مجمع الروايات الكامله والحصريه فقط اضغط على اسم الروايه موجوده كامله في موسوعة القصص والروايات جميع الفصول مع البرنس محمد السبكي قصص وروايات كامله يسعدني تواجدكم معنا في المدونه

 رواية حب بالإجبار الفصل 6-7-8-9-10بقلم رنا سليمان (جميع الفصول كامله وحصريه)

رواية حب بالإجبار الفصل 6-7-8-9-10بقلم رنا سليمان (جميع الفصول كامله وحصريه)

(٦)

_وحشتيني يا خديجة……..خمس سنين وانا بحاول ادور عليكي ومش عارف اوصلك

_مستر معتز منتظر حضرتك………اتفضل

_خديجة انا محتاج اتكلم معاكي عندي كلام كتير عايز اقولهولك

_معتقدش ان في كلام بينا يا استاذ ياسين………اتفضل لان مستر معتز وراه شغل كتير ومعندوش وقت

_للدرجة دي مش قادرة توقفي معايا خمس دقايق يا خديجة……….بس مش مهم المهم اني عرفت اوصلك بعد خمس سنين………..انا كُنت جاي علشان ادور علي شغل هنا………بس بعد ما لقيتك مبقاش فارق معايا غيرك انتي وبس ومش همشي قبل ما نتكلم يا خديجة 

_استاذ ياسين انا قولت لحضرتك ان مستر معتز مش فاضي ف لو حضرتك مش ناوي تدخل الانترفيو يبقي ادخل حد تاني احسن 

_لا انا داخل ……..بس صدقيني يا خديجة انا مش همشي من هنا قبل ما نتكلم واحاول اصلح كل اللي فات

_اتفضل

فتحت باب المكتب ودخلت وانا بحاول اتماسك بصعوبة قرب منه وبدات اتكلم

_مستر معتز استاذ ياسين رافت 

_اتفضل يا استاذ ياسين………استاذة خديجة بعد اذنك ثواني

بعدنا عنه وبدا يكلمني بصوت واطي

_مالك ……..انتي كويسة؟!

هزيت راسي ب لا وبصيت عليه………كان باصص علينا ومكنش شايل عنه من علينا

_انتي تعرفيه

_طليقي

_هو دا

بصله بعصبية وكان رايحله وهو متعصب ………مسكت في ايده وبدات اتكلم بالراحة

_مستر معتز………ارجوك بلاش تعمل حاجة ليه ………دا واحد جاي في شغل واكيد هو محتاج الشغل دا………لو فعلا بتحبنى زي ما بتقول بلاش تأذيه………بالعكس  انا عايزة حضرتك تقعد معاه وتشوف السي في بتاعه ولو عجبك  ولقيت انه احسن واحد في اللي قدموا يا ريت تقبله

_انا بجد مش مصدقك يا خديجة انتي عايزاني بعد كل اللي سمعته منك وعرفته عنه اوافق اني اخليكي انتي وهو في مكان واحد ……….انا مستحيل اعمل كدة يا خديجة

_دا اول طلب اطلبه من حضرتك………ارجوك اعمل اللي قولتلك عليه ……….صدقني انا مش هدايق لو عملت كدة لانه مبقاش فارق معايا ……….انا بس كل الحكاية اني اتصدمت من وجوده هنا 

_هحاول يا خديجة اعمل اللي طلبتيه بس موعدكيش……….بس عندي شرط واحد

_اتفضل 

_تروحي دلوقتي وبكرا نتكلم في الموضوع دا

_مش هقدر اقول ل حضرتك لا……..بعد اذنك 

اخدت شنطتي وكُنت خارجة……..قام وقف وبصلي وبدا يتكلم 

_رايحة فين يا خديجة  

_اعتقد ان حضرتك جاية تقابلني علشان الانترفيو مش جاي تقابل استاذة خديجة………مش كدة ولا انا غلطان يا استاذ ياسين 

_علي فكرة انا اعرف خديجة واعتقد حضرتك عارف ب دا

_احنا هنا مش بندخل الشغل في العلاقات الشخصية ……..اتفضلي يا استاذة خديجة 

_حاضر……..بعد اذنكم 

خرجت وقفلت الباب ورايا……..مكنتش حابة اني اقابله تاني……..كُنت ما صدقت اني نسيت كل اللي فات وعيشت حياة هادية  ………خمس سنين وانا بحاول انسي كل الاذي اللي سببه ليه وفي لحظه واحدة كل اللي حاولت في الخمس سنين اعمله راح مجرد ما شوفته  قدامه………..افتكرت كل اللي عمله معايا واللي كان سبب فيه……….مكنتش خايفه من حاجة اكتر من خوفي علي يزن وانه ممكن ياخذه منه………من يوم ما ولدت يزن وانا مليش غيره………كُنت بحاول اكون ليه اب وام في نفس الوقت ………..كُنت بحاول اعمل كل اللي اقدر عليه علشان ميحسش ان باباه مش موجود………خايفه بعد ما رجع وبقي موجود في نفس المكان اللي احنا فيه ياخد مني يزن……….هيكون ساعتها بياخذ مني روحي ………….حقيقي مش عارفة اعمل اية ولا اتصرف ازاي……….فضلت اتمشي علي البحر شوية لحد ما جاه معاد المدرسة بتاعت يزن  وروحت اخدته وروحنا 

