مجمع الروايات الكامله والحصريه فقط اضغط على اسم الروايه موجوده كامله في موسوعة القصص والروايات جميع الفصول مع البرنس محمد السبكي قصص وروايات كامله يسعدني تواجدكم معنا في المدونه

 رواية خفايا القدرالفصل 11-12-13-14-15بقلم حليمه عدادى (جميع الفصول كامله)

رواية خفايا القدرالفصل 11-12-13-14-15بقلم حليمه عدادى (جميع الفصول كامله)

خفايا القدر

١١&١٢

الفصل 11

غزال اتصدمت من منظر بيجاد كان واقع على الأرض ومناخيره نازل منها د*م وجسمه بيتشنج 

جريت ناحيته بخوف حطت رأسه على رجلها 

غزال بدموع : بيجاد حبيبي إنت سامعني حصلك إيه داااااادة يادااااادة تعالي بسرعة ..

طلعوا كلهم يجروا على صوتها 

سليم : إيه اللي بيحصل هنا ماله بيجاد ..

غزال : إعمل حاجة أرجوك أنا دخلت لقيته واقع ومناخيره بت*نزف وجسمه بيتشنج ..

سلمى : إبعدوا عنه دا لأنه مأخذش دواءه في ميعاده ..

  

قربت منه سلمى وحطت حبة دواء في بوءه وشربته ميه علشان يبلعها .. 

جسم بيجاد بدأ يهدى تدريجيا 

سلمى : بعد شوية هيفوق وهيبقى كويس سيبوه دلوقتي علشان يرتاح ..

 خرجت سلمى هي وابنها وهي مبتسمه بخبث 

غزال : دادة إيه هي الحبوب اللي أخذها بيجاد ..

دادة : مش عارفه يابنتي بس دي حاجة مش كويسه ..

غزال : لازم أخذ بيجاد للدكتور واكشف عليه وأشوف فيه إيه ..

 

زينه : أول مايفوق بيجاد هخرجه من الباب الخلفي وخذيه ..

غزال : أنا هبقى جنبه لحد مايفوق ..

خرجت زينة غزال قعدت جنب بيجاد 

غزال : مش عارفه اللي بعمله دا صح ولا غلط بس اللي أعرفه إني لازم أخرجك من هنا ..

*********************************************

دخلت فريدة ومعاها الجارد شالوا سعد دخلوه أوضته 

فريدة : كلموا الدكتور يجي بسرعه وحطوا البت دي في المخزن ..

أمل : أنا هق*تلك إنتي وهو ياك*لاب ..

فريدة بحده : لوحصله حاجة أنا هدف*نك مكانك .. 

أمل : ههههه روحي شوفيه يمكن يكون م*ات إبقي إدفنيه وتعالي علشان ابعتك لعندوا في جه*نم ..

فريدة قربت منها بغضب وضرب*تها بالقلم

فريدة : هخليك تتمني الم*وت وماتلاقيهوش يابنت الش*وارع ..

 

الجارد : فريده هانم الدكتور وصل وأخذته لأوضة سعد بيه ..

فريدة بعصبية : يلا كل واحد يشوف شغله مش عايزه حد يسمع باللي حصل وفتحوا عينيكم كويس علشان متهربش ..

 

أمل: إبعدوا عني ياك*لاب أنا هقت*لكم إنتوا دمرتوا حياتي ..

***********************************************

بيجاد فتح عينيه وبص على غزال شافها مغمضة عينيها  

بيجاد بهمس : غزال غزال ..

 

غزال فتحت عينيها قامت مفزوعه مسكت إيده 

غزال : بيجاد إنت كويس حاسس بحاجة ..

بيجاد : متخافيش أنا كويس بس تعبت شوية ..

 

غزال : قوم معايا يلا بس من غير صوت إحنا هنخرج من هنا ..

بيجاد بفرحة : بجد هنروح عند ملاكي يلابينا ..

 

غزال : أنا هنزل للمطبخ وإنت إنزل ورايا لكن من غير ماحد ياخذ باله ..

بيجاد : حاضر أنا هعمل كدا مش هخلي حد ياخذ باله مني ..

 

غزال نزلت وهي نازله سمعت سليم بيتكلم مع والدته قربت أكثر علشان تسمع بيقولوا إيه

سليم بعصبيه : إنتي قلتي هنخ*لص منه لحد إمتا هتفضلي تديله من الحبوب دي ..

سلمى : لو قت*لته  هيكون في تحقيق وسين وجيم وأنا ماليش مزاج للمشاكل هفضله اديه من الحبوب دي ويبقى كدا طول عمروا ..

سليم : اتمنى مايحصلش حاجة وعمي خالد يكشفنا ..

