل وجه
وقبل ماتمام بعثت برسالة عالواتس: حصل خطتنا نجحت
مر أسبوعين تقريباوالبيت كله بيزور الجد باستمرار واخيرا الجد هايخرج بعد تماثله للشفاء
ولاده قرروا يدبحو ويوزعو لحمة لله من فرحتهم برجوع الأب
وفعلا خرج الجد واستقبله كل الجيران والعيلة بكل حب وود
بقلم مرفت السيد
وبعدها طلب الجد انه يرتاح بشقته وطلب من عيلته كلها انه عاوزهم باجتماع تاني يوم
حلا قالتله وهي بتحضنه: نورت البيت ياحبيبي
قبل راسها وقالها: حبيبتي يادكتورة انتي انقذتي حياتي
فادية: دي طلعت دكتورة ممتازة
حبيبة: امال اختي يعني عبقرية
ضحك الكل وباسم نط قعد بحجر جده وقاله: وحشتني الشيكولاتة ياجدو
نهره ابوه: انزل من على رجل جدك دة لسة تعبان
الجد: لأ سيبه دة حبيبي ادخلي ياحلا هاتي الشيكولاتة من جوة ووزعيها على حبايبي
باسم:هييييه ملكمش دعوة وهانام في حضنه كمان
نور: لأ انا الي هانام في حضنه
الجد: كلكم هاتنامو في حضني ولاتزعلو
منصور: اخرجو ياولاد العبو برة انا عاوز جدكم وبعد خروجهم
منصور: انا عاوز اعتذرلك ياحاج
انا السبب انا الي رجعت منال وكنت فاكر بجوازي اني هاربيها وهاتتهد بس الحقد والسواد الي جواها ملهوش علاج
الجد: لا يابني دة قضاء وقدر ربنا يجعل هدى عوض عن تعبك مع منال ربنا يهديها بس يابني منال مستحيل ترجع هنا تاني عشان هتعمل فتنة بيننا
منصور: اكيد ومفيش نقاش بالموضوع ده
نورا: ربنا مايحرمنا من وجودك وسطنا يارب ياجدو
الجد: ياللا عالنوم ياولاد وبكرة بعد صلاة العشا بإذن الله اشوفكم هنا
بعد انصراف الجميع ماعدا حلا وحبيبة وعدي
عدي باحراج: انا اسف ليك ياجدو واسف ليكي ياعلا
حقكم عليا
حلا: وانت ذنبك إيه دة انا الي عاوزة اقولك متزعلش اني مديت ايدي عليها بس امت شوفت وسمعت
عدي: مش عارف اقولك إيه انا بين نارين بس تسلمي يابنت عمي كل يوم بتكبري في نظري
الجد: روح يابني لمراتك ومتشغلش بالك بحاجة
طلع عدي بيتهم هدى قالتله: مش محتاج حاجة قبل ماانام
عدي: تسلمي ياطنط
: طيب انا باعتبر نفسي بمقام امك وعاوزة اقولك حاجة بس مترددة
لأ قولي طبعا لو في مشكلة احلهالك
: لا ياحبيبي دة.. اصل... انا مش عارفة اقولك ايه
قولي على طول في إيه
: بس بالله عليك متجيب سيرتي اوعدني انا مش بافتن ولكن خايفة عليك بس
اوعدك
: مراتك
مابها؟
: بالصدفة كنا بالمطبخ وابوك ندهلها عشان يهزأها على الي حصل سابت موبايلها وكان بيجيلها رسايل واتس مسكت موبايلها عشان اديهولها بس كان مفتوح على شات واتس عتيا لقطت كلمتين عنك غصب عني اضطريت اكمل من فضولي شفت كلام. عنك وعن خطة بتعملها عشان....
عشان إيه قولي
: عشان تحمل منك وعشان تنتقم من حلا وومن ابوك كمان الي بيكلمها بيحرضها تتهم ابوك بانه بيت.....
عدي بعصبية: ايه قولي
بيتحرش بيها
عدي: طيب ارجوكي متتكلميش وانا هتعامل
انا اخدت سكرينات وهبعتهالك احسن تمسح الرسايل
ومتقلقش يابني دة سر بيننا بس فهمني هتعمل ايه
عدي: تمام روحي نامي ومتشغليش بالك
قعد شوية مع نفسه ودخن سيجارة ودخل اوضته وبيتمالك اعصابه
ودخل لقى عبير لابسة ومتزوقة اول ماشافته جريت عليه و قالتله
وحشتني انا عندي ليك خبرهايفرحك
عدي بابتسامة: عبير.....
