مجمع الروايات الكامله والحصريه فقط اضغط على اسم الروايه موجوده كامله في موسوعة القصص والروايات جميع الفصول مع البرنس محمد السبكي قصص وروايات كامله يسعدني تواجدكم معنا في المدونه

 

روايه جنه الفهد الفصل 1-2-3-4-5بقلم فاطمه (جديده وحصريه وكامله)

روايه جنه الفهد الفصل 1-2-3-4-5بقلم فاطمه (جديده وحصريه وكامله)

البارت الاول 

بتبدا الروايه بجنه بنت جميله ولطيفه شعرها بنى وطويل وعيونها زرقه زى البحر وبشرتها بيضه زى التلج محجبه معاها كليه هندسه عندها 23 سنه وعليتها 

باباها اسمه محمد 55 سنه راجل كويس وبيحب ولاده جدا 

الام ريهام ست جميله جدا شبه جنه بالظبط عندها 53 سنه 

مصطفى اخو جنه شاب جميل شعره طويل وبنى فاتح وعيونه زرقه وعنده 27 سنه معاه كليه تجاره 

ريم اخت جنه بنت لطيفه عيونها عسلى زى باباها وشعرها اسود وبشرتها حنطيه عندها 21سنه لسه بتدرس صيدله 

............................................................

ريهام..جنه يا جنه قومى بقى يابنتى الساعه بقت عشره كل ده نوم 

جنه..ياماما والنبى بس سبينى شويهه

ريهام.. لأ يلا قومى بلاش كسل وبعدين ابوكى عايزك فى موضوع 

جنه..قامت اتعدلت موضوع ايه ياماما 

ريهام..والله ما اعرف يا بنتى هو قالى روحى قوليلها كده 

جنه..حاضر يا ماما هغير هدومى واجى 

بعد ما جنه غيرت هدومها.......

جنه..خير يا بابا ماما قالتلى انك عايزنى فى حاجه مهمه خير 

الأب/محمد..ان شاء الله خير يابنتى اقعدى بس 

بصى يابنتى فى واحد متقدملك 

جنه..يابابا انا اسفه بس انت عارف انا انا رافضة فكره الجواز دى دلوقتى خالص وبعدين يا ترى مين اللى متقدملى 

محمد.. بصراحه كده يابنتى ياسين هو اللى متقدملك 

جنه..بصدمه ايه اللى انت بتقوله ده يا بابا ياسين ده واحد قليل الادب وتافه وانا بكره جدآ وبعدين هو عايز يتجوزنى عشان ابقى تحت ايده ويكسر كرامتى وانا مستحيل اوافق بكده 

محمد..بس يا بنتي انتى لازم توافقى لأن انا عليا ليه فلوس وهو بيهددنى بيهم وانه لو متجوزكيش هيسجنى 

جنه..بصدمه سجن اى يابابا اللى انت بتتكلم عنه وفلوس ايه 

محمد..انا هحكيلك الموضوع كله يابنتى بصى انا قبل عشر سنين لما انتقلنا من البيت التانى عشان اتحرق فى الحريقه جيت عشان ادور على بيت لما سألت الناس قالولى روح لياسين بيه لما روحت قالى انه موافق يدينى البيت ده واسدد فلوسه لمدة 4سنين ودلوقتى عدى تسع سنين وانا مقدرتش اجمع غير حاجات بسيطه خالص وهو قالى أنى لو مدتهلوش الفلوس هتسجن او يجوزك ومش عايز فلوس 

جنه..تب يا بابا هى الفلوس قد ايه

محمد..بقله حيله2 مليون جنيه وانا مجمعتش غير 500الف 

جنه ..بصدمه كام 2مليون دا انا لو فضلت اشتغل لاخر عمرى مش هجمع ربعهم ودخلت على اوضتها جرى وهى بتعيط ورنت على روان صحبتها 

روان صديقه جنه من الطفوله بنت حلوه ومع سن جنه بنت جميله شعرها اسود وعيونها عسلى جسمها رشيق مش محجبه وعايشه مع امها بس اسمها اسماء  52 سنه 

روان..الو يجنه ازيك يابت يا وحشتيني والله 

جنه..بحزن وعياط ازيك يا روان 

روان..باستغراب اى ده مال صوتك انت بتعيطى فيه ايه اللى حصل احكيلى وحكت جنه على كل حاجه 

جنه..وبي كده ومفيش غير حلين ارجع الفلوس اللى مش عارفه اصلا ممكن اجيبها منين او اتجوزه 

روان..تب بصى انا عندى فكره بس ممكن متعجبكيش 

جنه..تب قولى بس الفكره هو ده وقته 

روان..احنا نستلف الفلوس 

جنه.. فكرت فى كده بس مين اللى هيدينا المبلغ ده كله 

روان..مش انتى قولتيلى قبل كده ان جدك كان عارف واحد مليونير وكان صديقه جدآ وهو كان بيحبك جدا 

جنه.. اه 

روان..خلاص روحى قوليلوا على المشكله وهو اكيد هيديكى الفلوس 

جنه.. تفتكرى ممكن يدينى المبلغ ده كله 

روان ..جربى ياجنه احنا مش هنخسر حاجه 

جنه..تمام انا هروح النهارده الساعه خمسه بس ممكن تيجى معايا عشان مش عايزه اروح لوحدى 

روان..اوى اوى هجيلك ياروحى سلام باى يا قلبى 

جنه..باى يا حبيبتى .............

