رواية ملكت الأسد الجزء الثالث الفصل الأول والثاني والثالث والرابع والخامس 1_2_3_4_5بقلم فاطمه حسن
ملكت الاسد الجزء3
البارت الأول
نزلت من ع السلم بهدوء وقالت بغضب مصتنع.كدا بتاكلوا من غيري
اياد قام وقرب منها بحب .احنا نقدر
تمارا ابتسمت بهدوء وهي بتبص ع الاكل اللي محدتش لمسه بسبب اومر اياد
تمارا قعدت بهدوء
صباح الخير ي ماما
تمارا بحب وهي بتبص ع أولادها بحب . صباح الخير ي حبايبي.بردك ليلي نزلت بدري
اياد .انتي عارفه انها لازم تحضر محاضرتها كلها
تمارا هزات راسها بهدوء وبدأت تاكل
كانوا بياكلوا بصمت وهدوء لحد ما اتكلم اياد
اياد بهدوء وجمود . وحضرتك ي استاذ مراد مش ناوي تبطل سهر كل يوم
اتكلم مراد وهو أحد التوام بعد ما وقف الاكل ف زوره .احم. وفيها اي بس ي بابا .اني اسهر شوي مع صحابي
أياد بسخرية.وحضرتك معندكش إي مكان أنت وأصحابك غير النايت كلاب ثم اكمل بغضب .أنا هفضل افهم فيك لحد امتي انت مش صغير وعندك اخواتك اهم. أنت مش شايف مالك ولاا اي خليك زي اخوك الكبير
تمارا بصت عليه برجاء أنه يهدا شوي
مراد بدون بتفكير. ي بابا مالك قديم جداً وكمان معندهوش صحاب اصلاا وانت عارف كده وعارف أن محدتش بيحب يخرج معاا بسبب أنه قفل
لحظة صمت حتي اياد مقدرش يرد عليه
مالك قام بهدوء وقرب من تمارا وبسها .بعد اذنكم . اتاخرت
مالك خرج من غير ولاا كلمه تاني
تمارا بصت ع مراد بدموع وقالت بصراخ.ليه كده
تمارا قامت بسرعه ورا مالك لكن مالك ركب العربيه وطلع بيها علطول
تمارا دخلت وطلعت ع فوق وهي بتعيط
ايام قام وبص عليه بغضب .حيوان .طول عمرك حيوان.ومن النهارده مفيش ولاا فيزا ولاا عربيه ولاا فلوس وأخرك مرتب زيك زي اقل واحد شغال عندي وحضورك وغايبك زيك زيهم
اياد طلع وراها بضيق
مراد بص ع اللي جانبه بضيق .اي معندكش حاجه انت كمان
ادم بهدوء.الكلام معك ملهوش لازمه كفايه اوي عقاب بابا عليك .
فوق
اياد دخل الاوضه لاقها قاعده بتعيط
أياد قرب منها بحب .مش كفايه عياط .ماانتي عارفه أن مراد متسرع ومش بيفكر في كلامه
تمارا بدموع .ك.كلامه صعب والاصعب أنه صح .انا خايفه ع مالك مش عايزه يفضل كده دا بق عنده تسعه وعشرين
اياد بحب .وفيها اي طب ما ايهم ويونس وكمان فريده يدوب الفرق بينهم شهور
تمارا بعياط اكتر .بس خلاص كل واحد هيتجوز لكن مالك .كل ما يقعد مع واحده ترفضه ي توافق علشان فلوسه .
اياد بهدوء. ي حبيبتي مالك مش عيل علشان كل شوي تشوفلو عروسه اكيد في واحده هتعجبه وهيتجوز بلاش قلق بق
ف الوقت دا الباب خبط
اياد بهدوء .ادخل
مراد دخل بتوتر .ا.انا اسف
وقبل ما تمارا تتكلم أياد مسك أيدها وقال بجمود .مش المفروض تعتذر مننا احنا وبعدين بص ع الساعه وقال .حضرتك متأخر ساعه ع الشغل نص ساعه لو مكنتش ف الشركة اعتبر نفسك مرفوض وياريت تشوفلك شغل تاني
مراد بضيق .بابا
اياد .برا .وياريت تحلق دلوقتي لأن زي ما انت عارف مفيش عريبه
مراد خرج بضيق
تمارا بصت عليه بتعب.مش عارفه تعمل اي الاتنين ولادها عارفه أن مراد متسرع عكس توأمه
أياد قرب منها وبسها.عارف انك زعلانه بس دا علشان مصلحته
....
عند ياسين وفريده
كان ياسين قاعد بيشرب القهوه وهو في راحه بال زي السنين اللي فاتت كلها
ياسين بص ع فريده اللي نزلت بحب واول ما قربت منه سحبها ليه
فريده وهي بتلعب فى شعره .طب الولاد نزلين.عايزهم يشوفك كده
ياسين وهو بيحرك شفايفه ع رقبتها .بحبك ي فريده بحبك
مش عارف كنت هعيش حياتي ازاي من غيرك من غير السعاده دي كلها
فريده ابتسمت بحب .وانا كمان بحبك .
ف الوقت دا نزل يونس بثقه وبعدي فريده و جوري وهو بيتكلموا بصوت واطي
فريده قامت بكسوف وياسين فضل زي ما هو
يونس وفريده وجوري باسوا ياسين وفريده ورحوا يفطروا
بعد ما خلصوا
يونس .يلاا علشان نمشي
فريده وجوري بصوا لبعض وبعدين بصوا لياسين.
فريده.بابا ممكن اروح بعربيتي واخد جوري معايا
وقبل ما ينطق يونس بندفع وضيق .مستحيل مفيش عربيات هتتركب ويلاا قدمي والموضوع دا متتكلميش في تاني ي فريده
فريده بصت ع ياسين الساكت ولما فضلت ساكت من غير رد
طلعت تجري ع برا بدموع وجوري وراها
يونس خرج وراهم بضيق
فريده بصت ع ياسين بغضب .كده كتير .أنت متكلمتش ليه . فريده مش صغيره ع اللي بيحصل دا
ياسين ابتسم وقام وسحبها ووقفه يبصوا ع أولادهم .
برا كانت فريده واقفه جانب العربيه وهي ماسكه دموعها وجوري بتحاول تهديها
لحد ما يونس خرج وبص عليها بضيق
يونس مره واحده مسك دماغه .ااااه مش قادر حاسس اني مش كويس
يونس طلع مفتاح عربيه وقال بتعب .سواقي انتي ي فريده زي ما انتي شايفه حد ضربني عين هموت فيها
فريده لفت وشها الناحيه التانيه بضيق وحزن
يونس لف وشها بحب .زعلانه مني انا .من يونس .انتي عارفه اني معنديش اهم منكم وعارفه اني بخاف عليكم زيادة عن اللزوم بس اعمل ايه لو مخفتش عليكم اخاف ع مين .بخاف يحصل حاجه ليكم وانتو لوحدكم كده انا غلطان واستهال الزعل دا كله
فريده هزات راسها برفض
يونس.طب مفيش حضن ولاا اي
فريده...
يونس بضيق مصتنع .شكلي كنت غلطان لما خوفت عليكي .أنا آسف
يونس مشي شوي ورح ابتسم وهو عارف ان فريده مش هتقدر تزعل منه
فريده.يونس
يونس وقف ولف بثقه .نعم
فريده جربت حضنه وهي بتعيط .أنا مش زعلانه خلاص. متزعلش
يونس ابتسم عليها بحب . أنا أقدر ازعل منك . دا انتي قلب يونس
جوري قالت بغيره . هي بس اللي قلب يونس مش كده وانا نستني
يونس بحب وهو بيحسبها .تعالي يقدري .أنا اقدر
يونس بعدهم وقال بضيق .. كفايه احضن بق اتاخرت يلا يست فريده خلينا نمشي
فريده سحبت المفتاح منه وركبوا وطلعوا علطول
فريده وياسين كانوا بيبصوا عليهم .شوفتي يونس عارف بيعمل اي وبيحب اخواته
فريده.ربنا يحميهم ويخليهم لينا
...