يتبع
#انثى_من_نار
♡20♡
عدي بابتسامة هادئة: عبير....
خير ياحبيبي
: هاتي فونك وافتحيه
عبير بخوف: ل.. ليه
مالك؟ انا هعمل مكالمة احسن كان يوم طويل وفوني فصل
: مليش يابيبي اتفضل
ناولته فونها وهي ترتعش
اخده وقالها: روحي اعمليلي قهوة مظبوط
ولا قوليلي ايه الخبر الحلو الاول
نظرت الى الهاتف وهو يقلبه في يده وقالت: اه هقولك بس اعمل مكالمتك عشان تفضى وتركز معايا
وظلت بمكانها وهي خائفة
: الي يريحك قاعده ليه قوني اعملي قهوة
بس قولي رمز الفون ايه
هات افتحهولك
: لأ قولي الرمز هو انتي مالك مخبية حاجة عني ولا إيه
لا لا خااالص الرمز 555550
وذهبت وهي ترتجف وقالت لنفسها: انا غبية مامسحتش الرسايل بس هو مش هايدخل عالواتس لأ دة عمره ماعملها
اخدت فنجان القهوة على عجل من غير حتى ماتستنى تعمل وش وراحت الاوضة
كان عدي بيغير وسايب الفون بصت لوشه لقيته مفيش اي تعبير عليه
بصلها وابتسم: فين وش القهوة
حمدت ربنا انه بيعاملها عاظي يعتي ماشافش حاجة: معلش انا مرهقه ومش مركزه
: ليه كدة
ماهي دي المفاجأة
: خير
انا...
ثواني هادخل الحمام وارجعلك
دخل الحمام وفتح الواتس بعد ماعمل كونكت وفتح الواتس بتاعها عنده على التابلت
فتحت الواتس بسرعة وبعتت: انا همسح الشات متبعتيش حاجة احسن. عدي ماسك فوني
جائها الرد: ماشي ابقي طمنيني بكرة
ومسحت الشات وتنهدت براحة
ولكنها تفاجأت بعدي يقف خلفها ويراقبها
توسعت عيناها وقالت وهي تخاول قراءة وجهه الجامد : في إيه ياعدي خضتني
ابتسم وجلس بجوارها: مالك قلبك بقى خفيف ليه اتفضلي بقى قوليلي الي عندك
: انا حامل
نظرلها بهدوء ثم ضحك من قلبه وهي مستغربة وقلقانة من رد فعله
ثم سكت فجأة وقالها: بالحق قوليلي امي عامله ايه
اصفر وجهها وقالت بتلعثم: ااامك وانا مالي ومالها
فتح التابلت وفضل يقرا الشات وهو ساكت
قالتله: ماقولتش مبروك انت مش فرحان ولاايه
اتجاهلها وقام وقف وادالها ضهره وبص من الشباك وقالها بدون مايلتفت: البسي هدومك
ليه
بصلها بصة كفيلة تخرسها فقامت في ثواني لبست وهو لبس تريننج اسود وخرج بيها
ورجع بعد ساعتين هي بتبكي وهو صامت
دخلو اوضتهم قالها: بكل هدوء يابنت الناس بعد. ماكشفت كدبتك وخليت دكتورة مرات صاحبي تكشف عليكي وطلعتي مش حامل ولعبتك الحقيرة انتي وامي اتعرفت خلاص احكي كل حاجة ونصبحة متحاوليش تكدبي انا معايا كل الكلام اللي بينكم بس حابب اسمع منك وخدي بالك الي شافعلك عندي صاحبي الله يرحمه
قالتله: حاضر اناهقولك كل حاجة يوم ماامك طلعت وزعقت عشان انت وصلت حلا
اتفقت معايا تبطل تضايقني بشرط اساعدها تبعد عنك حلا عشان عاوزة تجوزك واحدة غنية واما قولتلها ان ليا ورث فرحت وقالتلي يبقى اسمعي كلامي وانا اخلي عدي يعشقك وبعد. ماطلعت زعقت وابوك طردها
