رواية أحببت مجنونه احببتك رغما عني الجزء الثالث البارت 14-15-16 بقلم نجمه براقه في موسوعة القصص والروايات جميع الفصول كامله وحصريه
رواية أحببت مجنونه احببتك رغما عني الجزء الثالث البارت 14-15-16 بقلم نجمه براقه في موسوعة القصص والروايات جميع الفصول كامله وحصريه
احببت مجنونه 3 ( احببتك رغمآ عني) p14
في بيت ياسين
ياسين _ جني...
جني بمقاطعه_ هشوف ماما وبتمشي وتسيبه
ياسين بحيره _ اعمل ايه علشان تنسا
****
جني بتدخل اوضة. ساميه،
ساميه بفرحه_ حبيبتي حمدلله علي سلامتك ياغاليه
جني بتروح تحضنها وتبكي _ وحشتيني
ساميه بحنيه_ متبكيش حقك عليه يابنتي
جني ببكاء _ حقك عليكي انتي ليه، انتي ملكيش ذنب
ساميه بندم_ كل الذنب عندي انا، انا اللي نسيت ربنا وعملت فيكي كده
جني تبعد عنها وتبصلها بذهول _ انتي بتقولي ايه
ساميه بندم_ دا اللي حصل انا ونيفين عملنا فيكي كده، سامحيني
جني ببكاء _ طيب ليه انا عمري ما اذيتك في حآجه لا انتي ولا هي
ساميه _ وزة شيطا.ن يابنتي
جني تقوم من جمبها وبدموع_ مش عارفه اقولك ايه وبتمشي وتسيبها وتروح اوضتها
وبتلاقي ياسين هناك، بتفتح الدولاب تجيب حاجه وتتجاهله كانه مش موجود
ياسين يروح عندها لِتكون داخل الدولاب وهو محاوطها بأديه
جني بخنقه_ عاوزه اعدي
ياسين بتأمل _ وحشتيني اوى يا جني
جني _ بقولك عاوزه اعدي ابعد يلا
ياسين_ مش هبعد غير لما نتكلم
جني بزهق_ ياسين قولتلك ابعد عني انا مش عاوزه اتكلم معاك
ياسين _ طيب ايه اللي ممكن يشفعلي عندك
جني _ انك تطلقني
ياسين _ طلاق لا اطلبي اي حآجه غير كده وانا انفذها
جني _ هو ده اللي انا عاوزاه الطلاق وبس
ياسين بزهق_ مستحيل
جني _ خلاص انت حر بس انت متحرم عليه ليوم الدين
ياسين بخنقه _ مش انتي اللي تحرمي، وتحللي انتي مراتي
جني _ علي الورق بس لكن انا مش بعتبرك جوزي دلوقتي، ولو عندك كرامه مش هتقبل تعيش مع واحده مش عاوزاك
ياسين بخنقه _ جني متختبريش صبري، انا مش هطلقك مهما تقولي
جني _ يبقا متلومش عليه في اللي ممكن اعملو
ياسين _ هتعملي ايه يعني
جني بحده_ هخو.نك،
ياسين _ تعمل ايه
جني_ هخوو.نك، مش عاوزاك بقا وهحب واحد تاني يفهمني وافهمه و... وفجاه قلم ينز.ل علي و.شها
ياسين بحده_ قولتلك متختبريش صبري
جني تغمض عنيها من شدة القلم وبهدوء_ وانت كمان متختبرش صبري عليك انت مش احسن منى تتهمني في شرفي وانا احافظ علي كرامتك
ياسين يمسكها من شعر.ها بشده _ برغم اني عارف انك متعملهاش بس مجرد الكلام في الموضوع ممكن يخليني اد.فنك وانتي حيه
جني تشد في نفسها بوجع_ اعملها يلا مستني ايه
ياسين بحده_ لو زودتيها هعملها
جني بدموع_ سيبني طيب انا مش طايقه نفسك ولا ريحتك
ياسين يحكم مسكته لشعر.ها ويقترب منها_ غريبه، كنتي تحبيهم زمان
جني بحده_ مكنتش عارفه انك كده، يوسف حظرني منك وانا مسمعتش كلامه
ياسين بهدوء_ يعني انتي دلوقتي مش طيقاني؟
جني_ لا وبكر.هك
ياسين يبصلها في عيونها ويلمس شفتيها باصبعه ثم يقترب من عنقها ويلامسه بشفتيه لتنسا نفسها وتغمض عينيها، ليقترب من شفتيها ويقبلهم قبلة خفيفه ويبتعد فوراً، وينظر لها بإبتسامة
جني تفتح عينيها لتشعر بالارتباك وتتهرب من النظر إلى عينيه
ياسين بإبتسامة_ قولتيلي مش طيقاني
جني بتوتر _ اه وابعد بقا
ياسين بإبتسامة_ لا عجباني الوقفة كده
جني تذقه بأيديها لكن متقدرش تبعده _ طيب وسع واقف براحتك لما اطلع
ياسين _ بردو لأ
جني بخنقه_ وبعدين طيب هفضل محبوسه كده كتير
ياسين_ اه
جني بانفعال_ انت لو مبعدتش دلوقتي انا..
ياسين_ هتعملي ايه
جني_ هضر.بك
ياسين بإبتسامة_ ماشي موافق
جني بغيظ ترفع ايدها وهو يمسكها من معصمها بقوة ويلفها بسرعه ويرميها على السرير ويثبتها بيديه وهي تحاول ان تفك نفسها منه
ياسين برومانسيه _ اهدي بقا تعبتيني
جني تشد في نفسها _ سيبني احسنلك
ياسين يتجاهل كلامها ويقترب منها بهدوء ويقبلها بشغف واشتياق
ويحتضن كفيها بكفيه لتغمض عينيها مستسلمه تماماً...
في المستشفي
سليم_ مالك
يوسف بخنقه_ مفيش يا بابا
سليم_ مفيش ازاي، انت من اول ما دخلت وشكلك مضايق، حصل ايه
يوسف بخنقه_ شذا سابت البيت ومعرفش راحت فين
سليم_ ازاي يعني متعرفش راحت فين، انتو زعلتو؟!
يوسف بخنقه _ عمرنا ما اصتلحنا
سليم بحيره_ ازاي يعني
يوسف_ الحقيقه اننا عايشين مع بعض زي الاخوات
سليم بصدمه_بتقول ايه،
يوسف_ ايوه اخوات مش حضرتك اللي اجبرتني اتجوزها
سليم بخيبه _ اااه اخوات يا يوسف،.. اخواات سنه وشويه عقلك موزكش عليها حتى
يوسف باحراج_ ساعات
سليم_ ساعات ايه بقا اسكت دلوقتي خليني افكر
يوسف_ تفكر في ايه بقولك مشيت ومعرفش طريقها
سليم بخيبه_ ولا هتعرف،،، ترجع تاني تعمل بيك ايه
يوسف باحراج_ يعني ايه
سليم_ يعني لا عيل ولا جوز واكيد معاملتك ليها كانت زفت
يوسف_ اه بس هي كانت بتحبني رغم كده
سليم_ بتتكلم جد
يوسف_ هي كانت دايما تقولي كده بس انا.كنت بصدها
سليم _ تصدق يا يوسف ان اختك أرجل منك، استنى نشوف دكتور يكشفلك الله يفضحك
يوسف باحراج_ انا كويس بس مكنتش حابب اتجوز
سليم_ وهو الموضوع دا بالحب عمرك سمعت عن دكر البط. مكنش يحب بس كان...
يوسف بمقاطعه_ ابوس ايدك كفايه انا فيه اللي.مكفيني
سليم بخيبه_ فيك ايه بقا طلع مفكش حآجه خالص، اسكت خليني افكر
يوسف باحراج_ ماشي
سليم يفكر شويه ويرجع يكلمه _ قولتلي انها بتحبك صح
يوسف بإبتسامة_ ايوه
سليم_ يعني لو سمعت ان حصلك حاجه هتيجي جري
يوسف_ بيتهيالي بس انا كويس اهو
سليم يمسك شفشق ازاز ويبص ليوسف بإبتسامة_ يوسف انت ابني وعارف اني بخاف علي مصلحتك صح
يوسف_ طبعا يا حبيبي ودي محتاجه كلام ربنا يخليك لينا، وقبل ما يكمل كان خبـ.طه بشفشق على راسه
يوسف بصدمه و وجع ودوخه _ بابا انت عملت ايه وبعدين بيوقع علي الارض
سليم يرن جرس جمبه على السرير وبيجو الممرضات يلاقو يوسف مر.مي على الأرض وبينز.ف د.م
الممرضه_ مين عمل فيه كده،
سليم_ هو اصله زعلان عليه الحقوه بسرعه.. استني استني هاتي تليفونه
الممرضه تطلع تليفون يوسف من جيبه وتدهوله، وهو يصوره...
