رواية اجبرني على الإنجاب البارت 58_59_60بقلم منه سمير
رواية اجبرني على الإنجاب البارت 58_59_60بقلم منه سمير
زياد باستسلام : معرفتش اخليها تفضل... كنت حاسس اني حقير اوي قدامها
زين ربط عليه : انت طلعت بتحبها فعلا يا زياد
زياد بشرود : مش عارف
بعدين قام وقف : بس انا خايف اول مره اخاف من قلبي كدا خايف اوي للزفت التاني يوصلها ويعمل فيها حاجه وهي مش هتعرف تحمي نفسها منه
مش عارف اعمل ايه
زين بتفكير : بس انت عارف مكانها
زياد : هيفيد بايه وهي مش طايقه تبص في وشي حتى
زين : اه صحيح
اومال أهلها فين
زياد : ملهاش حد غير ابوها ودا مسافر برا ومتجوز مافيش علاقه بينهم
زين : وانت عرفت منين
زياد بغضب : انا مش عاوز غباء يلا انا مش ناقص
زين : طب خلاص خليك لازق ليها تحت البيت بقا او خلي حد يراقبها ويبلغك باخبارها اول بأول
زياد : فكرك هطمن يعني لما اعمل كدا بعدين ممكن تخاف لو حست انه فيه حد بيراقبها... سما بقت بتترعب من خيالها ومعندهاش ثقه في حد مش عاوز اعمل اي حاجه او حركه غبيه تخليها تسيب المكان دا وتمشي بعدها معدتش هعرف عنها حاجه
زين : لا ي زوز متقلقش كدا كدا انت افعالك كلها غبيه
زياد زقه من قدامه : غور ياض من هنا انا غلطان اصلا اني بتكلم معاك هيجيلي الضغط بسببك والله
***
روايه أجبرني على الإنجاب بقلم الكاتبه المبدعه منه سمير
ليل : خلاص بقااا.... شوفتي انك كنتي مأفوره
مسحت دموعها ومناخيرها ووشها احمر : دي اخذت الدم ال عندي كله... انت كنت بتضحك عليا وجاي تقولي مأفوره
ليل : هما كلهم ه سم يا كاميليا فرجتي الناس كلها علينا يا حبييتي
كاميليا باحراج : مكنتش اقصد بس انا مكنتش اعرف اني هعمل كدا... قولتلك ان انا بخاف من الحقن
ليل مع نفسه : اومال هتعملي ايه في الباقي دا انتي هتخليني امشي اشد في شعري
كاميليا : بس يلا الحمدلله خلصت وعدت ع خير
ليل : اه اومال
كاميليا بضيق عيونها : مش عارفه حاسه اني مش مصدقاك هو لسه فيه حاجه هتتعمل
ليل : ليه دا انا غلبان
كاميليا : طب احلف
ليل : والله
كاميليا : لا احلف ان معدتش فيه حقن ولا هنعمل تحاليل تاني
ليل : والله معدتش فيه حاحه انهارده...
يلا بقا عشان اتاخرت ع الشغل
كاميليا : هتسيبني لوحدي 🙂
ليل : معلش ي حبييتي بس ورايا حاجات كتيره متأخره ولازم اروح مش هتاخر عليكي
كاميليا بتوتر : طب خدني معاك
ليل برفض : لا يا كاميليا هتتعبي هروحك وانا مش هتاخر
كاميليا برجاء : عشان خاطري يا ليل والله ما هتعب وهفضل قاعده ساكته مش هضايقك في حاجه
انا هروح هناك هقعد لوحدي تاني
يا اما هروح معاك يا اما توديني عند تيته
ليل : مافيش مرواح القصر دا تاني انسيه
كاميليا : طب وتيته
ليل : انا كلمتها
كاميليا : انت سريع اوي ع فكرا
ليل : عارف مش متوقع
كاميليا : طيب بعد اذن الكارزيما بقا ممكن اروح معاك ولا مش ممكن
ليل باستسلام : امري لله بس لو حسيتي باي تعب تقوليلي عشان اروحك
كاميليا بفرحه : اشطا...
ليل ابتسم : طفله والله
***
روايه أجبرني على الإنجاب بقلم الكاتبه المبدعه منه سمير
روان باستغراب : هو حضرتك مش هتمشي انت هنا من بدري
مراد : لما ليل يجي همشي
اومات اليه روان : هو مش واثق فينا ولا ايه والله عنده حق دي مش اشكال حد يوثق فيها اصلا
مي : هاا مش هنفطر بقا
روان : نفطر ايه لا قومي فوقي كدا دا ليل باشا جاي
مي : يوووه مش هنعرف نرتاح حبه
روان : ترتاحي ايه دا انتي نايمه من ساعه ما جيتي
مي : هو مراد دا مخليني ارتاح
روان : والله مراد سايب وقت كتير عن ليل اتقلي بس لما يرجع كدا
مي : ماشي يختي معتش هشيل شغلك بعد كدا انا
روان : كدا يا ميمو خلاص بقا الفطار هيكون عليا لمده اسبوع
مي : ايوا انتي اتسرمحي مع سي رامي وانا ال اشيل فوق دماغي
روان : ههههههه معلش يا مي عليكي الاستحمال
مي : المهم اتفقتوا الخطوبه هتكون امتا ولا لسه
روان : لا لسه بس هتكون قريب ان شاء الله
مي : ايووون بقا شدي حيلك كدا عاوزه البس سواريه
رَوان بضحك : ان شاء الله
***
روايه أجبرني على الإنجاب بقلم الكاتبه المبدعه منه سمير
سمعت صوت عربيه برا حاولت تخرج او تبين نفسها لل برا معرفتش
ف فضلت تصرخ ان حد يلحقها
كريم دخل جوا علطول وطلع تليفونه حاول يرن عليها بس لاقاها مقفول شتم حظه
وفضل يدور عليها المبنى كان كبير جدا
مش لاقيها وقف في نصفه وقعد ينادي عليها بأعلى صوته : نوررررررررررررر
نور سمعت صوته وقعدت تخبط ع الباب
مشي وراه الصوت لحد ما وصلها وعرف انها جوا
كريم : نور متخافيش خليكي قاعده ع الارض وابعدي عن الباب او اي شبابيك
نور بخوف وبكاء : طيب
كريم كسر الباب ودخلها بس خاف اول ما شاف الدم ع هدومها...