 

غزال من الصدمه رجعت لأوضة بيجاد مسكت إيده ونزلت تجري 

زينة : مالك يابنتي حصل إيه ..

 

غزال : بسرعه يادادة مافيش وقت ساعدينا علشان نخرج من هنا ..

زينة :: تعالي وريا بصي الباب دا هتخرجي منه للشارع ..

غزال : متشكرة يادادة ..

زينة : خذي الفلوس دي خليها معاكي علشان تكشفي عليه يلا روحوا ربنا معاكم ..

 

خرجت غزال وهي خايفه لحد يشوفها وصلت الشارع وقفت تاكسي 

السواق : رايحه فين ياهانم ..

غزال : وصلنا لأقرب مستشفى ..  

**********************************************

رحمة : وصلت لحاجة يابني أنا قلقانه على أمل ..

سيف : لسه ياماما اديني مستني اتصال من مديرة الملجأ ..

رحمة : البنوته دي ماعرفتش حاجة عن أمها ..

 

سيف : لا ياماما مشغول مع أمل ومقصر في حق بيجاد ..

سمعوا دق على الباب 

سيف : أمل .. 

وقف جري يفتح الباب شاف قدامه غزال وبيجاد 

سيف : بيجاد حبيبي إتفضلوا إدخلوا نورتوا ..

رحمة : أهلاً بيك يابني وحشتني إزيك ..

 

غزال : مش كويس سلمى وابنها بيخلوه ياخذ حبوب علشان يبقى كدا ومايخفش ..

 

سيف : عرفتي دا كله إزاي ..

قصت عليه كل حاجة من وقت مابيجاد وقع في أوضته لحد ما اخذته للمستشفى ..

 

سيف : والدكتور قال ايه عن حالة بيجاد ..

غزال : قال إن بيجاد بدأ يتحسن ومفعول الحقن خلص من جسمه بس قال إنه بيأخذ دوا يخليه يفضل كدا ومايخفش .. 

سيف : وهتعملي إيه دلوقتي إنتي وبيجاد ..

غزال : هاخذ بنتي وبيجاد وهمشي من هنا أنا بشكركم ..

سيف : هتروحوا فين خليكوا قاعدين هنا لحد ماخالد بيه يرجع ..

 

غزال : لا أنا خايفه يلاقوا بيجاد هنا .. 

شالت ملاك  ومسكت إيد بيجاد 

غزال : متشكرة أوي إطمنوا بيجاد هيكون معايا بأمان .. خرجت بسرعه من غير ما تسمع رد منهم

رحمة بزعل : لاحول ولا قوة إلا بالله هتعتني بيه إزاي وسط كل الافا*عي دول ..

سيف : باين إنها بنت قويه أنا سمحت لها تروح علشان عارف إنهم هيدوروا عليه هنا ..

رن تلفون سيف بصله كان رقم غريب 

سيف : السلام عليكم مين معايا ..

 

المديرة : أنا مديرة الملجأ اللي سبتلي رقمك الصبح ..

 

سيف بلهفه : عرفتي حاجة عن العيلة اللي اخذت أمل ..

 

المديرة : ...................

**********************************************

دخلت فريدة وهي تبتسم ابتسامة خب*يثه 

أمل : جوزك الو*اطي مات علشان ابعتك ليه ..

 

فريدة : ههههه لسه عايش اطمني بس عندي ليكي مفجأه ..

أمل : اشكالكم ماتعرفش المفاجأت إطلعي بره ..

فريد : جبتلك الراجل اللي هيخليكي تجيبيلي بنت تانيه ..

أمل بتوتر : إنتي تقصدي إيه إ..

 

فجأه دخل واحد ضخم البنية وشكله يخوف 

فريدة : ههههه بص إنت اعمل زي ماطلبت منك ..

وإنتي يا اموله دا أب بنتك أو إبنك الجديد 

خرجت وهي بتضحك ضحكات شي*طانية ..

الفصل  12

المديرة : أيوه ياسيف بيه أمل أخذها واحد إسمه سعد الهلالي ..

سيف : شكرا لحضرتك طب مافيش عنوان أو حتى رقم تلفون ..

المديرة : لا مافيش غير اسمه وبس لكن عنده شركه معروفه بإسم الهلالي ..

سيف : متشكر أوي مع السلامه .. 

قفل معاها ودور على رقم ثاني  إتصل واستنى الرد 

سيف : السلام عليكم اسمعني كويس ياأحمد ..

أحمد : اؤمرني ياسيف بيه ..

سيف : الأمر لله بص معاك خمس دقائق تجيبلي عنوان بيت سعد الهلالي ومكان شركته .. 

أحمد : اعتبرهم عندك يابيه من هنا لخمس دقائق ..

سيف : تمام سلام دلوقتي أنا مستنيك ..

رحمة : طمني ياسيف عرفت حاجة  ..