سليم_ خلاص خدوه
وبعد شويه بيبعت الصور ل شذا
سليم_ معلش يابني كان لازم، منها تتربا ومنها البنت ترجع
في الكافيه
عبدالله_ مش كفاية كده علشان معاد الدكتور
شهد _ اه تمام يلا بينا
مراد_ هاجي معاكم
عبدالله_ مفيش داعي عمر مستنينا في الاوتيل وهيروح معانا
مراد_ عمر مين ده
عبدالله_ ابن اخويا
مراد_ ااه مش ده خطيبك
شهد بلخبطه_ اه.لا
عبدالله_ لا مش خطيبها، ولا انتي وافقتي عليه
مراد_ يعني انتي مش مخطوبة
شهد باحراج_ لا مخطوبه طبعا انت بتقول ايه يا بابا انا مش بلغتك موافقتي يومها
عبدالله_ انا اخر حآجه فاكرها انك رفضتي وقولتي انه زي اخوكي
مراد بإبتسامة_ طيب وانتي بتلفي وتدوري ليه فيها ايه يعني تتخطبي ولا لا
شهد لنفسها_ علشان مش مرتحالك وحاسه ان في حآجه حصلت انت مش مصارحني بيها وخصوصا موضوع الصوره بتاعتنا
مراد_ روحتي فين
شهد _ هه، هنا
عبدالله_ طيب هنمشي ولا لا
شهد_ اه يلا بينا
مراد_ انا جاي معاكم، عشان بعدها هنروح البيت اهلك جاين النهارده
شهد بتوتر_ مش عارفه هقابلهم ازاي وهقولهم ايه وهما هيقبلوني ازاي
مراد _ سيبيها لظروفها متفكريش كتير
شهد بتنهيده_ ربنا يستر
بيت ياسين
بعد وقت بتفوق جني وتذق ياسين وتجري علي الحمام
ياسين يترمي علي السرير ويضحك _ ههههه مش طيقاااني بجد
جني وقفه تحت الدوش بهدومها وبتبكي _ دلوقتى هيفتكر ان مفيش حآجه واني خلاص مسامحه في حقي، كان لازم تضر.بيه مش تسيبيه يعمل كده وفجاه بابا الحمام بيفتح، ويدخل معاها تحت الدوش
ياسين_ سيبتيني عشان بتحبيني
جني تبعد عنه وببكاء_ قولتلك مبحبكش وبكر.هك
ياسين يمسك يدها ويرجعها تاني تحت الدش وبتأسف_ عارف انك مش سهل تسامحيني، بس اكيد هجي يوم وتنسي ونرجع زي الاول
جني ببكاء_ مش ممكن، بالله عليك تطلقني انا مش عاوزاك
ياسين بحده_ مش عاوزاني ازاي،، امال اللي حصل من شويه كنتي ممكن تعمليه مع واحد مش عاوزاه وبتكرهيه
جني ببكاء_ لا
ياسين_ يبقا بتحبيني وعاوزاني
جني _ بحبك بس مش عاوزاك مش هقدر انسا اللي حصل ولا انك غدرت بيه وقولت لبابا ويوسف، مبقتش اثق فيك، وحاسه ان في اي وقت هتصدق فيه وتأذيني
ياسين_ دا احساسك من نحيتي دلوقتي
جني ببكاء_ اه وعلشان كده عاوزة اطلق مش هقدر اعيش مطمنه معاك
ياسين بخيبه وندم_ اوعدك ان دا عمره ما هيتكرر وتقدري تثقي فيه من تاني
جني بدموع_ صدقني مش هقدر، في حآجه غايبه وحياتنا مش هتكمل من غيرها،، طلقني يا ياسين لو بتحبني بجد طلقني
ياسين يقفل الدوش وبخنقه _ مش هقدر يا جني،
جني بترجي_ لو بتحبني طلقني علشان خاطري
ياسين بدموع وخنقه_ طيب ندي لنفسنا فرصه ولو مرتحتيش نطلق
جني_ مش هقدر والله مش هقدر
ياسين يحط ايده خلف رأسها والايد الاخرى على خصرها ليقترب منها ، ثم يقبلها قبلة طويلة وقوية وبعدها يبتعد عنها، وبخنقه، ماشي هطلقك
جني بدموع_ شكرا، وبتسيبه وتطلع تغير هدومها وتتجه نحو الباب، ثم تنظر إليه لتجده يقف وينظر إليها والدموع في عينيه...
تقوام مشاعرها وتفتح الباب وتذهب وهو خلفها.
ويقف بعيد عنها ينظر إليها وهي تذهب بعيد، ومن جهه أخرى، تظهر نيفين وهي تحمل سكـ.ين وتركض إليها مسرعه والشر يملاء عينيها،
ياسين يرا ذلك المنظر، ثم يركض بسرعه قبل ان تصلها وبمجرد وصوله يحتضن جني لتأتي به طعنـ.ت نيفين
جني تنظر له بصدمه _ انتي عملتي ايه، ياااسين
ياسين بتعب والم يمسك نيفين من شعر.ها وينده على رجال الامن
نيفين بانفعال _ سيبني، هي لازم تمو.ت
ياسين بألم _ بسرعه خدوها واقفلو عليها كويس واطلبلها البوليس
الحرس ياخدوها وهي تشد في نفسها وبانفعال_ لازم تمو.تي يا خطافة الرجالة، ياسين ليا انا من قبل ما انتي تعرفيه
جني ببكاء _ يااسين انت بتنز.ف، يلا علي المستشفى
ياسين ينام علي الارض بألم _ لو موافقتيش انك تعيشي معايا مش هروح وخليني امو.ت
جني ببكاء _ مش وقته قوم معايا، ياعم محمد الحقني بسرعة
ياسين بتعب_ قولتلك مش هروح غير لما ترجعي في طلبك
جني ببكاء_ موافقه، مش همشي بس قوم ونبي، ياااعم محمد روحت فين
ياسين بتعب _ متقلقيش مش هيحصل حآجه بسيطة،... وبيفقد،، الوعي
جني ببكاء_ ياااسين رد عليه
في المستشفى
الدكتور_ احنا هنبتدي العلاج من دلوقتي بس زي ما قولتلكم قبل كده لازم تتعرض لمواقف مهمه حصلت معاها قبل كده
عبدالله_ تمام يا دكتور، احنا عرفنا اهلها ونقدر نعمل الموضوع ده
الدكتور_ كويس اوي، في حد منهم جاي معاكم
مراد_ انا
الدكتور_ انت تعرفها كويس
مراد_ اه
الدكتور_ جوزها؟!
مراد_ لا
الدكتور_ طيب ياريت حد يعرفها كويس، يكلمها عن مواقف حصلتلها وياريت تخدوها في اماكن مهمه عاشت فيها وكانت مؤثره بنسبالها، فاهمني
مراد بخيبه_ ايوه، ويشرد بتفكيره _ مواااقف وامااكن مهمه علشان تفتكر، تخيل تفتكرك. ، انا مجبر اساعدها زي ما كنت السبب في اللي هي فيه، انت قلقان ليه، يعني اقسي حآجه ممكن تعملها انها تزعل وتبعد عني، وايه يعني خليها تبعد
شهد لنفسها_ انا افتكرت انه ادا.ني بالقلم، وكان بيزعقلي كمان،.. الشخص ده مخبي عني حآجه واكيد هعرفها دلوقتي او بعدين
مراد يلاحظ نظراتها ليه _ ايه
شهد بلخبطه' _ مفيش
مراد_ ماشي يا دكتور، انت هتكبتلها دوا صح
الدكتور_ اه طبعا
بعد شويه بيطلعو
شهد بهمس_ ضر.بتني بقالم ليه
مراد بصدمه_ ايه
شهد_ ضر.بتني باالقلم ليه انا افتكرت انك ضر.بتني بس مش فاكره السبب دماغي مش جيباه
مراد بلخبطه_ اه لا الحقيقه مش فاكر
شهد _ معقول مش فاكر حآجه زي دي ولا مش عاوز تقولي
مراد_وهخبي عنك ليه
شهد_ مخبي عني كل حآجه، في حاجات غريبه بتيجي في تفكيري ولحظات بتمر بسرعه بشوفك فيها، انت بذات والصوره بتاعتنا شفت شكلها عامل ازاي، مفيش صحاب هيحضنو بعض بشكل ده الله يخليك فهمني
مراد بشرود _ هتعرفي كل حآجه، بس نروح البيت وتقابلي اهلك وبعدين نقعد ونتكلم
وفجاه بيلاقي جني بتجري قبال سرير متحركه عليه ياسين، لغيت ما بيدخل الاوضه
مراد يروح عندها بسرعه_ جني، في ايه،... يااسين حصلو ايه
جني ببكاء _ مراد الحقني
بتيجي شهد وتوقف قصادهم وهي مش فاهمه حآجه
جني بذهول _ رودينا، انتو مش قولتو ماتت
مراد _ مش وقته دلوقتي خلينا في ياسين
جني ببكاء _ ياسين وبابا هما الاتنين هنا
بعد شويه بيطلع يوسف من غرفه جمبها وراسه مربوطه
جني بصدمه _ يوووسف ايه اللي بيحصل، في اييييه
يوسف يسند راسه بتعب _ ابوكي ضر.... وفجاه يلمح رودينا _ انتي هنا
رودينا تبص حوليها وبعدين تقوله _ انا
يوسف _ اه انتي ايه جابك هنا
مراد _ يوسف دي مش فاكره حآجه اهدا
جني _ مش فاكره حآجه ازاي
شهد تمسك كوم مراد وتشده براحه
مراد يبصلها _ ايه
شهد _ ايه الحكاية ومالو دا مش طايقني كده
مراد _ دا كان خطيبك وسبتيه
شهد بهمس _ وسبته ليه دا شكله كويس