وطي عليها بقلق: ايه الدم دا انتي اتعَورتي
نور بتعب : ايدي
شاف ايدها لاقاها غرقانه دم قطع حته من قميصه وربط بيها ايدها
ونور كانت بدات تفقد الوعي
كريم ربط ع وشها بخفه : نور اسمعيني امسكي نفسك معايا كويس احنا لازم نخرج من هنا وبسرعه
نور اومات اليه بتعب جسدي وضعف نفسي شديد للغايه
كريم كان هو ال سندها عشان تقف
مشت خطوتين والمبنى كان بيتهدم فوقهم والحاجات بتقع من جمبها
خصوصا ان الجو قلب مره واحده والهوا قام
نور بضعف وتقطع : مش قادره... مش قادره انا اقف
نظر اليها والي حالتها ثم قام بحملها وخرج سريعا من هذا المبنى قبل ان ينهدم فوق رؤسهم
وحطها في العربيه وراح ع اقرب مستشفى
***
روايه أجبرني على الإنجاب بقلم الكاتبه المبدعه منه سمير
وصلوا المقر الرئيسي
ليل نزل ودخل وهو لابس نضارته وماسك ايد كاميليا كانت بهدومه الكاجوال اول مره يشوفوه من غير يونيفورم رسمي
كان وسيم وجذاب جدا
شخصيته بتتغير في ثواني منتهي الجديه والصارمه في التعامل نفس الشخص ال قابلته اول ما جت تشتغل هنا وكان نفس الشخص ال عرض عليها اتفاقيه الجواز
ليل اضايق من نظرات الموظفين لزوجته
هي نظرات عاديه بس اضايق ان في حد غيره بيبص ليها
الاتنين كانوا كابل هايل فوق الجمال مع بعض
طلعوا في الاسانسير ودخلوا المكتب مع بعض
طبعا الاخبار انتشرت بسرعه ان زوجه ليل معاه هنا وكان منهم عارف انها كانت شغاله هنا والبعض الاخر لا
روان اول ما سمعت طلعت تجري ع مي تقولها وكانوا عاوزين يدخلوا ليها
كاميليا كانت قاعده مكانه ع المكتب وهي بتضحك وبتهزر : يااه لو حد كان يقولي ان ممكن في يوم اقعد هنا واني هكون مراتك كنت هقول عليه مجنون
انا كنت بخاف ادخل المكتب بتاعك دا اصلا
بحسه ميدان إعدام
ليل بضحك : للدرجه دي كنتي بتخافي مني
كاميليا : اصلك مكنتش بتشوف شكلك كان بيكون عامل ازاي وانت مضايق او متعصب
يلاهوووي دا لو واحده حامل كانت ممكن تولد وطبيعي من بصتك بس
دخلت السكرتيره وبلغته ان مراد هنا من بدري جدا وكان مستنيه يوصل
ليل : طيب بلغيه ولما يجي دخليه علطول
السكرتيره : حاضر يا فندم
كاميليا : هو مراد كمان بيدخل باستئذان
ليل التفت لها : يعني ايه
كاميليا : اقصد عشان صاحبك وكدا.
ليل : الشغل شغل عندي يا كاميليا وبكون فيه واحد تاني خالص
بس عشان اريحك مراد الوحيد ال بيدخل من غير اذن
ولما يدخل مش عاوز منك اي تعامل معاه تمام
كاميليا : ازاي يعني مردش عليه حتي السلام
ليل : اه
كاميليا بضيق : دا هيرضيك يعني
ليل : اه
كاميليا بعدم اقتناع : طب يا ليل ماشي
...
بالفعل مراد وسلم عليها اومات اليها بابتسامه بسيطه : بخير الحمدلله
كاميليا في نفسها : اكيد هينفخني لما مراد يطلع
مراد فضل يتكلم مع ليل شويه عن انفراد
وكاميليا متعرفش هما بيتكلموا في ايه
قعدت تقلب في الحاجات ال ع المكتب بملل
لحد ما وقعت صوره صغيره من ملف فيهم وطت عشان تجيبها
بس ليل كان الأسرع وهو بيجبها
كاميليا بخضه : ايا يا عم الرعب دا وقعت قلبي
ليل : سلامته
كاميليا بضيق : الله يسلمك يا حلو ممكن تجيب الصوره
ليل : عاوزاها ليه
كاميليا كتفت ايدها : وانت مالك متبت فيها اوي كدا ليه
ليل بحده : كاميليا انا مش بحب طريقه الاستجواب والتحقيق دي
كاميليا : انا مش بستجوبك انت قطعت كلامك فجأه مع مراد وجيت خدت الصوره قبل ما انا اشوفها وكمان مش عاوز تديهالي الوقتي من حقي اعرف ليه
ليل : مش ملاحظه انك بقيتي تفكري زياده عن اللزوم ولا دي هرمونات حمل
( ملحوظه :مراد كان خرج اول ما ليل راح عند كاميليا)
كاميليا بنرفزه : هات الصوره انت خايف من ايه
ليل بزعيق : وطي صوتك وانا هخااااف من ايييه؟؟
ادي الزفته
كاميليا لاقت ان هي نفس البنت ال كانت بتبص ليه الصبح علطول بصت ليه بلويه فم : ودا بقا ان شاء الله؟؟؟
صوره البنت دي بتعمل ايه عندك؟؟
ليل : في صور كتير عندك زيها مش دي
كاميليا بحده : لا انا قصدي ع دي بالتحديد مش دي نفس البنت ال كانت عامله تبص ليك بصات مش مفهومه وانت عملت نفسك مش واخد بالك
مين دي يا ليل
ليل بغضب : قولتلك صوتك يوطي دي واحده عاديه كانت بتشتغل معايا الأول
كاميليا بسخريه : وبس
ليل : اومال وايه... اه وبس
كاميليا : لا انت كداب
ليل قبض ع دراعها بقوه وغضب : لاء مش كداب وعاوزه تصدقي صدقي... مش عاوزه عنك ما صدقتي لكن صوتك دا لو على تاني او طول عليا انا هزعلك مني
كاميليا بالم : اا اااه... اا سيب ايدي
ليل خفف قبضته بعدين بعد نفسه عنها
كاميليا بدموع محبوسه : مافيش حته هنا تروح تهرب فيها واجهني لو لمره وقولي الحقيقه في وشي علطول
ليل بغضب وزعيق : انتي ليه مش مصدقاني؟؟ ليه محسساني اني دايما بستغفلك وبضحك عليكي
كاميليا : لانك بتخبي عليا وبترجع لنفس حالتك القديمه تاني بص
وريته دراعها وصوابعه معلمه ع ايدها
(احمدي ربنا انها مش معلمه ع خدك يا حبيبتي 😂😂)
ليل بحده : كل دا وبرجع لنفس حالتي القديمه ومتغيرتش تعلي صوتك وتزعقي وتغلطي وتشتمي
وانا لو فتحت بوقي واتكلمت ابقي ابن ستين *** في سبعين صح
كاميليا مسحت دموعها : انا عاوزه اروح