عند مالك
كان وصل الشركه ودخل مكتبه بصمت
وكل كلام مراد بيتكرر قدامه
مالك فاق ع صوت الباب.ادخل
السكرتيره . استاذ مالك.السكرتيره الجديدة هتستلم الشغل من بكره. وهي عندها خلفيه عن الشغل وأنا فهمتها كل حاجه
مالك ابتسم بهدوء.شكرا ي شهد. وبعدين طلع ظرف .اتفضلي دي هديه مني . وأنا اتشرفت فعلااا بشغلك معيا .والف مبروك
شهد. الله يبارك فيك ي فندم .شكرا
شهد خرجت ومالك بدا يشتغل بحزن
...
بعد شوي وصلوا عند المستشفى اللي شغاله فيها جوري لأنها دكتوره اطفال
يونس .خلي بالك من نفسك ي حبيبتي
جوري . اطمن . يلا سلام
يونس طلع وفريده طلعت الفون وكلمت ليلي
فريده بخبثه .الو ي ليلي وحشتيني
يونس اول ما سمع اسمها بدأ يركز مع فريده
ف الناحية التانية عند ليلي
كانت لسه مخلصه محاضرات لاقت الفون بيرن
فريده.الو ي ليلي وحشتني
ليلي .انتي اكتر ي حبيبتي
فريده.طبعاا هتجي النهارده أنا قولت لبنات كلها
ليلي . طبعااا .
يونس سحب الفون من فريده.الو ي ليلي .
ليلي باستغراب.يونس ازيك
يونس . كويس.انتي فين
ليلي . لسه مخلصه محاضرات وهمشي .في حاجه
يونس . خليكي عندك أنا جيلك أنا وفريده.سلام
ليلي .يون.....
لاقته قفل السكه .اي قلت الذوق دي
فريده كانت بتبص ع يونس بطرف عينها
يونس بضيق .في اي
فريده .في اي مفيش حاجه.انت في حاجه
يونس بصلها بضيق وفريده كتم ضحكته
وبعد شوي وصلوا
يونس لاقها واقفه قدام باب الكليه
يونس نزل . تعالي هوصلك
ليلي . لاا ألسواق مستني
يونس بجمود.لا يلاا . أنا عايزك ف موضوع
ليلي بصت عليه بتوتر .في حاجه
فريده حطت أيدها على بوقها تكتم ضحكتها بسبب خوف ليلي
فريده لنفسها.دا انتي وشك هيقلب الالوان لما يقولك
فريده نزلت وقالت ..انا هركب مع السواق يوصلني الشركة.وانت وصلها .
ليلي بصت عليها برجاء أنها تفضل لكن فريده مشيت
يونس فتح باب العربية.يلاا
ليلي ركبت ويونس قفل الباب ورح يركب
بعد شوي يونس وقف العربية
يونس . يلاا انزلي
ليلي نزلت ودخلت الكافية معاا وبعد ما اقعدوا .في حاجه.
يونس .تشربي اي
ليلي . شكرا مش عايزه .أنت قلقتني في حاجه
يونس .اطمني مفيش حاجه.انا بس كنت عايز اعرف رأيك اي فيااا
ليلي بتوتر .فيك ازاي يعني
يونس .يعني أنا عايز اتقدملك وعايز اعرف رأيك اي
ليلي اتوترت واتكسفت خصوصاً أنها مش بتفكر في الموضوع دا دلوقتي.ان.انا .أنا لازم امشي
يونس مسكها من أيدها بسرعه .استني . ثم اكمل بضيق .ع فكره دي قلت ذوق وأدب منك انك تمشي وأحنا بنتكلم
ليلي بصت له بضيق .قصدك اي اني قليله ادب مش كده
يونس حاول يهدي نفسه .ليلي أنا عايز اسمع ردك ع كلامي
ليلي بحرج.انا أسفه ي يونس بس صدقني أنا مش بفكر في الموضوع دا دلوقتي.اهم حاجه عندي دراستي وبس
يونس بهدوء .طب يلاا هوصلك
.....
عند جوري
اول ما دخلت لاقت صحبتها مريم
مريم بسرعه اول ما شافتها .شوفتي حصل اي
جوري .اي
مريم بسرعه. بيقولوا في دكتور جديد انضم لينا النهارده
جوري باستغراب . وفيها اي مش فاهمه
مريم.لاا ما هما قاعدين يتكلموا ع اد اي هو ولخمه
جوري مفهمتش. لخمه ازاي ؟
مريم.معرفش .مش عايز يكلم حد سواء رجاله أو ستات وساكت و نورهان جيه وهي هتموت من الضحك بتقول انها رحت تتكلم معااا بخصوص الشغل .جاب مياه وهو واقف معها وكان بيتكلم كانه لسه عنده سنتين ومعرفش يقول حاجه رح مشي وسبها
جوري استغربت.ملناش دعوة.يلاا ي هانم ع شغلك . علشان تجي معايا بعد ما نخلص ولا انتي عايزه فريده تقتلك
مريم بخوف .أنا أقدر هجي طبعا
.....
عند ادم كان في مكتبه شغال بصمت
لحد ما زهق ادم قام ورح مكتب مالك ودخل علطول لاقه مالك بيتكلم ف الفون
مالك بهدوء.كل حاجه هتكون جاهزة ع المعاد .سلام
مالك.في حاجه
ادم . جعان.يلا نروح ناكل
مالك بص في الورق قدامه . مليش نفس روح انت
ادم بحزن.انت لسه مضايق من
مالك بصرامة.ادم مش عايز اتكلم ف الموضوع دا.بعد اذنك
ادم خرج بضيق وقبل ما يخرج من الشركه ابتسم ورح ع مكاتب المحاسبين
وابتسم بغرور وهو شايف مراد قاعد هيموت من العصبيه
ادم رح عنده وقال بصرامه قدام كل المواظفين اللي كانوا مستغربين الموضوع.خد الاوراق دي وطلعها لي الاستاذ مالك .يلاا
مراد بص عليه بغضب .
ادم بغضب.قولت يلااا
مراد اخد الوراق وطلع
ادم لنفسه.كفايه دلع ي مراد كفايه
واحد من الموظفين بتوتر .ادم باشا ممكن اخرج خمس دقايق بس بنتي حضرتك واقفه براا محتاجه حاجه
ادم هز رأسه بهدوء وخرج وكان ورا الرجل علطول
ادم رح نحيت العربية لاقه الرجل واقف مع بنت
ادم طلع علطول
....
فوق مراد دخل المكتب بعد ما خبط
مالك رفع رأسه ونزلها علطول وقال. في حاجه
مراد اتصعب اكتر لانه افتكر أن مالك بيعمل زي ادم .اقولكم أنا مش عايز ازفت دا مش كل اللي رايح واللي جاي يتكلم معايا بـ الأسلوب الزفت دا انا مش شغال عندكم انتو فاهمين
ف الوقت دا داخل اياد وقبل ما يتكلم مالك.خلاص ي مراد بيه أنت مرفوض وكده أنت فعلا مش شغال عندهم .برا يلاا
مالك قام .في اي .ومرفوض اي .أنا مش فاهم حاجه
مراد بسخرية.ابدا بابا قرار يعقبني ع كلامي الصبح ويخليني شغال زي اي حد ف الشركة
اياد قطعه .كنت ي مراد كنت انت دلوقتي خلاص
مالك بضيق .اهدا ي بابا ارجوك .أنا مش زعلان من كلام مراد .ومفيش دعي لكلام حضرتك معاا .وانت ي مراد اتفضل روح ع مكتبك
مراد خرج بسرعه قبل ما اياد يقول حاجه
اياد بص ع مالك بغضب
.....