مراد بشرود _ معرفش السبب
يوسف بخنقه _ طيب اتفضلي امشي
شهد بانفعال _ وانت مالك هي كانت. مستشفى ابوك، انا جايه اتعالج زي زيك،.. دلوقتي عرفت انا سبته ليه
يوسف _ ماهي فاكره امال ايه اللي انت بتقوله دا
مراد _ يابني فقدت الذاكرة انا لسه قايلها عليك
يوسف بقرف_ اه، وبيبص الجهه التانيه يلاقي شذا واقفه وبتبص عليه وعلى رودينا
شذا_ كنت جايه اطمن عليك بس الظاهر انك كويس دلوقتي، وبتمشي
يوسف يروح وراها ويمسكها من ايدها ويحضنها بشده _ ههههه شذااا انتي رجعتي
شذا بدموع_ ايوه بس لقيتك مش محتاجني
يوسف يضمها اكتر_ وحشتيني اوي كنتي فين حسابك معايا بس نروح
شذا بدموع_ وحشتك.بجد يا يوسف
يوسف _ اوي اوي متبقيش تسيبيني تانى
رودينا تبصلهم وتشوف لحظات بتمر بسرعه، وهي في حضن مراد، وتبصله بفزع
مراد بقلق_ مالك
شهد بدموع_ مفيش حآجه
مراد_ قولي، انتي افتكرتي حآجه تانيه
شهد تبصله بتركيز وعنيها مليان دموعه_ اه علشان خاطر ابنك تقولي اللي حصل، انت مين بنسبالي
مراد بإبتسامة باهته _ صديقك يا رودينا مفيش غير الصداقه ولما تفتكري هتعرفي اني مش بكدب عليكي
شهد بحيرة_ اتمنا
بعد ساعات
بيوصل شهاب و ملك بيت هشام
ملك_ مراد جايبنا علي ملا وشنا ومقلناش في ايه
هشام باستغراب_ مراد اللي قالكم تيجو، طيب ليه
شهاب_ منعرفش، كل اللي قالو ان في حآجه مهمه لازم نعرفها
ياسمين_ خير يجي دلوقتي ونفهم منه
وبعد شويه الجرس بيرن
شهاب_ ارتاحي يا مرات خالي انا هفتح
بيروح يفتح ويلاقي مراد و وراه واحده وشها مش باين
شهاب_ أخيرا، ايه ياعم قلقتنا
مراد يبعد عن رودينا_ شوف جبتلكم مين
شهاب يبصلها شويه ويفرك في عنيه _ مين دي
رودينا تبصله بخوف وقلق وبهمس_ بيبصلي كده ليه
مراد_ دا شهاب
رودينا بارتباك_ اخويا
مراد بإبتسامة_ ايوه
رودينا بإبتسامة باهته _ ازيك
شهاب بذهول_ في ايه يا مراد هي مالها مش عرفاني ولا ايه
مراد_ للأسف لا هي فاقده الذاكرة
شهاب بلخبطه_ ايه.. ويقرب منها وهي تستخبي ورا مراد
شهاب _ متخافيش انا اخوكي وبيمدلها ايده وهي تمدله ايدها بخوف، وفجاه يحضنها ويبكي _ وحشتيني ياختي
رودينا بارتباك_ شششكرا
شهاب يمسكها من ايدها ويدخل بيها جوه وبفرحه _ ماما.. رودينا رجعت
ملك والكل بيوقفو مصدومين
ملك بتوتر ولخبطه_ بنتي، ان اننتي لسه عاايشه
رودينا تبص لمراد
مراد _ دي أمك
رودينا ترجع تبصلها تاني وبدموع _ امي؟!
ملك تروح عندها وتحضنها وتبكي بوجع _ حبيبتي كنتي فين انا كنت فقدت الامل انك تطلعي عايشه
رودينا بدموع_ معلش
هشام يروح عندها _ حبيبتي كنتي فين كل ده وليه محاولتيش تكلمينا
مراد _ هي مش فاكره حآجه ياعمي
ملك تبعدها عن حضنها وتبصلها _ وحشتيني يابنتي، انتي متعرفيش قلبي وجعني علي غيابك قد ايه
رودينا بإبتسامة باهته_ اه
ملك_ انتي مش فكراني خالص
رودينا بلخبطه_ لا
هشام_ دلوقتي تفتكرك، تعالي يا حبيبتي ارتاحي
رودينا_ انت مين
هشام_ انا خالك ودي مرات خالك
رودينا بإبتسامة باهته_ اه طيب انا لازم امشي
شهاب_ تمشي تروحي فين
رودينا_ بابا مستنيني في الاوتيل
شهاب_ ملكيش ابهات احنا هنا اهلك
رودينا تبص لمراد
مراد_ معلش يا شهاب هي لسه مش فكراكم
ملك_ لا طبعا متمشيش انا صدقت ما لقيتها تقوم تمشي وتسيبنا
رودينا_ بابا مستنيني مقدرش اسيبه
هشام_ نجيبوه هنا وانتي خليكي
رودينا _ مش هينفع
مراد_ ياستي خليكي وهو هيجيلك، وهو بالمره تعرفي انتي مين
رودينا بحيره _ مش هينفع وفجاه بتسمع صوت سفيان
سفيان بيجري عليها بفرحه_ رودينا انتي جيتي
رودينا تشيله وتحضنه _ حبيبي اه جيت
سفيان_ طيب تعالى معايا اوريكي العب بتوعي
مراد بإبتسامة_ سفيان سيبها ترتاح الاول
سفيان_ مش هخليها تتعب، تعالي معايا
رودينا بإبتسامة_ ماشي يلا بينا، وبتنزله وهو يشدها من ايدها ويدخلها اوضة جودي
رودينا بتدخل الاوضه
وتمشي جواها وتبص علي الحيطان والسرير وتبدو مألوفه بنسبالها
سفيان_ تعالي اقعدي هوريكي لعبي
رودينا تبصله بإبتسامة_ هما فين
سفيان _ في الباسكت ده، ويجبلها الألعاب ويحطهم قدامها
رودينا بإبتسامة_ انت باين عليك بتحب شخصية سبيدرمان اوي
سفيان_ ايوه وهطلع زيه لما اكبر
رودينا _ طيب يلا انا هلعب ب ده وانت ب ده
سفيان_ ماشي هدهولك خالص بس تلعب معايا كل يوم
رودينا بإبتسامة_ للأسف انا همشي النهاردة، بس هاجي تاني ونلعب سوا
سفيان_ لا انتي مش هتيجي، زي المره الفاتت
رودينا_ حبيبي هرجع صدقني
سفيان بدموع_ مليش دعوه متمشيش
رودينا تمسح دموعه _ طيب ليه الدموع دي، قولتلك هرجع تاني وهنلعب مع بعض
سفيان ببكاء_ مش هترجعي انتي المره الفاتت حلفتيلي ومرجعتيش، عشان خاطري خليكي معايا
بيجو كلهم ويقفو جمب الباب ويبصو عليهم
رودينا تحضنه وبدموع_ ماشي يا حبيبي انا قاعده
مراد يسمعها ويشوف تصرف سفيان معاها ويمشي ويسيبهم وهو مضايق
مراد لنفسه _ ليه يا سفيان انا صدقت ما قصة زمان انتهت تيجي انت دلوقتى وتفتحها من جديد...... يتبع
احببت مجنونة 3 ( احببتك رغمآ عني) 15p
في بيت يوسف
يوسف بحـ.ده_ تعالي هنا
شذا _ عاوز ايه
يوسف يمسكها من ودنها _ ازاي تمشي من غير ما تقوليلي ها
شذا _ وانت عاوز مني ايه مش كل شويه تقولي امشي
يوسف _ مقولتش بقالي كتير،.. انا قولتلك ملكيش دعوه ومهزئه بس
شذا _ شوف ازاي
يوسف _ ما انا دايما بقولك كده ايه اللي جد المره دي يخليكي تسيبيني
شذا _ علشان كر.هتك ورميت طوبتك
يوسف بزعيق يخليلها تفزع_ رميتي ايه ياروح امك
شذا بفزع_ مفيش
يوسف _ اه احسب،
شذا _ طيب ممكن اروح انام عشان تعبانه
يوسف _ روحي
شذا تتجه لغرفتها
يوسف _ رايحه فين
شذا _رايحه انام
يوسف _ مش هتنامي معايا؟
شذا _ وانام معاك بتاع ايه
يوسف _ مراتي
شذا _ لااا انا مش مراتك، انت غريب عني او زي ما اتفقنا احنا صحاب وبس
يوسف بارتباك _ ااه بس بس انتي قولتي قبل كده انام معاكي في نفس الاوضه مش هو ده كلامك
شذا_رجعت في كلامي، عيله بقا
يوسف _ براحتك، احسن بردو روحي
شذا تديلو ضهرها وتضحك من غير صوت
يوسف بتمتمه _ مالها اتغيرت كده، دي شكلها رمت طوبتي بجد. اعمل ايه بابا هيجر.سني ويقولي انت وهي واحد يفضحتك يا يوسف.. انا رايحلوه وهجيبو معايا خليه يشوف بعينه احسن عشان ميلومش عليه
في المستشفي
يوسف قاعد جمب سليم وبيهز رجله بسرعه
سليم بزعيق_ باااس خيلتيني
يوسف _ اسف
سليم _ مالك زعلتو تاني ولا ايه
يوسف _صدرتلي الوش الخشب
سليم _ وانت عملت ايه لما صدرتلك الوش الخشب
يوسف _ سبتها طبعا
سليم _ عملت ايه؟
يوسف _ سبتها ولا عبرتها ابنك راجل ميحيلش ست
سليم _ راجل؟
يوسف _ اه راجل، مالك بتبصلي كده ليه
سليم بزهق _ يابني اسمع مني هنا في دكاتره كويسين هيعرفو يعالجوك من الجنان ومن الضع...