اتصلت بيا واتفقت معايا احمل ولانك مش بتقرب مني كتير محصلش قالتلي اقول اني حاملواخليك تقربلي بحجة اني عاوزاك بسبب هرمونات الحمل وطبيعي وقتها هيحصل حمل بجد
كملي
: وطلبت مني في اي وقت نكون فيه لوحدنا انا وعمي منصور اتهمه بالتحرش
وانتي وافقتي طبعاً
: عشان خاطر اكمل معاك. كنت مستعدة اعمل أي حاجة انت الوحيد الي وقفت جنبي
ودة جزائي صح؟
: سامحني ياعدي انا بحبكك
لطشها قلم وقالها: انا ماسك اعصابي عشان ماأقتلك... يش لمي هدومك
: هاترميني
لا ياعبير مش انا الي ارمي ست لوحدها انتي معاكي فلوس وليكي عندي حماية غير كدة ملكيش عندي
: طيب اديني فرصة
لأ انا غلطت لما اتجوزتك بدون حب ظلمتك وظلمت نفسي
خلصي لمي هدومك بسرعة
وشرعت عبير بجمع اشبائها وهي تبكي وبعدما انتهت اخدها عدي للمأذون وطلقها واتصل بصديق له يعمل بالسمسرة والعقارات
وبعد ساعة كانوا بيعاينوا شقة جميلة مجهزة بالفرش بمكان راقي وذهب معاها للبنك سحبت فلوس وبعدها راح. معاها للشهر العقاري واشترت الشقة وانتقلت للاقامة فيها
قالها وهو يغادر: لو احتجتي اي حاجة كلميني
:ربنا يكرمك اوعى تكون لسة زعلان.مني
خلي بالك.من نقسك
ووصى عليها الأمن وقالهم انها قريبته وانصرف لعمله
وبالمساء عاد لمنزله ليجد بانتظاره عند الجد حسن وحسين ولاد خاله جايبين ورد وشيكولاتة وبيتكلمو مع الجد وبيضحكو
دخل عدي وهو مستغرب والقضول هايق. تله لمعرفة سبب زيارتهم
سلمو عليه وقامو وانصرفو وقال حسن للجد: لازم نمشي عشان عندنا مناقصة بكرة باسكندرية وبانتظار ردك وابقى فهم عدي
حسين: معلش ياعدي احنابقالنا كتير مع جدو وعندنا شغل وهوهايفهمك سلام عليكم
وانصرفا وسط ذهول عدي
الي قبل ماينطق الجد قاله:قبل ماتتكلم انا هشرحلك بس نتغدا سوا الاول احسن حلا طبخت وعاوزاني ادوق واحنا هنحتاج رأي محايد زيك كدة
حبيبة قالتله لسة بنحضر و قبل ماناكل ولاد خالك شرفو
حلا وهي بتحضر الاكل: عيب يابيبة
عدي كان باين عليه الارهاق والزعل
الجد قاله: مالك يابني وكنت فين انت ومراتك بعد الفجر شوفتكم وانا رايح المسجد
عدي: انا طلقت عبير
حلا: ياساتر ليه كدة
عدي: نصيب
الجد: لأ اكيد حصل حاجة
عدي: بعد الاكلة الجامدة دي نشرب الشاي واقولكم
حبيبة: داخل على طمع يامعلم بتسبق بالشاي طب هاتلنا بسبوسة ولاجاتوه عشان. نحتقل
حلا ضحكت وقالت: المهم الاكل عجبه
حبيبة:انتي لو طابخة ميةساقعة هاتعجبه
ضربتها حلا بمزاح
فنظر عدي اليها وسرح وهي تمازح اختها حتى انه مكانش سامع كلامهم
الجد قاله: عدي مالك
حبيبة: ياعيني دة اتصدم
ضحكو كلهم واثناء شرب الشاي قص عليهم. عدي كل الي حصل
الجد: لاحول ولاقوة الابالله امك دي مريضة ياابني
حلا: ربنا يعوضك خير وتصرفك معاها بعد الطلاق موقف رجولي منك
عدي: مهما كان هي ست ولوحدها تسمح بقى ياجدو تريحني وتقولي ولاد خالي عاوزين ايه
الجد:.......
🤔🤔🤔🤔🧐🧐🧐🧐🧐
يتبع
تكملة الروايه اضغط هناااااااا
تعليقات
إرسال تعليق