رواية أحببت مجنونه احببت اخى الجزء الرابع البارت 1-2-3بقلم نجمه براقه في موسوعة القصص والروايات جميع الفصول كامله وحصريه
رواية أحببت مجنونه احببت اخى الجزء الرابع البارت 1-2-3بقلم نجمه براقه في موسوعة القصص والروايات جميع الفصول كامله وحصريه
البارت الاول
بعد 24 عامآ
#جميله
كنت قاعده على سريري زي كل يوم قبل ما انام بتصفح مواقع التواصل من الاب توب بتاع مريم وحسابتها اللي ادتهملي حاكم انا الفرع اللي بيشحت دايما.. ايوااا البنت اللي بتلبس هدوم اختها برافو عليكم، وكل اللي في البيت عارفين اني متعلقه جدا بالانترنت وسيبيني براحتي وخاصه ان مفيش طريقه اتواصل بيها مع صحباتي غير الطريقه دي، طريقه المحادثه الكتابيه
انا اسمي جميله 24 سنه، بنت منعزله علي ذاتي صماء مبتكلمش بسبب حادثة حصلتلي انا وصغيره وبسببها فقدت النطق، من الخضه طبعا. كانت ماما واخده مريم بتوديها لدكتور وانا قاعده لوحدي، ف جه علي بالي اعمل حآجه اكولها وفجاه النار هبت في البتوجاز، واشتعلت في المطبخ وانا بقيت وسط النار، ولكن كان ليه عمر ولحقوني و بسبب الخضه وقتها مقدرتش اصرخ وصوتي راح، لكن بسمع كويس، الحمدلله... مش هطيل عليكم..
خلال تصفحي لمواقع الانترنت، وصلني رسالة من شخص بأسم مستعار « لوسيفر» ضحكت علي الاسم وقولت لنفسي اعوذ بالله، في حد يسمي نفسه «لوسيفر،» ولوسيفر تعني اسم ابليس تجاهلت رسالته لاني مبكلمش غرباء ولان اكيد ميعرفنيش لاني مش كاتبه اسمي الحقيقي ومريم كاتبتلي اسم الحساب «ملاك،» زي ما بيسموني في البيت
ولكن تجاهلي لرسالته ممنعهوش يبعت تاني وتالت
بيقولي مش هتخسري حآجه لو رديتي يا ملاك... ملاك دا اسم حسابي على الانستجرام.. ضحكت اكتر، طيب ازاي ملاك يرد علي ابليس،. لا اخفي عليكم سر، لكن مقدرتش اقاوم فضولي بأني اعرف عاوز مني ايه، برغم عدد الرسايل الكتير المتعلقه في الطلبات.. رديت عليه __ لوسيفر؟
رد عليه_ ايووه لوسيفر، اخيرا رديتي
قولتله_ ولوسيفر عاوز ايه من ملاك، ليكون عاوزني اشفعلك لدخول الجنه ههههه
رد عليه وقالي _ مجرد ردك عليه يعتبر اول خطوه ليها
استغربت عشمه الزيادة وقولتله _ انت تعرفني؟
رد وقالي من زمان،.. قولتله_ وتعرفني منين ان شاءلله
رد وقالي_ مش مهم، المهم اني اعرفك من زمان يا مريم.. ضحكت عليه لانه فاكرني مريم مش جميلة بس قررت اكمل ونشوف اخر معجبين اختي المصونه اللي كل يوم ليها معجب شكل وهي مش معبراهم علشان هي حاطه عينها علي امير يجيلها بحصانه الابيض ورافضه فكرة الارتباط والحب غير من اميرها اللي شكله كده مات في الطريق ومش عارفين يوصلو لجسته ههههه.. بعدين رديت وقولتله _ وانت عاوز مني ايه، هو احنا اتكلمنا قبل كده.. رد عليه وقالي.. لا دي اول مره، انتي متعرفيش ان في حد اسمه لوسيفر علي وجهه الارض اصلا تبعبتيني ياشيخه
قولتله_ طيب وبعدين ياعم لوسيفر اي المطلوب مني دلوقتي.. قالي مش عاوز اكتر من اني اكون عندك ف الفانز واشوفك نشط قدامي
قولتله... انا معرفكش علشان اضيفك عندي.. قالي، نتعرف.. اضايقت منه ومن نفسي لاني اتكلمت مع واحد معرفهوش علي اني مريم ولاني مليش علاقات من اي نوع بشباب اكتر من رحيم اخويا، اللي انا وهو صحاب لدرجة كبيره من يوم وفاة ولدته وهو عايش معانا في البيت وبنحكي لبعض كل التفاصيل،،، المهم اني قفلت الاب وسيبت لوسيفر دا يتكلم مع نفسه ونمت لصبح
#مسك
انا مسك 24 سنه مخُرجة إعلانات مبتدأئه بس بيقولو عليه شاطره وليه مستقبل وخصوصا بابا دايما يقولي اني بنت ذكيه وهقدر اوصل بسرعه. وامبارح كان مطلوب مني اصور إعلان عطور لاحدي شركات العطور الشهيرة وكنت محتاره ممكن تتصور فين، وكانت مشكلتي ف المكان، كنت عاوزاه اصوره ف مكان حلو وفخم ويخطف العين علشان يناسب ماركة العطور وفخامتها، قعدت افكر كتير وانا محتاره بين اكتر من مكان وكلهم اماكن بره مصر طبعا.. اخر ما دوخت من كتر التفكير طلعت من اوضتي وروحت اوضة بابا اللي لقيته كالعاده قاعد على الكرسي وماسك البوم الصور وبيقلب في صور سفيان، اللي انا عمري ما شفته غير في الصوره، سفيان اخويا اللي خلاص فقدت الامل اني اشوفه بس كل ما افقد الامل كان بابا يأكدلي انه هيرجع، معرفش ازاي ممكن يرجع وهو مخطوف من سن سبع سنين، تلاقيه نسي مين ابوه ومين اهله.. المهم اني قربت منه وهو محسش بيه وفجاه دمعه تنزل من عينه، علشان اوطي وامسحهالو بحنيه،.. اول ما شافني جفف دموعه وقفل الالبوم وابتسملي وقالي.. ايه مصحيكي لغيت دلوقتي.. قولتله_ مجينيش نوم بفكر في الشغل. وانت صاحي لدلوقتي ليه.. قالي شوية دوشه في دماغي، بس هنام اهو، روحي نامى انتي كمان.. حسيت انه بيوزعني علشان يكمل تقليب في الصور.. قولتله هرجعهولك يا بابا، قولت كده وانا مش عارفه ممكن ارجعه ازاي واقابله فين اصلا وانا لو شفته مش هعرفه ولا هو هيعرفني، ضحك بخيبه وقالي.. هه ياريتها كانت بالبساطه دي، اللي خده خفا اي معلومه عنه لدرجة ان البوليس الدولي نفسه معرفش اي معلومه عنه.. استفزتني الكلمه وكانه ضغط علي الوتر الحساس وهو العند، قولتله.. بابا انا مسك بنتك لو حطيت حآجه في دماغي هعملها، وبعدين البو.ليس الدولي يقرب ايه لسفيان علشان يدور عليه بضمير كلهم موظفين وبيشتغلو اي كلام علشان ياخدو مرتبات رد عليه بضحك.. ههههه انا عارف انك بميت راجل بس مش لدرجة دي يعني.. انا معروف عني اني بنت مسترجله وبحب التحدي، واتحديت نفسي فى الوقت دا اني هلاقيه وهعمل اللي البو.ليس الدولي نفسه معرفش يعملو واحساس تاني جوايا بأني لازم اشوف اخويا الوحيد، شكله ايه وعايش ازاي،.. احساس بأني لازم اشوفه واتكلم معاه في كل حآجه حصلتلي وكل نجاح وصلتله وفجاه يقطع حديثنا صوت ماما وهي بتقول بحده.. ايه مصحيكي لغيت دلوقتي، مش تسيبي ابوكي يرتاح.. بصتلها وقولتلها_ هنام بس حبيت اطمن عليه الاول.. ردت عليه بقسوه_ لا اطمني هو كويس، يلا روحي على اوضتك، وجاني صوت بابا _ سيبيها يا رودينا انا قولتلها تقعد معايا شويه.. لترد عليه بجديه خلاص لما تخلصو انا عاوزة اتكلم معاك شويه، وبتمشي وتسيبنا.. بصيت لبابا بحزن وغصب عني دموعي نزلت وقولتله.. اول مره اشوف ام بتكره بنتها كده.. حط ايده علي رأسي بحنيه وقالي بنبره حب.. هي بتحبك بس مبتعرفش تعبر عن احساسها.. زادت الدموع في عيوني.. وقولتله، ومبتعرفش تنام معاك في نفس الاوضه بردو، انا مش فهماكم ازاي اتنين متجوزين كل واحد فيهم في اوضه، امال عايشين مع بعض ليه.. رد عليه بحده_ دي حآجه تخصنا احنا مينفعش تدخلي فيها كده عيب
