رواية الهجينة عروس الالفا الجزء الثاني البارت السابع وعشرون 27بقلم مآآهي آآحمد
عروس الألفا💕
( الهجينه )
رواية الهجينة عروس الالفا الجزء الثاني البارت السابع وعشرون 27بقلم مآآهي آآحمد
( صلوا على الرسول قبل بدايه القراءه ياقمرات )
_______________( بقلمي مآآهي آآحمد )_____________
( خاله حكيمه طلعت من الاوضه وهي بتشوف حاله علي بتتحسن لاقت ياسين مستنيها بره )
( مسكها من دراعها وشدها لي بعن/ف )
ياسين : انتي تعرفيني بقى علي ازاي يبقى اخويا ياخاله حك
( لسه هينطق )
انا مش عارف اقولك ياخاله حكيمه ولا يامزه كوكي ولا ايه بالظبط
خاله حكيمه : قولي ياما حكيمه زي ما كنت بتناديني زمان انت وعلي ياياسين
ياسين : ياما
( علي كان قدامه في لحظه وبصله )
علي : الظاهر أن الاوان تعرف كل شيء ياخويا
ياسين : علي
( حكيمه اول ما شافت علي ابتسمت واخدته بالحضن )
حكيمه : كنت هضيع مني ياعلي
( وهو حاضنها ومبتسم )
دكتور علي : كانت تستحق ياخاله .. كل حاجه حصلت هنا كانت تستحق اني اضيع روحي عشانها
خاله حكيمه : طول عمرگ أصيل ياعلي دايما بتفكرني بالمهدي
( ابتسم ابتسامه ظهرت بجانب شفايفه )
دكتور علي : تربيتك ياخاله
( بعد عن حضنها خطوه وبيشاور على نفسه )
دكتور علي : واديني لسه فيا الروح وحي أرزق قدامگ
( علي بص لياسين اللي كان ضامم حواجبه باستغراب وبيبص لعلي ومابيقربش منه )
( بص لياسين وهو بعيد عنه خطوه وفاتحله ايديه )
دكتور علي : أيه ماوحشتكش
( بتهكم وهو مخن/وق )
ياسين : شامم ريحه نتنه في الموضوع
( وضع اصبعه اسفل أنفه )
ياسين : وانا مناخيري مابتكذبش عليا
دكتور علي : على الاقل قولي حمدالله على سلامتك
( رمقه بنظره تهكم )
ياسين : مش لما افهم واعرف كل حاجه الاول بعد كده اقرر اذا كنت فعلا تستحق كلمه حمدالله على السلامه واللي عملته عشانگ ولا لاء
( ابتسمت ابتسامه ظهرت بجانب شفايفها )
خاله حكيمه : هتفضل زي ما انت مهما عدت عليك السنين ياولدي
( ضم حواجبه باستنكار )
ياسين : لاء ولدي دي مش راكبه خالص على شكلك الجديد
بصي انا من هنا ورايح هقولك ياكوكي وانتي تقوليلي يا ابيه ياسين وطالما علي اخويا وانتي بتقولي ناديني ياما فا انا اكيد هطلع ابوكي
ومش بعيد شيخ عجوه يبقى جوز اختي اللي انا معرفهاش
( غمز بطرف عنيه الشمال للخاله ) .
ياسين : أيه رايگ مش گده أحلى
( ياسين كان بيحاول يستفز الخاله بس مايعرفش ان الخاله فهماه أكتر من نفسه )
( علي بتهكم )
دگتور علي : ياسين دي الخاله معقول لحد دلوقتي مش فاگر
( الخاله ابتسمت ابتسامه بسيطه )
الخاله : سيبوه ياعلي انا عارفه كويس هو بيقول كده ليه ؟
عايز يستفزنى عايز يعرف كل شىء في الحال
( الخاله لسه هتمشي قدامه ياسين مسگها من دراعها بقوه الخاله مسكت أيديه وضغطت على أيديه بكل قوتها من كتر ما كانت قويه ياسين قعد في الارض على ركبه والخاله لسه بتضغط على أيده ومن كتر قوتها عروقه كانت هتطلع منه ووشه بقى احمر وبيتكلم بالعافيه وهو ضاغط على سنانه ومش قادر )
ياسين : بقي .. بقى كده ياكوكي
( وهو مضا/يق عشان ياسين )
علي : سبيه ياخاله ده ياسين ما احنا عارفينه من زمان
( الخاله سابت أيد ياسين وزقته بعيد عنها .. ياسين مسگ أيديه بالأيد التانيه )
ياسين : ما انا مش هسيبگ الا لما اعرف ايه اللي بيحصل هنا
الخاااله : لو صبر القا/تل على المقت/ول كان اتق/تل لوحده ياياسين بس انت عمرگ ما صبرت على شيء في يوم وانا مش هقولگ على حاجه الا لما أكل الاول هو مافيش حسن ضيافه هنا ولا أيه ولا انتوا مابتاكلوش هنا
( بربروس جه من ورا ياسين واخد دكتور علي بالحضن )
بربروس : لا والله وبعقد الهاء سنطهو وليمه وليست اي وليمه أحتفالآ بعلي ورجوعه
دكتور غبي : وحشتني يابربروس
بربروس : وفرحتــــــــــــــاه
ها قد جائت الافراح مچددآ .. ف والله وبعقد الهاء وكأن الليله عيد
( بربروس أخد دكتور علي بالحضن مره تانيه ولف بي ونزله على الارض )
بربروس: لم أكد اصدق عيناي فأخيرآ عدت إلينا من چديد يابطل
( وهو بيضحك ومبتسم )
دكتور علي : مش عارف اشكرك ازاي على اللي عملته معايا يابربروس .. انا عمري ما هنسا وقفتگ جنبي
بربروس : انا .. وماذاا فعلت أنا .. فأنا لم أفعل شيئآ على الاطلاق
( شاور على ياسين )
بربروس : ولكن هذا الابله قد فعل
( عز مد ايده لعلي )
عز : واضح انك غالي اوي عليهم ماتعرفش كانوا خايفين عليك ازاي وانت تعبان
( على مد ايده لعز )
علي : عارف انا اه كنت نايم بس كنت اقدر اسمع كل حاجه بتحصل حواليا وحبيت اقولگ شكرآ انگ نزلت مسد/سگ وسمحتلهم انهم يفضلوا معاگ
عز : كان لازم اعمل كده خصوصآ وقت المعركه كنت شايفگ وسامعك وانت بتقول لبربروس انه ما يأذيش حد
حسيت انك وراك حاجه لازم تعيش عشانها
داغر : حمدالله على سلامتگ ياعلي واخيرا بقى معاكم وعايش وسطكم من جديد
علي : لو مكنتش وقفت معاهم ياداغر وسمحتلهم انهم يدخلوني بيتگ مكنتش هبقى عايش دلوقت
داغر : حسيت انگ تستاهل اني اعمل عشانك حاجه
خاله حكيمه : قدرگ انگ تفضل عايش ياعلي عشان لسه ليگ أيام على الدنيا لازم تعيشها