يوسف _ متكملللش انا زي الفل انت متعرفش ابنك يعني
سليم _ ابن مين بقا خليها بنتك احسن،
يوسف بخنقه _ يووه يا بابا بقا بطل تكـ.سر مقديفي عاوزني اعمل ايه يعني
سليم _ اقولك، تقوم دلوقتى تروح عندها، وتبصلها فى عيونها وسيب الباقي لشيطا.ن
يوسف _ ابصلها في عنيها ليه
سليم بخيبه_ أبداً اصلاها وجعاها وعاوزه قطره... يوسف لو مغور.تش من وشي هحد.فك في وشك بشفشق مره تانيه
يوسف _ اغور فين انا جاي اخدك البيت معايا
سليم _ يابني انت عندك تخلف ذهني وانا معرفش، هو انتو نافعين لوحدكم لما تاخدني معاك، روح انت ملكش دعوه، انا هقعد لغيت ما اطمن علي جوز اختك
يوسف _ مالك بيه ما يو.لع يستاهل اللي حصله علشان يغلط في اختي تاني
سليم _ مالو مقضي غرضه مش زيك روح اتعلم منه
يوسف _ كفاية بقا انا مش ناقص تقطيم
سليم _ خلاص مش هقطمك، قولي انت بتحبها؟!
يوسف باحراج_ شكلي كده
سليم_شكلك كده؟! ماهو لا بتحبها لاما لا
يوسف _ ايوه حبيتها
سليم _ وهي بتحبك صح
يوسف_ بطلت
سليم _ بطلت ايه انت اهبل وهي هتجيلك ليه تطمن عليك طالما مش بتحبك
يوسف_ يعني لسه بتحبني
سليم_ طبعا
يوسف_ امال قالتلي رمت طوبتي ليه
سليم_ دا كويس انها مرمتكش انت كمان، واحده غيرها كانت فضحتك
يوسف بإبتسامة_ يعني هي لسه بتحبني بجد
سليم_ ايوه لسه بتتنيل تحبك، روحلها واتكلم معاها، وعارف ما تيجي من غير ما يحصل.. هتبرا منك
يوسف يقوم فجاه_ رايح لها وهشرفك
بيت يوسف
شذا بتتكلم في التليفون_ ايوه ياعمي عملت زي ما قولتلي صدرتله الوش الخشب
سليم_ جدعه اهو جاي دلوقتي، صديه واكسري ثقته في نفسه
شذا بفرحه_ جاي بجد
سليم_ ايوه بس اياكي تديلو ريق حلو، نربيه الاول والا هيفكر انه في اي وقت يرميكي واي وقت يرجعك
شذا_ حاضر ياعمي
سليم_ يلا سلام
بعد شويه بيوصل يوسف، ويروح عندها علي طول يلاقيها نايمه،
يروح ينام جمبها على جمبه ويسند رأسه بايده، ويبصلها بإبتسامة ويمشي ايده على وشها برقه
يوسف_ شذا
شذا بدوخه مصتنعه_ مين
يوسف_ اصحي
شذا_ اممم سيبني بقا يا علاء
يوسف بغيظ _ علاااء، قومي فزي
شذا تقوم مفزوعه_ في ايه يا يوسف
يوسف_علاء مين انطقي
شذا_ هو انا قولت علاء
يوسف بعصبيه_ ايوه قولتي، قولي علاء مين قبل ما افقد اعصابي
شذا _ ابن عمي
يوسف_ مالو
شذا_ مفيش يا يوسف
يوسف يجز على سنانه ويبصلها بحده_ اخلصي انا مش شايف قدامي
شذا بارتباك مصتنع_ بصراحه كده انا رجعت احنلو من جديد
يوسف يمسكها من شعرها بقوه_ تحنلي لمين ياروح امك
شذا بوجع_ سيبني يا يوسف
يوسف_ اسيبك ايه انا همو.تك النهارده
شذا تذقه بعيد_ انت عاوزني اعمل ايه يعني، ايوه حنيتله وبحبه، ومش عليه ذنب طالما مش متجوزه
يوسف بانفعال_ وانا ايه
شذا بتنهيده_ معرفش قولي انت
يوسف_ يعني كلامك انك بتحبيني كان كدب
شذا_ لأ كان صح بس كان بقا،، بعد ما اقتنعت بكلامك اننا مش زوجه وزوجه انا مشاعري راحت لحبي القديم
يوسف بقهر_ ودلوقتي جايه تفتكري حبك القديم يا شذا
شذا_ اه واي اللي جد يعني
يوسف بوجع_ اللي جد اني حبيتك،
شذا _ ملكش يومين مبهدلني لحقت تحبني امتى
يوسف_ حبيتك من زمان، بس مكنتش اعرف غير لما مشيتي وسيبتيني
شذا_ معلش بقا جيت متأخّر، ياريتك قدمت شويه
يوسف بتنهيده وجع_ حقيقي الحب ده غريب، كنت بفكر في جودي وهى مفكرتش فيه ورودينا نفس الموضوع، وانتي بعد سنه محايله علشان اتقبلك وانا ارفض، اجي بعد ما كرهتيني وانا احبك.. الظاهر ان مليش في الحب انا، ويقوم فجاه، تقدري تروحي والمره دي بجد،.. انتي طالق يا شذا
شذا ببكاء_ يوووسف انت عملت اييه
يوسف بانفعال_ طلقت وريحتك، عاوز ايه تاني
شذا ببكاء_ يخربيتك ياعمي علي بيت نصايحك
يوسف_ مالو عمك
شذا ببكاء_ هو الي قالي اااعمل كده علشان نربيك
يوسف بصدمه_ بابا
شذا ببكاء_ايوووه
يوسف يقرب منها وعنيها بطلع شرار_ يعني بتكدبي عليه ومفيش علاء
شذا ببكاء_ اااه مفيش علاء
يوسف_ يعني لسه بتحبيني
شذا ببكاء طفولي_ ايوه والله بحبك
يوسف بحده_ طيب ايه رأيك هتفضلي كده وبردو مش هنتفق وخلي عمك ينفعك
شذا بغيظ تمسكه من قميصه_ بقولك ايه انا استحملتك كتير، ردني حالا احسنلك
يوسف يمسك ايديها وببرود_ لا
شذا ببكاء طفولي_ طيب غور بقا غوررر، وبتضر.ب فيه وتجري علي الحمام وتقفل علي نفسها وتكسر في الحمام
يوسف يخبط علي باب الحمام_ اطلعي يا شذا
شذا بانفعال_ مش هفتح يا بارد يا جبله ياللي زي قلتك،
يوسف بانفعال_ متخلنيش اكسر الباب علي راسك
شذا بانفعال_ اكسره دا لو هتقدر
يوسف بغيظ يخبط في الباب بكتفه لغيت ما يفتحو، ويروح عندها ويمسكها من قفاها
شذا بخوف_ سيبني ونبي
يوسف قولتيلي زي قلتي وبارد و مايع
شذا ببكاء_ مقلتش مايع وربنا انا قولت جبله
يوسف _وكمان بتعدلي
شذا _ خلاص اسفة والله مش هتكلم تانى
يوسف بحده_ سؤال وعاوز اجابه واحده،
شذا _ ايه
يوسف _ عاوزاني ولا لا
شذا ببكاء طفولي_ ايووه
يوسف يزفر بزهق _ ماشي اترزعي هروح اردك عند اي شيخ وارجعلك
شذا _ ولزمته ايه الشيخ الرد بيكون بنيه
يوسف _ بلاش فتي
شذا بزهق_ يوسف انا اتخنـ.قت بجد
يوسف_ اتخنقـ.تي مني
شذا_ اه يا يوسف انا اتخقنت منك
يوسف_يعني ايه عاوزاني ولا لا دلوقتي
شذا بزهق_ قولتلك ميت مره عاوزك متضايقنيش بقا، انت اللي عاوزني ولا لا
يوسف بإبتسامة_ ايوة
شذا_ يعني بتحبني
يوسف_ بحبك
شذا بإبتسامة وتوتر_ قولها تاني
يوسف ينظر لها بتأمل _ بحبك يا شذا
شذا بلخبطه _ مره تانيه
يوسف بإبتسامة_ بحببببك
شذا ضربات قلبها تزيد وانفاسها تعلا _ اضر.بني طيب
يوسف _ ليه كده
شذا بدموع_ خايفه يكون بحلم زي كل مره يا يوسف وربنا المره دي هقع ساكته لو طلع حلم
يوسف برومانسيه_ مبتحلميش، انا بحبك بجد واكتشفت اني مقدرش اعيش من غيرك
شذا بلخبطه_ وربنا بحلم
يوسف بإبتسامة_ طيب وكده يمسك خدها ويضغط عليه و ينظر لها نظرات عشق ويقترب منها وياخذها بين احضانه ثم يقترب من شفاها مقبلٍ لها واذا به يتحسس خصلات شعرها وجسدها حتى كاد ان حدث ما يحدث، ثم افاق من شروده ليبعده عنها بفزع
شذا _ في ايه
يوسف بتوتر _ نسيت نفسي انا اسف
شذا _ وفيها ايه يا يوسف انا مراتك ولسه قايل انك بتحبني
يوسف_ نسيتي اني رميت عليكي يمين الطلاق دلوقتي
شذا _ ههههههههههههههه يا مرك يا شذا
يوسف_ ههههه اسكوتي مش عارف هقابل بابا ازاي