حسيت بالخجل منه و وطيت رأسي واعتذرت.. جاني رده بعطف _ بكره تفهمي، بس روحي نامى دلوقتي.. بوسته وقولتله تصبح علي خير وروحت اوضتي وانا مش قادره اشيل فكرة اني ادور علي سفيان من دماغي، اعتبرتها تحدي علشان اثبت لنفسي اني مفيش حآجه توقف قصادي.دا الي اتعلمته من صغري ومن نصايح بابا ليه... اتصلت علي عبقرينو مساعدي ويعتبر اينشتاين العرب، بيفهم في التكنولوجيا والهـ.كر واختر.اق اي موقع او اي تليفون وادتلو اسم شيرين اخت حمزه بهاء الدين اللي خطف سفيان هو وصغير، وطلبت منه يخترق كل حسابتها لانه اكيد علي اتصال بيها ومن خلالها هنعرف هو في اي بلد . طبعا مستغربين عرفت ازاي، بس هما قالو قدامي الموقف كذا مره ومجاش علي بالهم اني ممكن افكر اعمل حآجه، لكن خلاص انا كبرت وقررت اني هكون سند بابا لغيت ما يرجع سفيان
#مراد
بعد ما مشيت مسك من عندي جت رودينا وهي زعلانه.. قولتلها مالك، قالتلي بجدية، انت عارف مسك عنيده وممكن فعلاً تروح تدور عليه ليه فتحتو السيره تاني.. قولتلها متقلقيش هي مش هتعرف عنه حآجه عشان تدور عليه بيها.. جاني ردها متزعلش مني يا مراد بس هي بنت هتقدر تعمل ايه في جبروت حمزه لو عرف انها بتنبش وراه.. قولتلها بتفهم _ من غير ما تقولي انا مش هسمحلها توقع نفسها في مشكله، دي مهما كانت بنتي بردو... ردت عليه بتنهيده _ مش كفاية كده يا مراد،البنت لازم تعرف مين ابوها يمكن لو هو عرف كمان يرجعلك سفيان علشان ياخد بنته.. اضايقت من كلامها وقولتلها بنبرة غضب _ سفيان هيرجع ومسك بنتي انا مش هو مسمعكش تقولي الكلام ده تاني.. لتميل رأسها بخيبه وتقول_ وانت ذنبك ايه تتحرم من ابنك السنين دي كلها.. رديت عليها وقولتلها _ ابني هيرجع وهيكون عكازي بدال رجلي اللي اتقطعت لتنزل دموعي اللي حاولت اخبيها كتير، لتقترب مني هي وتنزل علي ركبتيها وتبصلي بحزن وتقولي _ ان شاءلله هيرجع ربنا كبير رديت عليها والدموع لا تكف عن النزول .. وحشني اوي يا رودينا نفسي اشوفه مره قبل ما اموت، لتحتضني وتهون علي وتربت علي كتفي وتشاركني البكاء وتقولي _ ربنا شاهد وعالم بحالك، وهيجبرك ويعوض صبرك ويقر عينك زي ما حصل مع سيدنا يعقوب،
#سيف
مع صباح يوم جديد في ولاية لاس فيجاس في الولايات المتحده الأمريكية يدخل ضوء الشمس من نافذة الغرفة ليوقظني من نومي لافتح عيني وانا في مكاني الا ان تاخذ عيني علي منظر الغرفه ثم ارا تلك الجميله النائمه بجانبي وهى شبه عاريه كل ما يسترها ذلك الغطا الخفيف الملقي علي اسفل ظهرها وينتهي عند ركبتيها وعلمت حيناها اني لست بالمنزل ،.. واتذكر ليلة امس عندما كنت مواعد صديقتي التي تعرفت عليها في الليله الماضية، نعم انا اعرفها من بضع ساعات فقط والان هي علي فراشي،... ف لاس فيجاس تسمي بمدينة الخطا.يا ومعظم الولا.يات الأمر.يكية معروف عنهم مثل تلك الأشياء، كل ليلة مع جميلة من الجميلات، وبدون مقابل، تحت شعار التحرر،.. لا قيود للعلاقات الجنـ.سيه، لا احتاج ان اتزوج لاضاجع الجميلات.. انها الحريه لا قيود لا زواج فأنا ايضاً اعتبر الزواج مثل الوتد يقيدون به الماشيه بأسم المسؤليه والابناء والخ الخ الخ وانا في غني عن تلك الساخفات،.... ولن اسبق الاحداث، ف ربما اجد تلك الفتاة التي تجبرني بأني اتزوجها وارتبط بها طوال حياتي، لا نعلم قد اجدها ذات يوم،،، نسيت ان اعرفكم بنفسي
انا سيف 31 سنه اعيش في امريكا من صغري مع بابا، او بالاحري الراجل اللي انقذني ورباني في بيته، قبل 24 سنه.. انا دلوقتي معرفش حد غيره من يوم ما سمعت ان بابا مات ورودينا مراته، والبيبي اللي مشفتهوش ومعرفش كان ولد ولا بنت.. خدت سنين علشان اقدر اتاقلم مع فكرة انهم ماتو بس في الآخر اقتنعت، وعشت مع بابا هنا وانا واخد حريتي وبعمل كل حآجه من غير ما حد يمنعني،.. وبابا برغم اني مش ابنه الحقيقي الا انه مش حارمني من حاجه أبداً.. حتي بعد ما خلف من صديقته، فضلت انا ابنه الكبير والمسؤال عن كل الصفقات القانونيه والغير قانونية، والكل بيتهز بمجرّد ما اسمي يذكر في اي مجال.. سلا.ح.. مخد.رات.. ادو.يه.. وانا اعتبر أصغر فرد في مجالنا ده وكله بفضل بابا علمني من صغري اكون قوي والكل يعملي الف حساب.. انها الما.فيا. وكلمتي تعتبر سيف مثل اسمي
#علي
انا علي عندي 24 سنه، الابن الوحيد لبابا وماما مش متجوز لكن بحب واحده هي مش شيفاني كأني شفاف، برغم ان مركزي عالي وبنات كتير بتلطف معايا علشان ابصلها الا مريم بنت عمي انور صاحب بابا يمكن علشان بلبس نضاره نظر مع شوية خجل.. جايز ليه لاء، البنات بتحب الشاب الجرئ اكتر.. لكن النهارده عملت خطوه مجنونه كلمتها من حساب بأسم مستعار، عشان لو عرفتني اني انا مضمنش ردت فعلها ايه ، وبرغم انها سابتني اتكلم مع نفسي بس كانت لطيفه في ردها ودا اداني امل انها ممكن تكلمني مره تانيه
#احببت_اخي
#احببت_مجنونه4
#أحببت_أخي(أحببت مجنونه 4)♥🦋
#البارت_الثاني
#عبقرينو.
انا اسمي معتز واسم الشهره عبقرينو مساعد مسك وعندي 27 سنه،، كلمتني مسك وطلبت مني اوصل لحسابات شيرين بهاء الدين، وبالفعل هما يومين وكنت جايب تفاصيل التفاصيل وكل المكالمات والرسايل، وقدرت اعرف طريق الراجل اللي بتدور عليه ،وبعدين كلمتها وقولتلها وهي فرحت اوي وسكتت شويه واكنها بتفكر في حآجه وبعدين جاني ردها
مسك_ عبقرينو اجهز انت وباقي الفريق هنصور اعلان العطور ف امريكا وتحديدا في لاس فيجاس دي
عبقرينو _ انتي بتهزري صح.