عند فريده
كانت أول ما وصلت لاقت ايهم واقف قدام عربيه مستنيها
فريده بفرحه. ايهم جيت امتي
أيهم بحب . لسه واصل . روحتلك الفيلا قوليلي انك مشيتي ف جيت ع هنا حبيت اعملهلك مفاجاه .اصلك وحشتيني.يلاا بق
فريده.ايهم عندي شغل
ايهم وهو بيحسبها.شغل اي بقولك وحشتيني
ايهم سحبها وركبها العربيه وركب هو كمان
ايهم طلع بسرعه وكل شوي يبص ع فريده بحب هو ماسك أيدها
فريده اتكسفت وسحبت أيدها بهدوء .أيهم بص قدامك
بعد شوي وصلوا لمكان
فريده اول ما دخلت لاقت المكان جاهز من كل حاجه شمع والورد وحتي الاكل كله جاهز
ايهم وهو بيتكلم ف ودانها .مقدرتش امسك نفسي لحد بليل
ايهم اخدها وشغل أغنيه رومانسيه
وبدأ يرقص وهو بيقربها ليه بحب
فريده غمضت عينها بحب وراحه
بعد شوي
ايهم طلع سلسلة ع شكل قلب . علشان معكي قلب أيهم من أول ما تولدي ي فريده
فريده عينها اتملت دموع وبصت عليها وع النقوش المرسومه عليها وفتحها لاقت صور ليهم سوا
ايهم قرب منها لبسهلها وبعدين قرب من رقبتها وبسها برغبه .
فريده بتوتر .أيهم .بلاش كده
ايهم مكنش معها اصلاا وفضل يبوسها .
ايهم ما بين ما هو بيبوسها.وحشتيني ي فريده.وحشتيني اوي
فريده بكسوف وخوف زقت ايهم وقالت بصوت عالي.ايهم قالت بلاش.مينفعش ي أيهم
ايهم حاول يمسك أعصابه لأنها مش اول مره.ليه .هاااا مينفعش ليه
فريده فصلت ساكته
ايهم بصوت عالي. قوليلي ي فريده مينفعش ليههه
ياريت شير كتير علشان تتعرف وابدا انزل الجزء الثاني
ملكت الاسد الجزء3
البارت التاني
ملك واسد
عندهم ياسين وحور
ياسين وفريده
عندهم
يونس وفريدة توأم 29سنه
جوري23
....
مراد وروح
عندهم أسيروتمارا
اسير وحور عندهم
ايهم 29
وزهره23
..
ندي وحازم
عندهم فريده واياد
اياد وتمارا عندهم
مالك 29
ومراد وادم توام 25
ليلي 21
......
اول البارت
عند أسر وحور
حور برجاء .أسير ارجوك كلمها
اسير بضيق وهو بيشرب القهوه.ي حبيبتي براحتها هي مش عايزه تبطل خلاص مش فاهم فيها أي
حور قامت بضيق .فيها كتير .دي بقت زي الولاد .دي بقت زيها زي ايهم.
ف الوقت دا دخلت زهره بتعب .عاملين اي
حور بصت عليها بغضب وبعدين بصت ع اسير
زهره بصوت واطي.هنبدا بق
اسير.سمعها ورح ضحك بهدوء
حور بغضب .أنا قولتلك اي .مش قولت مفيش زفت ملاكمه تاني
زهره .ي ماما أنا بحبها ومش فاهمه فيها أي
حور كانت رايحه ترد رح اسير اتكلم .اطلعي ي حبيبتي اجهزي مش انتي رايحه عند فريده
زهره قامت بسرعه. ااه فعلا
زهره طلعت علطول وحور بصت عليهم بغضب .انت عايز تموتني أنت وبنتك مش كده
اسير قام بهدوء .ي حبيبتي.انا مش فاهم ليه كل العصبيه دي .من وهي صغيره واياد كبرها ع كده وهي اتعوده خلاص . وبعدين ولاد اي يحبيتي اللي شبهم ما هي زي القمر اهييي
فوق
زهره دخلت بضيق من زن مامتها .
ورحت تاخد دش
....
عند مالك واياد
اياد .مالك لي اخر مره تكسر كلامي ومراد مش هيشتغل هنا زي ما قولت
مالك اتخنق.انا مكسرتش كلام حضرتك ي بابا . أنا عارف مراد وعارف أنه مكنش قصده ف ملهوش لازمة العقاب دا
مالك قام بهدوء.بعد اذنك .حاسس اني تعبت شوي
مالك نزل وركب العربية وطلع ع فيلا حازم
بعد شوي وصل
مالك دخل لاقه ندي بتتكلم فى الفون
ندي اول ما شافت مالك .طب سلام دلوقتي
ندي قامت وحضنته.حبيبي عامل اي
مالك بحب . الحمدلله ي حبيبتي.امال فين جدو
ندي .ف المكتب . روح لحد ما اقولهم يحضروا الغداء لانك هتاكل معنا
مالك هز رأسه ودخل المكتب
ف المكتب
حازم بص ع اللي فتح الباب ورح أبتسم بحب لأن مالك اقرب حد ليه ف ولاد اياد.حبيبي عامل اي
مالك قاعد بهدوء .كويس
حازم بشك . في حاجه
مالك بندفاع.هو أنا قفل وعجوز
حازم بهدوء وهو بيقوم من مكانه .ومين قال كده
مالك بضيق حقيقي.مراد
حازم لنفسه . اسمه مش صدفه ابدا
.....
عند أيهم وفريده
فريده فصلت ساكته
ايهم قال بجمود .يلا نمشي ي فريده
ايهم اتحرك وفريده اتحركت ورا بحزن
ايهم ركب العربيه وفريده جانبه وسط صمت غريب
فريده بأسف.ايهم أنا اسفه .بس . انت عارف ان كده غلط
ايهم مره واحده وقف بعربية وقال بغضب.غلط .صح عندك حق بس تعرفي اي اللي غلط علاقتنا ي فريده.علاقتنا اللي مش قادر احدد فيها انتي عايزني ولاا لاء .بعد محيالات وفقتي نكتب الكتاب ولحد دلوقتي مش عارف إحنا مستنين ايى علشان نتجوز.دا أنا بدات اشك انك بتحبني
فريده بصتله بصدمه
ايهم بهدوء . فريده انتي بتحبني ولا لا
فريده فضلت تبص عليه أنه ازاي قدر يفكر فيها كده
ايهم بسخرية وهو بيطلع .مطلعش مجرد شك ي فريده
بعد شوي وصلوا وسط صمت الاتنين
أيهم بجمود.انزليى
فريده نزلت بدموع ودخلت ع جوا علطول
.....