بدا يتكلم  وهو ماسك في ايدي

_ماما انا جعان اوي

_حاضر يا حبيبي……….ايه رايك  لو روحنا اكلنا بيتزا

_بجد يا ماما………هتوافقي اني اكل بيتزا  

_انهاردة بس يوم واحد مش هيفرق معانا في حاجة 

_هاااا……..انتي احلي ماما في الدنيا

ابتسمت ليه……….روحنا انا وهو علي مطعم بيتزا وطلبنا اتنين بيتزا ………بعد ما البيتزا جات بدانا ناكل

_اية رايك في البيتزا يا استاذ يزن

_طعمها حلو اوي يا ماما

_يزن انت عارف انا بحبك قد اية صح

_طبعا عارف يا ماما………وانا كمان بحبك اوي 

_طيب يا حبيبي انا عايزة اتكلم معاك في حاجة ……….بص يا يزن يا حبيبي ……….انت اغلي حاجة في حياتي وانا مقدرش اعيش من غيرك ابدا……….بس انا عايزاك تعرف كويس اوي اني لو بعدت عنك هيكون غصب عني  ومش بمزاجي ابدا 

_لية بتقولي كدة يا ماما 

_بص يا حبيبي في حاجات ممكن تحصل تخلينا نبعد عن بعض انا وانت بس صدقني انا مش هسيبك وهرجعلك تاني ومهما حصل هرجعلك تاني 

_ربنا يخليكي ليا يا ماما ومتبعديش عني ابدا يا رب 

_ويخليك ليا يا حبيبي وتفضل جمبي دايما

قرب مني وحضني ……….حضنته وانا خايفة من ان ياسين ياخده مني ويحرمني منه

سمعت صوته……… بصتله بصدمة

_اللي خايفه منه هيحصل يا خديجة وانا مش هسكت غير لما اخده منك 

"ياسمين "

_بقي انا يقولي انه ندمان علي جوازه منه وانه ندم علي انه ساب اللي اسمها خديجة دي علشان حُبه ليا……..وكمان يسافر ومعرفش راح فين

_انتي اللي غلطتي من الاول لما وافقتي علي جوازك منه يا ياسمين 

_معلش انا هعرف ازاي اندمه  علي اللي قاله ليا دا ………مش هو ندمان والهانم وحشته انا بقي هخليها توحشه باقي عمره 

_هتعملي اية

_عايزاك تعرفي البنت دي راحت فين وتيجي تقولي واللي عملته زمان هعمله من جديد بس المرة دي نهايتها هتكون علي ايدي مش زي المرك اللي فاتت

…….يتبع……….

(٧)

_خايفه ياخد منك يزن مش كدة

_اي واحدة مكاني هتخاف ………..انت متعرفش ياسين………ياسين بيعمل اي حاجة علشان يوصل للي هو عايزه

_مش هيقدر يعملك حاجة ولا يقدر ياخد يزن منك طول ما انا جمبك

_انت مش فاهم حاجة……….ياسين لو هياخد مني يزن هيعمل كدة علشان بس يضغط عليا علشان ارجعله…………انا عارفة كويس ياسين بيفكر ازاي

_وانا مش هسمح ان دا يحصل يا خديجة ……….انا بحبك ومش هسيبه ياخدك منك

_انا مش مجنونة علشان ارجعله يا معتز………وفي نفس الوقت لو بس هو عرف انك بتحبني هياخد مني يزن ومش هيخليني اشوفه تاني

_قولتلك انا مش هسيبه يعمل كدة……..يا خديجة افهمي انا وانتي لو اتجوزنا وبقيتي معايا عُمره ما هيفكر يعمل معاكي حاجة او ياخذ منك يزن 

_مبقاش ينفع يا معتز………حتي لو كان في الاول في امل اننا نكون مع بعض لكن دلوقتي مبقاش ينفع صدقني…………انا مليش غير يزن في الدنيا دي يا معتز لو ياسين اخده مني ممكن اروح فيها………..ارجوك يا معتز بلاش نتكلم في الموضوع دا لاني مش هغير رايي