مسك _ لا مش بهزر، هنلاقي فين مكان ارقا من لاس فيجاس نصور فيه اعلان عطور، اسمع الكلام انت بس وقول ل مياده تجهز هي هتروح معانا واتمنااا ياعبقرينو اتمنا متفضحوناش عند الاجانب وتشدو مع بعض،
عبقرينو بنرفزه _ انا اللي بشد ولا هي مش بتشوفيها حطاني فوق دماغها ازاي
مسك _ مش وقته اخلص جهز كل حآجه هنطلع بعد يومين واعمل حسابك هو مش اعلان واحد، دول خمس إعلانات ما بين الصابون والبرفان يعني هنقضي شويه حلوين.
عبقرينو _ وفكرك الممول والشركة المنتجه هيتكفلو بمصاريف الرحلة دي.
مسك _ دي مشكلتي انا، اعتبرها فسحه مجانا ياسيدي، يلا بس
عبقرينو _ اوك يا موكا انا جاهز
وقفلت معايا وهي متحمس ك عادتها، هي دي مسك مبتحبش تضيع وقت وشخصيتها قويه ودا اللي خلاها في سنها دا تكون قائد علينا كلنا رجاله وستات.. شخصيتها تختلف عن بقيت البنات، وقل ما بنشوف ضحكتها ودا غير لبسها اللي غالب عليه الون الاسود والبني واستايله رجالي شويه ورغم كده جمالها واضح وضوح الشمس. ف هي تملك عيون عسليه تلمع بشكل ملحوظ عند النظر لشمس، وشفاها صغيرتين وانف صغير، وبشره بيضاء خاليه من اي شوائب، وبرغم عملها وانشغالها الدائم بحل مشكالتنا ومشاكل العمل الا انها لا تترك فرض...
بعد ما قفلت معاها اتصل باكتر بنت مؤذيه لسمع في الوجود،
« مياده» الثرثاره اللي بتاكول وتثرثر اكتر ما بتشتغل، انا مش عارف اي سبب تمسك « مسك» بيها لكن طالما مسك مستمسكه بيها ف اكيد فيها حآجه مميزه، بخلاف نظارتها التي تغطي نصف وجهها وتنورتها التي تبدأ من اعلي خصرها بشكل مبالغ فيه واكمام البلوزه المنفوشه، وربطة الشعر الغبية التي لا تكتمل طلتها بدونها،.. ايوه بظبط زي هبه رجل الغراب مع اختلاف واحد، هبه احلوت في الاخر بس دي مفتكرش انها ممكن تحلو
ردت علي التليفون بقرف وقالت
مياده _ عاوز ايه علي الصبح مش نقصاك بطفح..
عبقرينو بنفاذ صبر _ ما تطفحي انا بكلمك عشان اقولك اجهزي بعد يومين هنسافر امريكا
مياده بذهول _ نسافر نعمل ايه في امريكا يخربيتك انت عملت ايه، اااه انا من زمان بقولك سيبك من شغلت الهـ.كر دي وخليك في الاخراج والاعدادات الصوتية وانت كل اللى عليك، انا هكـ.ررررز انا هكرررز اديك ادبست.
حسيت انى عاوز امسك شعرها احلقه بالمقص وانا متخيلها بتهز في رأسها زي عادتها لما بتعمل فاهمه. ورديت عليها بنرفزه _ مياااده اخلصي، وانا لو روحت في داهيه هقولك تيجي معايا ما تبطلي غباء بقا،
مياده ببلاها _ هه تصدق صح، طيب هنروح امريكا نهبب ايه..
عبقرينو_ هنصور اعلان العطور هناك، اخلصي لو عاوزة تعرفي تفاصيل كلمي موكا هتقولك
مياده بقرف _ موووكا موكا، اسمها مسك ما بلاش نفاق بقا.
حسيت اني عاوز اقتـ.لها لكن اكتفيت بقفل السكه في وشها
أحيانا بحسها بتفهم بس قاصده تستفزني، وانا مش ببقا طايق اشوف شكلها بس الشغل بقا
#مريم.
دخلت على جميله لقيتها قاعده علي سريرها كالعاده وماسكه الاب توب وبتراسل حد واول ما شافتني قفلت الاب بارتباك، قعدت جمبها وانا مستغربه ارتباكها ده.. قولتلها بشك، بتهببي ايه،.. شاورتلي بانها بتكلم صحبتها.. بس انا مصدقتهاش، سالتها تاني بحده _ بتهببي ايه ياجميله، هتقولي ولا اضربك ابتسمت بخجل و وريتني المحادثه، لقيتها بتحادث شخص باسم لوسيفر، مركزتش في الكلام قد ما انا ركزت ان جميله بتتكلم مع شاب عادي كده قولتلها _ نهارك اسود بتكلمي ولاد،شاورتلي بأيدها باشاره انا مفهمتهاش، وبعدين ورتني المحادثه تاني، لقيتها بتكلمه علي اساس انها أنا، حسيت ان حد دلق عليه جردل ميه سقعه في عز الشتا، قومت وبزعيقء_ يا نهارك اسود، انا اكلم واحد اسمه لوسيفر، انا هقول لماما اخليها تبهدلك،مسكتني من ايدي بترجي اني مقولهاش، في الأول رفضت لكن مع اصرارها قعدت ومقولتش لماما، وكلمتها بانفعال _ حالا تحظري الزفت دا والا والله هقول لبابا.. شاورتلي بأنها هتحظره،، قولتلها بخنقه_ انا اكلم واحد اسمه لوسيفر ليه هلحد يابنت الهبله، دلوقتي تلاقيه بيتفشخر ان مريم عبرته، اعمل فيكي ايه اكتر من المعمول فيكي.. حسيتها خدت الكلمه علي قلبها، اضايقت من نفسي، وحضنتها واعتذرتلها وقولتلها انا اسفه سامحيني، بس انتي عارفه اهم حآجه عندي منظري افرضي يقابلني في الطريق ويفكر اني بتكلم معاه ف ياخد عليه بقا وقرف...
شاورتلي بانه بيحبني اوي ومش عاوز اكتر من انه يشوفني حتي لو من بعيد، كلمتها بتريقة علي ساذجتها دي، وقولتلها، وبقا مجنون مريم ولا لسه؟!، من قلت الشباب اللي بتترمي عليه علشان ابص لواحد متخفي ف اسم لوسيفر، لو صعبان عليكي خليهولك انتي يمكن محتجاه، عن اذنك ومشيت وسبتها وانا مخنو.قه منها
#جميله
بعد ما مريم قالت اللي قالته، حسيت بوجع قلب وفكرت في كلامها،.. هي فعلاً ليها معجبين كتير علي عكسي انا، كل اللي يعرف اني صماء، يبعد فورا، وحتي البنات، معظمهم كان بيبعد عني ويتريقو عليه، لغيت ما قررت انعزل ومحدش يشوفني، بقالي سنين مبخرجش من البيت غير لضروره لدرجة ان ناس كتير نسيتني وميعرفوش اني موجوده من الاساس.. وصحابي الي فاضلين منهم اللي اتجوز ومنهم اللي مسافر، وكل الي بيجمعني بيهم هي شاشة الاب توب، لغيت ما انضم الي قائمة الأشخاص المهمه.. لوسيفر ذلك الشب المجهول الذي يقصد مريم اختي ولست انا،، بقالو تلات ايام بيكلمني علي اني مريم وانا مكمله في الموضوع لاحساسي انه فعلاً بيحبها وممكن اساعده في انها تحبه هي كمان، لكن خلاص بقا هي عرفت وقفلت الموضوع بضبه والمفتاح ومش قدامي غير اني اعمله بلوك او اقوله ان انا مش مريم
#مسك
اول ما عبقرينو قالي علي المعلومات الجديده، حسيت اني أخيرا هشوف سفيان وجريت بسرعه جبت صوره ليه وصوره لبابا هو وفي سن ال 31وحطيتهم في سلسله علي شكل قلب بيتفتح ويتقفل، ولبستها عشان لما اقابل سفيان اورهالو ومتعبش انا وبشرحلو اكون مين.. مسكتها بأيدي واحتضنتها، وانا بفكر ان في بريق امل جديد ظهر قدامي وسرعان ما تلاشا بمجرد ما افتكرت ان بابا مستحيل يوافق يخليني اروح لسبب ده، ف قررت انى هخبي عنه واقوله مسافره علشان الاعلان وبس، لغيت ما اجيبه معايا واعملهالو مفاجأة،
وبعدين فكرت ف ماما اللي مفروض اخد رايها في السفريه دي، بس افتكرت اني لو قولتلها رايحه جهنم مش هتهتم، حسيت بوجع قلب وبقيت اسأل نفسي ايه ذنب ارتكبته لتكرهني كل ذلك الكره، اتستطيع الوحوش ان تكره مولودها،، كانت اجابتي " لا تستطيع"، اذا ماذا يوجد ايسر صدر امي لتكون بكل هذا الحنان والحب لكل من حولها ولا تستطيع ان تنظر الي مبتسمه ولو مره بالخطأ،، اي ذنب اتيت به يوم ولادتي لكي تكرهني كل هذا الكره، اهو ألم المخاض، ام ركلاتي في رحمها كانت تؤلمها لدرجة انها كرهتني قبل ان تراني.. لقيت نفسي من غير ما احس بجيب اجنده مذكرات وقلم وبكتب الي انا حساه علي شكل مذكرات من ساعه ما بدات افهم، وكتبت كل حآجه مرت عليه وكانت مؤثره بنسبالي،، كنت محتاجه صديق احكيلو وملقتش اوفا من الورق اطلع فيه كل حآجه جوايا.. فضلت اكتب اكتب لغيت ما جه الليل ونمت ومحستش بنفسي
#رودينا.
