مجمع الروايات الكامله والحصريه فقط اضغط على اسم الروايه موجوده كامله في موسوعة القصص والروايات جميع الفصول مع البرنس محمد السبكي قصص وروايات كامله يسعدني تواجدكم معنا في المدونه

 رواية خفايا القدرالفصل 6-7-8-9-10بقلم حليمه عدادى (جميع الفصول كامله)

رواية خفايا القدرالفصل 6-7-8-9-10بقلم حليمه عدادى (جميع الفصول كامله)

خفايا القدر

الفصل 6

غزال راحت جري فتحت الحمام شافته حاطط المنشفه على خصره وواقع على الأرض 

غزال بخوف :؛  بيجاد حصلك إيه إنت كويس ..

بيجاد بدموع :  وقعت على رجلي رجلي بتوجعني يا غزال ..

غزال : إهدى أنا هساعدك علشان تقوم ..

غزال سندته لحد ماوصل للسرير ساعدته علشان يلبس هدومه كانت متوتره وشها أحمر من الإحراج 

بيجاد : رجلي بتوجعني أوي ياغزال ...

غزال قعدت علشان تشوف رجله 

غزال : الكاحل التوى استنى أنا هحطلك مرهم ..

جت علشان تقوم مسك إيدها 

بيجاد : بسرعه ياغزال علشان خاطري رجلي بتوجعي أوي ..

شوية وغزال رجعت حطتله المرهم 

غزال : يلا إرتاح دلوقتي بلاش تمشي عليها ..

 

بيجاد : إنتي هتروحي فين خليكي معايا ..

 

غزال : أنا هنزل علشان أعمل الرضعه لملاك علشان أكلها ..

**********************************************

أمل : إنت لازم تعرف الأول أي هي مشكلتي علشان تعرف هتقدر تساعدني ولا لأ ..

سيف : أنا سامعك اتكلمي وماتكذبيش  ..

أمل : أنا من لما فتحت عينيا لقيت نفسي في ملجأ من غير أهل عشت هناك حياة صعبه لحد مابقى عندي سبعة عشر سنة جت ست قالت إنها عايزه تاخذني أنا فرحت إني أخيراً لقيت حد يطلعني من هناك ..

سيف : كملي وبعدين حصل إيه ..

 

أمل : الست دي خذتني معاها كانت عايزاني أجيب لزوجها طفل بعدها يرموني في الشارع ..

سيف بصدمه : يعني تحملي من جوزها وأول ماتولدي يأخذوه ويرموك ..

أمل : حاولت أهرب كذا مرة لكن ماقدرتش كان عندها حراسه في كل مكان ..

وكملت بدموع

اتجوزني غصب عني صرخت وبكيت لكن مالقتش حد ينقذني منهم ..

سيف : اهدي ياأمل لكن إزاي اتجوزك وإنتي لسه صغيرة ..

أمل : جواز بالفاتحه وبعد كام شهر حملت كنت عايشه زي الخادمه وأكتر لحد ماولدت ..

 

سيف : طب فين إبنك أو بنتك دلوقتي عندهم ..

أمل : بعد ماولدت سمعته بيقول لمراته اقتليها ولا إعملي فيها اللي عايزاه أخذوا بنتي مني 

استنيت لحد ما ناموا وأعطيت بنتي لبنت كانت بتشتغل عندهم خذت البنت ومن وقتها وهما بيعذبوني علشان أقولهم على مكان بنتي ..

سيف : طيب ليه ماهربتيش إنتي وبنتك وقتها ..

أمل : مقدرتش أخرج كان ممكن يمسكوني ..

صبرت كتير لحد إمبارح قدرت أهرب استخبيت جوا عربيتك ..

سيف : إسمعيني يا أمل أنا هتجوزك لفترة هرجعلك بنتك والعيلة دي أنا عارف هعمل معاهم إيه ..

أمل : وأنا موافقه المهم ترجعلي بنتي ..

سيف : تعرفي عنوان البنت اللي اخذتها أو معاكي رقمها ..

أمل : لا أنا معرفش عنها حاجه ..

************************************************

بعد مرور أسبوع سيف وأمل اتجوزوا ..

غزال اتعلقت أوي ببيجاد بس خوفها من هدوء لينا وأمها كان كل يوم بيكبر ..

غزال نزلت من أوضتها بتدور على بيجاد

غزال : بيجاد بيجاد إنت فين عمي خالد ماشوفتش بيجاد ..