عمار : حمدالله على سلامتك ياعلي مبسوط انگ رجعت تاني تبقى معانا .. وكنت حابب اشكرك انك اتقذتني انا وشمس قبل كده من
( قطعه في الكلام )
علي : انا اللي مش عارف اقولگ ايه على اللي عملته مع شمس
عمار: مش فاهم تقصد ايه ؟
( علي لسه هيتكلم رعد طلع من جوه البيت بعد ما ساب ميرا على السرير قطع الكلام اللي ما بينهم )
رعد : داغر انا حطيت ميرا على السرير بس هنعمل معاها اي دلوقت .. هيحصل اي تاني
( كلهم بصوا وراهم لرعد ورعد عرف انه قطع كلامهم )
( ضم حواجبه باستغراب وبعدم فهم )
رعد : گنتوا بتقولوا كلام مهم يعني
( مد ايده لعلي )
رعد : حمدالله على سلامتك انا رعد
( علي ابتسم ابتسامه بسيطه وغمض عنيه وهز راسه من فوق لتحت )
علي : عارفك اكيد .. رعد اخو داغر
رعد : بالظبط كده
(يزن رفع ايده في مستوى صدره )
يزن : اهلآ .. انا يزن
علي : عارف اخو عمار
( يزن وعمار بصوا لبعض باستغراب وابتسموا لبعض )
يزن : عمار اكتر من اخويا
علي : عشان كده قولتلگ اخو عمار عشان اللي بينكم يتعدى انكم تبقوا مجرد اصحاب
( بتهكم وغ/ضب )
ياسين : حلوه اوي حفله التعارف دي مش هنبدأ بقى نعرف اي اللي بيحصل
خاله حكيمه : مابعرفش أتگلم وانا جعانه .. ما أكلتش بقالي كتير
( بص على اللي حواليه )
ياسين : خدي رعد مصمصيه هو اكتر واحد مالووش لازمه فينا
( بغ/ضب )
رعد : وانت اي لازمتك في الحياه غير انگ تأ/ذي غيرگ
انا ممكن ما بفيدش حد هنا بس على الاقل ما بأ/ذيش
( بربروس بص لياسين بغ/يظ )
بربروس: الا تعلم شيئآ عن الذوق ايها المغفل
( رعد سابهم ومشي )
( ندهت على ياسين )
الخاله حكيمه : يااااسين
( رفعتله حاجبها وشاورتله براسها انه يروح وراه )
ياسين : اكيد لاء
( ضغطت على اسنانها بنرفزه )
خاله حكيمه : ياااااااااسين
ياسين : وانا قولت حاجه ما انا متزفت رايح اهوه
( ياسين حط ايديه الاتنين في جيبه ولسه كان هيتحرگ حس بشمس وهي جايه هي والبنات ساره اول ماشافت يزن
ضمته على طول والقل/ق كان باين عليها )
ساره : انت كويس .. حصل ايه
يزن : ماتقل/قيش هحكيلك كل شىء
( شمس كانت جايه ناحيه ياسين لقاها بتبتسم وهي جايه عليه ضم حواجبه حاجه بسيطه وهو مش مصدق انها بتبتسمله بص شمال ويمين بيشوف في حد جنبه ولا لاء قربت منه اكتر راح ابتسملها وهي بتقربله قرب منها خطوه وهي بتبصله وجايه عليه )
شمس : أأنت بخير .. لقد قلقت عليگ گثيرا
( ياسين لسه هيتكلم وهو مبتسم )
( عمار كان واقف وراه بالظبط وهو بيبتسم لشمس )
عمار : انا اللي كنت قلقان عليكي .. انا كنت لسه هجيلگ
( مسك ايدها وهي واقفه قدامه )
شمس : لم أستطع الانتظار أكثر من ذلگ فقد كان يراودني الف سؤال وسؤال
( ياسين لف وشه وبصلها وهي بتعدي من قدامه وبتروح لعمار الابتسامه انمحت من على وشه بالتدريج بلع ريقه وفي لحظه مكانش موجود الخاله حكيمه لاحظت كده وفهمت شاورت براسها من فوق لتحت واتنهدت تنهيده يائسه ودخلت البيت )
(زهره كان بينها وبين علي امتار بسيطه اول ما شافت علي واقف قدامها فضلت واقفه مكانها ماتحركتش قلبها بقى يدق بسرعه ودموعها لمعت في عنيها
على في سرعه البرق كان قدامها لقى دمو/عها نازله منها )
علي : كفايه دمو/ع اخر مره غمضت عنيا على دمع/تك يازهرتي
زهره : دمو/ع عن دمو/ع تفرق ياعلي .. المره دي دمو/ع الفرحه انا مش مصدقه انك رجعت تاني .. رجعت واقف على رجليگ من جديد
( ابتسملها ابتسامه بسيطه )
علي : لاء صدقي يازهرتي .. انا رجعتلك من جديد لو مكنتيش لبستيني السلسله
( فك السلسله من حوالين رقبته وبيدهالها .. رفعت ايدها ورجعتله السلسله وهي في ايديه )
زهره : لا ياعلي أوعى تخلعها من رقبتگ مهما حصل
( هز راسه شمال ويمين حاجه بسيطه وهو بيتكلم )
علي : انت مابقيتش محتاجها يازهره .. بصيلي انا بقيت كويس
زهره : عشان خاطرى ريحني وخليگ لابسها دايمآ
علي : زهره .. انا عايزگ تلبسي السلسله مش عايزها تفارق رقبتگ احنا داخلين على ايام صعبه
زهره : اكتر من كل اللي حصل
علي : اللي حصل مايجيش حاجه في اللي احنا داخلين عليه
ارجوكي ريحيني والبسيها وماتقلعهاش
( علي مد ايديه ولبس زهره السلسله في رقبتها رفعت عنيها وبقت تبصله وتبص لملامحه ولون عنيه اللي كانت مشتقالهاا )
( ابتسم ونزل ايديه بعد مالبسلها السلسله )
علي : بتبصيلي كده ليه ؟
زهره : ماتعرفش قد ايه انا اتمنيت انگ تصحى وتفتح عنيگ
علي : ماتعرفيش اتمنيت قد ايه اصحى واشوف النظره دي في عنيكي
( أحمرت خجلآ وبصت في الارض رفعت طرحتها على شعرها عشان كانت راجعه لورا )
زهره : حمدالله على سلامتك ياعلي
( علي ابتسم ابتسامه عريضه وفهم انها اتكسفت )
علي : الحمدلله اني شوفتگ تاني يازهره
____________( بقلمي مآآهي آآحمد )________________
( ياسين راح لرعد لقاه قاعد عند جبل الجليد وقف قدامه ورعد اول ما شافه رفع وشه وبصله )
رعد : بتعمل ايه هنا ؟
ياسين : بص انا مش طايقگ بصراحه ولا اطايق البت اللي اسمها ميرا دي وجاي هنا مش بمزاجي ومغصوب اني اجي فقولت اني لازم أجي عشان انا مغصوب اني أجي مش عشان انا عايز أجي
