مجمع الروايات الكامله والحصريه فقط اضغط على اسم الروايه موجوده كامله في موسوعة القصص والروايات جميع الفصول مع البرنس محمد السبكي قصص وروايات كامله يسعدني تواجدكم معنا في المدونه

 

رواية حب بالإجبار الفصل11-12-13-14-15بقلم رنا سليمان (جميع الفصول كامله وحصريه)

رواية حب بالإجبار الفصل11-12-13-14-15بقلم رنا سليمان (جميع الفصول كامله وحصريه)

(١١)

_ابني فين يا خديجة 

_افتكر ان ماما جوبتك علي السوال دا وقالتلك اني اجهضته 

_المفروض اني اصدق اللي ماما قالته دا………ابني فين يا خديجة 

_والله تصدق متصدقش دي مشكلتك مش مشكلتي

_بقولك اية يا خديجة 

_بقولك اية يا ياسين الراجل اللي جوا دا كان هيضحي بحياته علشان يحميني من مراتك اللي حاولت تقتلني بدل المرة اتنين ف انا مش فاضية اقعد اتكلم معاك لازم اكون جمبه واقف معاه لاني السبب في اللي حصله دا……….تصدق بقي متصدقش شيء ميرجعلش عن اذنك

سيبته وكُنت همشي………مسك ايدي جامد وقربني منه

_ انتي مش هتمشي من هنا قبل ما نتكلم وافهم كل حاجة 

_سيب ايدي يا ياسين……….انت اية مبتفهمش……….قولتلك ابني اجهضته زي ما انت طلبت مني ومبقاش في حاجة تخلينا نتكلم مع بعض……….روح ل مراتك وسيبوني في حالي بقي انا هربت منكم وجيت لحد هنا علشان ابعد عن المشاكل جيتوا ورايا تاني ليه كفاية بقي حرام عليكم

سيبته وجريت من قدامه…………حقيقي تعبت ومبقتش عارفة اعمل اية حاولت اني اهرب منهم واعبد عرفوا مكاني وجم ورايا مبقتش عارفة اعمل اية كان ممكن اهرب ب يزن تاني واهروح لمكان ابعد من هنا بس معتز وصل للحالة دي بسببي وفي نفس الوقت مامته مش موافقه علي وجودي معاه………مبقتش عارفة اعمل واتصرف ازاي

دخلت الاوضه وقفلت الباب وقربت منه………..بدات اتكلم بهدوء 

_معتز انا موافقه اني اتجوزك بس عندي شرط واحد

_وانا موافق من قبل ما اسمع الشرط دا 

_لا مهم انك تسمعه مع اني واثقة انك هتوافق عليه 

_قولي يا خديجة 

_عايزة الناس كلها تعرف ان يزن ابنك انت مش ابني انا 

_موافق بس لية

_ياسين جاي وناوي علي انه ياخذ مني يزن ماما قالتله اني اجهضته علشان يبعد عني وينسي الموضوع دا بس هو مصدقش ومقتنع اني معملتش كدة وانا خايفه لو عرف ان يزن ابنه ياخذه مني

_بس المفروض ان حقه انه يعرف حتي بيه يا خديجة 

_لا يا معتز مش من حقه………الكلام دا لو كان سأل عنه ايام حَملي ولا حتي كان عايزه……….لكن دا كان رفض اني اكمل الحَمل حتي وطلب مني كذا مرة اني انزله جاي دلوقتي يسأل عنه ويعاتبني! مش من حقه ابدا يعمل كدة او حتي يسال عنه

_عندك حق وانا موافق علي شرطك دا

_تمام يبقي انا كمان موافقة علي جوازنا 

_خديجة

_نعم يا معتز

_هو انتي عايزة تتجوزيني علشان بتحبيني ولا علشان 

_علشان اية 

_علشان صعبان عليكي بعد اللي حصل دا

_لا يا معتز علشان بحبك ……….بحبك ومن زمان كمان بس كُنت خايفة اني اعترف بمشاعري ليك او ابين ليك مشاعري تكون زي ياسين بس دلوقتي لما كُنت هتضحي بحياتك علشاني اتاكدت انك مش زيه ولا عُمرك هتكون زيه ابدا………..علشان كدة وافقت يا معتز

_وانا اوعدك اني عُمري ما هكون زيه وهعمل كل اللي اقدر عليه علشان اخليكي انتي ويزن مبسوطين 

ابتسمت وفضلت ساكتة مسك ايديها وباسها

"ياسمين "

_يعني اية هي كويسة انا مش قولتلك تخلص عليها وتريحنا منها

_اعمل اية قولتلك واحد وقف قدامها والرصاصة جات في هو وحماها كُنتي عايزاني اتصرف ازاي 