عند جوري في المستشفى
جوري وهي بتبص ع تقرير الحاله وبعدين ابتسمت بحب.لاا دا انت طلعت بطل فعلا زي ما ماما قالت وبعدين بصت ع ام الولد .اطمني هو بق احسن يومين وممكن تمشوا
ام الولد .شكرا لحضرتك
جوري .العفو .بعد اذنك
جوري لفت علشان تمشي لاقت دكتور اول مره تشوفه
جوري لنفسها .دا شكله الدكتور الجديد
جوري لاقته واقف مع ام مريض وبيحاول يشرحلها بصعوبة لكن هي مش قادره تفهم منه حاجه
جوري أدخلت بسرعه.حضرتك لو عايزه تعرفي اي معلومات عن ابنك ف مع الدكتورة مريم اللي هتبعك
..شكرا
جوري بصت عليه بهدوء وبعدين مدت أيدها.انا الدكتورة جوري زملتك هنا في قسم الاطفال لو احتاجت اي مساعده أنا موجوده
الدكتور فضل يبص عليها وقال بصعوبة من غير ما يمد ايده.ش.ش.شكرا .م مش محتاج مساعده
ومشي بسرعه وسبها
جوري فضلت تبص في أثر باستغراب .ماله دا
عند الدكتور خرج من باب الطوارئ وفضل يحاول يهدي نفسه بصعوبة
...
عند يونس وصل ليلي البيت وفضل يبص عليها بياس
وطلع ع الشركه
.....
عند حازم ومالك
حازم ابتسم وقرب منه .انت عارف مراد وعارف اد اي هو شخص مستهتر جدا .مش يمكن علشان مراد كده شايف انك عجوز زي ما بتقول
مالك .بس دا قال إن مفيش حد بيحب يخرج معايا جدو انت متعرفش الكلام دا عمل فيا ايى
حازم قرب منه .يمكن انت جامد شوي ومركز اكتر ف الشغل بس دا ميقولش أن كلام مراد .مراد شايف أنه كده صح. وانت شايف انك كده صح لكن في الحقيقة انتو الاتنين غلط
مراد لو فضل كده عمره ما هيكون راجل وهيفضل عيل مش عارف يشيل مسؤولية وانت مش لازم تركيزك كله ع شغلك .عايش شوي
مالك هز رأسه بهدوء
حازم ابتسم.قوم ي حبيبي غير هدومك يللا علشان هتفضل معنا النهارده
مالك خرج وحازم فضل يبص عليه
....
بليل
عند جوري ف المستشفي كانت بتجهز علشان تمشي
ف دخلت مريم ونورهان
نورهان.سمعنا انك اتكلمتي مع الدكتور الجديد ثم اكلمت بضحك .احكلنا حصل اي .أوعي تقولي أنه ما-ت منك
جوري بصت ع الباب وبعدين اتكملت بهدوء .ولاا اي حاجه.دا طلع ذوق ومتعاون جدا وحابب أننا نساعد بعض .دا انا شكيت ف كلامك عليه ومصدقتش لانه اتكلم طبيعي جدا
نورهان باستغراب.معقول .
جوري .ممكن حصل حاجه علشان كده .يلا ي مريم إحنا اتاخرنا
جوري خرجت هي ومريم ركبوا العربيه وطلعوا ع الفيلا
جوري سرحت في
فلاش باك
كانت جوري هنتكلم لحد ما لمحت الدكتور اللي كان مشي واول ما سمعهم رجع علطول
.....
بليل
كانوا كلهم قاعدين مع فريده اللي قاعده تعيط
جوري . خلاص ي فريده اكيد هيصلحك .انتي عارفه أن أيهم مش بيقدر يزعل منك
زهره بضيق .بتعيطي بعد اي.انتي اللي غلطانه .
جوري بضيق .بس ي زهره بس
زهره ببجحه.خليكي احب اقولك أن بنت شريك أيهم رجعت معا علشان تشوف مصر .وشكل أيهم دخل دماغها اوي لدرجه انهم معندهاش مشكله أنها تبو-سه قدامنا عادي ثم اكلمت بسخرية.مش زيك ي مراته
ليلي .انتي واحده سافله وطنط حور عندها حق لما قالت انك بقتي زي الولاد
فريده لما سمعت كده بقت تعيط اكتر
ليلي قامت هنزل اجيب مياه ولما اطلع هنحل الموضوع دا خلاص
ليلي نزلت وجبت المياه وقبل ما تخرج من المطبخ لاقت يونس ف وشها
ليلي بخوف وهي بتحط أيدها ع قلبها .حرام عليك
يونس .مكنش قصدي.احم بتعملي اي
ليلي بتوتر .بجيب مياه
يونس قرب وبعدين.....
...
حبيبي يومك كان عامل ازاي ف الشغل
..كويس
ورح دخل ع الاوضه علطول
امه فضلت تبص عليه بحزن ودموع
جوا ف الأوضه
فضل يفكر فيها وليه قالت كده لحد ما رح ف النوم
..
بجد فرحانه بكلامكم اوي ومعلش لو معرفتش ارد عليكم كلكم🥰❤️
ملكت الاسد
البارت 3
جوا في الاوضه فضل يفكر فيها وليه قالت كده لحد ما رح ف النوم
برا
كانت أمه واقفه تبص عليه بحزن
لحد ما لاقت حد حضنها .مالك ي حبيبتي
منه بعياط.انا عايزه ابني ي ايهااب مش قادره.استحمل مش قادره اشوفه كده
ايهاب حضنها حزن .بس اهدي ي حبيبتي.اهدي
....
عند يونس وليلي
يونس قرب منها
ليلي بتوتر .مالك بتقرب ليه
يونس بحرج.اصلي جعان.ممكن تساعدني اعمل الاكل
ليلي فضلت تبص عليه بضيق بس في الاخر قالت .ماشي . ممكن تقعد انت وأنا هسخنه
يونس . بس أنا عايز اساعدك
ليلي بحده .لاا خليك انت قاعد وأنا هعملو
يونس قاعد وفضل مركز معها ورح أبتسم مره واحده لما اتخيل أنها بتعمل كده ف بيتهم
...
فوق كانوا كلهم بيحاول يهدوها
وزهره بتبص عليهم بملل .ياربي ع الملل بتاعك ي فريده
فريده وهي بتمسح دموعها .زهره هي بجد احلا مني وممكن أيهم يحبها
زهره بملل .دي المره العشرين اللي تسالني فيها السوال دا .وكل مره هقولك ايوه حلو وكمان جريئه وحطه عينها ع أيهم وعجبها
وقبل ما فريده ترجع تعيط تأني زهره كملت بسرعه.كفايه بق ي فريده أنا مش هستحمل عياطك تاني أيهم لسه جوزك والمفروض تتصرفي وتصلحي الوضع مع أيهم مش تفضلي تعيطي
مريم وهي بتزق زهره.بلاش تتكلمي لانك السبب فكل دا كل ما تتكلمي بتعيط
زهره.انا رايحه أنام احسن .وخلي الحلوه التاني تحت الله واعلم بتعمل ايه كل دا
مريم.يخربيتك كفايه أنتي أي
جوري فضلت تتضحك غضب عنها .مريم حبيبتي انتي لازم تتعودي عليها كده.
...
تحت
ليلي خلصت الاكل .اتفضل وقبل ما تتطلع
يونس مسكها من أيدها بسرعه.احم خليكي كلي معايا ..أصل يعني مش بحب اكل لوحدي
ليلي سحبت أيدها بضيق .شكرا ي يونس مليش نفس
...
ليلي طلعت ع فوق واول ما دخلت
زهره.اخيرا ي ليلي ي حبيبتي.معقول كل دا بتحبي مياه من تحت وبعدين كلمت .دا غير انك طلعتي من غيرها كمان
ليلي اضايقت واتكسفت لما لاقتهم كلهم بيبصوا عليهم . نستها ي زهره نستها
زهره وهي بتلعب فى الفون .طالما نسيتها انزلي جيبها بق
ليلي بعند.انا مش هنزل تاني . عايزه انزلي انتي
زهره.بخبثه .انتي عارفه اني أنا ويونس مش بنطايق بعض .بس تعرفي أنا هعرف ازاي اخلي يحبني وبعدين قامت.اما بق انزل وانتي عارفني مش بعرف أمسك لساني وممكن أقوله انك بتحبي مثلا ومكسوفه.