( رعد ابتسم ابتسامه بسيطه وهز راسه شمال ويمين )
( بصله وهو رافع حاجبه الشمال )
ياسين : انت ابتسمت ممم يبقى كده خالصين أمشي انا بقى
( ياسين اداله ضهره و كان لسه هيمشي )
رعد : هو انا فعلآ ماليش لازمه
( غمض عنيه الشمال ورفع حاجبه وضم شفايفه ريأكشنات كتير بانت على وشه )
ياسين : مممممم بصراحه اه
( رعد طلع من جيبه ازازه صغيره فيها نوع من انواع
الخم/ور اخد بوق منها )
رعد : طب ليه ؟
( قعد جنب رعد وضم رجليه على صدره )
ياسين : عشان ده اللي شايفه بتحاول ترضي الكل على حساب نفسك
( بيتكلم باشمئزاز)
ياسين : كلمه توديگ وكلمه تجيبگ داغر يقولك اعمل تعمل ما تعملش يبقى ماتعملش
رعد : وايه كمان
ياسين : بص انا مش بحبطك
رعد : لا واضح كمل
ياسين : من غير احباط تحس انك عيل اهبل مالكش شخصيه عماال تجري ورا واحده مش معبراك وبتبص لغيرك وانت برضوا مافيش فايده فيگ لازقلها زي طابع البوسطه مافيش اي كرامه گده الگرامه ياااا
( شاورله بأيده على الازازه )
ياسين : هات .. هات وريني اي الهباب اللي بتشربه ده ؟
( رعد مدله أيديه بالازازه وادهاله ياسين رفع الازازه على بوقه )
رعد : زي كرامتگ مع شمس كده
( الازازه كانت على بوق ياسين .. ياسين اول ما سمع الكلمه دي راح بصق اللي كان في بوقه على الارض )
( ابتسم ابتسامه شماته )
رعد : ايه جيت على الجر/ح
( بتردد وحاول يخبي )
ياسين : ايه .. ايه الكلام الخايب من عيل خايب زيك ده
( رعد بص جنبه لياسين وابتسم بسخريه )
رعد : انا برضوا اللي خايب
ياسين : ده كلام لا يمت للواقع بصله
رعد : عشان كده ماقدرتش تكمل شرب واتوترت
( بص لرعد نظره تهكم ونفسه بقى طالع نازل )
ياسين : ياسين الضبع مايتوترش ابدا انت فاهم ولا لاء ؟
انا عمري ما هبقى خايب زيگ
( أخد الازازه من ياسين وشرب اكتر )
رعد : وتفتكر واحد زيگ مابيتوترش زيي واكبر مني بعشروميت سنه ويوم ماعندهوش نصيحه ليا
( ابتسم ابتسامه بسيطه وخبيثه ظهرت بجانب شفايفه وسكت )
رعد : مالك سكت ليه ؟
ياسين : مافيش اصل اول مره حد يطلب مني نصيحه دايما بيدوني نصايح
رعد : وبتعمل بالنصايح دي
ياسين : عمري.. عشان دايما مابركزش في اللي بيقولوا دايما بركز اللي بينصحني هيسكت امتى
( ابتسم بسخريه )
رعد : للدرجه دي ما عندگش نصيحه ليا
ياسين : هقولگ گلمه كبيرة اوي بالنسبالي دايما باخد بيها طول العشروميت سنه اللي عيشتهم ودايما بتجيب معايا
( رعد بتلهف )
رعد : اي هيا ؟
( بجديه وهو بيشرب من الازازه )
ياسين : البت عامله زي طابع البوسطه كل ما اتف عليها تلزق أكتر ..
( رعد استغرب وضم حواجبه وهو مش فاهم )
ياسين : جرب .. جرب كده تتف عليها هتلاقيها بتجري وراگ مش انت اللي بتجري وراها
( رعد اخد كلامه بجد )
رعد : تفتكر
( شاور على نفسه بجديه )
ياسين : انت طلبت النصيحه وانا قولتهالك وبكره تقول ياسين قال
رعد : انا هعمل كده فعلا وهاخد بنصيحتك
( اداله ضهره وهو بيشرب من الازازه وبيتكلم بصوت واطي)
ياسين : يلا ياكش لما تتف عليها تاكلك ونخلص منك ومنها
( اتكلم بصوت عالي )
رعد : بتقول حاجه
( لف وبصله)
ياسين : ماتنساش تعمل اللي قولتلگ عليه
______________( بقلمي مآآهي آآحمد )______________
( ولاء كانت واقفه هي وشريف وعز )
ولاء: انت ماقولتليش برضوا ياعز فين غرام
عز : ماتقلقيش هي في المستشفى
( شريف قلق عليها ولقى نفسه تلقائيآ بيتكلم بلهفه )
شريف : ماتقلقش وفي المستشفى طيب ازاي ؟
مالها غرام ؟ اي اللي حصل ؟
( عز بصله واستغرب ولاء حاولت تداري على لهفه شريف )
ولاء : ليه مالها فيها ايه ياعز ؟ عملت ايه في غرام ؟
( داغر جه من وراهم ووقف جنب عز )
داغر : ماتقلقوش هي مافيهاش حاجه مراتي تعبانه شويه وهي قاعده معاها مش اكتر
( نظرات عز لشريف كانت متغيره وشريف حاول يخبي وشه )
ولاء : الف سلامه على مراتك ان شاء الله تقوم بالسلامه
داغر : الله يسلمك
ولاء : طيب مش هانروح نجيبها انافي كلام كتير عايزه اقولهولها وهمو/ت واشوفها اصلها وحشاني اوي
عز : هدير مرات داغر كانت هتطلع النهارده وكمان شويه وهانروح نجيبها
داغر : وكمان شويه ليه يلا بينا دلوقتي .. انا مش مطمن طول ما هدير بعيده عني
ولاء: طيب مستنيين أيه .. يلا بينا
( داغر مشي قدام هو وولاء وعز معاهم شريف مسك عز من دراعه ووقفوا )
شريف : عز
( عز بص لماسكه ايد شريف لي .. شريف ساب دراع عز على طول )
شريف : ماتفهنيش غلط .. غرام زي أختي انت عارف انا بعزها قد أيه كل الحكايه اني قلقت عليها مش أكتر .. فاهمني ياعز
( عز بصله وشاورله من فوق لتحت براسه حاجه بسيطه ومتكلمش )
شريف : مالك ياعز من وقت ما جيت وانا حاسس أنك متغير معايا في ايه ؟ انا ضايقتگ في حاجه
( عز اتنهد وحط أيده على كتف شريف )
عز : مش وقته ياشريف .. مش وقته
بس غريبه
شريف : ايه هو اللي غريبه ؟
عز : يعني ماسألتنيش على اللي بيحصل .. واللي حصلگ وليه جيتوا هنا واحنا فين ؟ واول حاجه سألتهاني اذا كنت متغير معاك ولا لاء
( ابتسم ابتسامه عريضه ورجع شعره الكيرلي لورا )