_غبي انا اللي غلطانه اني اعتمدت عليك

قفلت في وشه السكه ورميت التلفون علي اقرب كرسي قدامي ………مسحت علي وشي بعصبية……….الباب خبط قربت منه وفتحت الباب لقيت واحدة اول مرة اشوفها

_اهلا وسهلا  

_اهلا بيكي………انا راندا خالد

_اهلا ب حضرتك 

_انا مرات معتز عبد الرحمن اللي انتي بعتي واحد يقتله

_نعم!………. هو حضرتك جاية تهزري هنا 

_وانا ههزر في حاجة زي دي لية…………انا جوزي اتضرب بالنار من الراجل بتاعك اللي بعتيه يقتل السكرتيره بتاعت معتز

_انا اسفه جدا بس انا معرفش حاجة عن اللي حضرتك بتتكلمي عنه

كُنت هقفل الباب زقته ب ايديها وطلعت من شنطتها صور ومد ايديها بيهم

_وبالنسبة للصور دي اللي حضرتك متصورة بيها مع الشخص اللي ضرب نار علي جوزي وانتي بتديله الفلوس

اخدت منها الصور وفضلت ساكته ومش عارفة اتكلم اقول اية……….دخلت وقفلت الباب وراها وبدات تتكلم بهدوء 

_متقلقيش انا وانتي هدفنا واحد………..احنا الاتنين عايزين نخلص من السكرتيرة بتاعت معتز ولما نكون احنا الاتنين مع بعض هنقدر نبعد السكرتيرة دي عن طريقنا احنا الاتنين………..انا جاية هنا علشان اساعدك وانتي كمان تساعديني مش علشان اذيكي صدقيني

فضلت باصة ليها وساكته ومش عارفة اقولها ايه………شاورتلها انها تدخل ودخلت وراها وقفلت الباب

"خديجة"

روحت البيت لقيت ماما قاعدة بتتفرج على التلفزيون قربت منها وقعدت جمبها

_مساء الخير يا ماما

_مساء النور يا حبيبتي 

_ثانية واحدة هعمل الغدا

_لا يا ماما اقعدي انا مش جعانة انا عايزة اتكلم معاكي في موضوع 

_موضوع اية يا حبيبتي 

_هو يزن فين 

_قعدنا نلعب شوية لقيته بينام وهو قاعد ف دخلته ينام

_طيب كويس

_قوليلي بقي عايزاني في اية

_ياسين جالي المستشفى وانا وهو اتخانقنا ومكنش مصدق اني مكملتش حَملي

_وقولتيله اية يا حبيبتي 

_قولتله نفس الكلام اللي قولتيلي اقوله قولتله انه اجهضته وقعدت ازعق معاه وسيبته ومشيت 

_انا مش عارفة هما هيفضلوا وراكي لحد امتي مش كفاية اللي حصلك بسببهم 

_مش عارفة يا ماما انا تعبت بجد من كل اللي بيحصل دا

الباب خبط قربت منه وفتحت لقيته في وشي………بدات اتكلم بخوف 

_ياسين!………انت عرفت مكاني منين

…….يتبع……….

(١٢)

_جاي عايز اية يا ياسين 

_عايز ابني 

_هو احنا مش هنخلص من الحوار دا قولتلك انه مات خلاص 

_وانا قولتلك اني مش مصدقك وعارف كويس اوي ان ابني عايش ف لو سمحتي قوليلي هو فين يا خديجة 

_وانا هكذب عليك لية في حاجة زي دي ………..وبعدين حتي لو انا بكذب انت ليك عين تسال عنه بعدين ما طلبت بنفسك اني اقتله

_كُنت غبي يا خديجة ……..كُنت غبي ومكنتش فاهم اني اللي بعمله دا غلط واني هندم عليه……….خديجة انا عارف ومتاكد ان ابننا عايش قوليلي بس هو فين عايز اشوفه ولو لمرة واحدة

_اطلع برا يا ياسين 

_خديجة انا

_اطلع برا………..كفاية لحد كدة انا والله تعبت ………..حرام عليكم سيبوني في حالي انتو اية مبتتعبوش انت ومراتك من اللي بتعملوه فيا………..ابعدوا عني وسبوني اعيش حياتي في هدوء بقي……….ارجوك يا ياسين ابعد عن حياتي وسيبني في حالي انت ومراتك………كفاية اللي حصلي وحصل لمعتز بسببكم

_حاضر يا خديجة انا همشي دلوقتي………..بس قبل ما امشي انتي لازم تعرفي اني فعلا ندمان علي كل اللي عملته معاكي زمان وعرفت قيمتك بعد ما سيبتيني ومشيتي وعرفت اني غلطت لما اختارت ياسمين وسيبتك……….عارف ان كلامي دا مش هيغير حاجة في قرارك بس انا هفضل هنا وهطلق ياسمين وهفضل موجود علي امل انك تغيري رايك وتيجي وتقوليلي ابني فين لاني واثق ومتاكد انه عايش ومماتش لانك عُمرك ما تعملي كدة يا خديجة……….بعد اذنك