صحيت بالليل، وكالعاده رجليه خدتني لاوضة مسك عشان اطمن عليها من غير ما تعرف،، مهما كان فهي في النهايه بنتي وحته منى، بس مش قادره اتعامل معاها زي اي ام وبنتها، دايما بشوف شكل حمزه لما ابوصلها وبفتكر الي عملو فيه،،، وفي النهاية هي تعتبر جايه من الحرام...
دخلت عليها لقيتها حاطه رأسها علي المكتب ونايمه علي اجنده، شكلها كانت بتكتب فيها، قربت منها براحه، وفضلت ابصلها شويه وانا قلبي وجعني عليها وكارهه نفسي عشان مش قادره احبها زي الأمهات، وبصدفه عيني جت علي الاجنده ولفت انتباهي كلمة امي متكرره مرتين مقدرتش اقرا كويس لان معظم الكلام كان متداري وهي نايمه عليه، كان عندي فضول اقرا اللي كتباه بس خوفت اسحب الاجنده من تحتها تصحا وتعرف اني بدخل عندها لما تنام،، سبتها وقررت اني هاجى لما تروح الشغل واشوف الى كتباه وبعدين روحت اوضة مراد اطمن عليه، وفتحت الباب براحه لقيته نايم وكالعاده في ايده الالبوم، دخلت بشويش وقعدت علي الكرسي، وبقيت ابصله، ودا الوقت الوحيد اللي بقدر ابصله كويس فيه علي انه حبيبي، مش اخوات زي ما اتفقنا من سنين،
.بعد الحادثه بفتره كبيره يدوب كان بيتأقلم علي غياب سفيان، ندهلي وقالي _ جهزي نفسك المأذون هيجي بكره علشان نطلق..
رودينا _ ليه يا مراد وانا مضايقاك كده في ايه..
مراد _ مش مضيقاني في حآجه بس انتي لسه صغيره ومحتاجه حد يحبك، ويعاملك علي انك مراته، جه الوقت اللي تعيشي حياتك..
قلبي وجعني وقولتله وانا ببكي.. بس انا كده عايشه حياتي وبزياده..
مراد بقهر واحساس بالعجز.. انا مش هقدر اعملك حآجه ولا هقدر احبك ، انتي كده هضيعي عمرك وشبابك جمبي وسفيان اللي كانت وصيت جودي تجوزيني علشانه خلاص ضاع ..
مسكت ايده ونزلت عند رجليه وهو وقاعد علي الكرسي وقولتله وانا ببكي بوجع.. مش عاوزة حآجه اكتر من اني اكون جمبك، مش عاوزاك تعاملني علي اني مراتك ولا عاوزة اي حقوق، كفايه اني افضل معاك، .. رفعني علشان اقف وبصلي بوجع ودموع تنهمر في عينيه.....
مراد_ وانتي ذنبك ايه تقعدي مع واحد عاجز زي.. روحي يابنت الناس يمكن تلاقي حد يقدرك،
و انا هقعد استنا سفيان، ولو هتفضلي كارهه مسك كده خليها معايا انا هربيها..
رودينا بانفعال _ كفاية بقا حرام عليك لامتي هتفضل محسسني اني مليش لازمه معاك، مراد انا مش هسيبك حتي لو انت عاوز كده، اعتبرني اختك ياخي بلاش مراتك..
مراد _ مش عاوز يجي اليوم اللي تحسي فيه ان عمرك ضاع وانتي قاعده جمبي ومخدتيش اي حآجه مني..
رودينا _ يكفيني البصه في وشك مش عاوزة حآجه تانى
مراد _ ماشي يا رودينا، بس بشرط.. لو حسيتي في يوم انك عاوزة تسيبيني وتشوفي حياتك، تيجي تقوليلي فوراً متتردديش لحظه ..
رودينا_ مش هيجي اليوم ده بس موافقه...
فوقت من تفكيري على صوته وهو بيقولي _ قعدتك جمبي طولت النهارده .. اتفاجات هو عرف ازاي اني باجي اقعد جمبه، قولتله بارتباك _ اول مره اجي، بس سرحت شويه وخلاص ماشيه،، مسك ايدي وقالي بإبتسامة _ بحس بيكي قاعده جمبي وبصالي بس مبحبش احرجك، مالك بقا بتيجي ليه وتقعدي كده كل يوم
قولتله.. بطمن عليك يمكن تكون محتاج حآجه
قالي وهو مبتسم_ تاعبك معايا.. لو فضلت عمري كله اشكرك مش هيكفي.. قولتله بإبتسامة باهته _ مش عارفه مين اللي مفروض يشكر التاني
#مراد
كنت كل يوم احس بيها داخله عندي انا ونايم وبتقعد جمبي وتبصلي،، أحيانا بفتح عيني براحه واشوفها مركزه معايا، واحيانا دموعها مش بتفارق عينيها،...
..من يوم الحادثه وهي معايا ومسبتنيش رغم اني قولتلها امشي كذا مره بس هي اختارت تكون معايا، وبعد وفاة بابا وماما محستش اني لوحدي دايما كانت بتعاملني علي اني ابنها، كنت بضايق من تصرفاتها واهتمامها بس كنت بيني وبين نفسي بقول لو كنت لوحدي في الفتره دي كنت انتحر.ت،، ومع الوقت اصبحت حآجه مهمة في حياتي، مقدرش استغنا عنها، لكن لغيت دلوقتي مش قادر احدد ايه هو شعوريّ نحيتها، ف قررت استنا يكون رجع سفيان وبعدها احدد انا حاسس بأيه، وخوفي الوحيد دلوقتي اني اموت قبل ما احدد ههههه انا السنة دي عندي 55 سنه يعني مبقاش في العمر كتير،، شكلك هتفضلي طول عمرك متعلقه يا رودينا
#عاصم
عدت 24 سنه وانا هربان ومغير اسمي وعايش بأسم تاني بره بلدي، وسيف نفس الموضوع، لكن هو ميعرفش اني هربان وكل دا فكرني انقذته ومربيه شفقه، ميعرفش اني بكده بحر.ق قلب ابوه عليه،....
