رواية روح ملاكى الفصل 11-12-13-14-15بقلم رحمه نبيل (جميع الفصول كامله)

رواية روح ملاكى الفصل 11-12-13-14-15بقلم رحمه نبيل (جميع الفصول كامله)

#روح_ملاكي

#عصابة_الحي

#الحادي_عشر

_____________

۞ وَبَشِّرِ الصَّابِرِين ۞

تشتَد وتشْتد وتَشتد ، ثُمَّ يأتِي الفرَج من حِيث لا تحتسب .

فكُن علَى ثقَه بِالله دائمًا ، ستأتِي بَعدَ زحام البلاء أفراح ! 🌸

صلوا على الحبيب المصطفى

كان قلب ادهم يضرب بقوة في صدره وهو يسمع كلماتها التي هتفت بها نظرت له ببسمة شعر ادهم بأنها أجمل ابتسامة رآها في حياته شعر بشعور حنين لها لا يعلم لماذا

استدارت له ام فتحي وابتسمت له وقالت وهى تنظر حولها بحرص / تيجي ندور

ابتسم بتعجب وهو يرفع حاجبه فضحكت على ملامحه وقالت بجديه وهى تمد يدها له فنظر ليدها قليلا ثم وضع يده بلا تردد فامسكتها وأخذت تحركه معها بحركات مضحكة وهى تدور وهو يدور معها فقالت له ببسمه وهى تغمض عينها / رجع راسك لورا وغمض عنيك واستمتع بكل لحظه

اخذ ادهم ينظر لها هى ولم يغمض عينه وكانت بسمته تزداد اتساعا وهو يراقبها كطفلة صغيره تلهو مع والدها أسفل الأمطار فتحت هى عينها وهى تضحك بشده / انت بتغش

هز رأسه برفض وهو يبتسم / لا بس يلا عشان طولنا وكمان عشان الجرح ولا انتي ايه رأيك

ابتسمت له ثم اقتربت منه وقالت له وهى تمد اصبعها الأصغر / توعدني كل ما الجو يمطر نخرج نلعب زي كده

ابتسم لها وقال ببسمة / توعديني تفضلي جنبي على طول

هزت رأسها ببسمة واسعه / اوعدك

ابتسم هو أيضا ومد أصبعه الأصغر وشبكه في اصبعها وقال بجديه مضحكه / اتعهد انا ادهم الألفي لام فتحي ان كل ما الجو يمطر وتحت اى ظرف هنخرج نلعب في المطره طالما لم يمنعني ظرف كبير والله على ما أقول شهيد

ضحكت بشده وهى تغمز له / مصدقاك ياوحش يلا بقى ندخل بسرعه

ابتسم ادهم وركض أسفل الأمطار وهو يتوجه للداخل ويقول بضحك وهو يتجه لغرفته / كنتي فين لما خرجتي

ام فتحي وهى تدعي اللامبالاة / كنت بطمن على الفخده واشوفها دهنت زيت عباد الشمس ولا لسه

نظر لها بتعجب وهو يفتح باب غرفته ويتجه ببطئ للداخل / زيت عباد الشمس؟؟؟

هزت رأسها بسخريه / يا جدع انت ماشوفتش زيت القلى اللي كانت داهنه بيه الفخذه دي لو طلعت في الشمس هتشم ريحة القلى

ضحك ادهم بشده وهو ينظر حوله باحثا عن شئ ثم اتجه لدولاب في ركن الغرفه وأخرج منشفه ورداء اخر ثم قال بغمزه / واحده من مميزات المستشفيات الخاصة

ضحكت وهى تقول / وانت ليه مشتغلتش هنا

ادهم وهو يتجه للحمام في الغرفه / وانتي فاكرة انهم محتاجين ليا هنا؟؟؟ اكيد لا بس هناك مفيش دكاتره جراحه غيري انا واتنين تانين والفقرا ياملاك في البلد دي اكثر من الناس الميسورة يعني عددهم اكبر ولو سبت المستشفي هبقى اناني

ابتسمت وهى تنظر له بفخر شديد ثم قالت قبل أن يغلق الباب / استنى

نظر لها بتعجب فقالت ببسمة / انت قولت ملاك ليه

ابتسم ادهم لها / لأنك ملاك فعلا، الملاك اللي خلا لحياتي طعم

ثم غمز لها بمشاكسه /ملاكي

وبعدها أغلق الباب بينما هى نظرت له ببسمه واسعه وهى تقول / يا أخي يخربيت حلاوة امك دي

ثم نظرت للغرفة فوجدت الباب مفتوح فابتسمت بخبث وهى تخرج وتقول بصوت مضحك / جيالك يا ام فخده

ابتلعت شادية ريقها برعب ثم وبكل هدوء عادت للخلف بظهرها وهى تحاول الا تصطنع اى صوت ثم جلست على الدرج في مكانها السابق ومدت يدها ووضعت العصا في يد شادي وجلست وهى تربع يدها بكل براءه وتنظر أرضا وهى تبتسم ببراءة ذئب

بينما كان شاكر مازال يسب ويشتم واتجه لزر مزود الطاقة الاحتياطي وضغط عليه لتنشتر الاضواء في العمارة فنظر لهم بغضب فوجد شادي يحمل عصا والباقين يحملون سكاكين فابتسم بشر وهو ينظر لشادي بينما شادي ضم حاجبيه بتعجب من نظرات شاكر له فقال / فيه إيه؟؟

ثم لاحظ نظراته على أسفل قدمه فنظر وجد العصا التي اخذتها شاديه فنظر لها بتفكير قليلا حتى فتح عينه بصدمه كبيره ونظر لشادية وهو يقول بصدمه / عملتيها يا شاديه بتبعيني

شاديه وهى تربت على كتفه بتأثر / هى الدنيا كده يا صاحبي بيع واجري

ابتلع شادي ريقه ونظر لشاكر وقال وهو يلقي العصا بعيدا / دي شادية والله حتى هى اللي كان صوتها جنبك ايه مخدتش بالك ولا إيه

ولكن مازالت نظرات الغضب تسيطر على شاكر فقال شادي وهو يعود للخلف / ايه بتبصلي كده ليه ابتسم شاكر وهو يتجه له ببطئ مهلك للاعصاب

بينما اخذ شادي يصعد درجات الدرج بظهره وهو ينظر لشاكر برعب وفي ثواني كان شادي يطلق ساقيه للريح وهو يصرخ بعنف / يا عوووووووووووض الحقني يا عوووووض والله دي شاديه

ثم دخل لشقتهم واغلقها بسرعه وهو يتنفس بعنف

بينما ابتسم شاكر ونظر لهاجر وهو يقول لها / يلا عشان تعبان يا جوجو وعايز انام

ثم عبر من جانب شاديه وهمس لها / اوعي تفتكري اني اهبل ومش عارف مين اللي ضربني بس ماشي يا شادية تقلي حسابك لحد ما هيجي في مره وهاخده كله مره واحده

رفعت شاديه طرف شفتيها بتشنج وهى تقول / مستنية يا ضنايا وهاخد الباقي لبان كمان

هز شاكر رأسه وهو يبتسم بسمة مرعبة / ماشي يا شادية ماشي

شادي ببرود مصطنع / قلبي هيقف من الرعب الحقوني يا عيال هموت من الخوف شوف شوف بيبصلي إزاي الواد آه هموت من نظرته

ابتسم لها شاكر بسخريه

ثم نظر لهاجر وسحب يدها وكاد يصعد لولا صوت سليم وهو يقول / عملت ايه يا شاكر معاهم

شاكر بسخريه / يعني هكون عملت ايه خدتهم يتعالجوا وبعدين رمتهم في الزنزانة لحد الصبح

ثم كاد يصعد لولا رؤيته لصعود كريم خلفهم فقال شاكر بعدم فهم / آيوه خير؟؟؟

كريم بعدم فهم / خير؟؟؟

شاكر ببسمة بارده / رايح فين

كريم وهو يتحدث بسخرية مبطنه/ هوصلكم بس لحد باب الشقة... يعني هكون رايح فين يعني اكيد هطلع انام

شاكر بسخريه وهو يضحك ويضم هاجر / لا والله يلا يا عسل روح شوف هتنام فين لسه الأسبوعين مخلصوش مش كفايه مش عارف اتهنى بيوم كأنه في بومة بصالي فيهم

كان يتحدث وهو ينظر لشادية التي ابتسمت له بسماجة /

الله يسامحهم يابني الناس دي مش بتسيب حد في حالها

شاكر بتلميح وهو ينظر لها بعيون ساخرة /آه والله يا شادية ناس مؤذيه ودايما تحشر مناخيرها في عيشه غيرها

شاديه وهى تتأفف باصطناع / أنا مش عارفة ليه كل الناس بتحشر نفسها في حياة كل الناس بطريقة تضايق كل الناس اوووف بجد

ضحكت مريم بشده وهى تقول / معلش يا عمو شاكر ربنا يبعدهم عنك

ضربتها شاديه بحده على كتفها وهى تهمس / غبية، دول احنا

نظرت لها مريم وهى تعدل نظارتها بتعجب /والله؟؟

ثم نظرت ببسمة غبيه لشاكر وهى تقول / مش آوي يعني يبعدهم شويه صغننه

ضحك كريم بشده عليها هذه الفتاة حقا مازالت طفلة

بينما هى نظرت له وتذكرت ما حدث فخجلت بشده ونظرت أرضا بسرعة بينما هو ابتسم عليها ولكن خرج على حديث شاكر وهو يسحب هاجر للأعلى / يلا يا جوجو تعالي احكيلك حكاية العجوزة والمغفلين الخمس

نظر له سليم بغباء ثم بعدما استوعب كاد يصرخ ولكن كان قد صعد بينما صفقت مريم بحماس / الله بجد عمو شاكر ده قمر آوي شايفين رغم السنين دي لسه بيعامل طنط جوجو كأنها بيبي وبيحكي ليها حكايات

نظر لها كريم وهو يفتح فمه بطريقه مضحكه على حديثها ذاك وقال / انتي مفهمتيش؟؟

نظرت له مريم بتعجب / مفهمتش ايه

هز كريم رأسه بلا شئ وهو يضحك عليها وعلى عقلها هذا

بينما كان سليم يعض شفتيه بعنف

وشاديه تنظر للأعلى بغضب ثم صرخت / انت مفكرني هسكتلك يا شاكر تبقى غلطان يا خويا ده انا كل يوم هنطلك في كل مكان وكل وقت وخلي بالك بقى لأحسن تشد السيفون تلاقيني خرجت ليك

تحدث سليم بسخريه / خلاص مشي يا شاديه

نظرت له شاديه وهى تزفر بضيق ثم قالت / حرق دمي الله يحرق دمه

ثم نظرت للأعلى مجددا وصرخت / مش اخلاق صعايدة دي يا كابتن

ثم صمتت مجددا وهى تتنفس بعنف ورفعت رأسها مرة أخرى وهى تصرخ بغيظ لم يهدأ بعد / يا شاااااااااكر حرنكش

سمع الجميع صوت الباب يُفتح فركضوا بسرعه للأعلى ودخلوا شقة عوض وهم يتنفسون بعنف وشادية تستند على الباب وهى تضحك بشماته نظر لها كريم بتعجب / ليه قولتي لشاكر شاكر حرنكش

نظرت له ببسمة ماكرة وكادت تتحدث لولا سماع الجميع صوت يصدر من أسفل الاريكه فنظروا بقلق ووجدوا شادي يخرج رأسه / هو شاكر طلع خلاص

ضحك سليم بشده عليه / آه يا خويا طلع خلاص اطلع انت كمان

نظرت لهم شاديه وهى تقول / لا ده احنا نعمل فشار ونتكلم بقى استنوا هنعمل فشار انا ومريم واحكيلكم موضوع الحرنكش

شادي وهو ينهض وينفض نفسه / اية حرنكش ده

كريم وهو يهز كتفه بعدم فهم / معرفش دي شا

توقف كريم عن الحديث وهو ينتبه لما يرتدي شادي حيث كان يرتدي شورت فقط فقال كريم ببطئ مرعب / هو إنت كنت معانا كده

نظر شادي لنفسه بتعجب / آه ليه فيه حاجه؟؟؟

جز كريم على أسنانه بعيد وهو يقول بحده / واد انت اظبط نفسك إزاي تخرج كده قدام مريم

شادي بعدم فهم / وايه يعني هى أساسا مبصتش عليا وملاحظتش وبعدين هو أنا كنت في إيه ولا إيه

صرخ به كريم / ادخل البس اى نيله بدل ما انت واقف كده

شادي وهو يرفع حاجبه بتعجب / ولو معملتش كده

كاد كريم يتقدم منه ليصرخ فقال شادي بحرص / عوض نايم جوا بلاش نزعجه

جاء صوت عوض الساخر من الداخل / ربنا يخليك يا حبيبي يارب

نظر كريم لشادي / ادخل البس زفت على دماغك

ابتسم له شادي وهو يقول ببرود / لما تيجي مريم و

لم يكمل كلامه وركض سريعا وهو يرى كريم الذي كاد ينقض عليه فزفر كريم بعنف ثم أدار وجهه فوجد سليم يبتسم له بخبث فتجاهله كريم وهو يربع يده ببرود

نظر مؤنس لاخوته بشر ثم وفجأه صدحت صفعة هزت أركان المنزل وقال وهو ينظر بشر لشامل وهو يجذبه من ثيابه ويصرخ به / انت ياض ملتك ايه ها رد على اهلي؟؟؟

تحدث شامل بحده / خليني افهمك قبل ما تتعصب

القاه مؤنس بعنف / تفهمني ايه يا سيد الرجاله انك دخلت على اختك اوضتها زي البلطجيه حتى مفكرتش تخبط الباب يمكن بتغير ولا حاجه ومش بس كده وصلت بيك ال*** انك تمد ايدك عليها

شامل وهو يصرخ باعتراض / هى عارفه فين الزفته هالي متنساش انها أقرب واحده لهالي

تحدث فادي بتوتر من الأجواء المشحونه / وهى لو تعرف يا شامل كانت قالتلك خصوصا بعد ضربك ليها وتهديدها

نظر له مؤنس بنظرات تشع شر وقال وعروقه تبرز بشده/ قسما باللي خلقني واحد منكم يا كلاب. يقرب من سارة او يمد ايده عليها ويعمل عليها راجل لاجيبه في نص البلد واوريه مقامه كويس سارة خط أحمر منك ليه فاهم

نظر له الاثنان بصمت فصرخ بهياج / فاهمين ولا لا

تحدثوا بحنق / فاهمين

زفر مؤنس بغضب وهو يتنفس بعنف ثم نظر لشامل وقال بتحذير ونبرة مخيفه / أنا عديت ليك كتير يا شامل واخرهم انك سبب اللي احنا فيه انت واللي جنبك ده بنت عمك دلوقتي بره البيت بسببكم انتم وانا كدبت على بابا عشان ميقلبش عليكم بس قسما بربي غلطة واحده، سامع غلطة واحده بس وهفرمكم انتم الاتنين وملكوش عندي دية منك ليه سامعين

ثم نظر لهم بغضب ورحل بعنف ثم صعد الدرج واتجه لغرفة اخته وهو يطرق الباب فسمع صوتها المنخفض بشده فدخل وهو ينظر لها بحنان فوجدها تختبئ أسفل فراشها ابتسم وهو يتجه لها / قطتي الصغننة بتعمل ايه

انزلت ساره الغطاء قليلا وهى تنظر له بحزن وعيون حمراء / مفيش يا ابيه بس كنت هنام

ابتسم لها مؤنس وهو يخلع حذائه ويتقدم لينام بجانبها / وانا كمان عايز انام عشان تعبان اوي

ابتسمت له ساره وارتمت في احضانه وهى تلتمس منه الحنان الذي لطالما اغدقها به

بينما هو ربت بحنان على شعرها حتى ذهبت في نوم عميق وهو ينظر امامه بشرود ويهمس / يا ترى انتي فين دلوقتي يا هالي وبتعملي ايه؟؟؟؟

كانت تجلس في غرفة منال هى وصديقتها وهى تستمع لهم بسخريه

ميس وهى تنظر لمنال بحنق / انتي يابت هبلة حب ايه وبينك انتي وادهم لا ده واضح شوفته بعد الوقت ده كله ضربت فيوزات عقلك

منال بحده / اسمعي يا ميس انا مسمحلكيش بعدين ليه ميحبنيش يعني ناقصه ايد ولا رجل

ام فتحي وهى تنظر لقدمها ببسمة / لا ناقصة جريل ( مشواه) وتتشوحي عليه بالزيت ده يا ختي انا عارفه ايه الرجل دي

زفرت ميس بهدوء وهى تقترب منها / يا منال يا حبيبتي كلنا عارفين ادهم وانه عمره ما اهتم لبنت ولا حتى كلمها وكل كلامه كان بحدود حتى احنا لما كان بيلخص معانا مكنش بينطق بكلمه

ام فتحي بصدمه كبيرة / ادهم طلع محترم؟؟ أيعقل؟؟

اكملت ميس ببسمة / طب فاكرة اخر بنت قالتله بحبك قالها ايه

صمتت منال وهى تنظر أرضا بضيق فقالت ميس / قالها انتي زي اختي وانا مرضاش اني اخدعك انا مش بحبك ولا بشوفك بالشكل ده لا انتي ولا اي بنت هنا

ام فتحي وهى تفتح عينها بصدمه وانبهار / هذا ما لم نسمع به من قبل

منال وهى تزفر بضيق وتعب / عارفه يا ميس عارفه بس عندي امل انه يبص ليا او يحس بيا حتى

ام فتحي وهى تمصمص شفتيها / شوفي طول عمري اقدر الجمال بس انتي منزلتيش ليا من زور والله تقريبا فخدتك وقفت في زوري

ميس بحنان وهى تضم صديقتها / للدرجه دي يا منال بعد السنين دي ولسه منستوش

منال بدموع وهى تتذكر حبها طوال تلك الأعوام / مش قادره انساه يا ميس قولت اني خلاص نسيته بس اول ما شوفت قلبي دق وقالي كدابه انتي عمرك ما نستيه

مسحت ام فتحي دمعه وهمية وهى تقول / بس بقى دمعتي هتفر

ميس وهى تنظر لها بشفقه / طب ايه رأيك حاولي تقربي مني الفتره دي وجربي وشوفي هيميل ولا لا

ام فتحي بقرف / يا ختي قرب منك عزرائيل منك ليها

اكملت ميس وهى ترى صديقتها تفكر بجديه / بس لو متجاوبش معاكي هتنسيه خالص اتفقنا

ابتسمت منال باستحسان للفكرة / ماشي انا موافقه طب تفتكري أبدا بايه يعني اعمل ايه عشان ألفت انتباهه

ام فتحي ببسمة غبيه / بيني حته من الكتف مع الفخده هتعمل أحلى شغل

ميس وهى تبتسم لها / بصي ياستي تفضلي دايما قدامه ميشوفش غيرك انتي وكل ما يحتاج حد يلاقيكي انتي اللي جنبه

حركت ام فتحي شفتيها بملل وقرف ثم نهضت وخرجت وهى تتجه لغرفه ادهم وتقول / جاتكم القرف في اشكالكم

دخلت الغرفه وجدت ادهم ينام على فراشه بسلام كطفل صغير فاتجهت له وهى تقول / طبعا نايم ولا على بالك يا كازانوفا ان فيه فخده بتخطط عشان توقعك بس حذر فذر هعمل ايه

ابتسمت بشر وهى تقترب منه وهمست بنبره مشاغبة / هطلع عينك لو بصتلها

ثم ابتعدت وابتسمت له وهو مازال نائما فاتجهت للنافذه وجلست بجانبها وهى تنظر للسماء التي مازالت تمطر بشده وهمست / ياترى انا ليا اهل خايفين عليا ولا مليش حد

في الصباح الباكر استيقظت مريم بعد نوم قصير بسبب سهرتهم البارحة مع شادية واحاديثها الطويله والتي قصت فيها عليهم الكثير والكثير من المواقف المضحكة التي قام بها شاكر في شبابه وفترة طيشة وايضا سبب تسميته بحرانكش ضحكت بشدة على هذا الاسم وحملت حقيبتها وخرجت من الغرفه وهى تنظر في انحاء المنزل فوجدته هادئ على غير العادة فالوقت مبكر جدا بالنسبه لهم ولكنها استيقظت مبكرا للذهاب لجامعه لتحضر بعض المراجعات واخيرا وبعد غياب طويل من بعد تلك الحادثه قررت أن تعود مجددا توجهت لباب الشقه وخرجت منه بكل هدوء حتى لا يستيقظ احد وهبطت الدرج وكادت تهبط للاسفل ولكن سمعت صوت باب شقة عوض يفتح وشادية تنادي عليها فنظرت لها بتعجب / شادية ايه اللي مصحيكي بدري كده

شاديه بتذمر ونعاس / انتي يابت هبلة مش انتي قولتي إمبارح انك رايحه الجامعه انهارده

هزت مريم رأسها بغباء / آه صح بس وايه يعني هو انا أول مره اروح ولا إيه

شاديه وهى تلوي فمها بحنق وتمد يدها بهاتفها / انتي نسيتي ولا إيه مش اتفقنا تاخدي التليفون وانتي رايحه

نظرت مريم بصدمه للهاتف وهى لا تستوعب ذلك /أنا كنت بهزر يا شادية بعدين هو انتي لسه فاكر الموضوع

شاديه وهى تضع الهاتف في يدها بنعاس / بس انا مكنتش بهزر وبعدين هنسى إزاي

ثم تثائبت بتعب / يلا روحي شوفي حالك وانا هدخل انام بقالي ساعه قاعده مستنياكي لحد ما سمعت صوت رجلك على السلم

ابتسمت مريم بتأثر ثم اقتربت وضمتها بحب كبير وقالت / ربنا يديمك لينا يا شادية يارب

ابتسمت شاديه وهى تضربها بلطف على ظهرها / يلا عشان متتأخريش

مريم ببسمة وهى تعدل نظارتها / اشطا سلام يا شوشتي

ثم هبطت الدرج بسرعه وهى تبتسم بسعاده طفله صغيره

بينما خرج كريم من خلف شادية التي تقف امام الباب وقال بتعجب / شادية واقفه كده ليه

انتبهت له شاديه / ولا حاجه انت رايح فين كده

كريم وهو ينظر لساعته / عندي مشوار مهم هخلصه واطلع على الشركة

هزت شادية رأسها بايجاب وهى تدخل / طيب وانا هدخل انام شويه ابقى اقفل الباب وراك

ابتسم لها كريم وهو يخرج / يلا سلام

ثم هبط الدرج وخرج من العمارة ونظر حوله في انتظار ظهورها حتى لمحها تتقدم منه ببسمة باهته قليلا / فيه إيه يا أشرقت قلقتيني امبارح

ابتسمت له بحزن / اسفه اني قلقتك يا كريم بس انا حقيقي في مشكله كبيره ومش عارف اعمل ايه

كريم بهدوء / طب اهدي بس وكله خير وهيعدي

اشرقت بحرج كبير / طب ممكن نتكلم في حته بعيد عن هنا

نظر لها كريم بتردد وهو يخشى ان يتحدث احد بالأمر ولكن هز رأسه بايجاب وهو يفكر ماذا حدث لها لتصل لهذه الدرجه

تحركت اشرقت وخلفها بمسافه كريم الذي اخرج هاتفه ونظر به ثم أجرى مكاملة ما ولم يدرك اى منهما ان كان هناك من يقف على مقربة منهم وهو يراقب بعيون حمراء تغلي من الغضب

نظر سليم لاثرهم وهم يرحلون وضغط على يده بغضب شديد فقد نزل ليلحق بمريم ليعطيها مصروفها ولكن رأى مشهد جعله يقف في مكانه كتمثال بلا روح

صعد سليم لشقته بغضب شديد وهو يركض على الدرج وكأنه سيكسرها أسفل اقدامه وهو يهمس / والله لاوريك يا كريم الكلب

دخل شقته وأغلق الباب خلفه بعنف شديد

نظر ادهم لام فتحي التي تجلس بجانبه وتنظر لمنال بطريقه غريبه وكأنها على وشك الانقضاض عليها

ابتسمت منال له وقالت بنبرة مغرية / ممكن اقعد شوية معاك

نظر ادهم لام فتحي ثم ابتسم وقال / اكيد معنديش مانع

ابتسمت له ام فتحي وهى تهز رأسها ببرود / آيوه خليها تقعد ده حتى الواحد كان حاسس بملل

جلست منال على مقعد بجانبه ثم نظرت له بهيام وهى تقول / حقيقي يا ادهم وحشتني ايامك انت إزاي اختفيت كده ومسألتش على حد

ادهم وهو يبعد نظره عن تلك التي تنظر لمنال بنظرة مخيفه وقال ببسمة لطيفه / معلش والله يا منال اصلي كنت مشغول شويه في الشغل وانتي عارفة الدنيا تلاهي

ام فتحي ببسمة باردة لمنال / شكلك كده مقتنعتيش قوم يابني اديها بوسه خليها تصدق

كتم ادهم بسمته وهو يقول بمكر / بس شوفي الدنيا مصممه انها تجمعنا

ام فتحي وهى تضع يدها على خدها بانسجام / سبحانه مجمع القلوب

منال ببسمة سعيده لحديثه / بجد يا ادهم يعني انت فرحان عشان شوفتني تآني

ام فتحي وهى تتحدث ببسمة غبيه / أمال يابنتي وهو يلاقي واحده زيك فين 60٪ بروتين 40٪ الياف

نظر لها ادهم ببسمة ساخر ثم قال لمنال / وهزعل ليه يعني يا منال ده انتي حتى من اقرب الأصدقاء ليا في الثانوي والجامعة

منال ببسمة وضحك / آه صحيح كانت ايام جميله اوي نفسي بجد ترجع

سمع ادهم صوت الباب يطرق فنظر له بتعجب فوجد شادي يدخل وهو يقول دون الانتباه لمنال / خد يا ادهم الهدوم اللي طلبتها اهي وكمان معاها المكنة ب

قطع كلامه وهو يرى منال تجلس بجانب الفراش فقال بهيام / مكنة مكنة يعني

ثم نظر لادهم وقال ببسمة غبيه / هو أنا قاطعتكم ولا إيه كنتم بتراجعوا ولا حاجه

ضحكت منال بشده فنظر لها شادي وهو يقول / ضحكت يعني قلبها مال

ام فتحي ببسمة مغتاظة / يا أخي مالت عليك حيطة انت التاني مش فاهمه هو اى فخده كده تجنكم

نظر شادي لادهم وهو يبتسم / اقعد الخص معاكم

ادهم وهو يزفر بملل / تلخص ايه يا شادي

شادي وهو يسحب مقعد ويجلس عليه / طب هسمع لكم

ثم نظر لمنال وقال بغمزه / على فكره انا كنت من أوائل المتفوقين

منال باعجاب كبير به / بجد ما شاء الله عليك

شادي وهو يضع قدم على قدم بفخر / عوض كان عايز يدخلني مدرسه زغلول الثانوية بس انا قولتله لا طبعا مش مستوايا ده انا حتى ضناك الوحيد هتستخسر فيا ولا إيه فقام دخلني مدرسه اوائل المتفوقين بنين

نظرت له بجهل / ها؟؟؟

شادي ببسمة غبية / مدرسة اوائل المتفوقين بنين ايه مسمعتيش عنها ولا إيه دي مدرسة كبيرة آوي على فكره

بينما ضحكت ام فتحي بشده / دي صدقت يا عيني مكنش دخل تجاره ياختي

حاولت منال الخروج من صدمتها / آه آه اسمع عنها

شادي وهو يكمل سرد مسيرته الدراسية وكأنه يحكي تاريخ انجاز ما / بعدها بقى طلعت المركز الـ ١٦٧ على المدرسة وبكل جدارة واستحقاق وجبت تجارة وحاليا بقيت باشمحاسب قد الدنيا

منال ببسمة / بجد محاسب في شركة ايه

شادي ببسمه وهو يغمض عينه بفخر / شركة عوض للمشروبات الساخنة والباردة ويوم التلات بنعمل رز بلبن إنما ايه عظمة

فتحت منال فمها بغباء وهى تنظر لادهم الذي يضحك بشده على شادي بينما شادي يبتسم لها بغباء / ابقى تعالى في مره استقبلك في مكتبي وادوقك الرز بلبن

نهضت منال وهى تنظر له بعدم استيعاب لكلامه ذاك وابتسمت وقالت / اكيد اكيد شكرا ليك يا