خرج من البيت وقفل الباب وراه قعدت علي اقرب كرسي قدامي …………حطيت ايدي علي وشي وبدات اعيط وانا مش عارفه اتصرف ازاي………..افضل مكمله في كذبتي عليه واني قتلت ابنه فعلا ولا اقوله الحقيقة واندم بعدها لاني واثقه ومتأكدة انه لو عرف الحقيقة مش هيسيب يزن وهياخده مني ب اي ثمن………حقيقي انا تعبت من كُتر التفكير واني كل شوية بهرب من حاجة نفسي اعيش حياتي في هدوء وابعد عن كل التوتر دا………..خرجت من الاوضة وجات قعدت جمبي ……….اترميت في حضنها وبدات اتكلم من وسط عياطي

_لحد امتي يا ماما هفضل اهرب منه ومن ياسمين……….انا تعبت ومبقتش قادرة افكر حتي ……….انا مش عارفة اللي بعمله دا صح ولا غلط ………..خايفه اكون بعمل حاجة غلط لما اكون بحرمه من يزن وانه يشوفه حتي

_لا يا حبيبتي انتي مغلطتيش اللي عملتيه دا كان عين العقل ………..ياسين رماكي لما كُنتي حامل وراح اتجوز ومسالش فيكي ………خمس سنين وانتي عايشة لوحدك بتحاول تعيشي ابنك عيشة كويسة واشتغلتي وتعبتي علشان توافري لابنك حياة كويسة وهو ساعتها كان عايش حياته مع مراته ومفكرش انه يسال عليكي حتي……..اللي عملتيه دا كان الصح واللي كان لازم يحصل ……….يزن مينفعش يكون مع ياسين لان وجوده معاه هيكون بيدمر حياته ومش صح انه يكون مع حد غيرك يا حبيبتي 

هزيت راسي وفضلت ساكته ………اخدتني في حضنها وبدات تطبطب عليا

"معتز"

_انا مستحيل اوافق علي الجوازة دي يا معتز……….انت لا يمكن تتجوز اللي اسمها خديجة دي

_بس انا مش باخد رايك يا ماما انا بقولك قراري اللي انا اخدته 

_وانا مش موافقة يا معتز……….انت ناسي انها السبب في إللي حصلك دا وانك كُنت هتموت بسببها

_لا مش ناسي بس حضرتك اللي ناسيه انها كان ممكن تموت ولولا اللي عملته انا كانت ماتت

_ف تقوم مضحي بحياتك وتوصل للحالة دي علشان حضرتك متموتش مش كدة

_ايوه يا امي كدة دا اللي كان لازم يحصل واللي عملته دا هو الصح

_بقولك اية يا معتز انا اللي عندي قولته يا تنسي موضوع جوازك من اللي اسمها خديجة دي يا تنسي ان ليك ام 

_انا اسف يا امي بس انا بحب خديجة وهتجوزها وبعدين حضرتك ناسيه اللي حصل لما سمعت كلامك واتجوزت راندا اللي عُمرها ما حبتها حصل اية………وانا بصراحة مش مُستعد ان دا يتكرر تاني مع واحدة تانيه ………..انا بحب خديجة وهي كمان بتحبني وانا وهي هنتجوز مهما حصل

_ماشي يا معتز بس خليك فاكر انك اختارتها هي ومختارتش امك

سابتنا وخرجت من الاوضه……….اتنهدت وبصيت قدامي بتعب ………قربت مني وبدات تتكلم بهدوء 

_مكنش ينفع اللي عملته دا يا معتز……….كُنت قاسي معاها اوي

_عايزاني اعمل اية يا روفيدة هي اللي مش عايزة تقتنع اني بحب خديجة وعايزها تكون معايا ومش عايز غيرها

_فاهمة بس انت طريقتك معاها كانت صعبة كان ممكن تقنعها بطريقة تانية يا حبيبي 

_مش عارف بقي يا روفيدة اهو دا اللي حصل

_انا هروح اندها وانت حاول تصلحها علشان خاطري

هزيت راسي ب ماشي………..خرجت مو الاوضة ……….رجعت راسي لورا بتعب وانا مش عارف اعمل اية واتصرف ازاي……….اتبعتللي رسالة………مسكت التلفون وفتحتها لقيت مكتوب فيها

"حاولت أحل المشكلة اللي بينا بكل الطرق بس انت موافقتش ب اي حل من الحلول ومبقاش قدامي غير حل واحد……….انا دلوقتي عندها في البيت وهحاول معاها وواثقة انها هتفهم انها طرف ثالث بينا وهتخرج من حياتنا وساعتها انت هترجعلي يا حبيبي "