خالد : بيجاد قاعد برا في الجنينه لوحده أول مرة يعملها ..

غزال : هو زعلان مني عايزنا نخرج نتمشى على البحر وأنا رفضت ..

خالد : سيبي ملاك مع زينه وأخرجي معاه شوية يابنتي ..

غزال : حاضر ياعمي أنا هخرج خلي بالك على ملاك ..

خالد : إطمني يابنتي روحوا وماتتأخروش ..

غزال طلعت أوضتها غيرت هدومها خذت ملاك ودتها عند زينه

وخرجت عند بيجاد كان قاعد حزين  

غزال : القمر زعلان وقاعد لوحدوا ليه ..

بيجاد : إبعدي عني أنا مخاصمك أنا مابخرجش من البيت وإنتي كمان مش عايزه تخرجي ..

 

غزال : إنت عايزنا نتأخر يلا قوم بسرعه علشان نخرج ..

بيجاد بفرحه : إنتي بتتكلمي بجد هنخرج دلوقتي ..

غزال : أيوه يلابينا نخرج علشان نرجع بسرعه أنا سايبه ملاك لوحدها ..

حضنها بحماس وفرحه

غزال بتوتر : يلا يابيجاد إتأخرنا ..

مسك ايديها واتحركوا مع بعض 

فضلوا يتمشوا وهما ماسكين إيدين بعض 

وقفوا قدام البحر كانت مبسوطه ومش عارفه سبب الإحساس اللي حاسه بيه 

غزال : مبسوط ..

 

بيجاد بفرحه : أنا مبسوط أوي بابا دائما مشغول ومافيش حد أخرج معاه ..

غزال : من النهاردة أنا موجودة معاك هنخرج مع بعض ..

 

بيجاد : أنا بحبك قد البحر ياغزال بحبك أوي ..

رغم إنه قالها بفرحه طفوليه إلا إن كلامه حرك حاجة جواها كانت مبسوطه من الكلمة دي 

غزال بتكلم نفسها : فوقي ياغزال مجرد مايرجع زي الأول هتطلقي منه سرحت وهي بتفكر 

بصت جنبها مالقتهوش 

غزال بخوف : بيجاد روحت فين

خفايا القدر

الفصل 7

غزال كانت بتحري زي المجنونه بتدور على بيجاد وهي خايفه عليه 

غزال بدموع : بيجااااد إنت روحت فين ..

كانت بتسأل أي حد تلاقيه قدامها لحد ما شافته واقف بيضحك مع شاب في نفس سنه جريت ناحيته مسكت ذراعه بغضب 

غزال : أنا قلتلك ماتتحركش من جنبي مش بتسمع الكلام ليه ..

 

بيجاد : أنا آسف ياغزال أنا شوفت سيف جيت أسلم عليه كان واحشني أوي ..

غزال : كان لازم تقولي مش تسيبني وأفضل أدور عليك زي المجنونه عقلي صورلي ألف حاجه ..

سيف : اهدي يا آنسه بيجاد صاحبي هو أول ما شافني جه لعندي إنتي مين ..

 

غزال : أنا عارفه لكن أنا خفت عليه أوي أنا غزال مراته ..

سيف : إتشرفت بمعرفتك يامدام غزال أنا وبيجاد صحاب من الطفوله عمي خالد حكالي عنك لكن أنا ماقدرتش أزوركم ..

غزال : الشرف ليا ياأستاذ سيف بعد إذنك يلا يابيجاد ..

سيف : بيجاد حبيبي روح دلوقتي أنا هاجي أزورك قريب ..

بيجاد : باي أنا هستناك ماتتأخرش عليا ..

 

مسك إيد غزال ومشي جنبها اما هي كان قلبها هيخرج من مكانه من الخوف لما ماليقتهوش جنبها 

بيجاد : أنا آسف آخر مرة أروح لمكان من غير ما أقولك ..

غزال : ماشي بس لو عملتها مرة تانيه مش هخرجك ثاني ..

بيجاد : تمام إيه رأيك نتتسابق من هنا لحد البيت ونشوف مين اللي هيسبق ..

 

غزال : ههههه لا يابيجاد الناس بتبصلنا ..

شهقت بصدمة لما شالها على كتفه وجري بيها 

غزال بإحراج من تصرفه : بيجاد بتعمل إيه نزلني ..