بعد ما مراد نجي من الحادثه انا اضايقت وحسيت بقهر وكنت عاوز انزل واقتـ.له، لكن بابا مكنش موافق، وقالي مش هتقدر تطلع بره مصر تاني.... ف قررت انى اخلي ابنه شيطان علشان لو لقاه في يوم يتحسر علي انه رجع اكتر من غيابه كل السنين دي
بيدخل عليه زين ابني بالجيتار بتاعه اللي مش بيفارقه ليل نهار، زين اللي واجع قلبي ومحسرني علي نفسي، لما بشوفه هو تافهه كده في حين ابن مراد ليه اسمه والكل بيعملو حساب.. ندهت عليه وقولتله
عاصم _ زين
زين _What do you want from me, Dad?
عاصم بانفعال _ كلمني عربي
زين بزهق _ عاوز ايه يا بابا حلو كده، وبعدين انا مامي امريكيه ودي لغتي
عاصم بانفعال _ انت مصري، مامي دي سابتك ورحت مع صاحبها، لما تكلمني كلمني عربي انت فاهم
زين بزهق_ Yes, dad اقصد حاضر يا بابا، عاوز منى ايه بقا انا اتاخرت علي الفرقه
عاصم _ الفرقه البايظه اللي بيخبطو في الحديد طول النهار وعاملين نفسكم فنانين
زين _ بابا بليييز قولت مليون مره دي حياتك انا حر
بيدخل علينا سيف
سيف_ مالكم صوتكم جايب اخر الشارع
زين _ تعاله يا سيف شوف بابا معقدها معايا ازاي، من فضلك قوله ميدخلش في حياتي
لما سمعته بيقول كده فقدت اعصابي ورفعت ايدي علشان اضربه لكن سيف وقف قصاده ومنعني،
زين_ سيبو يا سيف علشان احبسه انا مش هسكتلك علي تصرفك ده، وبيسيبنا ويمشي وسيف بيجري وراه
سيف_ زين استنا
عاصم_ خليه يغور عاوز يسجن ابوه، الله دا احنا مكناش شباب علي كده... يرجعلي سيف وبهدوء
سيف_ مش كده يا بابا احنا هنا مش في مصر عشان تحاول تضربه
عاصم_ مش شايف قلت ادبه يعني
سيف_ شفت بس انت معقدها معاه فعلاً ما تسيبه يعيش حياته
عاصم _ مش لما يفلح الاول مش فاضي غير يمشي مع الصيع ويخبطو علي شوية حلل وقال ايه بيعملو موسيقى
سيف _ ههههه اهدا طيب صحتك، انا هكلمه هو بيسمع كلامي
عاصم_ سيبه هو حر.. المهم عملت مع الجماعه اياهم
سيف _ بيلعبوني بس علي مين ابنك هيصفيهم بمجرّد ما تخلص العمليه ونستلم الا.سلحه
عاصم_ عاش يابطل
سيف _ ذاك الشبل من ذاك الاسد
عاصم _ ايوة كده خليك دايما دايس علي رقبة الكل، ومتخليش لنفسك نقطة ضعفك تتمسك منها
سيف _ بيحصل.. شغلتنا دي لو معملتش فيها كده نضيع في الرجلين
بصتله وانا مبسوط بنتيجه الي وصلتلها معاه، بقا شيطان ومفهوش نقطة خير واحد، ودي اقل حآجه اعملها في مراد، لما ابنه اللي متعذب عشان يشوفه يطلع زعيم عصا.بات ومجر.م، وبأيدي دي هسلمه للبوليس بعد ما يخلص العمليه وينقلي كل حآجه بأسمي، وساعاتها بقا نقول لابوه علي مكانة.. ..
رجعت كلمته
عاصم _ هتخلص امتي العملية دي
سيف _ لسة شويه، انت عارف العمليه مش سهله والاف بي اي مفتح عينيه الفتره دي، انا مش عاوزهم ياخدو بالهم مني علشان ميقرفوناش بقا
عاصم _ شهر وتخلص
سيف _ معرفش لسه، لما الجماعه، يطلعو البضاعه من بلدهم الاول، ودي حاجات مش سهلة زي ما انت عارف
عاصم _ تمام وفيني بالاخبار اول بأول
سيف_ اوك، عن اذنك هروح اخد دوش سخن، انا النهارده هلكت
عاصم_ روح
#سيف
دخلت اوضتي وبصدفه شفت نفسي في المرايا، ودي اكتر حآجه بكرها مبحبش ابص لنفسي في المرايا ولا في صوره، لكن المره دي قربت منها وبصيت لنفسي، وانا قرفان منها، وسألت نفسي لو بابا الحقيقي كان عايش وشافني كان هيرضا عني بشكل ده، بابا مكنش في احسن منه واكيد لو كان عايش وكملت حياتي معاه مكنتش هبقا بشر ده كله.. بصيت لنفسي كتير وانا بفكر اللي بعملو دا صح ولا لا، وارجع اقول وايه يعني ماهي الدنيا كلها كده الكبير بيدوس علي الصغير، وانا عمري ما هسمح حد يدوسني،
زفرت بخنقه ومسكت ازازة البرفان ورميتها علي المرايا، كسرتها، وبعدين اترميت علي السرير وانا بسأل نفسي.. ياترا ممكن يجي اليوم وتعتزل المجال ده قبل ما تموت مقتـ.ول علي يد حد من المنافسين ولا مكتوبلي اعيش كده واموت كده،،، فضلت افكر افكر لغيت ما نمت ونسيت استحما، وبمجرد ما غمضت عيني وروحت في النوم.. شفت نفسي بغرق في ميه في مكان عميق ومش عارف اخرج وقبل ما استسلم، ايد شدتني،.. صحيت مفزوع وضربات قلبي زادت.. سندت راسي بخنقه وانا بسأل نفسي ايه الحلم دا كل شويه احلم نفس الحلم.. بس الي كان بيخليني اهدا واطمن ان كل مره نفس الايد بتشدني
وسألت نفسي نفس السؤال_ يد مين دي لكن مفيش اي اجابه كالعاده.. لكن بتمنا ان الايد دي تتمدلي في الحقيقة وميكونش مجرد حلم
#ميادة
انا مياده 24 سنه يتيمة الاب والام، عمي خدني عنده وعشت معاه لغيت ما خلصت ثانويه عامه، وبعد كده قرر انه يريح نفسه مني ويجوزني راجل كبير في السن،، طبعاً انا موافقتش ورفضت كتير بس هو غصب علية اقابله، اخر ما زهقت وعرفت اني هتجوزه لا محاله، فكرت كتير لغيت ماجاتني فكرة وانا بسمع فيلم نجيبه متولي الخولي،.. قومت عملت نفس الاستايل مع فرق الشعر، خليته منكوش، وبرغم اني جميلة، لكن المنظر فرق والعريس بمجرّد ما شاف خيالي افتكرني غوريلا ورفض، وطبعا عمي طردني من البيت عشان اعيش في الشارع، لكن ميأستش، حافظت علي نفس الاستايل علشان احمي نفسي واشتغلت وروحت الجامعه، ومن هنا كانت بدايه معرفتي بمسك، اجدع بنت عرفتها، هي الوحيدة اللي متنمرتش عليه وعلي شكلي في الجامعة، لانها كانت عارفه ميادة من جوه مش الشكل الخارجي اللي انا عملاه بنفسي ك حمايه ليه من الطمع وان حد يفكر فيه بطريقة مش كويسه،،.. ساعدتني مسك وشغلتني في شركة والدها واجرتلي شقه بمبلغ بسيط جدا، وقالتلي انها مش محتاجه اجار بس عشان تتعلمي ان مفيش حآجه ببلاش وان مفيش حد هيديكي حآجه من غير ما يكون عاوز مقابل، وفعلا كلامها دخل دماغي ومشيت عليه