فضلت باصص للتلفون بصدمة ومش عارف اعمل اية ولا اتصرف ازاي……..كُنت خايف انها تعمل اللي في دماغها واخسر خديجة الانسانة الوحيدة اللي حبيتها بجد

"ياسمين "

بعتلي ورقة طلاقي لحد البيت علشان خاطرها هي ………..كان عايز يخرجني من حياته علشان تكون هي اللي معاه …………المرة دي لازم اخلص منها ب اي طريقة……….اخدت التلفون من علي الكنبة واتصلت بيه بعصبية اول ما فتح بدات اتكلم بعصبية 

_اسمعني كويس المرة اللي فاتت مقدرتش تعمل اللي اتفقنا عليه و الرصاصة جات في شخص ملهوش ذنب ……….قدامك ساعتين وتنفذ وخبرها يكون عندي غير كدة صدقني انا اللي هندمك وهاخد روحك ب ايدي

قفلت في وشه ورميت التلفون بعصبية علي الارض

"خديجة "

كُنا بنتفرج علي التلفزيون والباب خبط………قومت من مكاني وفتحت الباب لقيتها في وشي 

_مساء الخير

_مساء النور……….اهلا وسهلا

_طبعا انتي مش عرفاني مش كدة

_معلش مش واخدة بالي مين حضرتك 

_انا راندا ……….مرات معتز خطيبك 

_افندم………مراته ازاي يعني

…….يتبع……….

(١٣)

_انت فعلا لسة متجوزها يا معتز

_صدقيني يا خديجة كُنت هقولك

_كُنت هتقولي...........امتي بعد ما نتجوز ولا امتي

_خوفت يا خديجة اني اقولك تبعدي وترفضي حُبي ليكي 

_وانا لما اعرف دلوقتي مش هعمل كدة...........ازاي قدرت تضحك عليا عليا المدة دي كلها ...........بس عارف الغلط مش عندك انت الغلط عندي انا...........انا اللي فكرت انك غير ياسين وبتحبني بجد وعمرك ما هتكذب عليا 

_بس انا بحبك يا خديجة وبحبك اكتر من اي حاجة في حياتي ومُستعد اعمل اي حاجة علشانك 

_لو فعلا كُنت بتحبني مكنتش هتكذب عليا يا معتز ولا تخبي عليا جوازك منها لحد دلوقتي..........استقالتي هتوصلك بكرا علي مكتبك ومن انهاردة مش هتشوفني تاني ولا هتعرف مكاني

_لا يا خديجة ...........انا مش هستحمل بُعدك عني دا ابدا...........ارجوكي خليكي جمبي وانا اوعدك هطلق راندا انهاردة 

_مبقاش ينفع..........لو فعلا كُنت بتحبني مكنتش هتخبي عليا حاجة زي دي يا معتز.........وبعدين مش انا اللي اتجوز واحد واخده من مراته عن اذنك

سيبته وخرجت من الاوضة...........قعدت علي اقرب كُرسي لقيته اتنهدت بحُزن وبدات اعيط..........حد طبطب علي كتفي بصيت علي الشخص دا ولقيتها واقفة..........قعدت جمبي وبدات تتكلم بهدوء 

_معتز عمره في حياته ما حب حد قد ما حبك يا خديجة 

_لو كان بيحبني فعلا مكنش خبي عليا انه لسه متجوزها يا روفيدة

_كان غصب عنه يا خديجة صدقيني هو عمل كدة علشان بيحبك ومان خايف تبعدي عنه وانتي اصلا كُنتي رافضة الموضوع من قبل ما تعرفي..........هو عُمره ما حبها ولا هيحبها في يوم هو مطلقهاش علشان عرف انها حامل 

_حتي لو كدة يا روفيدة مبقاش ينفع تكون مع بعض.........الاحسن يكون معاها هي مش معايا انا دا الاحسن ليه وليها هي كمان ..........انا اكتر واحدة عارفة ازاي ان واحدة تربي ابنها لوحدها من غير راجل وعارفة قد اية الموضوع دا صعب ولازم معتز يكون معاها علشان ابنهم يتربي كويس بينهم

_ايوة يا خديجة بس هو بيحبك انتي مش بيحبها هي

_مبقاش ينفع دلوقتي يا روفيدة..........قوليله ينساني ويكمل حياته معاها..........لاني مش هقبل اكون معاه حتي لو طلقها لاني مش هبني سعادتي  علي حزنها هي