شادي ببسمة وهو يخرج كارت من جيبه / باشمحاسب شادي بس بلاش تكليف بينا قوليلي باشمحاسب بس

ابتسمت له منال بغباء وهى تأخذ الكارت منه ثم نظرت لادهم وقالت ببسمة / عن اذنك عشان عندي مرور

أعادت نظرها لشادي / اتشرفت بيك يا باشمحاسب عن اذنكم

خرجت منال وهى تتعجب لذلك الكائن بالداخل

بينما نظر ادهم لشادي بتعجب / أنا عملت كروت ليك ولا إيه

شادي ببسمة غبيه واسعه / لا ده كارت البرنس بتاع الكشري اللي على أول الحارة عندنا

ضحك ادهم بشده وهو يمسك خصره بألم بينما نظرت ام فتحي لشادي بفخر وهى تصفق / الواد ده قادر اقسم بالله البت مخدتش في ايده خمس دقايق الله عليك يا فخر اوائل المتفوقين

دخلت منة لدار الازياء الذي يخص والدتها فوجدت مايا تجلس بالداخل فزفرت بضيق وهى تتقدم وتجلس على الاريكه بجانبها وتتجاهلها كليا وتنشغل في هاتفها ولكن مايا لم تصمت وحاولت ان تستفزها وقالت لفتاة بجانبها / وبس ياستي مدام شاهي كلمتني وقالتلي مفيش غيرك يامايا هيعرف ينفذ العرض أصل اللبس كأنه متفصل عليكي وانا طبعا رغم كل العروض اللي ملزمه بيها قولتلها اكيد يا مدام شاهي مش هكسفك وتقوم بالعرض ده

ابتسمت منة وهى ترفع نظرها عن هاتفا وتنظر لمايا وقالت ببسمة / فعلا يا مايا العرض هيمشي معاكي آوي وخصوصا الفستان الرئيسي في العرض

مايا وهى تضع قدم على الاخري وتقول / شور يابيبي والا كده مكانتش مدام شاهي اختارتني من بين الكل

منة وهى تهز رأسها بايجاب / فعلا مدام شاهي ليها نظره ثاقبة تقدر تشوف كل فستان بيليق مع مين وبتديه ليها وفعلا المره دي أحسنت الاختيار لما اختارتك بطلة العرض أصل من وجهه نظري ومش عشان انتي قاعده والله بس انا شايفه ان محدش هيليق في الفيل غيرك وخاصا كرشك هيعمل للعرض واقعية

فتحت مايا عينها بغضب وصرخت / انتي بتقولي ايه انتي اتجننتي

ابتسمت منة وهى تعود للخلف بظهرها وقالت ببرود وهى ترفع مجلة لتقرئها / هى مدام شاهي مقالتش ليكي ان العرض مستوحى من الطبيعة

مايا بكبرياء / اكيد قالتلي

ابتسمت منة باستفزاز / وتحديدا الحيوانات وان الفستان الرئيسي مستوحى من الفيل

فتحت مايا عينها بصدمه فقالت منة وهى تتدعي الفخر / مدام شاهي بتبهرني فعلا باختياراتها كل عرض ونعم الاختيار فعلا الفيل ماشي معاكي مع اني كنت شايفة الحمار احلى بس مش مشكلة الفيل برضو لايق معاكي

ان شاء الله العرض ينجح يا قلبي واسمك يسمع في حديقه الحيوان

ثم نهضت وهى تتجه للداخل وتتمتم بنبرة مستمتعه اغنيه قديمه للأطفال /

مرةً في حيّنا

زارنا فيلٌ ظريف

برفقٍ قالَ لنا :

ليسَ هنالكَ ما يخيف

نحنُ الخيرُ بطبعنا

ثم قالت / تصدقي تنفع اغنيه للعرض هعرضها على مدام شاهي

ثم صدحت ضحكتها التي جعلت مايا تشتعل بالغيظ وهي تنظر امامها ثم صرخت بعنف / الحقيرررررررة

صدم كريم من حديث اشرقت وفتح عينه وهو لا يصدق ما وصل اليه ذلك القذر ووالدته انتهت أشرقت من سرد ما حدث معها بدموع فاخرج لها كريم منديل فاخذته منه وهى تشكره وقالت بنبرة منكسرة / أنا خايف يعمل حاجه بالصور دي او يديها لأمي والله دي تموت فيها يا كريم ارجوك لو تقدر ساعدني انا مش عارفة اعمل ايه انا حاسة اني تايهه

هز كريم رأسه وهو يحاول ان يتماسك عن قول لفظ سئ امامها وهو يتخيل رد فعل سليم يالله سوف يقتله هذه المرة ولن يرحمه هو او والدته

خرج من شروده وهو ينظر لاشرقت بشفقه ثم قال / متخافيش يا أشرقت انا معاكي خير باذن الله انا ممكن امسح الصور دي من عنده ومن اى مكان رفعها ليه بس الخوف انه يكون عنده نسخ عند حد تاني

أشرقت وهى تمسح دموعها / إزاي مش فاهمه

كريم وهو يحاول ان يوصل لها الفكره ببساطه / بصي انا اقدر اني ادخل من خلال اى حساب ليه وانقل الفيس بتاعه واخلي التليفون بتاعه ابيض كأنه لسه جديد وكمان امسح كل حاجه مرتبطه بفونه يعني لو عنده لاب توب او كومبيوتر مرتبطين بحساب الفون همسح كل حاجه عليهم بس خايف يكون بعتهم لحد تاني زي مامته او غيره

أشرقت وقد عادت دموعها بعد ان توقفت / طب والعمل كده خلاص هيدمرني

مسح كريم وجهه وهو يفكر ان هذا القذر يستحق ما سيحدث له من سليم ثم زفر بضيق وهو يبعد هذه الفكره

ثم نظر لها وقال / اسمعي يا أشرقت انتي تطلبي من الكلب ده يقابلك بره ولنقل هنا مثلا وتقوليله حابه اتكلم معاك شويه ووقتها تحاولي تبيني انك موافقه وتسأليه اذا كان في حد غيره معاه الصور دي

أشرقت بخوف / افرض كدب عليا او فعلا طلع حد معاه الصور غيره

كريم بغضب يحاول مداراته / لو بيكدب مش هيبقى قدامنا حاجه نعملها بس لو قالك آه وقتها انا هتصرف المهم تجبيه هنا وتكلميه

أشرقت وهى تفرك كفيها بتوتر / طب ما اكلمه فون افضل

كريم وهو ينظر لتوترها بشفقه / متخافيش انا هكون جنبك وبعدين لازم يكون موجود قريب مني عشان اقدر اخترق تليفونه عشان كده بقولك تقابليه ووقتها همسح كل حاجه على فونه ونخلص من الموضوع ده ومتخافيش لو الصور عند حد تاني هعرف وهمسحها برضو انا مش عايزك تتوتري ولا تخافي

هزت أشرقت رأسها وهى تقول ببسمة ممتنة / ربنا يخليك يا كريم يارب انا عارفة اني بتقل عليك بس

قاطعها كريم بمزح / تتقلي ايه بس ياستي انتي اختي الكبيرة برضو

ضحكت أشرقت بشده بينما هو نهض وقال / يلا خلينا نمشي عشان الحق الشركه

هزت أشرقت رأسها بايجاب وخرجت خلفه وفي منتصف الطريق تركها هو واتجه لشركته بينما هى عادت للحاره وأثناء مرورها من أمام العمارة سمعت صوت ليس بالغريب وهو يقول / كنت عايزاه في إيه

توقفت وهى ترى سليم يقف على باب العماره ويناظرها ببرود لأول مرة تراه في عينه ولكن قالت بثبات / هو مين ده؟؟

ابتسم سليم وهو يهزر رأسه وفي ثواني شعرت أشرقت بكذب عنيف لها وفجأه وجدت نفسها تقف أسفل سلم العماره وهو يحاصرها ولكن يحفظ المسافه بينهم ويحرص على عدم لمسها وقال بصوت مرعب / تمام هعيد السؤال تآني بس بطريقه احلى خرجتي الصبح بدري مع كريم وروحتي فين يا أشرقت

نظرت له أشرقت بخوف ثم حاولت المرور وهى تقول بغضب وقلق / وانت مالك ابعد كده بدل والله اصرخ وافضحك

ضرب سليم باب البدروم بغضب وقال / متستنفذيش اخر ذرات غضبي يا أشرقت انا على اخري ومش حابب اطلعهم عليكي انتي ردي وقولي كنتي فين

أشرقت وهى تنظر في عينه بتحدي / انت مش واثق في صاحبك

ضحك سليم بصخب وهو ينظر لها بتعجب ساخر / انتي هبلة يابت انتي صاحبي مين اللي مش واثق فيه انني عارفه بتتكلمي عن مين كريم يعني سليم يعني شادي يعني ادهم كلنا واحد وانا عمري ما اشك فيه لانه قبل ما يكون صاحبي وجاري فهو اخويا

تحدثت أشرقت باستفزاز / أمال ليه مش واثق فيه

نظر سليم في عينها بدقه وهو يقول / دي مش حكاية ثقه

أشرقت بجرأه كبيرة / أمال حكاية ايه يا دكتور

ابتسم سليم بشده وهو ينظر لها نظرات جعلتها تخجل / بجد مش عارفة هى ايه

نظرت أشرقت أرضا بخجل ثم حاولت الهرب منه ولكنه وضع يده ليمنعها وقال وهو ينظر في عينها التي تتجنب النظر اليه / من صغرنا يا أشرقت وانا بجري وراكي في كل حتة من صغرنا وانا بعاملك غير اى حد في حياتي من صغرنا كنت بخبي سليم التاني بعيد عنك وبظهر بس سليم الحنين عشانك انتي وبس من صغرنا وانا مش شايف غيرك بجد مش عارفة دي ايه انتي للدرجه دي غبيه يا ابله أشرقت

نظرت له أشرقت بحده فابتسم واقترب منها وهمس بجانب اذنها / دي اسمها غيرة والغيرة دي بتيجي بسبب العشق يا أشرقت

احمر وجهه أشرقت بشده ورفعت عينها ونظرت له بصدمه وهى تتنفس بعنف بينما هو نظر في عينها بعشق / قولي لوالدتك اني حابب اشرب شاى عندكم

نظرت له وهى تفتح فمها ببلاهه ورمشت بسرعه بينما هو ابتسم وابعد يده من طريقها وأخرج من جيبة شئ ومد يده به فنظرت ليده بتعجب فوجدته يحمل شوكلاته كبيره فمدت يدها برعشه وهى تمسكها ثم كادت تركض ولكن امسك بالشكولاته بشده فنظرت له بعنف فقال لها بجديه / اللي بينك وبين كريم انا هعرفه يا أشرقت

نظرت له في عينه وقالت بغموض / وانا موافقة يا سليم بس اتمنى متغيرش رايك بعدها

ثم ركضت للخارج فاوقفها / أشرقت

توقفت دون أن تنظر له فقال هو بجديه / هخلي امي تتصل بوالدتك تحدد ميعاد ياريت تديها فكره عن الموضوع

استدارت له فقال ببسمة / مهما كان اللي هعرفه عمره ما هيغير رأيي

ابتسمت هى بسمة حوالت اخفائها وغادرت بسرعه

بينما تنهد سليم ببسمة ولكن سمع خلفه صوت خافت فنظر بفزع وجد شادية تجلس على الدرج وهى تنظر له بهيام وتقول / أنا كنت مستنيه تديها بوسة في اى وقت بس خالفت ظني مش مهم المهم انك طلعت جامد ياض يا سليم ايه ياض الرومانسيه دي

ضحك سليم وهز رأسه بيأس عليها وهو يفكر ترى ما الشيء الذي يخفيه كريم عنه

سمع ادهم طرق الباب فظن انه شادي الذي ذهب لإحضار طعام لهم فقال بعدم اهتمام / ادخل يا شادي ايه الاحترام ده

فتح الباب ولكن لم يدخل شادي بل دخل شخص آخر قال ادهم بتشنج / هو انت يا وش السعد

تحدث سامي وهو يتجه لادهم ويحمل شئ ملفوف /ههههههه والله يا دكتور ادهم اول ما عرفت زعلت عليك آوي هههههههههه المستشفي كلها والله زعلت عليك هههههههه متعرفش حالتي كانت عامله ازاي هههههههههه كنت هموت من الخوف عليك ههههههههههههه

ادهم وهو ينظر له بقرف/ متعملش في نفسك كده يا سامي يا حبيبي انا بخير الحمدلله

سامي وهو ينظر لجنبه/ بجد يعني بقيت كويس خلاص ليه كده هههههههههه يعني خلاص هترجع المستشفي تآني ههههههههههه طب والله المستشفي ملهاش حس من غيرك هههههههههههه

ادهم وهو يقول له بسخريه / كفايه حس ضحكتك فيها يا سامي والله

سامي وهو يقترب منه ثم لمس الجرح فصرخ ادهم وهو ينظر له بغضب / يا غبي

سامي وهو يضحك / بتوجع صح هههههههههه زي اليوم اللي ضربتني فيه انت ودكتور سليم ههههههههه

يلا اهو ربنا اخد حقي هههههههههههه

مد ادهم يده وصفعه على رقبته / جاى تشمت فيا يا زبالة

وضع سامي يده على رقبته بوجع / أنا اشمت فيك ههههههههه اللهم لا شماته ههههههههههه بس منظرك كده وانت راقد لاحول لك ولا قوه فظيع ههههههههههه

تحدث ادهم بغيظ / حد يجي يعدلني خليني اتف عليه الو*** ده

ثم أشار للباب وصرخ / بره يا معفن اطلع بره

سامي وهو ينهض ويضع ما احضره بجانبه /هههههه يعني بتطردني من الجنه انا هخرج واسيبك كده اياكش تتعظ بقى

ثم اتجه للخارج وهو يضحك كعادته فنظر ادهم للباب بقرف وبصق عليه وهو يقول / يا ثقيل ابو تقل دم امك

نظر بجانبه فوجد تلك اللفافه التي احضرها سامي فامسكها بتعجب وهو يفتحها وينظر بداخلها فوجد ما جعله ينظر بغباء / ملوخيه جايبلي ملوخيه وفي لفه ورد آه يابن ال****

دخلت ام فتحي فوجدته يسب وينظر بغيظ لشئ بيده / بتعمل ايه بتشتم مين

نظر لها ادهم وقال بتعجب / انتي كل شويه تختفي فين

ام فتحي وهى تتجه له / هروح فين يعني يا اما في الجنينه برة يا اما قعده مع الفخده وصاحبتها

كاد ادهم يجيب لولا طرق الباب فنظر له بشر وهو يقول / يارب يكون رجع

نظرت له ام فتحي بتعجب وكادت تجيب لولا الباب الذي فتح ودخل شخص جعل ادهم يتنفس بعنف وهو يهتف بسخريه / ده ايه النور ده مش كنت تقول ياراجل انك هتشرفنا بنفسك

ابتسم ذلك الرجل وهو يقول / ازيك يا ادهم عامل ايه

ادهم بسخريه / زي ما انت شايف الحمدلله يا... يابابا

كان كريم ينهي عمله بكل تركيز وقد اوشك على الانهاء وبعد مرور ساعات طويله وهو مازال يجلس امام جهازه انتهى من عمله وخلع نظارته بتعب وهو يفرك عينه ثم نظر للجهاز امامه وقام بالضغط على عده ازرار بلا اهتمام حتى لمح شئ جعل عينه تكاد تحرج من محجرها فنهض سريعا وهو يحمل اشيائه ويقول / لازم ادهم يعرف بسرعه اني لقيتهم

وخرج من الشركة بسرعه ولكن أثناء ذلك رأى هاتفه يرن بإسم سليم فاجاب / الو يا كريم... لا لسه مخلص دلوقتي

.... كنت هروح لادهم..... ضروري يعني...... طب تمام مسافه السكة وهكون موجود

ثم أغلق هاتفه واتجه في طريقه للحارة وبعد مرور دقائق كان يصعد درجات العماره بسرعه حتى وصل لشقة سليم وطرق الباب وهو ينظر في ساعته ثواني ووجد الباب يفتح وسليم يجذبه بعنف للداخل فصرخ كريم بفزع / فيه إيه

نظر له سليم بشر وهو يلقيه على الاريكه بحده واقترب منه وهو يهمس بشر / دلوقتي ومن غير مقدمات هتنطق وتقولي أشرقت كانت عايزاك في إيه

نظر له كريم بصدمه كيف علم بأمر أشرقت هل أخبرته ام ماذا وماكاد يجيب حتى سمع الجميع صوت فتح الباب ودخول مريم بفرحه كبيرة وهى تهتف بصوت عالي وبسعادة كبيرة / سليييييم في واحد زميلي جاى يطلبني منك يا سليم

نظر سليم لها وفتح عينه بصدمه بينما شعر كريم بتوقف الزمن حوله فاكملت مريم دون أن تنتبه لكريم الذي يجلس على الاريكة / أنا فرحانه آوي آوي انت عارف الشاب ده اكتر شاب محترم وكويس في الجامعه وطيب آوي انا مصدقتش جه وقالي انه عايز يقابلك عشان يطلبني منك وانه قلق عليا الفتره اللي غبتها وقال انه اول ما ارجع هيطلبني وعايز منك ميعاد

توقف قلب كريم عن الخفقان وابتلع ريقه بصعوبه فنظر له سليم ثم نظر لاخته

بينما كريم ابتسم بعدم تصديق ونظر لمريم وقال /

__يتبع__

١٢

اتمنى يكون التفاعل حلو على البارت ده لانه اخد مني مجهود كبير اوي وكمان فيه مفاجأه حلوه وضيف احلى

#روح_ملاكي

#عصابة_الحي

#البارت_الثاني_عشر

عتذر كتير على التأخير بس والله اخد وقت مني في الكاتبه والمراجعة اتمنى يعجبكم لان من اول بارت انهارده هتبدا كل قصه تاخد منحنى جديد وتبدأ الاحداث في جديتها يعني من هنا هتكون انطلاقة للأحداث نار بإذن الله اتمنى بجد الفصل يعجبكم والأحداث تنال رضاكم واتمنى التفاعل يكون مرضي ليا برضو

__________________

۞ فَدَعَا رَبَّهُ أَنِّي مَغْلُوبٌ فَانتَصِرْ ۞

إهتف بوجعك ، بمرضك بانكسارك بهزيمتك بعجزك ، حينها يأتيك الفرج من رب السّماء .. ياا رب 🌸

صلوا على الحبيب المصطفى

نظر كريم بشعور يحرقه من الداخل لسبب لا يعلمه او يحاول ان يتجاهله فقال ببسمة / تعرفيه؟؟

مريم ببسمة خجوله / مش آوي هو أكبر مني متخرج من السنه اللي فاتت وبيعمل حاليا دراسات عليا ومعروف في الكلية بتاعتنا باجتهاده واخلاقه والكل بيحترمه سمعت عنه كتير اوي وتفاجأت لما عرفت انه جاي يتقدم ليا

نظر سليم لكريم نظرات غامضه بينما هز كريم رأسه بشرود غريب ثم رفع نظره لها وقال ببسمة مكسورة / هيجي امتى

مريم بخجل وهى تنظر لسليم / هو عطاني رقمه وطلب مني اديه لسيلم وهو يكلمه ويحدد معاه

نظر سليم للكارت في يد مريم فاخذه وهو ينظر لكريم ويبتلع ريقه فقال كريم ونظره معلق على ذلك الكارت ببسمة حزينه / كبرتي يا ريمو وبقيتي عروسه؟؟

ابتسمت مريم في خجل وهى تعدل نظارتها وقالت له بفرحة تشع في عينها جعلته يضغط على يده ليتماسك امامها/ فاكر لما سألتك هو أنا ممكن حد يحبني وانت قولتلي اكيد شوف جه بسرعه اهو

هز كريم رأسه وهو لا ينظر لها فقط ينظر أرضا بنظرات شاردة ولم ينتبه لمريم التي دخلت غرفتها ببسمه وسعادة اتجه سليم لكريم وهو يحدثه حتى يخرجه من تلك الحاله / ولا انت سيبك من مريم وركز معايا أشرقت كانت عايزه ايه

رفع كريم رأسه لسيلم واغمض عينه بشده ثم ابتسم له بانكسار/ ايه رأيك بليل نتقابل واقولك دلوقتي لازم اعمل حاجه مهمه

ثم ابتسم له وهو يربت على كتفه / مبارك لمريم يا سليم ابقى ابعتلي اسم العريس وانا هسأل عليه بنفسي دي ريمو برضو

ثم تركه قبل أن يقول كلمه واحده وخرج بسرعه وكأنه يسابق الريح بينما نظر سليم لاثره وهو يفكر في تلك النظره التي رآها في عين كريم هل يعقل ان حديثهم لم يكن مزاحا في السابق وان كريم يحب مريم حقا

نظر بعدها للكارت في يده وهو يضغط عليه بغضب ويهمس بعيون تلمع من الحزن / سليم واشرقت تانيين

وصل كريم لباب الشقة وطرق الباب وهو ينظر للاسفل حتى لا تفضحه نظراته ففتح له شاكر الباب بثيابه عمله ويبدو انه عاد للتو استند شاكر على الباب بكتفه وهو يقول / نعم مش قولت مش عايز اشوفك لغايه اخر الاسبوعين

رفع كريم نظره لأبيه فصدم شاكر من نظرة ابنه واعتدل وهو يقترب وينظر له بتعجب / مالك يا كريم حصل حاجه

هز كريم رأسه برفض وهو يبتسم ثم قال بصوت ضعيف يأبى ان يفضحه وقد بدأت غصه البكاء تؤثر عليه / مفيش يا بابا متقلقش ينفع اقعد معاكم انهارده بس

تنحى شاكر جانبا وهو يتابع ابنه بعينه بينما قال كريم ببسمة يحاول إخفاء بها ألمه / ايه الحنان ده بس يا شاكر كده هتعود

اقترب منه شاكر بسرعه وضمه بقوة وهو يقول له بهمس حنون / قلب شاكر وحياته كلها وكل ما املك يا كريم مالك ياحبيبي حاجه مزعلاك قولي وانا اعملك اللي انت عايزه الا اني اشوف النظرة دي في عيونك

ضمه كريم وهو يدفن رأسه في كتفه ويحاول إخفاء ألمه وهو يقول بصوت ضعيف / ليه قلبي بيوجعني يا بابا حاسس اني خسرت روحي

لم يفهم شاكر شئ من حديثه فابتعد عنه كريم وقال ببسمة / متخافش يابابا انا بس.... بس تعبان شويه لو نمت هصحى كويس

ثم تركه وركض لغرفته وأغلق على نفسه بسرعه واتجه لفراشه دون حتى أن يخلع حذائه وارتمى بجسده على الفراش وهو ينظر للسقف بشرود ولم يشعر ان دموعه تهبط وبشده لتغرق فراشه همس بوجع / ليه حاسس ان فيه حاجه اتاخدت مني ليه حاسس ان قلبي بيوجعني يمكن انا اتعلقت بس عشان كلامهم ان مريم ليا او لاني اتعودت على وجود مريم جنبي

ازدادت دموعه وعلت شهقاته حتى خرج صوته وهو يبكي بعنف ويقول / او لاني بحبها وخسرتها اليوم اللي اكتشف فيه اني بحبها اخسرها فيه

بكى اكثر واكثر ثم دفن وجهه في الوساده وهو يبكي بعنف

بينما في الخارج كان شاكر يجلس على الاريكه وهو يستند برأسه على يده ويفكر في ابنه الوحيد وماذا حدث لذلك وفجأه علا نحيب كريم فنهض شاكر بعنف ونظر لباب غرفته وخرجت هاجر من المطبخ بفزع وهى تقول بوجع / في إيه يا شاكر ايه الصوت ده هو كريم هنا.... ده صوته صح هو بيعيط؟؟؟ حصل ايه

لم يجيبها شاكر فقالت بوجع وهى تتجه لغرفه / كريم حبيبي انت جيت

ثم طرقت الباب بألم / حبيبي مالك يا قلب امك بتعيط ليه حصل ليك حاجه

بينما ازداد بكاء كريم في الداخل نظرت هاجر لشاكر الذي اسودت نظراته وخرج من الغرفه بسرعة دون أن يعطي اهتمام لنداء هاجر

بيما هاجر تقف امام باب كريم وهى تحدثه لعله يهدأ

وكريم في الداخل فقط يحاول ان يكتم بكاءه وهو يقول / بتعيط ليه ها بتعيط ليه عشان حب لسه مكتشفه من خمس دقايق بتعيط ليه

ثم بكى اكثر / عن حب طفولتك اللي بغبائك خليته اخوه عن أقرب ماليك اللي بغبائك بعدتها عنك عن روحك اللي ضيعتها وانت عايش وفاكر وجودها امر واقع وهتفضل طول عمرها قدامك كده ومش هيجي اللي ياخدها منك خسرتها وجاى تعيط

نظر كريم للسقف وقد توقف بكاءه ولكن عينه مازالت تزرف الدمع وقال بشرود / اتأخرت وكنت مستني ايه تيجي هى تقولك بحبك وتعالي اتجوزني طول عمرها قدامك ووقت ما حسيت بس مجرد احساس انها ممكن تبعد بتيجي تعيط زي العيل الصغير اللي حد خد لعبته منه

تحدث كرم وهو يتجه لداخل غرفه ادهم وهو ينظر له بسخريه / شوفت التواضع

ابتسم ادهم له ببرود / آه شوفته يا غالي قمر عليك والله

ابتسم كرم بترفع ثم نظر حوله واحضر مقعد ووضعه امام الفراش ووضع قدم على قدم بكل تكبر وقال / إزاى حصلك كده

ادهم بكل سخريه يمتلكها / كنت بلعب مع عيال في الحارة وشدينا مع بعض وحصل اللي حصل

ابتسم كرم بسخريه وهو يقول / لسه دمك خفيف

نظر ادهم لعينه ببرود شديد وبسمة جامده / وراثة بقى

ضحك كرم بخفوت وهو يقترب من ادهم ويقول / تعرف يا ادهم ايه آكتر شئ بيعجبني فيك

ادهم وهو يتصنع التفكير / عيوني؟؟

ابتسم له كرم وقال / تؤتؤ عقلك ده لو استغليت عقلك ده في المكان المناسب هتعمل اللي عمرك ما اتخيلته

ادهم بانبهار مصطنع / هطير؟؟؟

ضحكت ام فتحي بشده رغم الجو النشحون فابتسم لها ادهم ومن داخله يشعر بشعور مريح انه ليس وحده مع والده كالعاده

ابتعد كرم للخلف وقال بغيظ / نفس غباء امك بالضبط

ادهم بكل هدوء استغربته ام فتحي / وهى لو مكانتش غبيه كانت بصتلك ولا عبرتك

احتدت عين كرم فاكمل ادهم وقال / امي غبيه اه بس غبية عاطفيا قلبها غبي مش عقلها أبدا بدليل اني ذكي زي ما انت قولت فأكيد مش هبقى طالع ليك يعني، والدتي كان ذكائها كبير بس للاسف قلبها كان غبي واعمى

كرم ببسمة يحاول بها الحفاظ على بروده / لسانك لسه زى ما هو بل واسوء مكدبش وائل لما قال أن الحارة بوظتك آكتر واكتر

ادهم وهو ينظر امامه بتجاهل / امممم فعلا الحارة بوظتني وخلتني مش محترم حضرتك بقى جاى تضيع وقتك عليا ليه

نظر له كرم بدقه وقال بهدوء وبرود /عايزك

غمز له ادهم / عرفي ولا رسمي آه صح نسيت انك ملكش في الرسمي متعود تاخد كل حاجه بالنصب

نهض كرم بعنف مما أسقط المقعد وصرخ بأدهم / انت مدرك بتقول ايه ياولد

ادهم بحده وقد فقد سخريته وهدوئه / الحقيقه يا كرم باشا، الحقيقة يا والدي العزيز ايه مش حضرتك نصبت على امي وعذبتها معاك وفي الاخر اتبهدلت عشانك ورمتنا انا وهى بعيد عنك ومش بس كده الست زوجتك بدأت تسلط عليها أصحاب المصانع ميقبلوش شغلها لحد مابقت تبيع في لبسها عشان توكلني لولا عم عوض الله يكرمه كنا متنا من الجوع مش هنسالك كل صرخه وجع خرجت من امي يا كرم باشا ولا كل نظره استحقار اتوجهت ليها وهى واحده من ضمن أكبر عائلات قريتها وكل ده ليه وعشان ايه عشان حبت واحد زيك يا أخي يلعن ابو الحب اللي يذل بالشكل ده ومكتفتش بكده اخدتني بعد موتها وكملت مسيرة الذل والإهانة انت وحرمك المصون اسمع يا كرم يا الفي قسما بربي وربك لو شوفتك تآني او حاولت تقرب مني لهخرج كل اللي جوايا واخلي الكل يعرف بيت الألفي المحترم لامم ايه جواه أتفضل اخرج بره عشان انت ازعجتني وانا واحد مريض أتفضل