بعد ما الساعه جت خمسه وجنه لبست وجهزت نفسها 

ريهام..شوفى مين اللى على الباب يا جنه 

جنه..دى هتلاقيها روان يا ماما 

ريهام.. اى ده انتوا رايحين فين 

جنه..مشوار سريع كده ومش هنتأخر 

ريهام..تب خلو بالكوا من نفسكوا 

روان وجنه.. حاضر يا ماما 

وبعد ماجنه وروان راحوا القصر 

روان..بانبهار يا نهار اسود كل ده بيت.بيت ايه بقى ده ولا الجنه 

جنه..يا بت بطلقى نق البيت هيقع ويلا عشان منتاخرش 

روان... يلا 

الحارس..مين انتوا 

جنه... لو سمحت عايزه اقابل جدى احمد 

 الحارس ..تب ثانيه واحده اقوله مين 

جنه..قوله جنه محمد على 

الحارس...اتفضوا من هنا 

احمد..ده بقى صديق جد جنه واحد غنى جدآ جدآ جدآ عنده عنده 79 سنه عنده حفيده 

فهد شاب وسيم عنده 30سنه شعره اسود 

اخت فهد نور بنت جميله جدآ وفى اخر سنه ليها فى الجامعه 

عيونه رمادى جسمه رياضى بشرته سمره حنطيه بيدير شركات جده كلها 

وام فهد امينه ست طيبه مبتحبش المشاكل عندها 51سنه 

وعنده ابنه محمود راجل ملهوش كلمه مراته هى اللى ممشياه 57سنه ومراته سحر عنده 52سنه ست جامده وجاحده مبتحبس غير نفسها وبنتها اهم حاجه عندها الفلوس 

وبنته رحمه بنت خبيثه زى امها بالظبط اهم حاجه عندها الفلوس واللبس..؟..

ونرجع تانى بقى نكمل 

احمد.. اهلا اهلا وحشتينى يابنتى مشفتكيش من لما جدك مات الله يرحمه 

جنه..الله يرحمه 

احمد... كبرتى وحلويتى 

جنه..شكرا يا جدوا  اه صح نسيت اعرفك روان صديقه الطفوله واكتر من اختى 

احمد..اهلا يابنتى 

روان...اهلا بيك يا جدوا 

جنه..لو سمحت يا جدوا كنت عيزاك فى موضوع مهم 

احمد.. بس كده انتى تؤمرى اتفضلى يابنتى 

وحكت جنه كل الموضوع 

جنه...وانا طالبه الفلوس دى وانا اوعدك انى هحاول على قد مقدر ارجعهم 

احمد..وحتى لو مرجعتهمش يا جنه عادى يا حبيبتى بس ياسين اللى بتقولى عليه ده معنى انه يهدد ابوكى عشان يتجوزك معنى كده انه مش هيسيبك حتى لو رجعتى الفلوس  

جنه.. بس هو قال لو رجعتى الفلوس مش هيبقى ليه دعوه بيه وساعتها لو عملى حاجه انا ممكن اشتكيه 

احمد..بصى يا بنتى انا عارف الناس دى كويس مش من الناس اللي ليهم كلمه ثابته والكلام ده  ده ممكن يعمل اى حاجه عشان ياخدك وممكن يعمل فيكى حاجه 

روان..فعلا ياجنه جدك معاه حق لو هو عمل كده فعلا عشان عارف ان ابوكى مش معاه الفلوس فكده هتتجبرى تتجوزيه ولما يعرف انك رجعتى الفلوس ساعتها مش هيبقى فى حاجه يجبرك بيها انك تتجوزيه وممكن يعمل فيكى او فى عيلتك حاجه 

جنه.. تب وانا هعمل ايه دلوقتى 

احمد..*********

جنه.. بصدمه ايه!!!

ياترى الجد قال ايه لجنه خلاها تتصدم 

يجماعه البارت الاول مفيش تفاعل غير قليل وانا بتعب جدآ بجد 

روايه جنه الفهد 

البارت الثانى 

احمد..يا بنتى انتى لازم تتجوزى فهد

جنه..بصدمه اتجوز مين فهد ياجدوا انا جيت مخصوص عشان مش عايزه اتجوز تقوم تقولى اتجوز فهد 

احمد.. لأ انتى جيتى مخصوص عشان مش عايزه تتجوزى ياسين وبعدين هو هيبقى جواز لشهرين بس 

روان..بصى يا جنه انا مقدره موقفك بس بردوا شهرين احسن ما تعيشى عمرك كله عذاب 

جنه..ما هو حتى لو انا وافقت فهد مستحيل يوافق دا ميعرفش شكلى حتى 

احمد..ملكيش دعوه انتى انا عارف ازاى هقنعه كل اللى عليكى انك تقولى لأ هلك عشان هنكتب كتب الكتاب بكره 

جنه.. بالسرعه من دى 

احمد..هو ده الحل الوحيد 

جنه..بحزن تمام ياجدوا يلا يا روان عشان منتاخرش 

روان..يلا 

ونروح عند فهد فى الشركه 

فهد ..يا رحمه لو سمحتى ممكن تجيبى الاوراق اللى محتاجه توقيع 

رحمه..اتفضل يافهد انا عايزه اقولك على حاجه 

فهد...اتفضلى 

رحمه..بتوتر فهد انا بحبك وبحبك اوى كمان ومن زمان وممكن اعمل اى حاجه عشانك 

فهد..ايه اللى انتى بتقوليه دا يارحمه انتى بنتى عمى وزى اختى بالظبط 

رحمه.. لأ انا مش اختك انا امى اسمها سحر وانت امك اسمها امينه وانا ابويا اسمه محمود وانت ابوك اسمه اكرم 