سيف : أيوه ياماما وصلت لإسم العيلة اللي أخذتها ..

رحمة : يارب أحميها البنت اتعذبت كتير ..

 بعد مدة قصيرة وصلت رساله لتلفون سيف فتحها 

رحمة : خير ياسيف ..

سيف بإبتسامة : عرفت مكانها ياماما أنا رايحلها ادعيلي ألاقيها ..

 

رحمة : ربنا معاك يابني ..

***********************************************

أمل بخوف : أرجوك إبعد عني إنت ماعندكش إخوات بنات ترضى يحصلهم كدا ..

قرب منها أكثر صرخت أمل بقوة 

أمل ببكاء : أرجوك إبعد عني ..

الرجل بهمس : ششش اهدي أنا مش هعمل فيكي حاجه ..

 

أمل : بجد أنا متشكرة مش هنسى معروفك دا أبداً ..

 

الرجل : إسمعيني كويس عيطي وصرخي يلا مافيش وقت 

أمل فضلت تصرخ وتعيط بكل قوتها 

الرجل : أنا هدور وإنتي قطعي هدومك كلها وأنا هخرج مش عايزها تشك بحاجة ..

 

أمل بإمتنان : متشكرة أوي ..

الرجل : أنا هنا غصب عني فريدة هانم هددتني أنا مجرد حارس عندها ..

الرجل خرج لاقى فريده واقفه قدامه 

فريدة : عملت زي ماقلتلك ..

الرجل : إطمني ياهانم عملت كل اللي قلتيلي عليه ..

 

فريدة : تمام يلا إمشي من هنا وفلوسك هتوصلك ..

 

دخلت عند أمل شافتها بتلم هدومها المتقطعه ودموعها نازله على وشها 

فريدة بخبث : مالك يابت ههههه قريب أوي هنفرح المره دي عاوزه ولد وخرجت ..

أمل : ربنا ينتقم منك ياشيطانه ..

************************************************

في الشارع كانت غزال واقفه بتستنى أي تاكسي يعدي كانت خايفه لحد يشوفها 

بيجاد : إحنا رايحين فين ياغزال خلينا نرجع للبيت ..

غزال : هنروح لمكان أحسن من البيت ..

وقفت غزال بخوف لما شافت عربيات سوداء وقفت نزل منها رجاله حاوطوها ونزل خالد 

غزال بفرحه : خالد بيه الحمدلله إنك رجعت ..

خالد بعصبية : بقى أمنك على إبني تقومي تخطفيه وتهربي وكمان تطلبي فلوس ..

 

غزال بصدمة : فلوس إيه ياخالد بيه سلمى وابنها كانوا عايزين يقتلوا بيجاد وأنا هربته ..

خالد : ماتكذبيش أنا وثقت فيكي ياغزال وإنتي خنتي الثقه دي وكمان بتتهمي إبن أخويا ..

 

غزال : صدقني ياخالد بيه أنا ماعملتش حاجة واسأل دادة زينه مين اللي قالك إني خطفت بيجاد ..

فلاش باك 

وصل خالد الفيلا شافهم متجمعين وسلمى بتزعق للجارد

خالد : إيه اللي بيحصل هنا ياسلمى ..

سلمى : البنت اللي إسمها غزال خطفت بيجاد بعد ما طردنها من القصر رجعت ثاني وخطفته ..

خالد بصدمه : طردتوها طردوتها ليه ورجعت إزاي فهموني ..

 

سلمى قصت عليه كل حاجة من لما طردوا غزال من الفيلا لكن كذبت عليه وقالت إنها سرقت ورجعت علشان تخطف بيجاد 

خالد بغضب : سليم فتشوا كل عربية ووقفوا كل حد شافها 

خرج خالد وسليم معاه والجارد وراهم 

باك 

 خالد : من حظنا الحلو إن في حد شافك وبلغنا ..

غزال : صدقني الكلام دا كله كذب أنا ماعملتش حاجة أنا دخلت القصر متنكره بلبس شغاله

و لوكنت فعلاً خطفت بيجاد كنت فضلت بشكلي اللي اتنكرت بيه ومارجعتش لشكلي القديم ..

خالد : أنا هسمحلك تمشي علشان خاطر الطفله اللي بين إيديك لأنها مالهاش ذنب يلا يابني ..

 

غزال بدموع : علشان خاطري ياخالد بيه ماتبعدش بيجاد عني ..

خالد : إمشي من هنا قبل ما أطلبلك البوليس .. 

غزال مسكت إيد بيجاد بقوة ودموعها نازله وبصتله لآخر مرة كانت بتودعه 

غزال : عارفه إني مش هكون معاك لكن إنت هتبقى دائما في قلبي ..