بهت كرم من هجوم ادهم ونظر له بصدمه ثم تحرك للخارج بسرعه بينما نظرت ام فتحي لادهم ولم تكد تتحدث حتى قال بضعف / عايز انام

دخلت الحارة وهى تنظر في أنحاء الحارة ببسمة حنين كبيره للمنازل وهذا الدفئ الذي كانت تنعم به قبل مغادرتها وصلت للعمارة فصعدت مباشرة لوجهتها وطرقت الباب وانتظرت قليلا حتى وجدت الباب يفتح وتطل عليها شاديه التي سرعان ما رفعت حاجبها وقالت / يا قاعدين يكفيكم شر الجايين

ردت عليها بسخرية / اهو الجايين دول هينكدوا عليكي لو متحركتيش يا شاديه من على الباب

ابتسمت شادية بسخريه وهى تنظر لها نظرات تقييمية / لسه زى ما انتي متغيرتيش سنتي

تحدثت الفتاة وهى تدفعها للداخل / امر الله يا ختي هنعترض

ثم القت الحقيبة بعنف وتحركت وجلست على إحدى الارائك ورفعت قدمها ووضعتها على الطاوله امامها وهى مازالت بحذائها ثم قالت وهى تحرك رقبتها بتعب / روحي يا شاديه شوفيلي حاجه أكلها

شاديه بتأثر شديد / اسكتي هو آنتي متعرفيش مش الواد عوض ابني بقى فقير يا حبة عيني وبقينا مش لاقيين اللقمة وعايشين على الإحسان والصدقة

نظرت لها الفتاة ببسمة وهى تقول / الف لا بأس يا قلبي روحي هاتيلي لقمة من الإحسان والصدقه عشان واقعة من الجوع

جلست شادية امامها وهى تبتسم ببرود ثم دفعت قدم الفتاه ليسقط من على الطاولة وقالت ببرود / جايه ليه يا براءة

براءة وهى تعود بظهرها للخلف وبكل استفزاز / بيت عمي يا مرات عمي جاية ازوركم ولا انا مش مرحب بيا

شاديه وهى تنظر لها بقرف / آه مش مرحب بيكي

براءة وهى تنهض بغضب وإحراج ثم اتجهت لحقيبتها وحملتها وهى تقول بكبرياء / حيث كده يبقى هروح اريح شويه اوضتي نضيفه يا شاديه

شادية وهى تشير لإحدى الغرف / لا زبالة زي ما سبتيها يا حبيبتي ادخلي بقى لاوضة شادي هو مش هنا

براءة وهى تتجه لغرفة شادي / ربنا يديمك يا مرات عمي يارب امي بتحبك آوي على فكره

شادية بسخريه كبيرة / آه هتقوليلي عشان كده بلتنا بيكي يا قلبي

نظرت لها براءة وقالت / ربنا يديكي طولت العمر يا شادية هدخل اريح لحد ما تجهزي الاكل يا غاليه

نظرت شاديه للباب الذي أغلق وقالت بسخريه / وادي العصابة كملت

ثم نهضت واتجهت للمطبخ لتكمل تحضير الطعام

نظرت ام فتحي لادهم بحزن وكادت تتحدث لولا أن الباب فتح ودخلت منال فزفرت ام فتحي بضيق وهى تقول / هو المرور هنا بيكون بين الشهيق والزفير ولا إيه

نظر لها ادهم الذي كان على وشك النوم بتعجب ثم انتبه لصوت منال التي اقتربت وهى تقول بخفوت / ادهم انت نمت

نظر لها ادهم بتعجب / فيه حاجه يا منال

منال وهى تنظر أرضا بخجل شديد / أصل كان الشباب هيتجمعوا انهاردة بليل فقولت يمكن تكون حابب تنضم لينا

نظر ادهم لها بتعجب / انضم لمين انتي مش ملاحظه انا فين وعامل إزاي

ام فتحي بشك وهى تضيق عينها /مش مرتاحة ليكي يابت انتي دي عايزه تسقيك حاجه اصفرا اسمع مني هتقولك صحابي كلهم هنا وحوارات وبعدين تروح تتفاجئ ان مفيش حد وتقولك زمانهم جايين اشرب انت بس العصير ده لحد ما يوصلوا وهوب تتقلب زى الأهبل وهى بقى تستغل الموضوع وتشهر بيك وتبقى مفضوح قد الدنيا يا غالي

نظر لها ادهم ببلاهه ولم يستمع لحديث منال

منال وهى تنظر لادهم بتعجب / فيه حاجه يا ادهم انت معايا

نظر لها ادهم بتركيز / آه معلش معاكي بس سرحت شوية كنتي بتقولي اية

منال وهى تنظر له بهيام وبسمة / كنت بقول ان صحابنا كلهم هيكونوا هنا

ام فتحي بصوت عالي / اهو جالك كلامي يا مفضوح بتجر رجلك

منال وهى تكمل / وهنكون هنا في المستشفى عشانك انا قولتلهم

ام فتحي بغضب مصطنع / آه يا زبالة منك ليهم ليه عايزين تبوظوا المستشفي اتفووو عليكم واحد واحد

منال وهى تبتسم / هنجيب اكل وعصير ونتكلم كلنا سوا وطبعا كلهم دكاترة هنا فهيكون سهل انا اقنعتهم نكون هنا عشانك

ام فتحي وهى تنظر لادهم في انتظار اجابته وهى تقول / انت بتفكر بتقولك فيه دكاتره يعني مزز وافق يابني بسرعه

نظر لها ادهم بشر ثم نظر لمنال وقال ببسمة مجامله / مش هقدر والله يا منال تعبان شويه

ام فتحي وهى تنظر له بغضب/ يعني عشان انا عايزه اروح

ثم نظرت لمنال / يعني ينفع نزعل الفخده كده انت لو عندك فخده ترضى حد يزعلها كده

منال باصرار شديد / لا ارجوك يا ادهم انا اقنعتهم والله بالعافيه عشانك ارجوك وافق خلينا نتجمع

ام فتحي وهى تقلد ملامح منال وصوتها / ايوة ارجوك يا ادهم وافق خلينا نتدلع

زفر ادهم بضيف ثم قال / تمام يا منال بس مش هطول هناك

ابتسمت منال بشده ثم اتجهت للخارج بسرعه وهى تقول / اشطا هروح أبلغهم شكرا كتير

نظرت ام فتحي لادهم ببسمة / شايف وشها كان منور ازاى اهو انت بموافقتك دي أدخلت السعاده على قلب مسلم ومش بس كده لا انت كمان ساهمت في اكتشاف انواع حلويات جديده

نظر لها ادهم قليلا ثم صمت ولم يتجاوب معها فكرمشت هى وجهها بتعجب وهى تقترب منه وتقول / مالك ياض زى الارملة كده

نظر لها ادهم وهز رأسه برفض وقال / مفيش حاجه بس حاسس اني مخنوق شويه هروح اتمشى برة

ثم نهض فكادت تلحق به فقال ببسمة / لوحدي يا ام فتحي بلاش حشرية يا حاجه انتي

ثم تركها وهو يتحرك للخارج وهو يبتسم بحزن ويقول لنفسه / كان عندي امل يكون جاى عشاني انا عشان ابنه

بينما ام فتحي نظرت له بحزن شديد وهى لا تعلم ماذا يحدث معه

خرجت منة من دار الازياء الخاص بوالدتها وهى تزفر بضيق من الفترة التي قضتها مع تلك الحمقاء التي تدعى مايا سمعت صوت رنين هاتفها يقطع شرودها فاجابت ببسمة / عبدالرحيم باشا

عبدالرحيم وهو يقول بحنان وبسمة / حياة عبدالرحيم عاملة ايه يا قلبي

اتجهت منة لسيارتها ثم صعدت لها وهى تقول ببسمة / الحمدلله يا قلبي كنت عند ماما بتاخد القياسات عشان العرض اللي بتحضر ليه لآخر الشهر ده....... انت عارف هو العرض ده مهم إزاي بالنسبة لماما هى بتعتبره اكبر عرض في مسيرتها...... وهو من امتى يابابا جد سألني انا عايزه ايه دايما كله بيقولي هو عايز ايه وانا بنفذ.......ماما اللي عايزه اني اقول بالدور الرئيسي..... انا اساسا تعبت من النقاش يابابا وتعبت من كل ده...... لا يا حبيبي ربنا يديمك ليا يارب انا مليش غيرك يا بابا....... آه المفروض نروح انهارده نزوره هو في المستشفي........ مش هينفع يعني طب خلاص ممكن بكره نروح سوا....... ماشي يا حبيبي....... معرفش انا دلوقتي زهقانه آوي مش عارفة اعمل ايه بقولك ايه يا عبده ما تقولي مكان حلو كده كم أماكن الشقاوة بتاعتك عايزه بجد اجرب حاجه جديده.... والله ابويا وحبيبي اديني العنوان..... بقولك ايه يا عبده امان ولا إيه...... اشطا ياباشا سلام انت بقى

ابتسمت منة بشدة ثم انطلقت في طريقها وهى تبتسم باتساع حتى وصلت لحارة شعبيه بدرجه كبيرة والمنازل بها متراصه بشكل كبير ومحلات كثيره وأشخاص اكثر صفت سيارتها بعيدا ثم حملت حقيبتها وهبطت في السيارة وسارت وهى تنظر حولها بانبهار كبير وهى تبتسم لكل ما تراه ثم أوقفت فتى صغير وهى تقول له / قولي يا قمور هو حمدي هوهو فين

نظر لها الصغير ببسمة وهو يقول / ايه ده انتي اجنبيه

ابتسمت منة باتساع على هذا الطفل / لا انا مصرية

نظر الطفل لها مجددا / إزاي مصرية بيضة آوي كده وعيونك حلوة

ابتسمت منة وهى تنظر حولها ثم قالت بهمس وكأنها تخبره سر / أصل بابا كده فأنا كمان بقيت كده

الصبى بتفكير وكأنه يقوم بحل مسأله حسابية / يعني انا لو ابويا كان حلو كنت انا كمان هكون حلو

ضحكت منة بشده على هذا الصبى/ ما انت كده قمر وحلو

ابتسم الطفل بشده وهو يقول بتعجب / انا حلو بجد

ابتسمت له منة ثم أخرجت هاتفها وهى تقول / آه ياسيدي قمر وانا عايزه اتصور معاك ينفع ولا لا

ابتسم بشده ثم قام بعدل ثيابه وهو يرجع شعره للخلف ويقول / ينفع آوي وعايز الصورة دي عشان اوريها لصحابي

ضحكت منة باستمتاع ثم انحنت وضمته إليها فقال باعتراض / حاسبي هدومك هتبوظ

نظرت منة لثيابه التي عليها ماده سوداء فقالت بتعجب / ايه الأسود ده

الصبى ببسمة فخر / ده شحم يا أستاذة أصل أنا اسطا مساعد

ابتسمت له منة بتعجب / انت بتشتغل اسطا

هز رأسه بايجاب وقال ببسمة كبيرة /أمال ده انا أعجبك آوي

قالت منة ببسمة فخورة / طب ايه رأيك بقى يا اسطا اني مش هصلح عربيتي تآني غير عندك انت

ابتسم لها بشده / من عيني ده انا هخليها ليكي جديده

ضحكت ثم قالت / ينفع بقى يا اسطا نتصور

ابتسم وهز رأسه بايجاب فاقتربت منه وضمته وهى تقول / يلا ياباشا اديني بسمة قمر كده

ابتسم الطفل باتساع وماكادت تأخذ الصورة حتى وجدت شخص يقتحم الصوره في آخر لحظه وتم اخذ الصورة لهم هم الثلاثة نظرت بتعجب لذلك الشخص فوجدته شادي الذي قال ببسمة / اتعرفتي على زكريا

نظرت منة له بتعجب ثم الصبى وقالت / اسمك زكريا

ابتسم الطفل وقال لشادي / انت تعرف الأجنبية دي يا معلم شادي

انحنى شادي بخبث وهو يضع يده على كتف زكريا وقال بهمس وصل لمنة / دي مراتي ياض يا زكريا

فتحت منة فمها بصدمه بينما ابتسم زكريا وقال / بجد يا معلم دي حلوة اوي

ضرب شادي رأسه بخفه / بقولك مراتي يا زفت بتعاكسها

صرخت منة بفزع / مرات مين انت اتهبلت

اعتدل شادي وهو يقول / كده يا حبيبتي انتي لسه شايله من آخر خناقة بينا منا صالحتك واخدتك جمصه وقولتي ليا خلاص يا بيبي سامحتك حصل ولا لا

منة وهى تشير لنفسها بصدمه / أنا قولت سامحتك

شادي بضحك / وبالنسبه لبيبي عادي

كادت منة تتحدث ولكن قاطعتها سيدة تجلس بخضار / الله مالك بس يابنتي الراجل وداكي جمصة ودلعك وبرضو لسه زعلانه

شادي وهو يمثل دور المغلوب على أمره / قوليلها يا حاجه انا مش فاهم اعمل ايه اكتر من كده ده انا امبارح وانا راجع من الشغل جبتلها كيلو هريسة اسكندراني إنما ايه زبدة يا حاجه زبده

نظرت السيده لمنة التى مازالت تنظر لهم بغباء / يا بنتي الواد شكله شاريكي متركبيش دماغك يا ختي ده شيطان استعيذي بالله وروحي مع جوزك

منة وهى تنظر لها بعدم فهم / ده مش جوزي يا طنط ده

شادي مقاطعا لها / شوفتي وصلت لايه بتنكر اني جوزها ماشي يابنت الحلال كلامي مش معاكي كلامي مع ابوكي

نظرت لها السيده بحزن / يابنتي بلاش تدخلي حد بينكم حلوا مشاكلكم بينكم

نظر لها شادي ببسمة يحاول اخفائها ولكن فجأه اختفت تلك البسمة وهى تقول /طب يرضيكي انتي يا خالتي اقوله زهقانه من البيت وعايزه اخرج يقولي مش وقته

نظرت السيده لشادي الذي ابتسم لها / ينفع كده يابني يعني البنت زهقانه خرجها وأخرج معاها اتمشوا على النيل وكلها درة بس متسبهاش كده

ابتسم لها وقال بحنان / عايزه تخرجي

تفاجأت منة من رده فقد ظنت انه سيراوغ ولكن وجدت نفسها تهز رأسها بإيجاب فابتسم لها شادي وقال / طب ياستي هخرجك احلى خروجه وهلففك وسط البلد شارع شارع

ثم نظر لزكريا وقال / وهاخد زكريا معانا اشطا يا زكريا

قال زكريا بفرحة شديده / ربنا يخليك لينا يا معلم هروح اقول للاسطا وجاي

ابتسمت منة وهى تنظر له ولحنانه ذاك وقالت / مطلعتش قليل الادب بس

خرجت براءة من غرفة شادي بملل وهى تنادي / شادية هروح اشوف اى حد من العيال عشان زهقانه

لم تجب شاديه فقالت براءة باهتمام / ايه يا شاديه المطبخ ولع بيكي

لم تجب مجددا فخرجت براءة وهى تتجه لأعلى / طب يا شاديه هخرج انا بقى ولو حصل اى حاجه متحاولش تتصلي عشان أساسا حطاكي في القايمة السودة يا حبيبتي

ثم خرجت واتجهت اولا لشقة سليم وهى تطرق الباب ففتح لها سليم وهو عابس بشده وفجأه تحدث بصدمه / براءة

براءة بمزاح / كفارة يا خويا

ضحك سليم عليها وهو يقو / لسه دمك تقيل زى الأول ادخلي ياختي ادخلي

دخلت براءة وهى تنظر له بسخريه / وانت لسه طور زى ما انت أمال فين البت ريمو

سليم وهو يتجه للداخل معها / جوا في اوضتها

توقفت براءة بتعجب وهى ترى شاكر يجلس في الصالة وهو ينظر امامه بشرود فقالت بشك / هو فيه إيه

رفع شاكر رأسه لها وهو يقول ببسمة حزينة / اهلا يا براءة كانت نقصاكي والله

براءة بحاحب مرفوع / هو فيه إيه

نظر شاكر لسليم الذي اخفض نظره بحزن

تقدمت براءة من شقة شاكر وطرقت الباب وانتظرت ليجيب عليها احد حتى طلت عليها هاجر التي كان وجهها احمر من شدة البكاء فزعت وقالت / فين كريم

هاجر وهى تقول ببكاء / كريم، كريم حابس نفسه في اوضته ومش عارفه حصل ايه ليه

نظرت لها بحزن ودخلت للشقه ثم اتجهت لغرفة كريم وطرقت الباب ولكن لم تسمع رد طرقت مجددا وايضا لا رد

صرخت بغضب وحده / افتح يا كريم الباب بدل والله العظيم هتلاقيني داخله ليك من الشباك وانت عارفني مجنونه بنت مجانين واعملها

فجأه فتح الباب بسرعة ووقف امامها كريم وهو ينظر لها بجمود فنظرت براءة خلفها لهاجر / معلش يا هاجر روحي اعملي ليه عصير عشان يهدى شوية

هزت هاجر رأسها بإيجاب وركضت للمطبخ

بينما دفعت براءة كريم بعنف واغلقت الباب ودون ان تعطي له فرصه للحديث كانت صفعتها تطيح بوجهه فنظر لها كريم دون رد فعل وبكل جمود اتجه للفراش الخاص به وجلس عليه ووضع رأسه في قدمه بينما ضحكت براءه بشده / خلاص كده حطيت النقطة وقفلت الصفحة

لم يستجب لها كريم فانطلقت له بشراسه وهى تقول / فاكر اخر مره كنت هنا قولتلك ايه قولتلك انت بتحبها يا كريم

قولتي ايه وقتها ها رد قولتلي انا احب مريم يا براءة أنتي بتهزري دي اختي من صغرنا وانا شايفها اختي قولتلك بلاش تعاند قلبك يا كريم قولتلي انا ادرى واحد بقلبي ودلوقتي بقى يا ادرى واحد بتعمل ايه حابس نفسك في اوضتك وقاعد زي الست اللي جوزها رماها بعيالها في الشارع لا هي عارفه ترجع ليه ولا هى عارفة تروح لحد

نظر لها كريم بحزن وقال بصوت حزين / بحبها اوي يا براءة

تنفست براءة بحده ثم اقتربت منه وقالت بصوت ثابت / ولو بتحبها هتعافر عشانها

كريم وهو ينظر لها بتعب / اعافر في حاجه مش ليا خلاص هتتخطب

براءة بغيظ منه وهى تدفعه بحده / واد اسمع ده لسه هيتقدم ومحدش وافق لسه ولنفترض وافقوا برضو مش هنسكت

نظر لها بحيرة وقال / يعني إيه

براءة بحده شديده / يعني يا فيها لا خفيها يا ابن شاكر مريم لكريم وكريم لمريم حط ده في دماغك واللي يقف قدامك هتدوس عليه تفرم امه فاهم الواد اللي أتقدم ده هتجيب تاريخ عيله ابو اللي جاب ابوه نفسه ووقتها بقى نشوف هنعمل ايه

كريم بحزن وحيرة / بس هى كانت فرحانه بيه

نظرت له براءة بغيظ / واد انت اهبل لمين ها دي مريم يا غبي يعني عيله صغيره فرحت بأول لعبه جات ليها مريم اللي على طول فاقده الثقه فاى حاجه واول واحد حسسها انها حلوة جريت عليه بس مش حبته ومحدش هيحب مريم ويحافظ عليها قدك سامع الواد ده هيمشي من هنا سواء على رجليه او على نقالة سامع ولا لا

نظر لها كريم وقد شعر بامل يتجدد في قلبه/طب هنعمل ايه

ابتسمت براءة بمكر / هتقوم تاخد شاور كده والبس حاجه نضيفه وتعالي ليا عند سليم تحت

ابتسم كريم وهو ينهض بحماس قد دبّ فيه ثم قال بفرحة / والله ما فيه زيك يا براءة حمدلله على السلامه يا غاليه العصابه كانت ناقصه الفرد الخامس فيها

ابتسمت براءة بشده وهى تقول / ودلوقتي رجعت وقاعده على قلب شاديه ومش همشي

ضحك كريم بشده وهو يقول / في يوم هتخنقك وانتي نايمه

ضحكت براءة وهى تتجه للخارج / يابني شاديه متقدرش تعيش من غيري أساسا يلا بطل رغى وحصلني عشان نشوف العروسه

ابتسم كريم بشده وهز رأسه ثم اتجه ليفعل مثلما قالت براءة

تلك الفتاة والتي تكمل عصابتهم لطالما كانوا هم الخمس معروفين بقوة ترابطهم، براءة والتي تعتبر اكبرهم حيث تبلغ من العمر ٣٠ عام كانت الأخت الكبيرة للكل والأم أيضا والسند والدعم منذ الصغر ولكن من فتره طويله غادرت لبلدتها بسبب مرض والدها والذي أدى لموته فابتعدت عن الجميع وغادرتهم والان وبعد أن ذهبت والدتها للعيش مع أخيها في الخليج رفضت ان تذهب معهم وفضلت البقاء في منزل عمها ( والد عوض) مع زوجه عمها ( شاديه)

فقد كان والدها هو اخ والد عوض الصغير وكانت هى أصغر اخوتها وقد كانت مقاربة لهم في العمر وهذا ما جعلها المقربه للجميع بعفويتها وقوتها رغم أنها لا تشبه الفتيات كثيرا حيث تربت بينهم وتشربت تصرفات الفتية ولكنها تظل احن أنثى قد تراها يوما

كانت تقف على بعد منه وهى تنظر له بحزن بينما هو ينظر للسماء وهو شارد فاقتربت منه وجلست بجانبه وقالت ببسمة / سيبتك لوحدك خمس دقايق كفايه كده ولا اسيبك كمان ٣٠ ثانيه

نظر لها ادهم ببسمة وقال وهو يعيد نظره للسماء/ ولا ثانيه انا اساسا مش عارف ابقى لوحدي تقريبا كده والله اعلم اتعودت عليكي

ابتسمت م فتحي وهى تقول له بحنان شديد عرفه ادهم جيدا في الاونه الأخيرة / عارف احساس لما تقابل شخص وتحس انه قريب منك اوي وانك تعرفه بس إزاي وانت عمرك ما شوفته قبل كده قلبك بيقولك انا اعرفه كويس اوي ما هو اكيد الراحة اللي بحسها جنبه دي مش من فراغ

ثم ابتسمت قالت له / ده نفس شعوري تجاهك

نظر لها ادهم نظرات شغوفه وهو يسمع حديثها وهناك بسمة صادقة قد ارتسمت على وجهه فوجدها تقول بكل حزن واسف / أنا اسفه

كرمش ادهم ملامحه بتعجب فاكملت هى بألم وهى تمسك يده / اسفه بالنيابة عن والدتك وأسفه بالنيابة عن والدك وأسفه بالنيابة عن اخواتك اسفه بالنيابة عن الحزن اللي عيشت فيه من صغرك اسفه عن كل لحظة وِحده عيشت فيها اسفه عن كل دمعه نزلت منك وانا مش موجوده عشان اكون جانبك اسفة بالنيابة عن الدنيا كلها يا ادهم انت متستحقش ده كله صدقني انت تستحق كل السعاده وكل الفرح في الدنيا دي، قلبك يستحق السعادة يا ادهم بس كلها اختبارات وبنمر بيها عشان نصبر وان شاء الله ربنا هيعوضك خير انت بس اصبر كلها ابتلائات

نظر ادهم ليدها التي تضم يده ثم ابتسم بسمة طفل حاز على كل ما يتمنى / أنا راضي والله راضي عن كل ده ومتحمل اى حاجه الا بعدك انتي، خلاص اتعودت ابقي جنبك اتعودت كل شوية تستفزيني كل شوية ضحكتك ترن في وداني اتعودت ابص جنبي الاقيكي هتحمل كل حاجه واى حاجه الا بعدك عني، فخليكي دايما جنبي ومعايا

نظرت براءة لهم بسخريه ثم نهضت / طيب يا سليم لما عريس الغفله يجي يبقى اعمل حسابك اني هاجي اقعد معاكم

نظر لها شاكر بشك فابتسمت هى / في إيه حابه اعاين بس

مش هاكله

ثم اتجهت للخارج وهى تقول بخبث / هنتكلم سوا مش اكتر

خرجت وهى تهبط من العمارة نهائيا ثم خرجت وهى تنظر حولها ببسمة وحنين ودون ان تشعر كانت تصعد في سيارة ما وذهبت إلى المشفى التي بها ادهم بعدما علمت ما حدث له نظرت للشارع من نافذه السيارة وقالت ببسمة / رجعت وللابد

نظر ادهم حوله للغرفه حيث يوجد التجمع مع منال واصدقاءه الذين كانو عباره عن منال وميس وفتاتين وأربع شباب

تحدثت ام فتحي ببسمة واسعه / ماشاء الله تبارك الله ايه الشباب اللي تفتح النفس دي

ثم نظرت لادهم وقالت بغمزه / شايف علبة جاتوه

رفع ادهم حاجبه وقال بهمس حتى لا يسمعه احد / عارفة يا ام فتحي الكلب اسمع بس صوتك انا هعلقك طول الليل زى الكلبة فهمتي

ام فتحي ببسمة مشاكسة / طب اعاكس واحد بس

ادهم بغيظ شديد / ولا نص واحد سامعة

ضحكت ام فتحي بصخب وهى تقول / نص واحد إزاي يعني هعاكسه من فوق بس ولا إيه

كاد يجيب لولا مقاطعة فتاة له وهى تقول / بس احلويت يا ادهم وبقيت تري شيك

نظرت لها ام فتحي بغباء وقالت / يطلع إيه التري ميلك دي

كتم ادهم ضحكته وقال / ده من ذوقك والله شكرا ليكي

ام فتحي وهى تنظر حولها / ايه البنات دي بتبصلك كده ليه هما ماشافوش جبنة قديمه قبل كده ولا ايه

وفي الثانيه اللاحقة كانت صفعة ادهم تهبط على رقبتها دون أن ينتبه له أصدقاءه الذين يرتبون السفرة وهو يقول / الجبنة القديمه دي كانت مدوخه نص بنات الجامعة

ضحكت ام فتحي بشده وهى تضربه على رقبته بمزاح / ليه بصلة ولا إيه

ضحك ادهم بشده فنظر له الجميع بتعجب فاشار بيده وهو يعتذر / معلش يا جماعه بس افتكرت حاجة

تحدث احد الشباب وهو يناظر ادهم من أعلى لاسفل / سمعت انك اتعينت في مستشفي حكومي صحيح الكلام ده

ام فتحي وهى تنظر للشاب بقرف / ماله ابن نجيب سويرس قرفان كده ليه

ادهم ببسمه باردة / آيوه فعلا االي سمعته صح

هز الشاب رأسه بايجاب / اممم بس انت ازاى عايش بمرتب الحكومي

ام فتحي وهى تلوي شفتيها / يا خويا اشتري معطر ولا اى نيلة لريحتك الأول بعدين اتكلم عن الفلوس جاتك نيلة في عفانتك وانت زي الفسيخة كده

تحدث ادهم ببرود شديد لمنال/ هو احنا هنقضي السهرة في تحقيق ولا إيه لو كده همشي لاني مش قادر

منال بلهفه شديد وخوف من ذهابه / لا لا تمشي ايه هو بس بيهزر انت عارف رشدي من يومه بيحب الهزار

هز ادهم رأسه بعدم اهتمام بينما لم تصمت ام فتحي فقالت بتشنج / وانتم مستحملينه كده من يومه الله يكون في عونكم ده انتم حمالين آسيه والله بعدين رشدي وشايف نفسه أمال لو كان اسمه لؤى كان بهدلنا ولا إيه

ضحك ادهم بخفوت ثم قال / تمام هنعمل ايه

لم تكد منال تجيب حتى فُتح الباب فجأه ودخلت فتاة وهى تقول با عتذار / اوووه سوري يا شباب تقريبا قاطعت حاجه مهمه

استدار ادهم بتعجب وهو يعرف هذا الصوت وفجأه فتح عينه بصدمه وهو يهتف / براءة؟؟؟؟

براءة بضحك وهى تندفع له / كفارة ياباشا

ضحك ادهم بشده وهو ينهض لها / جيتي امتى وازاى عرفتي اني هنا

نظرت له وهى تقول ببسمة / جيت انهارده الصبح وعرفت من سليم انك هنا

ثم ضحكت وغمزت له وهى تنظر للجميع / هو أنا قاطعت حاجه ولا ايه

ابتسم لها ادهم ثم نظر للجميع / اقدملكم براءة اختي الكبيرة

نظر له الجميع بتعجب شديد فهم يعرفون ان ادهم وحيد وليس له اخوه ولكن اول من خرج من صدمته كانت منال وهى تنهض للترحيب بها / اهلا نورتينا والله اتفضلي شاركينا

نظرت براءة للوجوه حولها/ لا مش عايزه اعمل ازعاج انا بس كنت جاية اشوف ادهم وقالولي انه هنا بس مكنتش اعرف ان فيه اجتماع

ادهم بعدم اهتمام / لا ده بس تجمع خفيف مش اجتماع رسمي يعني تعالى معايا ن...