فهد..بعصبيه انا مش قولت ميت مره محدش يجيب اسمه فى حته 

رحمه.. خلاص يافهد انت حر بس فى الاخر هتلف وترجعلى سلام يابن عمي 

فهد..قعد على كرسي وهو بيقول مش قادر انسى اللى هو عملوا فيا انا مستحيل اسامحه  

رن على آدم 

ادم صديق فهد وبيحبه جدآ 

حمزه صديق فهد الثانى 

عمرو صديق فهد الثالث وعنده اخت اسمها مريم 

فهد..ازيك يا ادم اى الاخبار 

ادم..الحمد لله 

فهد.. كنت عايز اقولك خلى بالك من شمس وعلى عشان هما اكيد دلوقتى بيخطتوا لحاجه وحاول تعرف اى معلومات عنهم 

ادم..تمام 

شمس وعلى بيكرهوا فهد جدا وكل هدفهم انهم يدمروه عشان الشغل واسباب تانيه هنعرفها بعدين 

وبعد ما فهد مشى ووصل على القصر 

فهد.. السلام عليكم 

الكل...وعليكم السلام ورحمه الله وبركاته 

ام فهد/سلمى تعالى يابنى اقعد عشان تتعشى 

فهد..والله يا امى مش قادر خالص انا هطلع اغير هدومى وانام 

احمد..قبل ما تنام انا عايزك فى موضوع مهم بس اطلع غير هدومم الاول 

فهد..حاضر يا جدى 

ونروح بقى عند جنه بعد ما روحت البيت 

جنه..حد يفتح الباب يا جماعه 

مصطفى..ثانيه واحده انا جاى اهو....

جنه.. اخلص 

مصطفى..أهلا أهلا كنتى فين يا هانم لحد دلوقتى 

جنه..والنبى يا مصطفى انا مش قادره وبعدين ابعد عشان معايا ضيوف 

مصطفى..ضيوف مين 

جنه..بابتسامه روان 

مصطفى...روان تب اتفضلى اتفضلى مقولتيش انها جايه ليه يا حيوانه 

جنه..تب والله يا مصطفى لو محترمتش نفسك لهكون واخداها ونمشى 

مصطفى..خلاص اقعدى اقعدى 

جنه..ايوا كده ناس مبتجيش غير بالعين الحمرا 

اه صحيح يا مصطفى جمع الكل عشان عيزاهم فى موضوع مهم 

مصطفى..حاضر 

وبعد ما الكل اتجمعو وحكت جنه على كل اللى حصل بينها وبين جدها 

جنه..ها يابابا انت ايه رايك وكله هيبقى على الورق لشهرين بس 

محمد.. اللى انتى عيزاه يا بنتى اعمليه ولو ده لمصلحتك اعمليه 

جنه..وانتى ياماما ايه رايك 

ريهام ..انا مليش راى بعد راى الحاج 

مصطفى..بغضب بس انا بقى اللى مش موافق 

انا مش هجبر اختى تتجوز غصب عنها وكله عشان فلوس ودخل اوضته وقفل الباب

جنه..تب وايه العمل هنقنعه ازاى 

روان..انا هقنعه 

ريم..اه روحي هو هيسمع منك 

مصطفى..انا قولت مش عايز اشوف حد 

روان..حتى لو انا 

مصطفى..فتح الباب بسرعه اسف والله مكنتش أعرف انك انتى اللى واقفه 

روان..وهتفرق 

مصطفى..طبعا اقصد ولا تاخدى فى بالك 

روان..تب هفضل واقفه على الباب 

مصطفى.. لأ طبعا اتفضلى بي متحاوليش تقنعينى بالسخافه دى 

روان..دى مش سخافه دى حيات اختك وهى عملت كده عشان خايفه على نفسها وعليكوا او ياسين يعمل فيها حاجه 

مصطفى..محدش يقدر يلمس شعره من اختى طول ما انا عايش 

روان..بس ده يقدر وبعدين انت بتشتغل عند فهد عمرك شوفت منه حاجه وحشه او انا بيخرج كل يوم مع بنت لو كان كده كان هيبقى معاك حق تقول لأ ودلوقتى آخر سؤال انت موافق ولا لأ 

مصطفى..بتفكير موافق بس اختى لو حصلها حاجه هموتهم كلهم 

روان..اختك ان شاء الله فى ايد امينه ويلا عشان نطلع نقولهم ان انت موافق 

مصطفى..يلا

روان.. خلاص يا جماعه مصطفى موافق 

ريم..الظاهر ان فى هنا ناس بتعرف تقنع اوى 

جنه.. بس بقى ياريم متحرجهمش 

ريهام..ولا احراج ولا حاجه كلنا عارفين انكم واقعين فى بعض بس بتحاولوا تداروا 

روان..ايه ياماما الكلام ده انتوا فاهمين غلط 

ريهام..ولا غلط ولا حاجه اسمعوا انتوا الاتنين كتب كتابكم بعد جواز جنه بشهر 

مصطفى وروان بصدمه شهر...............