خلصنا الجامعه، واشتغلت معاها في الاخراج، وبقيت اروح واجي معاها، وقابلت عبقرينو ههههه اكتر إنسان مش بيقبلني ومسميني هبه رجل الغراب، وانا بحب اللقب ده وبحب امثل قدامه اني غبيه،..وهو كلمني من يومين وقالي هنسافر امريكا وبصراحع انا مبسوطه جداً بسفريه دي، منها اني هشوف الدنيا وكمان هكون قريبه منه ارازي فيه شويه
#مسك
جه يوم السفر وكنت قايله لبابا، وهو وافق بعد ما اداني النصايح الابويه، وقالي ان العيشه بره مش زي هنا، ويعتبر ده اختبار ليه، واذا هعرف اقوام نفسي وامنعها من الغلط في مكان مسموح فيه بأي حآجه بدون ما حد يكون رقيب عليه.. طمنته ان اللي بيمنع الانسان من انه يغلط هو نفسه، مش البيئه اللي عايش فيها،... سلمت عليه وحضنته، وجيت اسلم علي ماما، لكنها كالعاده، مشيت وسبتني، ومسلمتش عليه، حبست دموعي علشان بابا ميضايقش وخدت شنطتي ومشيت وانا مش عارفه ايه اللي مكتوب ليه هناك، وياترا سفيان هيعمل ايه لما يشوفني ويعرف اني اخته
#احببت_اخي
#احببت_مجنونه
التفاعل وحش جدا و هضطر اوقف تنزيل الروايه🙂
#البارت_3
رحيم
انا رحيم،24 سنه.. كنت رايح لبابا الشركه اللي شغال فيها وبصدفه قابلت علي ابن عمي ياسين، واصر اني اروح معاه البيت، برغم اننا مش صحاب اوي بس " علي" شاب كويس و لطيف مع كل اللي حواليه، .. روحت معاه بيتهم وسلمت علي ولدته وبعدين هما الاتنين دخلو جوه لشيء ما وبعدها الباب خبط والشغاله راحت تفتح، وبعد شويه ايدين غمتلي عنيه، وصوت بنت بتقولي انا مين،
حاولت اشيل ايديها بس هي مصره متشلهمش غيرلما اعرفها
رحيم _ من فضلك يا انسه او يا مدام حضرتك غلطانه، شيلي ايدك
ايمي _ لااا مش هشيلهم ولو مقولتش انا مين هفقعلك عيونك
رحيم _ انتي مجنونة، وبيشد ايدها من على وشه ويستدير
ايمي _ انت مين وايه قعدك هنا يابارد
رحيم _ كتر خيرك يا محترمه
ايمي _ محترمه غصب عنك، ياعمتو يا على، تعالو شوفو مين ده
جني بتيجي _ ايه يا ايمي مالك بتزعقي ليه
ايمي _ الاستاذ ده قاعد و واخد راحته وقل ادبه عليه
رحيم _ كدابه هي اللي بتغميلي عنيا
ايمي _ واغميلك عينيك بتاع ايه انا اقصد علي مش انت
جني _ ههههه حصل خير، معلش يا رحيم البنت دي كده مروشه
ايمي _ عمتو انتي معايا ولا معاه
علي _ ايه جاب المعزه دي هنا
ايمي _ معزه يا تور يا بارد، مين الزفت ده وايه جابه عندكم
رحيم _ لا انا ماشي عن اذنك ياعلي
علي _ انتي هبله يابت، اعتذريلو فوراً
ايمي _ انا اعتذر لشيء ده علي جستي انت متعرفش عمل معايا ايه
رحيم _ ولا تعتذرلي ولا اعتذرلها عن اذنكم
على _ استنا يا رحيم انا جاي معاك،،، ماشي يا معزه حسابي معاكي بعدين هنفوخك
ايمي _ طيب روح ياخويا هو كده الغلبان بيداس في الرجلين
جني _ ههههه غلبانه اوي ياروح عمتك، هتجيبيه من بره ما ابوكي وامك اهبل منك،
ايمي _ ايه يا عمتو هتخليني ازعل اني جتلكم ولا ايه
جني _ لا وعلى ايه تعالي تعالي، امك عامله ايه
ايمي _ كويسه اهي بتتسهوك ل اخوكي ف سبتلهم البيت .. معرفش الناس دي مبتكبرش ليه، مش يتكسفو علي دمهم بنتهم بقت عروسه
جني _ اتلمي يابت انتي بتتكلمي عن ابوكي وامك
ايمي _ وانا قولت ايه.. بلا قرف... الا قوليلي مين الرخم ده وبيعمل ايه عندكم اول مره اشوفه،،، بس تصدقي رغم انه مترباش بس موز ااخ لو كان محترم كنت رسمت عليه، ما تجيبي رقمه
جني _ بااااس ايه رديو افصلي
ايمي _ فصلت، عندك ايه يتاكل انا جعانه وست شذا معملتش اكل وانتي عارفه مبقدرش استحمل الجوع وبدوخ عشان عندي انيميا والدكتور قالي لازم اتغذا علشان اتخن بدال ما انا معصعصه كده .... ايه ده راحت فين، انتي يا ام علي انا جعانه ههههه الله ام علي دا انتي اسمك لوحده يجوع
علي يمسكها من قفاها _ مش هتبطلي قلت ادب يابت انتي
ايمي _ سيب ياعلي احسنلك اااه ياغبي يابن الغبية
جني _ انا غبيه يابنت الجز.مه، علي امسكهالي
علي _ هاتي الشطه يا ماما
ايمي _ شطه لااا ونبي ياعلوش انا اختك حبيبتك
علي _ معنديش اخوات، الشطه يا ماما
ايمي _ ااه ااه الحقني ياعلي،.. وبتوقع علي الارض
علي _ نهار اسود البنت دي كل شويه توقع كده، سيبينها ليه من غير علاج .. انتي يازفته قومي، ماما الحقي
جني بتجيب ميه وتفوقها
ايمي _ ااه يادماغي انا زهقت بقا
جني _ انا مش عارفه حكايتك ايه، مفيش دكتور نافع معاكي، هتموتي يازفته
ايمي _ حوش امك ياعلي دي بتقولها في وشي حوووشها
رحيم _ طلعت من عندهم وانا على اخرى وبفكر ارجع اشيل را.سها من علي رقبتها، وتمالكت اعصابي بالعافيه عشان علي و ولدته،، بس من يومها وانا مش قادر انساها، وبتمنا اقابلها ولو صدفه عشان اخلص منها قلت ادبها
جميله
لوسيفر كلمني، ف قولتلة انه ميكلمنيش تاني
لوسيفر _مقدرش يامريم انا صدقت ما قدرت اتجراء واكلمك
جميله_ لو حد عرف اني بكلمك هتبقا مشكله من فضلك متبعتش تاني، والا هعمل بلوك
لوسيفر_ في الغالب اللي بيقول مبيعملش، كان ممكن تعملي بلوك من غير ما تقولي،
جميله_ بلاش ثقه زياده، انا مبحبش اعمل بلوك لحد وخصوصا لما يبقا إنسان كويس مأذنيش في حآجه
لوسيفر_ طيب ماشى انا هتقدملك رسمي علشان ميبقاش في مشاكل لو كلمتيني
جميله_ هو انا اعرفك علشان تتقدملي
لوسيفر_ هعرفك بنفسي لما اجيلكم البيت النهاردة
لما قالي كده اتصدمت دا فاكر انه بيكلم مريم مش انا واكيد رد فعل مريم هيبقا قاسي عليه
جميله_ لا اوعا تعمل كده دلوقتي انا مش جاهزة
لوسيفر_ وايه يمنع، طيب
جميله_ معرفكش ولا بحبك علشان اوافق انك تتقدملي دلوقتي
لوسيفر_ انا قولتلك نتعرف على بعض ولما يحصل استلطاف اتقدملك انتي اللي بترفضي التعارف
جميله _ خلاص خلينا كده لغيت ما اعرف انا عاوزة ايه
لوسيفر_ زي ما تحبي، المهم انك في الاخر توافقي عليه
جميله_ انا مش عارفه ايه معني تمسكك بيه برغم انك بتقول مبعبركش
لوسيفر_معرفش بقا بس انا من كام سنه شوفتك وكنتي لطيفه ومن وقتها وانا مش عارف ابص لغيرك، لكن معرفش اتحولتي كده ليه