سيبتها ومشيت من غير ما اسمع رد منها ...........روحت البيت وانا تعبانة ومش مصدقة كل اللي بيحصل دا..........مش عارفة لية كل ما افرح تحصل حاجة تبوظ فرحتي حقيقي انا تعبت من كتر المشاكل اللي بتحصلي ومش عارفة اعمل اية حقيقي وتعبت..........روحت البيت ولقيتهم نايمين هما الاتنين..........قعدت علي الكرسي ومسكت دماغي بتعب...........كان فيه مليون حاجة في دماغي وافكار كتيرة ومش عارفة اعمل اية 

"معتز"

_مشيت يا روفيدة 

_ايوه 

_كلمتيها...........قولي انك حاولتي تقنعيها

_للاسف معرفتش يا معتز..........مصممة علي قرارها وقالت انها مش هترجعلك ولا هتكون معاك حتي لو طلقت راندا ..........حاولت اتكلم معاها واقنعها انك بتحبها بس هي مشيت من غير ما تسمع مني حتي

_انا حقيقي مش عارف اعمل اية يا روفيدة انا والله بحبها ومبحبش غيرها...........عارف اني غلطت لما خبيت عليها جوازي من راندا واني مطلقتهاش بس اعمل اية...........مكنش قدامي حل غير اني اعمل كدة.........كُنت خايف لو طلقتها تاخد ابني وتهرب بيه ومعرفش حاجة عنه بس انا والله يا روفيدة كُنت هطلقها اول ما تولد واخد ابني منها

_عارفة يا حبيبي ..........متقلقش انا هحاول اتكلم معاها واقنعها انك بتحبها وافهمها كل حاجة وان شاء الله هترجعلك 

هزيت راسي ب ماشي وبصيت قدامي ...........كان نفسي اروح ليها دلوقتي ومسيبهاش غير لما تسامحيني وافهمها كل حاجة بس مش قادر اعمل كدة...........انا فعلا بحبها وندمان اني خبيت عليها بس انا عملت كدة علشان واثق انها هترفض تكون معايا لو قولتلها او حكيتلها .............نفسي بس اقعد معاها واحاول اقنعها وساعتها هعمل كل اللي هي عايزاه وعُمري ما هخبي عنها حاجة تاني

"ياسين "

_انتي اية اللي جابك هنا

_اية مش طايق انك تشوف وشي حتي يا ياسين...........نسيت زمان لما كُنت ليل نهار بتكلمني وبتحب فيا دلوقتي مبقتش قادر تقف معايا خمس دقايق علي بعض 

_بقولك اية يا ياسمين انا مش قادر اتكلم ولا اتناقش معاكي عايزة اية وجاية هنا تعملي اية

_جاية علشان اعرف انت طلقتني لية يا ياسين 

_مبقتش طايق اني اعيش معاكي...........وعرفت غلطتي وطلقتك لما عرفتها 

_بتسمي جوازنا غلطة يا ياسين............بعد الحُب اللي كان بينا دا كله حاي تسمي جوازنا غلطة وكل دا علشان اية علشان حبيبة القلب بتاعتك ظهرت من تاني وجاية تدمر حياتنا.............اوعي تكون فاكر اني هعمل زيها واخرج من حياتكم واسيبكم تعيشوا حياتكم تبقي غلطان يا ياسين انا عُمري ما هعمل كدة انا اموتك واموتها هي كمان وعمري ما اسيبكم تعيشوا مبسوطين وانا واقفة من بعيد اتفرج عليكم واعيط زيي زيها ...........لو فاكر اني هسكت تبقي غلطان وزي ما حاولت اني اموتها واللي اتاذي خطيبها هحاول مرة تانية والمرة دي هموتها وساعتها هتعيط باقي حياتك عليها

قربت منها ومسكت ايديها بعصبية 

_لو فكرتي تأذيها ولا تقربي منها تاني انتي اللي هتموتي مش هي ..........فاهمني طبعا...........ويا ريت تمشي ومشوفش وشك تاني لاني صدقيني لو شوف وشك تاني هتندمي 

زقتها بعيد عني بدات تعلي صوتها وتتكلم 

_ماشي يا ياسين انا همشي دلوقتي بس صدقني انت اللي هتندم علي كل اللي بتعمله دا

مشيت ..........فضلت باصص عليها بعصبية..........تلفوني رد طلعته من جيبي وبصيت فيه..........مان رقم غريب رديت وبدات اتكلم بهدوء 

_الو 

_ايوه يا ياسين انا خديجة 

_خديجة

_ياسين انا كُنت عايزة اتكلم معاك في موضوع مهم ولازم نتقابل ضروري

........بتبع......