ليلي بصت عليه بغضب .ي حيوانه اي اللي بتقولي دا
زهره بصت ببرود . هتنزل ولا انزل أنا
ليلي بصت عليها وفتحت الباب ونزلت بغضب
زهره ابتسمت بنتصر
مريم هزات رأسها.انتي مش معقوله .انتو ازاي قادرين تفضلوا مع الكائن دا
جوري .فعلا كان عندها حق طنط
ليلي نزلت وهي مش طايقه نفسها اخدت المياه وقبل ما تخرج لاقت الاكل زي ما هو
ليلي بصت عليه بضيق ورحت تتطلع لكن وقفت مره واحده واخدت الاكل وطلعت بيه ع فوق
ليلي فضلت واقفه قدام الاوضه تبص عليها بتوتر
ليلي لنفسها.انتي بتعملي كده علشان هو ابن عمته فريده مش اكتر
ليلي خبطت ع الباب مفتحتش خبطت تأني بردك مفيش رد لحد ما فتحت الباب ودخلت بكسوف
شوي وخرج يونس من الحمام بيمسح شعره ولما نزل الفوطة من ع شعره بصلها بصدمه
ليلي بكسوف.جبتلك الاكل
يونس بجمود.شكرا بس مليش نفسك
ليلي .بس أنا كنت عايزه ناكل سوا
يونس غضب عنه مقدرش يرفض وقعد ياكل معها
ليلي كانت بتاكل بكسوف من نظرات يونس
بعد ما خلصوا
يونس بحب . شكراً
ليلي ابتسمت وخرجت عطول ودخلت اوضه البنات
زهرة.بق عندي فضول اعرف اي اللي بيحصل تحت علشان تتاخري كده
ليلي رمت المياه عليها .مش دي المياه اللي عايزها خديها واسكتي
فريده ضحكت غضب سيبها ف حالها بق ي زهره. ونامي بق
كلهم راحوا يناموا
.....
تأني يوم الصبح
كان مالك جهز ورح الشركه بعد ما فضل عند حازم
مالك اول ما دخل قبل واحده
السكرتيره بهدوء.صباح الخير ي فندم
مالك بهدوء.جبلي القهوة بتاعتي وحصلني ع المكتب
مالك دخل المكتب وبعدها بشوي دخلت السكرتيره
مالك أخد منها القهوة.شهد عرفتك كل حاجه واكيد عرفتك نظامي واني عندي الالتزام والنظام اهم حاجه
نور .اطمن حضرتك أنا عرفه كل حاجه
مالك . اتفضلي ع مكتبك
نور خرجت ومالك لسه قاعد يفكر في كلام مراد
..
عند أيهم كان قاعد مع اسد
اسد .ماتتكلم هتفضل تبص عليا كتير
أيهم . أنا مش قادر اكمل مع فريده.وكنت عايز نطلاق
اسد ابتسم بسخرية.وطالما عايز كده متكلمتش مع خالك ليه ولا انت عايز تسمع حاجه تانيه مني
أيهم نزل رأسه بتعب . أنا تعبت ومش قادر اكمل كده ومش عايز ابعد المفروض اعمل ايه يعني
اسد هسمعك اللي جيت علشان تسمعه .تحاول . المفروض تحاول تعرف اي الغلط أنا وأنت عارفين أن فريده بتحبك .شوف الغلط فين ي أيهم وبلاش تتضبع مراتك منك علشان كلام فراغ
أيهم قام .بعد اذنك
أيهم خرج من المكتب وسلم ع ملك ومشي علطول
ملك دخلت لي اسد في حاجه
اسد بهدوء.لاا اطمني
....
بعد شوي عند أيهم كان وصل الشركه ودخل المكتب بتاعه علطول أيهم غمض عينه بتعب
ف الوقت دا دخلت رزان وقالت بدلع.ايهم
أيهم اتعدل . في حاجه
رزان قربت منه بدلع وقالت.مالك حاسك مش كويس
أيهم .لاا مفيش
رزان مره واحد حط أيدها ع صدره وهي بتقرب اكتر .متاكد
ايهم قرب منها اكتر وكان هيبوسها لكن فاق ع اخر لحظه.وقال .رزان مينفعش وبعد عنها
ف الوقت دا الباب اتفتح ودخلت فريده
فريده فصلت تبص ع رزان بعصبية
رزان بدلع .اسيبك أنا أيهم
رزان خرجت وهي بتبص ع فريده بنظرات حقد غريبه
أيهم ببرود.في حاجه
فريده دخلت بتوتر .كنت عايزه اشوفك .ا.اصلك وحشتني
أيهم أبتسم بسخرية.بجد والله
.....
عند مالك في الشركة
كان وقت البريك رحت نور لي صحبتها وفضلت تقولها بفرحه . شكرا يا ساره مش عارفه من غيرك كنت هشتغل في الشركه دي ازاي
ساره بفرحه .دا انا اللي فرحانه انك معايا
نور وساره فضلوا يتكلموا
في مكتب مالك
مالك بغضب وهو بيضرب ع المكتب . خير ي أستاذ معقول كل دي أخطاء دا انت لو عيل مش هتعمل كده
ادم بضيق .مالك
مالك بغضب .مش عايز كلام كتير .ياريت تشوف شغلك كويس وبلاش استهتار.اتفضل ع مكتبك
ادم خرج بغضب ومالك قاعد وحط رأسه بين ايده
برا
ادم كان بيتحرك بغضب ومش طايق نفسه ومره واحده خبط في واحده خلها وقعت ع الارض بحاجة اللي مسكها
ادم بغضب .مش تبصي قدامي ي غبيه انتي
البنت قامت بكسوف وفضلت تبص ع الموظفين اللي بيبصوا عليها.بس انت اللي خبط فيا
ادم .يعني غبيه وبجحه كمان غوري من شوي
البنت فضلت تبص عليه بدموع وخصوصا انها معرفتش ترد عليه
....
عند أيهم وفريده
فريده قربت بكسوف .طبعاا .انت كنت مسافر لمده ولما شوفتك محلقتش اشبع منك
أيهم بسخرية.لما شوفتي ايوه.ايهم قاعد ع الكرسي وقال بجمود.فريده أنا كلمت جده وقولتله أننا مش قادرين نكمل مع بعض لاني خلاص مش قادر اكمل بشكل دا
فريده فضلت تبص عليه بصدمه .
وقالت بدموع .ق.قصدك اي .بكلامك دا
أيهم حاول يتكلم بقوه .قصدي واضح ي فريده
ملكت الاسد الجزء3
البارت4
أيهم حاول يتكلم بقوه.قصدي واضح ي فريده
فريده بعدم تصديق.انت عايز تسبني .انت عايز تعمل كده بجد
ايهم بجمود.دا اختيارك ي فريده.انتي اللي وصلتني لكده
فريده قربت بدموع.ايهم انت عارف اني بحبك مستحيل تكون مصدق إني مش عايزك
أيهم بهدوء مصتنع.طالما بتحبني وزعلانه اوي .هكلم خالو دلوقتي ونحدد معاد الفرح اللي هو هيكون اخر الاسبوع دا يا كده ي كل واحد يروح لحاله
فريدة.انت بتهددني بتحاول تلوي دراعي لانك عارف انك بتحبني
أيهم.افهميى زي ما تفهي أنا مش هتنازل عن حقيى تاني يفريده ولو انتي بتعملي كل ومستغليه اني مش هقدر ابعد عنك ف احب اقولك ان المره دي غير
فريده بعصبية وغيره وهي بتفتكر كلام زهره.كل حاجه اتغيرت لما جيت مع الهانم مش كده.شوفت انك خلاص مش هتقدر تكمل معايا صح
أيهم بغضب .خدي بالك انتي بتقولي اي وخلي بالك من صوتك ي فريده. ولو مش عجبك كلامي اوي كده كل واحد يروح لحاله.لاني خلاص مش هوقف حياتي عليكي .
