رواية ملكت الأسد الجزء الثالث الفصل 6_7_8_9_10بقلم فاطمه حسن جميع الفصول كامله وحصريه
البارت 6_7_8_9_10
ملكت الاسد الجزء3
مالك بص عليه بهدوء وبعدين قال.لاا
مراد قام وقرب منه بضيق .ليه .ما انت ممكن تجيب غيرها .ارجوك ي مالك
مالك قام بغضب. مراد ع شغلك دا لو انت جي تشتغل اصلاا وبلاش شغل العيال بتاعك دا لاني مش فاضي يلاا
مراد خرج بضيق وهو بيقول كلام مش مفهوم
مالك قاعد على الكرسي وهو مخنوق كل تصرفات مراد بقت بتعصبو
ف الوقت دا الباب خبط ودخلت نور
نور .اتفضل ي فندم استاذ ادم بعت لحضرتك الملف دا
مالك بصلها بتركيز وبعدين قال .طيب اتفضلي انتي .
نور مشيت بتوتر
مالك لنفسه هو يبص عليها .يويلك مني لو بتلعبي معنا
.....
عند ايهم ورزان
كانوا في الفندق
رزان بضيق .هتفضل مصر ع رأيك .ما أنا بيتي موجود
أيهم بهدوء. رزان قولت مينفعش وأنا هنا هكون مستريح اكتر
رزان قربت منه ومسكت ايده . عارفه انك مضايق ومحتاج تحكي وتطلع اللي جواك وانك مستحيل تقولي اي اللي حصل معك بس أنا موجوده في اي وقت لما تحب تتكلم
ايهم هز رأسه بهدوء
رزان قامت وقالت .اسيبك تستريح
رزان خرجت وهي بتكلم نفسها.مستحيل اضيع الفرصة دي من ايدي لو حصل اي
أيهم نام ع السرير وفضل يبص ع السقف بهدوء
.....
عند حور وأسير
كانت حور بتعيط في حضن اسير . أنا عايزه أيهم .عايزه أيهم ي اسير افرض عمل فيى نفسه حاجه
اسير وهوبيطمنها .اهدي ي حبيبتي.ايهم عاقل وهيرجع . خلي يبعد شوي احسن ليه .اهدي بق
.....
عند فريده
كانت لسه بتعيط ومش عايزه تتكلم مع حد
وهي كل اللي فى دماغها ايهم ورزان وبيحصل اي بينهم
فريده كانت بتعيط كل ما تتخيل أن فعلا أيهم سبها علشانها
كانوا كلهم قاعدين معها معدا يونس اللي كان لسه يروح الشركه
فريده بتعب .عايزه أنا ممكن تسبوني لوحدي شوي
ياسين بهدوء.حاضر ي حبيبتي
كلهم خرجوا وياسين دخل المكتب بتاعه علطول
جوري كانت قاعده مع مامتها .وهنعمل اي ي ماما
فريده بتعب.معرفش معرفش حاجه.ايهم سافر وابوكي رفض يبفتح كلام في موضوع رجعهم ومش عارفه أنا المفروض اعمل ايه
جوري فضلت تبص عليها بحزن
فريده قامت ودخلت المكتب لياسين لاقته قاعد وحطه رأسه بين ايده
فريده.ياسين
ياسين رفع رأسه
فريده قربت منه .لازم نتكلم .لازم تشوف حل في موضوع فريده البنت مش قادره تستحمل
ياسين بغضب . المفروض اروح ابوس ايده يعني .بنتي مش هترجع لحد وأنا هعرف أخرجها من الحاله دي .دي مش نهاية الكون
فريده بصتلو بغضب .كنت قولت الكلام دا لنفسك ي ياسين ولا نسيت
ياسين بصلها بغضب وخرج وسبها
.......
عند انس
كان في المستشفى بيحاول ياخد ع الجوا ويتعامل عادي
ولسه كلام جوري ف دماغه ولحد دلوقتي مستغرب هي ليه عملت كده
...
عند مالك في الشركة كان وقت البريك
نور رحت لساره
نور بفضول.بس يعني أستاذ مالك مش كبير زي يعني ما قولتلي
ساره وهي بتاكل.هو مش كبير بس بسبب كئبه دا تحسي اكبر
نور بسرحان.بس شكلو لطيف جدا
ساره بلا مبالاة.مش مهم عندي
نور قطعها بسرعه .فعلا مش مهم لو مالك دا كبير في السن أو مش لطيف وكئب اهم حاجه فلوسه والمستوى اللي هعيش فيه بعدين
ساره هزات رأسها.
نور كملت .انتي لسه زي ما انتي .امتي هتفهي ان في حاجات اهم من الفلوس
ساره .مفيش حاجه اهم من الفلوس وبطلي كلام الافلام دا
....
عند ادم قام وخرج من المكتب رح يسأل ع محمد
تحت
محمد كان مع بنته . وانتي عامله ايه ف الشغل
لين . كويسه.مالك ي بابا هو حصل حاجه
محمد قالها كل حاجه
لين بضيق .بابا أنا دلوقتي بشتغل ملهوش لازم تتعب نفسك وكفاية شغل مع الحيوان دا
محمد .يبنتي هو اول مره يتكلم كده من لما كنت شغال مع أبوه محصليش كده
ف الوقت دا ظهر ادم
لين فتحت عينها بغضب
ادم.استاذ محمد ممكن كلمه
محمد.طبعا ي ادم بيه
لين بدون وعي.طبعاا لازم اتصرف دا يطلع من حيوان زيك
ادم بصلها بغضب.انتي بتقولي اي .
محمد بص عليها بتوتر .اي لين اللي قولتي دا .
لين بخوف بسيط.دي الحقيقة.هو دا ي بابا اللي خبط فيا وكمان قل أدبه عليا وهو اللي غلطان
ادم بصلها بتركيز رح افتكرها ادم اخد نفسه وقال.لولا اني فعلا غلطت امبارح كان هيكون في تصرف مش هيعجبك .وانت ي أستاذ محمد أنا آسف على طريقة كلامي معك فوق . وياريت تعلم بنتك تمسك لسانها ومشي وسبهم
محمد.عجبك كده
لين بضيق .مكنتش أقصدي بس هو اللي قليل الذوق والأدب
محمد بهدوء.طب يلا ع شغلك
البريك خلص وكل واحد رجع مكانه
....
عند زهره كانت بتلعب بوكس بكل غضب
اياد كان بيبص عليها بهدوء .مضايقه مش كده
زهره شربت مياه بتعب . موضوع ايهم عامل مشاكل ف العيله كلها.فريده وماما وكمان انكل ياسين
اياد بهدوء . كل حاجه هتحلل مسائله وقت مش اكتر .يلا امشي كفايه عليكي كده
....
وبعد مرور شهر
كان أيهم لسه ف تركيا
رزان بعصبية.ايهم يلاا
أيهم خرج وهو بيضحك.مالك ي بنتي اهدي في اي
رزان بضيق .لازم استني حضرتك كل يوم بساعه
ايهم.مش صحبتي
رزان ابتسمت بثقه أنها ازاي قدر في الشهر دا تقرب منها أيهم
أما عن أيهم كان بيبص عليها با امتنان ع كل المحاولات اللي كانت بتعملها
ايهم اخدها وخرجوا رحوا مطعم وكانوا طول الطريق ضحك وهزار
......
عكس فريده في مصر
فريده كانت طول الشهر ف البيت ومحاولتش تنزل الشركه او تخرج من البيت
مامتها دخلت وقالت بغضب .ممكن افهم هتفضلي كده لحد امتي
فريده بصت عليها.كده ازاي .ما أنا كويسه اهو
مامتها بغضب . فريده اتكلمي كويس .لو فكره انك لما تفضلي كده أيهم هيرجعلك تكوني غبيه . أيهم كان معكي وانتي اللي خلتي يضيع من ايدك ودلوقتي بتعيطي
فريده بدأت دموعها تنزل بصمت .
فريده امها بصت عليها بياس وقربت منها .ي حبيبتي.انا مش عايزكي تعيطي وعايزكي تفوقي لنفسك و أيهم هيرجع صدقني أيهم بيحبك ومش هيقدر ع بعدك
فريده.ايهم مش عايزني خلاص ي ماما خلاص
فريده مسحت دموعها .هيرجع ي حبيبتي.يلا كفايه عياط وقومي هنروح عند جدو يلاا علشان عيد ميلاد مالك
....