_مقدرش اقولك حاضر يا خديجة لاني بحبك ومش هيأس غير توافقي علي جوازي منك يا خديجة 

فضلت ساكتة وبصيت علي يزن اللي كان بيلعب ومبسوط………من يوم ما قابلت معتز وهو بيعاملني احسن معاملة ………..قالي انه بيحبني كذا مرة ومستعد انه يعمل اي حاجة علشاني بس انا مش قادرة اتخطي اللي حصل معايا من ياسين……….خايفة قلبي يتكسر مرة تانية ………..مبقاش عندي اغلي من يزن ومش عايزة اي حاجة تبعدني عنه…………يمكن المشكلة دي تتحل لو هربت تاني وبعدت عن ياسين من تاني…………عارفة ان دا مش حل بس انا خوفي علي ابني يخليني اعمل اي حاجة علشان مخسرهوش ابدا

"ياسين"

_جاي عايز اية يا ياسين………..انت لسة فاكر ان ليك ام تسال عنها يا ياسين 

_غصب عني يا امي

_غصب عنك ازاي مش فاهمة………..اية اللي يمنعك انك تيجي تزور امك كل المدة دي ………دا انا معرفش عنك حاجة من يوم ما خديجة مشيت

_انا عارف اني مقصر معاكي يا ماما……..انا اسف صدقيني من انهاردة مش هبعد عنك تاني 

_جاي عايز اية يا ياسين 

_انا عرفت مكان خديجة

_وعرفت مكانها منين 

_كنت مسافر اسكندرية علشان اقدم علي شغل في شركة هناك ولقيتها شغاله سكرتيرة هناك 

_والمطلوب مني

_عايزك تيجي معايا وتحاولي تقنعيها انها ترجعلي………..ماما انا لما اتجوزت ياسمين عرفت قيمة خديجة وندمت اني طلقتها علشان حُبي ل ياسمين ودفعت ثمن غلطتي دي غالي اوي………ياسمين رافضه الخَلفه نهائي……….حاولت اقنعها بس للاسف هي رافضة وانا بصراحة نفسي اكون اب علشان كدة قررت اني اطلقها

_انت عايز ترجع ل خديجة علشان بتحبها وندمان زي ما بتقول ولا علشان عايز تخلف يا ياسين!

_علشان الاتنين يا امي……….انا ندمان علي اللي عملته معاها زمان وكمان هي اكيد محتاجة ليا علشان تربي ابننا او بنتنا اللي خلفته دا 

_عُمرك ما تتغير يا ياسين……….انت حتي متعرفش هي خلفت بنت ولا ولد

_لاني ملحقتش اتكلم معاها ولا اعرف عنها حاجة……….مردتش تتكلم معايا وسابتني في الانترفيو ومشيت……….ارجوكي يا ماما تعالي معايا وحاولي تقنعيها وانا والله هعملها كل اللي نفسها فيه علشان تكون مبسوطة وتنسي اللي فات

_للاسف مبقاش ينفع………..انت فاكر ان خديجة دي قاعدة مستنية حضرتك لما تعرف قيمتها وتنسي اللي عملته معاها وتجري عليك اول ما تعرف غلطتك……….تبقي غلطان لان خديجة لما مشيت من هنا وفكرت في الموضوع كويس عرفت انها فعلا مينفعش تخلف من واحد باعها علشان واحدة تانية واهانها بكل الطرق علشان كدة اجهضت ابنها دا

_اجهضت!

_مالك مستغرب ليه ………مش دا اللي كُنت عايزه زمان لما عرفت بَحملها اهي عملت اللي انت كُنت عايزه اهو……….وبدات تشوف حياتها وشافت شغل ليها وبدات تطور من نفسها ودلوقتي بقيت مخطوبة لصاحب الشركة اللي روحت انت تقدم فيها يا ياسين 

_لا………انتي اكيد بتهزري مش منكن تكوني بتتكلمي بجد يا ماما

_لية ما دا اللي انت كُنت عايزه……….المفروض انك تكون فرحان دلوقتي مش زعلان بالشكل دا……….دلوقتي بس اتاكدت انك كنت عايز تاخذ الولد اللي انت فاكر انه عايش دا منها مش علشان بتحبها زي ما بتقول

فضلت ساكت وانا مصدوم ومش مصدق اللي سمعته منها……….ازاي تعمل كدة………..هي مش كانت رافضة موضوع الاجهاض دا ………..ازاي وافقت عليه واجهضت الحَمل كدة وكمان اتخطبت………..حطيت ايدي علي دماغي بصدمة وفضلت ساكت……….في اللحظة دي اكتشفت اني خسرت كل حاجة ياسمين وخديجة حتي ابني اللي فكرت انه لسة عايش خديجة موتته

"خديجة"

_خديجة هو انا ممكن اسالك سؤال 

_اتفضل

_هو انتي لية طلبتي مني ان لو السي في بتاع اللي اسمه ياسين دا حلو اوافق عليه واشغله معانا مع انك بتكرهيه

_علشان انا ولا بحبه ولا بكرهه يا معتز……….انا معنديش اي مشاعر تجاه ياسين خالص كل الحكاية اني اتصدمت لما شوفته وكمان كُنت خايف علي يزن انه ياخده مني غير كدة مكنش عندي اي مشاعر تجاهه ولا حتي هو في دماغي………..ف لو عجبك ومحتاج توظفه اكيد مش هقولك لا بالعكس انا عُمري ما هدخل حياتي الشخصية في الشغل فاهمني!