جميله_ امتي ده
لوسيفر_ كنتي في حفله تبع شغل ابوكي
جميله_ انت قريب لينا ولا ايه
لوسيفر_ ابوكي وبابا بيتشغلو مع بعض وبس
جميله_ يعني متعرفنيش شخصيا ولا تعرف اخواتي
لوسيفر_ اعرف رحيم بقابله في الشغل وشكلي كده هكون صديقة عشان خاطرك
جميله_ و تعرف جميله؟
لوسيفر_ مين جميله
جميله_ اختي التوأم
لوسيفر_ انتي معاكي اخت توأم
جميله_ ايوه، معقول تعرفني ومتعرفش ان ليه اخت تؤم
لوسيفر_ اوبااا بتهزري صح، يعنى انا ممكن اكون متلخبط بينكم
جميله_ ههههه جايز ليه لاء، على العموم هي مش بتخرج تقريبا، مفتكرش انك شفتها قبل كده
لوسيفر_ ومبتخرجش ليه
جميله _ اصلها صماء ومش بتحب تخرج عشان التنمر وكده
لوسيفر_ انتي هتقوليلي على التنمر، طيب انا قدامك اهو شاب زي الورد بس لابس نضاره نظر وبيبسيبو كل الوسامه بتاعتي ويقولو يابو كشفات
جميله_ ههههه ومين قالك انك وسيم
لوسيفر_ انا بقولك، طول بعرض وشعر مموج وبني وعيون خضره
جميله_ المفروض اني اصدق انا كده
لوسيفر_ مش مصدقه،
جميله_ لا
لوسيفر_ اممم طيب دقيقه هبعتلك صوره لعيوني من غير النضاره، بس هقصها مش هتشوفي غير عينيا
جميله_ ههههه اوك ابعت
بعد شويه بتوصلني صورة عيون، وبتطلع فعلاً لونهم اخضر وشكلهم جذاب
جميله_ وانا ايه يثبتلي انهم عيونك
لوسيفر_ لما اشوفك هتعرفي انهم عيوني
جميله_ ماشي ياسيدي نستنا
لوسيفر_ تعرفي انا كنت بفتح طريق علشان اقدر اجي عندكم لغيت ما الهبله سدتهولي
جميله_ طريق ايه ومين الهبله دي
لوسيفر_ خلاص بقا اهو اتسد
جميله_ طيب ومين الهبله
لوسيفر_ بنت خالي
جميله_ ههههه معلش شوف طريق تاني
كنت لسه بكتب ل لوسيفر وفجاه رحيم دخل عليه وهو مضايق،، قفلت الاب توب وحاولت مبينش اي توتر عشان ميشكش في حآجه وسالته بالكتابه علي لوحة بكتب عليها دايما للقدامي
جميله_ مالك
رحيم_ مفيش، كنتى بتعملي ايه
جميله_ قاعده، بس مالك زعلان ليه كده
رحيم_ قابلت بنت عاوزة حش رقبتـ.ها بمشر.ط تلم
جميلة_ قابلتها فين وعملت ايه
رحيم_ عند ابن ياسين صاحب شغل بابا،، وقلت ادبها عليه والله لولا علي وامه كنت شيلت را.سها عن رقبتها
جميله_ طول بالك، هي عملت ايه
رحيم_ شتمتني برغم انها هي الغلطانة
جميله_ معلش متزعلش تلاقيها عيله
رحيم_ دي عيله دي، انتي لو شوفتي قلت ادبها كنتي قتـ.لتيها
جميله بضحك _ وانت ايه وداك هناك
رحيم_ على ابن ياسين، فجاه اصر اني اروح معاه البيت، واول ما روحت جت هي وغطتلي عينيه وقال ايه عاوزاني اعرف هي مين وبعدين لما تلاقيني مش المقصود تشتمني وتقولهم انا شتمتها، شوفتي
جميله بضحك_ متزعلش نفسك بس تصدق انا حبيتها
رحيم _ ابو ام رزالتك انتي بتضايقني يعني
جميله بضحك_ لا. خلاص متزعلش، انا هدعيلك عليها
رحيم _ ههههه ماشي ياصفره، عامله اية طمنيني عليكي
جميله _ كويسه اهو
رحيم _ مش هتخرجي من السجن دا بقا، اتعلمي من اختك اللي مبتقعدش دقيقة في البيت
جميله _ اخرج اعمل ايه، ما انت عارف اللي بيحصل بره
رحيم _اطلعي انتي بس ولو حد بصلك بصه تزعلك قوليلي وانا اتا.ويه
جميلة بإبتسامة _ حبيبي ربنا يخليك ليه
رحيم _ انتي ملاك البيت والبركه بتاعته، مينفعش حد يزعلك واسكتله
جميله بإبتسامة _ ربنا يخليك ليا يا رحيم، والله انت اجمل اخ فى الدنيا،
ميادة
وصلنا امريكا، ونزلنا من المطار وخدنا تاكسيهات، وانا و مسك وعبقرينو ركبنا مع بعض في طريقنا للاوتيل
مياده _ ياللهووووي علي الجمال... ايه ده يختاي ودي قالعه ليه في الشارع كده، ياااامصيبتي، بصي علي اللي هناك دول استغفر الله العظيم، ايه مفيش بوليس اداب في البلد دي
عبقرينو _ بلاش فضايح واسكوتي
مسك _ ههههه اعملي مش واخده بالك، لسه احنا في اول يوم
ميادة _ تصدقي حلال فيهم اللي بيحصلهم في افلام نهاية العالم انا دلوقتي عرفت هما بيعملو الافلام دي ليه، طبعاً عارفين ان النهايه هتبتدي من عندهم
عبقرينو بقرف_ لا ياشيخه
ميادة _ ايوة انت مش شايف المناظر
عبقرينو _ ده اسمه حقد انتي غايره منهم ياحبيبتي
ميادة _ انا اغير من شوية سحالي معدومين الهدوم، وبعدين متقوليش حبيبتي حبك برص
عبقرينو _ وانتي تطولي تكوني حبيبتي اصلا،
ميادة' مش عاوزة اطول
مسك _ اسكوتووو حرام عليكم صدعتوني
عبقرينو _ مش شيفاها زي المذيع مبتفصلش
ميادة _ والله ما حد موزيع غيرك بشعرك الاندومي ده
فضلنا طول الطريق نشد مع بعض لغيت ما وصلنا الاوتيل و واقفنا عند الاستقبال علشان ياخدو بيناتنا، وفجاه بيجي ولد شكله حلو، شبهت عليه وقعدت اسأل نفسي شبه مين بس مجمعتش وبعدين انتهزت فرصة اننا في بلد اجنبي ومحدش هيعرف لغتنا هنا، ف وقفت وقعدت ابصله
ميادة _ اتارينا عايشين مع غربان سوده وانا معرفش، يالهوي علي النضافه والحلاوه وبعدين بصليّ وضحك ابتسمتله وانا فكراه بيضحكلي اعجاب بيه لغيت ما اتكلم
زين_ انتي مصريه
بلمت وفتحت بوقي ومردتش
زين_ ههههه بكلمك،
ميادة_ انت زينا عادي
زين_ ايوه انا مصري I like your clothes style
ميادة ببلاها_ هه
مسك_ في ايه، ومين ده
زين بإبتسامة_ انتي كمان مصريه
مسك_ ايوه، وانت مصري؟
زين_ ايوه بس مولود هنا
مسك_ تشرفنا، مش يلا بقا يا ميادة
ميادة ببلاها_ لا استنى خلينا شويه هو انت عندك كام سنه
زين_ 21 وانتي
مياده بقرف_ 21 يلا بينا ياحبيبتي دا طلع لسه طفل
زين باستغراب_ شكلها مجنونه، هييي هنتقابل امتى
مسك _ عاجبك كده اهو عاوز يتعرف
ميادة _ اسكوتي طلع عيل وانا فرحت لما ضحكلي وسألني القلب اهذا هو.. بس مطلعش هو مطلعش هو
مسك_ تصدقي انا غلطانه اني جبتك، اتلمي الي حصل ده ميتكررش،
ميادة_ ما خلاص بقا انتي هتزني كده كتير سيبني في حالي،
عبقرينو_ ايه مالكم
مسك_ مياده ياسيدي كنت علي وشك تلاقي ليها بوي فريند ههههه