ليل بغضب : مافيش مرواح غير لما اخلص شغل
كاميليا :، خلاص هروح لوحدي
ليل : كاميليا اقعدي ومتخليش جناني يطلع عليكي
كاميليا : يبقي تقولي مين دي
(بتغير عليك يا غبي يا حمار يالي مش بتفهم 😂😒)
ليل بغضب : دي واحده كانت بتحبني زمان ارتحتي وكانت شغاله معايا والصوره ال شوفتيها عندك كتير زيهم في قلب الملفات لاننا كنا هنشتغل ع مشروع قريب وانا كنت براجعه
وحصل مشاكل وهلغي الاتفاقيه ال بينا بس
كاميليا دموعها نزلت اخدت نفس : ااه... بس تصدق فعلا الموضوع تافهه جدا وبسيط... بس انا ال معقده
ليل : انتي بتتريقي
كاميليا ودت وشها الناحيه التانيه : لا العفو
ليل بهدوء : طب روحي اغسلي وشك
كاميليا بعند : ملكش دعوه بيا انا حره
ليل بتعجب : بقولك اغسلي وشك انا عملت ايه الوقتي
كاميليا : ملكش دعوه بيا وخلاص
ليل قرب اكتر وبعد خصلت شعرها ولمعت عيونه وهو بيبص ليها : ودي غيره بقا ولا ايه نظامك
كاميليا بتوتر واحراج : ل لا مش غيره غيره ايه متفسرش الموقف ع مزاجك
ليل ': اشمعنا بقا
كاميليا بضيق : لان مزاجك دا دايما سافل زيك
جذبها من خصرها لترتطم بصدره : انا سافل دا كله بيقول عليا اني غلبان وبرئ اوي ثم همس بجانب اذنها : اوي
كاميليا بتوتر : اا ااه منا عارفه ط طب ابعد
ليل بهمس مثير : ليه
كاميليا : مش هتاثر معايا حركاتك دي او تنسيني ال انت عملته من شويه
ليل : استغفر الله... انا اسف مع اني مش غلطان
كاميليا بغضب : ولو انت مش غلطان بتعتذر عليه
ليل كز ع اسنانه : عشان متزعليش
كاميليا : ع اساس انه يهمك زعلي اوي
ليل بصوت رخيم : اه والله يهمني... دا احنا نتمني ننول الرضا بس
كاد يقبلها
كاميليا بارتباك وخجل : يخربيتك انت بتعمل ايه
ليل : ايه بصالحك مش انتي زعلانه
كاميليا :لالا مش زعلانه خلاص تمام كدا ابعد
ليل : لا لا قلبي حاسس انك لسه مش صافيه ناحيتي
كاميليا : والله صافيه يا عم وميت فل ع عشره كمان
ليل بنظره ثاقبه : اومال مانعه نفسك عني ليه؟؟
#"يتبع
كاميليا : انت بتلف وبتدور ع نفس الموضوع هو دا ال علطول في دماغك؟؟؟
ليل : لان هي دي المشكله في حاجز مابينا والحاجز دا انتي ال حطاه وطول ما الحاجز دا موجود المشكله مش هتتحل
كاميليا : انت خلاص خلتها مشكله
ليل بجديه : انك تكوني مانعه نفسك عني انتي شايفه ان دا مش مشكله
اني عايش معاكي كاني اخوكي او صاحبك دا مش مشكله
كاميليا بتوتر : ي ليل
ليل مقاطعا : ششش اسمعي انا مش طالب منك دا الوقتي ال طلبه منك اشاره منك تحسسني بايجاب من ناحيتك احس منك باي مشاركه
كاميليا بحرج : وكل ال انا عملته مش بتعتبره اشاره ليك انا جيت ليك بنفسي واعترفت ليك رغم ان دا كان صعب اوي عليا.. ليل انا عندي مشكله في الحاجات دي مش بعرف اتكلم فيها
رفعت عيونها له : عارفه انك بتحاول كتير ومش بتغصبني ولا تجبرني على حاحه والله انا مقدره كل دا بس انا
سكتت لاتدري ماتقوله له ليكمل بدالها : مش مستعده... لحد امتا مش مستعده؟؟
امتا هتستعدي يعني
كاميليا يضيق : انت بتتريق عليا يا ظريف
ليل : منا لازم اتريق يا بنتي دا انا حالي دا يصعب ع الكافر والله... زوج مع وقف التنفيذ
كاميليا برفعه حاجب : والله كل دا بسببك ي استاذ... بتحصد ال بتزرعه
ليل بضحكه جذابه وهو يشيح بوجهه ': هترجعيني الشرير في روايه أحدهم تاني
كاميليا اقتربت منه وهي تبتسم تحتضن وجهه : لا انت الشرير في روايتي انا وبس
ليل ضحك عليها لانها كانت شابه عشان تطوله : ههههه مبوظه انتي دايما اللحظات الرومانسيه.
كاميليا بضيق : بطل ضحك يا بارد انت ال زي العمود
توقف عن الضحك وجذبها من خصرها برفق ليحملها حتي تكون في نفس مستواه
كاميليا : اييي دااا نزلني
ليل بخبث : هااا اعملي ال كنتي هتعمليه من شويه
كاميليا بعدم فهم : اعمل ايه
ليل بهمس : مش كنتي هتبوسيني
كاميليا بتوتر : انت ما بتصدق انا مكنتش هعمل كدا اصلا
ليل : لا يشيخه
كاميليا : نزلني بقا
ليل : بشرط
كاميليا : ايه هو
ليل :تبوسيني
كاميليا برقت : نعم ي اخوويا
ليل : بلاش اخوكي دي بقا انتي كدا بتبوظي الدنيا
كاميليا : يا ليل احنا في الشركه اتلم ونزلني
ليل : ماليش فيه... مافيش نزول الا لما تعملي ال قولت عليه
كاميليا : دا بعينك وانت حر ايدك ال هتوجعك
ليل : توجعني ايه انتي ع بعضك متجيش ٥٠ ك
كاميليا حطت ايدها ع بوقها فجأه
ليل بقلق : في ايه
كاميليا علامات الألم بانت ع وشها ليل قعدها بسرعه وجاب ليها ميه
ليل : ع مهلك... اشربي
كاميليا شربت او عملت نفسها بتشرب ومسكت راسها بتمثيل : ااه راسي فجأه دوخت وكنت عاوزه ارجع
ليل بشك : اممم طب قومي عشان اروحك
كاميليا بضيق : انت ما بتصدق
ولا انت عاوز تمشيني وخلاص
ليل : كاميليا انتي تعبانه ومش تتحملي تقعدي هنا كل دا لحد ما اخلص وانا مش هكون فاضيلك
هروحك احسن وترتاحي براحتك
كاميليا بارهاق :بس انا بزهق وبخاف من القاعده لوحدي
ليل بابتسامه : معلش ي قلبي هخلص علطول واجي هحاول متاخرش
كاميليا : طب ممكن طلب
ليل : اؤمري
كاميليا بحماس : اروح اقعد مع مي وروان شويه
وبعدها ابقي وصلني
ليل تنهد عشان متزعلش وافق : ماشي بس مش كتير شويه وهاجي اخذك..