عند ادم كان زي العاده بيبص عليها من مكتبه لأنها شغاله في شركه مواد غذائية قريبه منهم
وهو بيفتكر حصل اي من اسبوعين
فلاش باك
كان قاعد متوتر وهو ببفتكر عمل اي
شوي ولاقها بتفتح الباب
لين وقفت بتوتر لما لاقته قدامها
ادم قام من ع المكتب .اهلا انسه لين .في حاجه
لين بتوتر . السكرتيره قالت إن بابا في المكتب دا
ادم بكدب .يمكن اتلغبطت عادي . أحنا متعرفناش ع بعض من اخر مره . وخصوصاً بعد سوء التفاهم اللي حصل بينا . أنا ادم
لين بحده . شكراً مش بتعرف ع حد
ورحت تخرج رح ادم مسكها من أيدها .استني.انا بسبب عايز نكون اصحاب مش اكتر
لين مره واحده أيدها ع وشه .سافل
وخرجت بغضب تحت أنظار ادم المصدومه
باك
ادم غمض عينه بتعب.فيها حاجه مميزه من لما شافها وهي مش عايزه تخرج من دماغه لحد ما حاول يكلمها وحصل اللي حصل .
ادم بعند.هتكون ليا يعني هتكون ليا
....
عند نور
بدأت تتعلق بي مالك وبطريقه وكل تركيزها معاا
نور دخلت المكتب عند مالك
مالك هو بيتكلم ف الفون .حاضر ي حبيبتي هحاول اجي بدري
نور غصب عنها ركزت معاا
مالك بضيق . ماما أنا عارف ان النهارده عيد ميلادي وانتي بردك عارفه اني مش بحب جوا الحفلات دا وحضرتك بردك مصره
....
مالك .حاضر ي ماما. سلام دلوقتي
مالك قفل الفون وهو مخنوق. في حاجه ي نور
نور فاقت .لاا ي فندم كنت هفكرك بـ الاجتماع
مالك وهو ماسك دماغه ..لاا الغي كل حاجه النهارده
نور .تحت امرك وقبل ما تخرج قالت بكسوف .كل سنه وحضرتك طيب
مالك ابتسم .شكرا ي نور
نور خرجت وهي مبسوطة
....
عند اسد كانت كل حاجه بتجهز علشان عيد ميلاد مالك
ودا بعد إصرار اسد أنه يتعمل علشان فريده
روح ومراد وحازم وندي كانوا كلهم هناك
تمارا قفلت وبصت ع الفون بضيق
حازم .زي كل مره بردك
تمارا .ما انت عارف ي انكل .اطمن أنا هتصرف
حازم .ومراد فين
تمارا.مع أصحابه
حازم .ربنا يهدي
تمارا.انا هروح لمالك بعد اذنكم
......
عند يونس كان في الشركه وهو بيفكر في ليلي وازاي طول الفتره كانت واقفه معاا
يونس .بتحبك ي يونس بتحبك كلها مساله وقت بس
....
عند مالك
الباب خبط ودخل شوي من الموظفين واولهم نور وهي ماسكه تورته صغيرة
نور وهي الموظفين.كل سنه وحضرتك طيب
مالك ابتسم بهدوء . وانتو طيبين.شكرا ع تعبكم دا
نور حطه التورته وقطعت حته وقربتها من بوقه وهي مبسوطه ومن غير تركيز هي بتعمل اي
مالك اكلها بهدوء هو بيبص عليها
تحت أنظار الموظفين
نور مره واحده رفعت الحته ع مناخير مالك وفضلت تتضحك
تحت صدمتهم كلهم .مالك بصلها بغضب وشاف أنها اهانه ليه
الموظفين بصوا لبعض وخرجوا كلهم بهدوء
مالك كان بيصلها بشر لكن
نور حطه ع مناخيرها هي كمان ومسكت الفون واخدت صوره ليهم تحت أنظار مالك
نور بصت ع الصورة بسرحان وقالت .حلو اوي
نور فاقت ع أنظار مالك وقالت بسرعه بتوتر .قصدي الصورة.انها حلوه
مالك سحب منديل ومسح وشه وقال بغضب .اللي حصل دا أنا هسمحك عليه وهتعبر أنه محصلش وأنها مجرد حركه غبيه من واحده غبيه لكن لو اتصرفتي تصرف زي دا تاني وعملتني ع أساس أننا صحاب هيكون ليا تصرف تاني .اتفضلي ع مكتبك
نور عينها اتملت دموع قولت .ا.انا اسفه وخرجت ع برا
ف الوقت دا دخلت تمارا وبصت ع التورته والبنت اللي خرجت وع مالك.حصل اي
مالك بهدوء .ابدا مفيش دا الموظفين حبه يحتفلوا بيا مش اكتر
تمارا ابتسمت بحب .طب يلاا ي حبيبي لم حاجاتك علشان تمشي معايا
مالك بتعب .ماما خلاص قولتلك مش هتاخر هخلص كام حاجه وهجي
تمارا بصتلو برجاء .
مالك . علشان خاطري روحي وانا هجي بدري صدقني
تمارا بستو وخرجت وهي ماشيه بصت ع نور وقربت منها .انتي مين
نور قامت وعينها حمرا . سكرتيره أستاذ مالك
تمارا بشك .وانتي اللي جبتي التورته اللي جوا
نور اتوترت وخافت أنها تزعق معها هي كمان
تمارا غير الموضوع وقالت . النهارده عاملين حفله لمالك وانتي لازم تكوني موجوده
نور بتوتر .أنا
تمارا.ايوه لانك السكرتيره الخاصة بيه ومالك ممكن يحتاجك
نور بتوتر .يحتاجني في حفله عيد ميلاد
تمارا بضيق .بلاش كلام كتير وكتبلها ورقه. ع الساعه6 تكوني في المكان دا
ومشيت وسبتها
البارت 7
ملكت الأسد الجزء الثالث
تمارا بضيق .بلاش كلام كتير وكتبلها ورقه.ع الساعه 6تكوني في المكان دا ومشيت وسبتها
تمارا فضلت تبص ع الورقة بتوتر .ياربي هعمل اي دلوقتي
في الوقت دا دخلت ساره وقالت .اي اللي عملتي دا انتي اتجنتي
نور قعدت ع الكرسي بضيق وحزن .مكنتش قصدي أنا اتصرفت بعفوية مش اكتر لاني كنت مبسوطه
ساره بشك .وانتي كنتي مبسوطة ليه
نور اتوترت وقالت .عادي يعني . هو كويس وبيتعامل معنا كويس وكنت فرحانه اني بعملو حاجه
ساره بسخرية.فوقي ي نور وعرفي أن مالك عمره ما هيبصلك ولا حتي أهله هيوفقوا بيكي الناس دي بتحب الناس اللي زيها
ساره مشيت ونور فضلت تبص في أثرها وكل كلامها بيتقال تاني في ودانها
نور فضلت تبص قدامها بسرحان بدأت دموعها تتجمع
....
عند مراد كان مع صحابه
مراد .سلام بق .علشان عيد ميلاد مالك ومش ناقصه خناق معهم
واحد صحابه بخبثه .اركب بس عملك مفاجاه يلا
مراد .مش هينفع قولت
صحابه .يلاا ي مراد . اركب مش هنتاخر
مراد ركب معهم وطلعوا ع شقه واحد فيهم
ولما طلعوا مراد لاقه بنات قاعده
مراد كشر بضيق وقبل ما يتكلم لاقه واحده بتقرب منه وبتحط أيدها ع صدره .مراد باشا مش كده .اصلا زياد حكلي عندك كتير وكانت همو-ت واشوفك
مراد نزل أيدها بقرف واضح .سوري أنا مليش ف القرف دا
مراد بص ع زياد .سلام
مراد نزل والبنت فضلت تبص عليه بغضب لحد ما لاقت زياد بيقرب منها .تعال ي جميل ولا تزعل نفسك دا مش عارف قيمه النعمه
البنت بحقد لنفسها . والله لكسر مناخيره وأعرفه أنا مين كويس
زياد قرب منها وبعدين
......
عند تمارا كانت بتشرف ع كل حاجه وهي مبسوطه لحد ما مره واحده حد حسبها ودخلها اوضه
تمارا بضيق. مش هتبطل الحركات دي بق
اياد ابتسم وهو بيقربها منها اكتر.لاا . وبعدين دفن رأسه ف رقبتها.
تمارا .اياد إحنا مش ف البيت افرض حد دخل علينا
اياد بحب .بحبك اوي ي تمارا بحبك اوي
تمارا ابتسمت بحب. وأنا بموت فيك يروح تمارا
اياد لسه بيقرب منها لكن تمارا زقت اياد بسرعه. اياد كفايه لازم اخرج اساعدهم
اياد بص عليها بغضب وكان يمشي بس تمارا مسكت ايده بسرعه وبسته من خده .معلش ي حبيبي ثم اكلمت بفرحه.في مفاجئه هقولك عليها في الحفله النهارده
اياد باستغراب. مفاجئه اي دي
تمارا وهي بتخرج .بليل
اياد خرج وراها باستغراب
.....
وبعد ساعات
عند نور كانت خلصت شغل
وهي بتبص ع الورقه بتوتر
ساره .يلاا
نور.عندي مشوار لازم اروحه
ساره.مشوار اي
نور لمت حاجاتها.بعدين ي ساره
نور خرجت بسرعه وركبت اوبر وطلعت ع العنوان
...