تحدثت منال بسرعه وهى ترى رغبه ادهم في الرحيل / لا لا مينفعش لازم تفضل معانا وتشاركنا اتفضلي يا مدام براءة

براءة بنظرات ساخرة / انسه يا ضنايا

ابتسمت لها منال بحرج / بعتذر اتفضلي معانا

نظرت براءة لادهم فهز كتفه بعدم اهتمام بينما هى اقتربت منه وقالت / هو إنت عايز تقعد هنا

ادهم وهو يهمس لهم ولكن جائت ام فتحي فوققت بجانبهم / أنا أساسا مش طايق المكان بس مش عايز احرجهم عايز امشي من هنا خصوصا ان فيهم ناس ثقيله قارفني هنا

ابتسمت براءة وهى تبتعد / يا سلام ناس تقرفك نقرفهم احنا كمان ولا هو احنا مش مقرفين يعني ده احنا معفنين حتى

ضحك ادهم بشدة وهو يرى نظراتها والتي توحي باقتراب مشاكل كثيرة

ابتسمت لهم براءة واتجهت لإحدى المقاعد وجلست عليها وهى تبتسم لهم بسمة متكلفه بينما همست ام فتحي لادهم بقلق / هى مالها بتبسم كده ليه

ادهم وهو يتحدث بخفوت شديد / البسمة دي لو شوفتيها على وش براءة اعرفي ان فيه بلوة قربت تحصل،، لو كانت شادية مصيبه فبراءة دي المادة الخام اللي بيتم منها استخراج المصايب

ام فتحي بشماته وبسمة واسعة /I like it

تحدثت براءة ببسمة / ها بقى بتعملوا ايه

تحدث احد الشباب بملل / عادي قاعدين بناكل وكنا هنلعب ب

لم يكمل حتى صاحت براءة بانبهار مصطنع / الله بتلعبوا تعرف انا بحب اللعب آوي يلا نلعب هنلعب ايه

تحدث الشاب بتعجب منها / جبنا كوتشينة و

براءة وهى تقاطعه / لا لا مش معقول كوتشينه؟؟؟

ثم نظرت لادهم الذي يكتم ضحكته بصعوبه / عارف يا ادهم مين اللي بيحب الكوتشينه آوي الواد سليم آه والله ده حريف فيها اصبر هتصل بيه يجي

ثم أخرجت هاتفها واجرت اتصال ونظرت لهم بحرج مصطنع / عندكم مشكله لو جه هو سليم هادي ومش بيعمل مشاكل عموما

منال وهى تتحدث بسرعه / لالا ابدا ابدا مفيش مشاكل ينور القعده بتكون احلى لو بقينا آكتر

ثم نظرت ببسمة لادهم الذي كان يتابع براءة والتي بدأت التحدث / الو يا شادية بقولك هو الواد سليم عندك.... آه حلو اوي قوليله يجي المستشفي اللي فيها ادهم أصل هنلعب كوتشينه وهو بيحب يلعبها..... آه آه فيه تسالي هنا وكل حاجه.... بقولك ايه قولي للواد شادي يجي معاه قوليله فيه بنات حلوه وهينط هنا وابعتي والواد كريم برضو حرام يقعد لوحده والبت مريم برضو يا عيني دي هبلة وعلى نيتها خليها تيجي معاه برضو... آه اهو تشم هوا برضو وبالمرة تعالي انتي التانيه معاهم فكي عن نفسك كده واخرجي عن حزنك ..... ايوه يا ستي في رجاله حلوة هنا..... لا مش عارفه مرتبطين ولا لا استني

ثم ابعدت الهاتف من على اذنها قليلا واشارت لاحد الشباب / حضرتك مرتبط

بهت الشاب من سؤالها وقال / احم لا مش مرتبط

أشارت براءة للذي يجاورة وقالت / والأخ الي جنبك مرتبط

تحدث الشاب بتعجب / أنا لا مش مرتبط

براءة وهى تشير لمن خلفه / واللي بعده وعمال ياكل ركز معايا الله يكرمك يا كابتن... ايوه انت مرتبط ولا لا

تحدث الشاب وفمه ملئ بالطعام / أنا خاطب

براءة وهى تهز رأسها / احسن برضو واللي بعدك ابن حواري واشنطن ده... آيوه انت مرتبط ولا لا

تحدث رشدي والذي كان يزعج ادهم في البدايه / لا مش مرتبط

براءة وهى تضع الهاتف مجددا / آيوه يا شاديه لا مش مرتبطين هو واحد بس اللي خاطب.... ياستي يفسخ مش مشكله...... تمام متتأخروش بقى هاتي الكل معاكي وتعالي على طول... ماشي في رعاية الله سلام سلام سلام سلام سلام

ثم اغلقت الهاتف وهى تضعه امامها ببسمه وتقول / شوية وجايين.... انت يا كابتن ياللي بتاكل سيب الاكل من ايدك واستنى لما الكل يجي

ثم نظرت لهم بخجل مصطنع / اتمنى منكونش متقلين عليكم يا جماعه

هزت منال رأسها برفض وهى تنظر لها بصدمه

بينما نظرت لها ام فتحي وهى تصفق ببطئ وتقدير / قدوتي والله العظيم قدوتي الست دي عظمة يا جدع ايه الحلاوة دي يابنتي برافو برافو

نظرت براءة لادهم بعينها وغمزت له فضحك بخفوت

نظرت براءة لهم وقالت / ياااه يا ولاد جمعتكم دي فكرتني بأيام الجامعه زمان يااااه كانت ايام جميله اوي

ثم نظرت لآخر الطاوله وقالت / الاستاذ اللي ماسك التليفون في الاخر انت استأذنت

نظر لها رشدي بتعجب / أنا كنت...

قاطعته وقالت / مش انا بتكلم ها ينفع ابقى بتكلم وانت متجاهلني كده ولا كأني بتكلم أتفضل اقفل تليفونك يلا الكل يقفل تليفونه يا جماعه مش عايزين حاجه تشغلنا عن التجمع الجميل ده

ثم ابتسمت لهم ببراءة / اوعوا اكون بزعجكم

ميس وهى تبتسم باصطناع / لا أبدا مفيش ازعاج خالص

هزت براءة رأسها وابتسمت وهى تقول / كنت فين آه لما كنا بنتجمع بقى و

عادت منة لمنزلها وهى تبتسم بسعاده كبيرة آوي فاليوم قضت أجمل أيام حياتها مع شادي حيث أخذها لأماكن كثيره وجميله واكلت طعام كثير لأول مره تجربه دخلت المنزل وهى تبتسم بفرحة سرعان ما تحولت لعبوس وهى تسمع /.........

نظر كريم لمريم التي تسير بجانبه أثناء دخولهم للمشفى واقترب منها وقال / ريمو

نظرت له ببسمة / ها؟؟ نعم يا كريم

ابتسم لها كريم وأخرج من جيبه شوكلاته وقال بحنان / جبت دي ليكي

نظرت مريم الشكولاته بيده بنظره مندهشه وسعاده كبيره ثم اخذتها منه بفرحه وهى تقول / ليا انا؟؟؟

ابتسم لها وهز رأسها فقالت بنبرة سعيده / الله بجد يا كريم من زمان مجبتش ليا شوكلاته تقريبا من

تحدث كريم مقاطعا اياها / من وقت ما كنتي صغيره بس خلاص ليكي عندي كل يوم شيكولاتة زي دي اشطا

ابتسمت مريم باتساع / اشطا آوي

نظر لهم سليم ببسمه وقال / يلا يا عم النحنوح

ابتسم كريم وقال ببسمة / النحنوح ده يعرف اللي انت هتموت وتعرفه يا عاشق ولهان

ابتسم له سليم واقترب منه وهمس / هعرفه يا كيمو يا قلبي هعرفه حتى لو غصب عنك يا حبيبي

وصل الجميع للغرفه التي قالت عنها براءة وطرقوا الباب ثم دخلوا جميعا فوجدوا الجميع ينظر لبرءاة بانتباه شديد وبراءة تتحدث / اللي بيتاوب ورا ايه كلامي ممل للدرجه دي ولا ايه اقوم امشي يعني اقفل بقك ده وانتبه عشان هسأل في اللي بقوله بعد ما اخلص

تحدث شادي بتعجب / هو فيه إيه

نظرت براءة لهم ببسمة / جيتوا اخيرا كنت مستنياكم بس تصدقوا القعده مع الشباب هنا بالدنيا والله يلا يلا اتفضلوا اقعدوا واقفين ليه

نظر كريم لهم وهو يفتح فمه بتعجب بينما الجميع مذهول مما يحدث

همس سليم لشادية / مش قولتي ان القعده هتكون عند ادهم واحنا بس مين دول

شاديه ببسمه وهي تنظر لبراءة / دول صحاب ادهم

اتجه كريم لادهم وهمس له بشئ فوقف ادهم واستأذن منهم وخرج معه للخارج ووقف مع كريم وهو يقول بتعجب / اخبار ايه اللي عرفتها

كريم وهو ينظر له جيدا / لقيت صورة لام فتحي على الفيس بوك واللي رفعها من دمياط والكلام ده من فتره تقريبا شهر وكام اسبوع

ادهم وهو ينظر له بدقه / متأكد من كلامك ده

هز كريم رأسه / اكيد ميه في الميه

نظر ادهم له بتفكير ثم قال بعد صمت باصرار شديد / طب اجهز عشان بكره هنروح دمياط

١٣

تفاعل كبير بقى ♥️♥️♥️

#روح_ملاكي

#عصابة_الحي

#الثالث_عشر

بعتذر كتير اولا للتأخير بس برضو بسبب المراجعه

وبعتذر تآني عن قصر البارت لاني حقيقي انهارده واجهت مشكله كبيرة في الكتابة بسبب عيني ومعرفتش امسك الفون غير العصر وللأسف كان فيه أحداث كتير اوي في دماغي مقدرتش اكتبها بس بإذن الله هحاول اوصفها في البارت الجاى زي ما انا متخيلة وبإذن الله هتعجبكم جدا جدا لاني مجهزه شويه حجات قمر كده 😂 😂

اتمنى بقى تفاعل عشان تشجعوني آكتر ارشوني يا عيال 😂 😂 😂

____________________

۞ فَوَيلٌ لِلقاسِيَةِ قُلوبُهُم مِن ذِكرِ اللَّهِ ۞

ما ضُربَ عبدٌ بعقوبة

أشدُّ من قسوة القلب ! 🌸

صلوا على النبي

عادت براءة بظهرها للخلف وهى تنظر لهم بكل برود تمتلكه / هو أنا كلامي ممل ولا حاجه

شادية وهى تبتسم باستفزاز / والله احنا مش عايزين نحرجك بس آه هو ممل جدا فعلا

ابتسمت لها براءة وهى تعود بجسدها للأمام وهى تقول / طب حلو اوي نكمل بقى كنت فين

سليم وهو يضع يده على خده بحنق / لما حمصة راحت لمكتب العميد

ضربته براءة على كتفه بمرح / عاش يا سولي مركز معايا، المهم بقى البت حمصة راحت عند العميد وكان معاها ترمسة وهوبا وهما في الطريق قابلوا البت بطاطا و

قاطعها شادي بتذمر وهو يزفر / حمصة وترمسة وبطاطا هو احنا واقفين على الكورنيش ولا إيه

ابتسمت براءة بكل برود وهى تنظر لشادي / وعشان الاستاذ شادي وكلامه ده فكرني بحكاية الكورنيش فخليني احكيها ليكم

صدحت صيحات الاستنكار بين الجميع وهم يزفرون بملل فقالت براءة بكل جمود / وبمناسبة حالة الملل اللي انتم فيها دي فكروني اخلص حكاية ترمسة وحمصة وبعدين حكاية الكورنيش وبعدين هقولكم بقى حكاية لما كنا في المحاضرة وبننفخ زيكم كده ومش طايقين الدكتور اللي بيتكلم

كاد سليم يتحدث فامسك شادي يده وهو يقول / ابوس ايدك ابوس ايدك متقولش كلمة لتفتكر حكاية تآني

ابتسمت براءة وهى تنظر للجميع وتقول / نكمل بقى

نظر كريم لادهم بتعجب / ازاى يعني

ادهم وهو يرفع حاجبه له / هو ايه اللي ازاى يعني بقولك هنروح دمياط ايه الغريب هنا

كريم بأعراض شديد وهو ينظر لخصره / الاعتراض ان حضرتك مصاب ولسه مبقتش كويس والسفر مش كويس عشانك والطرق كلها مطبات وممكن تتجرح

تحدث ادهم باصرار / أنا كويس يا كريم ومفيش حاجه وحتى الحرج بدأ يلم وهقدر على السفر

كريم بعدم تصديق / الجرح بدأ يلم فنفتحه تآني صح

نظر له ادهم بتذمر / انت عايز ايه يا كريم من الاخر لاني مش هتراجع ولو خطوة واحده لازم ألاقي اهل ملاك

نظر له كريم بتعجب شديد / ملاك

ابتسم ادهم له وهو يقول / ده اللي جذب انتباهك في كلامي ، خلاصه الحوار بكره من الصبح تكون جاهز انت والشباب عشان مش هيعدي بكره غير واحنا في دمياط يا كريم

ثم تركه ودخل للغرفه حيث الجميع بينما نظر كريم للباب حيث دخل وارجع شعره للخلف بضيق وهو يقول / ابو عِندك يا أخي فظيع

ثم لحق به للداخل وبمجرد دخولهم وجدوا الجميع ملامحهم ثابته بشكل يثير الحيرة وشادية تمسك هاتفها وهى تتحدث مع احد وتضحك بينما ام فتحي كانت تجلس على مقعد ادهم وهى تبتسم ببلاهه

تقدم ادهم منها وهو يقول بخفوت / هو فيه إيه

تحدثت براءة ببسمة / اهو ادهم جه اقعد يلا يا ادهم عشان نكمل السهرة سوا كلنا

نظر ادهم للجميع ثم نظر لبراءة بتعجب وهو يقول / عملتي ايه

Rahma Nabil 美心

هزت منة رأسها بضيق ويأس من تعنت والدتها ثم تقدمت للداخل وهى تحاول أن تتحكم في اعصابها وبمجرد رؤية الجميع لها حتى نهض ذلك الشاب المدعو رامي وهو يتجه لها ويقول بلكنته الاوروبية المنمقة/ماماميا منة واخيرا جيتي بقالي كتير مستني

منة وهى تتجاهله وتعبر بجانبه ثم اتجهت لوالدها وهى تقبله / حبيبي عامل ايه

ابتسم عبدالرحيم بشماته وهو يقول / كويس ياقلبي شكلك تعبانه لو كده اطلعي ريحي الأول

انهي عبدالرحيم حديثه بسرعه قبل أن يعترض او يعلق احد فابتسمت له منة وقالت وهى تخرج / آه والله يابابا تعبانه اوي اوي هطلع استريح انا عن اذنكم يا جماعه

نظر رامي لها وهى ترحل ثم نظر لوالدته بحنق وقال / هو احنا مش مرحب بينا ولا ايه يا شاهي هانم

نظرت شاهي لهم بحرج ثم ابتلعت ريقها وقالت / ازاى بس يارامي دي حتى موني مش على لسانها غير رامي رامي

نظر لها رامي بشك بينما نهضت مديحه وهى تقول / واضح يا مدام شاهي يلا يا رامي هنرجع البيت يا حبيبي

نظر لهم رامي بترفع ثم ذهب خلف والدته بينما شاهي تحاول أن تمنعهم ولكن لم يستمعوا لها

بعد ذهابهم نظرت شاهي لزوجها الذي يمسك هاتفه وهو يبتسم بسمة ساحرة فانطلقت له بغضب وهى تقول / طبعا فرحان دلوقتي لما خليت منظري زفت قدام مديحه هانم

نظر لها عبدالرحيم ببسمة متشفية / أنا يا شوشو اعمل كده لا اخص عليكي ده انا حتى بحبك وبهتم بمنظرك الاجتماعي قدامهم

رفعت حاجبها بسخريه / لا مهو واضح أمال لو مكنتش مهتم

نهض عبدالرحيم وهو يقترب منها يقول بسخريه / كنت جبت فسيخ وفرشت في الأرض هنا

ثم تركها وصعد للأعلى تاركا اياها تشتعل غيظا من بروده

Rahma Nabil 美心

دخلت أشرقت غرفتها وهى تلقي نفسها على الفراش بتعب شديد بعد يوم دراسي طويل فسمعت صوت وصول رسالة فامسكت هاتقها بلهفه وسرعان ما ابتسمت باتساع وهى تقول / اكل الطعم

ثم أخرجت هاتفها واجرت اتصال وانتظرت قليلا حتى وصل لها صوت كريم وهو يقول / أشرقت ازيك

أشرقت ببسمه وصوت متحمس / الحمدلله بخير ياكريم انت بخير؟؟

كريم بنبرة حنونة / الحمدلله يا.... اااااه

أشرقت بتعجب / ها؟؟

نظر كريم بجانبه لسليم الذي ينظر له بشر وقال بخفوت / فيه إيه بقول الحمدلله هو أنا بعاكس

سليم وهو يضع يده على الهاتف ويقول وهو يجز على أسنانه / شامم ريحة مش كويسه في نبرتك مش عايز لين ولا عايز حنان عايز دبش راجل ألي سامع

ثم نزع يده من على الهاتف وأشار له ان يكمل فنظر له كريم بحنق وهو يتمتم بغيظ / لولا اختك اللي جوا دي كنت نفختك

ثم تحدث بصوت حاول أن يجعله جاد / ايوة معاكي يا أشرقت كنت بتقولي ايه

أشرقت وهى تقول بنبرة متعجبة / كنت بقول ان رأفت بعتلي رساله

نظر سليم بشر للهاتف فابعده كريم بخوف وهو يقول/قالك ايه

أشرقت بأمل / الحمدلله وافق يقابلني

ضغط سليم على هاتفه واحمرت عينه بشده ثم رفع عينه لكريم وهو يشير له بالتحدث

كريم وهو يبتلع ريقه / آيوه تمام مفهوم بلغيه انك هتقابليه كمان ثلاث ايام اكون رجعت من دمياط لاني عندي شغل هناك

أشرقت / تمام يا كريم هبلغه وبجد مش عارفه اشكرك ازاى يا كريم

نظر كريم برعب لسليم وهو يقول برعب / متشكريش مش عايز شكر خالص

أشرقت ببسمه وهى تظنه يقول ذلك كعادته من باب المساعده / لا أبدا والله لولاك يا كريم كنت....

كريم بسرعه وهو يرى نظرات سليم له التي تطلق شرار /لا لا والله مفيش حاجه خالص يا أشرقت المهم انتي الفتره دي مترديش على اى حاجه منه وخليكي دايما على تواصل معايا لحد ما ارجع...... تمام...... سلام

أغلق الهاتف ونظر لسليم ولم يكد يتحدث حتى وجد سليم يقترب منه بسرعة كبيرة وهو يدفعة للحائط بعنف ويقول من بين أنفاسه التي تلفح وجه كريم / دلوقتي وحالا هتقولي ايه اللي بيحصل مع أشرقت وابن ال**** ده هيقابلها ليه

نظر له كريم برعب فعندما جائت له مكالمه أشرقت كان سليم يجلس بجابنه ورأى اسمها فجذبه للخارج وجعله يفتح المكبر ابتلع كريم ريقه وقال / طب ندخل دلوقتي وه‍‍

سليم بعيون غاضبة وبهمس مرعب / دلوقتي

Rahma Nabil 美心

تحدثت براءة ببرود وهى ترى الجميع يضحك بصخب بعد تركهم للغرفة وعودتهم لغرفة ادهم مجددا/ فيه إيه مالكم

شادي وهو يقترب منها وينحني لها بحركة مسرحية / ارفعلك القبعة ده انتي قادرة والله

ضحكت ام فتحي بشده وهى تقول / كل ما افتكر شكلهم وهما بيقولوا ليك انت لازم ترتاح عشان صحتك هموت يا عيني كانوا قربوا ينجلطوا ولا براءة كل خمس دقايق ( لا انا حاسة اني بزعجكم والله / اوعوا اكون بزعجكم) ست قادرة

ضحك ادهم بشده معها هو والجميع بينما تنظر له براءة ببسمة سخرية وهى تقول / مش كنت حابب انك تفلسع ادينا خلتهم هما اللي يفلسعوك ويتحايلوا عليك كمان

ضحك ادهم وهو يمسك خصره بوجع / بس مش للدرجه دي يا عيني كانوا شوية وهيطردونا وشادية اللي ماشية تاخد اكونتاتهم دي

شادية وهى ترفع حاجبها بتعجب / فيه إيه حابة اضيفهم عشان لو احتاجت استشارة ولا حاجه

غمز لها ادهم وهو يجذبها ويقول / استشارة برضو يا شادية

شادية وهى تنظر له بخبث وتقول / انت تعرف عني ايه

ادهم وهو يحاول ان يكتم ضحكته / كل خير

غمزت له شادية وهى تضحك / خلاص بقى اطمن

ثم ابتعدت ونظرت لهم وهى تقول / أظن مهمتنا خلصت ودلوقتي لازم نرجع خلي ادهم يرتاح واحنا برضو نرتاح

وافق الجميع على ذلك وقالت مريم وهى تنظر لادهم ببسمة / تصبح علي خير يا ابيه

ابتسم لها ادهم بحنان / وانتي بخير يا ريمو

تحدث شادي وهو ينظر لادهم وقال ببسمة ومكر/ هى ريمو مقالتش ليك ولا إيه يا ادهم

نظر له ادهم بتعجب فقال شادي وهو ينظر لمريم / فيه عريس جه لريمو

فتح ادهم فمه بصدمه وهو يقول / ده بجد يا ريمو

مريم بخجل شديد / لسه والله يا ابيه مجاش سليم كلمه وأجل كل الكلام لغاية ما تقوملنا بخير

هز ادهم رأسه بشرود وهو يفكر بكريم وفي نفس اللحظه دخل كريم وخلفه سليم الذي كانت ملامحه توحي بالسواد الذي يحتويه الان تحدث بخفوت / شكل فيه كتير اوي فايتني

ام فتحي وهى تهمس له / فعلا في كتير فاتنا بسببك انت بقالي فتره ما شوفتش الكاندي شوب بتاعي وبعد ايام من الجبنة القديمة واخيرا الواحد داق حلويات

نظر لها ادهم بشر وغضب شديد وهمس لها / تعرفي تسكتي

نظرت له بحاحب مرفوع وقالت ببسمة مستفزه / لا

ثم نظرت لكريم وهى تقول / شايف اللولي بوب منور ازاى ما شاء الله يابني عيني عليك باردة الواد فولته عالي و

قطعت حديثها وهى تجد ادهم يجذبها بعنف

وينظر لها بغضب ابتلعت ريقها وهى تقول / ايه يا ادهم بس ده انت حتى الخير والبركة والله سيب بس وداني وخلينا نتكلم براحة.

تحدثت براءة وهى تنهض وتنظر للجميع / يلا يا جماعه خلينا نرتاح

وبالفعل ودع الجميع ادهم وعاد الكل لمنازله بينما نظر ادهم لام فتحي وتحدث / كريم لقى صورة ليكي لشخص كان بيدور عنك

نظرت له بلهفه شديدة وهى تقول / بجد في حد بيدور عليا عندي عيله

ابتسم لها بحزن وقال / اممم واحد كان رافع صورتك على الفيس وكريم جاب العنوان وبكرة هنروح ونشوف الموضوع

ابتسمت ام فتحي بشده وهى تنظر له بعدم تصديق / أنا مش مصدقه انا.. انا مش عارفه اقول ايه واخيرا هعرف انا مين

ثم نظرت فوجدت ملامحه غامضه بشكل غريب / مالك انت مش فرحان

نظر لها وأجاب على سؤالها بسؤال / هو آنتي ممكن تنسيني لو فوقتي ممكن تسبيني وترجعي لعيلتك

نظرت له بصمت وهى تفكر قليلا فقال هو بعيون حزينه وبسمة يحاول رسمها / عادي والله دي عيلتك ومن حقك ترجعي ليهم انا بس مش عايزك تسبيني و

قاطعته وهى تقول / يمكن انساك فعلا

Rahma Nabil 美心

خرج شادي من غرفته بعدما بدل ثيابه فوجد عوض يجلس في الصالة وهو يشاهد التلفاز مع براءة وشادية فقال ببسمه وهو يجلس بجانبه / عوض يا اجمل عوض ليا كنت ابويا واخويا وعيلتي كلها

نظر له عوض ببرود وقال / لا

ثم أعاد نظره للتلفاز بينما تحدث شادي بتذمر / هو ايه اللي لا ده انا لسه قولت حاجة

ابتسم عوض ببرود / بالمقدمة دي اكيد بلوه انسى انا خلاص قربت ابيع القهوة واسرح بترمس عشان أسد البلاوي اللي بتعملوها

ثم نظر بجانبه لبراءة / واهي الأخت التانية شرفت يعني المشاكل بقت بالدابل فانسى بقى

ابتسمت براءة وهى تتناول التفاح / تعيش يا غالي وتسدد يارب

نظر لها عوض بقرف بينما قالت شادية لشادي/ عايز ايه ياض ياشادي قولي وانا أقنعه مش هيقولي لا

نظر لها عوض بتذمر وهو يهتف / امي

ابتسم شادي وتحرك إلى جوار شادية / ضهرك كده يابراءة بصي يا شوشو انا بس عايز العربيه لمشوار مهم بكرة وهرجعها صاغ سليم

نظر له عوض وقال له برفض / انسى يا بابا اخر مرة رجعتلي بتذكار منها

شادي وهو يستدير له / الاه مش المهم اتصلحت ورجعت

براءة وهى تأكل التفاح ببرود / اديها ليه يا عوض وانا هروح معاه

نظر لها عوض بسخريه / ما انيل من سيدي الا ستي يا ختي اتنيلي ده انا كده اقلق آكتر انسوا اني اديكم عربيتي

نظر له شادي بنظرات بريئة وهو يقول / ولو قولتلك عشان خاطري ياعوض

عوض بحده / يا اخويا اولع انا مش مستعد اني اضيع عربيتي اللي ورثتها من جدودي

كادت براءة تتحدث ولكن قاطعها عوض بنفى قاطع / انكم تاخدوا عربيتي دي تنسوها خالص

Rahma Nabil 美心

تحدث سليم لشادي ببسمة / هات المفتاح انا هسوق

شادي بسخرية وهو يتجه لمقعد القيادة / انسى يا حبيبي ابويا المرة اللي فاتت كان هيروح فيها وانا اقنعته بالعافية وانت غبي في السواقة

دخل كريم في الخلف بجوار ادهم وكانت معهم ام فتحي وهى تقول / دمياط وحلويات دمياط ومشبك دمياط وانا اقول بحب الحلويات ليه

نظر لها ادهم بتشنج ثم أدار وجهه للأمام بينما هى تحدثت بتعجب / مالك

نظر لها بسخرية /يعني مش عارفه

هزت رأسها برفض فقال بغيظ / واللي عملتيه امبارح ده كان ايه

ابتسمت ام فتحي وهى تقول بمشاغبة/ يا راجل انت لسه زعلان ده انا بهزر

نظر ادهم للأمام بتذمر بينما هى ضحكت بخفوت وهى تتذكر ما حدث

F. B

قالت أم فتحي بحنان / يمكن انساك بس اتأكد أن قلبي عمره ما هينساك القلب اللي ارتاح ليك من غير ما يعرفك وحس انه يعرفك من سنين اكيد مش هينساك خصوصا بعد ما فضل جنبك طول الفتره دي

نظر لها ادهم وقال/ هتسبيني.