بيت هشام في غرفة جودي بالليل
رودينا بتتكلم في التليفون وسفيان نايم جمبها علي السرير
رودينا _ ايوه يا بابا، وصلتو ولا لسه
عبدالله _ في السكه اهو
رودينا _ طيب خلي بالك من السكه ولما توصلو طمنوني
عبدالله _ كان علي عيني ارجع من غيرك يابنتي، بس خلاص بقا اهلك معاكي
رودينا _ وانتو اهلي يا بابا معرفش حد غيركم انتو
عبدالله _ خليكي هناك ياحبيبتي وانا كل فترة هجيكي اطمن عليكي، مصلحتك مهمه عندي
رودينا _ خايفه اوي يا بابا وقلبي مقبوض
عبدالله _متخافيش هما اهلك بردو مفيش خوف عليكي هناك
رودينا _ خير ان شاءلله.. ماشي حبيبي لما توصل كلمني
عبدالله _ ماشي حبيبتي، ارتاحي انتي دلوقتي وهكلمك الصبح
رودينا _ ماشي حبيبي تصبح على خير
بتقفل معاه وتميل رأسها علي السرير، وتشرد، وبعدين تقوم وتبص لسفيان بإبتسامة وتغطيه وبعدين تلف في المكان، وتيجي في ذاكرتها مشاهد سريعه، ليها في الاوضه دي وبتشوف جودي، بس للحظات اقل من نص الثانيه،
رودينا بابتسامه شارده_ جودي .. قدرت افتكر شكلها، .. اممم ياترا مراد صاحي ولا نايم
بتروح لتليفون وتبعتلو
رودينا _ مراد
مراد بعد شويه بيشوف الرساله وميفتحهاش، لغيت ما بتوصله رساله تانيه،
رودينا _ مراد انا افتكرت جودي
مراد بقلق _ يعني خلاص كده الذاكرة رجعتلك
رودينا _ لا بس بفتكر حاجات سريعه ومش مكتمله، ودلوقتي جودي جت في ذاكرتي،
مراد _ من الواضح انك مش هتتاخري في التذكر
رودينا بإبتسامة _ الظاهر كده
مراد _ طيب تمام، بالمناسبة دي هقولك حآجه،
رودينا _ خير
مراد بخنقه _ انا مش عاوز سفيان يتعلق بيكي بشكل ده
رودينا _ ليه
مراد بلخبطه _ زي ما قولتلك جودي هي حب عمري وبصراحه انا مش عاوز اطر اتجوز بعدها
رودينا _ وايه دخل تعلق سفيان بجوازك تانى
مراد _ يعني
رودينا _ قصدك انك ممكن تطر تجوزني علشانه
مراد _ ايوه
رودينا بإبتسامة _ متقلقش عمرها ماهتحصل، انا اصلا مبفكرش اتجوز، بس ممكن اساعدك في تربيته لو حابب
مراد _ لا مش حابب، رودينا انتي رجعتي لاهلك واظن كده كفايه بنسبالي انا، روحي معاهم ومترجعيش تقابلينا انا وسفيان
رودينا بنرفزه _ انت بتتكلم كده ليه، محسسني اني هموت عليك،
مراد _ اسف بس انا بقولك اللي حاسس بيه عشان لما ترجعلك الذاكرة مطرش اقولهولك تاني يمكن دلوقتي تفهميني اكتر
رودينا _ متقلقش، انا بعيدة عنكم، وهمشي من هنا وهرجع الشرقيه لكن قبل ما اقفل معاك، عاوزه اعرف ايه اللي حصل،
مراد _ متستعجليش هتفتكري لوحدك دلوقتي
رودينا _ مش هفتكر طالما مفيش حآجه تفكرني
مراد _ هتصل بيكي طيب
رودينا _ ماشي
مراد بيتصل
رودينا _ سمعاك
مراد بخنقه _قبل أي حآجه انا عاوز اعتذرلك عن كل حآجه عملتها معاكي انا اذيتك كتير بس صدقيني كان سوء تفاهم
رودينا باستغراب _ اذيتني ازاي
مراد _ انا كنت السبب في الحا.دثه اللي حصلتلك
رودينا بصدمه _ . كنت سبب ازاي
مراد يبتدي يحيكلها اللي حصل.... رودينا بوجع وكلام بيطلع بالعافية _انت بتقول انك في الاخر عرفت اني مبعتش الصور لمراتك، ، طلع مين اللي عملها
مراد _ مش مهم المهم اني عرفت
رودينا بدموع _ اااه، انا كنت حاسه من الاول ان في حآجه انت مخبيها عني، لكن كل اللي عملتو معايا مكنش ليه سبب، ... واديك انت بنفسك بتقول معترفتلكش بحاجه ولا لمحتلك ف ليه عملت فيه كل ده واستفدت ايه بسببك انا مش عارفه اكون مين، لا والبجاحه وصلتك تقولي ابعدي عني تاني، علي اساس اني لو كنت افتكرت كل ده كنت قبلت ابص في وشك
مراد _ انا عارف اني غلطت
رودينا بغيظ_ لا كتر خيرك طلعت بتحس ويتقفل في وشه، وتقعد تبكي وبعدين تطلع من الاوضه تتسحب وتمشي من البيت من غير ما حد يحس
بتطلع برا جنينة الفيلا، ف حد بيمسكها من الخلف ويحط علي وشها منديل، لغيت ما بتفقد الوعي
مراد يسيب التليفون ويلف في المكان بقلق
مراد _ مكنتش قادر تستنا يكون خفت شفتها مموته نفسها عليك يعنى... لا يا مراد انت عملت الصح احسن كده، انا لسه هستنا يكون بقا امر واقع اني اتجوزها
تانى يوم بيصحا مراد متأخّر علي صوت رنة التليفون
مراد _ الو
ياسمين _ مصيبة يا مراد
مراد يقوم بفزع _ ايه سفيان كويس
ياسمين _ كويس بس رودينا اتخطـ.فت
مراد بصدم_ مين.. طيب ازاي وامتي ومين عمل كده
ياسمين _ بالليل ، دورنا عليها الصبح ملقنهاش ف هشام شاف الكاميرات لقينا حد خاطفها، الحقنا امها هتجنن عليها
مراد يرمي التليفون _ ويطلع بسرعة يروحلهم
في المستشفي
جني بإبتسامة _ ياصباح البنفسج
ياسين بإبتسامة _ صباح الورد
جني _ النهارده وشك منور عيني بارده عليك
ياسين _ اه الحمدلله، احسن
جني _ الدكتور قال انك هتطلع بعد يومين
ياسين _ كتير يومين،
جني_ كله عشان صحتك
ياسين _ والشغل مين هيرعاه
جني _ متخفش رياض سادد مكانك واكتر
ياسين _ ماشي، عمي عامل ايه دلوقتي
جني _ بقا كويس، كل شويه يسأل عليك
ياسين _ جميل عمي ده وبنته اجمل
جني بإبتسامة _ انا عارفه
ياسين _ وحشتني ابتسامتك دى
جني بخجل _ انا عارفه بردو
ياسين _ طيب وعارفه بفكر في ايه دلوقتي
جني _ ههههه لا
ياسين يمسك ايدها ويحطها علي صدره _ سامعه قلبي بيقول ايه
جني بإبتسامة _ لا
ياسين برومانسيه _ بيقول، جني، ليقاطعه سليم و معاه يوسف _ شووفت بيمو.ت بس السهوكه اسلوب حياه ، اتعلم
جني _ ههههه بابا تعاله يا حبيبي
ياسين _ ههههه اهلا ياعمي، تعاله اتفضل، ازيك يا يوسف
يوسف من غير نفس _ كويس، وانت
ياسين يلاحظ طريقته_ الحمدلله، دماغك عامله ايه دلوقتي
يوسف يحسس عليها _ احسن
سليم يقرب من ياسين ويهمس في ودنه_ بقولك ايه انا هاخد جني وانت اتكلم مع الواد ده شويه مينفعش البوز ده، انا متأكد انك تقدر، تخليه يحبك
ياسين بهمس_ 8 سنين ومستلطفنيش استلطاف هيحبني بقعده في دقيقة واحده ياعمي
سليم_ ايووه انت قدها
ياسين _ ماشي ياعمي ، حاضر
سليم _ متشكر يابني، جني تعالى عاوزك
جني _ حاضر يا بابا
يوسف _ يلا بينا
ياسين _ استنا انت يا يوسف
يوسف بقرف_ افندم
سليم _ شوف جوز اختك الراجل تعبان عيب
يوسف بقرف _ حاضر، افندم
ياسين بإبتسامة _ تعاله اقعد طيب
سليم _ ماشي عن اذنكم، وبياخد جني ويمشو
يوسف يقعد _ قعدت اهو خير
ياسين _ عامل ايه والمدام ازيها
يوسف _ ليه؟
ياسين _ بطمن عليك عادي،
يوسف _ كويسين