_انا اكتر واحد فاهمك يا خديجة……….حقيقي انا بشكر طليقك دا لانه خلاني اعرفك واحبك

فضلت ساكتة وبصيت قدامي بس اول ما بصيت قدامي اتصدمت………شوفتها من بعيد وهي بتقرب مني وماسكة في ايده

…….يتبع……….

(٨)

_عرفتي مكاني منين يا ياسمين 

_مش مهم عرفت مكانك منين .........المهم انا جاية هنا لية

_ويا تري جاية عايزة اية مني تاني

_عايزاكي تبعدي عن ياسين 

_وانا كُنت قربت منه علشان ابعد عنه..........هو اللي جالي لحد عندي وكان عايز يرجعلي وانا اللي رفضت.........يظهر انه زهق منك يا ياسمين

_لا يا حبيبتي هو مزهكش مني ولا حاجة لانه بيحبني انا ومستحيل يحبك انتي في يوم ..........كل الحكاية انه جالك علشان ابنك اللي رفضتي تجهضيه زمان وعلشان انا مش عايزة اخلف ..........تقدري تقولي كدة جالك علشان الولد وبس مش علشان بيحبك ولا حاجة 

_دا علي اساس اني اول ما اشوفه هجري عليه واقوله وحشتني يا ياسين وعيشتي كانت وحشه اوي من غيرك الحمدلله انك رجعتلي علشان نربي ابننا سوي لاني مكنتش قادرة اكون ليه الاب والام مش كدة

_ولية لا............انتي مش كُنتي بتحبيه زمان وكان نفسك يحبك هو كمان ويكون معاكي ب اي طريقة لدرجة انك انجوزتيه وانتي عارفه انه بيحبني انا

_كُنت غبية وغلطت غلطة ودفعت تمنها غالي..........علي العموم يا ياسمين متقلقيش انا مستحيل ارجع ل ياسين تاني بعد كل اللي عمله معايا ولا حتي افكر اني احب حد تاني لانه خلاني اشوف كل الرجالة زيه كدة..........وبعدين بدل ما تيجي وتقوليلي الكلام دا روحي وعقليه هو وقوليله ميجيش ورايا ولا يحاول يرجعلي تاني..........بعد اذنك

سابتها وخرجت من الكافيه.........كان واقف ماسك في ايده وبيضحكوا هما الاتنين قربت منهم ب ابتسامه 

_بتضحكوا علي اية

_كُنا بنهزر شوية لحد ما انتي تيجي

_طيب مش يلا بقي علشان نروح ولا اية 

_لا يا ماما لو سمحتي خليني اقعد مع عمو معتز شوية 

_يا حبيبي احنا اتاخرنا اوي ولازم نروح يوم تاني 

_اسمع كلام ماما يا يزن وانا اوعدك بكرا انا اللي هاجي اخدك من المدرسة وهقعد معاك طول اليوم

_بجد

_ايوه بجد

_انا بحبك اوي يا عمو معتز

_طيب يلا علشان نروح ولا اية

_يلا

فتحلي باب العربية علشان اركب ركبت وركبه ورا .........ركب وبدا يسوق لحد ما وصلنا للبيت

"ياسين"

_ماما انتي متاكدة من اللي بتقوليه دا

_وانا هكذب عليك ليه ..........خديجة هي اللي قالتلي كدة معتقدش انها هتكذب عليا يعني

_مش يمكن.........مش يمكن كانت بتقولك كدة علشان عارفة انك هتقوليلي علي مكانها مثلا وكانت خايفه اخليها تموته يا ماما

_خديجة عُمرها ما كذبت عليا يا ياسين وبعدين مالك زعلان كدة لية مش دا اللي كُنت عايزه

_كُنت غبي يا ماما كُنت غبي وفاكر اني كدة بعمل حاجة صح..........كُنت فاكر اني لما اخليها تجهضه يكون دا الصح واللي المفروض يحصل مكنتش اعرف ان هيجي اليوم واندم كدة

_سُبحان الله من خمس سنين كُنت عايز تخلص من ابنك ب اي طريقة ودلوقتي ندمان انك فكرت في كدة...........كُنت واثقة ان هيجي يوم وتندم علي اللي عملته مع البنت الغلبانه دي وادي اليوم اللي كُنت مستنياه جاه وشوفتك ندمان علي اللي قولته واللي عملته فيها