عند ادم
كان في مكتبه ومعاا محمد
محمد خير ي أستاذ ادم في حاجه
ادم .اتفضل الاول
محمد قعد وبص ع ادم علشان يكمل كلامه
ادم .انت طبعاا شغال هنا من زمان وعارف تقريبا كل حاجه عنا.ف أنا أحب اطلب ايد بنتك لين
محمد اتصدم .لين
ادم .ايوه .ولاا حضرتك عندك اعتراض عليا
محمد بتوتر .لاا ابدا .بس لازم اكلمها الاول واخد رأيها
ادم .طبعاا وأنا هستني ردك .ممكن تتفضل
محمد خرج بهدوء عكس ادم اللي قام يبص عليها وهي واقف قدام الشركه لحد ما محمد نزل واخدها ومشي
ادم لم حاجته ومشي هو مالك
...
عند نور وصلت المكان وبصت عليه من برا ودخلت
واحده من اللي شغالين .اتفضلي ي فندم .تحبي نساعدك ازاي
نور معرفتش تقول اي .ا.انا سكرتيره استاذ مالك
البنت .مش فاهمه حضرتك.ثانيه واحده
شوي والبنت رجعت مع واحده
صاحبه المكان .اتفضلي حضرتك عايزه اي
نور ادتها الورقه بتوتر
صاحبه المكان.اتفضلي ي هانم .مع الهانم يلاا .اطمني تمارا هانم معرفني كل حاجه
نور ابتسمت بتوتر ورحت معهم
.....
عند مالك وادم
كانوا وصلوا البيت وكل واحد بدأ يلبس ونزلوا
وبعد شوي الحفله بدأت وكانت كل العيله جاهزه
تمارا كانت بتستقبل الضيوف وهي عينها ع الساعه
فريده كانت قاعده لوحدها لحد ما اسد قرب منها .تعالي عايزك
اسد اخدها ودخلوا المكتب .مش كفايه زعل ولاا اي . فريده زعلك وعياط دا ملوش لازمه +أيهم يرجع وأنا هحل الموضوع دا أيهم بيحبك ي فريده بيحبك اوي
اسد بسها من راسها .وجهزي نفسك من بكره هتنزلي الشركه عندي
فريده .بلاش يجدو الفتره دي
اسد. اللي قولتله هيحصل يلاا.
اسد وفريده خرجوا
مالك كان بيضحك لناس بملل
وتمارا بدأت تتضايق لحد ما
تمارا ابتسمت ورحت لنور وهي بتبص عليها بإعجاب واضح من التغير اللي حصل
نور بتوتر . اتفضلي
تمارا بهدوء.دي تقديمها لمالك مش ليا .خليكي هنا لحد ما اشوف مالك
تمارا مشيت تشوف مالك ونور فضلت تبص ع أجواء الحفله وهي ماذهوله
مالك كان واقف وبيشرب عصير لحد ما عينيه وقعت عليها
مالك استغرب وفضل يركز هي ولا لاء
مالك قرب منها وهو مستغرب الفستان الشيك اللي بين عليه أنه مش رخيص وأنها ازاي اقدرت تجيبه
مالك .انتي بتعمل اي هنا
نور بكسوف.تمارا هانم هي اللي عزمتني .علشان لو احتاجتني
مالك كشر بضيق
نور .اتفضل ثم أكملت بكسوف.انا اسفه ع اللي حصل الصبح ي أستاذ مالك أنا مكنتش قصدي حاجه
مالك اخدها منها بهدوء.محصلش حاجه.وطالما برا الشغل ممكن تقوليلي ي مالك عادي .وشكرا ع الهديه
بعيد تمارا كانت واقفه تبص عليهم وهي فرحانه لحد ما جي اياد
اياد .بتعمل ايه
تمارا بفرحه وهي بتمسك ايد اياد .بص ي اياد بص .البنت بتحب مالك وكمان شكلها عجبه
اياد بص مكان ما بتبص . مين دي اول مره اشوفها
تمارا. السكرتيره بتاعته
اياد .ومين قالك أنها بتحبه مش ممكن تكون طماعنا مش اكتر
تمارا بصتلو بضيق .أنا عارفه بقول اي .أنا غلطانه إني قولتلك
عند مالك ونور
مالك سبها .بعد اذنك ثانيه واحده
....
عند محمد كان قاعد مع بنته
لين .في حاجه ي بابا
محمد .في عريس اتقدملك وطبعاا كان لازم اقولك قبل ما أقوله اي رد
لين اتكسفت.مين
محمد .ادم اياد صاحب الشركه انتي عارفه
لين مره واحده قامت بحده .مش موافقة ع المغرور دا .
محمد .ي بنتي اهدي بس .ولو ع اللي حصل المره اللي فاتت ف هو اعتذار
لين .قولت لاا ي بابا يعني لااا
.....
عند انس كان قاعد بياكل مع منه وايهاب بهدوء
منه .اي ي انس مفيش واحده عجبتك في الشغل
ايهاب ابتسم وبص عليه
انس اول ما قالت كده جي ف دماغه جوري لا قال بحده .لاا
انس قام بسرعه ودخل اوضته
منه فضلت تبص عليه بحزن رح ايهاب حط ايده ع أيدها بدعم
جوا في الاوضه
انس لنفسه .هي جت ف دماغك علشان مش بتجي المستشفى مش اكتر .فوق ي انس وبص لنفسك كويس
انس فضل يبص لنفسه بحزن وبدات الدموع تنزل منه بقهر ع نفسه
....
في الحفله
ليلي بتتحرك لحد ما لاقت يونس في وشها
ليلي بتوتر .يونس ازيك
يونس بحب .كويس .انتي عامله ايه
ليلي .كويسه .بعد اذنك
ليلي مشيت وانس فضل يبص عليها
...
مراد كان قاعد زهقان وبدأ يمشي بين الناس
لحد ما لاقه نور
مراد قرب منها بسرعه .نور مش كده
نور .اهلا أستاذ مراد
مراد .بلاش أستاذ دي أنا مش بحبها .ممكن تقوليلي مراد علطول
نور هزات رأسها وهي بدور ع مالك بعنيها لحد ما لاقته واقف مع واحده
نور فضلت تبص عليها بغضب وهي شايفها بتقرب منه بطريقة مش كويسه دا غير فستانها القصيرة
مرادبشك .معقول مالك هو اللي عزمك
نور .دي تمارا هانم
مراد اخد نفسه براحه .طب تحبي ترقصي
عند مالك بص ع نور لاقها واقفه مع مراد رح ابتسم بسخرية
تمارا اول ما لاقت مراد واقف معها رحت عنده بسرعه .مراد كلم بابا حالاا
مراد.في حاجه
تمارا بكدب .عايزك
مراد .بعد اذنك ي نور مش هتاخر
تمارا لاقتها مركزه مع مالك لدرجه انها مخدتش بالها مراد قال اي اصلا
تمارا .بعد اذنك أنا كمان
تمارا رحت لمالك لكن نور اخدت بعضها ومشيت علطول
مالك بسخرية.امال فين نور ومراد
تمارا وهي بتبص في المكان رحت قالت بخبثه .تلاقيها مشيت اصلها كانت زعلانه اوي
مالك باستغراب .في حاجه حصلت
تمارا .معرفش كانت بتبص عليك ومره واحده اضايقت ومشيت .هروح اشوف الضيوف
تمارا مشيت وخلت مالك يفكر في تصرفات نور
وبعد ساعات كانت الحفله خلصت
وكل واحد رجع بيته
....
عند زهره اول ما دخلت البيت بعتت الصور كلها لي أيهم وكانت اغلب الصور فيها هي وفريده بعد ما فضلت معها طول الحفله وحاولت تخرجها من الجوا الحزين دا
زهره .لما نشوف اخرك ي يا استاذ أيهم
...
عند مالك كان قاعد ع السرير بيبص ع الهديه بتاعت نور لحد ما فتحها واستغرب لأنها جبتلو كتب وروايات
مالك ابتسم وحطها ع المكتب ورح اخد دش ونام
...
في اوضه اياد وتمارا
تمارا .أنت مشوفتش البنت عملت اي وزعلت ازاي لما لاقت مالك واقف مع واحده
اياد رفع عينه بياس . تمارا حبيبتي عارف انك نفسك تفرحي بمالك بس مش كده احنا منعرفش البنت عايزه اي من مالك وزي ما قولك ممكن تكون طماعنا فيه
تمارا قربت منه وقالتله ع حاجه.....
اياد .أنا مش هساعدك في حاجه ي تمارا
تمارا برجاء . علشان خاطري
اياد .قولت لاا
تمارا قربت منه بدلع وهي بتحرك أيدها ع صدره.علشان خاطري ي اياد .ارجوك
اياد فضلت يبصلها بتوتر . تمارا
تمارا وهي بتبوسه . علشان خاطري
اياد هز رأسه بستسلاام ورح سحبها مره واحده.اخد مكافأتي بق
تمارا ضحكت بكسوف وبعدين
......