ياسين _ يوسف انا عارف انك مش بتحبني من اول يوم شفتني فيه، وحقك بس ليه الكره مستمر لغيت دلوقتى، احنا بقينا نسايب ليه منبقاش صحاب
يوسف بتريقة _ انت رايك ايه
ياسين _ معرفش، قول انت وانا هسمعك للاخر
يوسف _ انا مش جايه اتصاحب عليك واحكي، بابا اللي اصر اجي اشوفك انما انا مبسوط بكرهي ليك كده
ياسين _ طيب ما تديني فرصه مش يمكن تحبني ونكون صحاب
يوسف _ ياسين انا مش اهبل زي جني هصدق انك كويس بمجرّد ما تكلمني بلسان معسول، خلينا كده كويسين متزودش كرهي ليك
ياسين _ دا انت شايفني وحش اوي، انا مش طالب اكتر من فرصه وبعدها لو محستش اني كويس، كمل كره
يوسف _ وايه الفرصة دي ان شاءلله
ياسين _ نكون صحاب فترة
يوسف _ اممم اه ماشي موافق بس انا متأكد ان راي مش هيتغير فيك
ياسين _ هنشوف ولو اتغير هتعزمني علي قهوه
يوسف _ ولو محصلش مشوفش وشك معدي في الشارع
ياسين _ ههههه ماشي، ها قولي بقا عامل ايه
يوسف _ كويس وانت
ياسين _ الحمدلله احسن،،، مقولتليش مين فتح دماغك كده
يوسف _ بابا
ياسين _ عمي عمل كده طيب لية
يوسف بضحك_ كان بيصالحني علي مراتي
ياسين_ ههههه ياريته ما صالحكم
استمر الحديث اكتر من نصف ساعة ما بين الهزار والكلام عن الشغل والحياه عموما
لغيت ما بيجي سليم وجني ويوقفو جمب الباب ويبصولهم ويبصو لبعض بذهول
جني _ يوسف وياسين؟
سليم _ شوفتي انا اللي عملت كده علشان تعرفي ان ابوكي بيفهم
جني تحضنه_ من يومك حكيم يا بابا
يوسف يشوفهم _ ايه الاحضان دي بقا اشمعنا انا، يعني تفتح دما.غي انا وتحضنها هي
ياسين _ متسبش حقك روح احضنه
سليم _ تعاله ياحبيبي، احنا كده اخرنا احضان
يوسف يبصله بحده_ بابا
سليم _ بتبرقلي ليه يا ولد
ياسين _ ههههه هي ايه الحكاية، في ايه يا يوسف
يوسف بلخبطه _ معرفش ياعم
سليم بخبث_ اقصد انه مش بيبوس ايدي زي الولاد المطيعه
يوسف يقوم ويروح عنده ويبوس ايده _ ابوس ايدك تعاله معايا علي اوضتك
سليم _ ماشي يلا بينا.. عاوز حآجه يابني
ياسين _ سلامتك ياعمي .. شد حيلك يا يوسف
يوسف يبص لسليم ويفتح عنيه للاخر _ عاجبك
سليم _ ههههه ميقصدش اللي في بالك بلاش تبقا ضايع ومفضوح
يوسف _ دا اخر الي يأتمن ابوه على سر يلا ياعم، عن اذنك يا ياسين، هجيلك بعدين اصلح صورتي قدامك
ياسين _ ههههه ماشي
بيمشو وجني تقعد جمب ياسين
جني _ انت ويوسف كنتو بتضحكو مع بعض، ازاي دا
ياسين _ يوسف جدع بس مكنش مدي لنفسه فرصة ينسا الكره ويبادر بالكلام معايا
جني بإبتسامة _ متعرفش انا فرحت قد ايه لما شوفتكم كده مع بعض
ياسين يبصلها بغرور مصتنع_ انا كده محدش يقرب منى وميحبنيش
جني بإبتسامة _ مغرووور مش اوي كده
ياسين_ طيب بزمتك مش اتحب دا كفايه البصه في عيوني حتى بصي كده
جني بإبتسامة_ مقدرش انكر، انت فعلا عيونك حلوه،
ياسين_ عيوني بس
جني تضر.به في كتفه _ اتلم
ياسين_ الله وانا قولت ايه، انا اقصد مفيش غير عيوني تتحب يعني، صفي النيه
جني بإبتسامة_ دمك تقيل اوي
ياسين_ ههههه بس عسل ما تقفلي الباب
في بيت هشام
بيدخل مراد وبانفعال_ ازاي يعني تتخطف من وسطكم، ياريتها كانت فضلت تايهه احسن
ياسمين_ يابني هي كانت خارجه من البيت من غير ما حد يحس
ملك ببكاء_ انا عاوزه بنتي، مش بعد ما الاقيها تتخطف اتصرفو
مراد_ فين شهاب وعمي
ياسمين_ راحو يبلغو
مراد يمشي ويسيبها وهو مش شايف قدامه، ويركب عربيته ويمشي بسرعه شديدة ويضرب العربيه بقهر وبزعيق_ لامتي هفضل شايل ذنبها.. انا السبب تانى وياعالم هيحصلها ايه تااني، انت غبي يا مرااد غبي
في مكان اخر، في غرفه مظلمه يدخلها شعاع نور من احدي المناور
رودينا بتكون مربوطه بحبل على كرسي، وبتبتدي تفتح عينيها بتعب وفجاه بتلاقي حد ماسكها من فكها بغل
رودينا تبصله بتعب _ انت مين
حمزه_ مش فكراني ياعروستي المصون، سمعت انك فاقده الذاكرة قال
رودينا بدوخه_ انت مين وجايبني هنا ليه
حمزه يسيبها ويجيب كرسي ويقعد قصادها وبحده_ حمزه بهاء الدين، خطيبك اللي انتي خو.نتيه قبل ما تلبسو شبكه ، بس مش انا اللي اتخا.ن ويضربها قلم
رودينا بوجع وخوف_ انا مش عارفه بتتكلم عن ايه، انا مش فكراك اصلا
حمزه يطلع تليفونها القديمه اللي كان خده من الراجل يوم الحادثه ويوريلها الصور_ يمكن مش فكراني بس اكيد فاكره حبيب القلب،
رودينا تبص لصور وتعرفهم وببكاء_ انت مالك بيه مش بتقول كنا لسه ملبسناش شبكة انا حره بقا
حمزه يضر.بها كف تاني_ مش حره طالما وافقتي عليه مفيش واحده تخون حمزة وتعيش حياتها عادي، انا كنت مستني الاقيكي وبقول يارب تطلعي عايشه عشان امو.تك بنفسي
رودينا بصدمه_ تموتني
حمزه_ كنت هعمل كده، بس لقيت فكره حلوه، طالما انتي جاهزة وبتعرفي تعملي علاقات وتحضني في سكك القطر ما اخد منك شويه انا كمان
رودينا بعدم فهم وخوف_ قصدك ايه
حمزه يبصلها بحده ويفكها وهو مركز نظره عليها وبعدين يمسكها ويرميها على الأرض ويبتدي ينزع ملابسه
رودينا تسحف للخلف بخوف وبكاء_ انت هتعمل ايه
حمزه بعد ان نزع عنه ملابسه مسكها من قدمها وشدها نحيته
رودينا بصراخ _ لااا الله يخليك الحقوني
حمزه بنبره شيطانيه_ قولتلك مش حمزه اللي يتخان، لينزع عنها ملابسها ويسد.د لها كف يليه اخر الا انا نزف الد.م من فمها، وهي تصرخ وتستنجد ولكن لم ينجدها احد وحدث ما حدث
بعد وقت
ينهض حمزه ويرتدي ملابسه وهو ينظر لها بنظرات شيطانيه
وهي مستلقاه علي الارض في حالة صدمه، لا تتكلم ولا يوجد اي تعابير علي وجهها
حمزه بزعيق _ قوومي استري نفسك يا عروسه
لكن لم يأته منها رد وتظل في نفس الحاله
بعد اسبوعين، مرو علي رودينا، كل ليلة يأتي ذلك الذئب يفعل بها ما يفعل ويتركها علي نفس الحاله
ثم يأخذها وير.ميها في احدي الشوارع، ليجدها احدي الماره، ويأخذها في بيته
محمود صاحب البيت اللي هي فيه
وبعدين هنعمل فيها ايه
نوران بنته _ لازم تروح المستشفى دي شكلها متعذ.به مش شايف منظرها
محمود_ مستشفى ايه واحنا حمل سين وجيم يابنتي
نوران _ طيب نجبلها دكتور هنا، والا هتمو.ت مننا دلوقتي
محمود _ ماشي، نجيب الدكتور...... يتبع
#التفاعل وحش اوووي
#احببت_مجنونة 3 ( احببتك رغمآ عني) p16
بعد يومين من خطـ.ف رودينا، مراد بينزل اعلان عنها، وبعد ايام، بيوصله اتصال من نوران
مراد _ الو
نوران_ ازي حضرتك
مراد _ تمام مين معايا
نوران _ انا نوران كنت شفت خبر بخصوص واحده مفقوده من عندكم و..