 

بيجاد : ههههه مش هنزلك لحد  مانوصل البيت ..

**********************************************

سيف دخل البيت شاف والدته وأمل قاعدين بيتفرجوا على التلفزيون وبيضحكوا 

سيف : ما تضحكوني معاكم ..

رحمة : ههههه تعالى ياحبيبي بتفرج مع أمل على المسرحيه ..

سيف : أوعى تكونوا قاعدين  وماعملتوش الغدا كدا أنا أزعل وأجيب ناس تزعل ..

رحمة : ههههه لا أمل حضرت الغدا من بدري وقاعدين نستناك .. 

سيف : كنت بتمشى عند البحر تعرفي شوفت مين ..

رحمة : مين ياحبيبي ..

 

سيف : بيجاد كنت بتمشى محستش غير وهو ماسك ايدي .. 

رحمة : كان بيعمل إيه لوحدوا عند البحر  وهو بحالته دي ..

سيف : كانت مراته معاه هو اتجوز ..

رحمة : يارب البنت دي تكون حنينه عليه لأن أهله مافيش حد منهم مهتم بيه ..

سيف : باين عليها بتحبه كانت خايفه عليه أوى لما جه لعندي من غير ما يقولها ..

 

رحمة : بقالنا فترة طويلة مازورناهمش لازم  نروح لهم ..

سيف : إن شاءالله ماما النهاردة معادك مع الدكتور ..

أمل : أنا هقوم أحط الأكل على السفرة 

بعد مدة قصيرة قعدوا ياكلوا بعد ماخلصوا رحمة دخلت تغير هدومها وخرجت مع سيف 

أمل قعدت لوحدها حزينة بتفكر إمتا هتجتمع هي وبنتها

 الباب خبط إفتكرته سيف نسي حاجة ورجع علشان ياخذها 

فتحت الباب ولما شافت اللي على الباب رجعت خطوتين لورا بصدمه

***********************************************

في مكان ما في الظلام حين يجتمع الشر 

المجهول 1 : مش قلنا خلاص بيجاد خلصنا منه ..

المجهول 2 : الزفت كان كل فترة بيأخذ الحبوب اللي بعثتهالي لكن الفتره دي مش بياخذهم ..

المجهول 1 بغضب : ومش بياخذهم ليه لوماخذهمش ممكن يخف ويرجع لطبيعته في أي لحظه وكل اللي خططناله هيضيع على الفاضي ..

المجهول 2 : عندي فكره اتمنى إنها تعجبك ..

 

المجهول 1 : قولي بسرعه ماعنديش وقت ..

المجهول 2 بخبث : نقتل بيجاد ونتهم مراته إنها هي اللي عملت كدا وبكدا نتخلص من الإثنين ..

المجهول 1 : ههههه دماغك سم ماشي نفذي ..

**********************************************

بيجاد قاعد قدام المرايه وغزال بتحلق له ذقنه 

غزال : كدا بقيت حلو وشطور بتسمع الكلام .. 

بيجاد : هههه يعني أنا شطور وبسمع الكلام ..

غزال : هههه أيوه خليك مع ملاك أنا هنزل أحضرلها البيبرونه علشان هي جعانه ..

بيجاد : أنا هلعب مع ملاكي الحلوه القمر ..

نزلت غزال شافت خالد خارج من أوضته شايل شنطه 

غزال : عمي إنت مسافر ولا إيه ..

 

خالد : أيوه أنا مسافر يابنتي عندي شغل مهم وإبن أخويا كلمني علشان أروح ..

 

غزال : تروح وترجع بالسلامه ياعمي ..

 

خالد : خلي بالك على بيجاد الفترة دي لأني مش هنا عارف إن صعب إنك تستحمليه ..

غزال : بتقول إيه ياعمي سافر وإنت مطمن ..

خالد : تسلميلي يابنتي يلا مع السلامه ..

خالد خرج وكل واحد راح على أوضته 

غزال دخلت المطبخ حضرت البيبرونه لملاك وهي خارج سمعت صوت حد الصوت كان جاي من الجنينه قربت استخبت ورى الشجرة واتصدمت لما

خفايا القدر

الفصل 8 

غزال اتصدمت من اللي سمعته سمعت حد بيقول الليله  هنخلص على بيجاد 

طلعت تجري لأوضتها وهي خايفه وبتترعش حاسه إن قلبها هيخرج من مكانه 

لقت بيجاد قاعد بيلعب مع ملاك وبيضحك من قلبه حضنته ودموعها نزلوا كانت بتفكر هتتصرف إزاي 

بيجاد : غزال إنتي بتعيطي ليه مين مزعلك ..