فريده بدموع بسبب كلامه.وانا مش موافقة .ولو فاكر اني هوافق ع اي حاجه لاني بحبك تكون غلطان.
أيهم بصلها بحزن ومره واحده قال .انتي طالق ي فريده
فريده اول ما سمعت كده طلعت تجري ع برا وأيهم قعد بتعب
تحت فريده ركبت العربيه وهي بتعيط
السواق.حضرتك كويسه ي هانم
فريده وهي بتحاول بتبطل عياط .اطلع على البيت
السواق .تحت امرك
....
عند ادم
كان ركب العربيه وطلع بيها بغضب عكس البنت
اللي لمت الحاجه من الأرض بكسوف
واحد من الموظفين.معلش ي انسه هو اكيد مش قصده تلاقي مضايق شوي
هزات رأسها بحرج ومشيت
....
عند يونس
كان مستني ليلي تخرج من الكلية لحد ما ظهرت وهي وواحد
ليلي سلمت عليه وقبل ما تركب العربية لاقت يونس ظهر قدامها
ليلي بتوتر بسبب أنه ظهر مره واحده.يونس بتعمل ايه هنا
يونس بجمود.كنت قريب من هنا قولت اطمن عليكي واوصلك.يلا
ليلي .أن...
يونس قطعها .يلاا ياليلي
ومره واحده مسكها من أيدها ورح نحيت العربيه ليلي فضلت تبص حوليها بكسوف
واول ما ركبوا العربيه
يونس .اللي خايفه منه مشي
ليلي بتوتر.مش فاهمه قصدك ع مين
يونس بغضب .اللي كنتي خارجه معااا
ليلي بغضب هي كمان.يونس خد بالك من كلامك دا مجرد زميل ليا عادي وأنا عارفه حدودي كويس مش هستنك تعرفني صح
ورحت تفتح الباب رح يونس مسكهاو طلع بغضب
ليلي. يونس نزلني بدل ما اصوت
يونس كان بيسوق بهدوء
ليلي بغضب .يونس بقولك نزلني
....
عند جوري كانت في المستشفى
جوري للممرضه .دا كمان ربع ساعه وياريت تفضلي جانبه
وخرجت من الاوضه لاقت
انس بتوتر .ا.اسف ع.ع اللي.ح.حصل امبارح
جوري ابتسمت بهدوء.مفيش حاجه ثم اكلمت وهي بتمد أيدها.انا جوري
انس سلم عليها وسحب ايده بسرعه .أنا انس
جوري . اتشرفت بيك .بعد اذنك
ومشيت واتس فضل يبص ف أثرها بهدوء
....
عند فريده
كانت وصلت ودخلت البيت وهي منهارة
لاقت مامتها . فريده مالك
فريده طلعت ع فوق علطول وفريده امها وراها
فريده دفنت وشها ف السرير وفضلت تعيط
فريده مامتها.مالك ي حبيبتي حصل اي فاهمني
فريده كانت بتعيط وبس
امها.اهدي ي حبيبتي.حصل اي
فريده بعياط.ايهم طلقني ي ماما
فريده بصت بصدمه.اي .حصل اي علشان يعمل كده
فريده رجعت تعيط .مش بيحبني يماما سبني علشانها
فريده قامت بتوتر .اهدي أنا هكلم بابا دلوقتي هو هيتصرف
فريده كلمت ياسين وقالتلو اللي حصل
.....
عند مالك كان قاعد مخنوق ومش عارف يشتغل لحد ما دخلت نور .دا الورق اللي حضرتك طلبته
مالك كان سرحان اصلا
نور .ي فندم
مالك بصلها .في حاجه
نور . الورق
مالك .حطي هنا
نور حطت الورق وبصت ع مالك بتركيز شوي
مالك .في حاجه
نور بكسوف .ابدا وخرجت بسرعه
....
عند زهره واياد
كانوا بيدربوا سوا
اياد كان بيبص ع زهره بفخر.برافو عليكي ي حبيبتي
زهره ابتسمت ورجعت تكمل تاني
اياد مره اتخيل حاجه وحاول يشيلها من دماغه بسرعه
اياد لنفسه.مستحيل ي اياد مستحيل تعمل نفس اللي حصل زمان
...
عند يونس وليلي
كان وصل حتي هادي وواقف العربية بهدوء
تحت أنظار ليلي
يونس بهدوء.اسف. مكنتش قصدي اتعصب عليكي أو اوصلك انك مش محترمه .بس أنا اضايقت لما شوفتك واقفه مع كده . وبعدين هو انتي تعرفي هو كويس ولا لاء افرض طلع مش كويس ليه تحطي نفسك ف دائرة دي
ليلي .انت عايز توصل لي اي بضبط
يونس مش عايز أوصل لحاجة صدقني كل الفكره اني خايف عليكي ومش عايز حد يتكلم او انك تحطي نفسك ف دائره أنه ممكن يطلع مش كويس حتي لو هو مبين أنه كويس جدا . ممكن بلاش علاقه مع اي ولد صدقني لمصلحتك
ليلي....
يونس طلع بهدوء وبعد شوي وصلها البيت ومشي علطول
....
عند ياسين كان وصل البيت علطول بعد ما فريده اتكلمت معااا
ياسين بغضب وهو شايف فريده بشكل دا. حصل اي يعني
فريده بتوتر .ياسين اهدا علشان نعرف نحل المشكله دي
فريده فضلت قاعده جانب بنتها لحد ما رحت ف النوم
ياسين خرج وهو فريده بعد ما اطمنوا عليها
ياسين اتصل ع اسير وبلغو بلي حصل وطلب منه يجي هو وأيهم
فريده بصت ع ياسين بتوتر. هيحصل اي دلوقتي .
ياسين حاول يهدي نفسه.مش هيرجعلها لو عمل اي .طالما الاستاذ اتصرف من دماغه ووصلها لشكل دا
ياسين سبها ونزل بغضب
فريده اتصلت ع اسد .الو ي انكل
عند إسد
كان قاعد هو ملك بهدوء لحد ما الفون رن
اسد.ازيك ي حبيبتي
فريده بتوتر . الحمدلله ي انكل .انكل حصل مشكله هنا بين أيهم وفريده وأيهم طلاقها
اسد قام بصدمه .اي
فريده.انكل أنا عايزك تجي لأن ياسين مضايق جدا وممكن يحصل مشاكل اكتر وخصوصا أنه مش عايزهم يرجعوا لبعض تاني
اسد.متخافيش مش هتاخر عليكم .سلام
ملك في حاجه
اسد بغضب .الغبي اللي اسمه أيهم طلق فريده
ملك بصدمه .اي معقول أيهم يعمل كده مستحيل انت عارف أنه بيحب فريده جدا
اسد .نكمل كلام بعدين يملك
اسد طلع فوق ولبس ونزل علطول
.....