عبقرينو بقرف_ ودا ازاي بقا وهيبصلها ليه
ميادة بقرف_ ايه رأيك بقا انه قالي ستايلك حلو
عبقرينو_ وانتي صدقتي، يا هبه
ميادة_ ومصدقش ليه مالو ستايلي مش احسن من شعرك الاندومي ده، روح احلقه متفضحناش
مسك_ يادي النيله ارحموني بقا، ايه مولودين علي راس بعض،... انت عملت ايه في الموديل اللي هيعملو الاعلان
عبقرينو_ موديل؟ انتي مقولتليش
مسك بصدمه _ متقولش لا ياعبقرينو قولي انك بتهزر، انت مكلمتهمش بجد
ميادة_ وهو فاضي ما الهـ.كر واكل دماغه
عبقرينو_ اسكوتي انتي.. يامسك انتي مقولتليش هنجيب مين انا فكرتك انتي اتكلمتي مع الموديل
مسك بخنقه_ طيب بس بس سيبوني افكر، كده احنا هنتاخر الله يسامحكم
ميادة_ ولا تزعلي نفسك انا اعمله ههههه
مسك سكتت وبصتلي شويه وكاني ادتلها الفكره، وبعدين بصت لعبقرينو
مسك_ ايه رايك
عبقرينو_ في ايه
مسك_ ميادة تعمل الاعلان
ميادة_ نعم ياحبيبتي إعلان مين اللي اعمله انا
عبقرينو_ ههههههههههههههه ههههههههههههههه يعني ميادة، تقعد جوه البانيو بروقي وتمشي وسط قصر فخم بفستان ذهبي زي الجميلات ههههه الله يحظك يا موكا انا طول عمري بقول دمك خفيف
ميادة_شوفتي جر الشكل
مسك _ متزعليش، عبقرينو البنت دي قمر بس هي مخبيه جمالها في العك ده، بس لو ظبطناها هتنفع
قربلي عبقرينو، بذهول وهو مش مصدق مسك، وبيشيل النضارة من علي وشي وبقرف _ وريني كده، وبعدين يبصلي ويبتلع لعابه وبتردد _ حتي لو عينيها حلوه الباقي اكيد وحش
شديت منه النضارة بغيظ _ نضارتي يا حيوان
وفجاه مسك تشيل الربطه اللي عملاها على شعري
مسك _ بص كده صدقني هتنفع، احنا مقدمناش وقت ندور ونتفق
عبقرينو _ مسك انا مليش دعوه بس انا بقولك مش هتنفع وانتي حره
ميادة _ انتو بتستهبلو، بتتناقشو في ايه، لا طبعاً مستحيل اعمل كده
عبقرينو _ اهي رفضت نشوف حد تاني احسن
مسك _ لا ميادة وبس، والا هرفدكم انتو الاتنين
بعد يومين
سيف
زين سايب البيت بقالو كام يوم وقاعد في اوتيل، وانا بعدي عليه كل يوم عشان اطمن عليه ، واليوم ده روحتلو وسالت قالولي انه في القاعه.. روحت هناك لقيته واقف وبيتفرج علي ناس بيصورو
حطيت ايدي على كتفه
سيف _ بتعمل ايه هنا
زين _ سيف انت جيت، تعاله نتفرج شوف المجموعة دي كلهم مصريين وجاين هنا يصورو الاعلان
سيف _ انا جاي اطمن عليك وماشي، مش ناوي ترجع بقا
زين _ مش راجع لراجل دا تاني...
صوتي علي وانا بكلمه
سيف _ كفايه بقا يا زين مش هسيب شغلي والف عليك اشوفك وقعت في مشكله جديده ولا لا، يلا هترجع البيت دلوقتي
زين _ قولت مش راجع يعني مش راجع
وفجاه الاقي بنت لابسة لبس شبابي جايه نحيتنا
مسك _ هدوء لو سمحتو تقدرو تتخانقو بره
سيف_ انتي مصريه؟
مسك_ دا مش وقت تعارف، من فضلكم مسمعش صوت لأما تخرجو
سيف _ انتي عارفه بتكلمي مين بطريقة دي
مسك بحده _ بعدين نعرف بنكلم مين بس ده مش وقته، عبقرينو كل ده ميادة بتجهز، الاضااااه والكاميرات تجهز.. لا مش معقول يا محمد هفضل كل مره اعرفك الكاميرا بتتمسك ازي
..
اول مره واحده تتجاهلني وتكلمني بالاسلوب ده انفعلت و روحت وقفت قدامها_ اعتذري فوراً
مسك تتجاهل كلامه _ ايوه يا محمد الله ينور، بااس كده .. ايه يا عبقرينو مياده جهزت ولا لسه قدامها كتير
عبقرينو _ لسه تلات ساعات شغالين في شعرها
استمر تجاهلها لكلامي، محستش بنفسي غير وانا بطلع المسد.س وبصو.به على رأسها.. وهي وقفت وبصتلي ومفيش اي خوف في عينيها، وتمسك المسدس وتنزله بهدوء _ مسدسات الخرز ميتلعبش بيها هنا، أي يا عقبرينو مش قولنا مفيش عيال تلعب واحنا بنصور
ضميت قبضتي وانا ببصلها بغيظ وبعدين برفع صباعي في وشها وبقولها بتحذير_ هوريكي،، وبمشي وسيبها وانا بستحلف لها اني هعاقبها علي تصرفها معايا،
مسك
اول ما رفع المسد.س عليه قلبي حسيته هيوقف بس قدرت ابين عكس اللي انا حساه عشان ميفكرش انه قدر يخوفني، بس بيني وبين نفسي كنت بفكر اصرخ واستنجد بحد يلحقني وبعدين مشي وانا فضلت بصاله وضربات قلبي بتزيد من الخضه، وحسيت انه مش اخر مقابله بينا
خدت نفس وتمالكت اعصابي ورجعت لشغل
مسك_ ايه التأخير ده كله روح استعجلهم
عبقرينو_ مسك انتي كويسه
مسك _ اها تمام، يلا روح استعجلها
عبقرينو بيمشي وزين بيجي ويوقف جمبي
زين _ ايام سوري، متزعليش
مسك_ مين ده
زين_ ده اخويا، بس هو مش كده لكن مش بيحب حد يتجاهله
مسك_ الطبيعي ان لما حد يتجاهله يرفع عليه مسدس
زين_ ههههه مش دايما
مسك_ مش دايما معني كده انها بتحصل، تشرفنا هي دي امريكا اللي بيدافعو عن الحريه
عبقرينو
روحت عند مياده وانا مخنوق منها وبفتح الباب فجاه الاقي بنت شكلها حلو ولابسه فستان جولد لامع مع مكياج بنفس لون الفستان وشعر مموج.. تجاهلتها وسألت فين الزفته
وفجاه بلاقي البنت بتكلمني وبتقولي _ عاوز ايه يازفت خلاص جهزت
بقيت ابص في الاوضه وانا بدور على صوت مياده برغم اني شفتها وهي بتكلمني بس عقلي مش قادر يستوعب
عبقرينو_ حضرتك كان في واحده شبه الغوله كده مشوفتهاش
مياده_ اتلم يا عبقرينو لحسن والله اغير، انا مش مرتاحه في البس المحزق ده
وقفت باصصلها وانا متنح ومش مصدق ان البنت الجميله دي ميادة،،.. قربت منها شويه
عبقرينو_ انتي ميادة
مياده بلخبطه_ ايوه انا،
عبقرينو_ يخربيت اللي جلفو.كي يا جز.مه
مياده_ ما تتلم لحسن والله اقول لمسك
عبقرينو بانبهار_ مخبيه ليه نفسك في لبس الغوريلا ده انا مش مصدق عينيا
ميادة بإبتسامة _ يعني حلوه
عبقرينو _ احم لا عادية خالص
مياده بقرف_ طيب غور من وشي، وبتزقني وتمشي،
روحنا مكان التصوير وبدأنا، وهي بدأت تنزل من علي السلم والاضائه موجها عليها مع موسيقى في الخلفيه ، لتصبح مثلا نجمات هوليوود على السجاده الحمراء واكثر جمال،
تكملة الرواية من هنااااااااااا
تعليقات
إرسال تعليق