مسحت دموعها وبصتله 

غزال : ماحدش مزعلني عيني بتوجعني بيجاد خليك في الأوضة ماتخرجش منها لأي مكان ..

بيجاد : حاضر مش هخرج لأي مكان ..

الباب خبط غزال خافت مسكت الفازة بإيدها ووقفت ورى الباب سمعت صوت زينة 

زينة : إفتحي يابنتي دي أنا .. 

غزال رجعت الفازة لمكانها وفتحت الباب  

زينة : مالك يابنتي لونك مخطوف وخايفه كدا ليه  ..

 

غزال بخوف : دادة ساعديني في حد عايز يق٠تل بيجاد أنا خايفه سمعت كمان إنهم بيعطوه حبوب علشان مايخفش ويفضل زي ماهو ..

زينة بصدمه : مين اللي عايز يقتله طيب عرفتي مين ..

غزال : ماقدرتش أشوفه أنا سمعت كلامهم وطلعت جري لهنا ..

زينة : إسمعيني كويس خلي عينك على بيجاد خالد بيه مش هنا ماقدمناش حل غير إننا نخلي بيجاد قدام عينينا على طول ..

غزال : أنا خايفه أوي يادادة أنا مش هسمح لحد يقرب منه لازم أطلع الخوف من قلبي ..

زينة : خليكي معاه ولو احتاجتي أي حاجة إنزلوا مع بعض ..

زينة نزلت وغزال قعدت جنب بيجاد بتفكر هتعمل إيه 

 

**********************************************

رجعت خطوتين لورا بصدمه وهي بتترعش ودموعها نازلة لما شافت قدامها الست فريدة وجوزها 

أمل بدموع : إنتوا عايزين مني إيه إبعدوا عني ..

فريدة : فاكره إنك تقدري تهربي مني يابنت الش٠وارع ..

 

سعد : هربتي بنتي وبعدها هربتي إنتي عقابك المرة دي هيكون مضاعف ..

أمل : دي بنتي أنا لوحدي مش بنت واحد واط٠ي زيك ..

قلم نزل على وشها من فريدة أمل وقعت على الأرض 

فريدة : حطوا الزف٠ته دي جوا العربية ودوروا جوا على البنت ..

أمل : سيييف إبعدوا عني البنت مش معايا سيف إنت فين ..

 

الجارد : مافيش حد جوا يامدام 

حطوا أمل في العربية وهي بتصرخ وبتعافر واتحركوا بالعربيات

************************************************

سيف وقف العربية وساعد والدته علشان تنزل بص للبيت

 وهو مستغرب

سيف : ماما البيت مفتوح ليه أنا قلت لأمل ماتفتحش لحد ..

 

رحمة بقلق : روح شوف يابني قلبي مش مطمن  .

دخلوا البيت شافوا البيت مقلوب ومافيش حاجة في مكانها ..

سيف نادى بصوت عالي : أمل أمل ماما أمل مش موجوده ..

رحمة بخوف : البنت راحت فين استر يارب ..

سيف : أكيد وصلوا لها لازم أتأكد 

خرج يجري ورحمة وراه وصل عند البواب 

سيف : ياعم في حد جه هنا ودخل البيت ..

البواب : جت عربيتين نزل منهم واحدة ست ومعاها راجل دخلوا على البيت وأخذوا مرات حضرتك بالغصب ..

سيف بغضب : وماتصلتش بيا ليه ماعملتش حاجة ليه ..

البواب : هددوني يابيه كان معاهم أسل٠حه ..

سيف : ماما أدخلي لجوا وأنا هروح علشان أدور عليها ..

رحمة : يارب احميها البنت طيبه ..

***********************************************

في نص الليل نزلت غزال تمشي بخطوات سريعه وهي شايله ملاك بإيد والإيد الثانية ماسكه بيها إيد بيجاد خرجت من الفيلا و صلت البوابه وقفها صوت جاي من وراها  

 رايحه فين في الوقت دا

٩&١٠

خفايا القدر

الفصل 9 

التفت غزال وهي متوتره شافت وراها شاب  في سن بيجاد 

غزال : إنت مين وبتسأل أنا رايحه فين بصفتك إيه ..