عند ياسين وصل اسير ومع أيهم اللي كان ساكت ومضايق
ياسين بغضب . ممكن افهم حصل اي
أيهم.انا وفريده مش هنقدر نكمل مع بعض خلاص
اسير.ممكن تفهمنا حصل اي لأننا لحد دلوقتي منعرفش المشكلة سببها اي
أيهم .مفيش مشكله ولا حاجه احنا فاهمنا دا متأخر واظن إحنا كبار وحرين ونعرف نمشي حياتنا
ياسين اتعصب اكتر منه .كويس فعلا انك عارف انك كبير .واللي حصل احسن فعلا لأن بنتي تستاهل حد احسن منك . دلوقتي تجيب المأذون ويتم الطلاق رسمي
اسير . ياسين مش كده اهدا شوي
ايهم كتم دموعه .اللي تشوفه
ف الوقت دا دخل اسد .ممكن افهم اي اللي بيحصل هنا وعايزين مأذون ليه
اسير .اتفضل ي عمي .
اسد دخل وبص ع أيهم بعتاب .ممكن افهم بقى
ياسين.الاستاذ طلق فريده والبنت منهارة فوق ولما اسال الأستاذ حصل اي يقولي إحنا حرين وكبار وان كده احسن
اسد بجمود . مفيش طلاق رسمي يحصل دلوقتي لحد ما أنا أقول
ياسين بغضب .ازاي يعني
اسد قام .دا اللي عندي واللي قولت عليه ي ياسين هيمشي مفيش طلاق هيحصل دلوقتي. وبعدين بص ع أيهم .تعال ورايا
عايزك
اسد اتحرك وأيهم ورا وخرجوا ركبوا العربيه سوا
اسد .ردتها
...
البارت الخامس
ملكت الاسد الجزء3
اسد .ردتها
أيهم بتعب وحزن.مينفعش خلاص .لازم عقد جديد
اسد طلع وهو وبيقول بسخرية.كويس انك عرفت .طالما الاستاذ بيتصرف من دماغه ولا كأننا متكلمنش ف الموضوع دا وقولتله يتصرف ازاي
أيهم بتعب .تعبت محدتش حاسس بيا . عايز افهم نفسي بس افهم بتعمل كده ليه يوم تقرب وعشره تبعد وأنا واقف بتفرج بس مش عارف اعمل خايف اعمل حاجة اخسرها لكن كفايه لحد هنا أنا زهقت
اسد هز رأسه بياس منهم . كفاية كلام . أنا هتصرف ف الموضوع
بعد شوي وصلوا فيلا اسد افضل هنا كام يوم
أيهم.لا أنا عايز...
اسد اتكلم .قولت هتفضل هنا مش هتفضل لوحدك وانت كده
أيهم بسخرية وهو بينزل. اطمن يجدو مش هعمل حاجه ف نفسي
ودخل ع جوا
تحت أنظار اسد
جوا ملك حاولت تتكلم معاا لكن طلع ع فوق علطول
ملك .في اي مالو أيهم
اسد قاعد بتعب. طلق فريده
ملك بصدمه. اي . ليه .حصل اي علشان يعمل كده
اسد بتعب.معرفش ي ملك معرفش
فوق
أيهم قفل الباب ونام ع السرير علطول .خلاص ي أيهم خلاص
...
عند جوري
كانت مركزه في شغلها وفي ناس مركزه معها
واحد .ي ابني كفايه نظرات بق إحنا ف الشغل والكلام دا مش بيجي معها اصلا
وائل . هيجي لازم يجي حتي لو غضب عنها .
اسامه .دا انت دماغك اتلحست خالص
وائل .بص عليها ي اسامه .فيها كل حاجه مال وجمال وتعليم عايز اي تاني كفايه أن المستشفى دي كلها تحت امر أبوها وأبوها اكبر مساهم فيها عايزني اضيع الفرصة دي
اسامه .ما انتو كمان أغنياء عايز اي
وائل وهو بيبص عليها بتطمع. عايزها هي وفلوسها
اما بق عند باب الطوارئ
كان انس واقف بيحاول يهدي نفسه.اهدا ي انس اهدا .اتكلم عادي انت طبيعي طبيعي ي انس
انس اخد نفسه واتحرك لي جوا
وبدأ يشوف يشغلو وهو بيحاول يبعد عن الدكاتره الباقين
جوري بدأت تركز معا كل ما تشوفه هي عندها فضول غريب تعرف هو بيتصرف كده ليه
....
عند نور كانت قاعده ع مكتبها بملل ومره واحده سرحت في مالك
نور فاقت بسرعه .اي اللي بتفكري فيه دا انتي لسه اول يوم ركزي ف شغلك
...
عند يونس رجع البيت علطول بعد ما ياسين كلمو
يونس .ازاي مقالش حاجه يعني .هو لعب عيال دا طلاق
اسير. يونس ممكن تهدأ دلوقتي لأن كده لازم عقد جديد علشان يرجعوا لبعض
ياسين قام وقال بضيق. خلاص ي اسير فريده مش هترجع
ع السلم كانت فريده قاعده بتسمعهم وهي دموعها بتنزل بصمت
فريده قامت دخلت اوضتها بسرعه وهي بتعيط .
..
بليل
كانوا كلهم عند اسد علشان يشافوا حل خصوصاً أنهم عرفين الحب الكبير اللي بين فريده وأيهم
حازم .اسد أنا شايف أن كده احسن وانت كمان شايف ياسين كمان اهو رفض أنهم بيعملوا عقد جديد
مراد بضيق .حازم اسكت انت دلوقتي.انت مش شايف أيهم ولا فريده عاملين ازاي . أنا عارف أنه غلط لما اتصرف بغباء كده لكن كلانا عارفين أنه بيموت في فريده ومش هيقدر أنه يبعد عنها
فوق أيهم كان قاعد في اوضته رفض يبفتح لحد ورفض يااكل
وكانت زهره برا بتحاول تتكلم معاا
....
عند فريده في بيتها
كانوا كلهم معها
جوري بحزن.علشان خاطري ي حبيبتي حته صغيره
فريده بتعب. جوري قولتلك مش جعاااانه خلاص سبني
امها بصت ع ياسين يتصرف .
ياسين قرب منها.حتي أنا كمان مش عايزه مني
فريده دخلت في حضنه وفضلت تعيط اكتر
يونس كان واقف بيبص عليها بحزن ومش عارف يتصرف ازاي
يونس خرج وهو مضايق
ياسين وفريده فضلوا معها
......
عند اياد وتمارا
تمارا بزعل .لازم بكره نشوف فريده
اياد .ان شاء الله
ليلي .بابا كده مش هينفع يرجعوا لبعض تاني
اياد .لازم عقد جديد ي حبيبتي.وياسين مضايق ورفض .لما الوضع يهدأ أنا هتكلم معاا تاني
ليلي زعلت ع فريده جدا ومره واحده جي ف بالها يونس وأنه اكيد مضايق دلوقتي
ليلي قامت .أنا طلعه فوق
اياد بص ع مراد لاقه قاعد على الفون وعادي ولا كنا حصل حاجه
اياد قام بضيق ودخل المكتب
تمارا بصت ع مراد بتعب .مراد حبيبي.سيب الفون شوي وبعدين انت مش شايف اللي بيحصل راعي الظروف شوي
مراد قام بضيق .اعمل اي يعني ي ماما مش فاهم .بعد اذنك
تمارا بصت عليه بياس ف الوقت دا دخل مالك
تمارا قامت بحب . حمدلله ع السلامه ي حبيبي
مالك حضنها .الله يسلمك ثم سأل بتوتر .امال فين ادم
تمارا.مجاش من الصبح هو مش كان معك
مالك مسح ع وشه. أه بس مشي بدري . أنا هطلع استريح شوي علشان تعبان بعد اذنك
تمارا.اطلع ي حبيبي وانا هجبلك الاكل ع فوق
.....