بيجاد : أنا بحبك ياغزالي تعالي معايا إنتي وملاكي ..

خالد بغضب : بيجاد تعالى لهنا ..

مسك ايده وسحبه وراه بيجاد بص ناحية غزال حس بدوخه والذكريات بقت بتظهر قدامه ذكرايات قديمه وقع بيجاد على الأرض 

خالد والجارد شالوه حطوا في العربيه واتحركوا 

غزال قعدت في الشارع تبكي بقهر

***********************************************

وصل سيف لبيت عيلة الهلالي خبط على الباب الشغالة فتحت الباب 

سيف : هو دا بيت سعد الهلالي ..

 

الشغالة : لا مش هو إنت غلطان ياأستاذ .. 

سيف لف علشان يمشي لكن شاف حاجة  على الأرض وقفته

١٣&١٤

خفايا القدر

♡الفصل 13 ♡

سيف شاف سلسلة مرميه على الأرض كان شايفها في إيد أمل قبل كدا وطى وشالها بصلها كويس أتأكد إنها بتاعت أمل 

خبط على الباب من ثاني واستنى لحد ما الشغاله فتحت 

سيف بغضب :: سعد فين وبلاش تكذبي عليا ..

الشغاله :: مافيش حد هنا إسمه سعد ..

سيف زقها ودخل بغضب حارق وهو بيزعق

سيف : فييينك ياوا*طي يازفت سسسسسعد ..

نزلت فريدة وهي متعصبه ومنزعجه من صوت سيف العالي 

فريدة : إيه اللي بيحصل هنا ودا دخل هنا إزاي ..

سيف : مراتي فين ياهانم بقى تخطفوا مراتي من بيتي إنتي والو*اطي جوزك ..

فريدة : إحترم نفسك وأعرف إنت بتتكلم مع مين روح دور على مراتك في مكان تاني ..

سيف:: الظاهر إن الكلام مش هيجيب نتيجة معاكم أنا هكلم البوليس وهو اللي هيعرف يتصرف معاكم إزاي ..

 

فريدة : بوليس إيه بس خلينا نتفاهم من غير شوشره ..

سيف : فين أمل وإلا هتشوفي شوشره ماشوفتهاش بحياتك ..

 

فريدة نادت على الجارد : هات البنت اللي في المخزن ..

الجارد : تحت أمرك ياهانم ..

سيف : هتدفعوا ثمن اللي عملتوه دا غالي ولو أذيتوها أنا هحرق*كم ..

شوية والجارد دخل وهو ماسك أمل وهي بتصرخ  

أمل : سيبني ياوا*طي إنت واخذني  على فين ..

سيف : أمل ..

أمل بدموع : سيف إنت هنا بجد ولا أنا بحلم ..

زقت الجارد وجريت ناحيته حضنته بقوة ودموعها نزلوا 

سيف : أمل إنتي كويسه عملوا فيكي حاجه في حد قرب منك ..

أمل بشهقات : سيف أرجوك خرجني من هنا دول شياطي*ن ..

سيف : اهدي ياأمل أنا هنا جنبك أوعدك إني هخليهم يتمنوا الم*وت يلا نخرج من هنا .

أمل : يلا نمشي من هنا مش عايزه ابقى هنا دقيقه واحده ..

 

سيف خرجها من الفيلا كانت ماسكه فيه بقوة لحد وصلوا للعربيه 

سيف : حضرت الضابط تقدروا تعملوا شغلكم خلينا نرتاح من وساخ*تهم ..

 

الضابط : أنا بشكرك ياسيف بيه دول أكبر مجرمي*ن ..

سيف : الشكر لله لو كان بإيدي كنت قتلتهم لكن أنا واثق إن القانون هو اللي هيجيب حق مراتي ..

 

ركبت أمل العربية وهي بتترعش من الخوف 

سيف : أمل اهدي أنا معاكي إطمني مش هيتعرضولك ثاني .. 

ضمها لحضنه وبالإيد الثانية ساق العربية ..

**********************************************

غزال فضلت تمشي في الشوارع وهي مش عارفه هتروح فين ركبت أول قطر وهي مش عارفه وجهته ودموعها نزلوا غصب عنها 

في ست كانت قاعده جنبها بصتلها بحزن 

الست : مالك يابنتي ربنا كريم بتعيطي ليه ..

 

غزال : ونعم بالله أنا مش عارفه هروح فين ولا عارفه أعمل إيه ..

 

الست : أنا إسمي مليكة يابنتي ممكن تحكيلي حكايتك ..

غزال : هحكيلك أنا محتاجه حد احكيله مش علشان يواسيني أو يشفق عليا عايزه اتكلم علشان أخفف عن قلبي شوية ..

مليكة : أحكي يابنتي يمكن ترتاحي ..