تاني يوم الصبح
عند أيهم ورزان
كانوا قاعدين بيفطروا سوا لحد ما
ايهم .أنا هرجع بكره مصر
رزان فضلت تبص عليه .ليه
ايهم . كفايه كده .اهلي وحشوني
رزان ابتسمت بتصنع وحاولت تغير الموضوع.لاقت صور لعيد ميلاد مالك
ايهم بهدوء . زهره بعتلي
رزان. ممكن اشوف
رزان اخدت الفون وفضلت تبص ع الصور واخدت بالها أن أغلب الصور فيها فريده
رزان بسخرية.متحاوليش تلعبي معايا ي زهره أيهم بق بتاعي
رزان بخبثه . فريده بين عليها مبسوطة اوي .شكلها اتخطت الموضوع بسرعه
ايهم سحب الفون .مش هي بس اللي عملت كده .جهزي نفسك
علشان نسافر بكره
.....
عند ادم كان في الشركه ومع محمد
ادم .معلش ي أستاذ محمد بس كنت محتاج اعرف ردك
محمد بتوتر .أنا آسف ي أستاذ ادم مفيش نصيب . البنت مش عايزك
ادم قام مره واحده.نعم
البارت8
ملكت الأسد الجزء الثالث
fatmahassan
عند ادم كان في الشركه من بدري لانه كان عايز يعرف رد محمد
ادم .معلش ي أستاذ محمد بس كنت محتاج اعرف ردك
محمد بتوتر .أنا آسف ي أستاذ ادم مفيش نصيب . البنت مش عايزك
ادم قام مره واحده.نعم .مش عايزني أنا
محمد .كل شي قسمه ونصيب ي ابني
ادم بوقحه .أنا مش ابنك .أنا ادم بيه انت فاهم
محمد بصلو بهدوء واتاكد أن بنته عندها حق .طبعاا ي ادم بيه أنا مكنتش قصدي
ادم .اتفضل ع مكتبك
محمد خرج بهدوء
وادم قاعد بضيق .بق ترفضني انااا
ادم مسك الفون واتكلم مع حد وبعدين قفل
ادم.لما نشوف ي لين
...
عند نور كانت قاعده ع مكتبها لحد ما جت ساره
ساره بضيق. مقولتيش ليه انك رايحه الحفله. وازاي اصلاا روحتي
نور .صدقني مكنتش هروح ع اخر لحظه.ومدام تمارا هي اللي عزمتني
ساره بصلتها بضيق .ماشي ي نور
وسبتها ومشيت
نور فضلت تبص عليه بستغراب
...
عند تمارا كانت بتبص ع اياد ببراءة
اياد .طب ازاي .قوليلي
تمارا بضيق .اوف ي اياد قوله عايزك عندي ف الشركه الاسبوع دا وان في ضغط اي حاجه اي اللي مش مفهوم
اياد .دا ع أساس ابنك صغير ومش فاهم في الشغل
تمارا برجاء .ارجوك ي اياد مش انت كمان عايز تتأكد من البنت مش يمكن هي دي نصيب مالك أرجوك خلينا نحاول مش هيحصل حاجة.علشان خاطري
اياد هز رأسه بياس ونزلوا سوا
كان مالك ومراد بيفطروا
بعد ما قعدوا .تمارا فضلت تبص لي اياد
اياد بهدوء.مالك محتاجك عندي ف الشركه الكام يوم دول في ضغط وشوي مشاكل وعايزك معايا .ومراد وادم هيتصرفوا سوا مش كده ي مراد
مراد بملل .طبعاا ي بابا
مالك قام وقال بهدوء .حاضر . عندي اجتماع دلوقتي هخلصه لانه مهم
تمارا بصت ع اياد بسرعه .
اياد . مالك.خلي ادم يشوفه هو انت لازم تكون معايا دلوقتي.يلا
مالك اتحرك مع اياد بستغراب وشك
...
عند فريده كانت قاعده ع مكتبها بملل وزهق
لحد ما السكرتيره دخلت عليها.فريده هانم اسد باشا بلغني أنك لازم تمضي ع الورق دا حالا
فريده مسكت الورق بملل ومضت عليه. اتفضلي
السكرتيره خرجت ودخلت عند اسد .اتفضل ي فندم
اسد اخد الورق .روحي انتي
اسد بدأ يشوف شغلو
....
عند أيهم ورزان كان وصلوا مصر وطلعوا ع بيته علطول
حور بتعب وهي ف حضن أيهم .كده ي أيهم .من امتي وانت بتعمل الحركات دي وتسبنا كده
أيهم .نتكلم بعدين يا ماما
زران كانت قاعده تبص عليهم بنظرات غريبه ملهاش تفسير
زهره كانت بتبص عليها بتحدي .أيهم جدو عايزك .يلاا علشان نروح نشوفه
حور .مش دلوقتي يا زهره أيهم لسه جي من السفر
زهره بضيق .جدو كلمني وقالي دلوقتي يعني دلوقتي
أيهم قام .بس اسكتي .يللا
رزان قامت بسرعه.ايهم ممكن اجي معك
زهره ابتسمت .طبعاا ي رزان
رزان بصتلها بشك وخرجوا كلهم وركبوا العربية
تحت أنظار حور وأسير
حور .ف رأيك بابا عايز أيهم في اي
اسير قام .ابوكي مش عايزه أيهم دي بنتك اللي عايزه أيهم يشوف فريده واخدت رزان معهم علشان تعصبها مش اكتر
حور فتحت بوقها بصدمه .وانت عرفت ازاي
اسير قرب منها وبسها بشغف.لانها بنتي .سلام
...
عند فريده كانت بتكلم منه
فريده.سوري يا منه بجد مكنتش عارفه أتكلم الفترة اللي فاتت مشاكل فريده كانت واخده كل وقتي
منه .محصلش حاجه ي حبيبتي
فريده .مالك .انس بردك
منه بتعب .مش قادره ي فريده مش قادره اشوفه كده .كنت فاكره أنه لما يخرج ويشوف الناس هيتعود ويبدأ يعيش لكن مفيش فايده.
فريده. معلش ي حبيبتي.ان شاء الله كل حاجه هتعدي
منه. يآرب ي فريده.عايزه اشوفك قريب ي فريده محتاجه اتكلم معكي اوي
فريده. ماشي ي حبيبتي.سلام
....
عند أنس كان بيبص ف الورق اللي فى ايده تحت أنظار جوري عندها فضول غريب تعرف بيتصرف كده ليه
انس رفع عينه مره واحده لاقها بتبص عليها
جوري نزلت عينها بسرعه وانس بعد عنها خالص
...
عند ادم كان بيبص عليها وهي واقفه مع ابوها بهدوء
ادم بص عليها برضا وهو بيشرب القهوه بتاعته
تحت
كان محمد بيحاول يهديها .طب اهدي بس
لين بعيط .ي بابا دا طردني وقال عليا حراميه وقولي روحي شوفي سرقتي اي من عند ادم باشا
محمد .طب روحي انتي دلوقتي يلا وأنا هتصرف
لين مشيت بعد ما مسحت وشها
ومحمد طلع ع فوق بغضب ودخل مره واحده
كان ادم لسه واقف زي ما هو
ادم من غير ما يلف .مين سمحلك تتدخل كده .انت اتجنت
محمد بغضب .أنا بنتي مش حراميه انت فاهم .وكان عندها حق لما قالت انك مغرور وحيوان .ولو فاكر اني هسكت لمجرد اني شغال عندك تكون بتحلم
ادم لف .ومين قال انك شغال عندي . أنت مطرود وبعدين طلع ورقه ودا شيك بنص مليون ج مبلغ المفروض انك مضيت ليه يعني بورقه دي أنا عايز منك دلوقتي نص مليون
محمد فتح بوقه بصدمه .انت بتقول اي . أنا مكتبتش ع نفسي ورق
ادم .اثبت
محمد بغضب .انت اي .عايز توصل لي اي بكل دا
ادم ابتسم .لين .عايز أوصل ليها
محمد .بنتي ابعد عنك من النجوم ي ادم ومش هطول منها شعره طول ما أنا عايش وأنا هعمل كل حاجه علشان امنعك
محمد خرج وادم فضل يبص عليها بسخرية.حاول
...
عند نور كانت قاعده مستني مالك ومستغربه هو اتاخر كده ليه
خصوصاً أن معروف عن مالك أنه منتظم في مواعيده اوي
...
عند أيهم ورزان وزهره كانوا وصلوا الشركه ودخلوا علطول
أيهم لاقه فريده قاعده مع اسد
فريده رفعت عينها علطول وفضلت بص عليه بعتاب بس
رزان قربت منه وحط ايدها ع كتفه وبصت ع فريده بتحدي .أيهم انت كويس
أيهم فاق وهز رأسه
فريده قامت عطلول .بعد اذنك ي جدو وخرجت
زهره خرجت وراها
ايهم قرب من اسد وحضنه .