مراد يقوم من مكانه وباهتمام_ اه، كملي
نوران _ هى عندنا
مراد _ انتو فين اديني العنوان بسرعه انا جاي
نوران بتديلو العنوان، وبيروح بسرعه
رودينا بتكون نايمه وباصه لسقف من غير اي تعابير
وبعد شويه بيوصل مراد ويفتحلو محمود
مراد باهتمام شديد وقلق_ رودينا هنا
محمود _ انت اللي كنت عامل اعلان عنها
مراد _ ايوه انا هي فين
محمود _ جوه اتفضل،
مراد بيدخل علي طول والراجل يوقفه
محمود بحزن استنى يابنى _ انتو عارفين هي حصلها ايه
مراد _ منعرفش غير انها اتخطفت واخبارها اتقطعت بعد كده
محمود يبص بعيد وهو مش عارف يقوله ايه
مراد _ ايه هي مالها
محمود بحزن _ احنا لقيناها مرميه في الشارع، وشكلها متعذ.به و لما جبنلها الدكتور قالنا...
مراد _ قالكم ايه
محمود بلخبطه _ حد ابن حر.ام...
مراد بعدم ادراك_ ايوه كمل
محمود بحزن _ تعرضت للا.غتصاب
مراد يوقف مكانه مصدوم والكلام بيطلع بالعافية _ هي هي فين
محمود _ جوه، اتفضل، وبيمشي قدامه ويفتحلو الباب،
مراد يبص عليها من بره ويلاقيها نايمه وباصه لسقف
محمود _ هي كده من اول ما جت، مفيش اي تعابير، وعايشه علي المحاليل علشان مش بتاكول خالص
مراد بقهر ولخبطه_ اذنك هشوفها، وبروح نحيتها ويوقف جمبها
مراد _ رودينا ... لكن مبيجلهوش منها رد.... رودينا انتي سمعاني، انا مراد،،.. وببكاء _ انا اسف يا رودينا، لو فضلت عمري كله اعتذرلك مش هيكفي، بس انتي خرجتي ليه لوحدك، عاجبك كدة، مش كفاية اللي حصل، بيقعد علي الارض ويبكي _ كده كتير هفضل لامتي شايل ذنبك.. قومي وقوليلي مين عمل كده، والله ما هسيبه يا رودينا، قومي كلميني
بيقوم ويبصلها وهي تحرك عنيها وتبصله، وتنزل دموعها لاول مره من يوم اللي حصلها
مراد بدموع _ انتي سمعاني ... رودينا ردي عليه وقوليلي مين عمل فيكي كده الله يخليكي قوليلي
رودينا بدموع _ انت
مراد يبصلها بذهول _ انا ازاي
رودينا تغمض عينيها وتنام او تفقد الوعي
مراد _ رودينا فوقي وقوليلي انا مالي بالموضوع، رووودينا
في بيت سليم
شذا قاعدة في بيت سليم من يوم ما رما عليها اليمين بأمر من سليم
شذا _ عمي انا خلاص خلصت الاكل
سليم _ ربنا يباركلك يابنتي، ما تقوم تجهّز معاها ولا هو من كله
يوسف _ بابا كفاية بقا انا زهقت ما انت عارف كل حآجه
سليم _ خلاص انت هتبكي، من قلت الشيوخ في البلد، انت بتتلكك
يوسف _ مش بتلكك والله ما انت عارف الشغل كتير، ومش عارف اوصل لشيخ عدل
شذا _ ههههه هروح اجهز انا عن اذنكم
سليم _ روحي يابنتي الله يباركلك
بعد ما بتمشي،
يوسف _ بابا ابوس ايدك كفايه منظري بقا وحش قدامها بسببك
سليم _ مش مشكلتك الشيخ، انا قولت ل ياسين يجبلنا شيخ معاه وكويس كمان
يوسف _ وهما اتاخرو ليه كده، مش قالو هنيجي الساعه 12 اهي عدت 2
سليم _ ماهو عشان يجيبولك الشيخ، عشان متتلككش كتير
يوسف _ طيب انا هروح أجهز الاكل مع شذا
سليم _ روح بس خلي بالك البنت غريبه عنك يعني ميبقاش ذنب علي الفاضي
يوسف _ بااابا كفااايه وربنا ار.مي نفسي من البلكونة علشان ترتاح
سليم _ ههههه خلاص انت هطلع غلبك عليه روح جهز
شذا بتجهز الاطباق ويوسف داخل ينفخ
شذا _ مالك
يوسف_ عاجبك الي بيعملو بابا ده، مش كفايه واخدك من عندي وكمان بيعايرني
شذا_ ههههه عمي دا عسل، وبيحب ينكشك
يوسف_ انا اتخقـ.نت بجد، وانتي وحشتيني البيت وحش من غيرك اوي
شذا تسيب الي بتعملو وتقف قصاده وبابتسامه_ بجد يا يوسف،
يوسف بخيبه_ اوي، مش قادر أقعد لوحدي من غيرك. امتي ترجعي بقا
شذا _ باذن الله هرجع النهاردة لو ياسين جاب الشيخ
يوسف بلخبطه_ يارب يجيبوه بقا،، شذا هو انا ينفع احضنك
شذا _ ههههه نسأل عمي
يوسف يشدها ليه ويحضنها بقوه_ متقوليش عمي تانى، شذا انتي وحشتيني بجد، انا محتاجلك معايا
شذا تمشي ايدها على شعره بحنيه_ مالك يايوسف
يوسف بخنقه_ معرفش بس انا مش مرتاح لوحدي، انا اتعودت تكوني معايا
شذا_ هرجع يا يوسف، حتى لو الشيخ مجاش انت كده جوزي مش محتاجين شيخ يحلل
يوسف بخيبه_ مينفعش يا شذا،، ادعي بس يجي النهارده، ولو مجاش هروح لدار الافتاء
سليم يقاطعهم _ علي اساس ان حلال تحضنها انت متخـ.لف يابني، وانتي نهارك اسو.د
شذا تذقه بعيد_ هو اللي شدني والله ياعمي
يوسف بزهق_ بابا اتصرف الله يخليك
سليم_ اهدي ياخويا، ياسين واختك والشيخ جاين
بعد شويه بيجو كلهم
ياسين_ اتفضل ياشيخ
يوسف _ اتفضل يا شيخنا قهوه لشيخ يا شذا بسرعة
جني _ هروح اعمل معاها
في المطبخ
شذا _ وحشتيني يا جني ايه يابنتي مش تسألي عليه
جني _ وانتي كمان يا حبيبتي، بس سامحيني والله تعبانه اوي
شذا _ سلامتك حبيبتي مالك،
جني بإبتسامة _ مش عارفه
شذا _ لا واضح انك عارفه، .. حصل
جني بإبتسامة _ مش عارفه بس حاسه بكده
شذا _ طيب ومستنيه ايه ما تكشفي
جني _ لسه بدري، خليها شويه
شذا _ وياسين عنده خبر
جني _ لا انا مش متاكده لسه،
شذا _ طيب اقولك، تحت في صيدليه، اروح اجبلك اختبار، وتشوفي دلوقتي يمكن تفرحينا بقا
جني بإبتسامة _ انا بقول استنا شويه
شذا _ لاأاا هتسحب واجيلك بسرعه، وانتي اعمليه وان شاءلله خير
جني بإبتسامة_ ماشي روحي
بعد شويه الشيخ بيمشي ويوسف بيرجع لشذا شرعيآ
ياسين بإبتسامة _ مبروك يا عريس
يوسف بفرحه _ الله يبارك فيك، عن اذنكم
سليم _ وقف عندك
يوسف _ الله في ايه يا بابا
سليم _ الاكل ياخويا، ايه مش هناكول
يوسف بقرف_ لا طبعا لازم ناكول، ما انا رايح استعجلهم
سليم _ خليك انا هستعجلهم
يوسف يقعد جمب ياسين وهو يهز في رجليه
ياسين _ مالك خيلتني
يوسف بزهق _ مفيش ياعم، انا كويس، هووف، المهم انت عامل ايه دلوقتي
ياسين _ الحمدلله زي الفل
يوسف بلخبطه _ تشرب قهوه معايا بكره
ياسين_ واشمعنا بكره ما نشربها النهاردة
يوسف _ لا ماهو انا عازمك عليها
ياسين بإبتسامة _ اااه، يعنى خلاص كده احنا صافي يالبن
يوسف بإبتسامة _ حليب ياقشطه، ويضرب كفه بكف ياسين ويحضنه
ياسين بإبتسامة _ حبيبي يا جو،
يوسف يهمسله_ بقولك ايه حاول تاكول سريع سريع وتاخد مراتك وتمشو انت عارف بقا حماك مش هيخليني اروح النهارده
ياسين _ ههههه حاضر
في المستشفي
مراد بقهر _ دكتوره مش عاوز الكلام دا يطلع بره حتي اخوها وامها لما يجو ميعرفوش اكتر من اللي مفروض يعرفوه
الدكتور _ طيب ما كله هيبان يافندم، دا مبقاش حقها هي لوحدها
مراد بمقاطعه_ من فضلك نفذي الكلام اللي بقوله
الدكتوره _ امرك يافندم اللي تشوفه،
مراد _ اقدر اشوفها
الدكتوره _ اتفضل،
مراد بيدخل عندها يلاقيها منطفيه تماما ومسهمه
مراد _ رودينا انتي سمعاني
رودينا تغمض عينيها بوجع وتفتحهم تانى،