سليم : ههههه أنا سليم إبن عم بيجاد إنتي شكلك هربانه ..

غزال بتوتر : أنا لا وههرب من إيه أنا هخرج اتمشى شوية مع بيجاد ..

سليم : بقى كدا طب وخارجه بتتسحبي زي الحرامية كدا ليه ..

 

غزال : إسمع يا أستاذ سليم بلاش تعمل فيها محقق عليا غ٠ور من هنا أنا خلقي ضيق ..

سليم : يااااا حراس تعالوا بسرعه ..

 

العيلة كلها خرجت على صوتهم العالي 

سلمى : إبني سليم إنت جيت إمتا ياحبيبي ..

سليم : لسه واصل دلوقتي لقيت الست دي بتتسحب زي الحراميه وأنا مسكتها ..

لينا : إنتي كنتي رايحه فين أكيد سرقتي حاجة علشان كدا عايزه تهربي ..

غزال : أنا ماسرقتش حاجة كنت خارجه اتمشى شوية أنا وبيجاد ..

سلمى : ياحراس ارموها برا مش عايزه أشوف خلقتها هنا وإنت يابيجاد تعالى معايا ..

 

غزال بغضب : بيجاد مش هيروح مع حد هو أمانة خالد بيه عندي ..

 

بيجاد : أنا عايز ابقى مع غزال إنتوا وحشين وأنا مش بحبكم ..

سلمى بعصبيه : إنتوا يابهايم ماسمعتوش قلت ارموها برا ..

زينة : ياهانم هي دلوقتي مرات بيجاد لو راحت مين اللي ح يهتم بيه ..

سلمى : مش هستنى أوامر منك يلا اطلعي برررررا..

الحراس مسكوا غزال وبيجاد ماسك فيها مش راضي يسيبها ..

غزال ببكاء : إبعدوا عني سيبوا بيجاد يجي معايا ومش هتشوفوا وشي ..

بيجاد : إبعدوا عني أنا عايز أروح مع غزال أنا بكرهكم ..

سليم مسك بيجاد و الجارد رموا غزال برا وقفلوا البوابة 

سليم بيكلم الجارد : طلعوا بيجاد بيه على أوضته وماتسمحلوش يخرج منها ..

يلا كل واحد يطلع على أوضته

غزال قعدت قدام البوابه بتبكي وواخذه ملاك بحضنها 

زينة : خليكي هنا يابنتي أنا هتصل بخالد بيه وهو هيتكلم معاهم ..

 

غزال بدموع : بيجاد حياته بخطر ياداده إنتي تعرفي عنوان بيت سيف صاحب بيجاد ..

زينة : أيوه عارفاه روحيله هو يمكن يقدر يساعدك ..

***********************************************

خبطت على الباب بقوة بقبضة إيديها والدموع نازله من عينيها 

أمل : افتحوا ياحي*وانات أفتح ياوا*طي أنا هق*تلك ..

الباب اتفتح دخل سعد بصلها بخبث وعلى وشه ابتسامه شيطانيه 

سعد : صوتك عالي ليه كدا يا أم بنتي أنا سعد حبيبك ..

أمل : حبك برص ياوا*طي أنا مستحيل اعتبرك أبو بنتي ..

 

قرب منها وهو مبتسم وهي ترجع لورى  

سعد : إيه رأيك نجيب بنوته تانيه تعالي مش هتندمي ..

 قرب منها حست بأنفاسه على وشها حست بالقرف منه مسكها من وسطها 

أمل إتشجعت وض*ربته بقوة تحت الحزام سعد وقع على الأرض بيتألم 

سعد بألم : يابنت الك*لب إنتي قد اللي عملتيه دا ..

 

أمل : إنتوا دمرتوا حياتي وأنا مش مش هسكت ثاني ..

سعد نادى للحارس :  تعالى بسرعه علشان أعرفها مين هو سعد ..

دخل الحارس وهو ماسك كربا*ج بإيده أعطاه لسعد 

أمل : بتستقوى على ست ياوا*طي ياع*رة الرجاله ..

سعد قرب منها ونزل فيها ض*رب بالكرباج وهي بت*صرخ لحد ما أغمى عليها وآخر كلمة قالتها قبل ماتغيب عن الوعي 

أمل بصوت ضعيف : سيف سيف 

خرج سعد شاف مراته قاعدة ومبتسمه كانت مستمتعه وهي سامعه أمل وهي بتصرخ

 

فريدة : مناخيرها اللي رافعاهم للسماء دول أنا هك*سرهم ساعتها هترجع البنت بنفسها ..