ونروح عند فهد بعد ما نزل لجدوا 

فهد..خير يا جدى

احمد ..خير يا بنى انت عارف يا بنى ان انت اللى شايل مسؤليه العيله كلها وكلنا بنثق فيك جدا وعارفين ان احنا اهم حاجه عندك وان انت عمرك ما هترفضلى طلب 

فهد..اكيد طبعا انت بس اؤمر 

احمد..انا عايزك تتجوز 

فهد..جدى انت عارف انى انا عمرى ما هرفضلك طلب وعشان كده انا عايزك تشيل الفكره دى من دماغك خالص لأن انا مش هتجوز 

احمد..يعنى ايه مش هتتجوز انت عايز تعصى اوامرى 

فهد..والله مش قاصدى حاجه ياجدى بس انا شايل الفكره دى من دماغى خالص 

احمد..ده اخر كلام عندى كتب كتابك بكره اه ونسيت اقولك هو هيبقى جواز لشهرين بس 

فهد..جواز ايه اللى بكره وشهرين ايه لأ ده كدا فيه حاجه انت مخبيها يا جدى 

احمد..ملكش دعوه انت بالموضوع ده 

فهد.. لأ انا عايزه اعرف كل حاجه 

احمد..خلاص ماشى وحكاله على كل حاجه وعشان كدا انت لازم تتجوزها اه صحيح ومتعرفش اى حد بالموضوع ده 

فهد..حاضر يا جدى بي جواز لشهرين بس 

ونروح تانى عند جنه 

ريهام.. ايوا هتتجوزوا بعد جنه بشهر ولا ايه يا حاج 

محمد..كلامك مظبوط يا حاجه 

روان..تب انا لازم امشى دلوقتى عشان انا اتاخرت اوى 

ريهام.. لأ يا بنتى متمشيش لوحدك بليل خلى مصطفى يوصلك 

روان.. لأ مفيش مشكله انا هروح لوحدى عادى 

مصطفى..لا مينفعش انا هوصلك يلا 

ريم..يا عينى على النخوه والرجوله 

مصطفى.. انا ماشى عشان لو قعدت انا هرتكب جريمه 

ومشيوا وهما فى الطريق 

مصطفى..ايه رايك فى كلام امى 

روان..كلام ايه 

مصطفى.. الجواز وكده عالفكره انا بعمل كل اللى امى بتقول عليه 

روان..لا والله 

مصطفى..اه والله 

روان ..بقولك ايه هات من الاخر 

مصطفى..تمام انا هجيبلك من الاخر انا بحبك

روان..انت قولت ايه 

مصطفى.. بقولك بحبك وبعشقك وبموت فى امك كمان عشان جابتك ليا وانتى يلا قوليها بقى ابوس ايدك 

روان..بحرج وانا كمان بحبك يا مصطفى 

خدها مصطفى فى حضنه وفضل يلف بيها اخيرا قولتيها وبعد ما استوعب ان هو حاضنها 

نزلها 

مصطفى..انا اسف والله بجد ده من الفرحه 

روان..ولا يهمك بس هو المره دى بس عشان فرحان وكده بس بعد كده لأ 

مصطفى..بكره تبقى تحت ايدى يا جميل 

روان..يلا بقى انا وصلت سلام تصبح على خير 

مصطفى..وانت من اهلى 

ونروح عند رحمه وامها 

سحر..دخلت ولقت بنتها عماله تعيط على اخرها 

سحر...مالك يا حبيبتى فى ايه 

رحمه..يا ماما انتى عارفه ان انا بحب فهد صح 

سحر..اه وايه الجديد ما انا عارفه من زمان 

رحمه..الجديد ان انا قولتله انى بحبه 

سحر..انتى اتجننتى يا بت قولتيله انك بتحبيه 

ويترى قالك ايه 

رحمه.. قالى ان هو بيعتبرنى اختوا 

سحر..ما هو لازم يقولك كده عشان انتى واحده هبله 

رحمه..يعنى انا بقولك عشان تتريقى عليا 

سحر..لا يا حبيبتى بس انتى غلطتى لما عملتى كده 

رحمه..عارفه انى غلطانه بي انا هعمل ايه دلوقتى 

سحر..ملكيش دعوه انتى انا هتصرف 

*************************************يا ترى سحر هتعمل ايه عشان بنتها 

وياسين هيعمل ايه لما يعرف ان جنه هتتجوز 

ويترى فهد هيتقبل جنه ولا لأ 

وشمس وعلى هيخخطوا لايه

*************************************

ازيكم يا شباب انا اسفه جدآ لأنى اتاخرت ونكمل بقى 

روايه جنه الفهد 

بارت 3

*************************************

ونيجى بقى لتانى يوم 

ريهام..ياجنه يابت يا جنه 

جنه..نعم يا ماما هو مفيش يوم انام فيه براحتى 

ريهام..بت انتى هو انتى ناسيه ان النهارده كتب كتابك 

جنه.. لأ يا ماما مش ناسيه بس ده لسه باليل 

ريهام..تب بصى بقى جدك باعتلك هديه 

جنه..قامت بسرعه بجد ياماما فيها ايه 

ريهام..دلوقتى قمتى مش عارفه والله 

جنه..قامت تجرى على الهديه وفتحتها ولقت فيها فستان اوف وايت ضيق من عند الخصر وواسع من تحت وجزمه بيضاء وطرحه اوف وايت وعقد شكله غالي جدا 