 

غزال : أنا جيت على الدنيا لقيت بابا ما*ت قبل ما اتولد ويوم ولادتي ماما مات*ت أخذتني عمتي علشان تربيني مع بناتها كانت بتعاملني زي الخدامه كنت بشتغل في البيوت لحد مافي يوم حصل اللي حصل ..

مليكة : حصل ايه خلاك في الشارع ..

غزال : البيت اللي كنت شغاله فيه كانوا بيع*ذبوا واحدة وعايزين ياخذوا منها بنتها هي طلبت مني أهرب بنتها صعبت عليا أخذت البنت وهربت ولما رجعت لعمتي طردتني للشارع ..

مليكة : من إمتا وإنتي قاعدة في الشارع ..

غزال : النهاردة بس أنا اتجوزت وحكت لها كل اللي حصل معاها في قصر خالد بيه ..

مليكة : إنتي هتروحي معايا الشارع صعب عليكي وإنتي معاكي طفله ..

غزال : متشكرة لكن مش عايزه أثقل عليكي أنا هتصرف ..

مليكة : إنتي هتشتغلي معايا وهتعيشي معايا ..

 

غزال بفرحه : بتتكلم جد أنا مش عارفه أشكرك إزاي ..

 

وقف القطر نزلت غزال مع مليكة وراحت معاها لواحدة من الفلل مليكة فتحت الباب 

مليكة : إدخلي ياغزال من النهاردة إعتبري البيت بيتك ..

غزال بصت للبيت كان مرتب باين عليه بيت ناس اغنياء 

مليكة : اللي على اليمين دي هتكون أوضتك بالليل هبفى أقولك هتشتغلي إيه ..

 

غزال : أنا مش عارفه أشكرك إزاي ياست مليكة ..

 

مليكة : مافيش داعي تشكريني المهم الشغل ..

**********************************************

في المستشفى بيجاد كان نايم على السرير وبيهلوس 

بيجاد : غزال إنتي فين غزال ..

خالد : دكتور طمني إبني ماله .. 

الدكتور : إبنك بقى كويس الحمدلله في حد كان بيعطيه حبوب زي المخ*در تمنع إنه يرجع لحالته الطبيعية ..

خالد بصدمه : حبوب تمنع إنه يتعالج ..

 

الدكتور : أيوه لكن الحمدلله الظاهر إنه وقف الحبوب من فترة حالته  بتتحسن .. 

خالد : الحمدلله يارب طب ليه بيهلوس ..

الدكتور : عادي دا من التعب ..

خالد : سليم إبني خليك جنبه لحد ما أرجع ..

 

سليم : روح ياعمي أنا هبقى معاه إطمن ..

خرج خالد سليم قرب من بيجاد حط المخدة على رأسه وضغط عليها 

سليم بح*قد : إنت لازم تم*وت يابيجاد ..

************************************************

عند غزال

غزال نيمت ملاك وغيرت هدومها وخرجت من الأوضة علشان تجيب أي حاجة تاكلها وهي ماشيه سمعت مليكة بتتكلم بعصبية مع حد وقفت تسمع 

مليكة : أنا قلتلك دي للباشا هو بيحب النوع دا ..

 

الراجل : أنا هدفعلك أكتر الليله تكون ليا وبعد كدا هخذها للباشا ..

مليكة : البنت فاكره إنها هتشتغل شغل حلال ههههه ..

الراجل : الصراحه البنت حلوه وأنا عا*زها ليا الليله ..

مليكة : هي في الأوضه اللي على اليمين بالليل ادخل عندها ..

غزال حطت إيدها على بوءها علشان تمنع شهقاتها

♡الفصل  14 ♡

حط إيده على المخدة وضغط عليها بقوة حس بإيد بتمسكه من ذراعه 

زينة : بتعمل إيه ياسليم بيه مش كفاية إنكم وصلتوه للحاله دي وكمان عايز تق*تله ..

 

سليم بتوتر : ق*تل إيه أنا كنت بعدله المخده ..

زينة : هو أنا عميا علشان تكذب عليا أنا شوفتك بعينيا وإنت بتحاول تخن*قه بالمخده ..

سليم بتحذير : لو اللي شوفتيه دا خرج لبره أو فكرتي إنك تبلغي بيه حد ابقي إترح*مي على بنتك يادادة ..

زينة : أوعى تقرب على بنتي ربنا ينتقم منك ..

سليم : كدا إنتي حبيبتي ياست زينة خليكي جنبه لحد مايرجع عمي ..

زينه قعدت جنبه ومشت إيدها على شعره بحنان 

بيجاد فتح عينيه وبص للأوضة 

زينة بفرحه : حبيبي إنت كويس الحمدلله ..

بيجاد : غزال فين أنا عايز غزال ..