_انتي شمتانة فيا يا ماما

_انا مبسوطة ب عدل ربنا اللي خلاك تحس بنفس الإحساس اللي هي حسيته لما طلبت منها تموته

_حسيت يا امي حسيت ب اكبر ندم في حياتي...........ندمي دا هيغير حاجة ولا هيخلي ابني دا يرجع

_ولا هيخلي يرجع ولا حاجة ...........روح يا ياسين شوف حالك بعيد عن خديجة وانسي أنها ترجعلك لانك عمرك ما هتتغير ولا هتحبها في يوم……….البنت ما صدقت انها تعيش حياتها وتنسي اللي فات بلاش ترجع تاني وتدمرلها حياتها من تاني

فضلت ساكت ……….. قومت من مكاني ونزلت من البيت وانا مش مصدق اللي سمعته وبدعي ربنا ان تكون ماما بتكذب ودي متكونش الحقيقة 

"خديجة"

_صباح الخير 

_صباح النور………جاية بدري يعني

_اصلي وديت يزن المدرسة انهاردة بدري وقولت اجي علطول 

_طيب اي رايك ننزل نفطر وبعدين نرجع تاني

_انهاردة ورانا شغل كتير مينفعش نسيبه ونمشي

_نص ساعة مش هتفرق كتير نخلص فطار وبعدين نرجع نشوف شغلنا وبعدين في موضوع مهم عايز اكلمك فيه

_موضوع اية

_لما نفطر الاول هقولك يلا

خرج من المكتب من غير ما يتكلم ولا يديني فرصه اني ارد عليه حتي ………خرجت وراه ونزلنا من الشركة………..كُنت هركب العربية بس سمعت صوته وهو بينده عليا بصوت عالي وبيقف قدامي

_خديجة 

في لحظه واحدة كان في رصاصة مضروبة عليه……….كان ماسك فيا……….مسكت في ايده بصدمة وانا مش عارفه اعمل اية……….الناس بدات تتلم والكل كان مصدوم………..وقع علي الارض وانا قعدت جمبه وبدات اهز راسي ب لا

_لا لا يا معتز ………..انت اكيد مش هتسبني صح……….انت مش قولتلي انك مش هتسيبني ابدا لا هتخلف بوعدك………..حد يتصل بالإسعاف بسرعة 

كانت اصعب لحظه في حياتي……….مكنتش قادرة استوعب انه ممكن يروح مني………..احساس غريب اول مرة احسه ………..لما شوفته واقع علي الارض خوفت………..خوفت يكون اخر مرة اشوفه فيها مش عايزة اخسره ………..ايوه بحبه ومن زمان بحبه وكنت رافضه اعترف بمشاعري ليه او لاي حد حتي نفسي من خوفي احسن ما يكون زيه زي ياسين ويسبني هو كمان ………..بصيت للسما ودعيت ان ربنا ينجيه منها وياخدني انا مكانه ………هو ملهوش ذنب …………انا واثقة ان ياسمين ورا اللي حصل دا ولو هو حصله حاجة المرة دي مش هسكت ولازم احيب حقه 

…….يتبع……….

(٩)

_قولي ان معتز كويس يا دكتور

_للآسف الرصاصة كانت قريبة جدا من العمود الفقري………كان صعب اننا نخرجها من غير ما يضر

_يعني يا دكتور 

_انا اسف بس الاستاذ معتز مش هيقدر يمشي تاني 

_يعني اية ……….ابني اتشل يا دكتور 

_حاولنا نعمل اللي نقدر عليه علشان ننقذه بس للاسف مقدرناش……….بعد اذنكم

_يعني ايه يعني ابني اتشل………كله بسببك انتي انتي السبب في اللي ابنه وصله……….لولا وجودك في حياته مكنش حصل كدة……….قولتله من الاول ان وجودك هيكون خطر عليه وان من ساعة ما جيتي وهو مش بيلاحق من المصايب اللي جاية من ناحيتك 

_وخديجة ذنبها اية يا ماما خديجة ملهاش ذنب………..هي كمان اتظلمت زيها زيه والرصاصة دي كانت ممكن تيجي فيها وتموت 

_سيب طنط تتكلم براحتها يا روفيدة……….يمكن حضرتك بتتكلمي صح وانا فعلا من ساعة ما دخلت حياة مستر معتز وحياتها كلها اتدمرت بسببي وخسر حاجات كتيرة زي ما حضرتك بتقولي بس انا مظلومة في حاجات كتير اوي يا طنط وعارفة اني السبب في اللي هو وصله دا بس انا عارفه اللي عملت كدة واكيد مش هسيبها غير لما تاخد جزائها………..وطالما حضرتك شايفه اني اذيت مستر معتز وان اللي حصل ليه دا بسببه انا ف متقلقيش انا هخرج من حياته ومش هتشوفيني قريبة من تاني