فوق
كانت ليلي بتكلم جوري تتطمن منها ع فريدة
ليلي بحزن.الموضوع صعب ليها اوي
جوري . بابا وماما معها حتي يونس مقدرش يستحمل ومشي .ورفضا تأكل
ليلي .بكره هجي ونفضل معها وان شاء الله كل حاجه ترجع زي ما كانت واكيد أيهم مش هيقدر يسبها
جوري .يآرب
ليلي قفلت مع جوري وفضلت تبص ع الفون بتوتر
ليلي بتوتر .عادي مفهاش حاجه ي ليلي كلمي اطمني عليه مش اكتر
ليلي كلمت يونس مره واتنين لحد مرد
ليلي بتوتر.ازيك ي يونس . حبيت اطمن عليك .انت كويس
يونس.ممكن اشوفك
ليلي بتوتر. يونس .يعني مش
يونس قطعها .ارجوكي
ليلي....
يونس .ارجوكي يليلي
ليلي بتوتر . طب هنتقابل في كافيه ***سلام
ليلي قامت ولبست بسرعه وهي بتحاول تقنع نفسها انها بتعمل كده عادي وأنه ابن عمتها مش اكتر
ليلي لبست وقالت لمامتها أنها رايحه تقابل واحده صحبتها
ليلي ركبت العربيه مع السوق وبعد شوي وصلت
ليلي .ارجع انت وأنا لما اخلص هبلغك
السواق .بس ي هانم
ليلي .قولتك روح
السواق. تحت أمرك
ليلي فضلت واقفه برا
بعد شوي وصل يونس
يونس نزل من العربية وقبل ما ليلي تتدخل المطعم .
يونس .لاا بلاش .تعالي
يونس اخدها وركبوا العربية وفضل يلف بيها وسط صمت الاتنين
ليلي. انت كويس
يونس هز رأسه برفض . مش عارف . مضايق علشان فريده وفي نفس الوقت مش عارف اساعدها
ليلي .اطمن فريده هتكون كويس في حاله صدمه من اللي حصل لكن هتفوق وهتقوم منها غير أن أيهم مش هيقدر ع بعدها
يونس هز رأسه بهدوء ومره وأحد واقف في مكان هادئ
يونس نزل وليلي نزلت معاا وهي مش مطمنه لمكان
ليلي .يونس كفايه كده
يونس .خلينا شوي .بحس اني احسن لما تكوني معايا
ليلي اتكسفت يونس طلع ع العربيه وهي قاعده جانبه بهدوء
يونس .شكرا انك جيتي
بعد شوي
ليلي .يونس كفايه
يونس نزلها وركبوا العربية وطلعوا ع الفيلا يونس وصلها ومشي
....
تاني يوم الصبح
في الشركه
كان ادم هنا بعد ما فضل طول اليوم برا
ادم كان شغال بعصبية وقاعد يتعصب ع كل الموظفين
ادم بعصبية.ممكن افهم فين. الزفت الملف بتاع اخر صفه
السكرتيره بتوتر.هو كان مع أستاذ محمد كان بيرجع ع كل الحسابات
ادم .خلي يجيلي دلوقتي حالاا يلاا
السكرتيره.تحت امرك
السكرتيره خرجت بسرعه وبعد شوي رجعت مع شخص كبير ف العمر شوي
محمد .تحت امرك ي فندم
ادم .ممكن اعرف التأخير دا ليه الملف كان المفروض يكون ع مكتبي من يومين
محمد .الملف اهو ي فندم . اسف ع العجز اللي حصل مش هتتكرر تاني
ادم اخد منه الملف بغضب .ع مكتبك
كلهم برا كانوا بيشتغلوا بتوتر وخصوصا نور لأنها جديده
نور بتوتر لنفسها.اشتغلي وخليكي ف شغلك لو خسرتي الشغل دا انتي عارفه هيحصلك اي
تحت
كان محمد مضايق أن ادم اتكلم معا بطريقة دي وخصوصاً أنه اد ولده وكان شغال هنا من زمان
بس رح كمل شغلو
..
عند مالك وصل وسمعهم بيتكلموا ع عصبيه ادم وخصوصا أن دا مش طبعو رح دخل ع مكتب ادم علطول
مالك قاعد وقال .مالك قلب ع الموظفين من الصبح كده
ادم بص عليه ورجع بص في الملف تاني
مالك بحرج .اه يعني أنا السبب دلوقتي.طب أنا آسف يسيدي
ادم .مالك ارجوك ممكن تسبني علشان عندي شغل
مالك قام وقرب منه وضربه في كتفه.يعني بقولك اسف ومش عجبك خلاص عارف اني ذوتها معك امبارح خلاص متزعلش
ادم بهدوء.خلااص مش زعلان
مالك بسه من راسه .طب كمل شغلك بق علشان عزمك بعد الشغل
ادم هز رأسه بعد ما ابتسم
مالك خرج ودخل ع مكتبه تحت أنظار نور
نور ابتسمت أو ما مالك جي
وبدأت تشوف شغلها بحماس اكتر
....
عند فريده
كانت لسه في اوضتها لحد ما دخلت زهره مره واحده
زهره بغضب وهي تقعد. دلوقتي حالاا تقوليلي حصل اي أنا مش هسيبك قبل ما اعرف
ليلي بياس منها وهي دخله معها.زهره أنا طول الطريق بكلمك في اي حرام عليكي
زهره. ما أنا لازم افهم
فريده بعيط.زهره سبني في حالي ارجوكي أنا مش عايزه اتكلم في حاجه ولو عايزه تعرفي اسالي اخوكي
زهره بتوتر .أيهم سافر هو ورزان تركيا من غير ما يقول لحد لسه بعتلي رساله
ليلي وجوري فضلوا يبصولها بغضب
فريده ابتسمت بسخرية وسط دموعها .مصدق أنه خلص مني . أخرجوا بعد اذنكم برا مش عايزه افضل مع حد
جوري .اهدي ي حبيبتي.
فريده بصرخ .برا سبوني لوحدي
كلهم خرجوا وقفلوا الباب
جوري بغضب.استريحتي كده
زهره بصت عليه بضيق. أنا اكيد مش قصدي اضايقها أنا كنت فاكره أنها هتحاول تكلموا لما تعرف أنه ممكن يروح من اديها
جوري .خلاص ي زهره خلاص أيهم وفريده مش هيرجعوا لبعض تاني
....
عند مراد نزل الشركه لانه خاف من اياد
مراد بص ع نور وفضل يبص عليها بتقيم.انتي السكرتيره الجديده
نور قامت.ايوه حضرتك
مراد .أنا مراد . مديرك هنا
نور بتوتر.اهلا بحضرتك
مراد دخل المكتب لمالك
مالك بص عليه بسخرية.في حاجه ي مراد
مراد قاعد وقال . أنا عايز السكرتيره اللي برا تكون السكرتيره الخاصة بيا
مالك بص عليه بهدوء وبعدين قال لا
تكملة الروايه اضغط هناااااااا
يتبع ...انضم لجروب التليجرام ( هينزل فيه الرواية كاملة )اضغط هنا
مجمع الروايات الكامله والحصريه اضغط هناااااااا
تابعى صفحتنا على الفيسبوك عشان تبقى اول واحدة تقرأ البارت اول ما ينزل
صفحتنا على الفيسبوك اضغط هناااااااا
تعليقات
إرسال تعليق