****
اااااه مش قادره روح هاتلي الحمار ال كان هنا يكتبلي ع حاجه
كريم بضيق : وطي صوتك بقا انتي واخده مسكنات تنيم جمل
نور بالم : ايدي وجعاني اوي
كريم تنهد : دا عرض عادي يا حبييتي عشان الخياطه
نور سكتت وبصتله : خياطه؟؟
كريم : اه كم غرزه كدا
نور : الجرح كان كبير اوي كدا
كريم : انتي مشوفتيش كميه الدم ال نزفتيها ولا قميصي ال باظ بسببك ربنا يعوض عليا
نور : في داهيه القميص المهم انا بخير
كريم بغمز : وفي داهيه صاحبه كمان يا قمر فداكي
نور بحده مصطنعه تداري خجلها : اطلع برا
كريم : هي دي شكرا بتاعتك
نور : صح انت عرفت مكاني ازاي اصلا
كريم : قلبي دلني
نور : تك وجع في قلبك يا بعيد غور مش عاوزه اعرف
كريم : ا
نور قطعته : ماقولنا اتفضل بقا... وشاكرين افضالك يا عم متقرفناش
كريم قرب منها : انتي لسانك دا طويل وعايز يتقص
نور : ف ايه يعني
كريم : ف انك قليله ادب وعايزه تتربي
نور بغضب : هَو بنت اختك احترم نفسك مش هتعمل عليا مدير هنا كمان
واوعي تفتكر ان هنسي عمايلك فيا في الشغل او هعديها
نور جت تقوم وهي متعصبه بس كريم وقف قدامها مانعها وقعدها تاني قائلا بحزم : بت انتييييي اتلمي واصطبحي كدا اَو اتمسي واعقلي دا انا لو بكلم بنت اختي فعلا هتكون اعقل منك
نور كانت هتتكلم بس هو ال سكتها المره دي : ششششش اخرسي مش عايز اسمع صوتك وهبعتلك الممرضه تساعدك تعدلي هدومك وانا هشوف الدكتور عشان نخرج من هنا
وخرج دون ان ينتظر منها جواب
نور : ماله دا كانه ولي أمري؟؟ ولا بيعمل كدا قصاد ال عملته معاه لما انقذته من الناس ال كانت بتجري وراه؟؟ ولا هو كدا مع الكل؟؟ وال حس بالذنب بسبب التكدير بتاعه عليا في الشغل؟
؟ ولا معايا فجأه اتحول كدا ولا اي؟؟ انا مش فاهمه حاجه؟؟
مسكت راسها بارهاق وهي تشعر بالم في يدها جاءت الممرضه ونزعت لها المحاليل واطمأنت عليها وسمح الطبيب لها بالخروج
كريم مكنتش بيتكلم معاها في الطريق كان بيكلم محمود وقفل معاه وقاله ان في مشوار هيخلصه ويروحله ع طول
نور : ركز في الطريق يا بشمهندس بعد اذنك مش عاوزين نرجع المستشفى تاني وادخل يمين
كريم : مركز.... عارف الطريق كويس
نور بضيق عينها : عارفه منين.... انت لحقت تحفظه
كريم : اها اصل انا عندي سرعه بديهه... حاجه صعبه عليكي طبعا لانها مش موجوده عندك
نور استغفرت :، اسمع انا عامله احترام ليك عشان كدا بمسك لساني بالعافيه لكن لو سبته عليك انت حر
وتستاهل لانك بتجيب الهزاقه لنفسك
وجت تفتح الباب بس هو شدها ليه بسرعه واتكلم بابتسامه جذابه للغايه وصوت رجولي : دا يوم المني يا نوري... سيبه انتي بس وملكيش دعوه
نور حست بشيء غريب كهربا لمستها بعدت عنه وبسرعه : ابعد وروح اكشف احسن شكلك دماغك تعباك
دا مجنون دا ولا ايه
كريم سمع كلماتها وضحك وهو بيرجع العربيه عشان يمشي بعد ما شافها دخلت وهي بتبص ليه بغيظ : مش دماغي ال تعباني... دا قلبي يا نور
يمكن يكون علاجه في ايدك انتي
***
نور كان قلبها بيدق جامد لما كريم كان قريب منها كدا نظراته عيونه خصوصا لمعه عينه ابتسامته صوته... حاجه غريبه حصلت حست بيها مش عارفه توصفها اول ما قالها يا نوري ♥️
نور : اول مره حد يقولي يا نوري بس حلوه منه اوي
اي الهبل دا كلمه طلعت منه عادي الواد دا مجنون وهيجنني معاه دا خلاني بكلم نفسي
ودخلت جوا عند مامته تطمنها عليه بعد ما سمعت منها كلمتين محترمين لكن ما شافت حالتها هدت وعتابتها ع اهمالها دا
ونور كان بتفكر في كريم طول اليوم لما كان معاه في المستشفى
***
انا متشكره ليكي او ي طنط صفاء عمري ما كنت اتخيل انك الوحيده الي هتقفي جمبي في ظروفي دي
ربطت صفاء ع ضهرها بحنان ام افتقدته : ع اي ي حبييتي دا انتي زي بنتي ي سما وبيتي مفتحولك ٢٤ ساعه بنتي سافرت وبفيت قاعده لوحدي وانتي قاعده تونسيني
بلاش بقى كلامك دا قومي ي حبييتي صلي واهدي كدا وفكري هتعملي ايه مش هينفع تفضلي قاعده كدا علطول
سما بياس : وانا كان في ايده اعمل ايه بس وانا اعمله
صفاء : اول حاجه تعمليها انك تشتغلي تشغلي وقتك وحياتك وتستقري وتقفي ع رجليكي
سما بتعجب : اشتغل؟؟ اشتغل ايه؟؟
انا معرفش اشتغل حاجه هنا؟؟
صفاء : ي حبييتي كل ستات الحته بيشتغلوا هما كانوا يعني عارفين حاجه
ان شاء الله تنزلين ساعه زمن بس مشوفكيش قاعده بالحاله اب انتي فيها دي
سما بابتسامه مرهقه : حاضر ي طنط صفاء
صفاء احتضنت وجهها : يحضرلك الخير يا عيوني يلا قومي اغسلي وشك وكلي لقمه وسيبي الموضوع دا عليا انا
سما :بدون نفس ماشي
****
انا مش مرتاح لل المكان ال سما فيه دا
زين : ولا انا يجدع دا انا اول مره اسمع اسم المكان دا في حياتي اصلا
زياد : ال مصبرني ومخليني اسيبها هنا انها اكيد مرتاحه والا مكنتش قعدت هنا كل دا
وكمان الست ال قاعده معاها بيقولوا امها طيبه وقاعده لوحدها
زين : انت كمان سالت عليها
زياد : اكيد يعني افرض طلعت واحده شمال وعاوزه تاذيها
زين : يخربيتك ياض دا واقع قاعد عشقااان ولهااان
زياد : بطل تريقه والا وربي ماعدت هفتح بوقي بكلمه واحده معاك بعد كدا
زين : انت لطعني معاك ساعه وفي الاخر تتامر عليا يلا نمشي يا عم شكلها مش هتطلع
زياد فضل واقف ع امل يشوفها وفضل واقف كتير بس مطلعتش اتنهد ومشي بياس مع زين
***
بقولك عاَوزك الوقتي ضروري.... سيب ال في ايدك وتعالالي
ليل : في ايه يا مراد ماتقول ع التليفَون
مراد : مش هينفع ليل ال انا عاوزك فيه مش هينفع اقوله ع الفون تعال في..... بسرعه سلام
ليل طلع يشوف كاميليا لاقاها قاعده مع البنات
اخدها وروحهم وهي زعلانه
كاميليا : يا ليل انا مكملتش نصف ساعه معاهم
ليل : معلش ي كاميليا روحي الوقتي وانا خارج هشوف مراد عاوز ايه وهجيلك علطول
كاميليا : اي دا انت مش راجع الشركه؟؟
ليل : لا مراد كلمني وقال في حاحه ضروريه وعايز يشوفني
كاميليا : خير يارب
ليل : خير اطلعي علطول ومتفتحيش لحد وخلي بالك من نفسك
كاميليا : حاضر
كاميليا نزلت من العربيه
وليل مشي راح عند مراد....
