رواية أحببت مجنونه احببتك رغما عني الجزء الثالث البارت 17-18-19الاخيربقلم نجمه براقه في موسوعة القصص والروايات جميع الفصول كامله وحصريه

احببت مجنونة 3 ( احببتك رغما عني) p17

شهاب بقهر_ مين عمل فيها كده

مراد _ حمزه

شهاب _ حمزه مين

مراد _ الي كان عاوز يتجوزها قبل الحادثه

شهاب بانفعال _ بتقول حمزه؟!

طيب،دا كان كل شويه يكلمني عاوز يعرف اخبارها يابن ال... وربنا لا اقتـ.له.. بيجي يمشي ومراد بيمسك فيه

مراد _ استنا يا شهاب بلاش تهور احنا هنعرف نجيب حقها من غير قتـ.ل

شهاب بانفعال _ انت بتقول ايه دا لازم يتقـ.ل مينفعش يعيش تانى بعد عملته دي

مراد بحده _ متجبش سيرة القـ.تل هنا،، انت بكده بتأذي نفسك مش هو،

شهاب_ عاوزني اعمل ايه يعني لما اعرف انه عمل كده ف اختي، لأما يتقـ.تل لأما يتجوزها، مفيش حل تاني

مراد_ ولا واحد فيهم ينفع، اصلا مفيش دليل ان هو عمل كده، يعنى لو قتلـ.ته هتتعدم، وبردووو مينفعش يتجوزها

شهاب_ ليه مينفعش يتجوزها

مراد _عاوز تجوز اختك لواحد اغتصـ.بها

شهاب بقهر_ ملهاش حل تالت يا مراد، سيبني بقا اروح اشوف ابن الكل*** دا

مراد _ قولتلك اسكت، خلينا نفكر الاول ولو ملقناش حل نبقا نقتـ.له

وفجاه التليفون بيرن..

مراد _ ها

الطرف التاني _ تم

مراد _ طيب خلو بالكم انا جايلكم

الطرف_ تحت امرك.. ويقفل معاه

مراد_ شهاب، الدكتوره كانت طالبه الدوا ده معلش ممكن تجيبو

شهاب بقهر_ هات ياريتها كانت ما.تت يوم الحادثه وبيشوح بأيده ويمشي

مراد بيدخل عند رودينا يلاقيها مفتحه عينيها،

مراد_ رودينا... لكن مش بيجيلو رد

مراد _ رودينا انتي سمعاني... لو سمحتي ردي عليه

رودينا بغيظ _ عاوز ايه تاني

مراد_ شهاب عرف بالموضوع ياريت ميعرفش اكتر من كده

رودينا باستحقار _ خايف يعرف ان كل ده حصل بسببك

مراد _ مش قصدي الموضوع ده انا اقصد الحمل

رودينا بحزن _ اية اللي ممكن يحصل لو عرف كله محصل بعضه،

مراد_ لو حد عرف هيجوزهولك غصب

رودينا _ كمان، كتر خيرك والله مش فاضل غير تشنـ.قني عشان تكمل

مراد _ رودينا نحل المشكلة دي بس و اوعدك لو عاوزه تقتـ.ليني انا موافق

رودينا بوجع وبكاء _ نفسي اعمل كده بس انت هترتاح لو موت،انا عاوزاك تعيش لغيت ما ربنا يحر.ق قلبك وتتعـ.ذب كدا قدامي

مراد_ مفتكرش ان في عذاب اكتر من تأنيب الضمير

رودينا_ هو انت عندك ضمير

مراد بزهق_ انا ماشي، بس ياريت تنفذي كلامي دا لو مش عاوزه تعيشي طول عمرك مع حمزه

رودينا تبص الجهه التانيه ومتردش

بيمشي مراد وبيروح لراجل اللي كلمه

بيت انور

انور بانفعال_ تاني يا صبا تاااني

صبا_ كفاية يا انور هتستنا لامتي انا مش هقدر اجبلك عيال، اتجوز وانا مش هزعل والله

انور_ قولتلك مليون مره لا مترجعيش تتكلمي في الموضوع ده تانى ممكن

صبا بجديه_ للأسف يا انور انت لازم تختار اكون معاك وتجوز او امشي ونطلق

انور _ بتقولي ايه

صبا_ دا الي عندي يا انور، معاك النهاردة تفكر وبكره ترد عليه

انور _ هي بقت كده،

صبا_ ايوه

انور بغيظ_ ماشي يا صبا انا موافق بس لو دمعه نزلت منك او زعلتي لحظه واحده. متبقيش تلومي عليه علشان انتي اللي اخترتي،

صبا_ مش هزعل، بس انت اتجوز

انور_ ماشي يا صبا، من دلوقتي تقدري تختاريلي عروسة، علي مزاجك،

وبيمشي ويسيبها هو ومش شايف قدامه،

في غرفة منعزله عن المباني

حمزه بيكون مر.بوط في كرسي ومراد بيدخل عليه

حمزه بانفعال_ فكوني انتو مش عارفين انا مين..

مراد يتمشي حولية بهدوء_ قولنا انت تبقا مين

حمزه بانفعال _ فكني وانا اعرفك انا مين يا جبان

مراد ببرود _ بسيطه، وادي الحبل اهو، فكيناه

حمزه يقوم ويرمي الكرسي بأيده يجيبه في الحيط وبعدين يضغط على معصم ايده ويبص لمراد بغل ويهـ.جم عليه، لكن مراد بيبعد ليقع علي الأرض

حمزه يقوم تاني ويهـ.جم عليه مره تانيه، محاول ضربه، لكن يمسكه من ايده ويتنيها ليطلع منها صوت يدل علي الكسر او ما شابه

حمزه بوجع _ اااه يدي مش هرحكم، يا مراد

مراد يمسكه من لياقة قميصه ويسدد ليه عدة ضر.بات في وشه لغيت ما يفقد توازنه ويوقع على الأرض،

حمزه بوجع _ انت عاوز مني ايه

مراد يوطي ويبصله باحتقار_ مش انا اللي عاوز، رودينا اللي عاوزه اظن عارفها

حمزه بانفعال _ تستاهل الي حصلها وانت عارف انا عملت معاها كده ليه مفيش حد يخو.ن حمزه ويعيش، بس انا رحمتها كان لازم امو.تها هي وعاشيقها،

مراد يضر.به برجله في بطـ.نه ويشده م شعره وبحده _ رودينااا ملهاش عشيق، وهتعترف انك انت اللي عملت فيها كده وهتتحبس، ولما تطلع دا لو طلعت عايش، هحبسك تاني

حمزه بغيظ _ لا يمكن اعترف، ملعيش اي دليل روحو شوفو مين عمل معاها كده مش يمكن انت

مراد ببرود _ رايك كده، براحتك، بيخبط بايده لرجالته ليدخلو عليه ب اخته الصغيره، وهي متخدره

حمزه بصدمه _ ايه ده، انتو جبتوها ازاي، لو حد قربلها هقـ.تله، فوقي يا شيرين

مراد ببرود _ انت عارف طبعا لو مروحتش اعترفت دلوقتي هنعمل فيها ايه

حمزه _ الا اختي يا مراد والله ما هر.حم حد فيكم،

مراد _ قولت اللي عندي، ساعتين ظبط هتصل برجالتي في القسم لو بلغوني انك اعترفت وسلمت نفسك كان بها مروحتش بقا يبقي استعوض ربنا في القموره دي،

حمزه بغيظ_ ماشي بس لو مسيتو شعره منها هقتـ.لكم كلكم

مراد بزعيق_ خلص انا ساكتلك من الصبح، انت هنا عشان تتربا مش علشان تهد.دنا، .. انت ارميه بره... اه استنا.. مش محتاج اطلب منك متجبش سيرتنا طبعا

حمزه يبصله بكره وغل _ ماشي يا مراد حسابي معاك بعدين، والله لا هندمك طول عمرك

مراد _ انت لسه هتهدد، يلا ياحبيبي، وبيمسكه من قفاه ويرميه برا

حمزه يقوم من علي الارض وهو مزلول ويبص لمراد بكره وتعند _ مش هنسهالك يا مراد، هتشوف مني اللي عمرك ما شفته