ريم..يا بنت المحظوظه ده تحفه 

جنه..بفرحه ده جميل جدا 

ريم.. فعلاً 

جنه..مره واحده بحزن كان نفسى البسه وانا بتجوز واحد بحبه 

ريم..ان شاء الله يروحى خير 

ريهام..يلا يا بنات عشان تفطروا 

جنه..حاضر يا ماما جايين 

ونروح عند فهد وهما قاعدين بيفطروا 

الجد/احمد..ان شاء الله على الساعه خمسه كله يجهز نفسه 

محمود..خير يا بابا فيه ايه 

احمد..خير ان شاء الله اصل كتب كتاب فهد النهارده 

رحمه وسحر بصدمه..ايه كتب كتاب 

احمد..ايه عندكوا مانع 

رحمه..بس هو قالى انه مبيفكرش فى الجواز فكرت فيه من يوم وليله 

فهد..اه فكرت اصلى بصراحه كده شوفتها امبارح وانا راجع من الشغل وعجبتنى زى ما تقولى كده حب من اول نظره واتقدمتلها ووافقوا 

رحمه..ما طبعا لازم يوافقوا ما هما جايلهم عريس غنى ومعاه فلوس وهيغير عشيتهم خالص 

احمد..رحمه احترمى نفسك انتى زودتيها اوى 

رحمه.. انا قولتلك امبارح انى بحبك وانت يا جدى فضلت البنت دى عن حفيدتك 

احمد..اكيد انا بحبك انتى يارحمه يابنتى بس فهد عايزها هيا وانا مش هجبره وده اخر كلام عندى وتكونوا جاهزين الساعه 5 اللى عايز يجي يا اهلا وسهلا واللي مش عايز هو حر 

سحر..عيزاك فى موضوع يا محمود 

محمود..جاى وراكى 

سحر.. ادخل واقفل الباب........عاجبك اللى ابوك عمله ده 

محمود..طب وانا كنت هعمل ايه يعنى 

سحر..انت طول عمرك كده وهتفضل كده دايما بتخاف من ابوك بس انا لأ انت معرفتش تعمل انا هعمل ومش هخلى قلب بنتى يتكسر عشان خاطر واحده زى دى 

محمود..انتى حره اعملى اللى تعمليه انتى وبنتك انا مليش دعوه انا اصلا زهقت منك وسابها وطلع 

عند فهد 

سلمى..الف مبروك يا بنى جنه كويسه وانا عرفاها ومحترمه جدآ خلى بالك منها ومتزعلهاش 

فهد..ان شاء الله يا امى لكن مين اللى قالك على العروسه انا مقلتش اسمها 

سلمى..جدك يابنى اللى قالى امبارح وقالى ان انت بتحبها 

فهد..اه حاضر يا امى هحطها فى عنيا 

نور..الف مبروك يا جماعه اخويا هيبقى عريس 

عايزه بقى مرات اخويا تتشطر كده وتجبلى بنوته العب بيها 

فهد..امشى يا بت انتى من هنا 

نور..تب متزقش طيب 

فهد..تب يلا سلام بقى يا امى عشان الحق اروح الشركه اخلص اللى ورايا واجى 

سلمى..طيب يابنى 

فى الشركه بتاع فهد 

عمرو.. مالك يا فهد عمال تجرى في الشغل كده ليه 

حمزه..مش عارف والله يابنى ماله ده دا أجل الاجتماعات كلها بردوا 

ادم..جرى ايه يا فهد لو انت وراك مشوار ولا حاجه اعمله بدالك 

فهد.. اه اصل انا عقبال عندكم عندى كتب كتاب النهارده 

ادم..كتب كتاب مين اللي انت مهتم بيه اوى كده 

فهد.. لأ انتوا فهمتوا غلط اصل ده كتب كتابى انا اصل انا هتجوز 

الكل بصدمه..تتجوز 

فهد..اه هتجوز والنهارده كمان متنسوش تيجوا بقى 

ادم..انا مش فاهم حاجه 

فهد..تمام انا هفهمكم وحكى كل حاجه 

ادم..عارف يا فهد انت اخر واحد ممكن كنت اتوقع انه يتجوز اصلا دا كان من سابع المستحيلات 

حمزه..تب وهو ده حاجه غريبه على فهد هو دايما فهد ما بيعملش غير المستحيلات 

فهد..عارف ياض يا حمزه انت الوحيد اللي فاهمنى 

حمزه..حبيبى والله 

عمرو..انتوا لسه هتحبوا فى بعض يابنى انتوا هتمشوا الساعه 5 والساعه دلوقتى 3 وانت لسه مجهزتش ولا حتى احنا جهزنا 

ادم..معاك حق يلا عشان نلبس ونشرفك يا فهد 

فهد..بضحك ربنا يستر 

ونروح بقى عند جنه 

روان..يا جنه افتحى الباب 

جنه..حاضر جايه اهو 

روان.. بصدمه ينهار ابيض انتى لسه ملبستيش 

جنه..لسه بدرى 

روان بدرى من عمرك ياختى يلا قدامى 

ونروح عند شمس وكرم 

شمس..بقى فهد هيتجوز 

كرم..يا ترى من سعيده الحظ 

شمس..انا قولت لحد وهو هيجبلنا كل المعلومات عن الجواز ده 

التلفون بيرن 

شمس..الو ايه الاخبار 

مجهول..انا جبت شويه معلومات ممكن يفيدوكم فى حاجه 

شمس..انت لسه هترغى اتكلم يلا 

مجهول ..كل اللى اعرفه انه هيتجوز بنت اسمها جنه وان جد البنت دى كان صديق لأحمد بيه وان البنت دى جات لأحمد بيه امبارح بس مش عارف ليه الصراحه بس فى واحد اسمه ياسين بيحب جنه دى وكان عايز يتجوزها بس هى مرديتش عشان اصلا كان بيهددها انه هيسجن ابوها عشان عليه فلوس 