_استني يا خديجة………..ماما انتي عارفة كويس ان معتز بيحب خديجة وممكن يعمل اي حاجة علشان بيحبها واكيد هو محتاج ليها تكون جمبه في وقت  زي دا ………..خديجة الوحيدة اللي هتخلي معتز كويس في حالته دي وانتي لو مشتيها هتندمي صدقيني

_عايزاني اعمل اية يا روفيدة ……..اللي انتي بتتكلمي عنها دي هي اللي وصلت اخوكي للحالة اللي هو فيها دي عايزاني اسيبها معاه في نفس المكان 

_طنط عندها حق يا روفيدة أنا مينفعش اكون هنا انا لازم امشي………..معتز هيكون احسن لو انا مش موجودة لان طول ما انا جمبه مش هيحصل ليه غير المشاكل عن اذنكم

سيبتهم ومشيت من غير ما استني رد منهم………..طنط فعلا عندها حق من يوم ما دخلت حياته وهو دايما في مشاكل بسببي لازم ابعد عنه انا ويزن …………عارفه انه مينفعش اسيبه في الحالة دي بس معنديش حل غير كدة لو فضلت جمبه هيحصل ليه مشاكل تانيه وانا مش عايزة دا يحصل لازم أبعد علشان ينساني ومكنش سبب في اذية تانية لية

"ياسين "

_ممكن اعرف كُنتي فين كل دا

_في نفس المكان اللي كُنت فيه يا ياسين 

_ياسمين لو سمحتي ردي عليا وبلاش لف ودوران في الكلام كُنتي فين بقولك…………وازاي تخرجي من غير ما تقوليلي 

_مانا بتكلم بجد انا كُنت في نفس المكان اللي كُنت فيه……….انت مش كُنت في اسكندرية بردو ولا انا مش واخدة بالي

_اسكندرية!……….بتعملي اية في اسكندرية وازاي تسافري من غير ما تقوليلي 

_كُنت عند حبيبة قلبك خديجة ……….قولت اروح اسلم عليها زي ما انت روحت ليها

_انتي ازاي تعملي حاجة زي كدة ………..انتي اكيد اتجننتي

_اتجننت! هو انت فاكرني خديجة ولا اية………..لا يا حبيبي لو كانت هي سابتك تروح تحب وتتحب من واحدة غيرها وقاعدت تتفرج عليك لحد ما طلقتها ف انا مش هي ولا عُمري هبقي زيها……….لو فاكر اني هسيبك تعمل اللي انت عايزه وتروح وتحب غيري وتطلقني في الاخر تبقي غلطان……….اه روحتلها واتكلمت معاها وحاولت افهمها بالادب انها تبعد عنك بس للاسف مسمعتش كلامي ف اضطريت اني اتعامل معاها بالطريقة اللي هي تفهمها

قربت من ومسكت ايديها بعصبية 

_قصدك اية………..عملتي فيها اية انطقي

_سيب ايدي يا ياسين………..لو فاكر اني هسكت وهتفرج عليك وانت بتروح مني تبقي غلطان……….حبيبة القلب بتاعتك خلاص زمانها ماتت………اتفضل روح ودعها قبل ما تكون اخر مرة تشوفها فيها

مسكتها من ايديها بعصبية وبدات اتكلم وانا ماسك في ايديها جامد

_صدقيني يا ياسمين لو خديجة حصلها حاجة انا مش هيكفيني موتك……….ادعي ربنا انها تكون كويسة علشان صدقيني مش هرحمك لو حصلها حاجة 

سيب ايديها وخرجت من البيت بسرعة………..كُنت خايف يحصلها حاجة بسببي……….لاول مرة اخاف عليها……….كُنت غبي لما طلقتها وبعدت عنها وبسبب غبائي خسرت كل حاجة خسرت ابني وخسرت خديجة واختارت اكون مع ياسمين اللي كل حاجة وحشه في حياتي كانت بسببها………..ركبت عربيتي وانا بدعي انها تكون بخير 

"خديجة"

اخدت يزن من المدرسة ورجعت علي البيت اول ما فتحت الباب لقيتها في وشي

_حمدلله علي السلامة

_تيتة وحشتيني اوي

جري عليها وحضنها………فضلت واقفة في مكاني وبدات اعيط……….قربت مني بقلق وبدات تتكلم بخوف

_مالك يا حبيبتي في اية بتعيطي لية

_ياسمين يا ماما ياسمين 

_مالها ياسمين عملت اية

متكلمتش وعياطي زاد………..اخدتني في حضنها وطبطبت عليها……..كان واقف مش فاهم في اية ولا انا بعيط لية……….اخدتني وقعدت علي اقرب كرسي وطلبت منه انه يدخل الاوضة ………دخل الاوضة …………قربت مني وبدات تتكلم

