رواية انا الشريره الفصل الثامن 8بقلم نوران احمد جديده وحصريه (جميع الفصول كامله)
رواية انا الشريره الفصل الثامن 8بقلم نوران احمد جديده وحصريه (جميع الفصول كامله)
انا الشريره 8
بقلمي نوران احمد
بدأت أهالي القريه يدخلو البيت ويدورو عليا كنت مستخبيه وقتها وبعد فتره مبطلت اسمع أصوات للناس ولا لرجليهم واستغربت ليه جدك مدخلش لحد دلوقتي طلعت ادور عليه لقيته بس بعد فوات الأوان عشان كدا قررت انتقم من الكل وبالفلوس اللي كان سايبها ليا عملت عمليه تجميل
مازن : أما قصه مؤثره بصحيح عشان كدا بدأتي بالناس اللي هنا
رانيا : اوعي تقولي أن انتي اللي قتلتي عم عطيه
جميله : لما كلمو عم عطيه قال انا اه كنت السبب في ان شخص يموت بس مش انا اللي قتلته وده اللي انا عملته زي ما هو قال كنت عارفه أنه بيشرب مخدرات بشكل منتظم في وقت معين عشان كدا حطيت ليه نسبه في مشروبه ف لما جه يتعاطي زي عادته للأسف راح فيها مش انا اللي قتلته انا كنت بسبب بس
سيف : وانتي شايفه ان اللي بتعمليه ده صح ولا حل الانتقام دايما بيكون للاضعف حسني من نفسك قربي من ربنا ربنا رحيم اوي بيكي بس انتي اللي مش شايفه اللي حواليكي كويس
جميله : مش فارق معايا كل الحوارات دي وعلي اي حال انا لازم اروح القاهره قريب عندي شويه حاجات لازم اخلصها
مازن : وانت يا برنس المدير عايزك بكرا بالكتير نكون عنده
رانيا : وأنا كمان لازم اسافر لاي مكان ميقدروش يوصلولي فيه يعني خلاص كدا هنتفرق دلوقتي
سيف : متتوقعيش مني اني أسيبك في حالك يا جميله انتي اخر حاجه ابويا سبهالي ولازم اهتم بيكي
رانيا : انت يا عم يلي عايش في عالم موازي انت بتعملي اي
مازن بابتسامه : كنت بدور علي السكر بس شكلي كده لقيته
رانيا بابتسامه خجل : علي فكره بقا عيب كدا انا بتكسف وكفايه معاكسه بقا
مازن : كسوف اي ومعاكسه اي لقيت علبه السكر سيف هتشرب شاي معايا
رانيا : يااا علي الكسفه اللي انت فيها يا حازم شكلي بقا زفت قال وانا اللي عامله نفسي تقيله وكارزما كل حاجه باظت
مازن : بت يا رانيا ما تيجي نلعب بما انها اخر مره اشوف فيها وشك اهو نتسلى
رانيا : حلو ده هنلعب اي عندك حاجه معينه
جميله : انا ليه حاسه اني بقيت في حضانه للأطفال ده اي القرف ده لا ومفيش احساس ابدا
مازن : بصي هنغمي عيون بعض ونمسك اي حاجه بأيدينا ونضرب بيها واللي يضرب اكتر يفوز
سيف : اي العته اللي انتم فيه ده احنا في اي ولا اي اعقلو شويه
رانيا : يلا بينا يا معلم مستعده أنجز بقا وفي سرها ده انا هطلع عينك علي الكسفه اللي كسفتهالي دي
جميله : اطلعو بره بيتي حالا عايزه انام مش ناقصه عته
سيف : محدش هيسمعك تعالي نتكلم بره شويه
في مكان تاني
هشام : يا ابني انت عندك انفصام في الشخصيه مش كنت معجب بيها روح بيتها وراقبها وامشي وراها لحد الجامعه وفي أي فرصه قرب منها واتكلم معاها
فارس : انا مش واثق انها بنت محترمه اصلا انا نسيت هي كانت طالعالي منين ويا تري مع مين وكانت بتعمل اي
هشام : يا ابني انت مش قولت ان البنت شكلها بري ومحترمه وكنت مستغرب وجودها في مكان زي ده بص عندي فتره اي رايك تعمل ليها اختبار كدا وتشوف
فارس : هو ده اللي هعمله فعلا انا مش هروح بكرا الشغل خد ورق تصاميم البنايه واعرضها علي المدير وقوله اي حاجه تعبان ولا اي نيله الا صحيح عرفت تشرح للانسه دينا ولا
في قصر كبير
ساندي : اللي عمله ابوكي أكبر صح عايزاه يشوفك ازاي يا اختي بعد اللي عملتيه مش أخلاقك ولا دينك يسمحو ليكي تهربي من البيت وتروحي مكان زباله زي ده وفينه بقا الحلو بتاعك ده كان فين والرجاله بتجري وراكي