مراد بزهق_ يلا اختك حياتها واقفه علي كلمه منك، ولا انت مش حابب تنقذها من الرجاله، اخلص ياحبيبي، الوقت بيجري وبيقفل في وشه الباب

بعد يومين... حمزه بيعترف وبيتحبس علي زمة التحقيق، وبعد ما شيرين بترجع ابوه بيروح المستشفى لأهل رودينا

بيلاقي ملك وشهاب جمبها،

بهاء _ انتي رودينا

شهاب _ افندم عاوز منها ايه مش كفايه اللي ابنك عملو فيها

بهاء_ انا جاي اقولكم كلمتين لمصلحتكم، وعلشان سمعت البنت الغلبانه دي

ملك باستحقار _ مش عاوزين نسمع منك حآجه، ابنك مش هيطلع ومش هنتنازل عن حقها

بهاء _ ابني كده كده هيطلع وانا هقدر اثبت انه اعترف بكده تحت التهد.يد، بس انا بقول نحلها بالحسنه مع بعض احسن

شهاب _ عاوز تقول ايه

بهاء _ يتجوزها، وهدفعلكم عشره مليون، وبكده انتو حفظتو علي سمعت بنتكم وابني يخرج من السجن

شهاب يبص ل ملك وياخدها علي جمب

شهاب_ ايه رايك

ملك_ انا شايفه انه حل كويس بدال الفضايح

شهاب_ وانا رايي كده كمان

ملك_ طيب تعاله

ملك _ ماشي موافقين بس يتجوزها شهر ويطلقها تاني ومش عاوزين منكم فلوس

بهاء _ اعتبرو الفلوس هديه ليكم، ها ايه رأيك يا عروسه،

رودينا تبصلهم ومتتكلمش

شهاب _ رودينا، وافقي عشان خاطر سمعتنا اللي هتتبهدل

رودينا _ ولوموافقتش

ملك _ حبيبتي وافقي ارجوكي، هو كتب الكتاب وخلاص، وبعدين تطلقي

بهاء _ مش قدامك حل غير انك توافقي والا هتفضلي كده محدش هيتجوزك وسمعتك هتتمرمغ في التراب، صدقيني محدش خسران غيركم، مراد ده مش هينفعكم

رودينا تشرد وتحدث نفسها _ محدش هياخد حقي غيري ابنك هيمو.ت علي يدي،، وترجع تكلمه _ موافقه

بهاء _ هاايل انتي بنت ذكيه، حيث كده، احنا نكتب الكتاب دلوقتي

رودينا _ بس شرطي هعيش معاه لغيت ما نطلق

شهاب _ انتي بتقولي ايه، لا طبعا احنا اخرنا كتب الكتاب وبعد فتره يطلقك

رودينا _ دا الي عندي،

شهاب _ رووودينا انا اخوكي الكبير، اسمعي الكلام

رودينا _ لا الحقيقة انا معرفكش، انا مش فكراك لغيت دلوقتى

شهاب بغيظ _ روودينا

بهاء _ خلاص سيبها علي راحتها انا موافق،

ملك _ يابنتي متعمليش في نفسك كده، انتي مش فاكره عمل فيكي ايه؟

رودينا _ دا الي عندي ياست انتي، انا مسؤله عن نفسي، اتفضل يا استاذ اعمل المطلوب

ملك وشهاب يوقفو وهما مضايقين منها ولكن مش عارفين يتكلمو

بهاء ينده لرجالته ويدخلو هما والمأذون

بهاء _ يلا يا شيخ خلصنا بسرعه

المأذون _ اين البطايق والصور واين العريس

بهاء _ العريس عملي توكيل، والصور هجبهملك بعدين، فين بطاقتك يابنتي

رودينا _ معرفش

مراد بمقاطعه_ معايا انا، خير؟

بهاء _ انت بقا مراد

مراد _ دا انت عارفني اهو، ايه اللي بيحصل هنا

شهاب يكلمه بصوت خافت_ هتجوز حمزه عشان الفضايح وكلام الناس

مراد _ طيب ومسألتوش جوزها ليه يمكن مش هيوافق

الكل باستغراب _ جوزها!

رودينا بانفعال_ جوز مين، هو انا طلعت متجوزه كمان

مراد _ ايوه بس انتي معذوره مش هتقدري تفتكري، اصل الجوازة تمت قبل الحادثه

ملك بصدمه _ انت بتقول ايه، ومتجوزه مين

مراد _ انا

رودينا بانفعال_ كداب انا مش ممكن اكون متجوزاك،اطلع بره

مراد يطلع ورقه من جيبه _ بص يا شيخ مش ده عقد جواز ولا انا غلطان

المأذون _ فعلاً، العقد صحيح هي زوجته، استغفر الله عن اذنكم ربنا لا تأخذنا بما فعل السفهاء منا، ايعقل ان تتزوج مرتين في نفس الوقت

شهاب يمسكه من لياقة قميصه بغيظ_ اتجوزتها، امتي انت كداب والورق ده مزور

مراد يشيل ايده ببرود_ مبكدبش روددينا مراتي، اظن انها كانت كبيرة بما فيه الكفايه عشان تجوز نفسها، مش كده يا رورو

رودينا بانفعال_ انت كداب، مستحيل دا يكون حصل،

مراد يطلع التلفون و يوريهم الصوره بتاعتها معاه_ طيب انا كداب والصوره دي بتكدب مش دي انتي

شهاب يبص لرودينا باحتقار _ اخص عليكي، بتجوزي جوز بنتك خالك وتستغفلينا كلنا انا من النهارده معنديش اخوات ياريتك كنتي موتي احسن، ماما انا همشي هتيجي معايا ولا تنسي ان ليكي ابن

ملك بقهر ودموع_ انتي تعملي فينا كده، دا كان جوز صحبتك، يعني اتجوزتيه عليها وخونتيها زي ما خونتي ثيقتنا فيكي خساره يا رودينا،.. خليكي معاه،.. يلا ياشهاب

رودينا بدموع_ انا مش فاكره حاجه

ملك تبصلها بقهر، وتمشي وتسيبها

رودينا ببكاء_ روحو انا اصلا معرفكمش علشان ازعل عليكم وتداري وشها في المخدة وتبكي

بهاء _ ايه اللي بيحصل هنا، هي متجوزه ولا لاء

مراد يوقف قدامه ويبصله من فوق لتحت _ اه متجوزه، يعني ابنك اغتصـ.ب مراتي، وانا هوديه ورا الشمس بلغو كده كويس يلا برا

بهاء بتحذير_ ابني هيطلع، وانت ومراتك هتدفعو تمن الليلتين اللي قضاهم في السجن غالي اوي،

مراد بتريقه _ معايا اتنين جنيه فكه ينفعو..

بهاء يوقف عند الباب ويبصله بتعند

مراد _ ايه بتبصلي كده ليه، ما تتكل.. يلاااا

بهاء يمشي، ومراد يروح عند رودينا ويقعد علي الكرسي جمبها

مراد _ رودينا ... رودينا بصيلي هنا انا وبكلمك

رودينا تديلو ضهرها وتغمض عينيها بوجع ومتردش

مراد بتنهيده _ الكلام اللي قولته دلوقتي محصلش

رودينا تدور وتبصله بصدمه_ نعم

مراد _ زي ماسمعتي الورقه دي مزوره علشان كنت عارف ان دا هيحصل وانتي فالحه اوي رايحه توافقي بسهوله لا وكمان عاوزه تعيشي معاه

رودينا باستحقار _ ياعم وانت مالك بيه مش كفاية اللي عملتو معايا لغيت دلوقتي، انت مخلتش حآجه وحشه معملتهاش، حتي آلنآس اللي بتقولو انهم اهلي سابوني بسببك، ما تسيبني في حالي

مراد _ لا مش هسيبك في حالك، رايحه، توافقي عليه علشان يكمل عليكي ولا فاكره انه هيتوب على ايد حضرتك

رودينا باستحقار _ لا كتر خيرك فيك الخير، بس هو ميجيش نقطة في بحرك

مراد _ مش انا السبب في كل الي حصلك؟! خلاص انا هصلح كل حآجه واخد الامانه اللي معاكي وبعد كده مش هتشوفي وشي، حلو كدا