شريف : عشان زعلگ مني هو الأهم عندي ياعز لو السما بعد كده اطربقت على الارض مايهمنيش .. وبعدين خلاص انا بقيت معاك فمابقاش فارق معايا شىء غير انك تكون بخير
( حط ايده على قلبه )
شريف : طالما قلب شريف بينبض
( عز بص في الارض وحط ايده في جيبه )
شريف : مكملتش يعني
( عز رفع وشه وبص لشريف وابتسم وحضن شريف وعيونه بتلمع )
عز : يبقى قلب عز كمان بينبض
( شريف كان حاضن عز وهو مستغرب من طريقه عز حاسس ان في حاجه عز عايز يقولهاله )
شريف : حاسس انك مش بخير ياخويا
عز : خليك في حضني شويه وانا هبقى بخير زي ما كنا بنعمل زمان فاكر ياشريف
شريف : طبعآ فاكر .. انا ماربنيش غير حضنگ ياعز
( رجعت تشوفهم اتأخروا ليه )
ولاء : احنا مش هانروح لغرام بقى
( بعد عن شريف خطوه وهو مبتسم )
عز : اكيد هانروح
( عز ركب العربيه هو وداغر قدام وشريف وولاء ورا وداغر سمع اللي بينهم بص ناحيه عز وفهم ان العلاقه اللي ما بينه وبين اخوه مش علاقه عاديه مجرد اتنين اخوات لاء ده الاتنين روحهم مرتبطه ببعض ابتسم لعز وشاورله براسه من فوق لتحت حاجه بسيطه وعز فهم انه سمعه شغل العربيه ومشي)
___________( بقلمي ماهي احمد )__________________
( الخاله حكيمه كانت جوه البيت بتبص مالقيتش في أكل وتقريبآ المطبخ مهجور )
حكيمه : جيت المنطقه دي قبل كده من سنين طوال واعرف ان فيها غزلان كتير وانا نفسي في لحم الغزال
بربروس : أيعقل ؟
( شاورت براسها من فوق لتحت )
الخاله حكيمه : اه يعقل يابربروس .. احنا بناكل وبنشرب عادي بس في نفس الوقت مايرويش عطشنا ومايسدش جوعنا الا الد/م وانت بأرادتگ ياتختار د/م الحيوانات تعيش عليه ياتبقى حيوان وتعيش على د/م البني ادمين
(عمار بصلها هو وشمس )
شمس : ولكن عمار عندما اراد أن يأكل للمره الأولى لم يستطع مضغ الطعام العادي وتقىء كل ما بداخله ياخاله
( الخاله ابتسمت لشمس )
الخاله حكيمه : عشان اول ما تحول حاول ياكل اكل البشر وده ماينفعش لازم الاول كان روا عطشه بأكلنا الطبيعي ياشمس
عمار : يعني انا اقدر أكل طبيعي عادي
الخاله : اكيد بس الاهم هو فين الاكل اللي هتاكله
( عمار بص لبربروس وبربروس بصله )
بربروس : سأتي لكي بالغزاله في الحال فأنا اسرع الموجودين
( ابتسم ودخل تحدي مع بربروس )
عمار : واللي يجيبهالك الاول
بربروس : كيف ستأتي بها أولا فقد اخبرتگ بأني اسرع الموجودين هناا
عمار : عشان يمكن الاسرع
بربروس : لا .. فأنا الاسرع هنا
الخاله : خلاص .. خلاص اتفقنا يبقي هتعملوا منافسه مابينكم واللي هييجي بالغزاله الاول هنعرف ان هو الاسرع
( بصت لعمار وبتتكلم بحماس )
شمس : أأستطيع المجىء معك
عمار : بس مش هتقدرى تبقي سريعه
( بربروس بص لمارال وكان عايز يقولها انها تيجي معاه بس مقالش الخاله فهمت )
خاله حكيمه : وبكده المنافسه زادت خد معاك شمس وبربروس هياخد معاه مارال والفريق اللي هيرجع فيكم الاول ومعاه الغزاله يبقى هو الاسرع
( بحماس وهي بتبتسم )
مارال : موافقه
( عمار راح لمارال ووقف قدامها )
عمار : انتي متأكده انك عايزه تروحي مع بربروس ؟
(هزت كتفها باستغراب )
مارال : اه وايه المشكله اني ايوح معاه
عمار : انتوا هتبقوا لوحدكم في وسط الغابه
مارال : عماي ما انت هتبقي لوحدك انت وشمس في وسط الغابه
عمار : انا وشمس حاجه تانيه وبعدين انا شمس بالنسبالي غير
مارال : يعني ايه
عمار : يعني بلاش تروحي معاه
مارال : انا مش فاهمه اديني سبب على الاقل
( بربروس كان سامع كلامهم وابتسم وخاله حكيمه عشان تنهي الجدال ده )
خاله حكيمه : انا مستنيه ياترى هتبدأوا امتى
شمس : على الفور
عمار : انتي برضوا مصممه تروحي معاه
مارال : انت عايف ان بيدقوس شخص مؤدب جدا وبعدين ده بيخاف يقيب مني ومن الاخى كده خاف عليه مني مش عليا
( شمس قربت من عمار )
شمس : هيا بنا فلنبدأ
( شمس مشيت ودخلت الغابه لوحدها وعمار اتنهد بزهق وبص لمارال بغ/ضب )
عمار : لينا كلام تاني سوا
( عمار مشي من طريق وبربروس من طريق تاني )
مارال: انت فعلا اسيع من عماي ولا هتكسفنا
بربروس: اتحبين ان تري بنفسگ
( بربروس كان بيجرى قدام مارال سريع جدا لدرجه انها كانت بتشوف طيفه مش اكتر بيجري حواليها شمال ويمين )
___________________
( شمس كانت مضايقه جدا وهي ماشيه مع عمار ومره واحده وقفت)
شمس : لماذا لم تستطيع ترگ شقيقتك تذهب مع بربروس
عمار : يعني ماحبيتش انهم يكونوا لوحدهم في الغابه مش اكتر
شمس : ولكننا بمفردنا بالغابه أيضآ
عمار : شمس احنا كنا مع بعض في اوضه واحده مش في غابه وبعدين انا عمري ما هأذيكي
شمس : انت تعلم جيدآ ان بربروس رجلآ مهذب ولن يمس شقيقتك بسوء ولكن ليس هذا بيت المقصد فأنت تقصد هنا شيئآ أخر
عمار : هكون اقصد ايه بس
_________________________
( بربروس وقف قدام مارال مره واحده وهو بياخد نفسه )
بربروس : لقد بحثت في المنطقه بأكملها ولم أجد اي من الغزلان تعالي معي نبحث بمنطقه اخرى
( بربروس مشي قدام مارال بخطوه )
مارال : انا عايفه انك سمعت عماى وهو بيتكلم معايا واكيد زعلت
( لف وبصلها ووقف )
بربروس : بل فرحت ..