"١٤"

_اللي بتفكري فيه دا غلط يا خديجة وهتندمي عليه

_معنديش خل غير كدة يا ماما…….انا غلطت من الاول لما خبيت عليه 

_يا حبيبتي الكلام دا لو كان ياسين يستاهل انه يكون اب او كُنا احنا ظالمينه انت كدة بتدمر حياتك وحياة ابنك

_عايزاني اعمل اية يعني يا ماما……….انا والله العظيم تعبت ومبقتش عارفة اعمل اية……….انا كل ما باخد خطوة في حياتي واقول اني خلاص حياتي هتبقي احسن وكويسة الاقيني برجع الف خطوة لورا وحياتي بتدمر اكتر من الاول……….قوليلي اعمل اية وانا هعمله

_انتي فضلتي متجوزة من ياسين فترة مش صغيرة وكذا مرة غلط في حقك وانتي سامحتيه لانك كُنت فاكرة انك بتحبيه وفضلتي معاه وانتي واثقة ومتاكدة انه بيحب واحدة غيرك وكُنتي بتشوفيه نازل ليها وقاعد معاها طول الوقت وكُنتي مستحملة كل دا مع انه مش بيحبك اصلا………..استحملتي كل دا وجاية علي غلطة واحدة من اكتر واحد حبك وترفضي انك تكمليه معاه من غير حتي ما تسمعي منه هو عمل كدة ليه يبقي بتظلميه

_وانا لما عملت كدة مع ياسين هو عملي اية……….مش طلقني ورماني ومسألش فيا حتي اذا كُنت كويسة ولا لا…………يا ماما انا اللي عملته دا مش انانية مني بالعكس انا خايفه علي مصلحة راندا وابنها اللي لسة مجاش علي الدنيا هي لما جاتلي هنا وحكتلي كل حاجة انا روحت وقولت ل معتز اني هخرج من حياته علشان يكمل معاها وابنهم يتربي بينهم وميعيش مع واحد فيهم من غير التاني زي ما يزن عاش معايا من غير ياسين وهقول لياسين علي يزن علشان عايزة اكون زي اي اب وام عاقلين اطلقوا بس بيتعاملوا كويس علشان خاطر ابنهم 

_وانتي فاكرة ان ياسين عاقل زي ما بتقولي………تبقي غلطانة يا خديجة…………ياسين دا ابني وانا عارفاه كويس دا واحد رمي مراته علشان بيحب واحدة تانية ولما زهق منها رماها هي كمان وعايز يرجعلك ولو رجعتيله هيرميكي تاني وهيرمي يزن معاكي……….يا حبيبتي انا خايفه عليكي وعلي اللي ممكن يعمله فيكي لو عرف ب يزن ………..لاخر مرة يا خديجة بقولك فكري قبل ما تاخدي قرارك 

فضلت باصة عليها وساكتة وانا مش قادرة افكر ولا عارفة اخد قرار دماغي كانت واققة عن التفكير………..واقفه قدام اصعب قرارين ممكن اخدهم في حياتي ومش قادرة اختار القرار الصح ……….فكرت اني ارجع ل ياسين علشان خاطر يزن بس انا مبقتش احبه وعُمري ما هنسي اللي عمله فيا زمان بس افتكر ان دا القرار الصح اللي ممكن اخده علشان يزن مش علشاني وفي نفس الوقت لو رجعت ل معتز واتجوزته وطلق مراته يبقي هي هتعيش نفس اللي انا عيشته طول الخمس سنين اللي فاتت مع يزن وتربيتها ليه هتكون صعبة……….انا بجد مش عارفة اعمل اية وخايفة اخد قرار اندم عليه باقي حياتي فضلت قاعدة في مكاني وقاعدة بفكر ومش لاقيه حل

"معتز"

_انا مش عارفة انت زعلان عليها اوي كدة ليه……….مش كفاية اللي عملته فيك

_انتي تسكتي خالص ………..كل اللي انا فيه دا بسببك انتي………..هو انتي فاكرة انك لما تروحلها وتقوليلها علي كل حاجة اني هسامحك ونرجع نعيش حياتنا عادي تبقي غلطانة 

_مهو مش بمزاجك انا دلوقتي حامل واكيد ابننا مش هيتربي وابوه بعيد عنه

_ليه هو انتي فاكرة اني هسيبه ليكي انتي تربيه بعد اللي عملتيه دا……….لا يا حبيبتي انا ابني هاخده منك وهيتربي معايا انا مش معاكي

_وانا مش هسمح ان ابني يتربي بعيد عني

_وانا مش هأمن عليه معاكي يا راندا وافتكر انتي عارفة كويس السبب اية……….بلاش تخليني اتكلم احسن يا راندا

_هو انت فاكر اني بعد ما روحتلها وقولتلها اني لسه مراتك واني حامل منك انها ممكن ترجعلك تاني……….تبقي خطافة رجالة زي ما بيقولوا 

_خديجة مش زيك بس لما تعرف السبب اللي خلاني لسة متجوزك لحد دلوقتي واني هطلقك سواء رجعتلي او لا هتفهم وهترجعلي لاننا بنحب بعض ف متقلقيش انا وخديجة هنكون مع بعض وهنتجوز مهما حاولتي تبعدينا عن بعض………..بعد اذنك بقي يا راندا علشان انا تعبان وعايز انام