اسد بص ع رزان .ممكن تستني برا عايز أيهم لوحده
رزان خرجت وهي بتقول لنفسها .شكل العجوز المغرور دا مش سهل
جوا
اسد قاعد. شكلك بقت احسن ثم اكمل بسخرية.ونوي تتجوزه قريب ع كده
أيهم. إحنا مين
اسد بهدوء .رزان اي مش شايف انها معجبه بيك ولا اي .ولا انت بتسلي نفسك ومنها تبعد فريده عن دماغك
أيهم بص ع اسد بهدوء .مش محتاج ادفع عن نفسى ف اي كلمه حضرتك قولتها لانك متاكد اني مش كده .بعد اذنك
أيهم قام وقبل ما يخرج .
اسد .استني .
اسد قام ودلو حاجه
أيهم فتحها وبص فيها بصدمه .ازاي وليه
اسد .علشان بحبك .وبحبها .أنا مش عايز غير انك تكون مبسوط
برا
فريده كانت قاعده ع أعصابها ومعها زهره
لحد ما خرج أيهم.يلا ي زهره
زهره.انا هفضل مع فريده
أيهم اخد رزان ومشي ومن غير ولاا كلمه
......
عند محمد رجع البيت هو مهموم ومش عارف يتصرف ازاي لاقه مراته مستنيه
امال .اي اللي حصل .معرفتش افهم حاجة من بنتك
محمد قاعد بتعب.اللي حصل أننا وقعنا في ايد عيل تافه ومغرور شايف نفسه بفلوس أبوه
امال .حصل اي انت خوفتني
محمد حكلها كل حاجه
امال .يمصبتي وأحنا هنعمل اي .
محمد مفيش قدامي غير اني اتكلم مع أبوه أو مع اخوه الكبير لازم اتكلم مع حد فيهم لأن هما املنا الوحيد
امال بخوف . لو معرفتش توصلهم هيحصل فينا اي هنجيب الفلوس دي منين
محمد قدامه .معرفش معرفش .كل اللي فدماغي دلوقتي أن ادم دا ميوصلش لبنتي
...
بعد اسبوع
كانت في رزان تقربيا كل يوم مع أيهم ومش بتسيبوا ابدا
ودا كان معصب زهره جدا خصوصا انها شكه فيها
ايهم كان في الشركه ومركز مع رزان اللي كانت بتشتغل معاا
ايهم قام وقرب منها.رزان
رزان رفعت عينها وابتسمت .اي
ايهم . عايز اتقدملك
رزان بصت ع أيهم بصدمه
...
عند مالك طول الاسبوع دا مكنتش رح الشركه ومحدتش يعرف عنه اي حاجه وادم ومراد كانوا بيشوفوا الشغل
..
عند نور كانت هتتجنن ع مالك وعايزه تعرف في اي
نور كانت قاعده بتشجع نفسها .مش هيحصل حاجه لو سالتلي عليه انتي السكرتيره بتاعه وعادي
ف الوقت دا دخلت تمارا
نور قامت بسرعه. اهلا تمارا هانم
تمارا.اهلاا .في حد مع ادم
نور .لاا حضرتك ممكن تتدخلي
تمارا اتحركت لكن نور قالت بسرعه. هو أستاذ مالك مش بيجي ليه
تمارا ابتسمت ولفت وقالت بحزن مصتنع.هو انتي متعرفيش
نور خافت .اعرف اي
تمارا .مالك خسر كل فلوسه ولأنه كان شغال لوحده وبعد ما خسر كل الفلوس الشركة دي بقت بتاعت ادم ومراد بس .ومالك بق يشتغل عند واحد زميله بس بلاش تقولي لحد أصل الموضوع دا صعب ع مالك
نور .و.واياد بيه مش ممكن يساعدو
تمارا .مع الاسف يفرح مالك ضيع كل فلوسه وكمان رفض مساعده من حد .بعد اذنك بق وزي ما قولتلك بلاش حد يعرف ودخلت مكتب ادم
نور قعدت بحزن
ساره .مالك قاعده كده ليه .وكنتي بتتكلمي مع تمارا هانم في اي
نور رفعت راسها.مفيش .تعبانه شوي
وفضلت ساكته
...
محمد كان عايش في قلق لحد ما أخير قدر يوصل لي اياد
محمد اول ما نزل طلعت عليه عربيه وخطفته
....
عند ادم كان قاعد مع تمارا لحد ما بص ف الفون
ادم قام بسرعه .ماما عندي حاجه ضروري لازم اعملها يلا اخلي مراد يوصلك
تمارا .جاحه اي
ادم . بعدين يماما بعدين
....
مالك كان دايما مع اياد طول الاسبوع وماسك الشغل كله
وعمر ما نور ماجت ف دماغه
مالك . كفايه كده ي بابا .اظن ارجع من بكره اشوف ادم ومراد عاملوا اي
اياد ضحك .فعلا كفايه.ربنا يخليك لينا يا حبيبي. يلا نروح كفايه كده
مالك أبتسم
ومشيوا ركبوا العربيه وطلعوا ع البيت كانت تمارا قاعده وكمان مراد معها
اول ما اياد دخل هو مالك دخل البوليس وراهم
اياد .ممكن افهم في اي
الظابط . مطلوب القبض ع ابن حضرتك بتهمة الاغتصا-ب
...
عند محمد بص حولي لاقه مكان فاضي ف الوقت دا دخل ادم
محمد بصلو.انت مجنون وصل بيك جنونك انك تخطفني
ادم بصلو بسخرية وطلع الفون من جيبه وبدأ يصوره وبعت الفديو لي لين
ادم.ايى حاجه أنا بعوزها بخدها تقدر تقول دا تقاليد عندنا مش بنسيب حاجه عايزنها ابدا
مفيش دقايق والفون رن
ادم اول ما فتحت .
لين بصراخ .انت مجنون ي ادم مجنون وأنا هبلغ عنك
ادم . اعمليها لو عايزه متشوفيش ابوكي تاني
لين .عايز اي مننا حرام عليك سيبه
ادم . دلوقتي حالا تنزلي ف عربيه تحت البيت مستنكي.بلاش تتاخري لو بتحبي ابوكي .سلام
ادم قفل وابتسم لمحمد ببرود .
...
البارت 9
ملكت الاسد
ادم . دلوقتي حالا تنزلي ف عربيه تحت البيت مستنكي.بلاش تتاخري لو بتحبي ابوكي.سلام
ادم قفل وابتسم لمحمد ببرود
محمد وهو بيحاول يتحرك . هتعمل فيها اييي .انطق
ادم بهدوء .متخافش مش هعمل فيها حاجه
...
عند لين بدأت تلبس ودموعها بتنزل
لين لبست بسرعه ونزلت لاقت العربيه فعلا
السواق . اتفضلي ي هانم
لين مسحت دموعها وركبت بهدوء..
....
عند اياد
كلهم بصوا بصدمه
اياد بصدمه .ابني أنا .انت بتقول اي
الضابط .اياد بيه حضرتك ممكن تفهم كل حاجه ف القسم لكن دلوقتي أنا مطلوب مني اقبص ع ابن حضرتك مراد .جبوا
مراد بخوف.بابا أنا معملتش حاجه ي بابا صدقني أنا معرفش حاجه عن الموضوع دا
تمارا مسكت ف مراد .انت مجنون مستحيل ابني يعمل كده
مالك وهو بيحاول يهدي تمارا .ماما بلاش كده متخافيش مش هيحصل حاجه
اياد كان يبص ع مراد بصمت لحد ما مسئول
مالك .يلا ي بابا لازم نكون معاا
تمارا كانت بتعيط واياد واقف ساكت
تمارا بعيط .اياد واقف ليه .اتحرك اعمل اي حاجه ي اياد أنا عايزة ابني .مستحيل مراد يعمل كده انا متاكده
اياد اتحرك بصمت ومن غير ولا كلمه ومالك ورا
ركبوا العربيه وطلعوا ع القسم
...
عند أيهم ورزان
رزان بصدمه .اي
أيهم .عايز اطلب ايدك لو موافقة نعمل الخطوبه
رزان حضنت أيهم بسرعه .طبعاا موافقة
أيهم أبتسم بهدوء
....