شمس..تمام اوى تعرف فين مكان ياسين ده 

مجهول ..اه العنوان هو********

شمس..طيب وقفلت المكالمه 

كرم..فيه ايه 

شمس..قالتله كل حاجه 

كرم..تب وانت جبتى عنوانه ليه وهتعملى ايه 

شمس*********

************************************

ياترى

شمس بتخطط لايه وخدت عنوان ياسين ليه 

وسحر هتعمل ايه مع جنه 

عايزه تفاعل والنبى بقى يجماعه ♥️

بارت 4

روايه جنه الفهد 

____-----_"__•°•_"__------_____

بعد ما الكل جهز 

احمد..يلا يا فهد يابنى انا وانت هنروح بعربيه وهناخد معانا المأذون وامك واختك فى العربيه وعمك ومراته وبنته يجو فى عربيه 

سلمى..حاضر بس احنا هنيجى وراكوا عشان ريم لسه بتجهز 

احمد..بس متتاخروش 

ونروح عند شمس وكرم بعد ما راحوا لياسين 

الحارس..ياسين  ناس بيقولوا انهم عايزينك فى موضوع مهم 

ياسين..ناس مين 

الحارس..مش عارف والله يا ياسين بيه 

ياسين..طب دخلهم 

كرم..اهلا اهلا ياسين اكيد متعرفش مين انا 

ياسين.. لأ بصراحه محصليش الشرف 

شمس..انا اعرفك***

ياسين..بصدمه يعنى جنه دلوقتى هتتجوز 

شمس..اه بس انا ممكن اخليك انت بقى اللى تتجوزها بدل فهد ده 

ياسين..ازاى 

شمس..بمكر******

نروح عند جنه 

روان..بسم الله ما شاء الله عليكى زى القمر الف مبروك ياروح قلبى 

جنه..الله يبارك فيكى يا حبيبتي عقبالك ان شاء الله 

ريهام..افتح الباب يا مصطفى هتلاقيهم وصلوا 

مصطفى..حاضر يا ماما 

احمد..السلام عليكم 

محمد..وعليكم السلام ورحمه الله وبركاته 

احمد..ازيك يابنى ايه اخبارك 

محمد..الحمد لله اتفضلوا اتفضلوا 

جنه..امال فين عروستنا القمر 

محمد..جايه اهيه اندهلها يا مصطفى 

مصطفى..حاضر يا بابا 

اول ما مصطفى دخل الاوضه 

مصطفى..بسم الله ما شاء الله انا دخلت الجنه ولا ايه تلات بنات ولا النجوم اللى فى السماء 

ايه كل الجمال ده 

جنه..بضحك قاصدك روان هيا اللى نجمه من السماء 

مصطفى..ده روان دى قمر وعسل وسكر وكل حاجه حلوه فى الدنيا 

روان.. ووشها بقى احمر بطل بقى 

مصطفى..ايه الجمال ده يا جدعان 

جنه.. لأ بصوا انا سيباكوا وماشيه انا واحده عندى جفاف عاطفى 

مصطفى..اه صحيح بابا بعتنى عشان اندهلك عشان الضيوف وصلوا 

جنه..حاضر 

احمد..بسم الله ما شاء الله 

ولسه فهد بيلف وشه لقى كتلة من الجمال واقفه قدامه فضل مركز معاها وهو مش واخد باله 

عمر..ياض هتفضحنا ركز هنا 

فهد..بتوتر انا بس كنت بشوف شكلها 

عمر..دا انت هتاكلها بعينك ولسه عمر بيتكلم لقى ريم طالعه ينهار اسود لأ كده العيله دى هتجننا 

فهد..شكلك وقعت يا جامد 

عمر..ياعم ما هو احنا مش هنسيب الدهب ونروح للفضه 

فهد..طيب يا خويا 

احمد..تب يلا يا بنى عشان نكتب الكتاب 

فهد..بس ياجدى امى وريم لسه موصلوش 

احمد..هما اتاخروا ليه كده 

مصطفى..ثانيه الباب بيخبط 

محمود.. السلام عليكم 

مصطفى..عليكم السلام 

سحر..هنفضل واقفين على الباب كتيير 

ريهام.. لأ لأ اتفضلوا 

احمد.. تعالى يا جنه اقعدى جنب جوزك 

جنه..بحرج حاضر يا جدى 

رحمه..بغيره وهى بتسلم على فهد الف مبروك يافهد وهى بتسلم على جنه وبتحضنها وبتهمس فى ودنها مش هخليكى تتهنى لحظه بيه 

جنه..بصوت مليان ثقه الله يبارك فيكى ياحبيبتى عقبالك كده ان شاء الله ومسكت ايد فهد ربنا يخليك يا حبيبى 

فهد..باستغراب حبيبى بس فهم انها بتمثل عشان رحمه 

فهد..ويخليكى ليا يا حبيبتى 

احمد.. لأ كده كتيير رن على امك ولا اختك يابنى شوفهم اتاخروا ليه 

فهد..حاضر يا جدى،،،،،،،،ما فيش حد بيرد ياجدى 

فضل فهد يرن كتيير محدش بيرد 

مره واحده لقى التلفون بيرن برقم غريب 

فهد..الو مين معايا 

مجهول..مش لازم تعرف المهم اكيد بالك مشغول على امك واختك بس ماتخافش هما معايا 

فهد.. بصدمه انت مين وعايز ايه 

مجهول.. ما قولتلك مش مهم لكن عايز ايه عايزك تجيلى انت وتجبلى جنه معاك ولو شيطانك وزك ومعملتش اللى قولتلك عليه مش هتشوفهم تانى 