_ممكن تهدي يا حبيبتي وتفهميني اللي حصل………مالها ياسمين عملت اية

_بعتت حد علشان يموتني وكان هيضرب عليا بالرصاص بس الرصاصة جات في معتز………ودلوقتي هو في المستشفى والدكتور بيقول انه مش هيقدر يمشي تاني

_اية اللي بتقوليه دا يا خديجة ……….معقول ياسمين تعمل كدة ……….ازاي وصل بيها الحال انها تقتل ………انتي متاكدة انها هي يا خديجة 

_متاكدة يا ماما لانها مش اول مرة تحاول تعمل كدة

_يعني اية هي حاولت قبل كدة……….ازاي انا مش فاهمة حاجة 

…….يتبع……….

(١٠)

_هي وصلت انها تحاول تقتلك………وانتي إزاي متقوليش علي حاجة زي دي

_خوفت يا ماما خوفت عليكي وعلي علاقتك ب اختك انها تبوظ 

بسببي………علشان كدة سكت ومردتش اتكلم 

_يعني اللي حصلك دا مكانش حادثة زي ما قولتي قبل كدة

_ايوه يا ماما مكنش حادثة 

_ياسين كان يعرف بالموضوع دا يا خديجة 

_مردتش اقوله لاني عارفه انه مكنش هيصدقني وكان هيقف معاها هي ويكذبني 

_انا بجد مش مصدقة ان ياسمين تعمل كدة……….تحاول تقتل انا حقيقي مض قادرة استوعب 

فضلت ساكتة وباصة قدامي وبدات افتكر اللي حصل

بعد فرحنا انا وياسين ب شهر ياسين كان في الشغل ولقيت الباب بيخبط……….روحت علشان افتح ولقيتها قدامها

_اهلا وسهلا…….مين حضرتك 

_مش عرفاني ولا اية يا خديجة 

_اسفة مش واخدة بالي

_أنا ياسمين بنت خالة ياسين 

_اهلا ب حضرتك اتفضلي ادخلي

دخلت وقفلت الباب ودخلت وراها

_تحبي تشربي اية

_لا انا مش جاية اشرب انا جايه اقولك كلمتين وماشية……….اقعدي يا خديجة 

قعدت قدامها وانا مش فاهمة 

_خير يا ياسمين 

_بصي يا خديجة انتي عارفة كويس ان ياسين بيحب واحدة تانية والواحدة دي تبقي انا ومع ذلك روحتي واتجوزتيه بردو وانا جاية اقولك انهاردة اطلبي الطلاق وابعتي عنه لو خايفه علي حياتك 

_افندم هو انتي جاية تهدديني في بيتي

_مش بهددك انا بنصحك انك تبعدي عنه لانك لو مبعدتيش عنه برضاكي انا هخليكي تبعدي عنه غصب عنك

_يعني اية مش فاهمة 

_يعني انتي لازم تطلبي الطلاق وتخرجي من حياتنا في اسرع وقت………..قدامك اسبوع واحد علشان تخرجي من حياتنا وتطلبي الطلاق من ياسين ياما يا خديجة هتشوفي وشي التاني

_يعني انتي جاية تهدديني في بيتي وعايزاني اطلب الطلاق من جوزي وفاكره اني هخاف منك وهعمل اللي انتي عايزاه…………تبقي غلطانة انا مش عيلة صغيرة علشان اخاف منك واعملك اللي انتي عايزاه ………..بصي علشان تبقي عارفة بس انا مش هطلق من ياسين مهما حصل لاني بحبه زي حبك ليه ويمكن اكتر كمان واللي عندك اعمليه

_يعني دا اخر كلام عندك

_ومعنديش غيره…………شرفتي يا ياسمين مع السلامة 

_تمام……..بس مترجعيش تزعلي من اللي هيحصلك يا خديجة لان مش انا اللي يحصل معايا كدة وياسين دا بتاعي انا وبس واي واحدة تفكر تقرب منه هتندم من رد فعلي 

_نورتي يا ياسمين 

خرجت من البيت وقفلت الباب بعصبية………..بعد اسبوع كُنت نازلة رايحة عند ماما …………وكبت العربية وكُنت سايقة ساعتها ظهرت عربية تانية وكانت ماشية جمبي كُنت كل ما احاول ابعد عنها تقرب مني تاني ………..العربيتين خبطوا في بعض وبعدها مفوقتش غير في المستشفى وماما جمبي……….كُنت واثقة انها هي اللي ورا الحادثة دي مع انها لما كلمتها وواجهتها انكرت بس مفيش غيرها ممكن يعمل كدة