عند لين كانت وصلت
لين نزلت من العربيه بخوف ودخلت مع السواق وهي بتبص حوليها لاقت محمد مربوط في كرسي
لين كانت لسه هتجري عليه لاقت ادم وقف قدامها
لين بعياط.انت عايز اي مننا
ادم بدأ يقرب . عايزك انتي
محمد وهو بيحاول يتحرك.حرام عليك سبها .أنا هدفعلك الفلوس ولو عايز احبسني بس سبها
ادم ضحك بسخرية.بس أنا مش عايزك انت .ولو عايز ممكن اعمل كل دا واخدها بردك
ادم ابتسم .اي رأيك ي عروسه نكتب الكتاب وبابا يمشي ولاا
ادم طلع سلاح وشور بيه ع محمد
لين كانت واقفه تعيط وهي تبص ع محمد
محمد كان مقهور وهو حاسس اد اي هو ضعيف ومش قادر يحمي بنته
لين بدموع . موافقة.هعمل كل اللي عايزو
ادم شور ليهم يفكو محمد ومفيش دقايق ودخل المأذون
ادم .يلا ي حمايا
ادم بصوت واطي .خليك عارف انك بتعمل الصح ع الاقل هتطمن أنها بقت مراتي
ادم قعد ومسك ايد محمد بجمود
وبدأ كتب الكتاب وسط عياط لين
وبعد شوي .بارك الله لكما وبارك عليكما وجمع بينكما في خير
ادم بص ع لين
لين جريت ع محمد وفضلت تعيط ف حضنه
...
عند اياد ومالك
كانوا دخلوا القسم ومعهم المحامي
ف المكتب
الضابط.تقول اي ف القضيه اللي مرفوعه عليك انك اعتديت ع نانسي احمد
مراد بسرعه. أنا معرفش حد بـ الاسم دا
الضابط . ازاي وفي شهود ودا غير الكاميرات اللي جابت وانت طلع الشقه
اياد بهدوء .ممكن اعرف مين الشهود دول
الضابط .زياد عز . وكمان احمد جلال
مراد فتح بوقه بصدمه .بابا .صدقني أنا معملتش حاجه.انا طلعت فعلاا بس نزلت علطول
اياد .ممكن تسبنا لوحدنا شوي
الضابط .تحت امرك ي اياد بيه
الضابط خرج واياد بص ع المحامي رح خرج هو كمان
اول ما خرجوا اياد ضرب مراد بالقلم
مراد حط ايده ع خدود
اياد .عيل وهتفضل طول عمرك عيل مش بيجي من وراك غير المشاكل .بس خلاص أنا مش هدخل معك ف حاجه تاني .اتصرف لوحدك
مالك بصدمه .بابا
اياد وهو بيفتح الباب.يلا ي مالك .هو هيعرف يتصرف لوحده
مراد كانت الدموع متحجرة ف عينه
مالك برفض . بابا
اياد بقوه .قولت يلاا
مالك بجمود.لاا بابا أنا مش هسيب مراد
اياد خرج بهدوء وبص ع المحامي ومشي
جوا
مالك أخد مالك ف حضنه .اطمن ي حبيبي مش هتفضل يوم واحد هنا
مراد كان ساكت
اول ما الضابط دخل
مالك .مراد يفضل هنا ف مكتبك مينزلش تحت .وظرف ساعتين هيكون عندك كل حاجه تثبت أن مراد معملش حاجه
الضابط .تحت امرك
مالك .خليك معايا أنت وأنا هتصرف
مالك خرج بغضب وركب العربية واتصل على واحد من رجالته. عايز زياد عز.واحمد جلال يكونوا عندي ف المخازن
مالك زود السرعه وطلع ع هناك مالك فضل يروح ويجي لحد ما
لاقهم دخلين
مالك قرب منهم ومره واحده نزل ضرب ف زياد .بق عيل زيك انت يلعب علينا شكلك متعرفش إحنا مين .
مالك فضل يضرب فيه بغل .انطق يلا منك ليه من اللي عمل الحوار العبيط دا
زياد بتعب.نانسي .إحنا ملناش دعوه.ه.ه.هي طلعت مصورنا واحنا نا-يمين معها كل دا علشان تكسر عين مراد
مالك تف عليهم بقرف .البت دي تجيلي من تحت الارض
وجبهم ويلاا
..........
عند اياد رجع البيت وقعد
تمارا جريت ع اياد .فين مراد ي اياد مجاش معك ليه
اياد بهدوء.ويجي ازاي انتي ناسيه ابنك عمل اي
تمارا بعياط.انت بتقول اي .ابني مستحيل يعمل كده .انت فاهم مستحيل مراد يعمل كده .
تمارا بعياط .جبلي ابني ي اياد .أنا عايزه مراد
اياد حضنها .اهدي .متخافيش هيخرج صدقني
تمارا فضلت تعيط ف حضنه
......
مالك طلع ع القسم ومعاا زياد وأحمد
وبعد شوي وصلوا
مالك دخل وأحمد وزياد وراا
الضابط بص عليهم بصدمه مش شكلهم
مالك بغرور وهو بيرمي تسجيل .اتفضل والشهود اللي بتقول عليهم اهم .اظن دلوقتي مراد يقدر يخرج
وقبل ما الضابط يتكلم دخلت نانسي .وقالت بخوف .معملش حاجه ي باشا معملش حاجه أنا كدبت ومستعده اترمي ف السجن
مالك استغرب خوفها وبعدين ابتسم بهدوء
الضابط سمع الافاده بتاعتهم وفعلاً تم إخلاء سبيل مراد
ف العربيه كان مراد قاعد ساكت
مالك وهو بيحط ايده ع شعره. مالك ي حبيبي.انت كويس
مراد.مسمعنيش وسبني لوحدي .مصدقش اني مستحيل اعمل كده
مالك.عارف أن بابا عقابك بطريقة غلط وفي وقت غلط لكن صدقني بابا متاكد انك مستحيل تعمل كده واكبر دليلي البت اللي دخلت ابوك اللي بعتها .مراد إحنا بنحبك وبنخاف عليك مش لازم علشان تعيش حياتك تمشي غلط ومع ناس زباله زي دول .
....
عند نور كانت تبص ع الفلوس اللي ف أيدها
نور .هو مش مبلغ بس ممكن ينفع
نور بصت ع صورت ابوها.معلش بق ي بابا.انا عرفه انك تعبت ف الفلوس دي وأنها ليا بس ثم أكملت بحب .أنا هساعده دا طيب اوي بحسه شبهك لما يكون موجود بطمن اوي بحس انك هنا انك رجعت
نور حطت الفلوس ف الشنطه ورحت تنام
....
عند مالك مراد
كانوا رجعوا
تمارا جريت ع مراد وفضلت تعيط
مراد .خلاص ي حبيبتي دا هما كام ساعه بس
مالك .ايوه يعم هو حد قدك
تمارا اخدت مراد وهي لسه ف حضنه ودخلوا جوا
مراد اول ما شاف آياد قال.بعد اذنكم أنا تعبانه
وطلع وسبهم
مالك .مكنش ينفع تعمل كده ي بابا
اياد بغضب .هتعملني اعمل ايه ي أستاذ مالك ولا اي
مالك بضيق .لاا طبعاا .بعد اذنك
مالك طلع ع فوق هو كمان
تمارا فضلت تبص عليه
اياد .في حاجه عندك انتي كمان
تمارا طلعت من غير ما ترد عليه اصلا
...
عند البنات كانوا قاعدين سوا
زهره بملل .إحنا هنفضل نبص لبعض كتير أنا زهقت
جوري.وحضرتك عايزه اي بق
ليلي وهي بتلعب فى الفون .سيبك منها
زهره بخبثه .طب سيبي الفون يونس مش هيطير
جوري بغضب.زهره
زهره بصت ع فريده لاقتها قاعده وسرحانه . فريدة انتي كويسه
فريده قامت .معلش ي بنت أنا تعبانه ومش قادرة اتكلم دلوقتي.ومحتاجه انام
فريده سبتهم ومشيت
زهره.كده مش هينفع احنا لازم نتصرف مع فريده وأيهم
جوري وليلي . هنعمل ايه
زهره بدأت تفكر هيعموا اي
...
ف بيت انس
انس كان بياكل بهدوء ومنه بتكلم ايهاب
منه بصت ع انس . فريده كانت نفسها تشوفك جدا .وبجد هتحبها اوي هي والبنات وخصوصا جوري .اي رأيك ي حبيبي تفضل معنا وتشوفها
انس رفع عينه بسرعه .جوري
منه اتكلمت بفرحه.ااه دي هي كمان دكتوره.زيك
انس قام .أنا شبعت
انس طلع ع اوضته وهو مستغرب.تشبه اسماء اكيد مش هي
انس نام وهو بيفكر فيها
.....
عند ادم ولين
ادم كان بيبص عليهم بهدوء .مش كفايه كده .مش يلا
محمد مسك فيها بخوف.ع فين
ادم .ع بيتنا . هيكون ع فين يعني
لين مسكت ف محمد بخوف .بابا أنا مش عايزه اروح معااا
محمد دموعه نزلت وبص ع ادم برجاء .طب .طب خليها معنا كام يوم
ادم بجمود.لاا .