رودينا _ ومين قالك اني هكمل الحمل ده

مراد _ يعني ايه

رودينا _ يعني انا مش عاوزه الطفل دا

مراد بحده _ لو عملتي اي تصرف غلط هزعلك

رودينا بغيظ_ متصدقش نفسك يا بابا، رودينا القديمه اللي كنت تهزئها وتسكت خلاص ماتت الي بتكلمك دلوقتي شهد، وهخلص حقي منك ومن حمزه، والحمل مش هيكمل، امشي برا متجيش هنا تاني احسنلك

مراد _ تصدقي خوفت، ويقرب منها ويبصلها بحده _ رودينا اعقلي، انتي خارجه النهارده، وهاخدك في مكان محدش يعرفلك طريق فيه، وهنكتب الكتاب بجد

رودينا تضربه في كتفه وبحده _ انا اموت نفسي ولا اسمي يتكتب جمب اسمك في ورقه واحده

مراد ببرود _ هيتكتب غصب عنك،

رودينا تقوم من مكانها بانفعال _ متنساش نفسك، انا هروح ل ابو حمزه واقوله انك. كداب وهو يتصرف معاك

مراد يطلع منديل من جيبه_ الظاهر ان الذوق مش هيجيب نتيجة معاكي

رودينا ترجع للخلف _ لو قربتلي هصرخ والم عليك المستشفي، وفجاه يمسكها و يحط المنديل علي وشها وهي تضرب فيه شويه لغيت ما بتوقع بين ايديه، وهو يشيلها ويطلع بيها على العربيه و يوديها شقة في مكان بعيد، ويتصل ب هشام

مراد _ ايوة ياعمي، كله تمام، هات بابا والمأذون وتعاله

هشام_ وهي رأيها ايه

مراد_ مش موافقه طبعا، حضرتها رايحه تجوز حمزه بعد الي عمله، بنت اختك اتجننت

هشام_ تجوزه ازاي، لا يمكن طبعا، انا هجيب المأذون وهاجي وتكتب عليها علشان ننهي الموضوع ده

لا يمكن يتجوزها بعد اللي عمله

بعد يومين

بيت انور

صبا _ انور

انور بزهق _ عاوزة ايه

صبا _ كنت عاوزه اقولك اني لقيتلك عروسة

انور بانفعال _ دا انتي ما صدقتي بقا، اعتبر ان ده عدم راحه معايا ولا كرهتيني

صبا _ حبيبي افهمني انا بحبك والله وبعمل كدا علشان مصلحتك، ذنبك ايه انت تكبر في السن ومتلقيش حد جمبك

انور _ انا قولتلك اني مش عاوز غيرك،، انتي عكازي ولا انا تقيل عليكي

صبا _ انا اشيلك برموش عنيا، عمرك ما تكون تقيل، بس انا مضمنش عمري، مش عاوزه يجي اليوم الي اسيبك فيه لوحدك لو بتحبني اتجوز واملا البيت عيال

انور _ طيب مش خايفه احبها وانساكي

صبا بإبتسامة _ مبيتهيأليش، حتى لو بطلت تحبني انا هفضل طول عمري احبك

انور بتنهيده _ ماشي يا صبا موافق شوفي المفروض نعمل ايه

صبا بفرحه _ حبيبي تسلملي، انا اختارتلك نهله، بنت غلبانه وملهاش حد

انور_ نهله يا صبا، دي بنت مروشه وانا مبقبلهاش

صبا _ دي طيبة واكيد هتحبها

انور بغيظ_ احبها؟ مش بقولك كرهاني انتي عاوزه تجوزيني علشان العيال ولا عشان احب غيرك

صبا بإبتسامة _ والله مش هزعل لو حبيتها، وعمرنا ما هنعمل ضراير، هترتاح صدقني

انور بزهق _ ماشي يا صبا ربنا يعمل اللي فيه الخير

بيت مراد

مراد بيفتح الباب يلاقي رودينا بتنط من على الكنبه وتتوجع، اول ما بيشوفها بيسيب الي في ايدو ويجري عليها ويسندها، وبانفعال _ حراام عليكي يا شيخه، انتي بتعملي ايه

رودينا تذق ايده وتسند بطنها بوجع.. وبغيظ_ ملكش دعوة بيه،

مراد بزعيق_ لو مقعدتيش وبطلتي جنان هكتفك الشهور الباقين في السرير انتي فاهمه

رودينا تضربه في كتفه بغيظ _ لا تكون فاكر نفسك جوزي بجد ودا ابنك، فوق يامراد فووق، مفيش واحد عنده دم يقبل علي نفسه كده

مراد بانفعال _ انا معنديش دم قولي اللي انتي عاوزاه، بس لو البيبي ده حصله حآجه هزعلك

رودينا بانفعال _ وانت عاوزني احتفظ بيه ليه انا مش عاوزاه، مش عاوزه عيل من الحرام

مراد _ وانتي ضامنه انه لو نزلتيه بطريقة دي هتقدري تعيشي مش يمكن تموتي

رودينا ببكاء _ ياريت اموت، ابوس ايدك موتني وتمسك ايده تبوسها

مراد يشد ايده منها _ ايه اللي بتعمليه ده، انتي مبقاش فيكي عقل

رودينا ببكاء _ انت لو ما مو.تنيش انا هموت نفسي بجد، مش عاوزه اعيش ولا عاوزه البيبي ده، صدقني مش هقدر احبه

مراد _ طيب استهدي بالله، هو لو ملهوش نصيب يجي لدنيا مكنتيش حملتي فيه

رودينا ببكاء _ طيب وهو ذنبه ايه يجي لدنيا اقوله ايه لما يسألني علي ابوه

مراد بتنهيده _ دا ابني انا وهكتبه علي اسمي

رودينا _ لأ انت لو اخر حد في الدنيا مش هيتسما علي اسمك

مراد _ ليه

رودينا باستحقار _ مش عاوزه حآجه تربطني بيك وياريت تلغي العقد اللي بينا

مراد _ اقعدي يا رودينا

رودينا _ مش قاعده

مراد _ طيب براحتك، بس انا هقولك حآجه،

رودينا _ ها

مراد _ رودينا انا اتجوزتك بس دا مش معناه ان جوازنا هيتم، احنا هنعيش مع بعض صحاب واخوات وبس دا لو جه اليوم وصفيتي من نحيتي يعني،، وتاني حآجه انا هكتب ابنك علي اسمي، وهيطلع لدنيا ميعرفش اب ليه غيري انا، مفيش حمزة، مش هنجيب سيرة اللي حصل، لا ليه ولا لسفيان، ، وتالت حآجه، جودي كانت وصيتها اني اتجوزك، واخيرآ، خدي ده

وبيديلها مسدس

رودينا _ مالو ده

مراد_ خليه معاكي، لو حسيتي في يوم انك مش قادره تسامحيني، تقدري تقتلـ.يني وانا مسامح

رودينا باستحقار _ ايوة المفروض كده اني انسا واقولك اوكي يلا نعيش في سعادة وننسا اللي حصل.. مرااد لا موتك ولا تنازلك بانك اتجوزتني علشان تستر عليه ولا وصية مراتك، هيشفعولك عندي.. انت عملت فيه اللي متعملش متنساش ده

مراد بزهق _ طيب والمطلوب منى دلوقتي جبتلك مسد.س وبقولك اقتـ.ليني اعمل ايه تاني علشان يرضيكي

رودينا باستحقار _ هيرضيني لما

اشوفك بتتعذب قدامي

مراد بزهق _ ماشي ياستي ندعي ربنا انه يجيلي مر.ض وحش علشان تتفشي وتهدي وفجاه بيسند بطنه ويترمي علي الارض ويتوجع بشده

رودينا تشوفه كدة وتنزل علي ركبتيها بقلق وخوف، وتمسك فيه _ مالك، كنت كويس،،،

مراد بوجع _ مش عارف، الظاهر اني تعبان بجد الدكتور قالي معرض لمرض وحش وانا مصدقتش، اااه