فوقت من سرحاني علي رنة التلفون………بصيت في التلفون لقيت روفيدة بترن بصيت علي ماما لقيتها هي ويزن بيلعبوا ……….اتنهدت ومسكت التلفون ورديت عليها

_ايوة يا روفيدة 

_خديجة ماما روحت ومعتز فاق وبيسأل عليكي وعايز يشوفك يا ريت تيجي

فضلت ساكتة وانا مش قادرة اخد الحوار كملت كلامها 

_انا عارفة ان ممكن كانت صعبه في الكلام معاكي يا خديجة بس معتز بيحبك واول حاجة طلبها لما فاق انه يشوفك تعالي ارجوكي يا خديجة شوفيه وبعديها قرري القرار اللي انتي عايزاه

_حاضر يا روُفيدة انا جاية

قفلت معاها وقربت منهم……….كانوا قاعدين علي الارض وبيلعبوا سندت علي الباب واتكلمت بهدوء 

_ماما ……….معتز فاق وعايز يقابلني انا هروح نص ساعة وهرجع تاني

_طيب يا حبيبتي بس متتاخريش

_حاضر ………..يزن حبيبي اسمع كلام تيتة ومتتعبهاش معاك وانا لما ارجع هجبلك حاجات حلوة كتير

_حاضر يا ماما

مشيت وكُنت خارجة من البيت لقيتها بتنده عليا

_خديجة

وقفت مكاني وبصيت ناحيتها قربت مني وبدات تتكلم بهدوء 

_انا كذبت علي ياسين وقولتله انك اجهضتي حَملك لما جيتي هنا وقولتله كمان انك اتخطبتي ل معتز 

_اجهضت!………..لية قولتيله كدة يا ماما

_مش مهم دلوقتي يا خديجة لما ترجعي هبقي احكيلك كل حاجة بس اهم حاجة تكوني لو قابلتيه تقوليله نفس الكلام وخلي بالك من نفسك يا خديجة 

_حاضر يا ماما ……..بعد اذنك

سيبتها وخرجت من البيت……….ركبت العربية وسوقت لحد المستشفى………..عرفت من روفيدة انه في اوضه ٣١٠ روحت علي الاوضة وبدات اخبط……..فتحتلي الباب

_تعالي يا خديجة اتفضلي 

دخلت وانا بحاول امنع نفسي اني ابص ليه 

_طيب انا هسيبكم شوية وهروح اجيب حاجة اشربها بعد اذنكم

خرجت وقفلت الباب وراها

_هتفضلي واقفة عندك كتير………قربي يا خديجة 

قربت منه وانا باصة في الارض

_انتي كويسة

_المفروض مين فينا اللي يسال السؤال دا…………انا مش عارفة اقولك اية انت كُنت هتموت بسببي ……….انا بجد اسفة

_بتعتذري علي اية انتي ملكيش ذنب في حاجة انتي كُنت هتتاذي انتي كمان وكان ممكن تموتي ………انا مش هسكت غير لما اعرف مين اللي عمل كدة وياخد جزائه 

_لا يا معتز ارجوك بلاش تعمل كدة……….كفايه اللي حصلك بسببي بلاش تدور ورا اللي عمل كدة يا معتز 

_خوفتي عليا 

_اكيد لازم اخاف عليك…………انت مديري وكمان ضحيتي بحياتك بسببي وكنت مستعد تخسر حياتك علشاني انا 

_وبس يا خديجة!

فضلت ساكته وباصة في الارض

_خديجة انا عارف انك انتي كمان بتحبيني ولو انا كُنت مكانك وشوفتي اني ممكن اموت كُنت هتضحي بحياتك بردو علشاني………..بس الفرق بيني وبينك اني اعترفت بمشاعري قدامك اكتر من مرة وانتي خايفة ………..خايفة انك تعترفي بمشاعرك ولو لمرة واحدة ليا لكن انا اعترفت بمشاعري بدل المرة الف 

_علشان خايفة يا معتز خايفة عليك اكتر مانا خايفه علي نفسي…………ايوه بحبك وبحبك اوي كمان وانت اكتر واحد وقفت جمبي وساعدتني في كل حاجة وضحيت بحياتك علشان بس لو وافقت اننا نكون مع بعض انت اكتر واحد هتتاذي انا علشان خايفة عليك مش عايزة نكون مع بعض يا معتز

_وانا عندي استعداد اموت علشانك يا خديجة……….وافقي علشان خاطري علي جوازنا وانا اوعدنك اني هخليكي اسعد واحده في الدنيا

فضلت ساكتة……..مسك في ايدي وبصلي وكأنه بيترجاني اني اوافق ……….كُنت هرد بس سمعت صوته وهو بيتكلم 

_خديجة

سيبت ايده بسرعة وقومت وقفت وبصيت ناحية الباب بصدمة 

…….يتبع……….

تكملة الرواية من هناااااااا