ادم سحبها بهدوء ف عربيه هتوصلك لحد البيت
ادم اخدها ومشيوا لين طول الطريق بتعيط
بعد شوي نزلوا ادم اخدها وطلعوا ادم فتح الشقه
لين كانت بتبص عليها بخوف
ادم بحب .تعالي افرجك ع الشقه
ادم كان بيفرجها كل حاجه بهدوء
ادم قرب منها.انتي حلوه اوي ي لين
لين بخوف.انا عايزه ماما .
ادم مسكها من أيدها وسحبه ليه . دلوقتي مفيش غير ادم .ادم وبس
وبعدين
.......
الصبح بدري
كانت نور قامت بنشاط ومسكت رقم مالك واتصلت عليه
مالك كان لسه بيجهز.الو
نور بتوتر .أستاذ مالك .أنا نور .حضرتك أنا عايزه اشوفك حضرتك ضروري. ممكن نتقابل ف كافيه**
مالك بهدوء .ماشي . نص ساعه وهكون هناك
وقفل وكمل لبس وبعد ما خلص نزل تحت
مالك قعد ع السفره .فين مراد وادم
تمارا.ادم كان عنده شغل كتير وبعد ما خلص رح الشقه ومراد لسه ف الاوضه بتاعته
ليلي .هو حصل حاجه
مالك .لاا ي حبيبتي محصلش حاجه كملي أكلك
مالك بعد ما خلص قام وخرج علطول
بعد شوي وصل الكافية
دخل لاقه نور موجود
مالك .ممكن افهم عايزني في اي
نور طلعت الفلوس بكسوف .دا مبلغ .هو مش كبير عشرين ألف ممكن تاخدهم وتساعد بيهم نفسك دلوقتي.انا عارفه انك محتاجكهم
مالك بغضب .فلوس اي اللي محتاجها انتي مجنونه ولاا اي . وبعدين ازاي وحده زيك يكون معها مبلغ زي دا روحي شوفتي انتي سرقتهم منين ي شاطره
مالك خرج وسبها وكل الناس فضلت تبص عليها
نور حطت الفلوس ف الشنطه وطلعت تجري ع برا والدموع بتنزل من عينها
....
عند ادم ولين
ادم صحي من النوم ع اللي نايمه ف حضنه
ادم ابتسم بهدوء وهو بيرجع شعرها وبيبص عليها بتركيز
ادم فضل يحرك ايده ع وشها
ادم .لين.لين
لين ....
ادم .لين
لين فتحت عينها بنوم
ادم . صباح الخير.
لين بصت ع ادم بدموع ولفت وشها الناحية التانية
ادم قام بضيق.ورح ياخد دش لين دفنت وشها ف السرير وفضلت تعيط بوجع
بعد شوي ادم خرج وبدأ يلبس بضيق وخرج من البيت
....
عند مراد
كانوا بيفطروا بهدوء لحد ما
أيهم .أنا قرارت أخطب
زهره حطت الاكل من أيدها. نعم
اسيربهدوء ..ومين دي
أيهم.رزان قرارات أخطبها وبعد اسبوع هيكون الفرح
زهره قامت بغضب . وفريده انت نسيتها بسهولة كده
أيهم بغضب . زهره اتكلمي كويس وعارفي انك بتكلمي اخوكي الكبير
زهره بصت عليهم بغضب وخرجت بسرعه
حور .وطالما أتت مقرر كل حاجه بتاخد رأينا ليه
حور قامت وطلعت ع فوق وأسير طلع وراها
أيهم بص عليهم وطلع ع الشركه
...
عند زهره ركبت العربيه وطلعت ع بيت فريده
بعد شوي وصلت
زهره طلعت ع فوق بغضب ودخلت بقوه لاقتها بتلبس
فريده بخضه .في اي يزهره
زهره بغضب .في أن أيهم هيخطب وهيتجوز
فريده عينها احمرت لكن قالت.الف مبروك .
زهره بغضب. فريده بلاش تعصبني بقولك أيهم هيخطب .وهخيطب الحربايه دي .أيهم بيحبك .بلاش تكوني غبيه ي فريده ارجوكي حاولي ترجعي أيهم .أيهم عمره ما هيكون مبسوط مع واحده غيرك . فريده دي فرصتك الوحيدة ارجوكي ي فريده
فريده بدموع .كل حاجه خلصت
زهره وهي بتحاول تقنعني.لاا لا صدقني انتي تقدري ترجعي ايهم .أيهم لسه مخلي كل حاجه ليكي ي فريده صدقني أيهم عمره ما هيبطل يحبك لكن لو سكتي دلوقتي أيهم عمره ما هيكون ليكي ابدا
فريده بتوهان .ابدا
فريده طلعت تجري ع تحت وركبت العربية
فريده .ع بيت انكل اسير بسرعه
البارت 10
ملكت الاسد الجزء3
فريده طلعت تجري ع تحت وركبت العربية
فريده .ع بيت انكل اسير بسرعه
فريده لنفسها.لا .لاا مستحيل يسبني
بعد شوي نزله وفريده نزلت تجري ع جوا
فريده لخدامه اول ما شافتها . ايهم.ايهم فين
الخدامة.خرج ي هانم
فريده خرجت بسرعه من غير حتي ما ترد ع حور حتى
حور فضلت تبص عليها وقالت بغضب.اكيد زهره قالتها
....
عند أيهم كان قاعد ف الشركه
أيهم بهدوء وهو بيتكلم ف الفون .كلمتهم وعرفتهم أن آخر الأسبوع هيكون الفرح .وكل حاجه جاهزة لي الخطوبه لحد ما تنزلي انتي وباباكي
...
أيهم بخناقه.معلش ي رزان لازم اقفل دلوقتي.وهكلمك بعدين . سلام
أيهم رمه الفون ع المكتب
أيهم فتح الدرج وطلع صوره لفريده وفضل يبص عليها بياس
لحد ما الباب افتح مره واحده
أيهم قلب الصوره وقال بصدمه . فريده
فريده جريت حضنت أيهم وهي بتعيط ..ا.ان.انت
أيهم كان بيحاول يهديها . فريده اهدي . حصل اي
فريده كانت بتهز رأسها برفض وهي بتعيط .ا.انا بحبك ي أيهم .صدقني بحبك اوي
أيهم بخوف .عارف. عارف ي حبيبتي.بس اهدي
فريده كانت بتزيد وهي بتتضربه .انت سبتني .سبتني ليه طالما عارف .أنت بطلت تحبني.بقت بتحبها هيي صح.انت هتسبني
أيهم.فريده خلاص . اهدي
فريده برجاء.قولي بطلت تحبني مش كده .مش هتكون معايا تاني صح دلوقتي بتحبها هي.
أيهم بقلق . فريده بلاش كده .انتي كده بتخوفني
فريده دفنت وشها ف حضنه وفضلت تعيط بوجع
أيهم حضنها بحزن .بس ي حبيبتي خلاص .أنا عمري ما هسيبك
فريده فضلت تقول كلام مش مفهوم
أيهم خرجها من حضنه وهو بيبص عليها.فريده انتي مراتي وهتفضلي مراتي ي حبيبتي بس اهدي
أيهم رجع حضنها اكتر لكن مره واحده حس بتقل
أيهم . فريده.فريده
أيهم شالها ونزل بيها وحطها ف العربية وطلع بيها ع المستشفى
....
عند نور كانت رجعت بيتها واترمت ع السرير وفضلت تعيط بوجع وكل كلمه قالها مالك بتوجع فيها اكتر
عكس مالك اللي نسي الموضوع اصلا
ف الشركه
مالك دخل مكتب ادم .مرجعتش ليه
ادم بهدوء .ابدا اتاخرت ف الشغل وبعدين حبيت افضل لوحدي .حصل حاجه
مالك قاله كل حاجه.
ادم بصدمه .وازاي محدتش كلمني
مالك بهدوء . مكنش موضوع كبير .أنا وبابا اتصرفنا خلص شغلك وارجع ع البيت
ادم هز رأسه بهدوء
....
عند اسد وملك
ملك كانت قاعده في حضنه .حور كلمتني قالتلي أن أيهم هيخطب .مش عارفه فريده هيحصل فيها أي لما تعرف
اسد بسرحان.سيبي كل حاجه لوقتها ي ملك .بلاش تفكري كتير
ملك حطته دماغها ع صدر اسد وأسد فضل يلعب ف شعرها بهدوء
.....