رهف : ممكن تسكتي بقا عارفه اني غلطانه واستاهل بس عندي مبرر خنقه بابا عليا هي اللي خلتني اعمل كدا بس بجد انا حبيت الولد اللي ساعدني ده
ساندي : متنسيش ان اهلك ليهم مواصفات خزعبليه في اللي هتتجوزيه ف اتنيلي واسكتي معتقدش أنه هيفكر فيكي اصلا بعد ما شافك خارجه من مكان مشبوه زي ده
رهف : تعرفي تمشي وتسيبيني لواحدي شويه اصلا محدش بيفهمني غير واحده بس وبعتت رساله لصديقتها المجهوله علي الفيس بتحكي فيه اللي حصل معاها وكان الرد
فعلا ابوكي عمره ما هيحس بيكي انتي مش هتعيشي غير مره واحده بس استغليها واعملي كل اللي نفسك فيه حبي واخرجي واخر حاجه تبصي ليها هي المستويات حتي لو اضطريتي انك تهربي من السجن اللي مسمياه بيتك ده
في بيت جميله
كان مازن مغمي عينه وماسك مخده في ايده
ورانيا ماسكه طاسه ومغميه عينها وبتضرب في الهوا بكل قوتها لحد ما خبطت في حاجه سمع مازن صوت غريب وشال القماش من علي عينه واتصدم انها ماسه ده تضربه بيه جامد كدا
مازن بصدمه : انتي بتهزري صح انا ماسك مخده وانتي ده كان في نيتي أننا نضرب بعض بالمخدات والمخده تتقطع والريش يقع علينا ويعمل جو رومانسي وقرب منك ووشك يحمر و
رانيا : ولا فوق من ام خيالاتك دي ياض بقا بتكسفني وتقولي سكر وكدة ده انا هطلع عينك النهار ده
مازن : انتي بتعملي اي اكيد مش هتضربيني بت انتي متأكده انك مش مجنونه وبدأ يجري وهو بيصوت وهي بتجري وراه عايزه تضربه
علي البحر
سيف : بتكلمي مين ومبتسمه اوي كدا علي غير العادة
جميله : بكلم حد اعرفه كدا المهم بما انك مسافر بكرا حاول تلاقي اي بيت ليا ويكون سعره حنين شويه عشان ناويه اروح بكرا القاهره اخلص شويه حاجات كدا وبالليل الاقي مكان انام فيه عاي الاقل
سيف : بتخططي لايه انتي ناويه علي حاجه صح انتي مبتاخديش اي قرار كدا
جميله : بدأت خطتي التانيه وقريب اوي هخلص انتقامي وهقدر اعيش حياتي براحه وعشان كدة لازم انزل اعمل حاجه مهمه اوي
سيف بضيق : بلاش يا جميله هتندمي بعدين متروحيش ولا تيجي في اي مكان بكرا انتي فاهمه وكلامي يتسمع والا انتي لسه متعرفيش انا ممكن اعمل اي
وفجاه سمعو صوت مازن بيصوت. بيجري علي سيف وبيستخبي وراه
مازن : شوفي صاحبتك المجنونه دي عايزه تضربني وانا مش خايف بس مش عايز اتغابي عليها واضربها تعيط ابعديها عني وامسكيها كويس انا بقولك اهو
ضحكت جميله : لا ده الرجاله حالها مال علي الاخر اليوم خلص يا شباب ممكن تنامو في بيت رانيا وهي هتنام معايا النهار ده يلا يا اختي قدامي
رانيا : ما تخليني معاكي يا جميله احساس الوحده وحش أوي خصوصا لما تكوني متعوده علي نسخه منك
دايما معاكي ومش بتفارقك هساعدك وهقف جنبك وخلينا مع بعض
حضنتها جميله : كل حاجه هتكون بخير متقلقيش
بدأت رانيا تعيط : انا انسانه زباله اوي سبت اختي للعذاب وحتي لما اتصلت اطمن عليها اتسببت في اذي أكبر ليها ومش قادره اعمل اي حاجه ليها
جميله : صدقيني هييجي الوقت وهتكفري عن اخطائك ومهما كان اختك بتحبك ومش هتكرهك جهزي نفسك بقا عشان رايحين القاهره بكرا
رانيا بفرحه : بجد يعني هتاخديني معاكي وحضنتها
في القصر تحديدا اوضه رهف
كانت ماسكه الفون واتصدمت من دخول شخص عليها من البلكونه ولسه هتصوت ثبتها وكتم بايده صوتها وقرب منها وو
 رواية انا الشريره الفصل الثامن 8بقلم نوران احمد جديده وح…){kind=link}
تعليقات
إرسال تعليق