ابتسمت هى وقالت / انت هتسبني امشي؟؟

نظر لها قليلا بصمت ثم ابتسم وقال / لو اقدر ارجع وحيد تآني هقدر اسيبك وقتها

نظرت له بتعجب لاجابته المراوغة تلك لاحظ ادهم نظرتها فقال ببسمة / بس انا مش هقدر ارجع تاني وحيد بعد ما حسيت يعني إيه يكون ليا حد دايما جنبي

ابتسمت له بينما هو نظر لها نظرات جعلتها تتوتر بشده وتقول بسرعه لتجعله يكف عنها / طبعا يابني هتستغنى عني إزاي حتى انا مش هقدر امشي اسيب الكاندي شوب لمين ها قولي ولا الجلاكسي بتاعي وغزل البنات مين ياخد باله منهم

نظر لها بغيظ شديد ثم تسطح على الفراش وتحدث/ غوري يابت من هنا

نظرت له بتعجب لما غضب هكذا

ضحكت ام فتحي وهى تقول / قفوش آوي على فكره

نظر شادي لهم وكاد ينطلق بالسيارة حتى وجد الجميع السيارة تفتح وحقيبه تلقى عليهم وبراءة تصعد بجانب كريم نظر لها الجميع بتعجب فتحدثت هى باستغراب لنظراتهم تلك / ايه مالكم فيه إيه

تحدث شادي وهو يستدير لها حيث تجلس في الخلف / انتي بتعملي ايه يا براءه

براءة بجدية / عوض جه وقالي بالله عليكي يا براءة تروحي معاهم عشان مش هطمن غير كده

فتح الجميع فمه بغباء فقالت هى ببرود وهى تزفر / جاية عشان عايزه اجي فيها حاجه دي

سليم وهو ينظر لها من خلال المرآه الامامية / هو احنا رايحين نلعب يا براءة

براءة وهى تربع يدها بعناد / والله تلعبوا تشتغلوا تتنططوا على الحيطان انا هروح يعني هروح فوفروا على نفسكم وقت وامشي عشان نلحق الطريق من أوله

نظر شادي لهم فاشار له ادهم بالانطلاق فبدأ شادي طريقه نحو البحث عن حقيقة تلك الروح

Rahma Nabil 美心

زفرت منة بضيق وهى تنظر لوالدتها باختناق / هتخلص امتى

تحدثت شاهي وهى ترفع نظرها عن بعض الأوراق وتقول بتهكم/ ليه حضرتك مشغوله ولا إيه

صمتت منة قليلا ثم قالت / ليه هو انا معنديش حاجه غير العرض ده

تركت شاهي الأوراق من يدها ببرود وهى تقول / احب اعرف حضرتك عندك ايه

منة وهى تنظر لنفسها في المرآه وتقول / هروح النادي بقالي فتره مروحتش

شاهي باستخفاف كبير / آه النادي طبعا هتروحي ترقصي

منة وهى تبعد الفتاة التي تأخذ المقاسات الدقيقه لها / وماله يعني هو انا برقص في الكباريهات ولا إيه أنا بتدرب على رقص الباليه

شاهي وهى تتحدث بقرف / ايه ألفاظك دي انتي عرفتي كباريه دي منين

منة باستخفاف شديد / يمكن عشان مصرية مثلا والكلمة دي معروفه يعني

زفرت شاهي بضيق وهى تقول / انتي عايزة ايه

منة باصرار شديد وشعور باختناق بدأ يزداد بتحكم والدتها / عايزه اخلص وامشي انا تعبت بقالي ساعه واقفه اقيس

نهضت شاهي وهى ترحل وتقول بلا اهتمام/ ماشي ماشي

نظرت منة لاثرها بسخريه ثم أخرجت هاتفها وهى تجري مكالمة وتقول / الو شادية انتي في البيت

Rahma Nabil 美心

براءة وهى تصفق باستمتاع / لو الظروف هتسخف

ثم صمتت ونظرت لهم في انتظار التكلمة فقالوا بضيق وهم يصفقون / صقف صقف صقف اوعى توقف صقف صقف اوعى توقف

براءة وهى تكمل غناء / عايزها متبقاش ضيقه بطل بص وبحلقة لو عايزها متبقاش ضيقة بطل بص وبحلقه الرضا بتجيب بغدده والبحلقة بتجيب زحلقة

توقفت عن الغناء ثم نظرت لسليم بشر فقال سليم برتابة وكأنه رجل الي / اهدى يابنك النرفزة وبلاش تنكش ع الاذى اهدى يابنك النرفزة وبلاش تنكش ع الاذى ما تنشنش وما تشدش وافرح هو احنا في عزا

براءة وهى تصفق / ولو الظروف هتسخف

لم يكد احد يتحدث حتى شعروا بالسيارة تتوقف بسرعه كبيرة فارتدت أجسامهم للأمام ونظروا بخوف للأمام وفجأة رفعت براءة جسدها وتقدمت لشادي وقامت بصفعة بحده على رقبته وهى تقول / انت ياض راضع من بجرة هبلة

نظر ادهم لام فتحي ببسمة فقالت بتعجب / ايه

تحدث ادهم بسخرية / نفس البجرة اللي شربتي منها اللبن تقريبا انتي تعرفي شادي

ام فتحي وهى تنظر لشادي وتقول ببسمة / الكاب كيك ده ياخويا ياريت هو أنا اكره

زفر ادهم بغيظ فهو كان يود ان يستفزها وقد انقلب الأمر ضده

تحدث شادي بوجع وهو ينظر امامه / ايه يابراءة فيه واحد غبي رمى نفسه قدام العربية

نظرت براءة من الزجاج الأمامي ثم قالت بغضب / طلعني كده عشان هخلي الجذمة تزغرط على خلقته

هبطت براءة بسرعه وخلفها الجميع بينما ام فتحي تقول بتأثر / الواحد حس بالأمان في وجودك يابنتي والله

بمجرد خروجهم قام الشخص الساقط بمسك قدمه وهو يصرخ بوجع / آه حرام عليكم مش تفتح وانت سايق ولا انت لوحدك في الطريق

نظر شادي له بتعجب وهتف باستنكار / انت كداب انا شوفتك وانت بترمي نفسك قدام العربية

نظرت السيدة التي تجاور ذلك الرجل بقلق وقالت بتمسكن / حرام عليك يابيه اكمننا غلابة يعني بتدوسوا علينا

تحدثت ام فتحي بسخريه / ميغركش شوية اللبس النضيف ده دول معفنين أساسا عندك ده مثلا ( وهى تشير لادهم) ده يا حبة عين أمة عنده طقمين يقلع واحد ويلبس التاني والتاني ده ( تقصد سليم) ده عنده اخت هبلة بيعالجها ومش لاقي ياكل وده ( تقصد شادي) ابوه شويه وهينزل يلف ببخور في السيدة والأخير ده( تقصد كريم) عنده اب جلاكسي وأم غزل بنات ومش عارفين يجيبوا حقن الأنسولين بسبب السكر اللي هما عايشين فيه ده

نظر لها ادهم بغباء وهو يقول / انتي بتقولي ايه

نظرت له بتعجب / ايه بحاول أقنعه انكم معدومين يمكن يمد ايده في جيبه يطلع قرشين

تحدثت براءة بملل / قوم من مكانك عشان مش فاضيين يلا يا بابا

ثم كانت في طريقها للعودة حتى سمعت صراخ السيدة وهى تقول / انتي ايه ده انتي حتى ست معندكيش قلب ولا إيه

ام فتحي بتأثر /يا ظلمه يا جبابرة هتروحوا من ربنا فين

انتم لا يمكن تكونوا بشر

ثم نظرت ببسمه هيام لكريم / انتم حلويات بالفراولة وال

توقفت وهى ترى يد ادهم على وشك صفعها فمنعته وهى تشير لفمها بعلامة الغلق /اعتبرني هوا

ادهم ببسمة وهو يكتم ضحكة / انتي فعلا هوا

نظرت براءة لهم بشر ثم ابتسمت وتقدمت من شادي وسحبت من يده مفتاح السيارة وقالت بأمر وهى تتجه للسيارة / اركبوا

نظرت السيدة لزوجها ونظر الجميع لبعضهم بتعجب فقالت براءة بصرامة شديده / كله على العربية اخلصوا

ركض الجميع للسيارة بعدم فهم وصعدت براءة لمقعد السائق وصعد الجميع نظرت براءة ببسمة باردة للطريق بينما الرجل يبتلع ريقه وهو ينظر للسيدة بجانبه بخوف

نظرت براءة للخلف ثم عادت بالسيارة للخلف وتوقفت ثم نظرت من السيارة وهى تقول / هاخدك وش وقفا وهلزقك في الأسفلت يا معفن

وفجأه تقدمت بالسيارة بسرعه والجميع يصرخ بها ان تتوقف والرجل ما يزال يتسطح أرضا وهو ينظر لها برعب

تحدثت ام فتحي وهى تصرخ بحماس / سفلتيه

نظر لها ادهم بصدمه وهو يقول / جزارين

وجد الرجل السيارة تقترب منه فصرخ برعب ونهض وركض بسرعه بعيدا عن الطريق وانطلقت السيارة تشق طريقها مجددا نحو دمياط فتحدثت براءة ببسمة / ولو الظروف هتسخف

صفقت ام فتحي بحماس / صقف صقف صقف اوعى توقف صقف صقف او توقف

ضحك ادهم بشده ثم اخذ يصفق ويغني هو والجميع حتى وصلوا للمكان المراد

وقف الجميع امام المنزل المطلوب قالت براءة بتعجب وهى تنظر للباب / قولولي تآني كده احنا بنعمل ايه هنا

تحدث شادي وهو ينظر للجميع / هنقولك بس خلينا ندخل الأول

طرق سليم الباب بينما ام فتحي تقف بكل لهفة وهى تنظر للباب حتى فُتح الباب وظهر من الباب شاب وهو ينظر لهم بتعجب فقالت ام فتحي بصدمه / أيعقل ؟؟؟؟؟؟

١٤

#روح_ملاكي

#عصابة_الحي

#الرابع_عشر

أولا انا حاليا مش بعلق على تفاعل ولا على اى حاجه خالص البارت اللي فات يمكن كان عدد لايكاته اقل انا مقدره ان الفتره دي الناس في امتحانات وبتذاكر عشان كده مش بعلق على تفاعل خالص طالما قدرت ارفه عنكم ولو لدقايق بس هو طلب ان اللي قرأ البارت وعجبه يضغط لايك لان ده بيفرق كتير جدا وياسلام لو كتب تعليق قمر كده وعلى فكره انا بقرا كل التعليقات حرفيا وبلا استثناء وحقيقي بفرح بيها عموما حاليا كل واحد وضميره بقى هنراعي ان فيه امتحانات ومحدش فاضي أو بيقرا ويروح يكمل مذاكره بسرعه فمفيش اى عتاب او غيره وربنا يوفقنا جميعا بس بعد الامتحان يبقى نتنقاش سوا بقى

ودلوقتي اسيبكم مع البارت

_______________________________

۞ وَاتَّقُوا يَوْمًا تُرْجَعُونَ فِيهِ إِلَى اللَّهِ ثُمَّ تُوَفَّى كُلُّ نَفْسٍ مَا كَسَبَتْ وَهُمْ لَا يُظْلَمُونَ ۞

إفعل مابدا لك وحذارِ فإن هذه آخر آية نزلت من السماء!

فتهيئ للرجوع إليه! 🌸

عطروا افواهكم بالصلاة على خير الأنام ♥️🌙

Rahma Napil 美心

نظر ادهم بفزع لام فتحي وهو يقول / فيه إيه يابنتي

نظرت له ام فتحي بتأثر شديد وهى تشير للشاب الذي فتح / اخويا الصغير طلع قمر آوي

نظر ادهم للشاب الذي فتح الباب ويبدو في الثامنة عشر من عمره فرفع حاجبه وهو يقول بخفوت / وانتي ايه اللي عرفك انه اخوكي الصغير

شهقت ام فتحي وهى تنظر للشاب بدموع مصطنعة / ابني؟؟؟ يا حبيب ماما شايف شبهي إزاي واخد مناخيري اهو وأكيد عيونه الملونه دي واخدها من ابوه

نظر لها ادهم بقرف وعض على شفتيه بغيظ حتى لا يصرخ بها امام الجميع

تحدث الشاب الصغير بتعجب منهم ومن صمتهم العجيب ذاك فقال بوقاحة / نعم اتفضلوا عايزين مين

نظر ادهم لكريم الذي هز رأسه وأخرج هاتفه وفتحه ثم وضعه امام الشاب وقال بهدوء/ انت صاحب الاكونت ده

نظر الشاب لشاشة الهاتف ثم نظر لهم بتعجب وحاحب مرفوع بكبرياء / ليه فيه مشكله؟؟؟؟

تحدث سليم وهو يزفر بضيق / رد على السؤال من غير كلام كتير لو سمحت

نظرت له براءة بتأنيب وهى تقول /مش كده يا سليم اتكلم براحة مع الواد

ثم نظرت للشاب وقالت وهى تشير برأسها للداخل / اجري ياض نادي اى حد كبير نتكلم معاه

كاد الشاب يتحدث حتى سمع الجميع صوت شاب يٱتي من الداخل وهو يقول / مؤمن فيه إيه

ثم اقترب منهم وهو يقول بتعجب / مين دول

ام فتحي وهى تنظر له بصدمه وهيام / يارب يكون جوزي يارب يكون جوزي

فجأه سمعت صوت سيده من الداخل وهى تنادي / مين يا حبيبي

ام فتحي بخيبة امل وصدمه / طلع متجوز يارب يبقى عشيقي

شعرت بضربه في خصرها فنظرت بغضب لادهم

تحدث الشاب الكبير بنظرات باردة قليلا /معرفش مين؟؟؟ مين حضراتكم

فتحت ام فتحي فمها بصدمه شديده وهى تقول بهمس

لادهم / هو احنا فين كده يا كابتن

ادهم وهو يتحدث بتعجب /دمياط

ام فتحي وهى تنظر للشاب ببسمة غبية / طب اتأكد كده الله يكرمك اننا في دمياط لنكون روحنا اسكندريه بالغلط

كرمش ادهم وجهه بتعجب من حديثها فقالت له بهيام / ده مش مشبك دمياطي لا دي بسبوسة اسكندراني بالسمنة البلدي اسمع مني مش مصدق طب استني اروح ادوق

امسكها ادهم من مرفقها وهو ينظر لها بشر ولكن فاق على حديث شادي وهو يقول / يلا يا ادهم

نظر له بتعجب فقال شادي وهو يشير للباب / بقولك ادخل يلا هنتكلم جوا

نظر ادهم مجددا لام فتحي بشر وهمس / كلمه إعجاب تآني وهشغل اية الكرسي وتنحرقي واخلص

نظرت له بتذمر ودخلت خلفه وجلست حيث الجميع ثم نظرت للبيت حولها قليلا وهى تغمض عينها بتأثر بينما ادهم يراقب ملامحها بدقه ثم قال لها / مالك

ام فتحي وهى تنظر حولها بحنين غريب عليها وشعور يمتلكها وقالت بتأثر شديد / انا افتكرت

نظر لها بصدمه فاكملت له / حاسه اني شوفت البيت ده قبل كده مألوف ليا آوي

ثم أشارت لغرفه وهى تقول / الاوضه دي حاسه آوي انها كانت بتاعتي قلبي بيقولي كده

نظر الشاب للصورة التي أعطاها له كريم فقال بحاجب مرفوع / آيوه بس انا معرفش مين دي

تحدث ادهم بانتباه / إزاي حضرتك نزلت بوست بتسأل فيه عنها

رجع الشاب بظهره للخلف وبكل برود قال / ايوة بس انا معرفهاش دي بس نسيت شنطتها في العربيه اللي كنت مسافر بيها ولقيت الصوره دي في الشنطة وكنت بسأل عنها بس انا اساسا معرفش مين دي

نظر ادهم لام فتحي وهو يبتسم بسخريه ويقول / حاسه اني شوفت البيت ده قبل كده حاسه بكده آوي وفي الاخر طلعتي مش من هنا أساسا آه يا زباله

قالت أم فتحي وهى تضحك بشده / الله يابني حاولت اني اتأثر زي ما بشوف

نظر ادهم للشاب وقال / طب متعرفش حاجه عنها ولا حتى شنطتها فيها اى حاجه تدلنا علي اى حاجه عنها

تحدث الشاب ببرود / لا معرفش حاجه وكمان الشنطة مش فيها غير لبسها وصورة ليها اللي هى نشرتها لان هى لما نزلت الاستراحة أخدت معاها المحفظه اللي فيها اى أوراق خاصة

انتبه ادهم وتحفز جسده بشده وهو يقول بتركيز / استراحه ايه وكنتم مسافرين منين بالتحديد لفين

زفر الشاب بضيق وهو يقول / وانا ايه الاي يجبرني اقولك واحكيلك عنها تعرفها منين أساسا

ام فتحي ببسمه خجوله وهى تنظر أرضا / طلع بيغير

تجاهلها ادهم ثم نظر له وهو يقول / أنا دكتور في مستشفي في القاهره وهى هناك عامله حادثه ومحتاج حد من عيلتها

تحدث الشاب بضيق وكل برود / طالما مش من عيلتها يبقى مش هقدر اقولك حاجه بعتذر

نظرت أشرقت لشادي وقالت بهمس / هى مين دي بدل ما انا زى عواجيز الفرح كده وادهم مهتم آوي كده ليه بالمريضه دي

نظر لها شادي ثم نظر لادهم الذي ينظر للشاب بشر وقال بمكر /أصل ادهم بيحبها عشان كده بيحاول يلاقي أهلها يمكن يكونوا امل في انها تفوق

هزت رأسها ثم نظرت لذلك الشاب السمج كما اسمته ومدت يدها في بنطالها واخرحت مسدس ووضعته على الطاولة امام الجميع بعنف وقالت وهى تشير بعينها للمسدس / طب حاول تفتكر يمكن تفيدنا بحاجه

تحدث الشاب بتوتر قليل بسبب هذا السلاح ولكن قال بعناد / مفكراني هخاف من المسدس ده يعني

نهضت براءة من مكانها واتجهت له وقال بنبره مرعبه / لو مخفتش من المسدس ده خاف مني انا مصنفة اني بتعامل معامله أطفال يعني لو قتلتك دلوقتي ليس على حرج

تحدث الشاب برعب من نبرتها ونظرتها المرعبة وقال / أنا انا معرفش بس انا كنت مسافر من الاتوبيس اللي كان طالع من اسكندرية لدمياط بس في نص الطريق وقفنا في استراحة وهى نزلت بس مجتش ومحدش خد باله وكملنا الطريق ولما وصلنا اكتشفت انها مش موجوده من شنطتها والسواق عطاها ليا وقالي اعلن عنها فنزلت صورتها اسأل عنها مش اكتر بس معرفش حاجه تاني

دخلت عليهم فتاه وهى تنظر لهم بشك وتقول /مين دول يا محمد

نظرت له براءة ببسمة وعادت لمكانها بينما كانت أم فتحي شاردة بطريقه غريبه وكذلك الجميع

تحدث محمد وهو يقول بضيق شديد / موضوع البت اياها

انتبه له سليم فقالت الفتاه بتذمر وحنق / يا ستير يارب متفكرنيش هى البت دي مالها الكل بيسأل عليها كده

نظرت ام فتحي بلهفه لادهم ففهم عليها وبادر في السؤال وقال / مين تاني سأل عليها

تحدثت السيده بغضب / رجلين جم سألوا عليها وقالوا انها من عيلتهم

ابتسمت ام فتحي بشده وقد بدأ امل ينبت في قلبها ولكن اختفى ذلك الأمل وهى تسمع بقية حديث السيده وهى تقول / بس كانوا يا بااااي ناس أتمة بيزعقوا ويشوحوا ولا كأنهم مفكرين الكل عبيد عندهم وكمان واضح آوي انهم مكنوش بيحبوا البنت دي

نظر لها محمد بشر وقال / خلاص خلصنا ملناش دعوه بيهم

نظر لها ادهم باهتمام شديد وقال / يعني إيه مش بيحبوا البنت يعني

الفتاة بثرثرة / أصل اول ما جم هنا كانوا عمالين يزعقوا ومضايقين ومره واحده قام واحد منهم واتكلم في التليفون وهو بيزعق ويشتم في البنت دي ويقول لا لسه ملقناش بنت ال**** دي بقى حتة واحده زبالة لا راحت ولا جات تبهدلنا كده انا بقى هجبها ولو من تحت الارض ووقتها هعرفها قيمتها

نظر لها محمد بشر وهو يقول / قولت خلصنا مش عايز اسمع كلمه

ثم نظر لهم بحده وقال / أظن كده عرفتم اللي انتم عايزينه شرفتونا

نظرت براءة لهم بتعجب وهى تقول / هو طردنا من شوية؟؟؟

امسك شادي يدها وهو يقول بحذر / لا يا عمتو اقعدي بس هو ميقصدش

نهضوا جميعا بينما كانت أم فتحي شارده بطريقه تثير الشفقه

تحدث ادهم لمحمد وهو يتقدم ليصافحة / هكون مشكور لو قدرت تساعدنا نوصل لبيتها ده

نظر له الشاب قليلا ثم هز رأسه وذهب لمكان ما ثم عاد وهو يحمل كارت ما وهو يقول / ده واحد منهم سابه ليا عشان لو جات تدور على شنطتها لاني سيبت خبر في كل المحطات ان الشنطة معايا

نظر ادهم للكارت بدقه وهو يفكر جيدا في القادم

بينما نهض الجميع بتعجب وصدمه مما سمعوا وبراءة تنظر لادهم بتركيز

وبعد انتهاء الحديث خرج ادهم وهو ينظر للكارت بشرود وخلفه ام فتحي وهى تنظر أرضا بتعب وحزن

تحدث سليم لبراءة بتعجب / انتي من امتى وانتي معاكي المسدس ده يا براءة

براءة وهى تنظر للمسدس بيدها بضحك / ده؟؟؟ ده لعبة عشان الظروف اللي زي دي

كاد ادهم يقترب من ام فتحي ليتحدث ولكن فجأه سمع الجميع صوت إطلاق النيران والرصاص يُضرب بجهتهم

Rahma Napil 美心

سارت منة تجاه العمارة الخاصه بشادية ولكن أثناء سيرها اوقفتها سيده ما وهى تنادي عليها / يا عروسه انتي يا عروسه

توقفت منة بتعجب وهى تشير لنفسها فهزت السيدة رأسها وهى تشير لها لتقترب منها

اقتربت منها منة بدهشة فقالت السيدة / انتي بنت مين يابنتي هنا

نظرت لها منة بتعجب وهى لا تتحدث فقالت السيده / إيه القمر ده بس لا ونضيفه كمان قوليلي يابنتي انتي مخطوبه ولا متجوزة

تحدثت منة بتعجب شديد من حديثها / لا مش متجوزة ولا مخطوبه بس ليه

السيده ببسمة وهى تربت على كتفها / انتي منين يابنتي وبنت مين

كادت منة تجيب عليها ولكن قاطعهم صوت شاديه التي خرجت من النافذه وهى تنادي على منة وتحدث السيده بحنق / جرا ايه يا حبيبتي ما تسيبي البنت بعدين دي أساسا قريب هنقرا فتحتها على الواد شادي

نظرت السيده بخيبة امل لمنى فتحدثت شادية من الأعلى / اطلعي يابنتي يلا

نظرت منة بحرج للسيده وقالت ببسمة / عن اذن حضرتك يا طنط

ثم صعدت بسرعه لشادية بينما نظرت لها السيده بتكسر وهى تقول / طنط؟؟؟ ايه الرقة دي ملكش نصيب يابني فيها

ثم غادرت بينما وصلت منة للشقه وجدت مريم تفتح الباب وتنتظرها فابتسمت لها منة وعانقتها بحب شديد وهى تقول / وحشتيني اوي يا مريم

مريم بحب شديد / وانتي اكتر ياقلبي والله وحشتيني جدا

خرجت شاديه وجذبتهم للداخل بحنق / يلا ياختي منك ليها

دخلت منة وهى تضحك على تصرفات شادية وقالت / على فكره انتي احرجتي الست وبعدين ايه اللي هنقرا فاتحتها على شادي دي

شادية وهى تجذبها لغرفه التلفاز / لو مقولتش كده كانت هتخليكي تعترفي على كل حاجه انتي متعرفيش النسوان يابنتي يشوفوا اى بنت حلوه ينادوها وهاتك يا اسأله اسمك ايه بنت مين مخطوبه ولا لا ويا سلام بقى لو في فرح تروح تقفشها من وسط صحابها وتقررها

ضحكت منة ومريم بشده فتحدثت شادية وهى تشير للارض / يلا بقى جهزت قاعده محترمة على شرف البت منة

نظرت منة للارض فوجدت حلوى وتسالي كثيره جدا فقالت بفرحه / والله يا شاديه انتي مفيش منك

ضحكت شادية وهى تجلس وهن كذلك فقالت بخبث / نبدأ اللعب بقى

نظرت الفتاتان لبعضهن بتعجب ثم قالت مريم وهى تخلص نظارتها وتمسحها جيدا / لعب ايه

ابتسمت شاديه بخبث شديد فابتلعت مريم ريقها وهى تقول / الستر من عندك يا رب

Rahma Napil 美心

نظر الجميع برعب لجهه ضرب الرصاص وفي ثواني ولم يستوعب احد كانت براءة تخرج المسدس وتطلق به على سيارة ثم ركضت بعيدا عنهم وهى تصرخ بصوت عالي/ فندق المنشي

وفجأه اختفت عن الانظار وخلفها تلك السياره والجميع لم يستوعب بعد هذا المشهد والذي يروه لأول مره ماذا حدث منذ قليل لا أحد يعلم اول من خرج من الصدمه كان سليم حيث ركض للسياره وهو يصرخ بهم / اطلعوا بسرعه نلحقها

نظر الجميع لبعضهم البعض بتعجب وصدمه فصرخ بهم سليم وركض لهم الجميع بينما تحدثت ام فتحي وقد نست ما حدث منذ دقائق /هو فيه إيه انتم طلعتوا مافيا ولا إيه

‏تحدث ادهم وهو ينظر امامه برعب وشادي الذي كانت حالته سيئة وهو يصرخ بسليم بسرعه وكريم الذي مازال بصدمته /اسكتي دلوقتي لو سمحتي

‏نظرت لهم ام فتحي بشفقه لحالتهم بينما سليم يحاول اللحاق بهم

وبراءة كانت تركض في شوارع جانبيه وضيقه لتعيق عليهم اللحاق بها وفجأه وجدت نفسها خرجت لطريق عام فزفرت بضيق ونظرت حولها ولكن سمعت صوت شخص يصرخ خلفها ويضرب رصاص تجاهها فانحنت بسرعه وأخذت تركض في الطريق وهى تقفز من على السيارات والجميع يصرخ بها بينما هى تركض وتنظر خلفها لهذه السيارة والتي توقفت عن إطلاق النار بسبب دخولهم لطريق ملئ بالناس زفرت براءة واخفت مسدسها وهى تنظر خلفها وتسب في نفسها / ناقصه امكم هى

فجأه وجدت سيارة تتجه لها بسرعه كبيره وتتوقف امامها وشخص يفتح لها الباب وهو يقول / اركبي

صعدت براءة بسرعه وهى تتنفس بحده وأخرجت هاتفها وأرسلت رسالة لشادي ثم إعادته ثانيا لجيبها بينما انطلق ذلك الشخص بسرعه كبيره مقتحم الطريق الجانبي وهو يبتعد عن تلك السياره ثم قال ببسمة / لسه فيكي العادة دي يا براءة كل مكان رجلك تدب فيه بتعملي بلوة

نظرت له براءة وهى تتنفس بحده ثم قالت ببسمة ساخره /هى الدنيا كده مبتجيش غير على الغلبان وبس