زينة : غزال مش هنا إنت إرتاح دلوقتي ..

  

بيجاد : أنا عايز غزال دلوقتي ..

 

زينة : يابني إرتاح وبعدين هنشوف هي راحت فين ..

في الوقت دا دخل خالد 

خالد : انسى حد إسمه غزال عامل إيه دلوقتي ..

 

بيجاد : أنا كويس أنا عايز غزال ..

 

خالد : سليم جهز العربية هنرجع للفيلا ..

سليم : حاضر ياعمي أنا تحت لو احتجت حاجة ..

خالد : أنا نازل معاك زينة جهزي بيجاد و إنزلوا ..

 

نزل خالد وسليم زينة بصت لبيجاد بحزن 

زينة : ماتزعلش ياحبيبي غزال هترجع زي ما رجعت قبل كدا .. 

عند العربية وقف خالد وهو بيفكر 

سليم : مالك ياعمي شايفك من الصبح سرحان ..

خالد : بفكر في بيجاد لازم أشوف حد يبقى معاه علشان ينسى الزفته اللي راحت ..

سليم بخبث : عمي أنا عندي الحل إسمعني للاخر ..

خالد : إتفضل يابني أنا سامعك ..

 

سليم : أختي لينا ندمت أوي هي بتحب بيجاد وإحنا نعرفها كويس 

نجوزها لبيجاد وهي هتهتم بيه ..

خالد : برأيك لينا هتوافق على الجواز دا ..

 

سليم : ياعمي أنا بقولك ندمت وهي بتحبه ليه ماتوافقش ..

 

خالد : تمام يابني نرجع البيت اتكلم معاها ونكتب كتابهم و نطلق منه البنت إياها ..

 

نزل بيجاد مع زينة وركب العربية من غير ماينطق بكلمه

***********************************************

دخلت غزال أوضتها شالت ملاك وخرجت من غير أي صوت وقلبها بيدق من الخوف لحد ماخرجت من البيت 

كانت ماشيه في الشارع ودموعها نازله على وشها تفكر هتعمل إيه 

غزال : يارب رحمتك أروح فين أنا والبنت دي الناس بقت وحشه وكل واحد بينهش في لحم الثاني .. 

قعدت على الرصيف تفكر هتعمل إيه شافت قدامها إعلان متعلق على مطعم صغير وقفت وهي فرحانه دخلت المطعم

غزال : لوسمحت ممكن أقابل صاحب المطعم ..

الشاب : أنا صاحب المطعم يامدام أقدر أساعد حضرتك بحاجة ..

 

غزال : أنا شوفت الإعلان المتعلق برا وعايزه اشتغل ..

 

الشاب : تعالي اقعدي ونتكلم ..

غزال قعدت وهي متوتره وخايفه يرفض بسبب إن معاها عيله صغيره 

الشاب : أنا ياسر والمطعم الصغير دا بتاعي ..

غزال : إتشرفت بحضرتك أنا عايزه أشتغل ..

 

ياسر : إنتي تعرفي تطبخي أنا محتاج حد يعرف يطبخ كويس طب والبنت اللي معاكي ..

 

غزال : ماتشغلش بالك أنا حهتم بشغلي ..

ياسر : المرتب هنتفق عليه لما أشوف شغلك ..

غزال : تمام ممكن ابقى أبات هنا ماعنديش مكان قريب من هنا ..

 

ياسر : مافيش مشكله بس مافيش أوضة هنا ممكن تنامي في اي حته هنا ..

غزال : متشكرة أوي ..

ياسر : الوقت إتأخر إرتاحي دلوقتي وبكرة هتبتدي الشغل ..

************************************************

في فيلا خالد بيه الكل كان بيجهز علشان كتب كتاب بيجاد

في أوضة لينا كانت قاعده وهي متعصبه 

سلمى : يابنتي دا لمصلحتنا كل ثروة خالد بيه هتبقى ليكي ..

 

لينا : افهمني ياماما أنا مش بحبه ليه أتجوزوا بالغصب ..

سلمى : حب إيه الحب مش بيأكل عيش يابنتي إنتي متخيله ثروة خالد كلها ليكي ..

 

لينا بعصبية : كوني متاكده أنا مش حهتم بيه خالص حتى لو عمي طلب مني دا ..

سلمى : ليينا اسمعي كلامي ولا هخلي أخوكي يتصرف معاكي خلينا ننزل ..

نزلت لينا مع أمها

خالد : ما شاءالله على بنت أخويا القمر ألف مبروك ..

سلمى : الله يبارك فيك ياخالد اتمنيت اليوم دا كثير ..

خالد : زينة فين بيجاد إطلعي هاتيه ..

جه صوت بيجاد من وراهم لكن المرة دي كان صوته مختلف 

خالد : تعالى يابني يلا يا شيخنا ابدأ ..