رودينا ببكاء _ مراد متستهبلش انا عارفه انك. كداب، قوم ونبي

مراد بوجع شديد _ اااه بطني بتتقـ.طع

رودينا تسنده على رجلها وتبكي بشده_ اعمل ايه انا دلوقتي ياربي، خد نفس طيب هروح اجبلك ميه

مراد _ اااه بسرعه مش قادر

رودينا تسيبه وتجري علي المطبخ تجيب ميه ولما ترجع بتلاقيه واقف قريب من الباب وبيظبط هدومه

رودينا توقف متنحه

مراد بإبتسامة _ ايه مالك

رودينا _ انت مش كنت بتمو.ت دلوقتي

مراد _ ههههه لا، بس كنت عاوز افش غلك فيه شويه، لكن انا محستش انك فرحتي تحبي افتحلك دما.غي بسطـ.ور

رودينا تقرب منه وهي بصاله بغيظ وفجاه بتلق كباية الميه علي وشه وبأنفعال_ ياغـ.بي يا حقـ.ير، امشي من وشي لا ارتكب

فيك جنا.يه دلوقتي

مراد يمسح وشه وبابتسامه_ طيب خلاص ماشي هدي اعصابك، الانفعال غلط علي البيبي

رودينا بغيظ_ انت انسان مستفز، كل يوم بكرهك اكتر من الي قبله

مراد يمط شفتيه _ ماشي ياستي، ان شاءلله قطر يدو.سني عشان ترتاحي

رودينا تبص بعيد بارتباك _ يارب

مراد _ قلبك اسود دا بدل ما تقولي بعد الشر

رودينا تشرد ولحظات تمر عليها من ذكرايتها معاه، وبعدين تبصله

شويه وتمشي وتسيبه من غير كلام

مراد يبص عليها هي وماشيه ويحدث نفسه _ مسيرك تنسي، بس يارب ما تفتكري ايام زمان انا مش ناقص ولا مستعد اعمل حآجه اكتر من كده.. وبعدين يبص لفوق وكانه يحدث شخص _ ايه الاخبار، مرتاحه كده يعني انا اهو نفذت وصيتك ورجلي فوق رقبتي، يارب تكوني مرتاحه دلوقتي،...... يتبع

احببت مجنونة 3( احببتك رغمآ عني) p18

بعد شهرين

انور بيتجوز نهله وبتقعد في بيت لوحدها

في بيت صبا

انور _ مالك عماله تعاله تعاله من الصبح، حآجه حصلت ولا ايه

صبا بلخبطه _ كنت عاوزة اقولك حآجه بس مش عارفه هتفرح ولا تزعل

انور _ مش هزعل قولي في ايه

صبا _ انا حامل

انور يبصلها وهو مش مستوعب الي بتقوله _ حامل ايه مش فاهم

صبا بإبتسامة_ حامل بيبي في الشهر التاني

انور بصدمه _ صبا متهزريش بقا

صبا بابتسامة _ مش بهزر والله انا كشفت امبارح وعرفت اني حامل

انور بفرحه _ بتتكلمي بجد، يعني انا هبقا اب وانتي هتبقي ام وكده

صبا بفرحه _ ههههه هتبقا أبين انا حامل في تؤم

انور تزيد فرحته ويلف حولين نفسه بذهول _ اتنين، يعني انا اصبر كل ده وفي الاخر ابقا اب لاتنين مره واحده

صبا بإبتسامة باهته _ ايوه شوفت ارادة ربنا

انور _ طيب كده انتي حامل اهو، خلاص بقا نهله ملهاش لازمه تاني

صبا _ ايه اللي بتقوله ده،

انور _ هطلقها يا صبا مبقتش محتاجها خلاص

صبا بزعل_ معقول يا انور دا تفكيرك وهي ذنبها ايه

انور _ انا هديها كل حقوقها مش هظلمها

صبا _ مينفعش يا انور علشان خاطري ماتقولش كده تاني

انور _ أول مره اشوف واحده متمسكه بضرتها زيك

صبا _ احنا مش ضراير نهله صحبتي واختي، ومش بنحاول نضايق بعض بيك ف ليه تظلمها

انور بتنهيده _ بس انا مش عاوز غيرك انتي

صبا _ نصيبك تكون جوز اتنين يا انور،

انور بانفعال _ مفيش حآجه اسمها نصيب انا اتجوزتها عشان اخلف ودلوقتي خلاص مش محتاجين منها حآجه

صبا _ متقولش كده، ربنا رزقنا بالحمل ده بعد سنين، اخاف نظلمها ربنا ياخدهم مننا يا انور

انور بتنهيده _ بعد الشر، لكن يا صبا

صبا تحضنه_ مفيش لكن حاول تحبها هي كمان، ودا مش هيقلل من حبك ليه

انور بزهق _ مش بأيدي، هي بنسبالي وسيله ودلوقتي خلاص مبقلهاش لازمه معايا

صبا تبعد عنه وتبصله_ علشان خاطر ولادك اللي لسه مجوش، متظلمهاش، انا اللي جوزتهالك هي ملهاش ذنب تطلق بعد شهرين جواز

انور بزهق _ هحاول، ياصبا،

صبا _ طيب فرفش كده و قولي عاوز تسمي ايه

انور بإبتسامة باهته _ ممكن لو مش هيضايقك لو جت بنت فيهم اسميها مريم

صبا بابتسامة _ من غير ما تقول كنت هقترح عليك الاسم ده

انور _ تسلمي

صبا _ طيب كده لازم نختار اسم بنت واسمين ولاد

انور _ اممم لو ولد نفسي اسمي رحيم.. دول الاسمين اللي حاببهم وتقدري تختاري انتي لو مش حباهم ونشوف بعدين اي الاسماء المناسبة اكتر

صبا _ طيب لو هختار اسم بنت هيكون جميلة ولو ولد هيكون عمرو

انور _حلوين، لما يجو بقا نختار من الاربعه دول

صبا_ على خير، بس هما يجو الأول

انور _ ياه دا لسة فاضل سبع شهور علشان نسميهم، معرفتيش لسه نوعهم ايه

صبا _ ههههه مش قبل الرابع

انور _ لسة هنستنا الرااابع... وفجاه يقاطع حديثهم رنت الهاتف،

انور بزهق _ دي نهله.... الو

نهله بفرحه _ انور انت فين

انور _ في مشوار، خير

نهله بفرحه _ انا حامل يا انور

انور بصدمه _ حاامل

صبا بصدمه _ مين حامل

انور _ نهله بتقول انها حامل، ايه الحكاية اانتو مظبطينها مع بعض ولا ايه

صبا _ ههههه أبداً، ادهاني

انور _ خدي، ليحدث نفسه مثل المجانين ويحسب على اصبعيه، صبا حامل في اتنين ونهله يمكن حامل في اتنين كمان يبقا الحسبه تلاته او اربعه بالكتير، متقاطعش ان شاءلله هتكون حامل في تؤم ثلاثي

سفيان بفرحه _ يعني انا هيبقا معايا اخ زي صحابي

مراد بإبتسامة _ ايوه

سفيان يروح لرودينا جري _ رودينا رودينا، صح انتي في بطنك نونو

رودينا بإبتسامة باهته_ ايوه ياحبيبي، انت عاوز نونو ياسفيان

سفيان بفرحه _ ايوه، يلا هاتيه عشان العبه

رودينا محدثه نفسها _ وبعد ما اجيبه يتسما علي واحد غير ابوه، واكتر انسان بكرهو كمان، اه لو تعرف ابوك مؤذي قد ايه، وابو البيبي ميفرقش عنه حآجه، حاولت كتير انزله بس الظاهر ان ليه نصيب يجي لدنيا، بدعي ربنا ياخده قبل ما ينزل، حاسه بنار جوايا، مش اني حامله ابني