( بعدم فهم )
بربروس : فعمار رچل يغير على اهل بيته ومن حقه ان لا يسمح لشقيقته بمرافقه رجل غريب عنها ففي زمني لا يصح للمرأه ان يرى وچهها رجل ليس من محارمها
___________________
(شمس كانت مضايقه جدا وبقت تتكلم بصوت أعلى شويه
ياسين كان راجع من عند رعد وسمع صوت شمس وهو عالي خاف عليها وبقى يجري بسرعه عشان يقرب منها بيبص لقاها مع عمار وقف بعيد عنهم وبقى يسمع اللي بيحصل ما بينهم )
شمس : انا سأخبرك ما تقصده تماما .. فأنت رچل ومن الطبيعي ان لا تسمح لشقيقتك بمرافقه رجل غريب حتى لو كان مهذب مثل بربروس ولكن تسمح لنفسك بمرافقتي فشقيقتك غاليه لديک ولكن ما لا ترضاه على نفسك لا ترضاه على غيرك
( ياسين ابتسم ابتسامه عريضه )
ياسين : الله خناقه
( اتكلم بنرفزه )
عمار : ايوه ياشمس مش راضي انا واثق في نفسي لكن مش واثق في غيري دي اختي ولازم احافظ عليها
( شاورت على نفسها )
شمس : وانا
عمار : أنتي ايه .. قوليلي من ساعه ما عرفتگ اذيتگ في ايه .. كان عندي الفرصه اني اقرب منك الف مره ومحصلش ولا عمره هيحصل .. انا اللي كنت ببعد ياشمس مش انتي
شمس : اتقصد اني رخيصه
ياسين : ايوه يقصد كده ايوه ياشمس اديلوا على حنطور عينه ماتسكتلهووش
عمار : ق/طع لسان اللي يقول عنك كده انتي عمرگ ما كنتي رخيصه ياشمس انتي غاليه .. غاليه عندي أوي
(عمار جه يقرب من شمس )
شمس : لا تلمسني .. ولا تقترب مني
( رفع ايديه الاتنين في مستوى صدره )
عمار : بلاش تعملي مشكله من مافيش
شمس : اذا كنت تعتقد ان لا يوجد مشكله فأنت أحمق بالتأكيد
____________________
مارال : يعني انت شايف ان اللي عمله عماي ده الصح
بربروس : بالتأكيد ولو كنت بمحله ما كنت أترگ شقيقتي مع رجلآ غريب ولاكني أعلم انه تركك من اجل شمس
مارال : بس الدنيا اتغييت والمفاهيم دلوقتي مابقيتش زي زمان والناس بتتغيي
بربروس : ولكن دين الله الواحد الاحد ثابت بكل مكان وزمان وهذا ما امرنا به
______________________
عمار : فعلآ انا أحمق
________________
ياسين : انا كنت بقول عليك عبيط من زمان محدش كان بيصدقني
____________________
عمار : لو بتسمي اني بحافظ علي اختي ده بالحماقه فا انا احمق .. لو بتسمي اللي بينا ده حماقه فا انا احمق لو بتسمي غيرتي عليكي حماقه فا انا موافق اني اكون احمق والاحمق وقع في حبگ وهو هو نفس الاحمق اللي بيطلب منك تتجوزيني ياشمس
( شمس اول ما عمار قالها الكلمه دي لاقت نفسها بتبتسم غصبآ عنها وقلبها بقى بيدق بطريقه فظيعه )
_________________
( ياسين اول ما سمع الكلمه دي بقى هيتجن )
ياسين: اكيد مش هتوافقي ياشمس قوليلوا لاء
___________________
( بصلها وقرب منها )
عمار : بيقولوا ان السكوت علامه الرضا
__________________
ياسين : مش شرط انا لما بسكت بشتم في سري
______________________
عمار: قولتي ايه ؟
( هزت راسها من فوق لتحت بضحكه عريضه ولسه هتنطق بتبص لاقت غزال واقف قدامهم )
شمس : أترى ما أراه
عمار : هووووش شايفه
_______________________
( ياسين اخد نفس عميق وابتدى يهدى لما الغزال قطع كلامهم
_______________________
( بربروس ومارال كملوا مشي وبيدوروا على الغزال )
مارال : فاكي اول ميه شوفتك فيها كنت لابس ايه بصياحه كان شكلك يضحك اوي
بربروس : بالطبع فكنت ابحث عن ملابس ملائمه وكنت اريد الذهاب الى السوق بأي طريقه ممكنه
مارال : انت كنت عايز تشتيي قفطان وعمه يابيدقووس اصلا
بربروس : نعم فهذا ما تعودت على ارتدائه
مارال : بس اللبس الكاچول اللي انت لابسه دلوقتي بجد
فا/جي عليك
( ضم حواجبه باستغراب وبصلها )
بربروس : ماذا تقصدين بمعنى كلمه فا/جر
( سكتت شويه وهي بتحاول تلاقيلها تشبيه
مارال : ممم فا/جى يعني حلو اوي اوي اوي
( ابتسم ابتسامه عريضه )
بربروس : اشكرك فهذا من لطفگ فأنتي الفا/جره
( بصدمه وهي فاتحه بوقها من الصدمه وعنيها اتملت بالدموع )
مارال : انا فاجيه يابيدقووس
( بعدم فهم )
بربروس : نعم ولا تصدقي أحدآ يقول لكى غير ذلگ
_______________________
( عمار بقى بيتحرك بالراحه جدا ولسه هي/هجم على الغزاله
.. الغزاله سابته وجريت وكانت سريعه جدآ ساب شمس وبقى يجري وراها
ياسين اول ما شاف عمار بعد قرب من شمس ووقف قدامها
و في لحظه كان عندها شمس بتبص لاقت ياسين في وشها اتخضت ووقفت مكانها )
شمس : ياسين ماذا تفعل هنا
( اخد نفس بسيط وبلع ريقه وفضل باصصلها وماتكلمش )
شمس : وما هذه الزجاجه التي براحه يدگ ؟
( ياسين بص للازازه اللي فى ايديه ورماها جنبها وقرب منها خطوات وهي بترجع خطوات لورا ببطىء)
شمس : لماذا تنظر اليآ هكذآ ؟
( حط صباعه على شفايفها )
ياسين : هووووش .. هوش .. هوش.. هوش ماتتكلميش .. ماتتكلميش ياشمس انا .. انا عايز انا اللي اتگلم .. وأرجوكي اسمعيني
( شمس بصت لياسين وبقت بصاله ومركزه معاه جدآ )
ياسين : اسمعيني .. اسمعيني وبس
( شاورتله براسها بالموافقه شال صوابعه من على شفايفها )
ياسين : انا .. انا مشتاقلك ياشمس وكمان .. وكمان بحبگ
( اتنهد واخد نفس )
يا الله .. انا بحبگ اوي
انا عارف ان كان .. كان لازم اقولهالك قبل كده من زمان وان ..
إن الوقت فات بس .. بس كنت همو/ت لو مكنتش قولتهالك انا محتاج اقولهالك محتاج تسمعيها مني عشان .. عشان انا ارتاح
بس انا كنت خايف اقولهالك زمان كنت خايف اضعف بيكي .. كانت .. كانت في حاجه جوايا بتمنعني اني اقرب منك واحميكي ومش فاهم .. مش فاهم
( مسح دموعه بأيديه )
ليه .. ليه دلوقتي بالذات حسيت بيكي
انا عارف ..