بيجاد بصوت قوي  : الجوازه دي مش هيتم ..

***********************************************

عند أمل كانت نايمه وبتهلوس وبتصرخ 

سيف : أمل أمل فوقي دا كابوس أنا هنا جنبك ..

 

أمل فاقت بفزع دخلت جوا حضنه وجسمها كل بيتنفض 

أمل ببكاء : سيف أنا خايفه أوي هو هو كان هنا ..

سيف : دا كابوس مافيش حد هنا إطمني أنا معاكي ..

 

أمل ببكاء : هما دمروا حياتي حتى وأنا ناميه مش سايبني في حالي ..

سيف : أمل اهدي مش هيقدروا يعملولك حاجة طول ما أنا جنبك ..

أمل : إنت هتبقى جنبي على طول ..

 

سيف : أنا جنبك دائما بلاش الدموع دي خلي القمر يطلع ..

أمل بكسوف : سيف بس بقى سيف بنتي وحشتني ..

 

سيف : أنا عرفت بنتك فين ..

 

أمل بفرحه : بجد هي فين ياسيف 

سيف: .................

١٥&١٦

♡الفصل 15 ♡

كلهم بصوا لبيجاد بإستغراب كان صوته جاد وشكله مش زي كل مرة 

خالد : بيجاد إنت بتقول إيه لينا حتهتم بيك وتلعب معاك ..

 

بيجاد : أنا مش عيل صغير علشان تهتم بيا ياخالد بيه لينا كل همها املاكي ..

زينة بفرحه : بيجاد ابني إنت إنت ..

 

بيجاد : أيوه يادادة بيجاد القديم رجع علشان يكشف الاعيبكم ..

خالد : إبني إنت بتتكلم جد طيب من إمتا ..

 

بيجاد : من فترة لكن كنت عايز أتأكد من هو الشخص اللي عايز يتخلص مني ..

خالد : قصدك إيه يابني البنت اللي لميتها من الشارع هي السبب ..

بيجاد : دي بنت أصول أوعى تغلط فيها صاحبة الصون مرات أخوك هي اللي كانت بتحطلي دوا علشان حالتي ماتتحسنش وكانت فاكره إني باخذه ..

سلمى بتوتر : بيجاد إنت اتجننت ولا إيه أنا هحطلك دوا ليه ..

بيجاد : ههههه ليه علشان ماحدش ياخذ حاجة من أملاك الشهاوي غيرك ..

 

سلمى : كذب كذب أنا ماعملتش حاجة إنت باين عليك لسه تعبان ..

بيجاد : بلاش لف ودوران أنا من فتره وأنا براقب الوضع وعامل نفسي لسه تعبانه علشان أعرف مين اللي عايز يدمر حياتي ..

خالد قرب من سلمى وض*ربها بالقلم 

سلمى بصتله بصدمه : خالد إنت مصدقه أنا ماعملتش حاجة  يمكن البنت اللي جبتوها من الشارع هي اللي عملت كدا وهو قاعد بيتهمني أنا ..

خالد بغضب : بس اسكتي هي وصلت معاكي للق*تل إطلعي برا بيتي ..

سلمى : ده بيت جوزي كمان إنت ناسي ولا إيه أنا مش همشي من هنا ..

بيجاد : بسيطه ممكن نبلغ البوليس وهو يجي يخرجك من هنا ..

سليم مثل الزعل وقرب من أمه وهو عامل نفسه زعلان 

سليم : ليه عملتي كدا يا أمي حرام عليكي ناقصك حاجة أنا قصرت معاكي في حاجة .. 

 

سلمى : أنا عملت كل دا علشانك إنت و أختك علشان حقكم مايضيعش .. 

لينا ببكاء : إنتي مليتي قلوبنا بالحقد والج*شع والطمع لييييه ..

خالد : إطلعي برررررا مش عاوز أشوفك هنا وإلا هيكون مصيرك السجن ..

طلعت سلمى وهي بتتوعدلهم 

لينا : سامحني يابيجاد أرجوك أنا كنت بسمع كلامها بس عمي أرجوك سامحني ..

خالد : إنتوا أمانه أخويا الغالي هتفضلوا هنا معانا ..

خالد : الحمدلله يارب أنا مبسوط إن إبني رجعلي من ثاني ..

بيجاد : فاضل إني أعرف مين اللي قت*ل ماما وبعدها ممكن أرتاح فين غزال يابابا ..

خالد بغضب : بتسأل عنها ليه الزف*ته دي خطفتك يمكن هي اللي كانت بتساعد سلمى ..

بيجاد : لا يابابا غزال كانت بتهربني علشان ما اتئذيش هي الوحيده اللي حمتني من عيلتي ..