سفيان _ رووودينا انتي مش بتردي عليه ليه

رودينا _ هه نعم ياحبيبي

سفيان _ هتجيبي النونو امتي

رودينا بإبتسامة باهته_ انت عاوز ولد ولا بنت

سفيان _ عاوز بنت،، لا لا عاوز ولد، اقولك هاتي اتنين زي صحابي في المدرسه

رودينا _ ههههه ودي نعملها ازاي بقا هو واحد بس،

سفيان _ بس انتي ممكن تجيبي تاني بعدين زي ام صحابي صح

رودينا بضحك_ كان علي عيني يا حبيبي، انا كفايه عليه انت وبس

سفيان _ بس انا عاوز تانى

رودينا _ ههههه طيب ايه رايك لما تكبر انت وتجوز تجبلنا خمسه سته كده

سفيان _ لسه هستنا اكبر واتجوز

رودينا _ خلاص نجوزك دلوقتي ايه رأيك

سفيان بفرحه _ صح يا رودينا

مراد يوقف علي الباب ويضحك عليه _ مستعجل ليه، الستا.ت دول نكد ياحبيبي

رودينا تشوفه وتقوم تطلع من الاوضه

مراد يبص عليها بطرف عينه ويمط شفتيه وبعدين يروح يشيل سفيان

مراد _ بقا انت عاوز تجوز يا مفعوص

سفيان _ ايوه يا بابا اشمعنا انت وجدو وجدو التاني متجوزين

مراد _ ههههه عشان احنا ملقناش حد يقولنا عيب،

سفيان _ هو الجواز عيب يابابا؟

مراد _ ههههه لا مش عيب، انت عاوز تجوز مين بقا

سفيان يفكر شويه_ معرفش

مراد _ بكره تكبر وتعرف، بطل رغي بقا ويلا عشان ننام

سفيان _ لا مش عاوز انام،

مراد _ كده هتتاخر علي المدرسه الصبح

سفيان_ طيب هتنام معايا زي كل يوم

مراد_ ايوه وهحكيلك حدوتة ابو رجل مسلوخه

سفيان_ لااا انا عاوز حدوتة امنا الغوله اللي بتحكهالي كل يوم

رودينا تسمعه وتيجي وبغيظ_ رجل مسلوخه ايه وامنا الغوله ايه اللي بتحكيهم لطفل في السن ده

مراد يبص لسفيان _ دا طفل ده قولها ياحبيبي على الفيلم اللي بتحب تسمعه

سفيان _ بحب فيلم العروسه اللي بتقـ.تل الراجل هي وخطيبها، اللي بتجيب بيبي في الاخر زي كده

رودينا بذهول_ نهار اسود، هات الواد انت خطر عليه دي حاجات يسمعها

مراد بضحك_ وانا مالي هو اللي بيسمعهم

سفيان_ انتي بتخافي من العروسه يا رودينا،

رودينا تبص لمراد بقرف_ بخاف من العريس ياحبيبي

سفيان_ بيعمل ايه.. بيقـ.تل زي العروسه؟!

رودينا بشرود _ حآجه زي كده، تعاله انت هتنام معايا انا، وبتتقدم خطوتين ليوقفها صوت مراد

مراد_ استني.. سفيان حبيبي روح شغل الفيلم واحنا هنيجي وراك

سفيان ينزل من علي دراعتها _ حاضر يا بابا وبيمشي

رودينا مديه ضهرها لمراد وبخنقه_ نعم

مراد يوقف قصادها _ هتفضلي بتعامليني كده لامتي

رودينا بخنقه_ وانا بعاملك ازاي

مراد_ شوفي نفسك، انا خلاص مبقتش عارف ارضيكي، اعتذرتلك مليون مره وانتي لسه مش قادره تنسي

رودينا بدموع و وجع_ يمكن لو شفتك بتتعذب قدامي، احن عليك شويه

مراد_ وهو ايه نوع العذاب اللي عاوزاه عشان تحني عليه وتنسي

رودينا _ معرفش بس انا متاكده ان اليوم دا هيجي، ولما اشوفك متعذب وقلبك محروق ساعتها هحس براحه

مراد_ قلبك اسود يا رودينا، بس لنفترض ان اليوم ده جه وحصلتلي حآجه تكسرني قدامك، من قلبك هتكوني مبسوطه

رودينا بتركيز في عنيه _ اووي، انا مش مستنيه اليوم ده يجي بجد عارف ساعتها هزغرت وقدامك علشان ازيد حر.قت قلبك

مراد يشعر بكل كلمه بتقولها واكنها سهم بيتغـ.رذ في صدره ويحدثها بخنقه_ تصبحي على خير، ويمشي ويسيبها

رودينا تبص عليه هو وماشي وتحاول تحبس دمعتها،، محدثه نفسها_ مش عاوزة حآجه وحشه تحصل بس انا عاوزاك تحس بأحساسي دلوقتي، غلطتي الوحيدة اني حبيتك ودي مكنتش بأيدي، كان ممكن تصدني مش تعمل فيه كل ده، كان قلبك قاسي عليه اوي، وكأن احساسي بمشاعر تجاهك ذنب وظلم ليك

بعد وقت مراد بيدخل اوضته هو وسفيان وهي بتطلع تجيب كتاب من المكتبه لتقرا فيه بدون ما تطلع صوت، وبيستوقفها صوت مراد وهو بيتكلم ويرد علي نفسه، داخل اوضته

مراد بخنقه_ عاجبك كده يعني، اهي كل شويه تسم بدني بكلامها .. انا مش عارف مستحمل كلامها ليه ما اسيبها مع نفسها، هو غفرانها هيدخلني الجنه ولا يطلعني منها... بس ارجع واقول انك انتي السبب كان ممكن تفهميني قبل ما اصورها انك انتي اللي بعتي الصوره مش هي، انا مكنتش هزعل منك، ولا كنت هحب غيرك زي ماكنتي فاهمة،، عبيطه يا جودي

رودينا تسمع اسم جودي وتفتح الباب فجاه وتدخل علي طول وتدور هنا وهناك

مراد باستغراب _ في ايه

رودينا بانفعال _ انت مش قولت مراتك ماتت

مراد _ ايوة، في ايه،

رودينا _ انا لسه سمعاك بتكلمها، بطل كدب

مراد _ اااه دا انتي بتتسنطي عليه بقا

رودينا بلخبطه_ مكنتش بتسنط انا كنت معديه رايحة المكتبة ف سمعتك

مراد_ ااه طيب

رودينا بتركيز_ هي فين، ومقولتليش ليه انها هي اللي بعتت الصور

مراد بلخبطه_ مش هي

رودينا بزعيق_ كدااب هي انا سمعتك

مراد_ اششش سفيان نايم

رودينا بصوت خافت_ مقولتليش ليه طيب

مراد _ هي ماتت خلاص ملوش لازمه اقولك

رودينا_ انت قولتلي كانت بتحبني صح

مراد _ كانت بتعتبرك اختها

رودينا_ والي بيعتبر حد اخوه يتهم بأتهام زي كده،

مراد بتركيز _ عاوزاها تعمل ايه لما تحبي جوزها ما كانت زي اختك بردو

رودينا بدموع وانفعال_ بقولك ايه متنرفزنيش، انت بنفسك قولت اني معملتش حآجه ومشيت وسبتكم في شهرها التامن وان دا مجرد احساس منكم، ليه ميكنش انتو غلطانين

مراد بتركيز_ انتي لو كنتي تشوفي شكلك وقتها، ولخبطتك ورجفت ايديكي لما اكون انا موجود ولا لما تيجي سيرتي كنتي هتفهمي اننا مش غلطانين، ويمكن لما ترجعلك الذاكرة كويس، تفتكري كل حآجه

رودينا بدموع وخنقه _ يمكن كلامك صح، بس اكيد في سبب خلاني افكر فيك، بيتهيالي اني مكنتش وحشه لدرجة اعوز اخطفك.من مراتك... جاوبني، انا كنت وحشه؟!