فهد..بعصبيه اقسم بالله لو جرى لحد فيهم حاجه لأكون قاتلك 

مجهول..اعمل اللى قولتلك عليه وقفل الخط 

احمد..فيه اى يا بنى 

فهد بعصبيه..امى وريم اتخطفوا 

الكل بصدمه..اتخطفوا 

احمد..مين اللى خطفهم 

فهد..مش عارف 

احمد..تب وهو عايز ايه يا بنى 

فهد..مش عارف بس هو بعتلى العنوان وجنه هى اللى هتيجى معايا 

جنه..بصدمه انا 

فهد..بدون نقاش يلا ورايا 

حمزه..وانا هاجى معاك 

فهد.. لأ عشان هو قال متجبش حد معاك غير جنه انت وادم تعالوا ورايا وانت يا عمر خليك هنا انت ومصطفى عشان لو حصل حاجه 

محمد..خلى بالك من بنتى يا بنى 

فهد..ان شاء الله

___________________________________

ياترى مين اللى خطف سلمى وريم وناوى على ايه 

وفهد هيعمل ايه عشان يرجع امه واخته 

واللى خطف سلمى وريم عايز جنه ليه 

___________________________________

عايزه تفاعل يا جماعه عشان متاخرش فى بارت 5

روايه جنه الفهد 

بارت 5

____________________________

بعد ما فهد وجنه ركبوا العربيه 

جنه..انا عارفه مين اللى عمل كده 

فهد..انا عارف ان ياسين هو اللى عمل كده عشان يتجوزك هو بس انا مش هسمحله يأذيكى لان جدى هو اللى موصينى انى احافظ عليكى بس انتى اى حاجه اقولها تسمعى الكلام 

جنه.. حاضر انا بس مش عايزه اكون السبب ان عيلتك تتأذى 

وبعد ما وصلوا على المكان 

فهد..انزلى 

جنه..نزلت من العربيه وهى مرعوبه 

الحارس.. فتشوهم 

الحارس فتش فهد وجه عند جنه 

فهد..اياك تلمسها او اقسم بالله اكسرلك ايدك 

الحارس ساب جنه وخدهم عند ياسين 

ياسين..اهلا ومرحبا بكم نورتوا والله 

فهد..بجمود فين امى واختى 

ياسين.. لأ استنى كده ازعل منك اوى مش معقول متشربش حاجه 

فهد..وهو يتمالك اعصابه عايز ايه هات من الاخر 

ياسين.. تعجبني ثقتك الحلوه دى انا بقى عايز اتجوز جنه وحالا 

فهد وجنه بصدمه..ايه 

فهد..بس جنه المفروض مراتى 

ياسين..بصوت عالى لأ لسه مش مراتك يا هيا ياما امك واختك 

فهد..بكسره امى واختى 

جنه.. بصدمه وبكاء انت وعدتنى انك هتدافع عنى وعدتنى انك مش هتخليه يأذينى 

فهد..بس امى واختى اهم 

ياسين..هو ده اللى انتى كنتى هتتجوزيه اهو سابك من اول مشكله هو احسن منى فى ايه 

جنه..انتوا كلكوا زباله وصنف واحد انا مش هسامحكم حسبى الله ونعم الوكيل فيكم كلكم 

ياسين..هات يابنى المأذون 

الحارس.. هو جاى فى الطريق يا بيه 

فهد..انا عايز اشوف امى واختى الاول 

ياسين..حقك طبعاً هات يابنى الناس اللى جوا 

سلمى..الحقنى يا بنى مين دول وعايزين ايه 

فهد..وهو خايف على امه فكها 

ياسين..مش قبل ما اكون كاتب على جنه 

سلمى..ايه اللى هو بيقوله ده يا فهد يكتب على جنه 

ياسين..اقفل بؤها يابنى مش عايزين وجع دماغ 

فهد..كان لسه هيضربه 

الحارس..ياسين بيه المأذون وصل 

ياسين.. دخله بسرعه يابنى 

جنه..بصدمه فى سرها ادم 

ادم.. السلام عليكم 

ياسين..عليكم السلام يا شيخنا العروسه موجوده وموافقه كمان ولا ايه رايك 

فهد..بهمس لجنه ثقى فيا وروحى 

ادم..هات ايدك يابنى هاتى ايدك يا عروسه 

ولسه ادم بيدخل ايده عشان يطلع المنديل طلع مسدس ورفعه على ياسين 

ياسين..انت اتجننت ولا ايه نزل السلاح 

الحراس نزل المسدس 

ادم.. لأ انتوا اللى تنزلوا المسدسات دى بدل ما افجر دماغه ولا ايه يياسين بيه 

ياسين.. نزلوا المسدسات 

فهد راح عشان يفك امه واخته 

فهد..انتى كويسه يا امى 

سلمى..انا بخير يا حبيبي 

ولسه بيفك نور لقى واحد ماسك المسدس وحاطه على جنه 

الحارس.. سيبوا ياسين بيه هنسيب جنه 

فهد.. وهو بيقرب عليه وبحركه واحده خد منه المسدس وضربه بيه 

جنه.. يلا بسرعه عشان نمشى 

كرم..وهو ماسك مسدس وحاطه على راس ادم مش بالسرعه دى يا فهد بيه 

فهد..كرم 

كرم..بضحك مفجأه حلوه صح 

ودلوقتى يا استاذ ادم سيب المسدس بدل ما افجر نفوخك انت 

ادم رمى المسدس على الارض 

جنه.. من ورى كرم مسكت حديده وخبطته على دماغه 

كرم..وهو بيحط ايده على دماغه ومره واحده وقع فى الارض 

فهد.. راح فك نور بسرعه وادم خد المسدس من على الأرض وكلهم لسه ماشين ياسين خد المسدس من كرم وراح ضارب بيه طلقه جت فى الهوا 

