مجمع الروايات الكامله والحصريه فقط اضغط على اسم الروايه موجوده كامله في موسوعة القصص والروايات جميع الفصول مع البرنس محمد السبكي قصص وروايات كامله يسعدني تواجدكم معنا في المدونه

 رواية خفايا القدرالفصل 21-22بقلم حليمه عدادى (جميع الفصول كامله)

رواية خفايا القدرالفصل 21-22بقلم حليمه عدادى (جميع الفصول كامله)

الفصل 21

قعد على الأرض واخذها في حضنه جسمها كان بيتنفض ودموعها نازله مش مصدقه إنهم نجوا من موت محقق افتكرت لما بيجاد شالها ونط بيها من العربية 

كانت فاكره إنها مش هتشوفه مرة ثانية لكن كتب لهم الله إنهم ينجوا من الحادث. 

بيجاد : ششش اهدي ياقلبي إحنا

 بخير ..

غزال رفعت عينيها ليه بصت للجروح اللي في إيده ووشه حطت صوابعها على وشه بتلمس الجروح 

غزال همست بدموع : بيجاد إنت كويس في حاجة بتوجعك ..

 

بيجاد مسك إيدها اللي على وشه باسها ومسح دموعها 

بيجاد : أنا كويس ياقلبي إطمني ..

بيجاد سمع صوت حد بينادي بإسمه بلهفة لف ناحية الصوت شاف سيف جاي ناحيتهم بعدما بلغه عن الحادث جه بسرعة 

سيف بخوف : بيجاد إنت كويس فيك حاجه حصلك حاجة ؟ إيه اللي حصل يابيجاد ؟

بيجاد : ماتخافش ياصاحبي إحنا كويسين الحمدلله جت سليمه ماحصلناش حاجة ممكن تاخذنا على البيت ..

سيف : أنا هخذكم على بيتي ومش عايز أي اعتراض ..

بيجاد : تمام يلا .. 

بيجاد ساعد غزال إنها تقف كان جسمها كله بيترعش ماقدرتش تقف شالها وحطها جوا العربية قعد

جنبها وخذها في حضنه

 

سيف :ااه الحمدلله إنكم بخير كنت هتجنن لما كلمتني ..

بيجاد : الحمدلله ربنا ستر ..

***********************************************

سلمى كانت قاعده وهي حاطه رجل على رجل مستنيه تسمع خبر موت بيجاد الحقد والطمع ملو قلبها 

دخل ياسر يجري كان خايف من رد فعلها وقف قدامها وهو متوتر 

سلمى : اتكلم المهمه تمت بيجاد مات ..

ياسر : في الحقيقه أنا قطعت فرامل العربية..

قاطعته بنفاذ صبر 

سلمى بغضب : عارفه إنك قطعت الفرامل عايزه أعرف بيجاد ماااات ..

ياسر : طلعوا منها في آخر لحظه نطوا من العربية ..

سلمى بغضب : قولي إنت فايدتك إييييه اااااانت مش قادر تعمل أي حاجة ..

ياسر  : دا مش ذنبي أنا عملت المطلوب مني لكن بيجاد زي القطط بسبع ارواح ..

سلمى : غورررر من وشي إطلع برررررا من النهاردة أنا اللي هعمل كل حاجة بنفسي ..

خرج ياسر سلمى بصت في المرايه

سلمى : أنا مش ح هدى غير لما أخلص على عيلتك كلها ياخالد بيه 

************************************************

بيجاد : غزال كفاية عياط إحنا كويسين ماحصلناش حاجة ..

أمل : صح ياغزال اهدي ياحبيبتي الحمدلله إنتوا كويسين ..

غزال : يعني لازم استنى لما يحصل حاجة يابيجاد كل مرة نطلع منها بمعجزه ..

رحمة : وحدوا الله ياجماعه ..

الجميع : لا إله إلا الله 

رحمة : غزال يا بنتي مش هيحصل غير اللي ربنا كاتبه  وربنا حفظكم الحمدلله ..

غزال : أنا خايفه لتعمل حاجة لبيجاد هي مصره إنها تأذيه ..

بيجاد : إطمني ياقلبي البوليس بيدور عليها ..