ابتسم بجانبية ثم قال /بس انا شاكر المصايب دي عشان خلتني اشوفك

نظرت له براءة ببسمة وقالت / وانا مش شاكره ليها خالص عشان خلتني اشوف خلقتك دي تآني

ضحك الشاب بصخب وهو يقول / لسه لسانك طويل

براءة وهى تنظر امامها بتعب وتزفر بضيق / عايز ايه يا مؤنس وعرفت مكاني ازاى

Rahma Napil 美心

نظرت منة للاشياء امامها بغباء شديد وهى تقول / ايه ده

ابتسمت شاديه بحماس شديد وهى تنظر للاشياء التي احضرتها وقالت وهى تشرح لهم اللعبة / دلوقتي قدامكم برطمانين واحد فيه ورق مكتوب فيها الحروف وواحده فيه ورق مكتوب فيه كوبليه من اغنيه ما

ثم مدت يدها واحضرت هاتفها وأخرجت منه شئ وأخذت تعبث به قليلا ثم قالت بمكر وهى تضعه أرضا الفون ده فيه خط جديد ومش متسجل

نظرت بجانبها وهى تمسك زجاجه فارغة وتقول ببسمة خبيثة / هنلف الازازه دي واللي تقف عندها هتسحب ورقة بحرف و ورقة بكوبليه وهتاخد الفون ده وتسجل الاسم الأول عندها اللي بالحرف اللي سحبته واول ما يرد عليها هتغني الكوبليه ده من غير ما تتكلم كلمة بعدين تقفل

نظرت الفتاتان بغباء لها فزفرت شادية بضيق وقالت / مثلا انا سحبت ورقة فيها حرف وطلع حرف العين وسحبت ورقة فيها اى اغنيه همسك تليفوني واجيب اول اسم عندي بحرف العين اللي هو عوض هتصل بعوض بقى واغني ليه مقطع الاغنيه من غير ولا كلمة بعدين هقفل وبس كده اتفقنا

ابتلعت مريم ريقها بتوجس وهى تقول بتردد / طب منلعب الشايب مثلا ولا اى حاجه تانيه غير اللعبه دي ممكن يحصل مشاكل بسببها

ضربتها شادية بخفه وهى تقول / بس يا هبلة احنا نتتسلى بس ها اية رأيك يا بت يا منة

ابتسمت منة باتساع وهى تقول بحماس شديد / موافقة جدا حبيتها آوي آوي

ابتسمت شادية بفرحة ثم أمسكت الزجاجه ونظرت لهم ببسمة خبيثه وهى تقول /جاهزين

ثم قامت بلف الزجاجه التي اخذت تدور بسرعه كبيرة ثم بدأت تبطئ بالتدريج شيئا فشئ وعيون الجميع تدور معها بتركيز كبير جدا حتى توقفت على مريم التي صرخت بفزع وهى تعود للخلف برعب وكأن وحش على وشك الانقضاض عليها بينما صرخت منة أيضا ونهضت بسرعة وهى تظن ان هناك شئ خاطئ بيننا اقترب شادية منها وضربتها بغيظ / انتي هبلة يابنتي هو احنا بنجرب انبوبه وهبت في وشك

ثم نظرت لمنة وهى تقول / وانت كمان يا هبلة تعالي اقعدي انا مش عارفه قاعدة معاكم ليه

نظرت مريم لها وهى تعدل نظارتها وتمرر لسانها على تقويمها بتوتر وقالت / بلاش انا بالله عليكي خليها منة

شادية بهدوء وجدية /معلش يا حبيبتي هخليكي تقولي المقدمة

ثم صرخت بنفاذ صبر / هو أنا بقولك تعالي تعالي قولي الإذاعة المدرسية معانا اخلصي يا مريم بقولك انا هختار ليكي

ثم مدت يدها واختارت ورقه من كل وعاء فنظرت لها مريم بقلق وأخذت الورقة ونظرت لها جيدا وهى ترى اغنيه رومانسيه لمحمد فؤاد فابتلعت ريقها وهى تقول / يارب يطلع حرف السين

ثم فتحت الورقة برعب وهى تغمض عين وتفتح عين حتى صرخت بفزع وهى تقول /حرف الكاف

ابتسمت شادية باستمتاع شديد وهى تقول/ ياترى مين اول اسم عندك بحرف الكاف

نظرت مريم الورقة بصدمه وهى تهمس بدون وهى / مفيش غير كريم عندي بحرف الكاف

اتسعت بسمة شادية وهى تمد يدها بالهاتف وتقول ببسمة ماكرة / ياترى هنسمع كريم اغنيه ايه

لم تخبرها مريم اسم الاغنيه وكادت تكذب عليها ولكن شادية سارعت بنزع الورقة من يدها بعنف ثم نظرت لها ببسمة وقالت / حبيبي يا؟؟؟

فجأه مدت يدها لمريم بالهاتف وهى تقول ببسمة سمجة سجلتلك الرقم عندك يلا بقى يا فنانة ابهرينا

نظرت لها مريم برجاء الا تفعل ذلك ولكن حدجتها سعدية بنظره مليئة بالتوعد فابتلعت ريقها وهى تنظر لهم بتوتر شديد فقالت شادية بملل / ايه يا ختي اشحال انك كروان العمارة انتي واخوكي اللي قرفتونا بالرقة بتاعكم هو يعزف وانتي تغني يلا يا نجمة جات فرصتك تشتغلي دولي وتوري العالم موهبتك

نظرت مريم للهاتف بخوف ووضعت اصبعها على الرقم وفجأه وجدت منة تضغط على زر الاتصال فنظرت لها بصدمه وهى توشك على البكاء وفجأه سمعت صوت كريم الهادئ وهو يقول / الو

Rahma Napil 美心

في السيارة كان سليم يضرب المقود بغضب شديد وتوقف في منطقه بعيده عن منزل ذلك الشاب بعد أن فقد أثر السيارة وبراءة بينما الجميع لا يعي بعد ماذا حدث واى حلم هم فيه حياتهم أصبحت اشبه بأفلام الاكشن

هبط سليم من السيارة بغضب وهو يرجع شعره للخلف بعنف ويصرخ بهياج هبط خلفه الجميع وهم يفكرون في حل حتى سمع شادي صوت رسالة وصلت له من براءة مضمونها هو انها بخير والا يقلقوا وانها في طريقها لفندق المنشي زفر شادي براحه وهو يستند على السيارة ويقول / هى بخير الحمدلله قالت إنها في طريقها للفندق

نزع سليم الهاتف منه وهو يمرر عينه على حروف الرسالة حتى ابتسم براحة /الحمدلله قلبي كان هيقف

نظر له شادي فجأه وصرخ به / تعالى هنا بقى عشان انا سايبك ترزع وتخبط في العربية من بدري

نظر له سليم بصدمه وفي ثواني كان يركض سريعا وهو يضحك وخلفه شادي بينما نظر ادهم لام فتحي وقال لها تعالى معايا

نظر كريم للجميع وهو يقف وحده بجانب السيارة ثم قال بمزاح / بيبي طب وانا وضعي ايه

فجأه سمع صوت رنين هاتفه أخرجه ونظر له بتفكير وهو يرى رقم محجوب يتصل به فكر في عدم الرد ولكن توقف رنين الهاتف ثم عاد يصدح مجددا تردد كريم قبل أن يجيب بصوت هادئ ويقول / الو

مريم من الجهه الأخرى اغمضت عينها وهى تشعر بقلبها يقفز بشده في قفصها الصدري وفجأه لم تشعر بنفسها الا وهى تبدأ الغناء بصوتها الجميل الذي لطالما اثني عليه سليم بينما كان كريم يشعر بخفقاته التي بدأت تعلو بجنون وابتلع ريقه وهو يسمع ذلك الصوت الذي يعرفه جيدا وكيف لا يعرفه وهو صوت من تمثل له الحياة كلها اغمض عينه وهو يستمع لكلامها بعدم تصديق ومشاعر كثيره تكاد تجعله يغشى عليه

بينما مريم لم تشعر بنفسها سوى وهى تغمض عينيها وتبدأ الغناء / دايما في بالي وبعد الليالى.... وحشني يا غالي يا اجمل ملاك.... آه لو تجيلي لبوسك بعيني واطفي حنيني اللي دايب معاك...... انت الجميل اللي لايق عليك الغرام..... وانت اللي عمري ما خلصت في الكلام.... انت فين... حبيبي يا.... يا حلمي انا عشت عمري بتمناه واستناه الفرقة عليا صعبه وازاى يدارى شوقي وانا اعمل ايه لو اغمض عيني واصحى الاقيك هنا في البعد نهاية وانت بقالك سنة يلا وتعالى انا قلبي هيتعب كده انت فين

انهت مريم غنائها وهى تتنفس بعنف بينما منة تنظر لها بتأثر شديد وهى تشعر بكل كلمة تخرجها من فمها وشاديه تبتسم بحنان

بينما كريم كانت حالته صعبه الوصف كان يغمض عينه بشده وهو يقنع نفسه انه يحلم هذا حلم نعم فمريم لن تفعل ذلك أبدا هى لا تحبه من الأساس ولكن عندما استمع لغنائها نسى كل شئ حوله حتى نسى أين هو وبعد أن توقفت مريم عن الغناء تحدث دون وعى وكأن قلبه هو من خرج صوته من كثره تلك المشاعر وقال بصوت محمل بعواطف كثيرة / بحبك

ولكن سمع فجأه صوت إغلاق المكالمه فنظر للهاتف وهو يتنفس بعنف وعدم فهم لما حدث هل كانت مريم حقا نظر

تحدث شادي بعدما اقترب منه وهو يتنفس بصوت مرتفع بسبب الركض /مالك يابني مسهم كده ليه

اقترب سليم وهو يخرج قنينة مياة من السيارة ويتجرعها بشراهه / ماله ده

هز شادي كتفه بعدم فهم بينما نظر لهم كريم بعيون مفتوحه بصدمه وعدم استيعاب مما يحدث ثم تركهم وابتعد عنهم وجلس جانبا واخذ ينظر للهاتف كالمجنون

بينما مريم على الجانب الاخر لم تختلف كليا فقد كانت تنظر للهاتف بصدمه كبيرة هل علم كريم من هى وهل قال لها احبك ام لم يكن يقصدها هى تشعر ان رأسها سينفجر

تحدثت شادية دون الانتباه لحالة مريم / يلا نكمل

ثم أدارت الزجاجه فتوقفت عليها فابتسمت بمتعة وقالت / دوري

Rahma Napil 美心

تحدث ادهم ببسمة وهو ينظر لها / يعني عجبك آوي لدرجه اتمنيتي يكون جوزك

نظرت له بتذمر / الواد حلو وانا بقدر الجمال

هز ادهم رأسه ثم نهض ووقف امامها وقال ببسمة / وانا؟؟؟؟

تحدثت وهى تنظر له بتعجب شديد / وانت ايه؟؟؟

ابتسم ادهم لها بسمة حنونه ثم قال بمشاكسه / قدريني زي ما بتقدري اى شاب تشوفيه قيميني

نظرت له بصدمه من حديثه المفاجئ فقال هو ببسمة / اديني درجه قدريني يا ام فتحي ولا هو أنا خارج التصنيف أساسا

نظرت له ببهوت وهى تحاول أن تخرج من حالتها تلك / مش لاعبه لا

ثم كادت تذهب فوقف امامها واقترب منها وهو ينظر لعينها وقال بهدوء وصوت حنون / قيميني يا ملاكي اديني درجه قدريني زيهم

نظرت في عينه جيدا وقالت بصدق / انت مش زيهم يا ادهم انت غير الكل

ابتسم لها وقال وهو يقترب اكثر / غير الكل ازاى

ابتلعت ريقها وقالت بتخدر / عشان انت الوحيد اللي بشوفه بقلبي مش بعيني

نظر لها ادهم بحب شديد ثم اغمض عينه قليلا وبعدها فتحها وقال بكل ذرة عشق يشعر بها / وانا مش بشوفك بقلبي لان ببساطة انتي قلبي نفسه

فتحت ام فتحي عينها بصدمه كبيرة فاكمل ادهم حديثه بعشق / لو عيلتك رفضتك هتلاقي بيتي وقلبي وحضني مفتوحين ليكي هكون ليكي الدنيا كلها وعيلتك كلها هعوضك اى حد ممكن تفتقديه هعمل كل حاجة واى حاجه بس خليكي معايا خليكي جنبي واوعى تسبيني عشان لو سبتيني انا هموت ومش هستحمل الضربه دي والله هستحمل اى حاجه بس خليكي جنبي

كانت أم فتحي تنظر له بصدمه ودموعها تهبط بشده فنظر لها ادهم وصدره يعلو ويهبط بشده ثم قال بعشق /ملاكي ااااااا

لم يكمل حديثه بسبب صوت شادي الذي نادى بصوت مرتفع علية فاغمض ادهم عيونه بشده ليتحكم في مشاعره ثم فتحها ونظر لها وقال ببسمة / خلينا نمشي يلا

نظرت له قليلا ثم ركضت امامه بسرعه وهى تحاول أن تستوعب وتصدق ما سمعته منذ لحظات

Rahma Napil 美心

تحدثت شادية ببسمة شرير / حرف الفاء واغنيه شمس المجره

ضحكت منة بشده وهى تصفق / اوعى الشعبي بس ياترى مين عندك بحرف الفاء

نظرت شادية للهاتف وهى تقول / ادينا هنشوف

وفجأه انفجرت بالضحك وهى تقول / يخربيت كده يا أخي من بين كل الناس اللي على تليفوني مفيش غيرك انت

تحدثت مريم وهى تحاول الاندماج معهم لتبتعد عن تفكيرها ما حدث / مين؟؟؟

شادية وهى تضحك بشدة / فرج الحاج فرج ابن عمي وكبير البلد

نظرت لها الفتاتان بصدمه وقالت منة / اكيد مش هتعملي كده

غمزت لها شاديه ثم اخذت تضغط على ازرار كثيرة في هاتفها وفجأه صدح صوت رنين الهاتف فانتبهت الفتاتان جيدا وفجأه صدح صوت رجل يبدو كبير في السن وهو يقول بصوت عالي / الووو مين معايا

في قرية بعيده كان يجلس بين كبار عائلات البلد كلهم وهو يحل خلاف بينهم زفر فرج بضيق ثم قال بصوت عالي / يعني هو سرق البجرة بتاعتك ولا سرق الحمار

تحدث احد الرجال / يا عمده اسمعني هو الأول سرق الحمار بتاعي ولما روحت زعقت ليه لقيته كمان واخد البجرة بتاعتي

فرج بتعجب وجدية / يعني انت اخدت بالك ان الحمارة غايبه وما اخدتش بالك ان البجرة غايبه؟؟ ليه كنت بتنام في حضن الحمارة واستغيبتها ولا إيه؟؟؟

ضحك الجميع بشده فضرب فرج بعصاه أرضا وهو يقول / بس منك ليه

ثم نظر لذلك الشاب الاخر وقال بعنف / وانت ازاى تجيلك الجرأه انك تسرق ومش حاجة واحده لا دول آتنين ايه البجاحة دي

تحدث الشاب باندفاع وغباء / والله يا عمده هى البجرة بس

فرج بسخرية / والحمارة اللي لقاها عندك دي ايه؟؟؟شبطت فيك وانت ماشي؟؟؟

تحدث الشاب بتذمر / يا عمده هو اللي اخد الأول الديكين والفرخة بتوعي قال ايه هخليهم يطلعوا كتاكيت وضحك عليا ولقيت امه دبحاهم وطبختهم ليه

نظر فرج للشاب الاخر وقال / وانت تاخد الديكين والفرحة بتوعه ليه بترَضّع إياك

صدحت ضحكات الجميع بشده فقال الشاب بدفاع عنه نفسه / يا عمده دي امي اللي دبحتهم انا خرجت مشوار رجعت لقيتها طبخاهم على الغدا

زفر فرج ثم قال بهدوء مصطنع / وياترى بقى اكلت جنبهم ايه رز وبسلة

الشاب وهو يبتسم بغباء / لا يا عمده الحاجه الله يبارك ليها عملت عليهم صينيه بطاطس في الفرن إنما ايه تستاهل خشمك والله

صرخ الشاب التاني بغضب / آه يا زباله عملت حسن وحسنين وروبي صينيه بطاطس

فرج بسخريه / حسن وحسنين وروبي؟؟؟ يا خويا بركة انه اكلهم وخلصهم من الذل اللي هما فيه

فجأه صرخ الاثنان ببعضهم وعلت الأصوات بشده فصرخ فرج بعنف / بس منك ليه اسمع انت هتروح تجيب ليه البجره بتاعته

قال الشاب الاخر بلهفة / والحمار يا عمده

فرج بضيق / وهاتله الحمار كمان عشان ميسهرش بليل يغني لينا سبت فراغ كبير، وانت تدفعله حق حسن وحسنين والأخت روبي فاهم

كاد احد الشابان يتحدث ولكن قاطع صوتهم صوت رنين هاتف فرج هنظر لهم بغضب وهو ينادي الغفير الذي يقف بجانبه / خد يابني افتح المخروب ده عشان مش بفهم فيه وافتح ليا الصوت العالي عشان مش بسمع كويس

فعل الغفير ما أمره به العمده وفتح المكاملة وايضا المكبر فقال فرج بصوت عالي / الووووو مين معايا

ولم يسمع سوى صوت بدأ في الغناء / اللي عنده جراح تشبهني يتفضل جنبي

كرمش فرج حاجبه بتعجب / الاه هى الست دي بتقول ايه هى مفكره نفسها متصله بالوحدة الصحيه ولا إيه

اكملت شاديه وهى تكمل الغناء / طول عمر الفرحة بتكرهني والطيبة ذنبي

فرج بتأثر / تؤتؤ تؤتؤ يا حول الله يارب

كان الجميع في القاعة يستمع بانتباه لما يحدث فاكملت شاديه / لو بتدور على الإخلاص عمرك هيفوتك واللي تقول ده اعز الناس نفسه يشوف مووووتك

وفجأه صرخت شاديه بصوت حاد جعل فرج يعود للخلف بعنف وهو يلقي الهاتف أرضا / لااااا مش مخلصين لا مش سالكنين ااااااااه دول خوافين في الشدة تلج وساحوا مين يفرحني اليوم مين يشيل الهموم العتاب ملوش لزوم

نظر الجميع لفرج وانفجروا في الضحك بينما بصق فرج على الهاتف / يلا يلعن ابو اللي جابوك يا ابن الكلب ياواطي

اغلقت شادية الهاتف بسرعه وهى تسقط أرضا وتنفجر بالضحك بينما منة تصرخ من كثرة الضحك ومريم تدمع من الضحك فقالت منة وهى لا تستطيع السيطرة على الضحك / ااااااااه همووووووووت

شادية وهى تنفجر بالضحك / مش معقول فرج لسه تافهه زى ما هو لولا انه الولد الوحيد في العيله مكنش هينفع يكون عمدة ابدا ده عنده جنب لو ساب ليه الحرية هيروح يمثل مع أشرف عبدالباقي في مسرح مصر

ضحك الجميع بعنف على حديثها وبعد أن هدئوا تحدث شاديه وهى تقول لمنة / مفضلش غيرك ومن غير ما نلف الازازة اسحبي يلا ورقتين

نظرت لهم منة ببسمة ثم سحبت ورقتين وفتحت اول ورقه وهى تقول / اغنيه على بالي

صفرت شادية بمكر / ايوة بقى يا عم الرومانسي شوفي حرف ايه

فتحت منة الورقة الأخرى وهى تقول / حرف الميم

نظرت لها شادية بحماس وقالت / بسرعه شوفي مين اول اسم بالحرف ده

فتحت منة هاتفها وهى تفكر في الأسماء التي تحتوي على هذا الحرف عندها وعندما رأت ما ظهر لها قلبت عينيها بملل وهى تقول / مستحيل ياربي الا ده

مدت مريم رأسها وقرأت الاسم بتعجب / ماماميا ابن مديحه بتاعة الطعمية؟؟؟؟؟؟

Rahma Napil 美心

تحدث مؤنس وهو ينظر لها ببسمة / عايز سلامتك دايما يا براءة هعوز ايه يعني

ضحكت براءة بشده وهى تضرب كف بكف / اشطا ماشي طب لو سمحت يا سلامه نزلني على جنب

ابتسم مؤنس ببرود على حديثها ثم قام بركن سيارته على جانب الطريق وتوقف ثم قال دون أن ينظر لها / هشوفك تآني؟؟؟؟

نظرت له براءة بنظرات جامدة لا تكشف شئ بداخلها / ادعى انه يكون لا لاني مش عايزه اشوف وشك يا مؤنس

ثم هبطت من السيارة وقالت قبل أن تغلق الباب / آه صحيح شكرا على مساعدتك يا مؤنس مردودة ليك

ثم ضربت الباب بعنف وسارت بعيدا عنه وهى تحاول أن تطرد رؤيته مجددا من رأسها بينما هو نظر لذهابها بغموض وقال ببسمة / مش بمزاجك يا براءة هتشوفيني تآني وتالت ورابع وده مش بمزاجك أبدا استنيت كتير تظهري ومش هضيع الفرصه دي

أنهى حديثه وهو يحمل هاتفه ويجري مكالمه / الو يا شامل...... ايوة انا سافرت الصبح عشان البضاعه اللي كانت في مينا دمياط..... آه خلاص استلمتها وهتتوزع على الفروع بتاعتنا....... منا قولت اجي بنفسي احسن وخصوصا اني بقالي فتره مجتش فرع دمياط عشان كده صحيت الصبح وجيت على طول المهم اسمعني كويس اوي يا شامل انا هغيب هنا فتره خلي بالك من ابوك وساره سامع لو حصل خدش او واحد منهم حصله حاجه يا شامل انا هخليك تشوف الويل انت سامع وخلي فادي يتابع معاك في الشركات بدل ما هو مقضيها سهرات وقرف

انا هقفل دلوقتي بس هقولها تآني ابوك وسارة برقبتك يا شامل

Rahma Napil 美心

خرجت أشرقت من المدرسة التى تعمل بها وهى تسير مع صديقتها وتتحدث إليها فجأه وجدت رأفت ينتظرها امام المدرسه وهو يبتسم لها بسمة قذرة ويشير لها أن تقترب نظرت أشرقت جانبها بخوف ثم قالت لصديقتها / معلش انتي يا نهى روحي وانا عندي مشوار هخلصه واروح

ابتسمت لها نهى وقالت بود / تمام يا حبيبتي عايزه حاجه

هزت أشرقت رأسها برفض وهى ترسم بسمة متجمده وبعدما ذهبت نهى اتجهت سريعا لرأفت وهى تنظر حولها بقلق وبمجرد وصولها قالت بصوت غاضب وحاد / عايز ايه وايه اللي جابك هنا انت اتجننت

تحدث رأفت ببسمة لزجه / عايزك يا شوشو

صدمت من وقاحته وقالت له وهى تحاول تمالك اعصابها بصعوبه / مش قولتلك هقابلك بعد تالت ايام ايه مبتفهمش

تحدث رأفت وهو يقترب منها ويقول بخبث / شكلك مفهمتيش كلامي بقول عايزك مش عايز اقابلك يعني هتجوزك يا أشرقت ودلوقتي هتيجي معايا الماذون والا صورك الحلوة هتكون على تليفون كل شاب في الحارة

Rahma Napil 美心

كان الجميع ينظر لبراءة بشك بينما هى تنظر لهم بحنق

امسك سليم المسدس وقال بسخريه / قولتيلي بقى مسدس لعبة

براءة وهى تبتسم بغباء /اهو هنا بقى تكمن المعجزات الإلهية انا اساسا اشتريته العيد اللي فات من الراجل على اساس انه لعبة وعطاني معاه كيس بِلى كمان وشوف سبحان الله اتفاجات انه بيضرب رصاص بجد

سليم وهو ينظر للمسدس ببسمة مصطنعة / والراجل اللي باعه ليكي ده كان بيبع في وزارة الخارجية ولا إيه

براءة وهى تهز رأسها برفض / لا في سيتي ستار وكان عليه خصم ١٪

تحدث شادي بغضب / انتي بتهزري يا براءة انتي مش مستوعبة اللي حصل ولا إيه فيه عصابه طلعت علينا وضربت نار وكان واضح انها مستقصداكي وانتي بتهزري

زفرت براءة بضيق / يووه منا قولتلكم انهم تبع راجل كان مشيه شمال وبيدخل شحنات مخدرات للبلد ايام مكنت بشتغل في مكتب جمارك في بور سعيد ووقتها بلغت عنهم وبوظت ليهم صفقة كبيرة وحبست الكبير بتاعهم وهما دلوقتي لسه فاكرين يجوا ينتقموا مني

ادهم بتفكير / بس إزاي عرفوا انك هنا

ضحكت براءة بسخريه / يابني دول عصابه كبيرة ومسيطرين على مواني كتير اوي وليهم مقر في كل محافظه مفيش نملة بتدخلها غير لما يعرفوا عنها وأكيد عرفوا اني رجعت تاني بس عموما متخافوش مش هيعملوا حاجه احنا هنمشي من هنا وهكلم اللوا اللي كان ماسك القضيه وهو هيأمني زي الاول

ثم حاولت تغيير الموضوع / المهم قررت ايه هتروح لأهل البنت دي دول شكلهم لبش وعالم معفنه

علم شادي انها تحاول تغيير الموضوع ولكنه لن يصمت فقط يعودوا لبيتهم وسيخبر شاكر لعله يجد حلا لهم

ذمت ام فتحي شفتيها بسخرية /ذوق آوي براءة

ضحك ادهم ثم قال / قصدك ام فتحي

براءة بتعجب وتأثر / يا ضنايا يابنتي هى مخلفه كمان

ادهم وهو يهز رأسه باسف / اممم ارملة وكانت بتجري على يتامى بس تقريبا وهى بتجري اتكفت على وشها

ام فتحي وهى ترفع يدها بالدعاء / يا أخي اتكفيت على وشك في تركة معنفه تكون مفتوحه على صرف صحي ريحته متروحش ولو نقعت نفسك في ياسمين لشهر

نظر لها ادهم بشر ثم قال لها بخفوت / ماشي يا ام فتحي لسه لينا كلام

صمتت ام فتحي بسرعه وهى تنظر جانبا بينما هو ابتسم ثم نظر لهم وقال بجديه / اول حاجه هنعملها هى اننا ندور على كل شئ يخص العيله دي عشان نعرف نتصرف كويس مش عايزين تخاطر ونرجع نندم

ثم اخرج الكارت الذي أخذه من الشاب ووضعه على الطاولة امام كريم وقال بجدية / ودي شغلتك يا كريم عايزك تدور ورا العيله دي سواء ليهم اى شركات او حسابات او غيره وكمان تخلي شاكر يدور عنهم بطريقته

هز كريم رأسه بهدوء شديد ومخيف وحمل الكارت ونظر فيه بشرود

بينما تحدث سليم وهو ينظر لادهم / طب ودلوقتي هنعمل ايه

نظر ادهم لام فتحي بجانبه وقال وهو يتنهد بتعب وخيبة امل / هترجع للقاهرة تآني ولما يجي الوقت هنروح لاسكندرية عشان نشوف اللي هيحصل

Rahma Napil 美心

كان يسير بسيارته وهو يفكر فيها وهو يبتسم بشرود ونظرات غامضه حتى وجد سيارة تقف في منتصف طريقه وقد بدأ الظلام ينتشر وأمام تلك السياره كان يقف بجاكته الأسود وهو ينظر بعيون تظهر جيدا ومظهرها مرعب وهناك بسمة شيطانية ترتسم على شفتيه توقف مؤنس بسيارته وهبط منها وأغلق الباب ثم سار ووقف امامها وانعكس جسده في الأرض بسبب ضوء المصابيح

قال مؤنس ببسمة ساخرة/ اووووووه شوفوا مين اللي منور دمياط اكلت مشبك ولا لسه ياباشا؟؟

لم يجب ذلك الرجل ولكن استمر في نظراته التي بمقدورها أن تبث الرعب في قلب من يراه

تحدث مؤنس وهو يستند على السيارة خلفه ثم ابتسم وهو يقول / بمجرد ما نقرب من سمو الملكة على طول نلاقي الوحش ظهر عشان يحميها بعيد عن اى حد

ابتسم ذلك الرجل ومال برأسه وهو ينظر له ببسمه باردة برود مخيف فضحك مؤنس بشدة وهو يقول / يعني حقيقي نشكر براءة انها عطتني فرصه اقابلك بنفسي