(سكت للحظه )
انا عارف ان العيشه مع واحد زيي مش سهله وان عمار هو اللي يستاهلك مش انا بس
( حط ايده على جبينه ورفع راسه لفوق )
بس يا الله مش قااادر .. مش قااادر اشوفه معاكي
( بصلها مره تانيه وهو حاطط وشها ما بين أيديه )
بحس بنار جوايا .. بحس قلبي بيصرخ وبينده بأسمك
( بيبصلها في عنيها بكل حب )
ياسين : انا عايزك تعرفي أنك احسن حاجه حصلتلي في حياتي عارف انك بتكر/ هيني عارف اني ماتحبش بس انا مش قادر اشوفك معاه ومش بأيدي
( أخد نفس وطلعه )
تعرفي انا لو مكنتش قولتلك الكلام ده كان ممكن يجرالي حاجه .. طيب تعرفي اني فكرت كتير امسحلك ذاكرتك واحطلك بدالها اجمل مواقف ماحصلتش بيني وبينك بس مش هخدع حد غير نفسي عشان هبقى عارف ان حبگ ليا هيبقى مزيف مش هقدر اعمل حاجه دلوقتي غير اني استنى عشان بيقولوا الوقت بيشفي الجر/وح وانا هستنى جرو/حك تشفى ياشمس عشان انتي تستاهلي على قد ما انا ارتاحت اني قولتلك اللي جوايا على قد ما هعمل حاجه مش حابب اعملها دلوقتي
( شمس استغربت وضيقت عنيها بعدم فهم )
( ياسين قرب من شمس وشمس بعدت راسها لورا قرب منها اكتر ومسك راسها و باسها من جبينها وبصلها في عنيها ودموعه بتنزل منه وخلاها تنسى كل حاجه هو قالهالها
ياسين : انتي هتنسي كل حاجه انا قولتهالك دلوقت هتنسى اني جيتلك وشوفتيني وهتفضلي تستني عمار
( شمس غمضت عنيها بتبص مالقيتهوش قدامها ولاقت ازازه الخمره مرميه في الارض استغربت ومسكت الازازه )
شمس : من أين أتت هذه الزجاجه ؟
( عمار جه وهو بينهج )
عمار : للاسف عدت النهر وخو/فت اعدي النهر واسيبك هنا لوحدك تعالي معايا
( عمار بص للازازه اللي في ايد شمس )
عمار : ايه اللي في ايدك ده .. وجبتيها منين
شمس : لا أعلم فقد وجدتها هنا
عمار : سبيها ياشمس .. دي حاجه مش حلوه
( قربت الازازه على مناخيرها وهي قرفانه بتأفف)
شمس : افف.. اتعلم ما هذا ؟
عمار : كنت اعرفها زمان بس دلوقتي لاء
( شمس رمت الازازه من ايدها ومشيت مع عمار وياسين طلع من ورا الشجره وفضل واقف مامشيش ووراهم )
___________________
مارال : لا لا يابيدقووس ماتقولش كده طبعا انا عميي ما كنت اللي انت قولته ده
بربروس : انا لا استطيع فهمك
مارال : الكلمه دي بتتقال للولاد بس ماينفعش ابدا تقولها لبنت
بربروس : اذا كانت لا تصح ان تنعتي بنت بها فلا يصح ان نقولها من الاساس
( مارال اخدت نفسها وبلعت ريقها )
مارال : صح انت صح وانا مش هقولها تاني
( بربروس ابتسم ابتسامه بسيطه )
بربروس : أتعلمين انك تصبحين أجمل عندما تسمعين الكلام
مارال : بجد
بربروس : وستصبحين اجمل وأجمل اذا غيرتي من طريقه ارتدائك للملابس
مارال : انت ليه محسسني اني ماشيه من غير هدوم
بربروس : استغفر الله انا لم اقل هذا ولكن طريقه لبسگ تبين كل مفاتنك يافتاه ما اجمل ان ترتدي ملابس تغطي هذه المفاتن فتصبحين أجمل وأجمل بأذن الله
( مارال ابتسمت لبربروس )
مارال : طيب لنفتيض أنك هتلبسني على ذوقگ هتلبسني ايه ؟
( بربروس ابتسم ابتسامه بسيطه وبيتكلم بكل لطف )
بربروس : الخازوق
( البسمه انمحت من على ملامح وشها ببطىء وبتتكلم بنرفزه وملامح وشها اتغيرت لغ/ضب )
مارال : نعم
____________________
( شمس خلاص قربنا انا شايف واحده هناك اهيه )
( وهي بتنهج وموطيه ضهرها وحاطه أيديها على ركبها )
شمس : لا استطيع فقد أهلكني التعب
( مره واحده لقت الغزاله وقفت قدامها شمس بصيتلها وابتسمت ومدت أيدها وبقت تطبطب عليها بصت لعمار والغزاله صعبانه عليها )
شمس : عمار ارچوك لا تؤ/ذيها فهي أجمل من أن تأكل
عمار : بس كده الخاله ممكن تاكلنا احنا ياشمس
شمس : أرچوك سنقول لها اي شىء اخر ولكن لا تؤ/ذيها
_________________________
( بنظره غض/ب وبتتكلم بن/رفزه )
مارال : انا عايز تلبسني خازوق يابيدقوس .. تصدق عماى كان عنده حق اني مامشيش معاك وابقي معاك لوحدي عايز تلبسني الخازوق ياشيخ يامحتيم ياللي كل ما اكلمك تحط عينك في الايض وتكلمني عن الدين مش عجبك لبسي في ايه ها .. اي يأيك بقى اني عميي..
( ضغطت على اسنانها بشده )
مارال : عميي ماهتكلم معاك تاني عشان طلعت امعه وصفيق وانت بقى اللي مزندعه مش انا
وطالما عايف يعني ايه خازوق وعايز تلبسهوني يبقي اكيد عايف يعني ايه فاجي وقصدت انك تشتمني وتقل مني صح ياشيخ يامحتيم
( بربروس بعدم فهم وهو ضامم حواجبه )
بربروس : أكل هذا حتى لا تلبسي الخاز/وق أتعلمين فأنا أحمدالله اني علمتك على حقيقتگ قبل ان افكر بكي بشكل جدي
حسنآ لا تلبسي الخا/زوق ولكن اعلمي جيدآ فأنتي الخاسره ولست انا المزندع هنا
بربروس حس بحركه الغزال قدامه في لحظه كان قدامها وهج/م عليها وطلع ضوافره ودب/حها بأيديه
( شمس بقت تصرخ )
شمس : ماذا فعلت
( رد عليها وهو متع/صب ومخنو/ق وشال الغزاله وحطها على كتفه )
بربروس : لقد وجدت الغزال
( عمار وشمس بقوا يبصولوا وهما مش فاهمين اللي بيحصل جت مارال وقفت جنب عمار )
بربروس : سأذهب من هنا على الفور
(عمار بص لمارال بعدم فهم )
عمار : في ايه ؟
مارال : مافيش
( بربروس رجع البيت وحط الغزاله قدام الخاله حكيمه )
الخاله حكيمه : على كده بقى انت الاسرع
بربروس : لا يهم من هو الاسرع بيننا فالأهم من اصطادها
_____________( بقلمي ماهي احمد )_______________
( غرام كانت قاعده مع هدير وبتبكي )
هدير : غرام ارجوكي تهدي شويه وصدقيني كل حاجه هتتحل بس مش بالعياط
( بصت لهدير وعنيها مليانه دموع. )
غرام : عارفه اي اكتر حاجه مضايقه منها ياهدير اني حبيته بجد حبيته اوي ووافقت اني اتجوزوا على اساس ان شريف مظلوم ومحصلش حاجه اصلا بس طلع انه بيكذب ورغم انه عارف انه بيكدب مش قادر يعملوه حاجه عز ضعيف اوي قدام شريف
كان .. كان نفسي افرح اوي ياهدير في ليله دخلتي زي اي بنت ما بتفرح في ليله دخلتها بس ده ماحصلش
هدير : أديله فرصه ياغرام .. اديله وقته وهو اكيد لما ترجعوا مصر مش هيسيبك انا متأكده
( غدير بصت لهدير )
غدير : انا جعانه اوي ياهدير مش اكلت حاجه من امبارح