************************************************

غزال وصلت بيت سيف خبطت على الباب رحمه فتحت  

غزال : السلام عليكم دا بيت سيف سلمان ..

 

رحمة : أيوه إنتي مين يابنتي ..

 

غزال : أنا مرات بيجاد صاحبه ممكن أشوف سيف لو سمحتي ..

رحمة : إتفضلي يابنتي أدخلي ..

 

دخلت غزال بتوتر قعدت جنب رحمة 

سيف : أهلاً بيكي يامدام غزال أومال بيجاد فين ليه ماجيبتيهوش معاكي ..

غزال بإنهيار : أخذوا مني بيجاد هيق*تلوه ..

انتفض سيف من مكانه بصدمه 

سيف : إيييه مين اللي هيق*تله وإنتي سبتيه ليه .. 

قصت عليه غزال كل اللي حصل من لما دخلت بيت بيجاد 

سيف : أنا هروح وهجيبه على هنا ولو رفضوا لازم ألاقي حل أنا كمان مراتي مخطوفه ..

غزال : سيف بيه أنا هعرف اساعد بيجاد أنا عايزه أطلب منكم إن بنتي تبقى هنا معاكم علشان أعرف أتصرف ..

سيف : إنتي متأكده إنك هتقدري تساعديه لوحدك ..

غزال : أيوه دي حربي أنا معاهم المهم خلوا بالكم على بنتي ..

رحمة : إطمني يابنتي أنا هحطها في عينيا خلي بالك على نفسك ..

سيف : مع إنك رفضتي مساعدتي لكن أنا موجود لو إحتاجتي حاجة ..

غزال : إنت دور على مراتك وبيجاد أنا هخلصه منهم سلام 

خرحت غزال وهي كلها إصرار 

سيف : ماما أنا ماشي علشان أوصل للكلب اللي خطف أمل ..

 

رحمة : سيف احكيلي إنت مخبي عليا إيه  أنا بعرفك من نظرة عينيك ..

 

سيف : تمام أنا هقولك كل حاجة لكن اتمنى إنك ماتزعليش ياماما ..

سيف حكالها كل حاجة من لما قابل أمل أول مرة 

سيف : دي كل الحكايه ياماما سامحني إني كذبت عليك 

رحمة : 

*********************************************

في أوضة بيجاد كان قاعد لوحده بيعيط زي عيل صغير وشهقاته تعلوا سمع صوت جاي من البلكونه خرج كان حاسس بالخوف فجأه حد نط لابس إسود 

بيجاد : إنت مين ...

الفصل 10

 

بيجاد : إنت مين ..

شالت الغطاء من على وشها ومسحت دموعه 

غزال : ششش اهدى دي أنا غزال رجعت علشان أخذك إنت فاكر إني ممكن أسيبك ..

 قربت منه وحضنته والدموع في عينيها 

بيجاد : أنا كنت خايف إنك ماترجعيش إنتي وملاك ..

غزال : أنا أهو رجعت لكن يابيجاد أنا هعمل خطه علشان أبقى هنا ..

بيجاد بسعادة : المهم إنك تفضلي معايا أومال فين ملاك ..

غزال : ملاك سيبتها في مكان آمن إنزل دلوقتي ونادي على دادة زينة ومن غير ماحد يعرف ..

بيجاد : بس أوعي تمشي هزعل منك ..

 

غزال : مش همشي من هنا يلا روح بسرعه ..

بيجاد نزل جري دخل المطبخ كانت زينة واقفه بتحضر الأكل

بيجاد بهمس : دادة غزال فوق عايزه تشوفك ..

زينة : إنت بتتكلم جد يا إبني ..

بيجاد : أيوه بتكلم جد يلا تعالي بسرعه ..

زينة : روح دلوقتي وأنا هعملك أكل وجايه وراك ..

************************************************

رحمة : ليه كذبت عليا ياسيف ..

سيف : مكنتش عايزك تزعلي مش عايز أشوف الحزن في عينيك أنا آسف ..

 

رحمة : رجع أمل الأول وبعدها نتكلم دول مش بشر ممكن يأذوها ..

 

سيف : أنا هروح الملجأ اللي كانت قاعدة فيه يمكن أقدر أوصل لحاجة ..