************************************************

سيف : بنتك مع غزال مرات صاحبي ..

أمل : إنت بتتكلم جد عرفت إزاي ..

 

سيف : من فتره جت هنا وسابت بنت صغيره عندنا هنا وكان في ايدها نفس السلسلة اللي معاكي ومكتوب عليها إسمك ..

 

أمل بدموع : ايوه البنت اللي خذت بنتي اشترت إثنين مكتوب عليهم إسمي واحده ليا وواحده لبنتي قالتلي علشان لو التقيتوا في يوم تعرفوا بعض ..

سيف : إرتاحي دلوقتي وبكرة نروح لها في بيت صاحبي ..

أمل : سيف أنا عايزه أروح دلوقتي بنتي وحشتيني أوي ..

ادخلت رحمة في الكلام 

رحمة : لقيتي مكان بنتك يابنتي ..

أمل بتوتر : أيوه ياماما وهروحلها ..

رحمة : متوتره ليه أنا عارفه كل حاجة وكمان عارفه سبب جوزاك إنتي وبيجاد ..

أمل : صدقيني ياماما أنا كنت هرفض وافقت بس علشان ألاقي بنتي مكنتش عايزه اكذب عليكي ..

 

رحمة : دا مش ذنبك إنتي اللي قاعد جنبك دا هو اللي لازم يتعاقب ..

سيف : يا ماما أنا كنت عايز أعمل اللي إنتي عايزاه علشان ماتزعليش مني أنا مش بفكر في الجواز دلوقتي لحد ما ألاقي الانسانه اللي قلبي يختارها ..

رحمة : تقوم تتجوز واحده وتقعد تدور على اللي يختارها قلبك ياخسارةٍ تربيتي فيك دلوقتي هتطلق أمل وأبقى دور على اللي يختارها قلبك بلاش تظلم البنت معاك ..

 

سيف : بس ياماما إحنا اتفقنا على ثلاث شهور لحد ما تلاقي بنتها ..

أمل : خلاص ياسيف بيه طلقني بنتي وعرفت مكانها بكرة هروح وأجيبها ..

  

رحمة : أمل بنتي وهتبقى معايا  إنت هطلقها علشان تشوف حياتها اللي ضاعت منها ..

سيف  : تشوف حياتها إزاي ياماما ..

رحمة : إنت اتجوزت أمل علشان أنا ما ازعلش أنا خلاص عرفت الحقيقة إنت هتطلق أمل في حد عايز يتقدملها ..

  

سيف : يتقدملها إزاي يا أمي وهي لسه على ذمتي ..

رحمة : إنتوا لما اتجوزتوا ماعملتوش فرح ومحدش عارف إنها مراتك في حد من الجيران الجدد شافها وعجبته وأمه اتكلمت معايا قلتلها هسأل أمل هي صاحبة القرار ..

سيف: .....................

************************************************

عند غزال بعد ماخلصت شغل قعدت في مكان فارغ حاسه إن كل جسمها متكسر قعدت تأكل ملاك 

طلعت صورة لبيجاد بصتلها ودموعها نزلوا 

غزال : وحشتني أوي يابيجاد ياترى عامل إيه ..

سمعت صوت عالي جاي من بره حطت ملاك في مكانها و طلعت تجري شافت اتنين بيضربوا بعض 

غزال : إيه اللي بيحصل هنا ..

الشاب : مالكيش دعوة روحي من هنا بدال ما أعمل تصرف مايعجبكيش ..

 

غزال : إطلعوا اتخانقوا برا المطعم دا مش مكان للخناق .. 

ياسر  : غزال إبعدي من هنا دول ممكن يأذوكي أنا هتصرف معاهم ..

 

غزال : الأشكال الهم*جيه أنا بعرف اتصرف معاها إزاي ..

الشاب طلع مط*وه من تحت هدومه وقرب منها 

الشاب : قلتي ايه عدي كلامك مرة تانيه ..

غزال : أشكال همج*يه ماشافتش تربيه فاكر إني هخاف منك ..

الشاب رفع المط*وه وضرب بيها غزال وهرب صرخت غزال ووقعت على الأرض قرب منها ياسر وهو خايف عليها 

ياسر بقلق : غزال غزال استحملي حد يطلب الإسعاف ..

 الد*م خرج  من بوء غزال و عينيها دمعت 

غزال : البنت وديها لواحد اسمه س ي ف سيف سلمان اسأل عنه 

ووقعت رأسها على الأرض 

************************************************

عند بيجاد 

بيجاد دور على غزال في كل مكان  لكن ملاقهاش قعد في عربيته بيفتكر حنيتها عليه وحبها ليه 

بيجاد : إنتي فين ياغزال أنا هعوضك على كل حاجة ..

♡

تكملة الرواية من هناااااااا