_ماشي يا معتز بس خليك فاكر انك سبتني انا راندا هانم اللي كُنت السبب في كل اللي انر وصلتله دا ولولا وجودي معاك كان زمانك صفر من غير اي حاجة علشان ست هانم بتاعتك دي ومتزعلش من اللي هعمله بقي …………سلام 

خرجت من الاوضة بصيت قدامي بتعب وخوف…………عارف انها ممكن تعمل اي حاجة علشان توصل ل هدفها ………..همها الوحيد اني اكون ليها هي وبس حتي بعد خيانتها ليا كُنت خايف علي خديجة منها واللي ممكن تعمله……….سمعت صوتها بصيت ناحيه الباب وانا مش مصدق نفسي من الفرحة 

_خديجة!

قربت مني وقعدت جمبي بحُزن ………..بدات تتكلم وهي بتعيط 

_لاول مرة احس اني عاجزة ومش عارفة اعمل اية ولا اتصرف ازاي………..المرة اللي فاتت لما اطلقت من ياسين هربت من القاهرة وجيت علي هنا ومفكرتش لحظة فيه لكن المرة دي لا……….المرة دي مش قادرة اهرب واسيبك لاني حبيتك زي ما حبتني حتي لو مكنتش ببين دا………..انا حتي مش عارفة حُبي ليك دا صح ولا غلط بعد ما عرفت بجوازك دا ………انا حقيقي مش عارفة اعمل اية………….يا ريتني ما حبيتك ولا شوفتك من الاول

تلفونها رن………مسكته وحطيته قدامي وكملت كلام

_اتصلت بيه علشان اقوله علي كل حاجة وقبل المعاد اللي هقبله فيه لقيت نفسي في المستشفى علشان اجيلك …………مش قادرة اخد القرار ولا عارفة اتصرف وكل دا بسبب حُبي ليك………انت السبب في كل اللي حصل دا………..لية يا معتز عملت فينا كدة

………يتبع……..

رايكم

"١٥"

_قولتيلي انك عايزه تتكلمي معايا في موضوع مهم.........بس احنا من ساعة ما جينا وانتي ساكتة يا خديجة 

_بص يا ياسين انا مكنتش ناوية اقولك علي حاجة وكُنت هخبي عنك لاني واثقه انك مش هتكون قد المسؤولية دي……….بس انا هقولك لاني خايفه اكون بعمل حاجة حرام ربنا يحسبني عليها

_انا مش فاهم حاجة 

_ياسين ابنك فعلا عايش 

_كُنت متاكد انك عمرك ما هتعملي كدة………..طيب هو فين واسمه ايه

_هقولك علي كل حاجة بس الاول لازم نتفق علي شوية حاجات كدة

_حاجات زي اية يا خديجة 

_انه مثلا هيفضل معايا انا وانت مش هتاخده مني مهما حصل ولازم تبقي عارف كويس انك مكنتش تعرف عنه حاجة طول المدة اللي فاتت دي وانا اللي ربيته وحاولت اعمل  كل اللي اقدر عليه علشان اكون ليه الاب والام مع بعض 

_ولية متقوليش اننا نكمل تربيته مع بعض يا خديجة………..انا عارف اني غلطت لما سيبتك وروحت ل ياسمين ومستعد اصلح غلطتي دي ب اي ثمن بس ترجعيلي ونربي ابننا مع بعض 

_مبقاش ينفع………..انا مستحيل ارجعلك بعد كل اللي عملته معايا دا يا ياسين وبعدين انا هتجوز خلاص

_تجوزي!……….لا طبعا انا مستحيل اوافق ان ابني يتربي مع واحد تاني بعيد عني

_حقك في انك تختار ابنك يتربي مع مين دا انت خسرته من ٥ سنين ومبقاش من حقك تاخد قرار زي دا ………..معتز يعرف يزن ابنك من ٣ سنين وعارف ايه اللي بيكرهه واي اللي بيحبه مش زيك خالص………..مفيش حد هيقدر ياخد باله من ابنك قد معتز لانه بيحب يزن ويزن بيحبه 

_يعني انا علشان غلطت في حق ابني زمان هتديه ل غيري يربيه واخرج انا من حياته يا خديجة 

_انا مقولتش تخرج من حياته انا قولتله اي وقت انت حابب تشوفه تكلمني وانا هخليك تشوفه بس انت مش من حقك تقولي اعمل اية ولا معملش اية