مراد بتركيز_ لا الحقيقه، لما الموضوع تطور معاكى سيبتي الشغل واسكندريه كلها ومشيتي، بس دا ميمنعش ان احنا غلطنا، قربنا من بعض بزياده، انا من الاول قولت مينفعش تقعدي معانا بس خوفت اقولهالك تزعلي،.. ياريتني كنت قولت، وكنتي زعلتي عادي

رودينا بخنقه _ طيب انا نسيت نفسي وفكرت فيك او حبيتك زي ما بتقول، وانت؟

مراد _ يمكن لو مكنتش بحب جودي او عرفتك انتي الاول كنت حبيتك،.. انتي فيكي كل الصفات الحلوه، بس انا محبتش غير جودي ولغيت دلوقتي مش قادر افكر في واحده غيرها

رودينا بتنهيده _ اه.. كويس، يلا تصبح عل خير

مراد _ استني،

رودينا _ ايه

مراد _ بقالك فتره مقولتليش افتكرتي حآجه جديده

رودينا تديلو ضهرها كانها بتتهرب من النظر ليه _ مفتكرتش حآجه تاني

مراد بشك _ اكيد

رودينا _ اكيد، وبتمشي

مراد محدث نفسه _ ولما انتي مفتكرتيش عرفتي ازاي انك مشيتي ف شهرها التامن، انا مقولتش ليكى هى كانت فى الشهر الكام،، اصلا، انا مكنتش فاكر غير لما قولتي.. بس احسن خليكي علي طول كده

بيت يوسف

شذا بتطبخ وهي لوحدها في البيت وعماله تدندن وبتفكر في يوسف بإبتسامة

وفجاه حد بيحضنها من الخلف، ويجعلها تفزع من الخضه، لتمسك بالطاسه السخنه وتضربه علي رأسه،

يوسف يسيبها ويفتح عينيه ويوقع بشكل افقي ليصتدم برخامة المطبخ وبعدها علي الارض

شذا بصراخ_ يامصييبتي، يوووسف، وتجري عليه وتشد فيه

شذا ببكاء_ يووسف، قوم ونبي، قوم انا اسفه والله كنت فكراك عفريت، يووووسف قوم

يوسف يفتح عينيه بالعافية،_ الله يخر.بيتك ويغمض تانى

شذا ببكاء_ قوم علشان خاطري، يوسف قوم انت موت ولا ايه

يوسف بدوخه_ شكلي كده

شذا ببكاء_ يوسف ونبي قوم انا خايفه عليك

يوسف يأشارلها بأيده علشان تجيب ميه، وبتقوم بسرعه، وتجري تجيب ميه سقعه من التلاجه،وترجعله، وقبل ما تقعد جمبه بتتعرقل، وتقلب الميه علي وشه

يوسف يشهق زي اللي بيغرق ويقوم يقعد وبتعب_ الله يخربيتك

شذا ببكاء_ يوسف انت عايش

يوسف_ لحد اللحظه دي... أااه

شذا تحط ايده علي كتفها وتحاول تقومه _ ساااعدني، انت تقيل اوي

يوسف يضرب في رأسها بأيده _ شيلي انتي وساكته

شذا تسيب ايده ليقع مره تانيه وبنرفزه _ ياخي دا انت رزل

يوسف بوجع_ اااهاااا ااه هتموتيني

شذا تقعد جمبه _ اسفه اسفه، يلا قوم طيب

يوسف بتعب_ انتي مين

شذا باستغراب_ انا مين ازاي، انا شذا يا يوسف

يوسف بيرفع عين وينزل عين بدوخه _ مش انتي قصدي التانيه اللي بتقلدك دي

شذا بخوف _ نهار اسود يا يوسف، مفيش غيرنا في البيت

يوسف يبصلها بدوخه_ انتي هتكدبي امال مين الاربعه اللي وراكي دول، ههههه دول شبهك تصدقي، وايه المطابخ الكتيره دي، انتي جبتيهم امتي، وكمان تلاجه ههههه جدعه جدعه، احنا كنا محتاجين تلاجتين كمان فعلاً.

شذا تبص حواليها بخوف _ يوسف انت اتلبست، مفيش حآجه من الي بتقولها، قوووم بقا

يوسف بدوخ_ هاهاهه شوفتي بيقلدوكي ازاي، شوفي شوفي بيبرقو ازاي، مقولتليش ان معاكي اخوات تؤم قبل كده

شذا تسيبه وتجري برا المطبخ بخوف

يوسف ببلاها_ هه ههه بيجرو وراها، ااه تلاقيها كانت بتطبخلهم هما، اما اقوم اسلم عليهم

بيطلع وهو بيتمطوح وشايف الحاجه اربع مرات، ويبص يمين شمال وهو دايخ

يوسف _ شذاا انتو روحتو فين،

شذا مستخبيه ورا الكنبه وبترتجف من الخوف، وهو بيدور عليها، ويشوفوها مستخبيه، ويقرب منها براحة، ويجي من وراها _ بخ مسكتكم، انتو بتلعبو من غيري ليه

شذا بصراخ _ ااااع ، ابعد عني، اعوذ بكلماتك الله التامات من شر ما خلق، .. الا صلاتي ما اخليها... ايييه الي بقوله ده ، ونبي اطلع من رجله ونبي

يوسف يفرك عينيه ويبتدي يشوف كويس، وباستغراب_ ااه مالك يا شذا

شذا ترجع للخلف بخوف _ انت مين، وعاوز مني ايه، الله يخليك سيب جوزي في حاله

يوسف باستغراب _ شذا انتي اتجننتي مالك

شذا ببكاء _ دا عارف اسمي يامصيبتي يامصيبتي،

يوسف يقرب منها وهي تبعد وتتعرقل في مشيتها

شذا بخوف _ انت عاوز مني ايه، ابعد لا اقرا عليك اية الكرسي، والله هقرا عليك اية الكرسي بجد

يوسف يمسكها فجاه ويشدها وبحده _ انتي بتقولي ايه،

شذا تداري وشها وترتجف _ خلاص والله مش هقراها بس سيبني... يتبع

احببت مجنونة 3 ( احببتك رغمآ عني) p19 والاخير

بعد اشهر

مراد بيتكلم في التليفون _ هرب ازاي يعني،

الطرف التاني _ جماعه ملثمين معاهم سلا.ح وقفو عربية الترحيلات وهربوه من يومين

مراد بانفعال _ لعب عيال هو، ازاي يقدرو يهربوه.. خلاص اقفل دلوقتي

بيقفل معاه ويروح لرودينا بسرعه

بيت مراد

رودينا بتعب_ جاي ليه دلوقتي سفيان لسه في المدرسه

مراد_ انا جايلك انتي، حمزه هرب من السجن واكيد هيحاول يوصلك

رودينا _ هيموتني يعني؟

مراد_ معرفش ممكن يعمل ايه، المهم تخلي بالك متفتحيش لحد نهائي انا ومش موجود

رودينا _ متشغلش بالك بيا وخليك في نفسك

مراد بانفعال _روودينا مش وقتك دلوقتي، اسمعي الكلام من سكات

رودينا _ ، متعملش انك خايف عليه

مراد يمسكها من دراعها بعنـ.ف_ قولتلك مش وقتك، انتي دلوقتي مسؤله مني ولازم احميكي برضاكي او غصب عنك

رودينا بوجع_ طيب سيب ايدي... سيب ايدي يا مراد

مراد يسيبها ويبصلها بحده_ ياريت لغيت ما يلاقو حمزة تسمعي كلامي ممكن ولا مش ممكن

رودينا _ لا مش ممكن وانا مش هستخبا من حد، دا انا بدعي ربنا انه يجي عشان لا يقتلني لأما اقتله

مراد بخنقه_ يبقي هيقتلك انتي والي في بطنك،.. رودينا علشان خاطري

رودينا بمقاطعه_ ملكش خاطر عندي

مراد_ مش مهم، علشان خاطر اي حد غالى عندك، نعدي الفتره دي وبعدين اعملي اللي انتي عاوزاه، و اوعدك بعد الولاده علي طول هطلقك اوك