...
لو سمحتي ي بنتي قالتها سيده كبيره تحمل حقائب ووقعت منها ع الارض
كاميليا قربت علبها بلهفه : ع مهلك ي ماما انتي كويسه
السيده : ا اااه كويسه تسلميلي ي بنتي ممكن تساعديني بس اشيل الحاجات دي احطها في التاكسي ال واقف دا
كاميليا بصت ع التاكسي وخدت منها الحاجه بطيبه قلب : حاضر يا ماما تعالي
اخدت منها الحاجه وحطتها في التاكسي ولسه هتدور لاقت الست دي بتزقها جوا التاكسي
كاميليا جت تصرخ كتمت نفسها ورشت مخدر اغمي عليها واخدوها ومشوا علطول وطبعا دا كله حصل في اقل من دقيقه ومحدش من الماره لحق يشوف اي حاجه
***
اي ي محمود في ايه؟؟
محمود حط كوبايه شاي قدامه وشاور ع المبنى : فاكر البنت ال شوفتها دي بنتخانق مع واحد وبعدين شوفتها في المطعم
كريم بتركيز : مالها؟؟
محمود : الواد ال كان معاها دا؟؟ جه هنا واتخانق مع واحد ونزل في ضرب لان بيقول انه اتجوز خطيبته
كريم : اتجوز خطيبته ازاي يعني؟؟ مش فاهم
محمود : ال فهمته ان البنت كان غايبه عن البنت كتير ورجعت مبهدله وقلتله انها كانت مخطوفه وجه شاب تاني وقال ان جوزها الاتنين مسكوا في بعض
والراجل اخد البنت ومشوا
كريم تناول مج القهوه وهو ينظر تجاه العماره المقابله ارتشف منه ثم امسك بيده وهو يدقق النظر في الفراغ وهو يتذكر حديث نور عن يوسف وصديقتها : دي دراما هندي
محمود : انت فهمت حاجه
كريم : تقريبا
محَمود : فهمت ايه
كريم : مش مهم
محمود : بايخ يالا
كريم : القهوه دي ناقصه سكر امسك انا ماشي
محمود : ماتقعد يسطا انت لحقت
كريم : مشغول شويه كدا
محمود بغمز : مع المزه اياها
كريم بغضب : مزه اتلم ي محمود... انا ماشي بعد ما اجي اورملك خلقتك سلام
محمود بضحك : سلام ي حمقى
والنبي البت مزه وشكلها عرفت توقعك في شباكها وهنشرب شربات قريب ثم ارتشف مج قهوه كريم التي تركها قبل ان يغادر ...
***
ليل بغضب عارم : وديني لاوريها جهنم الحمرا بنت ال *****
دي
وانت عرفت منين
مراد : كنت براقب مايان بس امها ال طلعت بدالها بعربيتها وطول الوقت وهي ماشيه وراكوا حتي وانتوا عند عياده النسا
ليل توقف عن جملته تلك
ثم هتف بفزع : كاااميليا... اكيد عرفت انها حامل ومشت ورانا يعني عرفت عنوانها
مراد : اهدي كاميليا طالما في الشركه مش هتقدر توصلها
ليل خد حاجته وهو مش شايف قدامه وطلع يجري : لااا مش في الشركه انا وصلتها البيت
مراد طلع جري وراه؛: طب استني انا جاي معاك
ليل كان سايق بأقصى سرعه وهو هيتجنن عليها
مراد شايف خوفه وتوتره عليه بس مش عارف يعمل ايه
اخيرا وصلوا
ليل اخد السلم جري فتح الباب دخل بس قلبه وقع من مكانه فجأه لمااا......
#يتبع
قلبه وقع مكانه لما دور في الشقه كلها هو ومراد وملقوش ليها اثر
ليل بغضب عارم كاد يجنن نزل وقف تحت العماره يدور عليها ومراد راح يشوفها في الشوارع ال جمبهم بس ملقووووش ليها اثر: ااااااااتخطفت ي مررررراد..... بنت ال ******* خطفت مراتي وديني لاعيطها بدل الدموع دم قبل ما اطلع روحها ع ايدي
كان يهتف بصراخ وصوت عالي
مراد : اهدي ي ليل باذن الله هنلاقيها اهدي عشان نفكر
ازاي نوصلها قبل ما تعمل فيها حاحه
اشار ليل اليه بكفه : بقولك عرفت انها حامل.... يعني اخدتها عشان تنتقم مني في ابني وفيها
اااهدي ازاي وانا عارف هيا وقعت في ايد مين ويا عالم هي فين الوقتي ولا عملت فيها ايه
انا عقلي هيتشل
مراد : عاااارف ي اخي عاارف بس لو فضلنا كدا مش هنعمل اي حاجه وهنفضل مستنين اي ال هيحصل روح لوالدتك واتكلم معاها يمكن مي قالتلها اي حاجه
ليل بصله للحظات كانه شرد في حاجه
وراح ركب عربيته بسرعه وطلع تليفونه وفتح برنامج كدا ظهرله علامه تتبع
كلم حد من رجالته
مراد : انا مش فاهم حاجه انت عاوز العدد دا كله لايه انت ناوي ع ايه بالظبط
ليل دَور عربيته ومشي : هتفهم كل حاجه الوقتي
****
مايان رجعت البيت خلسه عشان أحمد ميشوفهاش وهي راجعه ملقتش مامتها معطتش اهتمام للموضوع
ودخلت نامت وهي مقرره انها هتصحي تظبط اي حاجه ليها عشان تاخدها معاها وتقطع علاقاتها باي حاجه في البلد ومن غير ما مامتها تحس هي كمان عشان متمنعهاش...