رحمة : يلا ياولاد الأكل جاهز لازم تاكلي إنتي ما أكلتيش حاجة ..

بيجاد : خلينا نشوف ملاك هي فين ياسيف ..

سيف : قوموا كلوا وأنا هجيبها ماشي ..

************************************************

بالليل بعدما بيجاد مشي هو وغزال قعد سيف يشتغل على ورق مهم 

اتفاجئ بأمل بتلف إيديها حوالين رقبته وبتبوسه من خده بحنيه 

سيف : أمل بتعملي إيه أنا بشتغل ..

 

أمل : يعني الشغل أهم مني ياسيف ..

شدها وقعت في حضنه 

سيف بحب : مين قال إن الشغل أهم منك ياقلبي تعالي هنا إنتي ليه  بتحلوي كدا كل يوم ..

 

أمل : عينيك هما اللي حلوين ياقلبي ..

سيف : أنا متجوز قمر ياناس باسها من خدها 

في اللحظة دي دخلت رحمة بتجري أمل بعدت عن سيف بسرعه وهي مكسوفه 

رحمة لفت وشها الناحية الثانية 

رحمة : أنا آسفه إني دخلت بالشكل دا لكن أنا مش لاقيه ملاك ..

************************************************

خالد : قلتلك خلي بالك سلمى مش هتهدى غير لما تأذي حد مننا ..

 

بيجاد : لازم أعمل أي حاجة علشان ألاقي مكان سلمى ..

خالد : هتعمل إيه ..

بيجاد : لا دي مهمتي أنا لازم أفكر كويس ..

خالد : فكر كويس ومتعرضش نفسك للخطر ..

بيجاد : إطمن يابابا أنا عايز انهي موضوعها علشان أنتقم من اللي قتل ماما ..

خالد : بيجاد يابني الموضوع دا عد عليه خمس وعشرين سنة هتلاقي اللي عملها إزاي ..

بيجاد : بابا إنت مادورتش ورى  الموضوع دا طب إزاي البوليس ماقدرش يوصل للقاتل ..

خالد : البوليس عمل شغله لكن  القاتل ماسبش وراه أي دليل والبوليس قفل الملف ..

بيجاد : أنا هفتحه من ثاني وهجيب حق أمي ..

 

بيجاد طلع لأوضته وهو بيتوعد للي قتل والدته دخل الأوضة شاف غزال نايمه بهدوء نام جنبها وخذها بحضنه

************************************************

في مكان أول مرة نروحله في أوضه صغيرة تجلس سيدة الأوضه كانت مليانه صور لشخص ملست بإيدها على واحدة من الصور 

السيدة : وحشتيني أوى ياحبيبي ..

الفصل 22

أمل خرجت تجري تدور على ملاك في كل مكان 

أمل بإنهيار : بنتي راحت فين هي كانت معاكي ياماما  ..

رحمة : أنا كنت معاها حطتها هنا وقومت علشان أجيبلها الرضعه بتاعتها رجعت مالاقيتهاش .. 

سيف : ماحدش يقدر يدخل أوضة ماما دوري كويس هي بتزحف على بطنها ممكن تكون في مكان هنا ولا هنا ..

 

أمل ببكاء : دور ياسيف أنا خايفه ..

سيف : اهدي ياأمل هي أكيد موجودة في مكان هنا ..

فجأه سمعوا صوت بكاء ملاك

سيف : ششش اسكتوا علشان نعرف نحدد مكانها فين ..

زاد بكاء ملاك جريوا لمكان الصوت  سيف وطى تحت السرير شافها بتبكي سحبها 

سيف : يابت ياشقيه مستخبيه هنا وإحنا بندور عليكي وهنموت من الخوف ..

أمل بدموع : الحمدلله يارب هاتها ياسيف ..

خذتها في حضنها وهي مش مصدقه إنها بخير قلبها كان هيطلع من محله من كثر الخوف عليها

 

سيف : اهدي خلاص ملاك بنت شقيه هههه لازم تتعاقب ..

سيف خذها من أمل وقعد وأمل قعدت جنبه 

رحمة : سامحيني يابنتي مكنتش عارفه إنها هتعمل كدا وتخوفنا عليها ..

 

أمل : ياماما الغلط مش عليكي هي اللي دخلت تحت السرير ..