( غرام مسحت وشها من الدموع )
غرام : بس كده وليه ما قولتيش من الاول تعالي معايا نجيبلك اي حاجه من الكافتريا
هدير : استني هاجي معاكم
غرام : لاء خليكي انتي تعبانه
هدير : انا بقيت كويسه دلوقتي على الاقل اتمشى معاكم
( غرام وهدير والطفله طلعوا من الاوضه بيبصوا لقوا داغر وعز وولاء )
( ولاء اول ما شافت غرام فرحت اوي واخدتها بالحضن )
غرام : وحشتيني .. وحشتيني اوي ياولاء
ولاء : انتي اكتر ياغرام
عز : انتوا كنتوا نازلين
( غرام بصت لعز ومارديتش عليه )
هدير : اه كنا نازلين الكافتريا نجيب لغدير حاجه تاكلها
داغر : الدكتور كتبلك على خروج النهارده
هدير : عارفه وكنت مستنياك
( بصت لغرام )
ولاء : طيب مش يلا بينا بقى انا كان عندي كلام كتير اوي عايزه اقولهولك
غرام : انتي وحشتيني اوي وبجد واحشني رغيك المستمر ده
( كلهم نزلوا العربيه غرام بتبص لاقت شريف قاعد ومستنيهم تحت وراكب مكان السواق )
شريف : اتأخرتوا ليه
داغر : لحد ما طلعت جواب الخروج مش اكتر
(بابتسامه عريضه )
شريف : ازيك ياغرام
غرام : أهلا
( شريف استغرب وهو مش فاهم حاجه )
داغر : ياريت نروحنا بسرعه عشان هدير تعبانه
( شاورت على بطنها )
الطفله : وانا .. انا جعانه اويي
______________( بقلمي مآآهي آآحمد)_______________
( علي كان مع زهره وهي بتحكيله عن كل شىء حصل ما في الفتره اللي كان فاقد الوعي فيها )
علي : ماتقلقيش يازهره كل ده هيتصلح
زهره : انا خايفه على شمس ياعلي
علي : احنا عملنا كل ده عشان نبقى كلنا سوا يازهره
زهره : عملت ايه .. انت مش راضي تقولي حاجه
( خاله حكيمه ندهت على دكتور علي )
خاله حكيمه : علي هات الحطب وولعه ياولدي انا حطيت الغزاله على السيخ
دكتور علي : حاضر ياخاله
( بص لزهره )
دكتور علي : هتعرفي كل حاجه ماتستعجليش
( علي جاب الحطب وولعه وبقوا حاطين الغزاله على السيخ وبيشووها والخاله بقت تلق السيخ على الحطب )
( بص جنبه لساره وبيفرك بأيديه وهو متحمس )
يزن : يااااه أكل هو طلع امتى
خاله حكيمه : انتوا هنا مابتاكلوش
ساره : انا مش فاكره اخر مره اكلت فيها اكل حقيقي كان امتى الناس دي مجوعانه ياخاله كنتي فين من زمان
خاله حكيمه : موجوده ياوبتي بس كنت مستنيه الوقت المناسب
( خاله حكيمه بقت تلف السيخ وسمعت صوت ميرا وهي بتبدي تصحى )
خاله حكيمه : البنيه صحيت حد يدخلها
( يزن مسك ايد ساره وبص للخاله )
يزن : انا هدخلها
( يزن وساره دخلوا سوا )
ساره : يزن تفتكر لما تشوفنا مع بعض مش هتضايق
يزن : لازم تتعود تشوفنا مع بعض ياساره
( ساره ويزن دخلوا الاوضه مالقووش ميرا على السرير بصوا حواليهم لقوا اللي بيجرى في الاوضه وقفل الباب )
( يزن ضغط على اسنانه وغمض عنيه )
يزن : ميرا اوقفي
(ميرا وقفت وهي بضم الچاكيت الطويل بتاع عز عليها وبتبص على ايديه اللي حاضنه ايد ساره )
ميرا : جيت ليه ؟
يزن : عشان اطمن عليكي
ميرا: ولا تطمن على نفسك
يزن : وهطمن على نفسي ليه ؟
يزن : خايف لا أأذي حبيبت القلب
ساره : ميرا .. انتي من الاول كنتي عارفه انه بيحبني
ميرا : بدافعي عنه ياساره
ساره : انا ماقصدش يزن غلط
ميرا : غلط بس
(يزن ساب ايد ساره وقرب من ميرا خطوه)
يزن : انا عمري ما كان في نيتي اني أأذ/يكي في يوم ياميرا
عارف اني غلط وعارف انك هتغفري وهعمل اي حاجه عشان تغفريلي للي حصل مني .. حاولت كتير انسى ساره وابقى معاكي ماقدرتش اليوم اللي قولتلك بحبك كنت متردد وانتي ضغطي عليا كنتي عايزه تسمعيها بأي طريقه .. كنت فاكر لما اقولها لك هقدر ارتبط بكلمتي معاكي بس ماقدرتش ياميرا
العداوه ما بينا مش هتفيد بشىء بلاش تكر/هيني لانك لو كر/هتيني هك/ره نفسي اوي انا عايزك تعتبريني أخ وصديق
لو عوزتي اي حاجه هتلاقيني جنبگ ومعاكي في اي وقت
زي ما كنتي دايما بتقفي جنبي فاكره ياميرا
ميرا : فاكره وياريتني ما وقفت جنبك وقتها
يزن : اي كلمه هتقوليها ليكي الحق فيها .. بس عايزك تعرفي حاجه واحده بس أني هفضل طول عمري ند/مان على اللي عملتوا معاكي ودي حاجه عمري ماهغفرها لنفسي حتى لو انتي سامحتيني
(خاله حكيمه بقت تنادي على الكل من بره )
خاله حكيمه : الاكل جاهز كله ييجي يتلم حواليا في الحال
( ياسين حضر وهو شايف شمس جنب عماى وعلي جاب الطبقه وقعد هو وزهره )
يزن : سامعه الخاله بتقول الاكل جاهز تعالي ناكل سوا خلينا كلنا نتلم على سفره واحده في يوم
( ساره مدت ايدها لميرا )
ساره : يلا ياميرا
( ميرا بصت لايد ساره لثواني وساره مستنياها تمدلها أيديها واخيرا ميرا مدت ايدها لساره وطلعوا كلهم سوا بره ورعد رجع بس ماراحش لميرا وقعد حوالين الحطب معاهم ميرا بصيتله وابتسمت رعد اتنهد وودا وشه الناحيه التانيه )
( كلهم بقوا قاعدين حوالين الحطب والغزاله اللي بتتشوي وشريف جه ووقف بالعربيه قدامهم ونزلوا كلهم )
الخاله حكيمه : ولاد حلال جيتوا في وقتكم
وسع ياولد انا وهو خلينا كلنا نتلم سوا
غدير : اي ده دي لحمه انا جعانه اوي
الخاله : اقعدي يابتي .. كلنا هناكل
( داغر مسگ ايد هدير وهدير حطت ايدهت على بطنها وبقى يقعدها بالراحه )
داغر : بالراحه .. اقعدي بالراحه
(كلهم بقوا مربعين رجليهم وقاعدين حوالين الخاله وعاملين زي دايره .. الخاله بتبص مالقيتش الغريب )
الخاله : فين الغريب
( الغريب جه من جوه وهو بيجري )
الغريب : أنا .. انا اهوه .. مو .. موجود
( الغريب قعد جنبهم والخاله بقت تقطع في الغزاله وعلي يفرق عليهم )
الخاله حكيمه : دلوقتي بقى هحكيلكم الحكايه من اولها من وقت ما عرفت يعني ايه المهدي وفتحت عيني عليه
( الكل كان منتبه وكل واحد فيهم معاه طبقه )
الخاله حكيمه : ماتسموا الله قبل ما تاكلوا انتو مش مسلمين ولا ايه ؟
(بربروس بص لياسين )
بربروس: لماذا لا تسمي أيها اللعين
ياسين : عشان انا الشيطا/ن
بربروس: اللهم ابعد عنا شيطاننا الذي يوسوس لنا بترك السنتنا بما لا يسر عدو ولا حبيب
والأن سم الله ايها اللعين
ياسين : خلاص .. خلاص هسمي بسم الله الرحمن الرحيم
علي : تاخد حته تاني ياياسين .