عند اياد خرج من المكتب لاقه تمارا قاعدة بتشرب قهوه بهدوء
اياد قرب منها.محتاج اتكلم معاكي
تمارا بصت عليه بضيق .نعم ي اياد في حاجه
اياد بهدوء . تمارا أنا مش عايز اتخناق معكيى دلوقتي لاني عندي حاجات اهم وأولها اني قرارات أخطب لمراد
تمارا وقفت قالت .نعم .انت بتقول اي
اياد.يعني أنا قرارات اكلم اسير واخطب زهره لمراد
تمارا بصتلو بصدمه .من غير ما تاخد راي مراد
اياد بجمود.انا عارف مصلحته.ودا الصح
تمارا هزات رأسها بغضب .لاا ي اياد لااا مش هيحصل انت فاهم
اياد بهدوء.انا بعرفك ي تمارا مش باخد رأيك
تمارا بغضب اكتر .وياترا بق فكرت هتتضغط ع مراد ازاي .ولا هتعمل زي ما ابوك ما عمل . ثم اكلمت بصوت عالي .انا مستحيل اسمحلك تعمل كده ف ابني واللي حصل زمان عمره ما هيتكرر ي مراد مش هخلي مراد يكون زيك ابدا .ابدا ي اياد
اياد بص ع انفعالها.عمرك ما هتسامحني مش كدا .عمرك ما هترجعي تحبني زي الاول
اياد خرج ع برا تحت أنظارها
تمارا قاعدت بتعب
....
عند أيهم وفريده
أيهم كان قاعد جانبها بيبص عليها بهدوء وهو بيفتكر كلام الدكتور
أيهم حرك ايده ع وشها بحزن.اعمل اي يفريده .قوليلي اتصرف معكي ازاي
فريده بدأت تفتح عينها ولما شافت أيهم بدأت دموعها تتجمع تاني
أيهم .بس ي حبيبتي.بس.انتي تعبانه
فريده بتعب .روحي ي أيهم.مش عايزه افضل هنا
ايهم هز رأسه وشالها بهدوء فريده حطت دماغها ع رأسه وغمضت عينها بتعب . أيهم خرج بيها
أيهم حطها ف العربية بهدوء وطلع
أيهم كان كل شوي يبص عليها وهي مغمضه عينها
...
عند لين
قامت من النوم بتعب وفضلت تبص حوليها بتعب
لين قام وهي لفه الملايه عليها ودخلت تاخد دش
لين فضلت واقفه تحت المياه ودموعها بتنزل بصمت
لحد ما خلصت لين لفه فوطه حولين جسمها وخرجت
لين فتحت الدولاب وبصت ع كميه الهدوم بسخريه
لين لبست ورحت تنام تاني بكسل.
..
عند مالك كان شغال ومره واحده افتكر اللي نور عملتو رح ابتسم بسخرية ورجع كمل شغل تاني
...
عند انس كان بيبص ع جوري وهي واقفه مع وائل
وائل كان بيحاول يهزر معها وهي بتحاول تبتسم
جوري بصت ع انس وبعدين قالت.انس محتاجه اتكلم معك .بعد اذنك ي وائل
جوري رحت لي انس اللي اتوتر
جوري وهي بتمشي جانب انس . سوري اني استغلتك بس كنت عايزه اهرب مني
انس .مح.محصلش حاجه
جوري ابتسمت .بعد اذنك
كل دا تحت أنظار وائل اللي اول ما جوري مشيت قرب من انس
وقال بتهديد . ياريت ي دكتور متبصش لحاجه مش بتاعتك .دي نصيحه مني
انس مشي من غير ما يرد عليه
....
عند يونس وليلي
كانوا خارجين سوا ودا طبعاا بعد إصرار يونس
ليلي كانت بتاكل بتوتر وهي شايفه نظرات يونس .في اي
يونس بحب .ابدا بحب ابص عليكي
ليلي اتكسفت .يونس همشي
يونس ماسكها من أيدها .ليلي أنا عارف ان احنا اتكلمنا قبل كده وسمعت رأيك .بس أنا بحبك ولسه مستني انك تفكري
ليلي سحبت أيدها بكسوف.يونس نتكلم بعدين ممكن
يونس . طالما هنتكلم .ماشي
يونس وليلي ركبوا العربيه ويونس فضل يلف بيها
...
عند ايهم كان وصل
أيهم نزل وفتح الباب لفريده . فريده حبيبتي.قومي
فريده فتحت عينها بتعب . احنا فين
أيهم شالها بهدوء .هفهمك كل حاجه.فوق
أيهم طلع بيها ع الشقه
بعد ما دخلوا
أيهم سحبها وقاعد وهو شايف نظراتها.دي شقتي .كنت عايز اتكلم معكي لوحدنا وكمان تستريحي شوي علشان محدتش يقلق عليكي . ممكن نتكلم ف اللي حصل ف المكتب
فريده نزلت عينها .أنا اسفه .معرفش عملت كده ازاي .
أيهم رفع رأسها . فريده بصيلي .أنا مش بتكلم معكي علشان اسمع اعتذار منك .
أيهم اخد نفس .صعبتي المواضيع اوي يفريده .مش عارف اتكلم
فريده اتكلمت بدموع.انت بجد هتتجوز .انت حبتها فعلا ونستني
أيهم وقف . فريده انتي مش هتفهمي حاجه
فريده قامت وقربت منه .أنا مش عايزه افهم اي حاجه غير حاجة واحد أنت بطلت تحبني
أيهم ....
فريده برجاء ودموع .أيهم رد عليا .قول اي حاجه
أيهم بصراخ.لاا يفريده لااا .مش هو دا اللي عايزه تسمعي.ايوه لسه بحبك ولسه لحد دلوقتي بحاول افهم ليه عملتي كده ليه يفريده ليه عملت اي علشان دا كله .
أيهم مسكها من أيدها جامد ..ليبيه يفريده ليه
فريده كانت بتعيط وبس
أيهم حضنها .ليه يفريده ليه
فريده حضنت أيهم وهي بتعيط .متسبنيش ي أيهم .
ايهم خرجها من حضنه وفضلت يبص عليها وبعدين قرب منها وبسها بحب
فريده فاقت وقالت بضعف .أيهم .مينفعش
أيهم وهو بيبوسها من رقبتها.انتي مراتي ي فريده.وهتفضليى كده
وبعدين
..
عند فريده كانت بتحاول تتصل ع فريده مفيش حد بيرد
فريده بغضب .زهره قوليلي حصل اي وفريده رحت فين
زهره بضيق .ي طنط قولتك اللي حصل فريده رحت تكلم ايهم.ممكن تهدي بق علشان نعرف هنعمل اي لو انكل ياسين رجع وهي مش موجوده
فريده بصت عليها بغضب.اسكتي ي زهره اسكتي خالص.وياسين اكيد هيعرف
زهره قربت منه وقالت بضيق .انتي مضايقه ليه .ما احنا كلنا عايزنهم يرجعوا لبعض
فريده سكتت بتفكير
زهره بسرعه .صدقني ي طنط .دي فرصه كويسه علشان يرجعوا لبعض
فريده بتمني .يآرب
فريده بقلق .ربنا يستر وياسين ميعرفش
....
عند أيهم وفريده بعد ساعات
كان ايهم فتح عينه بنوم وقام اتعدل بسرعه
أيهم لبس هدومه وخرج وفضل يفكر ايى هيحصل لما تقوم فريده
أيهم مكنش مضايق ولا حاسس بذنب كل اللي كان همه رد فعل فريده
اربعه مسح ع وشه.اللي حصل
حصل خلاص ي أيهم
أيهم اخد نفس ودخل الاوضه لاقه فريده قامت وبتبص لقدام وساكته
أيهم قرب منها بهدوء .انتي كويسه
فريده بصت ع أيهم ورجعت تبص لقدام تأني
أيهم.فريده اللي حصل . كان غضب عنا .غير كده انتي مراتي
فريده بدموع .لاا .لااا أنا مش كده .أنا مش كده .انت طلاقتني
فريده فضلت تعيط اكتر. وهي بتتضرب نفسها
أيهم مسكها بغضب .انتي مراتي فاهمه
أيهم طلع ورقه من الدولاب .دا عقد جديد
فريده بصت ع الورقة بصدمه .ازاي
ايهم .مش مهم . دلوقتي تقومي تلبسي وأنا هكلم انكل وهنتجوز اخر الاسبوع
فريده بدموع .اخرج ي أيهم اخرج
ايهم سبها وخرج بهدوء
وفريده لبست وخرجت ورا فريده طول الطريق ساكته وبتبص بعيد عنه
بعد شوي وصلوا
ايهم . انتي كويسه
فريده.مش هتفرق
فريده دخلت ع جوا لاقت فريده معها زهره
زهره قربت منها بسرعه وقالت.حصل اي
فريده امها بخوف .مالك شكلك عامل كده ليه ي حبيبتي
فريده حضنت امها وفضلت تعيط وهي حاسه نفسها واحده حقيره
امها طلعتها من حضنها.حصل اي ي فريده.قولي
فريده مسحت دموعها وقالت وهي بتحاول تتضحك.ا.انا وأيهم رجعنا لبعض وهو هيكلم بابا
زهره قالت بفرحه.بجد .كنت متاكده .أنا لازم اقول لماما .سلام
فريده بصت ع بنتها بشك . فريده حصل اي
تكملة الروايه اضغط هناااااااا
تعليقات
إرسال تعليق