رودينا_ تطلقني

مراد_ ايوة، مش هو ده اللي عاوزاه

رودينا_ اسمها تقطع الورقه انتي مش جوزي عشان تطلقني

مراد بخنقه_ نقطع الورقه ياستي حلو كده، ممكن تريحي نفسك بقا

رودينا بوجع _ اااه اااااه الحقني

مراد يسندها وبقلق _ هتولدي ولا ايه

رودينا بوجع _ شكلي كده ااااه الحقني هموت

في المستشفي

مراد بيتكلم في التليفون _ ايوه يا مصطفى انت فين

مصطفى_ في البيت

مراد_ طيب هتعبك تروح تجيب سفيان من المدرسه علشان احنا في المستشفي دلوقتي

مصطفى_ مستشفى ليه

مراد_ رودينا تعبت وشكلها هتولد

مصطفي باستغراب_ ولادة ايه دي لسه مكملتش السابع تقريباً

مراد بلخبطه_ اه فعلاً بس بتحصل، ادعيلها

مصطفى_ طيب، انا جايلك دلوقتي

مراد_ انت شوف سفيان بس، قبل ما الباص يروح البيت ميلقيش حد

مصطفى_ ماشي ياحبيبي، ربنا يطمنك عليها، انا هجيب سفيان ونجيلك

مراد_ ماشي ياحبيبي مع السلامه

بيقفل معاه ويروح اوضة رودينا يلاقيها واقفه وبتتوجع

الممرضة_ من فضلك اسندها وساعدها تتمشي

رودينا بتعب _ لا انا هعرف امشي لوحدي

الممرضة_ يافندم خليه يساعدك، ممكن توقعي لوحدك

رودينا بزعيق_ قولت لاء

مراد يروح عندها ويمسك ايدها _ ممكن تسمعي الكلام شويه

رودينا بوجع_ هقدر اتمشي لوحدي مش محتاجه مساعدة منك ابعد عني... اااه وتبتدي تبكي وتسند عليه

مراد يسندها _ معلش استحملي

رودينا ببكاء_ مش قادره ضهري هيموتني

مراد يحتضنها _ شويه وترتاحي

رودينا تسند عليه وتبكي من شدة الألم _ يارب بقا يارب...

مراد يصعب عليه حالها لتنزل دموعه رغمآ عنه

رودينا بوجع _ الدموع دي علشاني انا

مراد _ عشان مش عارف اساعدك

رودينا بدموع وتعب _ عارف

مراد_ ايه

رودينا _ يمكن اموت النهاردة انا حاسه بكده

مراد بدموع_ متقوليش كده كتير غيرك بيولدو ويقومو تاني عادي

رودينا_ لو موت، عاوزاك تعرف اني مش بتمنالك حآجه وحشه، انا بقول الكلام ده من قهرتي منك

مراد _ يعني مسمحاني

رودينا بألم _ لاء.. ااااه. لاء مش مسمحاك، بس مش عاوزة حآجه وحشه تحصلك

مراد _ متاكد ان هيجي اليوم اللي تسامحيني فيه،

رودينا _ مفتكرش، مش سهل انسا انك انت السبب في كل حآجه وحشه حصلتلي، وتبتدي دموعها تنزل _ مش هقدر انسا اني في يوم فكرت فيك انت بذات، ياريتني كنت سافرت مع ماما من الاول، مكنش حصل كل ده

مراد _ يعني افتكرتي اهو

رودينا ببكاء _ للأسف اه افتكرت كل حآجه، عارف، الاصعب من الي انا فيه دلوقتي اني جاهدت نفسي طول خمس سنين علشان انساك ومقدرتش ولغيت دلوقتي مش قادره انساك

مراد يحتضنها وبدموع _ انا اسف، كان نفسي اساعدك بس غصب عني مقدرش اساعدك في الموضوع ده بذات، مع الوقت هتقدري تنسي

رودينا يزيد عليها الوجع ورجليها متشلهاش وتوقع علي الارض،ويجو الممرضات يشيلوها

الممرضة _ اطلع بره من فضلك

رودينا تبصله وهي بتتوجع وتشاورله

مراد_ لحظه بس اشوفها

الممرضة_ بسرعه طيب

مراد _ حاضر،ويقرب منها ويمسك ايدها وبتركيز_ نعم

رودينا بألم _ مش عارفه هطلع من هنا عايشه ولا لا،خايفه اموت من غير ما اقولك،

مراد بتركيز_ قولي سامعك

رودينا بدموع _ بحبك يا مراد

مراد بإبتسامة باهته_ خليكي تقومي بسلامه وبعدين نتكلم

الممرضه_ من فضلك يلا

رودينا ببكاء _ متسبنيش لوحدي

الممرضة_ مينفعش لازم يمشي وتتقدم نحيته وهي بتشاورله علي الباب

مراد بدموع_ انا هنا متاخفيش. والممرضه بتطلعه

مراد بيوقف بره ودموعه تنهمر في عينيه بخنقه لينظر للاعلي بترجي _ فينك يا جودي، انا محتاجلك اوي

في مكان اخر

سفيان بيوصل الشقة اللي كانت قاعده فيها رودينا وفجاه واحد ملثم بيمسكه ويدخله عربيه وبعدين بتمشي، بتروح مكان مقطوع

سفيان بخوف انا عاوز اروح لبابا

الراجل_ احنا هند.بحك

سفيان ببكاء_ يا بابا

الراجل التاني_ مفيش بابا، امسكوه هنمو.ته

سفيان يعض ايد الراجل ويجري بخوف، وهما يجرو وراه،

سفيان يصرخ ويتعرقل ليقع علي الارض، وفجاه بيطلع في وشه حمزة، وينزل علي ركبتيه، ويشيله

سفيان بخوف_ الحقني ياعمو هيموتوني

حمزة بخوف مصتنع _ متخافش انا ههربك، يلا بينا ويشيله ويجري بيه ويركب عربيته ويمشي بسرعه

سفيان ببكاء_ انا عاوز بابا

حمزه_ حاضر ياحبيبي، هندور علي باباك ونروحلو

سفيان_ بابا في البيت

حمزه_ لا لا مينفعش نروح البيت الحرامية مستنين هناك، انت هتيجي معايا نهرب بعيد يكون مشيو وبعدين نرجع لبابا تانى

سفيان ببكاء_ انا خايف

حمزة بخبث _ متخفش انا معاك لغيت ما ترجع لبابا

سفيان_ طيب

حمزة _ انت اسمك ايه

سفيان_ اسمي سفيان

حمزه_ لا ياحبيبي لو حد سالك علي اسمك قوله اسمي سيف عاصم اوك

حمزه_ انا اسمي سفيان مراد مش سيف عاصم

حمزه_ عااارف بس احنا هنقول كده علشان الحرامية ميلقوناش، ولو حد سالك مين ده قوله بابا

سفيان_ بابا؟

حمزه_ ايوه بابا

سفيان_ حاضر، بس توديني لبابا

حمزه_ طبعا، بس نهرب من الحرامية الاول

سفيان_ طيب هنروح فين دلوقتي

حمزه_ ركبت طياره قبل كده

سفيان_ لاء

حمزه_ طيب حابب تركب

سفيان بإبتسامة_ ايوة

حمزه_ انا هركبك الطيارة ونروح بلد سبيدرمان انت شكلك بتحبه وشنطتك عليها صورته اهو

سفيان بفرحه_ بجد يعنى هنروح لسبيدرمان

حمزه_ ايوه ياحبيبي

سفيان بفرحه_ميرسي ياعمو

حمزه_ قولي بابا

سفيان _ بابا

حمزه _ حبيب بابا، يلا احنا وصلنا المطار اهو، زي ما قولتلك انت هتقول انك ابني واسمك سيف عاصم اوك

سفيان_ اوك

بيعدو من المطار بورق مضروب وعند دخول الطيارة بيطلع تليفونه

حمزه_ ايه رأيك نتصور صوره مع بعض عشان نبعتها لبابا وميقلقش عليك

سفيان_ماشي

حمزه _ نطلع لسانا سوا اوكي

سفيان يطلع لسانه وهو مبسوط

حمزه_ ايوووه كدا، ايه رايك في الصوره

سفيان_ ههههههه حلوه شوف لسانك طويل ازاي

حمزه_ ههههه مش اطول من لسانك، يلا بسرعه الطيارة هطير

ويمسك ايده ويطلع في الطيارة، وبعد دقائق، تطير الطيارة، وتاخد سفيان بعيد، لمصير مجهول لا يعلمه ذلك الطفل البرئ،، ذهب سفيان وهو لا يعلم ماذا انجبت رودينا ولم يرا مولودها

في المستشفي

مراد بيلف حولين نفسه بقلق لغيت ما بيسمع صوت بكاء طفل

يوقف قدام الباب بفرحه،في انتظار حد يجي يطمنه،وبعد شويه بتطلع الممرضه وتديلو البيبي وبابتسامه_ بنوته زي القمر،تتربا في عزك