 

رحمة : إن شاءالله تقدر توصل  لحاجه البنت إتعذبت كثير في حياتها ..

 

سيف بتوعد : بس ألاقيهم ومش هسيبهم يشوفوا الشمس ..

 

خرج سيف ركب عربيته واتحرك في طريقه وصل للملجأ دخل مكتب المديرة 

سيف : السلام عليكم أنا سيف سلمان ..

 

المديرة : وعليكم السلام أقدر أساعد حضرتك في حاجة ..

 

سيف : في بنت كانت موجودة هنا إسمها أمل من سنة تقريباً في عيلة جت وأخذتها ..

المديرة : في ملفات كتير أنا هراجعهم وأبلغك ..

 

سيف : تقدري تشوفهم دلوقتي ..

المديرة : بالليل إن شاءالله هشوف الملفات وهبلغك تقدر تسيب رقمك ..

سيف : متشكر ..

 

مسك ورقة وكتب رقم تلفونه وأعطاه للمديرة

سيف : أنا مستني إتصال من حضرتك ..

خرج من مكتب المديرة كان حاسس إنه تايه مش عارف يعمل إيه كان حاسس بالعجز ..

**********************************************

غزال : بصي يادادة إنتي هتدخليني هنا على أساس إني الشغاله الجديده ..

زينة : إزاي يابنتي أكيد هيعرفوكي أول ماتدخلي ..

غزال : لا يادادة أنا هغير شكلي ..

 

زينة : يابنتي كدا في خطر عليكي ممكن يعرفوكي ..

 

غزال : أنا هشيل الطرحه وربنا يسامحني وشعري هيكون قصير وهحط ميك اب وكدا هغير من شكلي كتير ..

زينة : تمام يابنتي أنا هعمل اللي إنتي عايزاه وربنا يستر ..

غزال : بيجاد حبيبي بص إنت متقولش حاجة وماتتكلمش معايا خالص مفهوم ..

بيجاد بتذمر : طب أنا هلعب وأتكلم مع مين ..

غزال : لما أجي لأوضتك نبقى نتكلم ماشي أنا رايحه دلوقتي .. 

زينة : خذي الفلوس دي خليها معاكي علشان تشتري أي حاجة نقصاكي ..

 

غزال : معايا يادادة خلي بالك على بيجاد لما أوصل هرن عليكي وإنتي تطلعي وتدخليني ..

***********************************************

فتحت عينيها جت علشان تتحرك حست إن جسمها كله متكسر حاولت  تقف على رجليها 

أمل بتعب : ميه عايزه ميه ..

الباب اتفتح دخل سعد وهو مبتسم تلك الإبتسامة الشي*طانيه 

سعد : اتمنى تكون ضيافتنا عجبتك يا أموله ..

 

أمل : هيجي يوم وهدف*نك مطرح ما إنت واقف ياك*لب ..

سعد : جايبه كل الثقة دي منين  هههه بعدما خذتي بنتي أنا اللي هدفنك هنا ..

أمل : إنت أصلاً مش راجل فاكر نفسك راجل وإنت بت*ضربني تبقى غلطان .. 

سعد : ماعنديش مشكله أقدر اثبتلك لوكنت راجل ولالا ..

 

سعد قرب منها أكتر تحاملت عن نفسها وض*ربته بقوة وقع على الأرض أمل جريت لبرا

سعد : يابنت الك*لب إمسكوها ياحراااااااس ..

دخلت امل المطبخ مسكت الس*كينه 

أمل : لو قربت مني أنا هقت*لك ..

سعد بسخرية : شيلي البتاعه دي من إيدك لتعورك ياقطه تعالي ..

قرب منها ببطئ أمل خذت نفس تشجع نفسها وض*ربته بالسك*ينة بقوة 

أمل : قلتلك ماتقربش مني ياوا*طي  ..

سعد وقع على الأرض وهو غرقان بد*مه 

***********************************************

دخلت غزال القصر بمساعدة زينة غيرت من شكلها كتير لدرجة إن مافيش حد إتعرف عليها 

غزال : بيجاد مش ظاهر ياداده هو فين ..

زينة : بيجاد بأوضته مطلعش منها ..

غزال بقلق : لا يادادة في حاجة غلط ..

خرجت من المطبخ طلعت لأوضة بيجاد فتحت الباب بقوة 

واتصدمت من منظر بيجاد

تكملة الرواية من هناااااا