سيف : هههه الأيام دي خلوا بالكم ملاكي هتختفي كتير ..

***********************************************

في صباح اليوم التالي في فيلا بيجاد على الفطار 

خالد : النهاردة هتروح الشركه عندنا إجتماع ..

 

بيجاد : أيوه وكمان في كام حاجه لازم أعملها وفي أوراق مهمه لازم أطلع عليها ..

خالد : ربنا معاك يابني خلي بالك كويس الأيام دي ..

بيجاد : حاضر يابابا يلا أنا رايح تعالي معايا ياغزال عايزك في حاجة قبل ماروح ..

خرج بيجاد وغزال خرجت وراه وقف في الجنينه 

بيجاد : غمضي عينيك عندي لكي حاجة حلوه ..

غزال بفرحه : بجد هاتها بسرعة عايز أشوف الحاجة الحلوة ..

 

بيجاد : غمضي عينيك بس دقيقه يلا ..

 

غزال غمضت عينيها بيجاد طلع من جيبه علبة قطيفه فتحها 

بيجاد : إفتحي عينيك ..

 

غزال فتحت عينيها وشافت جوا العلبه سلسة رقيقه عليها تعليقه على شكل فراشه مكتوب عليها إسمها .. 

غزال بدموع الفرحه :  الله دي جميلة أوي يابيجاد ..

بيجاد : علشان إنتي جميله تستحقي كل حاجة جميلة ياقلب بيجاد ..

غزال : أنا بحبك أوى يابيجاد لا أنا بعشقك يا أجمل سند ليا ..

 

بيجاد : قربي علشان ألبسهالك علشان تبقى احلى إنتي اللي بتحلي كل حاجة ..

لفت غزال لبسها السلسلة 

غزال : جميلة أوي يابيجاد بجد فرحتني ربنا مايحرمنيش منك ..

قرب منها باس راسها بحنان 

بيجاد : ادعي لي ياقلبي أنا ماشي ممكن أتأخر شوية ..

 

غزال : ربنا معاك ياقلبي ماتنساش تجيبلي معاك الشوكولاته اللي بحبها ..

 

بيجاد بحب : من عينيا ياحبيبتي ..

**********************************************

خالد : بيجاد بيدور ورا موضوع قتل والدته ..

مايا : لازم تمنعه إنه يوصل لحاجة .. 

خالد : بيجاد مش هيقف وأنا مش هقدر امنعه ..

مايا : السر اللي مستخبي طول السنين دي بيجاد هيعرفه  لو ماعملتش حاجة ..

 

خالد : المشكله لو راح للبوليس  هتكون ورطه ..

 مايا : خالد فكر في حل بسبب سكوتك دا هتحصل مشاكل ..

خالد : أنا هتكلم معاه هحاول أطلع الموضوع دا من دماغه ..

مايا : ياحبيبي دا لمصلحتنا إنت فاهمني ..

 

خالد : إطمني أنا هعمل كل جهدي علشان بيجاد مايعرفش حاجة ..

  

مايا : لازم تروح للشركه علشان تعرف هو ناوي على إيه وتحاول إنك تمنعه ..

خالد : تمام أنا رايح دلوقتي وإنتي خلي عينيك على زينة لتقول حاجة ..

**********************************************

وصل بيجاد قدام الشركه نزل من العربية لقى سيف واقف مستنيه 

بيجاد : السلام عليكم معلش إتأخرت عليك ..

سيف : وعليكم السلام من بدري وأنا مستنيك ..

 

بيجاد : تعالى ندخل عندنا اجتماع مهم ..

 بيجاد لف علشان يدخل وقبل مايتحرك من مكانه رصاصه استقرت في جسمه

بيجاد : ااااه 

صرخ ووقع على الأرض يلتقط انفاسه ..

سيف بخوف : بيجاد بيجاد رد عليا 

اتصلوا بالإسعاااااااااف ..

تكملة الرواية من هنااااااا

لمتابعة باقي الروايه زورو قناتنا علي التليجرام من هناااااااااا

بدل ماتدور وتبحث علي الروايات عمل 

متابعه لصفحتنا على فيس بوك هنااااااااااا

الرواية كامله من هناااااااااا

مجمع الروايات الكامله اضغط هناااااااا