ياسين : تصدق بالله انت هتتعشى في فرحي مرتين
( علي ابتسم ابتسامه عريضه وقعد جنب ياسين )
الخاله : انا هقول الكلام ده مره واحده عشان الكل يفهم الخط/ر اللي كلنا هنبقى فيه من سنين كتير فاتت ماتتعدش من كترها زهقت من العد المهدي ظهر من العدم ظهر وهو بيحب يشرب د/م البني ادمين وجاتله فكره انه لو شرب
د/مهم هيبقي اقوى وفعلا كان الاول من نوعه هو وحبيبته مهجه
( بصت لزهره )
اللي انتي نسخه طبق الاصل منها يازهره لحد مافعلا بقوا الاقوى في كل حاجه مهجه كانت بتحب الذئاب وكانت بتشرب د/مهم اكتر عشان تبقى في سرعتهم اللي مالهاش حدود وقوتهم كانت بتاكلهم صاحيين وتنهش في جسمهم لحد مابقت في سرعتهم والمهدي كان بيوافقها على كل شىء والسنين عدت ومهجه والمهدي كانوا بيشوفوا كل اللي يعرفوهم يكبروا ويعجزوا ويمو/توا ويعرفوا عيالهم ويكبروا ويعجزوا ويمو/توا ودي سنه الحياه لحد ما مهجه زهقت من انها تبقى مع المهدي لوحدهم وكان نفسها يبقالها عيل يملى عليها دنياها زي ما بتشوف الستات اللي بتحمل بس طبعا ماقدرتش وفي مره لاقت واحده حامل وعضيتها من غيظها مكانتش عايزه تشرب د/مها قد ما كانت عايزه تشوفها بتتألم قدامها وبعدها زهدت الدنيا باللي فيها مابقيتش عايزه تعيش وكل ما كانت تحاول تقت/ل نفسها جر/حها كان بيلم بسرعه
حرمت نفسها من الاكل والشرب ومابقيتش تشرب د/م حد ولا تاكل لحم حد لحد ما من كتر الجوع والعطش ما/تت المهدي حاول معاها كتير بس ماقدرش ودف/نها بالأخير
وبقى لوحده عايش وحيد وفجأه لقى اللي عضيتها مهجه عايشه ماماتتش وجابت ولد المهدي استغرب انها اتعضت وماماتتش وخلفت
ابتدى يعض اول واحد شافه قدامه وعمل زي ما مهجه عملت
عضه وشرب دمه وساب في القليل لحد ما الروح تطلع بيبص يلاقيه اتحول زيه وده كان الضبع وبعدها حول العربي بنفس الطريقه السنيين بقت تعدي الطفل اللي كان في بطن امه كبر وبقى سريع من غير ما يتعض في صفات البشر وفي نفس الوقت مش مستذئب هجين ما بين الاتنين في الاول العربي مقالش لحد وبقى يشوف السلاله بتعيش وتم/وت قدامه وكل ولد يتولد يحصل معاه اللي كان بيحصل مع اللي قبله ويحمل عضه مهجه ود/م الهجين السنين عدت اكتر واكتر
العربي والضبع بقوا وحوش بقوا يمو/توا بسبب ومن غير سبب اي بلد كانوا بيروحوا فيها اعرف انها بتدمر لحد ما كانوا السبب في المرض اللي جالكم يابربروس وده مكانش مرض دوول هجموا على القريه اللي كان فيها زوجتك والعربي عجبه شجاعتك وقررر يحولم بس انت للاسف وقتها مارضيتش تشرب الدم فقرر يحتفظ بيك وكان في عالم يبقى جد جد جد جد الغريب تحت تهديد من العربي حطك في صندوق زي حفظ الموتى وكان بيغذيم الاول عن طريق الانابيت اللي فيها الد/م المهدي مكانش راضي عن اللي بيحصل لحد ما جم قريتي من ٣٠٠ سنه ويمكن اكتر بطلت اعد وعدموا كل اللي فيها والعربي شافني وشوفته اول ما شوفته حبيته مكانتش اعرف انه مستذئب رجعته تاني لأدميته وهو كان زهق من عيشته واللي بيحصل من العربي والضبع كنت وقتيها بت بنوت ماتعديش ال ٢٠ سنه بس عرفت انسيه مهجه اخيرا والقريه بتاعتي اتصابت بالكوليرا كان مرض خط/ير مالهووش علاج اللي بيتصاب بي بيم/وت وانا اتصابت بي المهدي ماقدرش يشوفني بم/وت قدامه ويفضل ساكت وحولني وعرفت وقتها انه مش بني ادام عادي زينا وقدرت اخليه انه يبطل يم/وت في الناس ويشرب د/م الحيوانات وبقيت انا وهو بعيد عن العربي والضبع .. بس للاسف المو/ت والخر/اب كان بيحاوط كل مكان يروحوه
وقررنا نبعد اكتر انا وهو السنين عدت اكتر واكتر لحد ما شوفت علي كان حلو اكده بضحكته البشوشه واخوه ياسين طلع مرض جديد اسمه الكانسر اتصاب بي علي وامه كانت بتبكي عليه ليل ونهار كانت ست طيبه وجارتنا كان ياسين وعلي مابيبعدوش عن بعض نهائي وقررت احول علي عشان مايم/وتش وياسين كبر وعلي شكله زي ما هو ما بيكبرش وياسين شك في اخوه علي .. لحد ماترجاني انه مش هيقدر يسيب اخوه يبعد عنه وياسين كان نفسه يبقى دايما مع علي
وحولته هو التاني
(زهره بصت لعلي باستغراب)
زهره : بس انت ماقولتليش ان ياسين يبقي اخوك
علي : مكانش ينفع اقولك وقتها
ياسين : يعني انتي سايبه كل الرغي ده وجايه تقطعي كلامها في الحته اللي مستنيها كملي ياخاله مالكيش دعوه بالوليه دي
علي : ياسين
( بص قدامه بلا مبالاه )
ياسين : كملي ياخاله وبعدين
خاله حكيمه : مكنتش بتشرب الد/م معانا وكنت عايش على د/م الحيوانات زينا كنت اوقات كتير كان بيبقى نفسك تجرب بس علي كان بيمنعگ على اخر لحظه
عيشنا علي اني انا أمگ والمهدي يبقى ابوك وكنت دايما بتناديلي بياما
الخاله حكيمه : العربي والضبع عرفوا يوصلولنا ياولدي
وعشان هما بيشربوا د/ م البشر واحنا لاء كانوا اقوى مننا المهدي حس بالخطر علينا وعمل اللعنه ولأنه مابيخلفش قال انه شرط اللعنه عشان تتفگ تتفگ بشرب اللي من د/مه انا وافقت العربي وعلي وافقوا وانت لاء مكنتش عايز تكبر وتعجز لقاك الضبع ومسحلك ذاكرتك وخلاك تنسى كل اللي فات وعرفك ان احنا اعدائك وانك ولده هو وبقيت معاه طايح في خلق الله مع انك مكنتش اكده ابدآ كان بيعرف ازاي يسيطر على عقلك لحد ما حصل اللي اللي محدش كان يتوقعه
ياسين : حصل اي ياخاله انطقى
بس ياترى حصل اي ده اللي هنعرفه البارت اللي جاي ان شاء الله
بنات من دلوقتي لو ماقدرتش انزل الخميس اللي جاي عشان يمكن اسافر هبقى اعوضه ببارتين يوم الاتنين ان شاء الله اتمني البارت يكون عجبكم لاف وعشر كومنتات ياجميله
تكملة الروايه اضغط هناااااااا
تابعونا على قناة التليجرام ليصلكم اشعار بالنشر من هناااااااا
 رواية الهجينة عروس الالفا الجزء …){kind=link}
تعليقات
إرسال تعليق