مراد يتأمل تفاصيلها الصغيرة بفرحه وكأنها من لحمه ودمه، ليحدثها بإبتسامة _ بسم الله ماشاءالله انتي طالعه حلوه لمين بقا، ثم ينظر للممرضه وباهتمام _ رودينا عامله ايه

الممرضه_ كويسه،تقدر تشوفها

مراد يطلع فلوس من جيبه ويديها للممرضه_ متشكر ويسيبها ويدخل ل رودينا

رودينا اول ما بتشوف بتبص الجهه التانيه باحراج وخنقه من نفسها بسبب الي قالته

مراد بإبتسامة_ حمدلله علي سلامتك، عامله ايه دلوقتي

رودينا تسمعه ومتردش

مراد_ شوفتي القمر دي شكلها حلو ازاي،هتسميها ايه

رودينا_ مش هسمي

مراد_ طيب ايه رأيك في اسم مسك

رودينا بخنقه_ اي اسم وخلاص

مراد _ طيب بصيلها حتي

رودينا بخنقه_ مش عاوزة من فضلك خدها وامشي، كدة انا دوري انتها، وانت حر تربيها تحطها في ملجأ توديها لابوها ميفرقش معايا

مراد بذهول_ دي بنتك، في ام تقول كده علي بنتها اللي لسه مكملتش عشر دقايق

رودينا ببكاء_ قولتلك من الاول اني مكنتش عاوزه أكمل الحمل ده، مش قادره ابصلها، هفتكر الي حصل كل ما اشوفها قدامي

مراد _ مهما كان اللي حصل هي ملهاش ذنب

رودينا بانفعال_ ولا انا ليه ذنب، مش قادره والله،.. الله يخليك ابعدها من هنا، متخلنيش اشوفها

مراد بقهر _ مش مصدقك بجد،

رودينا ببكاء _ مش قادره يا مراد والله غصب عني وتداري وشها في المخدة وتبكي

مراد يريح مسك علي السرير ويقعد جمب رودينا ويرفعها ويحتضنها لتتشبث به بقوه ويزداد بكائها

مراد باحتواء _ اهدي،

رودينا ببكاء _ انا عارفه اني غلطانه وميرضيش ربنا اللي بعلمه بس بجد مش قادره ابص في وشها، دي بنته يا مراد

مراد بتنهيده_ طيب عشان خاطري انا امسكيها هي محتجالك دلوقتي،

رودينا تهزراسها بالرفض وتبكي بهستيريا _ لا

مراد بدموع_ البنت بتبكي ومش هتسكت غير معاكى، علشان خاطري يا رودينا، استحملتي كتير استحملي المره د كمان

رودينا ببكاء_ ماشي هاتها

مراد_ تسلمي، ويبعدها عنه ويشيل مسك ويدهالها

رودينا تقاوم كرهها ليها وتبصلها تلاقيها بتفتح بوقها وتاكول في ايديها.. لتغمض عينيها وتبكي بشكل هستيري _ سامحيني مش قادره احبك يابنتي والله ما قادره

مراد ميقدرش يمنع دموعه انها تنزل، وفجاه مصطفي يتصل

مراد يتمالك اعصابه ويرد _ ايوه يا مصطفى

مصطفى بقلق _ ملقتش سفيان وسالت قالو نزل قدام البيت وروحت هناك ملقتهوش

مراد بقلق شديد_ هيكون راح فين يعني.

مصطفى _ معرفش دورت كتير ملقتهوش

مراد بقلق_ طيب انا جاي، وبمجرد ما يقفل بتوصله رساله من رقم غريب،يفتحها، وتترسم علي وشه تعابير الصدمه وكلام بيطلع بالعافية_ سفيان، لا لا، بيتصل بالرقم يلاقيه مغلق

رودينا _في ايه يا مراد مالو سفيان

مراد بقهر و وجوع_ حمزه حمزه خد سفيان

رودينا بصدمه_ انت بتقول ايه خده ازاي يعني

مراد بقهر _معرفش معرفش،ويسيبها ويطلع جرى علي عربيته وفي الطريق بيتصل ب البوليس علشان يلحقهم، وبعد ما بينهي المكالمة بتوصله رساله من رقم تاني،مكتوب فيها، اخبار الفرامل ايه

مراد يركز ويحاول يوقف العربيه لكن مبتوقفش والفرامل بيكون بايظ

مراد بقهر _ يا ولادالكـ.لب،

بيمشي بين العربيات بسرعه شديدة وبيبص حواليه على ليجد طريقه يوقف العربية بيها، ولكن بيخبط في عربيه تانيه والعربيه بتتقلب بيه

بعد شهر

مراد بيفتح عينه لأول مره من وقتها ويبص حواليه يلاقي نفسه لوحده ويفتكر سفيان لتنزل دموعه بقهر و وجع

مراد ببكاء_ سفيااان انت فين

بيجو كلهم علي صوته وبمجرد ما يشوفهم يبطل بكا

مراد_ سفيان فين

مصطفى يوقف جنبه ويحاول يهديه _ اهدي ياحبيبي

مراد بانهيار _ سفياان فيين، وسعو انا هرجعه، ويحاول يقوم وبمجرد ما يحط رجل علي الارض ويجي يحط التانيه بيوقع، ويبص لرجله بصدمه ثم ينظر لمصطفي وبدموع_ رجلي يا مصطفى، راحت فين

مصطفى ببكاء _ بتروها

مراد بعدم إدراك _ انت بتقول ايه، طب طيب ليه ممنعتهمش، ثم ينظر لهشام ورودينا وببكاء_ ممنعتهمش ليييه

رودينا توقف بعيد وتحط ايدها علي بوقها وتبكي

مراد ينام علي الارض ويبكي بانهيار _ ابني ورجلي في مره واحده،طيب انا ادور عليه ازاي دلوقتي ليه يارب، ثم ينظر لرودينا بقهر، كويس كده يا رودينا، ولا لسه مش قادره تنسي،زي ما كنتي تتمني بظبط، مفيش كسره أكبر من كده. ثم يبكي بهستيريا وهما يشيلوه ويرجعوه علي السرير

مراد يضرب في المخده بقهر ويكمل بكا لغيت ما بيجي الدكتور ويديلو حقنه مهدئه

رودينا تروح عنده وتمسك ايده وتبكي _ ياريتني كنت موت قبل ما اقول اللي قولته، ياريتني كنت انا... سامحني

ياسمين تدخل عندهم وهي شايله مسك وببكاء _ بنتك بتعيط شوفيها

رودينا تبص لمسك بكره وبانهيار _ ابعديها عني، وش فقر من يومها، ابعدييها عنني لا اموتها

هشام _ ذنبها ايه تقولي عليها كده انتي هتكفري

رودينا بانفعال _ والله لو مبعدتوها عني لا ار.ميها من الشباك بجد،.. مش عاوزاه خدوها ادوها لاي حد

ياسمين ببكاء _ حرام عليكي البنت مش عارفه حاجه، انتي بتعملي كده ليه

رودينا ببكاء _ مش عاوزاها مبحبهاش، من اول يوم جت فيه والدنيا اتقلبت. بعديها يا مرات خالي عشان خاطري لو كملت معانا معرفش ممكن يحصل ايه تاني

مصطفي ياخدها من ياسمين _ هاتيها انا هاخدها معايا يكون الدنيا اتظبطت شويه

ياسمين ببكاء _ خدها، الله يكون بعونها

رودينا ترجع عند مراد وتسند رأسها علي صدره وتبكي

#أحببت_مجنونه💙🥹.

#الجزء_الثالت

#النهاية

#بقلم_نجمه_براقه

الجزء الرابع من هناااااااااااا

موسوعة القصص والروايات

القائمة الرئيسية

الصفحات

رواية أحببت مجنونه احببتك رغما عني الجزء الثالث البارت 17-18-19الاخيربقلم نجمه براقه في موسوعة القصص والروايات جميع الفصول كامله وحصريه

أخر المواضيع من قسم : روايات مشوقه

تعليقات

إرسال تعليق