ثم قال بهمس مرعب مبطن بالكره /المقدم زين الدين الهلالي ايامك بقت معدودة

١٥

#روح_ملاكي

#عصابة_الحي

#الخامس_عشر

****** الكلام اللي هقوله خاص باللي اتأثر بقرارات امبارح وزعل منها فلو مش مهتم بالموضوع تقدر تدخل على البارت على طول بس صدقني اقرأ يمكن يفيدك ♥️

كلام كده على السريع بسبب القرارات اللي حصلت امبارح عارفة ناس كتير زعلت وناس حست انها هتضيع بس عايزه اقولكم بصوا بقى للنص المليان ولو مش فيه نص مليان املوه انتم بالأمل يعني بص للخير في كل حاجه لعل الله يجعل بعد ذلك امر ويكون ده خير ليكم من اى جهه والله تفائلوا، ربنا كاتب لكل واحد قدر وهيشوفه لو طال الزمن عشان كده اتفائل،،، وحلويات تالته اعدادي هونوا على نفسكم مفيش شئ يهزكم انتم قدها بإذن الله واعتبروها تدريب لتالته ثانوي بإذن الله وده يعودكم على نظام ثانوية عامه واجتهدوا واللي عنده حلم هياخده من اى طريق حتى لو هيلف انا واحده حلمي ضاع في طب او صيدلة وكان حلمي الثاني هو اللغات وكانت السن صعبه عليا وهيجي قسم مش حلو فاخدت طريق تآني هيوصل لنفس الحلم ودخلت آداب ودخلت أعلى لغه بفضل الله وتدبيره يعني مهما يبعد حلمك اجري وراه لو هتاخد طرق مختلفة ليه بس خليك وراك واقفش فيه بإيدك واسنانك ورجليك كمان، واعرف ان كل شئ خير والله( ولو علمتم الغيب لاخترتم الواقع) ربك قادر يبدل الحال في لحظات اكيد مش هيصعب على رب المعجزات انه يحقق حلمك( ولن يهون على ربك حزنك والله لن يهون عليه حزنك) عشان كده اضحكوا كده وبلاش حزن ونظرة سودة للامور وبلاش استسلام،،، انا عندي حلم هحققه لو كان بيني وبينه بعد المشرق والمغرب عشان لما احققه بعد تعب اقدر وبكل صراحه أقف في وش الكل واصرخ اني وبفضل الله حققتها باصراري وانها كانت الايام ثقال بس بفضل الله عدتها متسمعش لأى تريند على الفيس والناس اللي عماله تصيح وتقول مستقبلنا ضاع وغيره انت تقدر محدش عارف قدراتك غيرك ثق بالله ثم ثق بقدرتك وافتكر كل نقطة عرق وكل تعب تعبه اهلك عشان تكون احسن واحسن

وافتكر دايما كل ما تضيق وتحس نفسك هتضعف ( ونحن أقرب اليه من حبل الوريد)

كل الدعم وكل التوفيق ليكم يا سكاكر 💜

نبدأ البارت بقى وأسفه على الإطالة بس حقيقي لقي ناس كتير زعلت من الموضوع

____________________

۞ إِنَّ إِلَىٰ رَبِّكَ الرُّجْعَ ۞

إهرب حيث شئت لكن لا تنس :" إن إلَى رَبكَ الرجْعَى "

واعمل ما شئت لكن تيقن ، أن هناك كتاباً: " لا يُغَادرُ صَغيرةً ولا كَبيرةً إلا أحْصَاهَا " 🌸

عطروا افواهكم بالصلاة على الحبيب المصطفى 💮♥️

تقدم ذلك المدعو زين من مؤنس قليلا وقال ببسمة صلبة وغريبه وكأنه لا يبتسم / شكل وحشتك ايام زمان يا مؤنس

نظر مؤنس وهو مازال يضع يده في جيبه ثم ابتسم له باستفزاز / يااااه يا زين متعرفش قد ايه بقعد ابكي طول الليل من شوقي ليك

هز زين رأسه ببسمة وفي ثواني ولم يدع حتى مؤنس يستوعب ما يحدث حتى كان مؤنس مسطح أرضا وهو ينزف بشده بسبب ضربه زين الذي كان يقف وكأنه لم يتحرك خطوة واحده

نظر مؤنس بغضب لذلك الذي يشرف عليه ثم نهض وهو يستند على الأرض ومسح الدماء من فمه وانفه وقال باستفزاز شديد وبسمة / ايه يا باشا مش بتعرف تستخدم لسانك ولا إيه على فكره احنا عندنا ايد برضو

لم يجيب عليه زين ولكن امسك رأسه بحده وقربه منه وهمس بفحيح مرعب / اسمع يا روح امك هعيد كلامي تآني ودي آخر مره المح طرفك قريب من براءة تآني هخليك تقول يارتني كنت مرا، براءة بروحك انت وكل كلابك ماشي

ابتسم مؤنس ثم قال بكل هدوء يحسد عليه وهو يبعد يد زين عنه ثم اخرج منديل من جيبه ومسح دمه بكل هدوء وقال / أنا معملتش حاجه لبراءة يا سيادة المقدم ده انا حتى انقذتها يعني تشكرني مش تشوهني بس عموما مقبوله منك ياباشا عارف انك بتعمل ده عشان شغلك بس مش انا اللي تخاف على براءة منه

ابتسم له زين وهز رأسه وقال له بهمس / ماشي يا مؤنس بس قبل ما تعمل حركه تندم عليها افتكر ان روحك في ايدي

ثم ابتعد عنه وغمز له وقال ببسمة مستفزه / اصحي ليغفولك ياباشا

ثم ابتعد زين بكل قوة وهيبه واتجه لسيارته وقادها بسرعه كبيره حتى تجاوز مؤنس الذي نظر لاثره بغضب وصرخ وهو يقول / ماشي يا زين الكلب ماشي عايش دور البلطجي عليا ماشي انا هوريك مؤنس الشريف يا حيوان

ثم صعد لسيارته وقادها بسرعه وهو يتذكر كل ما مر به مع براءة وزين فاغمض عينه وهو يقول / مش بحب أذي حد بس انتم اللي جبرتوني على كده

تحدثت منة بغيظ وهى تنظر للاسم الذي ظهر لها / يعني من بين كل المخلوقات العجيبه اللي ربنا خلقها يطلعلي المخلوق ده

شادية بتعجب وهى تنظر للاسم / مين المخلوق ده

منة بقرف شديد وهى تتذكره هو و والدته / ده كائن رخوي أحتار العلماء في تصنيفه

شادية وهى تهز رأسها بفهم / الله يرحمه الدكتور مصطفى محمود كان بيعرفنا أسرار الكائنات دي عموما مش موضوعنا يلا اتصلي

نظرت لها منة برجاء / اعيد السحب بالله عليك

شادية وهى تنظر لها بغباء / سحب ايه هو آنتي مقدمة في قرعة حج يلا يابنتي اتصلي كلنا خلصنا اخلصي انتي عشان نبدأ المرحلة التانيه

ابتلعت منة ريقها بتذمر وقامت بكتابة الرقم واتصلت به وانتظرت قليلا حتى سمعت صوته المزعج / hello

زفرت منة بضيق وكادت تغلق الخط لولا نظرة شادية التي حذرتها فبدأت منه الغناء وهى تقول / حبيته بيني وبين نفسي ومقولتلوش ع اللي في نفسي معرفش ايه بيحصلي لما بشوف عينه مبقتش عارفه اقوله ايه معرفش ليه خبيت عليه بضعف آوي وانا جنبه وبسلم عليه

ابتسم رامي بتكبر وغرور وعاد بظهره للخلف وهو يضع قدم على قدم ظنا انها معجبه به بينما كانت منة تشعر انها ستتقئ وهى تتخيل انها تغني هذه الكلمات لرامي اللزج / كل حب الدنيا دي في قلبي ليك ده انت اغلى الناس عليا روحي فيك ده ااااا

توقفت منة عن الغناء وهى تغلق الهاتف بسرعه وقرف ثم ألقت الهاتف بعنف وهى تصرخ بقرف / بقولكم ايه خسروني بلاش قرف هاتي المخلل ده عشان هرجع

ضحكت مريم بشده على ملامحها تلك وقالت / ايه يابنتي هو شكله مقرف آوي كده

منة وهى تتناول بعض المخلل/ بالعكس ده وسيم شكلا بس وحش من جوا وطبعه زبالة نوع كده منتشر آوي في المجتمع المخملي ده عليه واحده ماماميا تخليكي تتفي عليه وتجيبي بطنك كلها كلح

بينما رامي من الجهه الأخرى كان ينظر للهاتف ببسمة متكبره ومغتره بنفسه / الواحد مبقاش عارف يعمل ايه في المعجبين المزعجين دول حقيقي قال متصله تغني ليا مفكره كده هتوقعني كان غيرها اشطر ده انا رامي ومش اى واحده تقدر توقعني

ثم نظر للهاتف مجددا وهو يقول / قفلت قبل ما تكمل يمكن مكنتش مصدقه نفسها من الفرحه ولا إيه

ضحكت شادية بشده / ياستي احنا مالنا بيه وبامه ميولعوا هما الاتنين

منة بتذمر وهى تنظر ليدها بشرود / ماما عايزه تجوزني ليه ابن حواري روما اللي شايف كل اللي قدامه قطع زينه عشان يكمل الشكل العام اللي مش موجود أساسا

شادية وهى تشوح بيدها بعدم اهتمام / فكك منهم الأحلام مش بفلوس ياستي

المهم دلوقتي بقى نيجي للجزء الثاني من اللعبة

نظرت الفتاتان لها بقلق وقالت مريم بتوتر / بلاش بلاوي يا شادية انا لسه متعافتش من الاولى

ابتسمت شادية لها ببراءة شديدة / لا متخافيش المرة دي بسيطه جدا

همست منة لمريم برعب / هى كده عادي ولا الروح الشريرة دي تلبستها انهارده بس

تحدثت مريم بنبرة تصطنع فيها البكاء/ ده احنا هيتقل بينا آوي

كانت تجلس على الفراش وهى تنظر امامها وتشعر ان الغرفة تضيق عليها وتكاد تخنقها تشعر ان الزمن توقف أصبحت لا تعلم ماذا يحدث او هل ما عاشته حقيقه ام مجرد كابوس لايريد ان ينتهي

اغمضت عينها بوجع لتسقط دمعه منها ويتبعها دموع اكثر حتى على نحيبها وهى تتذكر ما حدث لها

F. B

أشرقت بصدمه وهى تنظر حولها / يعني إيه مش فاهمه انت بتهزر ولا إيه

رأفت وهو يبتسم لها ببرود / تؤتؤ مش بهزر يا شوشو بتكلم جد وجد جدا كمان هتيجي معايا دلوقتي للمأذون انا جهزت كل حاجه والشهود وكل حاجه ممكن نحتاجها مش ناقص غير وجودك يا عروسه

شعرت أشرقت بقلبها ينبض بفزع وبرعشه خوف تسير في جسدها فكرت ماذا تفعل الآن وفي هذه اللحظه كان سليم اول من يخطر ببالها وهى تهمس باسمه برعب

نظرت له وهى تحاول أن تلهيه قليلا حتى يعود كريم او سليم فقالت بارتعاش / طب بص خليها بكره عشان اجهز حتى نفسيا وارتب نفسي لو سمحت مينفعش يبقى الموضوع فجأه كده

ابتسم لها بسخريه ثم اقترب منها فكتمت أنفاسها بتقزز من قربه فقال لها رأفت / ليه شيفاني اهبل ولا مختوم على قفايا يا ختي انتي هتيجي معايا دلوقتي ورجلك على رجلي ولو مجتيش معايا للمأذون يا أشرقت انا هفضحك انت وامك في الحارة ووريني وقتها الأخ هتلر بتاعك هيعمل ايه

نظرت له أشرقت وهى حاول منع دموعها من السقوط امامه وفكرة الرضوخ له تدور في رأسها اغمضت عينها بوجع وكادت تتحدث حتى وجدت امرأة تهبط فوق رأفت بخفها وهى تسبه بكل ما تعرف من ألفاظ بينما رأفت يصرخ وهو يحاول ابعادها عنه ولكن دون فائدة

صرخت تلك السيدة بحده / بقى يا راجل ياناقص يا عرة الرجاله جاى تهدد البنت وعايز تتجوزها غصب طب والله لكون مخلياك راجع لأمك متحمل على الأكتاف

همست أشرقت بصدمه وهى ترى تلك السيدة / ام علي؟؟؟

بدأت ام علي تصرخ في الشارع وهى تقول / ياللهوي الحقونا يا ناس الراجل الزبالة ده ماشي يعاكسنا وكان عايز يشد شنطتي ويجري

تجمع الناس حولها بينما أشرقت حاولت أن تبتعد عن الانظار وامسك الرجال رأفت واخذوا يحدثوه بعنف حتى وصل الأمر للشجار فشعرت أشرقت بأم علي تسحبها بعيدا وتشير لابنها الذي كان يقف بعيدا وقد جائت لاخذه من المدرسة التي تعمل بها

نظرت أشرقت للسقف وهى تقول / آمنت بيك يارب

كان شادي يقود السيارة بهدوء شديد بسبب ظلام الليل المسجل يذيع إحدى اغاني عبدالحليم القديمه وبراءة تنام على المقعد الأمامي بجانب شادي وهى تفتح فمها وتضرب قدمها بوجهه شادي من وقت لآخر بينما في الخلف كان يسند كريم رأسه على الزجاج وهو يراقب الانوار التي تعبر امام عينه بسرعة كبيرة ويستمع لصوت صرصور الليل والضفادع التي تصنع سيمفونية تكسر من هدوء هذه الليلة بينما سليم كان يضع رأسه على كتف كريم وهو ينام بعمق وبجانبه ادهم الذي ارجع رأسه للخلف ونام أيضا وأم فتحي التي تضع يدها على خدها وهى تنظر للخارج من النافذه كانت الأجواء هادئه بطريقه تحث على السقوط في غيبوبة وليس مجرد النوم

نظرت ام فتحي لكريم بتعجب وهمست بصوت منخفض / هو ماله اللولي بوب يكونش عنده نقص في السكر

ضحكت وهى تقول / دمك عسل يا فواز

ثم نظرت له جيدا ولنظراته للشارع / لا لا لا يا رب مش هيبقى هو وعشيقي في يوم واحد كده كتير القلب هيستحمل ايه ولا ايه اكيد مش بيحب لا هو بس سرحان في مشاكل عادي

تحدثت وهى تلوي فمها/ هو أنا حظي قليل ليه كل ما اكتشف نوع حلويات جديده يتاخد مني إلا الجبنة القديمه دي معششه معايا

ابتسمت وهى تنظر لادهم بنظرات تحمل مشاعر كثيره ثم اقتربت منه وهى تتأمل ملامحه بدقه ولكن فجأه استيقظ الجميع بفزع بسبب المقطع الذي تغير في الاغنيه وجاء مقطع عالي جدا

نظر ادهم لوجه ام فتحي القريب منها بشده فابتلع ريقه وهمس بنبره ناعسة / مش حابة وجود الجبنة القديمه يا ام فتحي طب دي احلى بيئة للدود عشان يعيش فيها ثم قال بسخريه منها /رضينا بالدود والدود مش رضي بينا

فتحت عينها بصدمه فقد ظنته سيقول شئ رومانسى ولكن فجأه استوعبت ما حدث فقالت له بتعجب / انت كنت صاحي

ابتسم لها بسخريه ثم نظر لمن بالسيارة

نظر سليم الذي استيقظ بفزع من صوت المسجل ثم انحنى ببطئ وخلع حذائه والقاه على المسجل بعنف وهو يبصق عليه / عارف ضيعت مستقبل كام عيله دلوقتي لما قطعت لينا الخلف

زفر ادهم بتعب ونعاس وهو يرجع رأسه للخلف مجددا ويتحدث بعدم اهتمام / اقفل الزفت ده يا شادي عايز اتخمد يا حبيبي

أعاد سليم رأسه لكتف كريم وهو يقول بتذمر وصوت عالي ليصل لبراءة / ناقصين احنا مش كفايه تغيير التصنيف بتاعنا من كوميدي لاكشن والبركة في براءة هانم

نظر الجميع لبراءة التي كانت ما تزال تنام بشكل فوضاوي وتفتح فمها

ضحك كريم بخفوت عليها / انت عارف لو العربية انقلبت بينا هتصحى في المستشفى تقول وصلنا ولا لا فمتتعبش نفسك وسيبها نايمه اهو نوم الظالم عبادة

نظر له سليم وضحك بشده / دي جبروت يا أخي قال مسدس لعبة قال

ثم نظر في المرآة لشادي وقال / آدي دقني اهي اما كانت تبع المافيا

شادي وهو ينظر لها ويجدها تنام مثل الأطفال / لا يا عم مش لدرجه مافيا ممكن قطاع طرق او عصابة صغننه كده إنما مافيا ده صعب شوية على براءة

اصدرت براءة صوت عالي أثناء نومها فقال سليم بحنق وهو يغمض عينه / مسمعش اعتراض

نظرت لهم ام فتحي بقلة حيله وهى تقول / أنا كنت بس عايزه اعاكس ايه اللي دخلني في الحوارات دي

نظر لها ادهم ثم أقترب منها وقال بخفوت شديد / خلينا نتفق على حاجه يا ام فتحي

نظرت له بترقب فاكمل ببسمة تحذير /من انهارده ومن اللحظة دي عينك دي متجيش على اي راجل ولسانك الحلو ده ميخرجش بره بقك بجملة غزل واحده الا لو ليا

اتفقنا ياباشا؟؟؟

رفعت حاجبها وقالت باعتراض / احتكار يعني ولا ايه

ابتسم ادهم وغمز لها / ايوة احتكار

لوت ام فتحي شفتيها وكادت تتحدث حتى قاطعهم رنين هاتف سليم الذي تأفف بشده وهو يقول / ولا هنعرف ننام في ام الليله دي

ثم رفع نفسه قليلا وأخرج هاتفه ونظر فيه وهو يفتح عين واحده سرعان ما فتح عيونه بشدة وهو ينتفض بطريقة ارعبت الجميع وجعلتهم ينتبهون له جيدا بينما فتح سليم المكالمة بسرعه كبيرة فسمع صوتها الباكي وهى تقول / سليم انا محتاجالك

نظر شامل لفادي ثم قال بعد صمت طويل / تفتكر مؤنس بيفكر في ايه

هز فادي كتفه بعدم اهتمام ثم قال وهو ينهض / معرفش ومش مهتم هخرج ااااا

قاطع شامل حديثه ببسمة ساخرة / لا يا عسل مؤنس طلب اخدك معايا الشركه عشان تبطل السمحة بتاعتك دي

غضب فادي بشدة وقال / وهو مؤنس هيتحكم في حياتي ولا إيه أنا اعمل اللي انا عايزه ومحدش له عندي حاجه

ضحك شامل بشده ثم نهض واتجه للدرج وهو يقول / ابقى قوله الكلام ده بنفسك يا سبع البورمبة

نظر له فادي وهو يرحل وكان الغضب هو رفيقه الوحيد حاليا فاغمض عينه وهو يهمس بشر / الصبر يا فادي الصبر بكره تخليهم كلهم تحت رجلك زى الكلاب

ثم اتجه لخارج الفيلا بسرعه كبيره وهو يكاد يكسر الأرضية أسفل قدمه من الغضب

بينما اتجه شامل لغرفة اخته الصغيره وطرق الباب فسمع صوتها وهى تقول / ادخل يا ابيه

دخل شامل وهو يبتسم بسخريه وينظر للغرفه ويقول ببرود / اكيد مكنش قصدك ابيه انا مش كده

نهضت سارة بفزع من شامل وقالت / أنا انت فكرت ابيه مؤنس هو اللي بيخبط

هز شامل رأسه ببرود / مفهوم مفهوم عموما مؤنس هيغيب فترة في دمياط عشان عنده شغل وطلب اخلي بالي منك

ثم ضحك بسخريه / أصل مفكرني داده عموما ما علينا انا عايزك تاخدي بالك من ابوكي وكل شويه تروحي تشوفيه عايز حاجه ولا لا عشان انتي عارفه ابوكي مش بيطيقني وممكن لو دخلت عليه يطب ساكت

قالت سارة برعب ولهفة / بعد الشر عليه انا هاخد بالي منه

ابتسم شامل ببرود ثم خرج بينما هى جلست على الفراش بخوف وهى تهمس / ليه يا ابيه بتسبني معاه لوحدنا ده ممكن يقتلني

تحدثت شادية وهى تنظر لمنة / انتي هتباتي معايا مش كده

منة وهي تهز رأسها بايجاب وتنظر للظلام الذي حل / اكيد كده كده انا اتأخرت وبلغت بابا اني هبقى معاكي

شادية ببسمة وسعاده كبيرة / حلو اوي نكمل بقى

ثم أشارت لوعاء امامها يحتوى على ورق وقالت ببسمة ماكرة / البرطمان ده فيه ورق كل ورقه فيه مكتوب فيها تحدي احنا هنسحب الدور حسب السن وكل واحد هيعمل التحدي اللي هيطلع ليه بدون اى اعتراض او تبديل موافقين؟؟؟؟

نظرت مريم برعب الوعاء وهى تقول / انتي متعرفيش تلعبي زي الناس كوتشينه أو ضمنا او حتى كاندي كراش يا شيخه اتقي الله

منة بضحك عالي / بجد مش فاهمه وجهه نظرك في المشاكل دي بحسك بتتغسلي من جوا كده وانتي بتعملي مشكله

ضحكت شاديه وهى تمد يدها وتقلب الورق جيدا / حصل يابنتي بعدين ادينا بنجرب حاجه جديده وبنغامر العمر لحظة استغليها كويس اوي

انهت كلامها وهى تخرج ورقة ما ثم نظرت فيها وابتسمت باتساع وقالت /هنحل المشاكل العائلية

صرخ سليم بشادي وهو يقول / اقف على جنب يا شادي

فزع شادي من صراخه وتوقف فجأه فاصطدمت رأس براءة في مقدمة السيارة ففتحت عينها وهى تنظر حولها بانزعاج ثم مدت يدها وصفعت شادي على رقبته بحده / يا أخي بقى مش شايفني نايمة في امان الله وقفت كده ليه انكد عليك يعني انت والجذم دول

نظر لها شادي بتذمر وهو يقول / اعمل ايه يعني سليم اللي زعق مره واحده فاتفزعت

نظرت براءة لسليم في الخلف وهى تقول / ايه ياسليم حالة ولاده ولا إيه

لم يهتم سليم لسخريتها وفتح الباب بسرعه وهبط ثم ذهب بعيدا فقالت براءة بصوت عالي / ابقى طمنا على البيبي

وضع سليم الهاتف على اذنه بلهفة وخوف من نبرتها وقال بحنان /مالك يا أشرقت حصل ايه

أشرقت ببكاء شديد وشهقات عالية / أنا خايفة آوي امي هتروح فيها يا سليم

علم سليم انها تتحدث عن ذلك الشاب الذي كان خطيبها فقال بهدوء وهو يحاول التحكم فـ اخر ذرات الصبر التي يمتلكها / حصل ايه بس اهدي وفهميني

بكت أشرقت بعنف وهى تقول /جالي عند المدرسة وهددني اني اتجوزه والا هيفضحني في الحارة كلها والله ما عملت حاجه يا سليم ده هو وأمه

سليم بعنف وغضب / اوعي تكوني روحتي معاه يا أشرقت اوعي

تحدثت أشرقت من وسط شهقاتها / لا مروحتش ام علي جات ضربته واااااا

قاطعها سليم وهو يتنفس بهدوء حتى لا يفقد اعصابه معها وقال بهدوء وحنان / اشششش خلاص اهدي انا اسف اني زعقت اهدي خالص بصي يا أشرقت واعملي اللي هقولك عليه انتي هتروحي تنامي دلوقتي وابعدي الموضوع ده عن تفكيرك خالص ولا كأن فيه حاجه انتي بس عليكي تنامي وملكيش دعوه بالباقي

أشرقت بعدم فهم / بس

تنفس سليم بصوت عالي / مبسش يا أشرقت روحي نامي ياقلبي وملكيش دعوه باى حاجه

لم ينتبه سليم بأنه أخطأ ولقبها بلقب محبب أثناء حديثه ولكن أشرقت لم تغفل عن تلك الكلمه وكيف تغفل وقد استقرت هذه الكلمة في منتصف قلبها بكل قوة تحدثت بخفوت وهى لا تعلم ماذا تقول / طيب تصبح على خير وأسفه لو ازعجتك

ابتسم سليم وهو ينظر للنجوم والقمر فوقه وقال بحنان وصوت خافت بشده / وانتي من اهل الخير يا أشرقت

ثم أغلق الهاتف وقال ببسمة أوسع / وأهلي

بينما أشرقت تسطحت على الفراش وهى تتعجب حالها وقد كانت منهارة منذ دقائق

بينما كان كريم ينظر للسماء وهو يفكر في مريم فقط فمنذ تلك المكالمة وهو لا يستطيع أن يفكر في سواها اغمض عينه وهو يتنهد ويهمس بداخله ان الامر انتهى وانها ستصبح له وله فقط فقد وصل لمرحلة لا يمكنه العودة منها الا وهى معه أو ميتا لذا سيحصل عليها ولو اضطر للوقوف في وجه الجميع ولكن في النهاية ستكون له وله هو فقط

نظر ادهم لام فتحي فابتسم وقال بهمس وهو يغمض عينه /مالك سرحانه في إيه

نظرت له وهو مغمض عينه ثم قالت بغموض / تفتكر انا كنت وحشه

فتح ادهم عينه ونظر لها بتعجب فاكملت وهى تنظر من النافذه بحزن / انت سمعت الشاب قال ايه بودانك انهم كانوا مش طايقيني وبيدوروا عليا عشان ينتقموا مني تفتكر اني عملت حاجه وحشه ليهم تخليهم يكرهوني كده

ولا انا هربت ليه أساسا؟؟؟

ثم قالت وكأنها تقنع نفسها / اكيد انا عملت حاجه وحشه ليهم عشان يكرهوني كده، اكيد هما مش وحشين ولا حاجه

تألم ادهم من حديثها ثم اعتدل ونظر لها وجذب يدها ونظر لعينها ببسمة وقال بحنان شديد وكأنه يحدث طفلته / انا يمكن معرفكيش حقيقي ولا عاشرتك في حياتك الطبيعيه بس

صمت وهو ينظر لها بكل ذرة عشق يحملها بداخله / اللي متأكد منه أن ملاكي عمرها ما تكون وحشه، ملاكي عمرها ما هتغلط أبدا تصل بزمتك فيه حد برئ وكيوت كده هيكون وحش

هبطت دموعها ببطء وهى تقول وكأنها طفلة صغيره ترجو والدها ان يخبرها انها ليست سيئة /يعني انا مش وحشه ولا عملت حاجه غلط؟؟؟

هز ادهم رأسه برفض وقال بخفوت وهو يقترب منها اكثر / انتي احلى وأطيب واحن ام فتحي في مصر كلها

ضحكت من بين دموعها فقام هو بمسح دموعها بحنان وقال / ضحكتك ترياق لأى وجع ابتسمي دايما وخليكي دايما سعيده عشاني

نظرت لعينه وقالت ببسمة صادقة / أنا عرفت ليه مطلعتش غير ليك انت لان مكنش ينفع اكون مع حد غير ادهم، ام فتحي مينفعش تكون غير مع ادهم

ابتسم لها ادهم باتساع ثم قال وهو يجذب رأسها من الخلف بمزاح / ولا هتكوني غير لادهم يابت سامعة

ضحكت بشده بينما هو ابتسم لجعلها تنسى حزنها

لاحظ نظرات براءة التى تنظر للخارج بنظرات غريبه ولم تلاحظ حديث ادهم

تحدث ادهم بتعجب / مالك يابراءة

نظرت له براءة من المرآه الامامية وقالت ببسمة وهى تفتح الباب / ها لا مفيش هنزل اشم هوا قبل ما نتحرك

ثم نظرت لشادي وقالت متمشيش وتسبني عارفاك معفن

ضحك شادي عليها وهو يقول /طب والله عوض يقتلني المهم خلصي لحد ما عم سوما العاشق يخلص

هبطت براءة من السيارة واتجهت بعيدا عنهم وهى تنظر حولها حتى لمحت شئ يقف بعيدا فابتسمت بسخرية وقبلت يدها ثم نفخت فيها وكأنها ترسل قبلة لاحد وغمزت فلاحظت اختفاء ذلك الشئ من المكان فضحكت بسخريه وهى تغني وتسير بكل برود / راجع تقولي عايزني دوا سلامات يا هوا على عيني يا ريت..... ده احنا اللي فات دفنينه سوا ولا انت نسيت

ثم ضحكت بصوت مرتفع بينما في الظلام كان يقف وهو يبتسم ببرود اكثر منها ويهمس / راسك دي هيجي يوم واكسرهالك يا براءة ومش بمزاجك نكون سوا او لا

صعد الجميع للسيارة وانطلقوا مجددا في طريقهم وكل منهم مشغول بشئ

أمسكت شادية هاتفها وابتسمت وهى تقول / يلا نبدأ

منة وهى تنظر بحماس للهاتف / هتقولي ايه

شادية بضحك وهى تضرب بعض الأرقام ثم تفتح المكبر / خليها تيجي زي ما تيجي العفوية دايما افضل

ضحكت مريم بيأس على شادية وفورا سمع الجميع الصوت الصادر من الهاتف يقول (مرحبا بكم في البريد المصري للغة العربية اضغط واحد وللانجليزيه اضغ....