...
نوررررررررررر
نور بخضه : اي يماما خضتيني
جيهان : انا بنده عليكي ساعه تليفونك مبطلش رن
نور كان بتعمل عصير : سيبك منه تلاقي حد من الشغل
جيهان : طب شوفي يمكن حاجه مهمه
نور بضيق : اوف طيب هروح اهو
نور اخدت العصير وراحت خدت فونها لاقيته كريم
نور : في ايه
كريم : اي الداخله الشمال دي؟؟
نور : اكيد في مصيبه قولي
كريم بضحك : للدرجه دي سمعتي سبقاني
نور ارتشفت من العصير ثم تحدثت : لا اطمن كله عارف ان أخلاقك عاليه اوي
كريم : اه والله واغلب من الغلب كمان.. ع العموم انا كنت بطمن عليكي... ايدك عامله ايه دلوقتي
نور باستغراب من تبدله : كويسه
كريم : اممم بس
نور قطبت حاجبيها : اي ال بس هو في حاحه تاني
كريم : لا متاخديش في بالك
نور : طيب يلا عاَوز حاحه
كريم : اييييي يماما محسساني انك انتي ال رنه يعني وخايفه للرصيد يخلص
انتي مصدقتي
نور : دا انتي رانن ترخم بقا
كريم بمشاكسه : بصراحه اه
ابتسمت نور من طريقته لكن لم تتحدث
كريم : اي دا انتي اتكسفتي زي البنات ي نور ولا ايه
نور بغضب : تك بايخه يلا
كريم : لمي لسانك دا بقا مش هفضل اقولهالك كتير
نور : يعني انت بتتضايق لما اغلط فيكي ومش عاوزاني اضايق لما تغلط فيا
كريم : يا حبييتي انا بنغاش فيكي سيان بينهما
نور : لا يجدع
كريم : اممم صحيح
نور : ايه
كريم : فاكره الولد الملزق ال شوفتك معاه في المطعم دا يَومها دا
نور ابتسمت لا ارادي لما قال عنه كدا لكن ابتسامتها تلاشت حين اكمل :ال قولتيلي يومها انك مستنيه واحده صحبتك
نور بعناد : لا مش فاكره
كريم : انا بتكلم جد.. َ... صحبتك قولتي انها خطيبته صح
نور : اه ليه؟؟
كان سيخبرها بما علمه ولكن فصل هاتفه وفصل الشحن فجاه حاولت نور معاوده الاتصال ولكنه لم يفلح معها
كريم زفر بضيق : حظ زفت
***
صفاء : هااا ي سما ايه رايك
هتكوني تحت البيت وقريبه مني عشان مقلقش عليكي
سما بتوتر وهي تنظر لصاحب الشغل : ايوا بس انا مجربتش شغل الخياطه والمكن دا وكدا يعني ع قدي
أخرى كان رسم بس
جمال بنظرات خبث لسما قال بود مصطنع : وماله يست البنات اتدربي معانا لحد ما تتعلمي يعني كل الحريم ال تحت دول كانوا يفقهوا حاحه بعدين دا انتي من طرف الغاليه الحجه صفاء يعني هنشيلك علي دماغنا من فرق
صفاء بود : تعيش يا معلم جمال دا عشمي فيك برده
جمال وجه كلامه لسما : ها تحبي تنزل الشغل من امتا يست العرايس
سما بتوتر لا تعلم سببه : عادي في اي وقت
صفاء : ال يناسبك يا معلم جمال سما بنتي هتكون جاهزه للمعاد ال تقول عليه
جمال بنبره ذات مغزي : انا يناسبني من انهارده لو حبت
واهو يكون يوم تحت التمرين وتعرف الدنيا فيها ايه مبدئيا كدا
سما بتعجب : انهارده
صفاء : ها اي رايك يا سما
سما : ال تشوفيه يا طنط
جمال : ع بركه الله يبقي هستناكي انهارده بعد العصر الاموره تنورنا
سلام عليكم
صفاء وسما : وعليكم السلام
***
مي : اي البياخه دي ملحقناش نقعد معاها
روان : شكله كان مستعجل
يمكن في حاحه... حتي رامي كان مش بيرد
مي : ما لو فيه حاجه يسيبها هنا خدها معاه ليه
روان : يووووه رد ي رامي بقا دا انا الفضول هيموتني
ياا ابن الجزمه
مي : في ايه
روان : قفل تليفونه
مي : يلا يرتاح من زنك
روان بتوتر : انا حاسه ان فيه مصيبه يا مي طالما الاتنين اختفوا كدا مره واحده
حتي عدنان خرج من شويه ومكنش شايف قدامه
مي : بت بت اسكتي مش ناقصه قلق ان شاء الله خير
**
اي لازمه ال بتعمله دا فهمني ي عم ولا كاني حمار قاعد هنا
قالها مراد بضيق وغضب وهو ولا يفهم شيئ من تصرفات ليل
بعدما ذهب الي الفيلا وراي والدته واخبرها بما حدث ثم توعد لهم وغادر ع الفور
ليل :، بكسب شويه وقت... هي اكيد هترن ع مي الوقتي وهتقولها اني عارف ان هي ال خاطفتها
مراد : وبعدين
ليل : مي جبااانه اووي اكيد هتخاف ومش هتعرف تعمل ايه وهي عارفه اني مستحيل اسيبها بعد ال عملته هتغلط وهتوقع نفسها بنفسها
زفر مراد بضيق : وممكن تغلط تعمل الاوحش... واحده زي دي اتوقع منها اي حاجه
ليل : مش هتلحق بص.......