_انتي بتعاقبيني يا خديجة 

_واعاقبك علي اية دا كان اختيارك من الاول واكيد انا مكنتش هقعد استني لحد ما تندم علي اللي عملته معايا وترجعلي………تبقي غلطان انا من اول يوم طلقتني فيه انا نسيتك وشوفت حياتي وبدات اربي ابني لوحدي وانت مش من حقك نهائيًا تقولي اعمل اية لابني………..افتكر انت عارف عنوان البيت وماما هناك لو فكرت تروح تشوف يزن………بعد اذنك

سيبته واخدت شنطتي ومشيت………اللي عملته دا هو الصح………مكنش ينفع أفضل باقي عُمري بخبي عنه ابنه …………كان لازم يعرف بوجوده وساعتها هعرف احافظ علي ابني بكل الطرق ومش هسيبه ياخده مني وهحافظ عليه

"راندا"

_تفتكري الراجل اللي بعتيه دا هيعرف يعمل حاجة 

_مش قدامه حل غير انه يخلص عليها لان حياته كلها بين ايدينا ومراته وبنته معانا ولو فكر يغلط ومينفذش اللي طلبناه منه هيخسر مراته وبنته 

_انا حقيقي مش عارفة انا وافقتك علي كدة ازاي انا عُمري في حياتي ما فكرت اذي حد

_يعني انا اللي كل يوم بقتل واحدة……….احنا الاتنين بنعمل كدة علشان خايفين علي الشخص اللي بنحبه سواء كان ياسين او معتز وخديجة وجودها جمبهم خطر علينا ياسين طلقني ومعتز مستني انك تولدي وهيطلقك انتي كمان بس لو خديجة خرجت من حياتهم ومش هترجع تاني وقتها هما هيرجعوا لينا وينسوها نهائيًا 

_ايوه بس موصلتش اننا نقتلها………انا خايفه من نتيجة اللي بنعمله دا

_مقدمناش حل غير كدة……….لو فعلا عايزة جوزك يرجعلك يبقي تسمعي كلامي وتنفيذي اللي بقولك عليه بالحرف الواحد

الباب خبط…………فتحت الباب ولقيناها في وشنا

_خديجة

قربت مننا واحنا الاتنين واقفنا بصدمة ………بدات تتكلم وهي بتقرب مننا

_ياسمين………..انتي بتعملي هنا اية

_ياسمين صحبتي واكيد مش هتيجي تاخد اذن منك علشان تجيلي هنا يعني

_صحبتك!……….مع اني مش مقتنعة ب انها صحبتك بس مش مهم دا مش موضوعنا………انا جاية اتكلم في موضوع تاني خالص………بصي يا راندا انا ومعتز بنحب بعض وهنتجوز وابنك اللي انتي حامل فيه دا احنا اللي هنربيه لان واحدة زيك اكيد محدش هيأمن ليها بعد اللي عملتيه دا………وسواء قبلتي او رفضتي جوازنا هيتم انا وهو

_والمطلوب مني اني اسكت واتفرج عليكي وانتي بتاخدي جوزي وكمان ابني مني مش كدة

_انتي السبب في كل اللي حصل بينك وبينه وانتي اللي خلتيه عايز يطلقك بعد خيانتك ليه وكدة كدة سواء كان موجودة او لا كان هيطلقك 

_والمفروض اني اعمل اية دلوقتي اتفرج عليكم وافضل ساكتة 

_والله تسكتي تتكلمي مليش دعوه بقي انا جيت اقولك اللي هيحصل علشان تكون عارفة ………..انا ومعتز بنحب بعض ومفيش اي حد هيقدر يبعدنا عن بعض مهما كان بين……..اه صح………..بقولك اية يا ياسمين طالما انتي موجودة هنا عند صحبتك زي ما بتقول كُنت عايزة اطلب منك طلب………ابقي قولي ل جوزك يبعد عني ومش كل شوية الاقيه في مكان ويلف ورايا علشان اسامحه حاولي تقنعيه اني هتجوز واحد تاني وخليه يبعد عني

_انتي فاكرة اني هدايق من كلامك دا………..تبقي غلطانة لان حتي لو ياسين عمل كدة ف انا وانتي عارفين كويس اوي اي السبب ورا دا ……….ابنه مش انتي خالص ياسين بيحبني انا ومستحيل يحبك انتي يا خديجة 

_والله مش باين من تصرفاته اللي باين انه عايز يرجعلي وقالي انه هيطلقك كمان ………انا قولت انبهك علشان تكوني عارفة بس وتبعديه عني

كانت هتسبني وتمشي………..في لحظة واحدة كانت مرمية علي الارض وغرقانه في دمها ……….بصيت عليها بصدمة وانا مش مصدقة اللي عملته دا ………رميت الفازة اللي كانت في اديها وبصتلي وفضلت ساكتة……….قعدت جمبها علي الارض وبدات اسمع نبضها………بصتلها بصدمة واتكلمت بخوف

_مش بتتنفس 

………يتبع……..

تكملة الرواية من هنااااااااا