ضغطت شادية فورا واحد وهى تنتظر فسمعوا صوت اخر يقول / مرحبا عميلنا العزيز في البريد المصري اذا كنت ترغب في الاستفسار عن حوالتك البريدية اضغط....

لم تكمل فضغطت شادية واحد فصدح الصوت الصوت مجددا /مرحبا بك في خدمه البريد المصري يرجي الانتظار لحين الرد عليكم من احد ممثلينا مع العلم ان هذه المكالمة مسجلة لضمان الجودة

صمت الرد الآلي وبدأت اغنيه لحين اجابه احد الممثلين للبريد

نظرت مريم لشادية بتعجب وهى تقول / دول بيسجلوا المكالمة

ضحكت شادية بشده وهى تقول / اثبت ياض احنا مش بنتهدد

ثواني وتم قطع الاغنيه وصدح صوت رجولي يقول / السلام عليكم اهلا بيكم في البريد المصري معاكم مصطفى يا فندم ممكن الاسم عشان الترحيب

تحدثت شاديه بصوت جعلته يبدو خافت وهادئ قليلا / اهلا يا درش انا اسمي روزيتا قولي يا روز

تحدث الشاب دون أن يهتم لحديثها / اهلا انسه روزيتا اقدر اساعدك إزاي

تحدثت شادية وهى تكتم ضحكتها / ايه يا درش مش قولنا تقولي ياروز ولا انت بتعتبرني غريبة

تحدث العامل / اتفضلي اقدر اساعد حضرتك إزاي

شاديه وهى تحاول أن تكون جدية /في الحقيقه انا عندي مشكله وكنت محتاجه مساعده فيها

تحدث العامل / اتفضلي يا فندم وهحاول اساعدك

تحدثت شادية بتأثر شديد / بقى انا يا درش يا خويا كان نفسي في الأرانب فاتصلت بأختي من البلد وقولتلها تبعتلي كام أرنب كده يعني واعملهم على ملوخية فالمهم عشان مطولش عليك جوزي سمع سيرة الأرانب من هنا وكأنه لبسه ميت عفريت وحلف عليا بالطلاق ما يدخلو البيت وانا حاولت اتصل بأختي اقولها متبعتش دي فيها طلاقي بس الشبكة مش مجمعة يا خويا

مصطفى وهو يقاطعها / حضرك تقدري تتصلي بالشركة التابعة لخطك احنا شركة بريد مش ااا

قاطعته شادية بتذمر / جرا ايه يا درش يا خويا هو أنا لسه خلصت كلامي اهدى لحد ما اخلص بعدين اتكلم المهم كنت فين

تحدث مصطفى وقد بدا على صوته الملل / الشبكة في البلد عن اخت حضرتك مش كويسه

شادية وهى تدعي الصدمه / آيوه صح انت عرفت ازاي هو إنت تعرف اختي ولا إيه

مصطفى بحده خفيفه / حضرتك اللي لسه قايله من شوية

شادية بحنق / طيب يا خويا اهدى على نفسك نسيت المهم حاولت اتصل بيها معرفتش فقولت اتصل بالكشك اللي على أول الشارع يمكن اعرف اوصل ليها حاكم دي فيها طلاقي يا خويا بس برضو معرفتش قعدت افكر اعمل ايه يابت ياروز اعمل ايه يابت يا روزيتا اعمل ايه يا بت ياروز اعمل ايه يا

صرخ مصطفى بغضب / هتعملي ايه في الاخر يعني

شادية بصراخ وحده / واد انت بتزعق فيا لا ده انا ممكن اكتب فيك بوست على الفيس بوك افضحك وافضح الشركة كلها لغاية ما صوابعي تتبري

زفر مصطفى بضيق وقال / أسفين يا انسه روز اتفضلي كملي

اخذت شادية تكمل حديثها وكاد مصطفى يسقط أرضا من الغضب والغيظ / المهم بقى الواد بتاع الكشك ده اخد الاكرامية وهرب من اختي راحت جريت لابويا وقالتله الواد حودة اخد الفلوس و

تحدث مصطفى بنفاذ صبر / ياست روز انا مالي بمغامرات اختك والواد حوده في الحقول لو سمحتي فين المشكلة

شادية وهى تنفخ بضيق / لا شكلك كده مش عايز تشتغل اهو انتم كده يا مصريين مش مخلصين في الشغل وتفضلوا ترفعوا شعارات وغيره و

قاطعها مصطفى برجاء / أنا آسف حقك على امي انا اسف والله أنا عيل اتفضلي ابوس ايدك قولي مشكلتك

زفرت شادية بضيق / على فكره لو كنت صبرت كنت قولتلك المشكلة يا سيدي اني عايزه اسأل إزاي ابعت ليها بريد واقولها متبعتش الأرانب عشان ج

لم تكمل حديثها حتى سمعت صفارة إغلاق الهاتف فنظرت للفتيات وضحكت بشده بينما كانت منة تنظر لها بذهول وهى تقول / انتي كده ازاي ده لا بجد انتي كده ازاي

سقطت مريم أرضا وهى تضحك بشده / حرام عليكي يا شاديه حرام عليكي الواد زمانه استقال

تحدثت شادية بجدية / بس مقاليش برضو ابعت بريد إزاي

انفجر الجميع بالضحك لدقائق عديده حتى هدئوا ونظرت شادية لمنة وقالت بخبث / دورك يا جميل

ثم مدت يدها وسحبت ورقه وفتحتها ونظرت فيها ثم قالت ببسمة واسعة / آه يابنت المحظوظه هتحلي بوقك

دخل عبدالرحيم للمنزل وهو ينظر لساعته ثم فك الكارفات الخاص به بتعب واتجه للدرج ولم يكد يصعد حتى سمع صوت شاهي خلفه وهى تقول / طبعا طول اليوم بره ولا على بالك بنتك اللي خرجت من المغرب ومرجعتش لدلوقتي والله اعلم بتصيع فين

استدار عبدالرحيم بغضب وعلا صوته الحاد وهو يقول / لحد منة وتقفي يا شهيرة بنتي ميت خط أحمر انتي سامعة انا اساسا صابر عليكي عشانها هى واى كلمة في حقها هتشوفي مني وش عمرك ما هتحبي تشوفيه أبدا عشان كده اغزي شيطانك وابعدي عن منة واه على فكره انا عارف كويس اوي بنتي فين ومع مين لأنها مش بتخبي عليا حاجه ابدا يا هانم

ثم صعد الدرج وهو يقول بسخرية لاذعة / اطلعي نامي معلش قلقناكي معانا يا.... يا شاهي هانم

نظرت شهيرة لاثره بغضب وسخرية شديدة / والله عال بقيت قاعده في البيت ومليش اى لازمه ماشي يا منة انا بقى هوريكي كلمة مين اللي هتمشي عليها

توقف شادي بالقرب من استراحة في الطريق وقال بتعب / هنقضي الليله هنا عشان تعبت وكلنا عايزين نرتاح وبكره الصبح هنكمل طريقنا الاستراحه دي شغاله ٢٤ ساعة اللي حابب اى حاجة يقدر يجيبها من هناك واللي حابب يدخل الحمام فيه حمامات برضو عيشوا بقة وسيبوني انام

نظر ادهم لام فتحي وقال بخفوت / تعالي معايا عشان عايز اكل

ابتسمت له وهزت رأسها وهبطت خلفه وكذلك براءة التي هبطت وهى تقول / هروح اغسل وشي وافرفش شوية واجيب شوية اكل لزوم الطريق حد حابب اجيب حاجه معايا

هز الجميع رأسه برفض فابتسمت هى وتقدمت من الاستراحة واتجهت للخلف بعدما استعلمت عن الحمامات وقد كانت خلف الاستراحة في مبنى صغير منعزل عن الاستراحة نفسها ولم تكد تتقدم حتى شعرت بمن يضع يده على فمها ويكبلها ويسحبها بعيدا عن الأعين

بينما في السيارة تمدد كريم وهو يتنهد بتعب ثم قال لسليم / هيجي امتى

نظر له سليم بتعجب فقال كريم بتوضيح / اللي أتقدم لمريم هيجي امتى يتفق معاك

زفر سليم بضيق لأجل صديقه / المفروض اني حددت الميعاد كمان اسبوع على اساس كنا هنطول في دمياط بس بما اني رجعت بدري هتصل بيه خلينا نخلص

ابتلع كريم ريقه وقال له / عايز احضر

رفع سليم حاجبه وابتسم بسخريه فقال كريم / هحضر معاك واقابله معاك

سليم بسخريه /وماله ياضنايا ابقى تعالى احضر

هز كريم رأسه ونظر امامه بشرود ثم همس / مش هسمح يحصل نفس اللي حصل معاك

نظر له سليم بصدمه من حديثه فقال كريم ببسمة / مريم مش هتكون غير مراتي انا يا سليم ولو رفضت هخطفها واتجوزها غصب ومش هخليك تشوفها طول حياتك فاقف معايا عشان محرمكش من اختك وعيال اختك

صرخ به سليم بغضب وهو يحاول خنقة / يا زباااااااااالة

ضحك كريم بصخب بينما شادي كان ينظر لهم ببسمة ثم اغمض عينه وهو يهمس / جايلك يا موني جايلك يا كريم كراميل

خرجت منة من العمارة وهى تسير تجاه قهوه عوض ثم نظرت خلفها بتردد فاشارت لها شاديه التي تقف مع مريم على باب العمارة بالتقدم اكملت منة طريقها حتى وصلت لقهوة عوض ودخلت وهى تنظر حولها بتوتر حتى وصلت لإحدى الطاولات وجلست عليها ثم صفقت بيدها كما اخبرتها شادية فوجدت صبى صغير يتجه لها وهو ينظر بتعجب / نعم يا استاذة اؤمري

تحدثت منة ببسمة / عايزه اكل رز بلبن

نظر الصبى حوله للرجال التي تنظر بانبهار وصدمه لتلك الفاتنة التي دخلت للقهوه خجل الصبى ان يخرجها ولكن قال / بس احنا مش بنعمل رز بلبن انهارده وكمان بليل احنا بنعملها كل تلات و

قاطعته منة بعدم اهتمام / مش مشكلتي انا عايزة اكل رز بلبن يعني عايزه اكل رز بلبن

لم يعلم الصبى ماذا يفعل سوى أن يرضخ لها لترحل بسرعه وينتهي وذهب وبحث في الثلاجه عن اى طبق أرز بلبن وهو يدعي الله ان يجد طبق ولحسن حظه وجد طبقين من الأرز بلبن فابتسم وركض لها وقال / اهو اتفضلي

ابتسمت له منة وأخذت منه الطبق وبدأت تأكل بنهم شديد حتى انتهت منه ثم قالت بتفكير وهى تنظر للطبق / حلو الرز بلبن ده بس ناقصه حاجه

نظر الصبى للطبق بصدمه وهو يقول / افندم ناقصه ايه

منة ببسمة وكأنها اكتشفت شئ/ آه عرفت ناقصه ايه هو ناقصه جوز هند عارف بقى على جوز الهند هتكون قمر

نظر لها بغباء / ايوخ يعني اعمل ايه

تحدثت منه بغضب / يعني تروح تجبلي طبق غير ده لانه مش عجبني وحط عليه جوز هند وعايزه سحلب من غير مكسرات ويكون بارد

تحرك الصبى وهو ينظر لها بغباء ويضرب كف على كف ثم غاب قليلا وعاد بطبق من الأرز بلبن وعليه جوز الهند ومعه كوب من السحلب

نظرت منة للاشياء بتقييم ثم قالت بسخرية / قولت عايزه السحلب يكون بارد

الصبى بنفاذ صبر / يعني اعمل ايه انفخلك فيه

منة بغضب / انت بتزعق ليه خده برده وهاته

حمل الصبى الكوب وذهب وهو ينفث بغضب شديد بينما هى انقضت على طبق الأرز بلبن وأخذت تأكله بنهم شديد وبعد دقائق انتهت منه وقد تعبت بسبب الاكل الكثير وفجأه لمحت الصبى يعود بالكوب وهو يتمتم بغيظ ثم وضعه امامها وهو يقول / اتفضلي يا ست هانم اى أوامر تانيه

نظرت منة له وهى تحاول ان تبتلع ما في فمها وحملت الكوب وشربته بسرعه ثم فجأه نهضت وركضت للخارج وخلفها الصبى الذي اخذ يصرخ بها / خدي هنا يابت انتي يا حرامية خدي هنا

دخلت منة العمارة بسرعه فجذبتها شاديه للبدروم وهى تنظر للشارع والجميع يضحك بعنف على ماحدث بينما كانت ثياب منة قد تلطخت بالسحلب وفمها أيضا

تحدثت مريم بحزن / يا حرام ممكن الواد يتأذي في شغله

ضربتها شادية على رأسها وهى تضحك / انتي هبلة وانا يعني هأذي حد يلا نطلع فوق وهكلم عوض يناديه ويقوله اني انا اللي عملت كده

صعد الجميع للشقه وبالفعل قامت شاديه بمهاتفة عوض وشرحت له كل شئ أغلق عوض الهاتف وهو يضرب كف يكف ويقول / يارب خلي ليا نصيب من اسمي وعوض عليا عوض الصابرين

ثم خرج وهو يبحث عن الصبى ليعود لعمله مجددا

ضحكت شادية والجميع ونظرت شادية لمريم / يلا يا ريمو دورك ياوحش

ابتلعت مريم ريقها برعب وهزت رأسها فامسكت شادية الوعاء وسحبت ورقه والجميع مترقب لما سيحدث سحبت شادية ورقة وفتحتها ثم قالت ببسمة فخر وهى تنظر لمريم بتأثر / واخيرا ستنالين الشهادة

ربتت على كتف مريم التي تنظر لها بغباء / الف مبروك الشهادة يا ابو ربيع

تقدمت منه وهى تمسح فمها جيدا وتنظر للورقه ثم قالت بشفقة وهى تنظر لمريم / سلم على الشهدا اللي معاك سلم على كل اللي هناك

نظرت لهم مريم برعب وقالت وهى تكاد تبكي / فيه إيه هعمل ايه

نظرت لها شاديه بشفقة وهي ترفع في وجهها الورقة التي بها الحكم ففتحت مريم عينها بصدمه وقالت برعب / يا ليلة سودا

شعرت بشخص يجذبها بحده لاحد الازقة الضيقه وهو يكتم فمها جيدا بينما هى فتحت عينها بعنف وفي ثواني رفعت يدها ووضعتها على رقبة ذلك الشخص وجذبت بشدة وكأنها تود اقتلاعها ابتعد ذلك الشخص وهو بقوة وفي ثواني حدث التحام شديد بينهم وكان يصد هجماتها بكل سهولة وكأنه لا يفعل شئ بينما هى رأت برودته في مواجهتها وطريقه وقفته وحركاته فجزت على أسنانها وانطلقت له ودفعته بعنف للحائط وهى تضع يدها على رقبته وتهمس بكل غضب تمتلكه / رجعت ليه تاني ها رجعت ليه تاني بعد ما قولت انك مش هترجع

نظر لها ببسمة وهو ينزع قناعه ويهمس ببسمة مستمتعة / أنا امشي وارجع وقت ما احب يا قلبي بعدين مين قال اني مش هرجع انا امتى قولت كده انا بس قولت اسيبك فترة تفكري زي ما انتي طلبتي

تحدثت براءة بغيظ وسخرية شديدة / سبتني تلات اسابيع والله كتر خير

ضحك بصخب فنظرت لضحكته الرجولية التي لطالما جذبتها كما تجذب النيران الفراشات توقف عن الضحك ونظر لها بهدوء ثم ابتسم وقال / وهو شهر ده شوية يا براءة امتى هترحمي قلبي المسكين وترجعي ليا، طب اقولك هسيبك يوم كمان

دفعته براءة بعيدا وقالت بسخريه / وليه يوم ما كفاية خمس دجايج

نظر زين لها ثم قال ببسمة /لسه فاكره انك دمك خفيف

نظرت له بصدمه مصطنعة وهى تقول / ده عماد مأكدلي

ضحك زين بشده وهو يعود للخلف ثم قال /يابنتي انتي مش هتبطلي عادتك دي

قالت بسخرية / على الاقل حد فينا بيضحك بدل ما انت ابرد من لوح التلج

عاد فجأه لبروده ورفع حاجبه وقال / أنا بارد يا براءة ده مفيش حد شافني على طبيعتي غيرك مفيش حد بضحك من قلبي معاه غيرك مفيش حد من يوم ما وعيت على الدنيا شاف بسمتي غيرك انتي وتقولي في الاخر بارد

اقتربت منه براءة بحنان وقالت / مهى دي المشكله يا زين انك مش عايش حياتك غير معايا حابس الطفل اللي جواك معايا انا ليه متعش طبيعي اضحك يا زين وعيش زى ما انت عايز مع اى حد

نظر زين أرضا وقال بوجع / ما انتي عارفة اللي فيها يا براءة انا بحاول اتعالج والله زى ما وعدتك مفيش غيرك انتي وبابا اللي بعرف اتكلم معاهم كويس الباقي غصب عني بلاقي نفسي مش عارف ابتسم او اني اتكلم عادي زى ما بكلمك كده ببقى ابرد من لوح التلج حتى

زفر بضيق ثم قال بعد صمت دام قليلا / الدكتور قالي ان الموضوع ده بسبب الصدمات اللي اتعرضت ليها من موت امي لخيانة صاحبي اللي ضربتني في الصميم لخيانة خطيبتي مبقتش أصدق حد ولا بقيت اثق في حد كأني خايف ان في يوم اصحى على خيانة جديده لحد ما شوفتك انتي

ابتسم بحنين وهو يقول / بنت مجنونه جات اقتحمت القسم أثناء وجودي عند صاحبي هناك وعماله تزعق وتعمل مشاكل وبعدين البنت دي بقت شاهدة في أكبر قضيه تهريب في مصر وكان لازم لها حماية من غير ما احس روحت للقائد واترجيته انا اللي اكون مسئول عن تأمينك لحد الجلسة رغم انه مش تخصصي بس هو وافق لانه شاف اني هقدر اقوم بالمهمه دي ومن وقتها محستش بنفسي غير وانا بتسحب لتحت وبحبك آكتر واكتر بقيت مجنون براءة تلقائي بدأت أحول العالم بتاعي ليكي بعد ما كان جوايا بدأت اخرج زين الطفل اللي بيضحك معاكي بس انتي عايزة تبعدي عني يا براءة

نظرت له براءة بشفقه ثم اقتربت منه وقالت / منت اللي اخر مرة جيتلك قفشتك مع البت الملونة دي

ابتسم وهو ينظر لها بحنان / بعد ده كله يا براءة تفتكري هبص لبنت تانية البنت دي تبقى بنت شريك بابا وراسمة على جواز وكانت جاية ترمي بلاها ولو انتي اتأخرتي خمس دقايق كمان كنت مسكتها من شعرها وطردتها بنفسي بدل ما انا تعبتك معايا ولميتي علينا الدنيا كلها

ضحكت بخفوت ثم قالت / يعني كنت عايزني ازعل منك يوم بس ولا إيه

تحدث بسخرية لاذعة / لا ازاى تزعلي شهر أو تنين وتتعبيني معاكي يابنت الحلال ما تيجي نكتب ورقتين عرفي واخدك اى حتة نقضي شهر عسل ونرجع تآني ولا من شاف ولا من دري

نظرت له بحاجب مرفوع ثم قالت ببسمة / مش انت خلصت المهمه اللي كانت تعباك

ابتسم وهز رأسه برفض فقالت / طيب غيب شهرين كده وخلص المهمه وابقى تعالى اطلبني ووقتها اكون فكرت

وكادت تمشي لولا زين الذي امسك يدها وهمس لها بعشق واصرار شديد / لسه مخلصناش كلام يا براءة انا مش مطمن وانتي بعيده عني

ثم اقترب منها وهمس بهوس / براءة انا مش عارف اعيش بعيد عنك عارف وعدتك اني هبعد فتره وفعلا طلعت مهمه عشان ابعد بس اول ما رجعت جريت عليكي وبقيت امشي وراكي زى ضلك خايف في لحظة عيني تغفل تضيعي مني

صمت وهو ينظر لعينها ولبسمتها ثم قال / مؤنس كان عايز ايه

ابتسمت له بمشاغبه وهى تقول / وهو سيادة المقدم ميعرفش مؤنس كان عايز ايه

زفر زين بضيق / بس انا عايز اسمع منك يا براءة قولي هو كان عايز ايه بصي سمعيني الحوار بتاعكم بالسنتي عارفة لو كح كحة كحيها وانتي بتحكي

ابتسمت بخبث وقالت / دي غيره؟؟؟

ودون اى مراوغة قال بنظرات عاشقة / آه

نظرت له ببسمة ثم هزت رأسها بيأس وكادت تذهب ولكن سمعت صوته وهو يقول بعشق / كنتي براءة من سجني ومش بعد ما دوقت طعم الحرية هعيش السجن تآني ،الا في حالة لو صدري رفض يستقبل نفس زياده وقتها ووقتها بس هقبل بالسجن وهسيبك تمشي

استدارت له وابتسمت ثم قالت بحنين / لسه فاكر الجملة دي

ابتسم لها وقال / ومش هنساها يا براءة لان دي الحقيقه الوحيده اللي عايش عشانها وهفضل عايش عشانها هى بس حتى لو اتعالجت هتفضلي عالمي وحياتي ودنيتي كلها انا هفضل جنبك دايما يابراءة يمكن انهاردة اتأخرت بس اوعدك مش هتتكرر تآني مفيش حد هيقدر يمسك اطمني انا دايما جنبك لحد ما نعدي ده كله ووقتها هتكوني جنبي طول العمر

أنهى كلامه وهو يتحرك ناحيتها ثم قال وهو يتخطاها بسرعة / استني هنا

نظرت له بتعجب وهو يرحل ثم ابتسمت بيأس عليه وهى تتذكر اول مرة رأته فهى لم تكذب فيما قصته على الجميع هى تعرف هذه العصابة منذ وقت عملها بالجمارك وحينما اكتشفت وجود أعمال غير شرعية ذهبت وابلغت البوليس وتفاجأت بعدها ان هناك عميل مخابرات سيعمل بنفسه على حمايتها حتى انتهاء القضيه ولم تدرك ان ذلك العميل سيكون حمايتها للأبد

عاد زين وهو يحمل حقيبه بلهفة كطفل صغير ثم مد يده لبراءة وهو يقول ببسمة / خدي يا ستي الشيكولاته اللي انتي بتحبيها وكمان عشان محدش يشك في غيابك كل ده

نظرت له براءة وهى تتصنع الكبرياء ثم مدت يدها ونزعت منه الحقيبه بعنف وأخذت تنظر بها ثم قالت / ماشي يا زين المرة دي سماح يابن الهلالي بس المرة الجاية هطين عيشتك انت وهى فاهم

نظر لها زين بحاجب مرفوع /تعرفي أن مفيش حد تجرأ قبل كده انه يكلمني بالطريقه دي

ضحكت بشده وهى تقول / طبعا يا باشا نحن نختلف عن الآخرين عموما متشكرين يا رجولة هردهالك على الجذمة

نظر لها بقرف ثم دفعها / امشي يابت من هنا بدل ما انا اللي هنزل الجذمة دي على دماغك غوري يابت جتك نيله

نظرت له براءة يغيظ ثم قالت / طب على فكره طلعلك شعره بيضه

ثم ركضت سريعا قبل أن يلحق بها بينما هو وضع يده على رأسه واخر هاتفه لينظر به وقال ببرود شديد / لامتى هتفضل تضحك عليا

ثم نظر حيث رحلت وقال بغيظ / شعر ابيض في عينك يا جذمة ده وقار يا غبيه مش شيخوخه ده انا حتى لسه شباب

ثم اخذ يفكر قليلا مع نفسه / هو أنا كام سنة صحيح

هز كتفه بعدم اهتمام / مش مشكلة اكيد مش اكتر من ٢٠ سنة

نظرت له براءة التي كانت تقف بعيدا عنه قليلا / لا يا ضنايا وانت الصادق لسه مسنن من يومين يعني يا دوبك داخل في الشهر العاشر كده

نظر لها ببرود / قصدك ايه

تحدثت وهى ترحل / قصدي انك مش اقل من ٣٥ اما كنتش اكبر كمان

نظر لها وهى ترحل ثم قال / لازم اشوف شهادة الميلاد

ولكن فجأه عادت براءة وهى تضع مسدس في يده وتقول / خد ياباشا مسدسك احنا مش بنشحت

رفع حاجبه وقال / ايه مش عاجبك ولا إيه

قالت بتذمر / لا بس خلصت الرصاص عليهم

ضحك بسخريه / مهو برضو مكنش لازم تضربي ميت رصاصه في الثانية مش فرح هو

لون شفتيها بضيق فاخرج خزنة رصاص أخرى واعطاها لها مع المسدس /خليه احتياطي متعرفيش امتى ممكن تحتاجيه

ضحكت براءة وهى تنظر للمسدس / العيال فكروني مافيا والله

ابتسم واقترب منها بوجهه وهو يقول / تؤتؤ انتي زوجة رجل مهم

نظرت له بسخريه وقالت وهى ترحل للمرة المائة / يعجبني فيك تواضعك

ابتسم وهو يراها ترحل وهمس بحنان / والله ولقيت اللي يخليك تهزر وتضحك ده لو حد شافك كده مش بعيد ينجلط

ثم سار بعيدا وهو يتخفى عن الأوجه مثلما جاء فسمع رنين هاتفه فنظر له بغموض واجاب بكل برود كعادته / نعم...... تمام أنا جاى محدش يلمسهم لحد ما اوصل

ثم نظر للسيارة التي تجلس بها براءة وابتسم وهو يقول / قريب يابراءة قريب ياقلبي

نظر لذلك الرجل الذي كان يرتعش بخوف امامه فصرخ به بعنف / يا غبي كلكم اغبية كلكم انا قولت تضربوا نار ايه قتالين قتله بروح امك انا قولت بس تخوفوها عشان الزفت زين يطلع من جحره

ثم صفعه بعنف / تقوم تضربوا عليهم نار افرض حد انصاب يا حيوان هشتغل قتال قتله على اخر الزمن عشان شوية اغبيه زيكم

تحدث الرجل بخوف / حضرتك قولت نخوفها واحنا اول ما شفناها طالعة مع الشباب من البيت ده قومنا ضربنا نار عشان نخوفهم مش اكتر مكناش هنموت حد بعدين اختفت مرة واحده ولقينا مرة واحده راجل طلع علينا وكأن أسد واتسيب علينا نزل في الرجالة ضرب وهو زى المجنون وملحقناش حتى نهرب لقينا نفسنا متحاصرين وانا هربت بالعافية وجيت

ضحك بسخرية / ما انا اللي اتدخلت عشان انقذها من غبائكم يا زبالة منك ليه

ثم نظر له بغضب و تنفس بعنف وقال بكره شديد / زين الهلالي ماشي يا زين انا وانت والزمن طويل وهوريك ازاى تتحدى مؤنس الشريف......

تكملة الرواية من هنااااااااا

موسوعة القصص والروايات

القائمة الرئيسية

الصفحات

رواية روح ملاكى الفصل 11-12-13-14-15بقلم رحمه نبيل (جميع الفصول كامله)

أخر المواضيع من قسم : روايات حصرية

تعليقات

إرسال تعليق