****
ميرفت حاولت تتصل بمي كتير بس مكنش فيه رد بعد محاولات كتير مي ردت عليها عادي جدا وكان مافيش اي حاجه وقالت انها في الفيلا بتاعتها
ميرفت بتعجب : اومال ليل بيقول كدا ليه معقول بيكذب عليا
الو
قطع الخط بينهم ولم تفلح بمكالمتها مره اخري
ميرفت بشرود : ليل عمره ما كذب عليا بس انتي اتوقع منك كل حاجه يا مي مش بعيد فعلا تكوني فكرتي تعملي كدا اول ما عرفتي ان كاميليا حامل... دي غلطتي اصلا من الاول وانا ال هصلحها بس بعد ما ادفعك تمنها غالي اوووي
ميرفت خدت نفسها وراحت عند مي في الفيلا
***
كاميليا فاقت لاقت نفسها ع الارض وايدها مربوطه ورجليها وحاطين لازق ع بوقها
بصت حواليها بخوف حاولت تصرخ عشان حد يسمعها لكن صوتها كان مكتوم
حاولت تفك ايدها بس ايدها وجعتها من كتر المحاوله لانها كان مربوطه جامد
لا لا دا انتي غاليه علي اوي اكيد لازم اامن الاول اني ربطاكي كويس... انتي عارفه بقا انت غلطت الشاطر بالف ولا ايه
كاميليا بصدمه وهي تشاهدها امامها فهي تتذكرها جيدا الان
مي بضحكه شر : اي ي حلوه هتفضلي متنحه ليا كدا كتير اكيد انتي عارفه انا بكون مين انا متنسيش
ثم اقتربت منها وقامت بنزع االاصق بعنف : دا انا ال خليتك تريند يوم فرحك... اشكريني بقا خليتك اشهر من نار ع علم
كاميليا : انتي الي كنتي عاوزه تقتليني
مي بحقد : بس للاسف محصلكيش حاجه عمليه صغيره ورجعتي احسن من الاول... بس المره دي مش هغلط نفس الغلط تاني
المره دي انا ال هخلص بنفسي مش هجيب معاون ليا عشان احس بلذه انتقامي اكتر
كاميليا قطبت حاجبيها والدموع تنهمر فهي تري امامها حقا شخصيه مريضه : حرام عليكي انتي بتعملي دا كل لايه انا عملتلك ايه عشان تعملي كل دااا
ضحكت مي بهستريه عليها ثم توقفت وقالت بغضب وصراخ : قووووولي معلمتيش ايييي انتي جيتي اخذتي كل حاحه حلوه قعدت اخطط ليها سنين..... سنين راحت من عمري عشان اوصل اا انا عايزاه وفي الاخر كل دا راح هدر
انتي تطلعي مين عشان تجي وتتجوز ليل وكمان تكوني حامل في حفيد عيله الهوارى ال هيشيل ورث عيله الهواري كلها هاااا تطلعي مين انتي...
انتي ملكيش الحق في اي حاحه من دول..... انا انا وبنتي بس ال مفروض نكون مكانك... انا ال عيشت ايام سودا وشوفت حرمان بس عشان خاطر اوصل لقلب ليل بسهوله وبنتي تبقى مدام ليل الهوارى
بس انتي بغبائك جيتي ومسحتي دا كله ولازم تتعاقبي عليه
ليل لبس لبنتي قضيه دعاره.... ااااداب... استدرجها في الاول وضحك عليها واخدها معاه في شقه مفروشه بعدين شاربها حاجه نامت صحت لاقيت الشرطه حواليها
بنتي بقت سوابق وليها ملف عند بلوليس الاداب وبيقولي دي قرصه ودن بس
عشان جانبك.... انتي.... انتي السبب في كل دا.... كله بسببك انتي بس معلش زي ما هو انتقم مني في بنتي.... انا كمان هنتقم َمنه في ابنه
ال لسه مشافهوش ولا جه الدنيا هخليه يتوجع الف مره ويجرب احساس الوجع والعجز
عشان يحس بالنار ال بتاكلني من جوا كل يوم
كاميليا بخوف شديد دموعها غرقت كل وشها : انتي بني ادمه مريضه وعاوزه تتعالجي
ارحميني وارحمي الناس من شرك ربنا هينتقم منك ع كل ال انتي بتعمليه دا
مي شدت شعرها جامد بغل وسواد : ومش هينتقم من جوزك انتي كمان ي حلوه ولا ايه
الظاهر انك واخذه عنه فاكره تانيه خالص اوعي تفتكري ان ليل ملاك وبجناحات ليل دا الشيطان نفسه انتي لسه متعرفهوش
كاميليا بالم : ليل انضف مليون مره منك ومن امثالك.... وهيدفعك تمن ال انتي بتعمليه الوقتي دا ومش هيرحمك
ابتسمت بشر : وماله... بس اكون خدت حقي
كاميليا : قصدك ايه
تابعتها مي بضربه قويه وفي بطن كاميليا شعرت بان روحها ذهبت معها لتصرخ صرخه قويه وهي تشعر بسكاكين داخلها
وتجثو ع معدتها من كتر الألم وهي تبكي بكاء لم تعهده من قبل وترجو مي ان تتركها والا تفعل شيء لصغيرها
ابتسمت لتوسلاتها : اممم موعدكيش يا حبيبتي كل ال هعلمه اني هسيبك دقايق ترتاحي وهرجعلك تاني لازم اوثق موت ابن ليل صَوت وصوره ليه
ربنا يعوض عليه بقا فيكي وفيه...
ثم تركتها ع حالتها تلك وهي تدعو الله ان ينجدها من بين يديها
،
*****
مي : توفقوا كويس مش عاوزه عينكوا تغفل ع اي حاجه مفهوم
حاضر يا هانم
مي كان معاها ٣ شباب بيحرسوا المكان المهجور الي هي فيه...
علما بان ليل مش هيقدر يعرف يوصلها لانه اساس ع حسب تفكيرها انه مايعرفش مين ال خطفها
عما يستوعب بعد ال الفيديو ال هتبعتهوله هتكون هي سافرت ومشت من البلد دي خالص...
...