ياسين..اى حركه هكون مخلص عليكوا وجم حراس ياسين من ورا حاصروا فهد واللى معاه 

ايمن..مش بالسرعه دى يا ياسين بيه 

فهد..بستغراب ايمن 

ايمن زميل فهد وهو شغال ضابط 

ايمن..سلم نفسك انت وهو 

كله رمى السلاح على الارض وقبضوا عليهم 

ايمن.. سلم نفسك يا ياسين 

ياسين.. لأ انا لازم اقتله ولسه هيضرب لقى رصاصه جت فى ايده 

واتقبض عليه 

فهد.. شكراً يا ايمن 

ايمن..يا عم دا واجبى 

فهد..بس مين اللى قالك 

ايمن..حمزه هو اللى رن عليا 

فهد..انت دخلت ازاى كده ياادم 

ادم.. واحنا جايين فى الطريق شفنا عربيه ماشيه فى نفس الطريق بالظبط فحصرناها ونزلنا اللى فيها وعرفنا من الحارس اللى كان راكب فيها ان ياسين عايز يتجوز جنه فلبست لبس الشيخ وحمزه خد الشيخ عشان يرجعه بيته تانى وانا جيت على هنا انا والرجاله 

ولسه ماشين نور بتقع على الارض 

ادم..مالك يا نور فى ايه 

نور... ببكاء رجلى بتوجعنى اوى 

ادم..شالها وحطها فى العربيه 

فهد..ياض انت بتشيل اختى قدامى 

ادم..الحب بقى يا عم فهد 

فهد..حب ايه اقسم بالله لو قربتلها لاقتلك 

ادم..خلاص اهدى بس كده انا ماشى يلا سلام 

فهد..يلا يا ماما روحى انتى مع ادم ونور وانا هجى انا وجنه 

سلمى..حاضر يابنى خلوا بالكوا من نفسكوا 

وركبوا العربيه وهما فى الطريق فهد كل شويه بيبص على جنه مره واحده لقاها بتعيط 

فهد.. وقف العربيه مالك ياجنه فى ايه 

جنه..ببكاء انا اسفه انى ظلمتك وفكرتك هتسبنى ولانى انا السبب فى ده كلوا 

فهد..انا وعدت جدى انى هحميكى انا عملت كده عشان كنت مستنى لما ادم يجى او حمزه عشان لما اعمل حاجه او لو جرالى حاجه يكونوا هما موجدين فيحموكوا لو جرالى حاجه

فهد..ومسك وشها ومسح دموعها خلاص بقى بطلى عياط 

وبعد ما وصلوا على البيت 

احمد..بقلق انتوا بخير يا ولاد 

نور.. احنا بخير يا جدى بي عايزه اقعد عشان رجلى بتوجعنى 

شويه وفهد وجنه وصلوا 

محمد..انتى بخير يا بنتى 

جنه انا بخير يا بابا متخفش

ريهام..حضنت جنه الحمد لله انك بخير 

احمد..يلا بقى عشان كتب الكتاب 

قعد جنه وفهد 

الشيخ..بارك الله لكما وبارك عليكما وجمع بينكما فى خير 

سلمى..الف مبروك يا بنتى انتى من هنا ورايح هتقوليلى ماما 

جنه بحب..حاضر يا ماما 

نور بمرح.. اخيرا هيبقى عندى مرات اخ بصى بقى يا جنه انا عيزاكى تتجننيه كدا 

جنه..بحرج طبعاً 

فهد..فى سره والنبى انتى مجننانى من دلوقتى 

ريهام..انا هقوم اجيب العصير 

سحر..بمكر لأ خليكى قاعده انا ورحمه هنجيبوا دا انتى بقيتى زى اختى وتعبتى طول النهار صح يا رحمه 

رحمه..طبعا ياماما المطبخ من فين يا خالتى 

ريهام..هتلاقيه على اليمين هنا 

سحر..بخبث حاضر 

سحر.. بسرعه هاتى الكيس اللى معاكى بسرعه 

رحمه..اهو ياماما من هنا ورايح فهد هيبقى ليا لوحدى وبس 

******مظنش كدا ابدا 

رحمه وسحر بصدمه*****

_____________________________________

يا ترى سحر ورحمه حطوا ايه فى كوبايه جنه 

ومين اللى شافهم وهيعمل ايه 

_____________________________________

تكملة الرواية من هناااااااا

لمتابعة باقي الروايه زورو قناتنا علي التليجرام من هناااااااااا

بدل ماتدور وتبحث علي الروايات عمل 

متابعه لصفحتنا على فيس بوك هنااااااااااا

الرواية كامله من هناااااااااا

مجمع الروايات الكامله اضغط هناااااااا