مراد _ رودينا من فضلك قوليلي مين عمل كده، اسمه اي حآجه توصلني ليه،
رودينا _ انت
مراد بانفعال _ انت انت، انا لو كنت ضايقتك ومشيتي ف مليش ذنب ف انه يحصل ليكي كده من واحد معندهوش ضمير
رودينا بدموع _ الصور اللي صورتهالي وصلوله
مراد بعدم فهم _ مالهم الصور
رودينا ببكاء و وجع _ كان بيقولي انه خطيبي وشاف الصور.. انت مقولتليش اني كنت مخطوبه،..وصورتني، وضربتني، واهنتني، وكنت سبب في الحا.دثه.. انت اللي عملت فيه كل ده،
مراد بصدمه_ حمزه؟
رودينا تقوم وتشيل المحاليل بانهيار وبكاء هستيري_ انت السبب، منك لله ربنا ياخدك وتضرب فيه بكل قوتها
مراد يحاول يهديها _ اهدي يا رودينا، والله هجبلك حقك
رودينا تكمل ضرب فيه وببكاء_ ومين يجبلي حقي منك، حسبي الله ونعم الوكيل، ربنا يوجع قلبك زي ما كنت سبب في عذابي
مراد يحضنها وهي تضرب فيه وببكاء_ حقك عليه، انا هعمل اي حآجه تطلبيها بس اهدي علشان خاطري
رودينا تبعده عنه بأنهيار_ اطلع براااا اطلع برا يا مراد.. ربنا رحم مراتك من السواد اللي جواك، اكيد ماتت بسبب ضميرك الاسود وافعالك امشي برااا
مراد يبعد عنها شويه ويبص عليه وهو بتتخبط قدامه وهو مقهور بسبب كلامها،، بعدين بينده الممرضات ويرجعلها تانى، ويحاول يهديها وهي يزداد انهيارها وصراخها
رودينا_ ابعد عني مش طايقه اشوفك، ابعد عنني
بيجو الممرضات ويمسكوها، ينوموها بالعافيه ويديلوها حقنه مهدئه
رودينا بصراخ_ سيبوني، بكر.هك يا مراد بكرررهك، وبعدين بتنام وهي دموعها على خدها
مراد يقرب منها ويمسك ايدها وباصرار_ هجبلك حقك منه والله ما هسيبه. كله هيتصلح يا رودينا
بيت يوسف
شذا _ يوووسف، اي العك ده
يوسف باستغراب _ عك ايه
شذا _ البيت يضرب يقلب حرام عليك
يوسف _ مانتي عارفه اني مليش في التنظيم يا شذا،
شذا _ دلوقتي عرفت ليه قولت مش قادر اعيش من غيرك، طبعا علشان انضف، اما اشوف الاوض جبت فيهم جاموس ولا لاء ووسع
بتدخل الاوضه، ف تتفاجاء بالمنظر،
شموع و ورد وعشا و ورق ورد علي السرير
وصوره ليها كبيره محطوطه على الحيط
يوسف بإبتسامة_ نورتي بيتك
شذا بذهول_ الله يا يوسف، انت عامل كل ده
يوسف_ ايوه ايه رأيك
شذا تحضنه_ حلو اوي اوي
يوسف يحاوطها بأديه _ اقل حآجه ممكن اعملهالك، الف مبروك
شذا تبعد عنه وتبصله _ على ايه
يوسف برومانسيه_ النهارده بنسبالي اول يوم جواز،
شذا بإبتسامة_ الله يبارك فيك يا حبيبي، تيجي تنور النور ف يمسك ايدها،
يوسف بتأمل_ كفايه الشموع،
شذا بإبتسامةحالمه_ انا حاسه اني بحلم مش مصدقه نفسي، ان انت معايا وبتعاملني كده، تعبت اوي يا يوسف علشان ترضا عني، كنت حاسه ان عمر اليوم ده ما هيجي
يوسف _ انا اسف، علي كل يوم كنت بعيد عنك فيه، عمري ما هبعد عنك تاني
شذا_ بحبك يا يوسف
يوسف برومانسيه_ وانا كمان،. ثم يمسك كف يدها ويقبله برقه، وينظر لها بتأمل، وهو يتأمل تفاصيل وجهها وكأنه يراها لأول مره، ويزيح شعرها بيديه عن وجهها ليظهر مثلا البدر المضئ، وزادها جمال ابتسامتها، ثم اقترب منها اكثر ليقبل عينيها، بحب، ليقترب بعدها من شفاها ويأخذهم في قبله طويله،، ويحتضن كفايها بشغف، لتصرخ هي وتبعده عنها،
شذا_ يختاااي الشمعه وقعت على المفرش يا يوسف
يوسف بانفعال يمسك شفشق الميه ويدلقه على النار، ويمسك سكـ.ين تقطيع ويقرب من شذا
يوسف_ طيب وربنا اد.بها في بطني علشان ارتاح، ايه الحظ دا حتي الشمعه جايه عليه
شذا_ ههههههههههههههه ههههههههههههههه
يوسف بانفعال _ متضحكيش
شذا _ ههههههههههههههه مش قادره، وتجري تترمي على السرير وتخبط برجلها عليه
يوسف _ متنرزفنيش يا شذا
شذا _ ههههههههههههههه هموت بجد،
يوسف يروح ويمسكها من شعرها، وهي تكمل ضحك، الا ان يسكتها بقبله قويه
شذا تحاول تبعده عنه، لكنه بيمسك ايديها بعنف ويثبتهم علي السرير
يوسف _ اشششش ولا نفس
شذا تبصله بإبتسامة، ودقات قلبها تتسارع،
ثم يقترب منها ويقبل عنقها وشفاها ويستنشق عطرها... وبس كده... لتبداء اول
ليله في زواجهم
بيت ياسين
جني مجهزه عشا، وحاطه تلات كباياة مزيناهم واحده علي شكل ست و التانيه على شكل راجل والتالته على شكل بيبي
ياسين _ ياسلام، انا كنت جعان بجد تسلم ايدك
جني بإبتسامة _ ايه رأيك في الكبايات
ياسين _ شكلهم حلو، مين عملهم كده
جني بإبتسامة _ انا
ياسين _تسلم ايدك، حلوين اوي
جني _ بيعبرو عن ايه
ياسين باستغراب _ بيعبرو عن الشرب
جني _ لا انا اقصد التزيين
ياسين _ لا معرفش، بس شكلهم حلو بجد
جني بإبتسامة _ طيب بص،
ياسين _ تمام
جني _ دي شكل راجل،
ياسين _ تصدقي صح فعلاً دي بدله، طيب ودي
جني بإبتسامة _ ودي ست، لابسة فستان
ياسين _ صح، طيب والصغيره دي
جني _ دا ابنهم
ياسين _ حلوين اوي فعلاً، تسلم ايدك، بس ليه ابنهم احنا اتنين بس، شيلي دي
جني بزهق _ حبيبي ،، دا راجل او اب، ودي ام، ودا ابنهم،
ياسين _ اه حبيبتي ما انا واخد بالي، حلوين بجد
جني بخنقه _ يااسين، دا اب ودي ام ودا ابنهم ياقلبي،
ياسين _ ماشي حبيبتي قولتلك حلوين، ابوسهم ولا ايه مش فاهم
جني بخنقه _ الصبر يارب، ياسين حبيبي، تعاله عاوزاك،
ياسين _ نعم يا روحي،
جني بتمسك ايده وتحطها على بطنها بإبتسامة
ياسين _ مالك حبيبتي بطنك وجعاكي اعملك يانسون
جني تذق ايده بعيد بغيظ_ ياااسين، في ايه
ياسين باستغراب _ ايه ياحبيبتي مين مزعلك
جني بزهق _ مفيش حآجه خلاص كُل
ياسين _ روح قلبي، حاضر، يلا تعالى ناكول مع بعض
جني _ لا انا نفسي غامه عليه
ياسين _ تلاقيها من الجوع، تعالي كولي وانتي هتبقي كويسه
جني _ لا انا عاوزه مانجا
ياسين _ دلوقتي يا جني، مش اوانه ياقلبي
جني بنفاذ صبر_ ياسين، انا هنااام، انا هنااام
ياسين باستغراب _ ماشي ياروحي، تصبحي على خير،
بتروح لسرير وتتغطا بالملايه هي وبتفرك من الغيظ
ياسين يبصلها باستغراب _ مالها دي، وبعدين يمسك الكبايه الصغيره. يحط فيها الميه ويشرب وفجاه يبرق بعنيه وياخد باله من اللي عاوزه توصلهوله،
ياسين بذهول _ جني، انتي عاوزه تقولي انك حامل ولا انا غلطان
جني تقوم وتكشف الغطا وبزهق_ احمدك يارب طلع بيفهمها بعد شهر
ياسين يمشي وهو موطي ويبصلها في وشها وفجاه يصرخ _ عاااا بتهزري
جني بفزع_ ياااسين، هسقط بسببك اي الصرخه دي حرام عليك
ياسين بفرحه _ جني بتتكلمي جد
جني بنرفزه_ امال بهزر بقولك هسقط بسببك، خضتني ياشيخ
ياسين بفرحه _ مش قصدي الخضه، قصدي انتي حامل بجد
جني بإبتسامة _ ايووه يا ياسين ايوه
ياسين بفرحه _ هسميه على
جني باستغراب_ ايه علي ايه،هو احنا لسه عرفنا نوعه افرض طلعت بنت
ياسين بفرحه_ تبقا عاليه
جني_ ايه ده في ايه... يتبع
تعليقات
إرسال تعليق