روايه أجبرني على الإنجاب للكاتبه المتميزه منه سمير ❤️ ❤️
نزلت سما المحل. ال هتشتغل فيه واتعرفت ع كل الموجودين
كان باين عليهم انه طيبين الحاجه الوحيده ال كانت بتخوفها نظرات جمال ليها لكن اطمنت شويه لما عرفت انه مش بيفضل معاهم هنا علطول
واحده واحده بدات تتعلم وتشتغل زيهم لحد ما بقت تعرف في الخياطه والتفصيل اليدوي وشكل المكنه
بس ايدها لسه مش واخده اوي ع السرعه في الممارسه والاداء
فجرحت صباعها وهي بتقص الهدوم
تحاملت ع نفسها سريعا وطلعت برا كان في تلاجه ميه برا غسلت ايدها كويس ولفته بمنديل عشان الدم يوقف
وقف اتنين شباب بالموتوسكيل يعاكسوا فيها بوقاحه
فسما بالنسبه ليهم غريبه ومغريه بسبب هدومها وشعرها الناس كان لبسهم مقفول وشعرهم مش باين لابسين طرح
سما خافت وطلعت تجري جوا المحل
خبطت في جمال وقعت الحاجه ال كانت معاه
جمال بحده : اي دا
سما بخوف : ااا انا ااسفه مخدش بالي
جمال : هو انتي... كنتي بتجري كدا ليه مش شايفه قدامك
سما :" ل لا ابدا ماافيش حاجه.... عن اذنك
ورجعت مكانها وهي اناملها بتترعش بقت بتخاف من قرب اي حد ليها بعد محاوله زياد ويوسف بالتعدي عليها فقدت الثقه في الكل وبقي عندها رهبه وخوف شديد من الرجاله
اقتربت منها فتاه تدعي رودينا
: ازيك ي قمر خدي امسكي اشربي كوبايه العصير دي شايفاكي متوتره كدا
سما حطت قدامها : اا تسلمي
رودينا يضحك : مش حاطه سم فيها ع فكرا ممكن تشربيها
سما ضحكت
رودينا : ممكن اقعد معاكي شويه
سما : اه طبعا اتفضلي
رودينا : بصي يستي انا اسمي رودينا وانتي
سما : سما
رودينا : عاشت الاسامي يا سما انا عارفه ان دا اول يوم ليكي وخايفه وبتاع انا كنت زيك في الأول
بس بعدين بقيت لهلوبه
وبعدين قعدتك دي غلط والمقص مش بيتمسك كدا هتعوري نفسك
اشارت سما اليها باصبعها : ماهو فعلا اتعور اهو
رودينا باستفهام : مين ال قالت تعمليه دي
سما : طنط ال هناك دي
رودينا : ششش طنط اي دا نهي لو سمعتك بتقولي عليها طنط هتكسحني انا وانتي
بعدين ملكيش دعوه بيها هي اصلا مبتحبش تعلم حد ومافيش حد هنا عاوز حد يتعلم
محدش عاوز حد احسن منه يعني فهماني عشان يمشوا البنات عشان مايفضلش هما غيرهم
سما : اهااا شكلهم صعبين اوي
رودينا : هما اه صعبين وعقارب بس عشان كدا مبخبش اكلمهم ف جيت ادردش معاكي شويه ولو احتاجتي اي حاحه تعاليلي انا
سما بود : تسلميلي ي رودينا
***
انا عاوزه اعرف اي حكايه البت ام شعر ملون دي بالظبط
جمال بتافف : لا حكايه ولا روايه يا نهي وخليكي في حالك
البت غلبانه وعاوزه تشتغل ملكيش دعوه بيها
نهي برفعه حاجب : كمان دي شكلها تخصك بقا ي معلم
جمال بعند : اه تخصني ارتحتي وروحي ناديلي عليها وغوري من وشي الساعه دي
نهي بغضب : انت بتطردني ي جمال ماشي وديني ما ابقى نهي اما وريتك انت والملونه ال برا دي
جمال بغضب : انتي نسيتي نفسك دا انتي حتت بت لا راحت ولا جت متعمليش لنفسك قيمه ع قفايا وبلاش تعصبيني لانك مش قد غضبي عليك وانتي عارفه انا ممكن اعمل فيكي ايه
نهي سابتله المكان بغل وطلعت برا
عند سما
نغزتها في كتفها
سما بتاوه : اي مبتشوفيش
نهي بابتسامه صفرا : لو انك جديده متعرفيش كنتي قصيت لسانك الحلو دا ع ال قولتيه
روحي ي حلوه للمعلم جمال عاوزك جوا
سما سابت ال في ايدها وقامت بضيق من نهي شكلها مش هترتاح هنا كمان
ومحدش سايبها في حالها
...
مايان قامت تجري ع صوت رزع جامد خافت ليكون مراد او حد تبعه
طلعت تجري تبص من البلكونه فوق لاقيتها ميرفت
ميرفت بصدمه : طنط!!!
ميرفت بغضب : افتحي يا مايان
مايان نزلت فتحت ليها : خير في ايه
ميرفت بغضب عارم : وهيجي منين الخير.... امك فين
مايان : مش عارفه
ميرفت طلعت تدور عليها : اطلعي يا مي الحركات ال بتعمليها دي مش هتنفعك انا عرفت كل حاجه
مايان بغضب هي الاخري : عرفتي ايه وحركات ايه قولتلك هي مش هنا ومعرفش خرجت راحت فين
ميرفت : اسمعي يا مايان بلاش انتي كمان تدخلي نفسك في لعبت امك دي عشان متخسرسيش نفسك وتروحي في داهيه معاها
وقوليلي هي فين
َوالا هوصلها بطريقتي بس وقتها انا مش هكون مسؤله عن ال هيحصلها
امي لسه مكلماني وقالتلي انها في الفيلا من نصف ساعه اكيد ملحقتش تمشي وتروح في حته
مايان بتافف : طنط انا هنا من الصبح ومشوفتش ماما... ماما مدخلتش البيت من الصبح اصلا
ميرفت وقفت تنحت قدامها : يعني كانت بتكدب عليا يبقي اكيد كل ال ليل قاله كان مظبوط
مايان بعدم فهم : ليل اي علاقه بماما انا مش فاهمه
ميرفت : امك خطفت كاميليا لانها عرفت انها حامل عاوزه تنتقم من ليل في ابنه ومراته
مايان بصدمه : ايه
ميرفت بغضب وقلق : وليل عرف ان هي ال عملت كدا وزمانه قالب الدنيا عليها... ليل لو وصل لمي قبل ما ان اوصلها هيقتلها
مايان بصدمه اكبر : ليل عرف ان هي ال عملت كدا
ميرفت : مايان ابوس ايدك لو تعرفي هي فين قوليلي الحقها والحق كاميليا من ايدها قبل ما تعمل فيها حاجه
وقتها انا والله مضمنش ليل ممكن يعمل فيها وفيا اي لانه مفكر ان انا كمان ساعدتها في خطف كاميليا
وهو معاه حق انا غلطت لما لما وثقت فيها في الاول وخليت الفلوس تعميني اني اشوف ابني ومصلحته وكمان لمحت ليها ان كاميليا حامل واديني بتدفع التمن الوقتي
كل ال حصل وكل ال احنا فيه دا بسببي بسببي انا وبس وانا مش هسامح نفسي ولا هسامح امك لو اذت مرات ليل او ابنه سامعه بلغيه كلامي دا كويس وعرفيها اني هوصلها ووقتها مش هرحمها من ايدي
... ميرفت خرجت بعد ما فجرت القنبله في وش مايان وسابتها ومشت
كلامها كان بيزلزل مايان من جوا
خوف ورعب وقلق اول مره تحس بيهم ع مامتها.... متاكده ان ليل فعلا مش هيرحمهم المره دي
مامتها الشر والطمع عماها وليل شيطان في انتقامه
قعدت مكانها ع الارض تعيط ع حالتها دي وحاسه انها خسرت وبتخسر كل حاجه حواليها
واقفه عاجزه مش عارفه تعمل ايه
قعدت ترن علي مامتها كتير بس مافيش فايده مكنتش بترد عليها ولا معبراها
بعتت ليها رساله ان ليل عرف ان هي ال عملت كدا وهيوصلها وانها تسيب كاميليا تمشي احسن ليها قبل ما ليل يعرف مكانهم
توقفت فجاه عن البكاء كانها افتكرت حاجه وطلعت تجري ع برا وهي حافيه وبنفس حالتها دي
لما شافت عربيه سودا وقفت قدامها وقعدت تخبط ع الازاز لحد ما الشاب نزله عشان يشوفها عاوزه ايه بس اتفاجئ لما
#يتبع
رايكوا 😍 ♥️
تكملة الروايه اضغط هناااااااا
تعليقات
إرسال تعليق